ཚིག་ཕྲད།

ཚིག་ཕྲད།

དང་པོ། ཕྲད་གཞན་དབང་ཅན་རྣམ་དབྱེ་དང་བཅས་པ་བརྒྱད་བཤད་པ།

༡༽ སླར་བསྡུ།

རྩ་ཚིག
གོ་ངོ་དོ་ནོ་བོ་མོ་འོ། །
རོ་ལོ་སོ་ཏོ་སླར་བསྡུ་ཏེ། །
རྫོགས་ཚིག་ཟླ་སྡུད་ཅེས་ཀྱང་བྱ། །
དྲག་ཡོད་ཏོ་དང་མཐའ་མེད་འོ། །
གཞན་རྣམས་མིང་མཐའི་རྗེས་མཐུན་སྦྱར། །

གོ་དོན།

༡། སྐབས་བབ་ཀྱི་བརྗོད་བྱའི་དོན་དེ་ཙམ་གྱི་རེ་ཞིག་མཇུག་བསྡུ་བར་སྟོན་པའི་ཕྲད་ལ་སླར་བསྡུ་ཟེར།
༢། བཤད་རྒྱུའི་དོན་དེ་ཙམ་གྱིས་རྫོགས་པར་སྟོན་པས་རྫོགས་ཚིག་ཟེར།
༣། སྐབས་ཐོབ་ཀྱི་མིང་ཚིག་གང་ཡིན་གྱི་ཟླ་བོ་སྡུད་པར་སོང་བས་ཟླ་སྡུད་ཟེར།

སླར་བསྡུའི་རེའུ་མིག

སྒྲ་སྦྱོར།

རྗེས་འཇུག ཕྲད། དཔེར་བརྗོད།

ང།
ད།
ན།
བ།
མ།
འ།
ར།
ལ།
ས།
ད་དྲག
མཐའ་མེད།
གོ།
ངོ་།
དོ།
ནོ།
བོ།
མོ།
འོ།
རོ།
ལོ།
སོ།
ཏོ།
འོ།
སྤྱང་གི་འདུག་གོ། །
དེས་མཆོང་ངོ་། །
ངས་བསད་དོ། །
གསོད་མཁན་ང་ཡིན་ནོ། །
ངས་ཐུབ་བོ། །
དོན་དེ་བསམ་མོ། །
རབ་ཏུ་དགའོ། །
སྲོག་ལས་ཐར་རོ། །
ཉེན་ཁ་ལས་གྲོལ་ལོ། །
རྒྱ་དམར་བོད་ལ་བསླེབས་སོ། །
བླ་མས་ཆོས་བསྟནད་ཏོ། །
ཡོན་ཏན་མཆོག་ཏུ་གྱུར་པའོ། །

༢༽ ལ་དོན།

རྩ་ཚིག
སུ་ར་རུ་དུ་ན་ལ་ཏུ། །
ལ་དོན་རྣམ་པ་བདུན་ཡིན་ཏེ། །
རྣམ་དབྱེ་གཉིས་བཞི་བདུན་པ་དང་། །
དེ་ཉིད་ཚེ་སྐབས་རྣམས་ལ་འཇུག །
ས་སུ་ག་བ་དྲག་མཐར་ཏུ། །
ང་ད་ན་མ་ར་ལ་དུ། །
འ་དང་མཐའ་མེད་ར་དང་རུ། །

གོ་དོན། སུ་ལ་སོགས་པའི་ཕྲད་བདུན་པོ་དེ་རྣམས་རྣམ་དབྱེར་སྦྱར་བས་བརྗོད་བྱའི་དོན་སྟོན་སྟངས་ཕལ་ཆེར་ལའི་སྒྲ་དང་མཐུན་པ་ན་ལ་དོན་ནམ་ལ་སྒྲ་ཟེར།

ལ་དོན་གྱི་སྒྲ་སྦྱོར་དང་དོན་སྦྱོར་གྱི་རེའུ་མིག

སྒྲ་སྦྱོར།


དོན་སྦྱོར།


རྗེས་འཇུག ཕྲད། འཇུག་ཡུལ། དཔེར་བརྗོད།
ས་
ག་བ་ད་དྲག།
ང་ད་ན་མ་ར་ལ།
འ་དང་མཐའ་མེད་གང་རུང་།
སུ།
ཏུ།
དུ།
ར་ /རུ།
ན་/ ལ།
༡། རྣམ་དབྱེ་གཉིས་པ་ལ་འཇུག་པ།
༢། རྣམ་དབྱེ་བཞི་པ་ལ་འཇུག་པ།
༣། རྣམ་དབྱེ་བདུན་པ་ལ་འཇུག་པ།
༤། དེ་ཉིད་ལ་འཇུག་པ།
༥། ཚེ་སྐབས་ལ་འཇུག་པ།
བཀྲ་ཤིས་སློབ་གྲྭར་ཕྱིན་སོང་།
བཀྲ་ཤིས་བོད་ཡིག་སྦྱང་དུ་ཕྱིན།
བཀྲ་ཤིས་ལ་སྨྱུག་གུ་མང་པོ་འདུག
བཀྲ་ཤིས་ཀྱི་བོད་ཡིག་གནས་ཚད་ཡག་ཏུ་ཕྱིན།
ས་རུབ་པ་ན་བཀྲ་ཤིས་གཉིད་ཉལ།

རྣམ་དབྱེ་གཉིས་པ་དང་བཞི་པའི་ཁྱད་པར།
རྣམ་དབྱེ་གཉིས་པ་ནི་བྱ་བའི་ཡུལ་ལ་བྱ་བ་བྱས་པ་ཙམ་སྟོན་པ་ཡིན་ལ། རྣམ་དབྱེ་བཞི་པའི་སྐབས་བྱ་བ་དེ་དགོས་པ་ཞིག་གི་ཆེད་དུ་ཡིན་པ་བསྟན་དགོས།

རྣམ་དབྱེ་གཉིས་པ་དང་དེ་ཉིད་ཀྱི་ཁྱད་པར།
རྣམ་དབྱེ་གཉིས་པའི་སྐབས་བྱ་བའི་ཡུལ་དང་བྱ་བ་གཉིས་སོ་སོར་བསྟན་རྒྱུ་ཡོད་ཀྱང་། དེ་ཉིད་སྐབས་དེ་གཉིས་སོ་སོར་འབྱེད་རྒྱུ་མེད།

རྣམ་དབྱེ་བདུན་པ་རྟེན་གནས་དང་ཚེ་སྐབས་ཀྱི་ཁྱད་པར།
རྣམ་དབྱེ་བདུན་པ་རྟེན་གནས་ནི་རྟེན་སའི་གཞི་ཡུལ་ལ་བརྟེན་པ་དང་། ཚེ་སྐབས་ནི་རྟེན་སའི་གཞི་དུས་ཚོད་ལ་བརྟེན་པ་ཡིན།

༣༽ ཨི་ལྡན།

རྩ་ཚིག
གི་ཀྱི་གྱི་འི་ཡི་ལྔ་པོ། །
རྣམ་དབྱེ་དྲུག་པ་འབྲེལ་སྒྲ་དང། །
དེ་རྣམས་ས་མཐའ་ཅན་ལྔ་ནི། །
རྣམ་དབྱེ་གསུམ་པ་བྱེད་སྒྲ་སྟེ། །
སྦྱོར་ཚུལ་ན་མ་ར་ལ་གྱི། །
ད་བ་ས་ཀྱི་ག་ང་གི། །
འ་དང་མཐའ་མེད་འི་དང་ཡི། །

གོ་དོན། ཨི་ལྡན་ཞེས་པ་ནི་ས་མཐའ་ཡོད་མེད་ལ་མ་ལྟོས་པར་གི་ཀྱི་གྱི་འི་ཡི་ལྔ་པོ་དེ་རྣམས་ལ་དབྱངས་ཨི་སྟེ་གི་གུ་ཞུགས་ཡོད་པས་ཨི་ལྡན་ཟེར།

༡། རྣམ་དབྱེ་གསུམ་པ་བྱེད་སྒྲ། (བྱེད་པ་པོས་ལས་ཀ་ཞིག་བྱེད་པ།)

བྱེད་སྒྲའི་སྒྲ་སྦྱོར་དང་དོན་སྦྱོར་གྱི་རེའུ་མིག

སྒྲ་སྦྱོར།


དོན་སྦྱོར།


རྗེས་འཇུག ཕྲད། འཇུག་ཡུལ། དཔེར་བརྗོད།
ན་མ་ར་ལ།
ད་བ་ས།
ག་ང་།
འ་དང་མཐའ་མེད།
གྱིས།
ཀྱིས།
གིས།
འིས་/ཡིས།
༡། བྱ་བ་ཉེ་བ་བྱས་པ།
༢། བྱ་བ་འགྱངས་བར་བྱས་པ།
བཀྲ་ཤིས་ཀྱིས་བྲིས།
བཀྲ་ཤིས་ཀྱིས་དུས་ཡུན་རིང་མོ་ཞིག་གི་རྗེས་དེབ་མཐུག་པོ་གཅིག་གི་ནང་དུ་རང་གི་འཆར་སྒོ་རྣམས་གསལ་པོར་བྲིས།

བྱེད་སྒྲ་མིན་པ་འཇུག་ཡུལ་གཞན།

༡། རྗེས་མཐུན་ལ་འཇུག་པ། མཐོ་གང་གིས་རིང་ལྟ་བུ།
༢། རྒྱུ་མཚན་སྟོན་པར་འཇུག་པ། ཉི་མ་ཤར་བས་མུན་པ་ཡལ། དུ་བ་མཐོང་བས་མེ་ཡོད་པར་ཤེས་ལྟ་བུ།
༣། ངང་ཚུལ་སྟོན་པར་འཇུག་པ། ངང་གིས་གྲུབ་ལྟ་བུ།
༤། སྒྲུབ་ཚུལ་གྱི་རྣམ་པ་སྟོན་པར་འཇུག་པ། རིམ་གྱིས་གྲུབ། ལྷུན་གྱིས་གྲུབ། རང་བཞིན་གྱིས་གྲུབ་ལྟ་བུ།
༥། མཐོང་ཚུལ་གྱི་རྣམ་པ་སྟོན་པར་འཇུག་པ། ཁྲ་ལམ་ལམ་གྱིས་མཐོང་ལྟ་བུ།
༦། མྱུར་ཚད་སྟོན་པ། ཡུད་ཀྱིས་སོང་། སྐད་ཅིག་གིས་སོང་ལྟ་བུ།
༧། ཁ་སྐོང་ལ་འཇུག་པ། ནམ་མཁའི་ལམ་ནས་ཆོ་འཕྲུལ་དུ་མ་ཡིས། ། ལྟ་བུ།
༨། སྐུལ་ཚིག་ལ་འཇུག་པ། ཁྲུས་གྱིས། ཚགས་གྱིས། གྲབས་གྱིས་ལྟ་བུ།
༩། ཁྱད་པར་སྟོན་པར་འཇུག་པ། ང་ལས་ཁྱེད་ལོ་གསུམ་གྱིས་རྒན་ལྟ་བུ།
༡༠། ཕྱི་ཚིག་འདྲེན་བྱེད་ཀྱི་ཕྲད་དུ་འཇུག་པ། ངས་བཤད་ཀྱིས་ཁྱོད་ཀྱིས་ཉོན་ལྟ་བུ།

༢། རྣམ་དབྱེ་དྲུག་པ་འབྲེལ་སྒྲ། (མིང་ཚིག་སྔ་ཕྱི་འབྲེལ་བ་ཙམ་སྟོན་པའི་སྒྲ།)

འབྲེལ་སྒྲའི་སྒྲ་སྦྱོར་དང་དོན་སྦྱོར་གྱི་རེའུ་མིག

སྒྲ་སྦྱོར།


དོན་སྦྱོར།


རྗེས་འཇུག ཕྲད། འཇུག་ཡུལ། དཔེར་བརྗོད།
ན་མ་ར་ལ།
ད་བ་ས།
ག་ང་།
འ་དང་མཐའ་མེད།
གྱི།
ཀྱི།
གི།
འི་/ ཡི།
༡། ཡན་ལག་དང་ཡན་ལག་ཅན་གྱི་འབྲེལ་བ།
༢། ཁྱད་གཞི་དང་ཁྱད་ཆོས་ཀྱི་འབྲེལ་བ།
༣། རྒྱུ་དང་འབྲས་བུའི་འབྲེལ་བ།
༤། གཞི་མཐུན་གྱི་འབྲེལ་བ།
༥། བདག་པོ་དང་དངོས་པོའི་འབྲེལ་བ།
༥། རྟེན་དང་བརྟེན་པའི་འབྲེལ་བ།
༦། ཚིག་སྔ་ཕྱི་གཉིས་ཀྱི་འབྲེལ་བ།
༧། ཆ་དང་ཆ་ཅན་གྱི་འབྲེལ་བ།
༨། ངོ་བོ་གཅིག་པའི་འབྲེལ་བ།
མེ་ཏོག་གི་འདབ་མ།
མེ་ཏོག་པདྨའི་དྲི་བསུང་།
མེ་ཏོག་གི་སོན།
གསེར་གྱི་རྣ་རྒྱན།
ངའི་སློབ་དེབ།
དཀར་ཡོལ་ནང་གི་འོ་མ།
བྱེད་ཀྱི་ཡོད།
སྤྲིན་གྱི་ཚོམ་བུ།
སྐད་ཀྱི་གདངས།

འབྲེལ་སྒྲ་མིན་པ་འཇུག་ཡུལ་གཞན།

༡། ཁ་སྐོང་ལ་འཇུག་པ། དཔེར་ན། དཔལ་ལྡན་ས་ཡི་དབང་ཕྱུག་ཆེ་ལྟ་བུ།
༢། མི་མཐུན་པའི་ཚིག་རྒྱན་ལ་འཇུག་པ། དཔེར་ན།
འདི་ནི་བདེན་གྱི་གཞན་ནི་རྫུན་ནོ། །འདིར་མ་བྲིས་པ་ཡིན་གྱི་མ་ཤེས་པ་ག་ན་ཡིན་ལྟ་བུ།

༤༽ རྒྱན་སྡུད།

རྩ་ཚིག

ཀྱང་ཡང་འང་གསུམ་རྒྱན་སྡུད་དེ། །
ག་ད་བ་ས་དྲག་མཐར་ཀྱང་། །
ང་ན་མ་ར་ལ་མཐར་ཡང་། །
འ་དང་མཐའ་མེད་འང་དང་ཡང་། །

གོ་དོན། ཕྲད་ཀྱང་ཡང་འང་གསུམ་གྱིས་མཐུན་པ་དང་མི་མཐུན་པའི་ཚིག་རྒྱན་གཉིས་དང་སྡུད་པའི་དོན་སྟོན་པའོ། །

རྒྱན་སྡུད་ཀྱི་སྒྲ་སྦྱོར་དང་དོན་སྦྱོར་གྱི་རེའུ་མིག

སྒྲ་སྦྱོར།


དོན་སྦྱོར།


རྗེས་འཇུག ཕྲད། འཇུག་ཡུལ། དཔེར་བརྗོད།
ག་ད་བ་ས་ད་དྲག
ང་ན་མ་ར་ལ།
འ་དང་མཐའ་མེད།
ཀྱང་།

ཡང་།

འང་/ཡང་།

དང་པོ། ཚིག་རྒྱན་ལ་འཇུག་པ།
༡། མཐུན་པའི་ཚིག་རྒྱན།
༢། མི་མཐུན་པའི་ཚིག་རྒྱན།
བདེན་པའི་གཏམ་ནི་བཤད་ཀྱང་བཤད།
དྲང་གཏམ་བཤད་ཀྱང་ཡིད་མ་ཆེས།
གཉིས་པ། སྡུད་པ་ལ་འཇུག་པ།
༡། གོང་མས་འོག་མ་སྡུད་པ།
༢། འོག་མའི་གོང་མ་སྡུད་པ།
༣། གཞི་གཞན་སྡུད་པ།
༤། གཞི་མཐུན་སྡུད་པ།
༥། གྲངས་སྡུད་པ།
སྐུ་ངོ་ཡང་ཕེབས་ཀྱི་ཡོད་ན་ཚོགས་མི་གཞན་རྣམས་ལྟ་ཅི་སྨོས།
ཧིན་སྒོར་མ་ཟད་ཌོ་ལར་ལ་ཡང་རིན་ཐང་མེད།
བདག་ཀྱང་འགྲོ།
དགེ་རྒན་ཡང་ཡིན་ལ་མཁྱེན་རྒྱ་ཡང་ཆེ།
ཚིགས་བཅད་གཅིག་ཀྱང་བརྗེད་མི་རུང་།

འཇུག་ཚུལ་གཞན།

 ཀྱང་ཡང་འང་གསུམ་གྱི་འཇུག་ཚུལ།
༡། སྨོད་པའི་དོན་ལ་འཇུག་པ། རིག་གནས་བསླབ་ཀྱང་རྣམ་དབྱེ་ཚིག་ཕྲད་ཀྱི་ཁྱད་པར་མི་ཤེས་སོ། །
༢། དྲི་བ་ལ་འཇུག་པ། སྦྱིན་པ་བཏང་ན་ལོངས་སྤྱོད་འབྱུང་མོད་དེ་མ་བཏང་ནའང་ལོངས་སྤྱོད་ཨེ་འབྱུང་།
༣། དོགས་པ་ལ་འཇུག་པ། ཤུན་ལྤགས་ཅན་འདི་ཤིང་སྟག་པ་ཡིན། ཡང་ན་ཙན་དན་ཡིན།
༤། སྲིད་པ་ལ་འཇུག་པ། རབ་བྱུང་རྣམས་ཁྱིམ་ལ་འཁྲེན་པ་སྔར་མི་སྲིད་ཀྱང་དེང་དུས་སྲིད།
༥། ཕྱོགས་གཞན་སྟོན་པ་ལ་འཇུག་པ། ཡང་ན་འདི་ལྟར་བཤད་དུ་རུང་སྟེ། ལྟ་བུའོ། །

ཡང་སྒྲའི་འཇུག་ཚུལ།

༡། ཚེ་སྐབས་ལ་འཇུག་པ། ནམ་ཡང་དེ་ལས་ཉམས་མ་གྱུར།
༢། བསྐྱར་བ་ལ་འཇུག་པ། དབྱར་ཁ་གཟུགས་པོ་ཡང་ཡང་བཀྲུ་བ། ཁོང་གི་ནང་དུ་ཡང་ནས་ཡང་དུ་ཕྱིན་པ། ཡང་བསྐྱར་སློབ་སྦྱོང་བྱེད་པ་སོགས་ལྟ་བུ་ཡིན།
༣། བསྣན་པའི་དོན་དུ་འཇུག་པ། དལ་འབྱོར་ཚང་བའི་མིའི་ལུས་རྟེན་འདི་རྙེད་དཀའ་བ་ཡང་ཡིན། དོན་ཆེ་བ་ཡང་ཡིན། འཇིག་སླ་བ་ཡང་ཡིན།
༤། ངེས་བཟུང་ལ་འཇུག་པ། དགེ་སློང་འདི་ཡང་ཚུལ་ཁྲིམས་ཅན་ཡིིན།

༥༽ ལྷག་བཅས།

རྩ་ཚིག
ཏེ་དེ་སྟེ་གསུམ་ལྷག་བཅས་ཏེ། །
ན་ར་ལ་ས་དྲག་མཐར་ཏེ། །
ད་དེ་ག་ང་བ་མ་འ། །
མཐའ་མེད་རྣམས་ལ་ས་སྟེ་འཐོབ། །

གོ་དོན། ཕྲད་སྟེ་དེ་ཏེ་གསུམ་སྦྱར་ནས་བསྟན་བྱའི་དོན་གྱི་ལྷག་མ་ཡོད་པར་སྟོན་པ་ལ་ཟེར།

ལྷག་བཅས་ཀྱི་སྒྲ་སྦྱོར་དང་དོན་སྦྱོར་གྱི་རེའུ་མིག

སྒྲ་སྦྱོར།


དོན་སྦྱོར།


རྗེས་འཇུག ཕྲད། འཇུག་ཡུལ། དཔེར་བརྗོད།
ན་ར་ལ་ས་ད་དྲག
ད།
ག་ང་བ་མ་འ་དང་མཐའ་མེད།
ཏེ།
དེ།
སྟེ།
དང་པོ། མཚམས་སྦྱོར་ལྷག་བཅས།
༡། བྱེད་པས་བྱ་བ་འདྲེན་པ།
༢། བྱ་བས་བྱ་བ་འདྲེན་པ།
༣། བྱ་བ་གཉིས་དུས་གཅིག་ཅར་འདྲེན་པ།
ཡི་གེ་བཏང་སྟེ་འབྱོར།
ཡི་གེ་བཏང་སྟེ་རྩེད་མོ་རྩེད།
མྱུར་འཕྲིན་བཏང་སྟེ་བསྐྱོད།
གཉིས་པ། དམ་བཅའ་ལྷག་བཅས།
༡། དབྱེ་བ་འདྲེན་པ།
༢། རྒྱུ་མཚན་འདྲེན་པ།
༣། ངེས་ཚིག་འདྲེན་པ།
༤། རྒྱས་བཤད་འདྲེན་པ།
མི་ལ་དབྱེ་ན་གཉིས་ཏེ། ཕོ་དང་མོའོ། །
རི་ཕ་གིར་རྩེ་ལ་མེ་ཡོད་དེ། དེར་དུ་བ་འཕྱུར་བཞིན་འདུག
མེ་ཏོག་པདྨ་ནི་ཆུ་སྐྱེས་ཏེ། ཆུ་ནང་སྐྱེས་པས་སོ། །
བོད་རྒྱ་གཉིས་ནི་སོ་སོ་སྟེ། སྐད་ཡིག ཟས་གོས། མི་རིགས། གོམ་གཤིས། རྒྱལ་རབས་ལོ་རྒྱུས་སོགས་གང་ཅིའི་ཐད་ནས་མི་འདྲ་བའི་རྣམ་པ་གསལ་པོ་ཡོད།
གསུམ་པ། གཞན་འདྲེན་ལྷག་བཅས། ཤར་གྱི་ཕྱོགས་ན་མདོ་སྟོད་དེ། །དེ་ན་ཁམས་པ་དཔའ་བོའི་གང།

༦༽ འབྱེད་སྡུད།

རྩ་ཚིག
གམ་ངམ་དམ་ནམ་བམ་མམ་འམ། །
རམ་ལམ་སམ་ཏམ་འབྱེད་སྡུད་ཏེ། །
སྦྱོར་ཚུལ་སླར་བསྡུའི་སྐབས་དང་མཚུངས། །

གོ་དོན། ཚིག་ཕྲད་གམ་སོགས་ཀྱིས་དབྱེ་གཞི་གཅིག་ལས་དབྱེ་བ་དུ་མ་སོ་སོར་འབྱེད་ཅིང་དེ་རྣམས་དབྱེ་གཞི་གཅིག་ཏུ་སྡུད་པའི་དོན་ཅན་ཞིག་ལ་ཟེར།

འབྱེད་སྡུད་ཀྱིས་སྒྲ་སྦྱོར་དང་དོན་སྦྱོར་གྱི་རེའུ་མིག

སྒྲ་སྦྱོར།


དོན་སྦྱོར།


རྗེས་འཇུག ཕྲད། འཇུག་ཡུལ། དཔེར་བརྗོད།

ང་།
ད།
ན།
བ།
མ།
འ་དང་མཐའ་མེད།
ར།
ལ།
ས།
ད་དྲག
གམ།
ངམ།
དམ།
ནམ།
བམ།
མམ།
འམ།
རམ།
ལམ།
སམ།
ཏམ།
༡། འབྱེད་པ་ལ་འཇུག་པ།
༢། སྡུད་པ་ལ་འཇུག་པ།
༣། དྲི་བ་ལ་འཇུག་པ།
༤། ཐེ་ཚོམ་ལ་འཇུག་པ།
༥། གདམ་ང་ལ་འཇུག་པ།
ཆོལ་ཁ་གསུམ་ནི། མདོ་སྟོད་དམ། མདོ་སྨད་དམ། དབུས་གཙང་ངོ་། །
མདོ་སྟོད་དམ། མདོ་སྨད་དམ། དབུས་གཙང་ནི་ཆོལ་ཁ་གསུམ་མོ། །
ཁྱོད་བོད་ལ་ཕྱིནད་ཏམ།
རྒྱ་དམར་བོད་ནས་ཕྱིར་ལོག་བྱེད་ཡོང་ངམ་མི་ཡོང་།
ཡ་རབས་སམ་སློབ་སྦྱོང་ནི་བོད་མི་ཚོར་དགོས་རྒྱུ་དེ་ཡིན།

༧༽ འབྱུང་ཁུངས།

རྩ་ཚིག
ནས་ལས་འབྱུང་ཁུངས་དགར་སྡུད་དེ། །
འབྱུང་ཁུངས་དངོས་ལ་གང་སྦྱར་འཐུས། །
རིགས་མཐུན་དགར་ནས་མི་མཐུན་ལས། །
སྡུད་ལ་ནས་སྒྲ་ཁོ་ནས་འཇུག །

གོ་དོན། གང་ཞིག་གང་ལས་འབྱུང་བའི་ཁུངས་གཙོ་བོར་སྟོན་པའི་ནས་ལས་ཀྱི་ཕྲད་དང་ལྡན་པ་ལ་ཟེར།

འབྱུང་ཁུངས་ཀྱི་སྒྲ་སྦྱོར་དང་དོན་སྦྱོར།

སྒྲ་སྦྱོར།


དོན་སྦྱོར།


ཕྲད། འཇུག་ཡུལ། དཔེར་བརྗོད།
ནས་ལས་ ནས་ ལས་ དང་པོ། འབྱུང་ཁུངས་ལ་འཇུག་པ།
༡། འབྱུང་ཁུངས་དངོས་ལ་འཇུག་པ།
༢། འབྱུང་ཁུངས་ཆ་འདྲ་བ་ལ་འཇུག་པ།
བྱ་ནས་སྒོ་ང། བྱ་ལས་སྒོ་ང་།
རྟ་ལས་བབས། རྟ་ནས་བབས།
ནས་ གཉིས་པ། དགར་བ་ལ་འཇུག་པ།
༡། རིགས་མཐུན་པ་དགར་བ།
༢། རིགས་མི་མཐུན་པར་དགར་བ།
རྒྱལ་ཁབ་ཚང་མའི་ནང་ནས་བོད་ནི་ས་མཐོ་ཤོས་རེད།
བོད་རིགས་ལས་རྒྱ་རིགས་ཤིན་ཏུ་མང་།
ལས་
ནས་ གསུམ་པ། སྡུད་པ་ལ་འཇུག་པ།
༡། ཡུལ་སྡུད་པ།
༢། དུས་སྡུད་པ།
༣། དངོས་པོ་སྡུད་པ།
༤། གྲངས་སྡུད་པ།
ལྷ་ས་ནས་ཆབ་མདོ་བར།
༡༩༥༩ ནས་ད་བར།
སྤྱི་གཙུག་ནས་རྐང་མཐིལ་བར།
བརྒྱ་ནས་བརྒྱ་དང་ལྔ་བཅུ་བར།

འཇུག་ཚུལ་གཞན།

༡། ནས་སྒྲ་མཚམས་སྦྱོར་ལྷག་བཅས་ལ་འཇུག་པ། དཔེར་ན། སློབ་སྦྱོང་བྱས་ནས་མ་རབས་སྤོང་།
༢། ལས་སྒྲ་རྒྱུ་མཚན་ལ་འཇུག་པ། དཔེར་ན། ཆུ་སྐྱར་ལས་ཆུ་ཡོད་པར་ཤེས།

༨༽ འབོད་སྒྲ།

རྩ་ཚིག
ཀྱེ་དང་ཀྭ་ཡེ་འབོད་སྒྲ་སྟེ། །
ཕལ་ཆེལ་མིང་གི་ཐོག་མར་སྦྱོར། །

འབོད་སྒྲ། ཀྱེ་དང་ཀྭ་ཡེ། ཝ་ཡེ་གསུམ་རང་ལ་བལྟོས་ནས་ཡུལ་མཆོག་དམན་བར་གསུམ་འབོད་པ་ཞིག་ལ་འབོད་སྒྲ་ཟེར།

འབོད་སྒྲ་སྦྱོར་ཚུལ་གྱི་རེའུ་མིག

ཕྲད། འཇུག་ཡུལ། དཔེར་བརྗོད།
ཀྱེ།
ཀྭ་ཡེ།
ཝ་ཡེ།
༡། མིང་གི་ཐོག་མར་འཇུག་པ།
ཡུལ་མཆོག
ཡུལ་མཉམ་པ།
ཡུལ་དམན་པ།
ཀྱེ་རྒྱལ་པོ་རིན་པོ་ཆེ།
ཀྭ་ཡེ་གྲོགས་པོ།
ཝ་ཡེ་གད་པ།
༢། མིང་གི་བར་ན་འཇུག་པ། སྒྲ་ལྡན་ལྷ་ཀྱེ་སྙིང་ལ་རོལ་བར་མཛོད།
༣། མིང་གི་མཐའ་མར་འཇུག་པ། བདག་ལ་དངོས་གྲུབ་སྩོལ་ཅིག་དབྱངས་ཅན་ཀྱེ།

གཉིས་པ། ཕྲད་རང་དབང་ཅན་དྲུག་བཤད་པ།

༽ ནི་སྒྲ།

རྩ་ཚིག
ནི་ནི་དགར་དང་བརྣན་པའི་སྒྲ། །

གོ་དོན། ནི་ཞེས་པའི་ཕྲད་འདི་གང་ཞིག་གང་ལས་དགར་བ་དང་། དོན་གང་ཞིག་ལ་ནན་ཏན་ནམ་ངེས་ངེས་བྱེད་པ་བརྣན་པའི་དོན་ལའང་འཇུག་པའོ། །

ནི་སྒྲའི་དོན་སྦྱོར་གྱི་རེའུ་མིག

དོན་སྦྱོར།


ཕྲད། འཇུག་ཡུལ། དཔེར་བརྗོད།
ནི། དང་པོ། དགར་བ་ལ་འཇུག་པ།
༡། མཆོག་ཏུ་དགར་བ།
༢། དམན་པར་དགར་བ།
༣། ཐ་དད་ཙམ་དུ་དགར་བ།
མཐོ་སྒང་ནི་ཡུལ་ཚང་མའི་ནང་ནས་སྐྱིད་ཤོས་རེད།
སློབ་སྦྱོང་མེད་པའི་མི་ནི་མིའི་ནང་ནས་ཐ་མ་རེད།
བོད་སྐད་ནི་སྐད་རིགས་གཞན་དང་ཐ་དད་རེད།
གཉིས་པ། བརྣན་པ་ལ་འཇུག་པ། ཁྱེད་ནི་སྤུན་ཟླ་རེད། ཁྱེད་ནི་གྲོགས་པོ་རེད། འདི་ནི་མཁས་པའི་གཙུག་རྒྱན་རེད།
གསུམ་པ། ངེས་བཟུང་ལ་འཇུག་པ། སྙིང་རྗེ་ནི་གཞན་སྡུག་བསྔལ་དང་འབྲལ་འདོད་ཀྱི་བསམ་པ་དེ་ལ་ཟེར་བ་ཡིན།
བཞི་པ། ཁ་སྐོང་ལ་འཇུག་པ། བྱ་བ་ཡི་ནི་མཆོག་གྱུར་པ། །སློབ་སྦྱོང་ཡག་པོ་བྱས་ན་ནི། །ཚེ་འདི་ལ་ནི་སྐྱིད་པོ་དང་། །དེ་བཞིན་ཕྱི་མར་སྐྱིད་པོ་ཡོང་། །
ལྔ་པ། ཚིག་རྒྱན་ལ་འཇུག་པ། ལམ་གྱི་བཤུལ་ཐག་ནི་རིང་།

༢༽ དང་སྒྲ།
རྩ་ཚིག

དང་ནི་སྡུད་འབྱེད་རྒྱུ་མཚན་དང། །
ཚེ་སྐབས་གདམས་ངག་ལྔ་ལ་འཇུག །
གོ་དོན། དང་ཞེས་པའི་ཕྲད་འདི་མིང་ཚིག་གང་ཡང་རུང་བའི་བར་མཚམས་སུ་སྦྱར་བས་སྡུད་པ་དང། འབྱེད་པ། རྒྱུ་མཚན། ཚེ་སྐབས། གདམས་ངག་བཅས་ལྔ་སྟོན་པའི་དོན་ལ་འཇུག་པའོ། །

དང་སྒྲའི་དོན་སྦྱོར་གྱི་རེའུ་མིག
དོན་སྦྱོར།
ཕྲད། འཇུག་ཡུལ། དཔེར་བརྗོད།
དང་། ༡། སྡུད་པ་ལ་འཇུག་པ།
༢། འབྱེད་པ་ལ་འཇུག་པ།
༣། རྒྱུ་མཚན་ལ་འཇུག་པ།
༤། ཚེ་སྐབས་ལ་འཇུག་པ།
༥། གདམས་ངག་ལ་འཇུག་པ།
སྔོན་པོ་དང་། སེར་པོ་དང་། དཀར་པོ་དང་། དམར་པོ་བཅས་ནི་རྩ་བའི་ཁ་དོག་གོ། །
རྩ་བའི་ཁ་དོག་ནི་སྔོན་པོ་དང་། སེར་པོ་དང་། དཀར་པོ་དང་། དམར་པོ་བཅས་སོ། །
བསྡུས་གྲྭ་བསླབས་པ་དང་རིགས་ལམ་ཤེས།
ཆུ་ཚོད་དགུ་པ་ཟིན་པ་དང་རིགས་ལམ་རྩོད།
རིགས་ལམ་རྩོད་དང་།

༣༽ དེ་སྒྲ།
རྩ་ཚིག

མིང་གི་ཐོག་མའི་དེ་སྒྲ་ནི། །
ཐ་སྙད་འདས་མ་ཐག་པ་དང་། །
རྣམ་གྲངས་གཞན་ཅན་གཉིས་ལ་འཇུག །
གོ་དོན། དེ་ཞེས་པའི་ཕྲད་འདི་མིང་གང་ཡང་རུང་བའི་ཐོག་མར་སྦྱར་བས་ཐ་སྙད་དབང་དུ་གསུམ་དང་། དངོས་པོའི་དབང་དུ་བཞི། དུས་ཀྱི་དབང་དུ་གཉིས་བཅས་དགུ་ལ་འཇུག་གོ། །

དོན་སྦྱོར།
ཕྲད། འཇུག་ཡུལ། དཔེར་བརྗོད།
དེ། དང་པོ། ཐ་སྙད་དབང་དུ་གསུམ།
༡། ཐ་སྙད་འདས་མ་ཐག་པ།
༢། ཐ་སྙད་རྣམ་གྲངས་གཞན་ཅན།
༣། ཐ་སྙད་ལྷག་བཅས།
ཕ་གིར་མི་ཞིག་འདུག དེ་གཞོན་ནུའོ། །དེ་གཟུགས་རིང་ངོ་། །དེ་ངོ་ཞེང་ཆེའོ། །དེ་སྐད་སྙན་ནོ་ལྟ་བུའོ། །
དེར་ཡི་གེ་བྲིས།
སར་བསྡད་དེ་ཡི་གེ་བྲིས།
གཉིས་པ། དངོས་པོའི་དབང་དུ་བཞི།
༡། བདེན་པའི་དངོས་པོ།
༢། གསང་བའི་དངོས་པོ།
༣། བདག་གི་དངོས་པོ།
༤། གཞན་གྱི་དངོས་པོ།
དེ་བདེན་པ་རེད། དེ་ག་རང་རེད།
ཁ་སང་གྲོས་བསྡུར་བྱས་པའི་དོན་དེ་མི་གཞན་ལ་མ་ཤོད།
ངའི་དེབ་དེ།
ཁྱོད་ཀྱི་དེབ་དེ།
གསུམ་པ། དུས་ཀྱི་དབང་དུ་གཉིས།
༡། འདས་པ་ལ་འཇུག་པ།
༢། མ་འོངས་པ་ལ་འཇུག་པ།
ལོ་སྔོན་མའི་དུས་དེ་ལ་ང་ཚོ་ལྷ་སར་སོང་།
རྗེས་མའི་ལོ་དེ་ལ་ང་ཚོ་ལྷན་དུ་འཛོམས་ངེས།

༤༽ གང་སྒྲ།
རྩ་ཚིག

ཅི་ཇི་སུ་གང་སྤྱི་སྒྲ་སྟེ། །
ཞིག་སྟེ་སླད་འདྲ་ཕྱིར་ལ་ཅི། །
སྙེད་སྲིད་ལྟར་བཞིན་སྐད་ལ་ཇི། །
སུ་ནི་གང་ཟག་གང་ཀུན་ལའོ། །
གོ་དོན། གང་ཞེས་པའི་ཕྲད་འདི་དོན་དེ་བྱེ་བྲག་དམིགས་སུ་མི་འཛིན་པ་སྤྱི་ལ་ཁྱབ་པའི་དོན་ཅན་ཞིག་ལ་ཟེར།

གང་སྒྲའི་རེའུ་མིག
ཕྲད། དཔེར་བརྗོད གསལ་བཤད།
ཅི། ཅི་ཞིག ལས་ཀ་ཅི་ཞིག་བྱེད་ནའང་སྤུས་དག་པོ་བྱེད་དགོས་པ་ཡིན། ཅི་ཞིག གང་ཞིག་གམ་ག་རེ་ཟེར་བའི་དོན་ཡིན།
ཅི་སྟེ། ཅི་སྟེ་དོན་མ་གྲུབ་ཀྱང་འགྱོད་པ་མེད། ཅི་སྟེ། གལ་ཏེའམ་གལ་སྲིད་ཟེར་བའི་དོན་ཡིན།
ཅི་སླད། རི་ཡི་རྩེར་ཅི་སླད་འགྲོ། ཅི་སླད། དགོས་པ་གང་ཞིག་གི་ཆེད་དུ་ཟེར་བའི་དོན་ཡིན།
ཅི་འདྲ། མི་དེ་ཅི་འདྲ་ཞིག་ཡིན་མིན་ང་ལ་ཆ་རྒྱུས་མེད། ཅི་འདྲ། གང་འདྲ་ཟེར་བའི་དོན་ཡིན།
ཅིའི་ཕྱིར། ཅིའི་ཕྱིར་སློབ་སྦྱོང་ལ་འབད་བརྩོན་མི་བྱེད། ཅིའི་ཕྱིར། གང་ཞིག་ཕྱིར་རམ་ག་རེ་བྱས་ནས་ཟེར་བའི་དོན་ཡིན།
ཇི། ཇི་སྙེད།+དེ་སྙེད། བོད་ཕྲུག་ཇི་སྙེད་ཡོད་པ་དེ་སྙེད་ལ་ཡ་རབས་བཟང་སྤྱོད་དགོས། ཇི་སྙེད། དུ་མ་དང་ཡོད་ཚད་ཟེར་བའི་དོན་ཡིན།
ཇི་སྲིད།+ དེ་སྲིད། ཇི་སྲིད་བོད་རང་བཙན་མ་ཐོབ་པ་དེ་སྲིད་དུ་བོད་པས་རིག་པ་སྒྲིམ་དགོས། ཇི་སྲིད། དུས་ཇི་ཙམ་བར་གྱི་ཚད་སྟོན་པའི་དོན་ཡིན།
ཇི་ལྟར།+དེ་ལྟར། དགེ་རྒན་གྱིས་ཇི་ལྟར་བསླབས་གནང་བ་དེ་ལྟར་ཤེས་ཐུབ་པ་བྱེད་དགོས། ཇི་ལྟར། གང་འདྲ་ཞིག་དང་ནང་བཞིན་ཟེར་བའི་དོན་ཡིན།
ཇི་བཞིན།+དེ་བཞིན། ཀློག་དེབ་ནང་དུ་ཇི་བཞིན་ཡོད་པ་དེ་བཞིན་སེམས་ལ་ངེས་དགོས། ཇི་བཞིན། དཔེ་དེ་ནང་བཞིན་ཟེར་བའི་དོན་ཡིན།
ཇི་སྐད། + དེ་སྐད། རྒན་ལགས་ཀྱིས་ཇི་སྐད་གསུངས་པ་དེ་སྐད་ཤེས་ཐུབ་པ་བྱེད་དགོས། ཇི་སྐད། ལུང་འདྲེན་མཚོན་པ་ཡིན།
སུ། ཁང་པའི་ནང་དུ་སུ་འདུག སུ། གང་ཟག་གམ་མི་ཁོ་ན་མཚོན་པ་ཡིན།
གང་། ཁྱོད་ལུང་པ་གང་ནས་འོངས་སམ། གང་། གང་ཟག་དང་དངོས་པོ་གཉིས་ཀར་མཚོན་པ་ཡིན།

༥༽ བདག་སྒྲ།
རྩ་ཚིག

ན་རོ་ཡོད་མེད་པ་བ་མ། །
བདག་པོའི་སྒྲ་སྟེ་ག་ད་ན། །
བ་མ་ས་དང་དྲག་མཐར་པ། །
ང་འ་ར་ལ་མཐའ་མེད་ལ། །
བདག་སྒྲ་ཡར་གྱུར་བ་དང་ནི། །
ཆ་ལ་པ་ཉིད་སྦྱོར་བ་ལེགས། །
མིང་མཐའི་པ་བའང་ཕལ་ཆེར་འདྲ། །
གོ་དོན། པ་བ་མ་གསུམ་དང་དེ་དག་ལ་ན་རོ་སྦྱར་བ་པོ་བོ་མོ་གསུམ་ནི་སྔར་མིང་གི་ཆ་ཤས་སུ་མེད་པ་ཞིག་ལ་གསར་དུ་སྦྱར་ན་བདག་པོའམ་གང་ཟག་སྟོན་གྱི་ཡོད་པས་བདག་སྒྲ་ཞེས་བརྗོད་དོ། །

དོན་སྦྱོར།
རྗེས་འཇུག ཕྲད། འཇུག་ཡུལ། དཔེར་བརྗོད།
ག་ད་ན་བ་མ་ས་ད་དྲག
ང་འ་ར་ལ་མཐའ་མེད་
ངེས་མེད།
པ།
བ།
མ།
པ་པོ་གཉིས་ཕོ་ལ་འཇུག་པ།
མ་མོ་གཉིས་མོ་ལ་འཇུག་པ།
པ་ཆ་ལ་འཇུག་པ།
བ་ཡ་ལ་འཇུག་པ།
གཡོག་པོ། མག་པ།
གཡོག་མོ། བག་མ།
ཤར་པ། བཟོ་ལས་མཁས་པ།
རྒྱ་གར་བ།

ཅན་ལྡན་མཁན་གསུམ་བདག་སྒྲ་ལ་འཇུག་པ།

༡། པོ་དང་མཁན་གྱི་སྦྱོར་ཚུལ། པོ་དང་མཁན་གཉིས་བྱ་བ་འབའ་ཞིག་གི་རྗེས་སུ་འཇུག་པ།

པོ། མཁན། པོ། མཁན།
འགྲོ་བ་པོ། འགྲོ་མཁན། ཉན་པ་པོ། ཉན་མཁན།
ལྟ་བ་པོ། ལྟ་མཁན། རྩོམ་པ་པོ། རྩོམ་མཁན།
གཏོང་བ་པོ། གཏོང་མཁན། མཐོང་བ་པོ། མཐོང་མཁན།
འབྲི་བ་པོ། འབྲི་མཁན། ཟ་བ་པོ། ཟ་མཁན། ལྟ་བུ།

༣། ཅན་དང་ལྡན་གཉིས་ཀྱི་སྦྱོར་ཚུལ། ཅན་དང་ལྡན་གཉིས་རྫས་དང་ཡོན་ཏན། ཁྱད་ཆོས་སོགས་ཀྱི་ལྷན་དུ་འཇུག་ཅིང་ཡོད་པའི་དོན་ལ་འཇུག

ཅན། ལྡན། ཅན། ལྡན།
ནོར་ཅན། ནོར་ལྡན། བློ་གྲོས་ཅན། བློ་ལྡན།
ཞྭ་མོ་ཅན། ཞྭ་ཅན། ཤེས་རབ་ཅན། ཤེས་ལྡན།
མིག་ཅན། མིག་ལྡན། ལྟ་བུ།

བདག་སྒྲ་མ་ཡིན་པ།
མིང་མཐའི་པ་བ་མ་ཡིན་ཚད་བདག་སྒྲ་མ་ཡིན་ཏེ། རྒྱུ་མཚན་ནི་རྟག་པ་དང་། གྲོད་པ། གཅིན་པ། སྐམ་པོ། དགའ་བ། མཐོང་བ། བུང་བ། གཏན་འཁེལ་བ་སོགས་ནི་མིང་མཐའི་པ་བ་ཡིན་པ་ལས་བདག་སྒྲའི་པ་བ་མ་ཡིན་པས་སོ། །

༦༽ དགག་སྒྲ།
རྩ་ཚིག

མ་མི་མིན་མེད་དགག་སྒྲ་སྟེ། །
མ་མི་ཐོག་མ་མིན་མེད་མཇུག །
མ་ནི་བར་གྱི་གསལ་བྱེད་ལའང་། །
གོ་དོན། མ་མི་མིན་མེད་ཀྱི་ཕྲད་བཞི་པོ་དེ་མིང་ཚིག་གང་ཞིག་ལ་སྦྱར་རུང་སྦྱོར་ཡུལ་གྱི་དོན་དེ་མ་ཡིན་པའམ་མེད་པ། མིན་པ་སོགས་ཀྱི་དོན་སྟོན་གྱི་ཡོད་པས་དགག་སྒྲ་ཞེས་བརྗོད་དོ། །

དོན་སྦྱོར།
ཕྲད། འཇུག་ཡུལ། དཔེར་བརྗོད།
མ།
མི།
མིན།
མེད།
དང་པོ། མ་མི་གཉིས་མིང་གི་ཐོག་མར་འཇུག་པ། ༡། གྲོགས་ངན་དང་མ་འགྲོགས།
༢། ཁྲིམས་དང་འགལ་བའི་བྱ་བ་བྱེད་མི་ཆོག
གཉིས་པ། མིན་མེད་གཉིས་མིང་གི་མཇུག་ལ་འཇུག་པ། ༡། དྲི་ངན་ཅན་དེ་ཙན་དན་མིན།
༢། རྟ་ཡི་མགོ་ལ་རྭ་ཅོ་མེད།
གསུམ་པ། མ་ནི་བར་གྱི་གསལ་བྱེད་ལ་འཇུག་པ། ས་མ་འབྲོག ར་མ་ལུག

དགག་སྒྲ་མ་ཡིན་པ།
མིང་གི་ཆ་ཤས་སུ་གྱུར་བའི་མ་ཡིག་དང་མི་ཡིག་གཉིས་ནི་ཐོག་མཐའ་བར་གསུམ་གང་དུ་ཡོད་ཀྱང་དགག་སྒྲ་མིན་པ་མཁྱེན་པར་མཛོད།
དཔེར་ན། མ་བྱན་དང་མ་མ་ལྟ་བུའི་མ་ཡིག་སྔོན་དུ་ཡོད་པ་དང་། བོད་ཀྱི་མི་རིགས་དང་མི་ལོ་ལྟ་བུའི་མི་ཡིག་སྔོན་དུ་ཡོད་པ་སོགས་ནི་དགག་སྒྲ་གཏན་ནས་མིན།

ཚིག་ཕྲད་ཞིང་སོགས།
རྩ་ཚིག

ཚིག་ཕྲད་ཞིང་སོགས་ང་ན་མ། །
འ་དང་ར་ལ་མཐའ་མེད་མཐར། །
ཞིང་ཞེས་ཞེ་འོ་ཞེ་ན་ཞིག །
ག་ད་བ་དང་ད་དྲག་མཐར། །
ཅིང་ཅེས་ཅེའོ་ཅེ་ན་ཅིག །
ས་མཐར་དམིགས་བསལ་ཞེས་མ་གཏོགས། །
ཤིང་ཤིག་ཤེའོ་ཤེ་ན་འཐོབ། །

རྗེས་འཇུག ཕྲད། དཔེར་བརྗོད། གསལ་བཤད།
ང་ན་མ་འ་ར་ལ་མཐའ་མེད།

ག་ད་བ་དང་ད་དྲག

ས།

ཞིང་ཞེས་ཞེ་འོ་ཞེ་ན་ཞིག

ཅིང་ཅེས་ཅེའོ་ཅེ་ན་ཅིག

ཤིང་ཞེས་ཤེའོ་ཤེ་ན་ཤིག

 དཀར་ཞིང་གསལ་བ། ནག་ཅིང་སྣུམ་པ། མཛེས་ཤིང་སྡུག ཞིང་ཅིང་ཤིང་གསུམ། མཚམས་སྦྱོར་ལྷག་བཅས་ལ་འཇུག
རྐུན་མ་བཟུང་ཞེས་བཀའ་བཏང་། སློབ་སྦྱོང་གྱིས་ཞེས་གསུང་བྱུང་།
ག་རེ་བསམ་གྱི་འདུག་ཅེས་དྲིས།
ཞེས་དང་ཅེས་གཉིས། ཟེར་ཞེས་པའི་དོན་ཡིན།
སྒྲིག་ལམ་སྲུངས་ཤེའོ། །བཙོན་ལས་གྲོལ་ཞེའོ། །ཤིང་སྡོང་བཅད་ཅེའོ། ། ཞེའོ་ཅེའོ་ཤེའོ་གསུམ། ཟེར་རོ་ཞེས་པའི་དོན་ཡིན།
ཧ་གོ་ཞེ་ན་ཅུང་ཙམ་གོ། ཁོས་དེ་ལ་བཤད་རྒྱུ་ཡོད་ཅེ་ན། ཁྱོད་ཀྱིས་ཅི་ཤེས་ཤེ་ན། ཞེ་ན་ཅེ་ན་ཤེ་ན་གསུམ། ཟེར་ན་ཞེས་པའི་དོན་ཡིན།
རྒྱལ་སྲས་ཤིག དེར་སོང་ཞིག
སློབ་ཕྲུག་ཅིག
ཞིག་ཅིག་ཤིག་གསུམ་། རེ་རེ་བ་དང་། སྐུལ་ཚིག སྨོན་ཚིག་དོན་ལ་འཇུག

མིང་ཚིག

WordPress Lightbox