01

དཔེ་ཡི་སྒོ་ནས་དོན་གསལ་བར་སྟོན་པའི་རིགས།

ཀོ་གྱོང་ལག་མཉེས། མི་ངན་པ་བཅོས་ཐབས་མེད་པའི་གནས་སུ་གྱུར་པའི་དཔེ།
དཀར་ལྷབ་ནག་འཚུབ། དགའ་སྡང་འཕར་ཁ་ཆེ་བའི་དཔེ།
ཀླད་མེད་མགོ་འཁོར། རྨོངས་པའི་དབང་དུ་གྱུར་པའི་དཔེ།
སྐྱ་མིན་སེར་མིན། ཡ་མ་ཟུང་གི་དཔེ།
རྐང་རྗེས་ལག་བསུབས། སྔོན་གྱི་བྱས་རྗེས་བཟང་པོ་དག་རྗེས་ཀྱི་སྦྱོར་བ་ངན་པས་བརླགས་པར་གྱུར་པའི་དཔེ།
རྐྱེན་ངན་གྲོགས་ཤར། གེགས་བར་ཆད་ནི་འདོད་དོན་འགྲུབ་བྱེད་ཀྱི་མཐུན་རྐྱེན་དུ་འགྱུར་བའི་དཔེ།
སྐུད་སྣེ་ཁབ་ཁྲིད། འགྱུར་ཚུལ་དང་བསྟུན་ནས་གང་འོས་ཀྱི་ལམ་དུ་འཇུག་པའི་དཔེ།
སྐོམ་པ་ཆུ་འདོད། རེ་བ་ཆེས་ཆེ་བའི་དཔེ།
སྐྱ་ཟད་སྔོ་རྡུགས། བཟའ་བ་རྙིང་བ་ཚར་ཞིང་གསར་བ་རྗེས་མི་ཆོད་པ་སྟེ། བར་ཆད་བྱུང་བའི་དཔེ།
རྐང་སྣེ་རྡོ་ཐོགས། སྡིག་ཐུན་ཉོས་པའི་དཔེ།
ཀླད་མེད་ཕུགས་ཆུང་། འདང་རྒྱག་མི་ཤེས་ཤིང་ཕྱི་བལྟས་ཐུང་བའི་དཔེ།
སྐྱིད་ཀྱི་སྡུག་ཉོས། མར་གྱིས་ཚིལ་ཉོས། ཁེ་ཕན་ཚུར་ལོན་པ་ཕར་ཤོར་བའི་ཁ་མི་སྐོང་བའི་དཔེ།
སྐར་མ་ཕར་བསྐྱལ། ཉི་མ་ཚུར་བསུ། ཉིན་མཚན་སྦྲེལ་ནས་འབད་པའི་དཔེ།
སྐར་མ་ཞྭ་བྱེད། བ་མོ་ལྷམ་བྱེད། སྔ་ལངས་འཕྱིས་ཉལ་ཕྱི་རོལ་དུ་ལས་ལ་འབད་པའི་དཔེ།
བརྐྱངས་ན་མདའ་ཉན། བཀུག་ན་གཞུ་ཉན། ལས་གང་སྒྲུབ་པར་མཐུན་རྐྱེན་དང་ཕྲད་ཚེ་འདུན་པ་བསྐྱེད་ཐུབ་པ་དང་། འགལ་རྐྱེན་དང་ཕྲད་ཚེ་བཟོད་པ་སྒོམ་ཐུབ་པའི་དཔེ།

 


མུ་མཐུད།   >>

WordPress Lightbox