བསྟན་འཛིན་ཀུན་གསལ། འཛིན་གྲྭ་བདུན་པ། གོ་པལ་པུར་བོད་ཁྱིམ། ཤར་གྱི་ཉི་མའི་འོད་ཟེར་དེ་སྒེའུ་ཁུང་ནས་ངའི་མིག་ལ་ཤར་མ་ཐག་གཉིད་ལས་དཀྲོགས་སོང། ཤེལ་སྒོའི་ནང་ལ་ཕྲན་ཐང་པོ་དང་བདེ་པོ་ཡིན་པ་མཐོང་དུས་སེམས་ལ་ཨ་མ་རྗེ་བཙུན་པད་མའི་ཞལ་རས་འཁོར་འཁོར་བྱེད་བྱུང། གུས་མོ་ང་ནི་ཀ་གདུང་དཀར་པོའི་ཁེངས་པའི་འཛིན་ཁང་ནང་ལ་སློབ་སྦྱོང་སྦྱངས་ཀྱི་ཡོད་ལ་ཕྲན་ལ་ཡིི་གེ་སྦྱངས་པའི་གོ་སྐབས་ཞིག་ཐོབ་པ་དེ་ནི་ལྷ་མོ་རྗེ་བཙུན་པད་མའི་བཀའ་དྲིན་ཡིན་པ་དེ་བརྗེད་མི་སྲིད། ཨ་མ་རྗེ་བཙུན་པད་མ་ནི་བདག་ལ་ཙམ་བཀའ་དྲིན་ཆེན་པོ་མ་ཡིན་པ་ཁོང་མོ་ནི་རང་བཙན་མེད་པའི་གདོང་དམར་བོད་མི་རྣམས་ཀྱི་དྭ་ཕྲུག་རྣམས་ལ་ཡང་ཧང་སང་པའི་བཀའ་དྲིན་ཆེན་པོ་ཡིན། ཨ་མ་རྗེ་བཙུན་པདྨ་ནི་ཕྱི་ལོ་ ༡༩༤༠ ལོར་ཟླ་བ་ ༧ ཚེས་ ༧ ཉིན་མོར་སྤྱི་ནོར་༸གོང་ས་སྐྱབས་མགོན་ཆེན་པོའི་གཅུང་མོ་ཞིག་ཏུ་འཁྲུངས། ཁོང་མོ་ནི་བོད་ཕྲུག་རྣམས་ཀྱི་མུན་པ་གསལ་བའི་སྒྲོན་མེ་ཡིན་པ་མ་ཟད་ཁོང་མོ་ལ་གངས་ལྗོངས་ཀྱི་ཨ་མ་ཡང་འབོད་སྲོལ་ཡོད། ཨ་མ་རྗེ་བཙུན་པདྨ་ལགས་ཀྱི་བོད་ཁྱིམ་རྣམས་བཞེངས་པའི་ཆེད་དུ་ཕྱི་རྒྱལ་ཁབ་ཏུ་ཕེབས་ནས་ཞལ་འདེབས་སློང་བ་རེད། མཐའ་ཁོབ་བོད་ཀྱི་ཡུལ་འདིར་ནས་སླེབས་པའི་བཙན་བྱོལ་བོད་ཕྲུག་རྣམས་ལ་ཤེས་ཡོན་གནང་བ་མ་ཟད་རྒྱ་གར་མཐའ་འཁོབ་གྲོང་ཁྱེར་དབུས་ལ་བོད་ཁྱིམ་གོ་པལ་པུར་ཞེས་པའི་ཡིད་དབང་འཕྲོག་པའི་གླིང་ཞིག་ཕྱག་བཏབ་ཡོད། གུས་མོ་ངས་ཁོང་མོ་མཐོང་མྱོང་མེད་ཀྱང་ཁོང་མོས་བོད་ཕྲུག་རྣམས་ལ་བྱེད་པའི་ལས་འགན་ལ་ལྟ་དུས་བཀའ་དྲིན་ཡང་ཡང་སེམས་ལ་འཁོར་གྱི་འདུག། ད་ལྟ་སློབ་གྲྭ་ལ་ཀ་གདུང་དཀར་པོའི་འཛིན་ཁང་གྲུ་བཞི་མ་ནང་དུ་སློབ་སྦྱོང་སྦྱངས་དུས་སློབ་དཔོན་གྱིས་གང་གསུངས་པ་ལྟར་བློ་རྩེ་གཅིག་སྒྲིམ་ངང་ཉན་གྱི་ཡོད། ཨ་མ་རྗེ་བཙུན་པདྨ་ལགས་ཀྱིས་བཀའ་དྲིན་ལ་བརྟེན་ནས་ང་ཚོའི་བཙན་བྱོལ་བ་དྭ་ཕྲུག་མང་པོ་ཞིག་ལ་ཤེས་ཡོན་རག་ཡོད་པ་མ་ཟད་མང་པོ་ཞིག་གི་སོ་སོའི་དམིགས་ཡུལ་རྣམས་སྒྲུབ་ནས་མི་ཚེ་སྐྱིད་པོ་ཞིག་རོལ་བཞིན་ཡོད་སྲིད། ཨ་མ་རྗེ་བཙུན་པདྨ་ནི་སེམས་པ་བལ་ལས་འཇམ་པ་དང་ཁོང་གི་སེམས་པ་ནི་རྒྱ་མཚོ་ལས་གཏིང་ཟབ་པ་ཡོད་པ་མ་ཟད་བོད་ཕྲུག་རྣམས་ཀྱི་ཆེད་དུ་བྱམས་བརྩེ་དེ་ནི་སྦྲང་རྩི་ལས་ཡང་མངར་བ་ཡོད། གངས་ལྗོངས་བོད་ཀྱི་ཨ་མ་ལགས་ཀྱིས་བོད་ཕྲུག་རྣམས་ལ་སོ་སོའི་ཤ་ཁྲག་ཡིན་པ་ལྟ་བུར་དབྱེ་བ་མི་འབྱེད་ནས་འདྲ་མཉམ་ངང་གསོ་སྐྱོང་ངམ་ལྟ་སྐྱོང་བྱེད་ཀྱི་ཡོད། ཁོང་མོ་ནི་བོད་ཀྱི་ཡུལ་མཐའ་འཁོབ་དེ་ཡི་ཕྲུ་གུ་རྣམས་ཀྱི་ཆེད་དུ་མགོན་ཅིག་ཡིན། བོད་ཁྱིམ་རྣམས་ལ་ཡི་གེ་སྦྱངས་མཁན་གྱི་བཙན་བྱོལ་བོད་ཕྲུག་ཚང་མ་ནི་ད་ལྟ་བདེ་ཐང་ཡིན་པ་ཁོང་མོའི་བཀའ་དྲིན་ཡིན་ལ་བོད་ཁྱིམ་ནང་ལ་ལྟོ་དང་གོས་སྡོད་གནས་སོགས་ཀྱི་སྐྱོན་མེད་པ་དེ་ཡང་ཁོང་མོས་བཀའ་དྲིན་ཡིན་པའི་སོ་སོ་བསོད་ནམས་ཆེན་པོ་ཡིན་པ་ཚོར་དགོས་པ་དེ་གལ་གནད་ཆེ། གུས་མོ་ང་རང་གི་ཚོར་བ་ལ་ཁོང་མོའི་བོད་ཕྲུག་རྣམས་ལ་ཆ་རྐྱེན་མང་པོ་སྤྲད་པའི་ཡི་གེ་སྦྱངས་ཡ་དེ་ནི་བོད་ཕྲུག་རྣམས་ཀྱི་ལས་འགན་ཞིག་ཏུ་གྱུར་གྱི་ཡོད་པ་མ་ཟད་སོ་སོའི་ཡུལ་གྱི་སྐད་ཡིག་དར་སྤེལ་བཏང་རྒྱུ་དེ་ནི་བོད་མི་སྲོག་རྩ་ལྟ་བུ་ཞིག་ཡིན་པ་དེ་༸གོང་ས་མཆོག་གིས་ཀྱང་གསུངས་མྱོང་ཡོད་པ་མི་ཡོད་དོ་ཅོག་གི་མཁྱེན་གྱི་ཡོད། བཙན་བྱོལ་བོད་མི་གདོང་དམར་རྣམས་ལ་ཨ་མ་རྗེ་བཙུན་པདྨ་ལགས་ནི་བྱམས་བརྩེ་དང་ལྡན་པའི་སྐྱོང་མཁན་གྱི་མི་སྣ་བཀའ་དྲིན་ཅན་ཞིག་ཡིན་པའི་དྲིན་ལན་དེ་ངེས་པར་དུ་མཇལ་དགོས། ཨ་མ་རྗེ་བཙུན་པདྨ་ལགས་ནི་ཕྲུ་གུ་ལ་བརྩེ་བ་ཆེ་ཞིང་སོ་སོའི་ཕྲུ་གུ་ལྟ་བུར་གལ་ཆེན་པོ་རྩིས་ཀྱི་ཡོད། ཁོང་མོ་ལ་ཕྱི་ལོ་༡༩༩༥ལོར་གངས་ཅན་བོད་ཀྱི་ཨ་མ་ཞེས་ངོས་འཛིན་ཞུས་པ་མ་ཟད་ཕྱི་ལོ་༢༠༡༨ལོར་བུད་མེད་ནུས་སྟོབས་ཀྱི་བྱ་དགའ་འབུལ་བཞེས་མཛད་པ་རེད། བུ་མོ་ང་ནི་བཙན་བྱོལ་བ་ཞིག་ཡིན་པའི་རྩོམ་དེ་ཡི་ནང་ལ་ང་རང་གིས་སྙིང་གི་སྐད་ཆ་ཚང་མ་ཡིག་ཐོག་ཏུ་བྲིས་ཡོད་ལ་གུས་མོ་ངའི་མི་ཚེའི་འདི་ཡི་ནང་ལ་ཚེ་སྔོན་ལས་དང་བསོད་ནམས་དབང་གིས་ཚེ་འདིར་ཁྱེད་ཀྱི་སྐུ་པར་ཙམ་མཇལ་ཐུབ་པའི་གུས་མོ་བསོད་ནམས་ཆེ་སོང། དེ་མ་ཟད་ཚེ་རྗེས་མ་སླར་ཡང་མཇལ་ཐུབ་པའི་སྨོན་ལམ་ཡང་ཡང་བཏབ་ཀྱི་ཡོད།