ལོ་ན་རྒས་ན་རྒན་པ་མིན། ཤེས་བྱ་རྒྱས་ན་རྒན་པ་ཡིན། ལས་འཕྲོ་ཡོད་ན་ས་ཐག་རིང་ཡང་ཐུག ལས་འཕྲོ་མེད་ན་ཐུག་ཀྱང་ངོ་མི་ཤེས། ལས་ཀ་ཐམས་ཅད་ལད་མོ་ཡིན། ལད་མོའི་ནང་ནས་སུ་མཁས་ཡིན། ལས་ལ་མི་བརྩོན་ཆང་ལ་ཆགས། སང་གི་བྱ་བ་གནངས་ལ་བསྐྱལ། ལོ་གཅིག་ལོ་གཉིས་ལན་ཟླ་ཡིན།

ཞི་མི་གཉིད་ཁུག་ཀྱང་བསམ་རྒྱུ་ཙི་ཙི་ལས་མེད། ཞབས་བྲོ་ཨེ་རྒྱག་ལྷམ་ལ་ལྟོས། སྣང་བ་ཨེ་སྐྱིད་གོས་ལ་ལྟོས། གཞན་ལ་ལྟ་བའི་མིག་ཡོད་ཀྱང་། །རང་ཉིད་བལྟ་ན་མེ་ལོང་དགོས། ། ཞིམ་པོ་བྱུང་ན་སྦོས་ནས་ཤི་ཡང་ཤི། རང་དོན་འགྲུབ་ན་ཆ་ལུགས་ཉེས་ཀྱང་ཉེས། བཟང་པོའི་ཞོར་དུ་ཇ་ཆང་དང།

མི་ལ་རྒྱུ་དགོས། རྒྱུ་ལ་བདག་པོ་དགོས། མ་ལ་མིང་པོ་མེད་པར། བུ་ལ་ཞང་པོ། མི་ངན་ཤི་རྒྱུ་མེད། ཁྱི་ངན་སྨྱོ་རྒྱུ་མེད། མི་ཚེ་རི་ལ་བསྐྱལ། རི་དྭགས་ངོ་མི་ཤེས། མིའི་རི་མོ་ནང་ལ་ཡོད། སྟག་གི་རིི་མོ་ཕྱི་ལ་ཡོད། མི་ས་འོག་ཏུ་སོང་ཡང་། གཏམ་ས་སྟེང་དུ་ལུས། མིས་མི་ཟ་མནའ་དང་། ཁྱིས་མི་ཟ་ལྕགས།

སྤྲང་ཕྲུག་གསོས་ནི་བུ་རྒྱུད་མི་ཡོང་། སྤྱང་ཀི་གསོས་ནི་སྒོ་ཁྱི་མི་ཡོང་། དཔྱིད་ཐལ་བ་འཚུབ་འཚུབ་མ་འཁྲབ་ན། སྟོན་སྣུམ་ཞག་ཚིལ་ཚིལ་ག་ནས་འོང་། ཕོ་ཁྱོ་གའི་ཁོག་པར་མདའ་ཤོང་མདུང་ཤོང་། ཕ་བཟང་ལ་བུ་བཟང་། མ་བཟང་ལ་རྒྱུད་བཟང་། ཕ་ལས་བུ་རྫིག ཚ་བོ་ལས་ཡང་ཚ་རྫིག

སྟེར་བའི་ངོ་ས་མེད། བཙོངས་པའི་རིན་པ་མེད། ལྟོ་དེ་ཁྱིའི་ལྟོ་ལ། ལས་དེ་བོང་བུའི་ལས། གཏམ་དཔེ་མེད་ཤོད་དཀའ། ཇ་ཚྭ་མེད་འཐུང་དཀའ། གཏམ་ལ་མཚོན་ཆ་མེད་ཀྱང་། མི་སྙིང་དུམ་བུར་གཅོད། རྟོགས་པ་ལྷ་དང་མཉམ་ཡང་། སྤྱོད་པ་མི་དང་སྟུན་དགོས། གཏམ་ཤོད་རོགས་ཡོད་ན་སེམས་པ་དགའ།