• མདུན་ངོས།
  • སློབ་དེབ།
    • བོད་ཡིག་སློབ་དེབ།
    • ཨང་རྩིས་སློབ་དེབ།
    • ནང་ཆོས་རིགས་ལམ།
    • ཚན་རིག་སློབ་དེབ།
    • སྤྱི་ཚན་སློབ་དེབ།
    • རང་བྱུང་ཚན་རིག
    • སྦྱོང་དེབ།
  • སློབ་ཁྲིད།
    • སྒྲ་མཛོད།
    • བརྙན་འཕྲིན།
    • ཁྲིད་ཆས།
  • སྦྱོང་བརྡར།
    • སྦྱོང་བྱ།
    • ལྟ་ཀློག
    • ཚོད་རྒྱུགས།
    • ཡིག་གཟུགས་སྦྱོང་དེབ།
  • བརྡ་དག
    • བརྡ་སྤྲོད།
    • དག་ཡིག
  • གཞོགས་འདེགས་ཀློག་དེབ།
  • བྱིས་པའི་བརྙན་དེབ།
  • དུས་དེབ།
  • བརྙན་པར།
  • འབྲེལ་བ།

རྟགས་འཇུག ན་ག་སངས་རྒྱལ་བསྟན་དར་ནས་འགྲེལ་པ་ཆ་ཚང་།

མིང་གཞིའི་ཡི་གེ་སྤྱིའི་རྟགས་ཀྱི་དབྱེ་བ་བཤད་པ།

https://bodyiglobjong.com/audio/rtak-juk-pg/Takjuk_PG-1A-text.mp3

སྐད་ཅིག་ཙམ་ཞིག་ཡིད་མཁར་ཤར་བས་ཀྱང་། །
ནང་གི་མུན་སྟུག་རྣམ་པར་སྙིལ་བྱེད་པ། །
འཇམ་དཔལ་དཔའ་བོའི་བྱིན་རླབས་ཉིན་མོར་བྱེད། །
བྱང་ཆུབ་བར་དུ་སྒོ་གསུམ་སྙིང་པོར་བསྟེན། །

https://bodyiglobjong.com/audio/rtak-juk-pg/Takjuk_PG-1B-text.mp3

ཞེས་ཤིས་པའི་ཚིག་སྔོན་དུ་བཏང་ནས་ད་ནི་རྟགས་ཀྱི་འཇུག་པ་ཞེས་ཡོངས་སུ་གྲགས་པའི་གཞུང་གི་ཚིག་དོན་ལ་རྣམ་པར་དཔྱད་ནས་ཅུང་ཟད་དགྲོལ་བར་བྱའོ། །དེ་ལ་རེ་ཞིག་གཞུང་འདིའི་སྤྱི་སྡོམ་གྱི་ས་བཅད་ནི།

https://bodyiglobjong.com/audio/rtak-juk-pg/Takjuk_PG-1C-text.mp3

མིང་གཞིའི་ཡི་གེ་སྤྱིའི་རྟགས་ཀྱི་དབྱེ་བ་བཤད་པ་དང་། སྔོན་འཇུག་གི་རྟགས་ཀྱི་འཇུག་པ་བཤད་པ་དང་། རྗེས་འཇུག་གི་རྟགས་ཀྱི་འཇུག་པ་བཤད་པ་སྟེ་གསུམ་དུ་རིག་པར་བྱའོ། །

https://bodyiglobjong.com/audio/rtak-juk-pg/Takjuk_PG-2A-Introduction.mp3https://bodyiglobjong.com/audio/rtak-juk-pg/Takjuk_PG-2B-text.mp3

དང་པོ་ནི།

ཕོ་ཡི་ཡི་གེ་འབའ་ཞིག་ལ། །
སྡེ་བ་ཕྱེད་དང་བརྒྱད་གནས་པའང་། །
སྡེ་ཚན་ལྔ་རུ་དྲིལ་བྱས་ནས། །
ཕོ་དང་མ་ནིང་མོ་དང་ནི། །
ཤིན་ཏུ་མོ་དང་བཞི་བཞི་རུ། །
སྡེ་བ་བཞི་པ་ཡན་ཆད་དབྱེ། །
ལྷག་མ་བཅུ་བཞི་གནས་པ་ལ། །
ཙ་སོགས་གསུམ་ནི་ཅ་སོགས་སྦྱར། །
ཝ་ནི་བ་དང་སྦྱར་བར་བྱ། །
ལྷག་མ་དྲུག་ནི་མོ་རུ་སྦྱར། །
ར་ལ་ཧ་ནི་མོ་གཤམ་སྟེ། །
ཨ་ནི་མཚན་མེད་ཅེས་ཀྱང་བྱ། །

https://bodyiglobjong.com/audio/rtak-juk-pg/Takjuk_PG-2C-text.mp3

ཞེས་པས་བསྟན་ཏེ། སྤྱིར་བོད་ཀྱི་སྐད་ལ་ཉེ་བར་གྲགས་པའི་ཡི་གེ་རྣམས་ལ་ཕོ་མོ་གཉིས་སུ་དབྱེ་བའི་དབང་དུ་བྱས་ན་དབྱངས་ཡིག་མཚོན་བྱེད་ཨི་ཨུ་ཨེ་ཨོ་བཞི་ནི་ཤེས་རབ་ཀྱི་རང་བཞིན་མོ་དང་ཀ་ནས་ཨའི་མཐར་ཐུག་པ་གསལ་བྱེད་སུམ་ཅུ་པོ་རྣམས་ནི་ཐབས་ཀྱི་རང་བཞིན་ཕོར་ཤེས་པར་བྱའོ། །དེས་ན་ཕོའི་ཡི་གེ་འབའ་ཞིག་སྟེ་གསལ་བྱེད་སུམ་ཅུ་པོ་ཁོ་ན་ལ་སྡེ་བ་ཕྱེད་དང་བརྒྱད་དུ་གནས་ཏེ། སྡེ་བ་དང་པོ། ཀ་ཁ་ག་ང་། གཉིས་པ། ཅ་ཆ་ཇ་ཉ། གསུམ་པ། ཏ་ཐ་ད་ན། བཞི་པ། པ་ཕ་བ་མ། ལྔ་པ། ཙ་ཚ་ཛ་ཝ། དྲུག་པ། ཞ་ཟ་འ་ཡ། བདུན་པ། ར་ལ་ཤ་ས། ཕྱེད་པ། ཧ་ཨ། རྣམས་སོ། །

https://bodyiglobjong.com/audio/rtak-juk-pg/Takjuk_PG-2D-text.mp3

དེ་རྣམས་སྡེ་ཚན་ལྔ་རུ་དྲིལ་བ་ནི་ཕོ་དང་མ་ནིང་དང་མོ་དང་ཤིན་ཏུ་མོ་དང་མོ་གཤམ་སྟེ་རྣམ་པ་ལྔའོ། །དེའང་སྡེ་བ་བཞི་པོ་རྣམས་ཀྱི་དང་པོ་ཀ་ཅ་ཏ་པ་རྣམས་ཕོ་དང་། གཉིས་པ་ཁ་ཆ་ཐ་ཕ་རྣམས་མ་ནིང་དང་། གསུམ་པ་ག་ཇ་ད་བ་རྣམས་མོ་དང་། བཞི་པ་ང་ཉ་ན་མ་རྣམས་ཤིན་ཏུ་མོར་དབྱེ་བར་བྱའོ། །དེར་མ་ཕྱེ་བའི་ལྷག་མ་ཙ་སྡེ་ཕྱེ་ན་ཡི་གེ་བཅུ་བཞིར་གནས་པ་ལ། ཙ་ལ་སོགས་པ་སྟེ་ཙ་ཚ་ཛ་གསུམ་ནི་རིམ་བཞིན་སྔར་བསྟན་པའི་ཅ་ལ་སོགས་པ་གསུམ་དང་སྦྱར་བར་བྱ་སྟེ། ཙ་ཕོ་ཚ་མ་ནིང་ཛ་མོར་ཤེས་པར་བྱའོ། །དེ་བཞིན་དུ་ཝ་ནི་བ་དང་སྦྱར་བས་མོ་དང་། ལྷག་མ་ཞ་ཟ་འ་ཡ་ཤ་ས་དྲུག་ཀྱང་མོའི་ཡི་གེར་སྦྱར་བར་བྱའོ། །ར་ལ་ཧ་གསུམ་ནི་མོ་གཤམ་གྱི་ཡི་གེ་ཞེས་བྱ་ཞིང་། ཨ་ཡིག་ནི་མོ་གཤམ་གྱི་ཡི་གེ་ཡིན་པར་མ་ཟད་མཚན་མེད་ཀྱི་ཡི་གེ་ཞེས་ཀྱང་བྱའོ། །ཞེས་པའི་དོན་ཏོ། །འདིར་མིང་གཞིའི་ཡི་གེ་རྣམས་ཕོ་ལ་སོགས་པར་རྒྱུ་མཚན་གང་གི་སྒོ་ནས་བཞག་པའང་འདི་ལྟར་ཤེས་དགོས་ཏེ། ཡི་གེ་རྣམས་སོ་སོར་ངག་ནས་བརྗོད་པའི་ཚེ་སོ་སོའི་སྐྱེ་གནས་མགྲིན་སོ་མཆུ་རྐན་སོགས་ལ་བྱེད་རྩོལ་གྱི་ཤུགས་ཆེ་ཆུང་ངམ་གྲིམས་ལྷོད་ཀྱི་དབང་གིས་ཤུགས་ཆེ་བའམ་གྲིམས་པ་རྣམས་ཕོ་ཡིག་དང་། རན་པ་རྣམས་མ་ནིང་དང་། ཅུང་ཟད་ཆུང་བའམ་ལྷོད་པ་རྣམས་མོ་དང་། དེ་ལས་ཀྱང་ཆུང་བའམ་ལྷོད་པ་རྣམས་ཤིན་ཏུ་མོ་དང་། ཤིན་ཏུ་རྩོལ་བ་ལྷོད་ཅིང་ཞན་པ་རྣམས་མོ་གཤམ་དུ་བཞག་པའོ། །དེས་ན་ཨ་ཡིག་རྩོལ་བ་ཤིན་ཏུ་ལྷོད་པའི་སྒོ་ནས་མོ་གཤམ་དུ་བཞག་མོད་ཀྱི་ར་ལ་ཧ་གསུམ་ལ་ལྟོས་པའི་དེ་ལས་ཀྱང་རྩོལ་བ་ཞན་པའི་ཕྱིར་མཚན་མེད་དུའང་བཞག་གོ། དེ་ལྟར་ཡིན་པ་ཅིས་ཤེས་ཤེ་ན་འདི་ཉིད་དུ། ཕོ་ནི་དྲག་པའི་ཚུལ་གྱིས་འཇུག། ཅེས་སོགས་ཀྱི་ཤུགས་ལས་ཀྱང་རྟོགས་ཤིང་། ཡི་གེ་རྣམས་ཀྱི་ཀློག་ཚུལ་རང་གིས་ཀྱང་བདེ་བླག་ཏུ་གོ་བར་ནུས་ཏེ། ཀ་སྡེ་སོགས་བཞི་པོའི་སྡེ་བ་སོ་སོའི་དང་པོ་ལས་གཉིས་པ་སོགས་རིམ་པར་རྩོལ་བ་ལྷོད་པ་དང་ཙ་ཚ་ཛ་གསུམ་ཡང་དེ་དག་གི་རིམ་པ་དང་མཚུངས་ཤིང་ཝ་ཞ་ཟ་འ་ཡ་ཤ་ས་རྣམས་ག་སོགས་དང་འདྲ་བ་དང་། ར་ལ་ཧ་ཨ་རྣམས་དེ་ལས་ཀྱང་ཅུང་ཟད་རྩོལ་བ་ལྷོད་པར་མངོན་སུམ་གྱིས་གྲུབ་པའི་ཕྱིར་དང་། ཨ་ཡིག་ནི་ཀློག་ཚུལ་གྱིས་མོ་གཤམ་གཞན་ལས་ལྷོད་པར་གྲུབ་ཅིང་། དེར་མ་ཟད་ཡི་གེའི་མདོར་སྲོག་ཆེན་གྱི་ཡི་གེ་གཞན་རྣམས་ཕྱེ་བའི་རྩོལ་བ་ཅན་དུ་བྱས་ཤིང་ཨ་ཁོ་ན་མགྲིན་པ་བཙུམ་པའི་རྩོལ་བ་ཅན་དུ་བཞག་པས་ཀྱང་གྲུབ་པའི་ཕྱིར་རོ། །

https://bodyiglobjong.com/audio/rtak-juk-pg/Takjuk_PG-2E-text.mp3

སྐབས་འདིར་འགྲེལ་བྱེད་སྔ་མ་ཁ་ཅིག་ཨ་ཡིག་རྟགས་མེད་དུ་འདོད་པ་དང་། ཁ་ཅིག་མོ་གཤམ་མམ་མ་ནིང་མཚན་མེད་དུ་འདོད་པ་དང་། ཁ་ཅིག་ཕོ་རྟགས་སུ་འདོད་པ་རྣམས་བྱུང་ཡང་། ལུགས་དང་པོ་ལྟར་ན་ཐུ་མི་ཉིད་ཀྱིས་སྡེ་བ་ཕྱེད་དང་བརྒྱད་པོ་སྡེ་ཚན་ལྔར་དྲིལ་བར་བསྟན་པ་དང་དངོས་སུ་འགལ་ཏེ་སྡེ་ཚན་ལྔར་མི་གཏོགས་པའི་རྟགས་མེད་ཀྱི་ཨ་ཡིག་ཁས་བླངས་པའི་ཕྱིར་རོ། །འདོད་པ་གཉིས་པ་ལྟར་ཡང་མི་ལེགས་ཏེ་འཆད་འགྱུར་ལྟར་གཞུང་གི་ཡི་གེ་ཉམས་པ་ཉིད་ཚད་མར་བཟུང་ནས་ཨ་ཡིག་ལ་འོལ་ཚོད་ཀྱིས་རིགས་འགྲེ་སྦྱར་བ་ཙམ་དུ་སྣང་བའི་ཕྱིར་རོ། །ལུགས་གསུམ་པ་ལའང་སྐྱོན་ཡོད་དེ་གཞུང་ཉིད་དུ་དམིགས་བསལ་གྱིས་ཕོ་ཡིག་རྣམས་གསལ་བར་ཕྱེས་པ་ལ་དབྱེ་བ་མཚན་ཉིད་པར་མ་སོང་བའི་སྐྱོན་གདགས་པར་འདོད་པས་སམ་བླུན་པ་ཉིད་ཀྱིས་སྤྱིར་བཏང་ཀཱ་ལི་སུམ་ཅུ་ཕོ་ཡིག་ཏུ་བཤད་པའི་སྒྲུབ་བྱེད་ཀྱིས་དམིགས་བསལ་སྐབས་སུ་ཨ་ཡིག་ཕོར་བསྒྲུབས་པའི་ཕྱིར་རོ། །ཡང་སྐབས་འདིར་འགྲེལ་བྱེད་ཕལ་ཆེར་མགྲིན་གཅིག་ཏུ་ར་ལ་ཧ་རྣམས་མོ་གཤམ་ཡིན་པར་མ་ཟད་མ་ནིང་མཚན་མེད་ཀྱང་ཡིན་པར་སྨྲ་བའང་འཐད་པར་མ་གོ་སྟེ། དེ་དག་གིས། ར་ལ་ཧ་ནི་མོ་གཤམ་སྟེ། །མ་ནིང་མཚན་མེད་ཅེས་ཀྱང་བྱ། །ཞེས་གཞུང་གི་ཡི་གེ་ཉམས་པ་ཉིད་སྒྲ་དྲང་ཐད་དུ་བཟུང་བས་ནོངས་པར་འདུག་པའི་ཕྱིར་རོ། https://bodyiglobjong.com/audio/rtak-juk-pg/Takjuk_PG-2F-text.mp3 །གཞུང་དེ་ལྟར་བཀླགས་པས་སྐྱོན་དུ་འགྱུར་བའི་ཚུལ་ཇི་ལྟ་བུ་ཞེ་ན། མོ་གཤམ་དང་མ་ནིང་གི་གཞི་མཐུན་ཁས་ལེན་དགོས་པའི་སྐྱོན་དེ་ཉིད་དང་། སྡེ་བ་ཕྱེད་དང་བརྒྱད་པོ་སྡེ་ཚན་ལྔ་རུ་དྲིལ་དགོས་པ་ལ་འདྲིལ་མི་ཐུབ་པའི་སྐྱོན་དུའང་འགྱུར་རོ། །དེ་ལ་མོ་གཤམ་དང་མ་ནིང་གི་གཞི་མཐུན་ཁས་བླངས་པས་ཅིར་འགྱུར་ཞེ་ན་བཤད་པར་བྱ་སྟེ། སྤྱིར་ག་ཡིག་ལྟ་བུ་སྤྱིར་བཏང་གསལ་བྱེད་རྣམས་ཕོ་ཡིག་ཏུ་བྱས་པའི་ཕོ་ཡིན་པ་དང་། ནང་གསེས་སྡེ་ཚན་ལྔར་དབྱེ་བའི་མོ་ཡིན་པ་ལྟ་བུ་མི་འགལ་ཡང་དབྱེ་སྒོ་གཅིག་ཉིད་ཀྱི་ཚེ་ནི་ཡི་གེའི་སྐྱེ་གནས་ཀྱི་རྩོལ་བ་ཆེ་ཆུང་ངམ་སྒྲ་གྲིམས་ལྷོད་སོགས་འབྱེད་ཆོས་ཐ་དད་པས་རྣམ་པར་བཞག་པའི་དབྱེ་བ་ཐ་དད་པ་རྣམས་ཆོས་ཅན་བྱེ་བྲག་པ་གཅིག་གི་སྟེང་དུ་འདུ་བར་རུང་བ་མ་ཡིན་ཏེ་དཔེར་ན་རྩོལ་བ་ཆེ་བའམ་སྒྲ་གྲིམས་པའི་སྒོ་ནས་བཞག་པའི་ཕོ་ཡིག་ཀ་ལྟ་བུ་ལ། སྐབས་དེའི་མ་ནིང་དང་མོ་སོགས་ཀྱི་འབྱེད་ཆོས་བྱེད་པ་དང་རྩོལ་བ་མཉམ་པ་དང་ལྷོད་པ་སོགས་ལྷན་ཅིག་ཏུ་འགལ་བ་འདུ་བའི་སྐབས་མེད་པ་བཞིན་ནོ། ། དེས་ན་མ་ནིང་བྱེད་རྩོལ་མཉམ་པའི་སྒོ་ནས་བཞག་པ་དང་། མོ་གཤམ་བྱེད་རྩོལ་ཤིན་ཏུ་ལྷོད་ཅིང་ཞན་པའི་སྒོ་ནས་བཞག་པ་གཉིས་དབྱེ་སྒོ་གཅིག་གི་ཚེ་ནམ་ཡང་མི་འགྲིག་སྟེ། དཔེར་བྱས་པའི་མོ་གཤམ་དང་མ་ནིང་སོགས་ཀྱང་གཞི་གཅིག་ལ་གཉིས་ཀ་དང་གསུམ་ག་སོགས་ཡིན་པ་མི་སྲིད་ཅིང་དེ་ལྟར་སྲིད་དོ་ཞེས་སྨྲ་ནའང་འཇིག་རྟེན་གྱི་གྲགས་པ་དང་འགལ་བ་བཞིན་དཔེ་ཅན་ལའང་མཚུངས་པའི་ཕྱིར་རོ། །ཡང་སྡེ་ཚན་ལྔར་འདྲིལ་མི་ཐུབ་པའི་སྐྱོན་མེད་དེ། ར་ལ་ཧ་གསུམ་མོ་གཤམ་དུ་བཤད་པས་ཨ་ཡིག་མོ་གཤམ་དུ་ཤུགས་ཀྱིས་གོ་ནུས་པའི་ཕྱིར། སྙམ་ནའང་མི་འཐད་དེ་ཡི་གེ་གཞན་ཐམས་ཅད་ཞིབ་མོར་ཕྱེ་ནས་བཤད་ཅིང་ཨ་ཡིག་གཅིག་པུ་ཤུགས་བསྟན་དུ་བཞག་པ་ལ་ཉན་པ་པོར་ཐེ་ཚོམ་སྐྱེད་པ་སོགས་ཀྱི་སྐྱོན་ལས་དགོས་པ་གཞན་ཅིའང་མེད་པའི་ཕྱིར་རོ། །དེས་ན་གོང་དུ་བཀོད་པ་བཞིན། ཨ་ནི་མཚན་མེད་ཅེས་ཀྱང་བྱ། །ཞེས་ཀློག་པ་ཉིད་དོན་དང་འབྱོར་ཏེ། ཀྱང་སྒྲའི་ནུས་པས་ཨ་ཡིག་ར་ལ་ཧ་བཞིན་དུ་མོ་གཤམ་ཡིན་པར་གྲུབ་ཅིང་། མཚན་མེད་ཅེས་པས་དེ་མོ་གཤམ་ཡིན་ཡང་མོ་གཤམ་གྱི་ཡི་གེ་གཞན་གྱི་བྱེད་རྩོལ་གྱི་མཚན་ཉིད་ཧ་ཅང་གསལ་བར་མཚོན་མི་ནུས་པའི་རྒྱུ་མཚན་གྱིས་མཚན་མེད་ཅེས་ཀྱང་མིང་དུ་གདགས་པར་བྱའོ་ཞེས་པ་འདི་གྲུབ་བོ། །དེ་ལྟ་ནའང་མཚན་མེད་ཅེས་པས་མ་ནིང་མཚན་མེད་ཉིད་བསྟན་པར་སོང་བས་སྔར་སྨོས་པའི་སྐྱོན་མི་ཁེགས་སོ་སྙམ་ན་དྭོགས་པ་སྐྱེ་མི་དགོས་ཏེ། མ་ནིང་ལ་འགྱུར་བ་དང་། མཚན་གཉིས་དང་མཚན་མེད་གསུམ་དུ་དབྱེ་བ་རྗེས་འཇུག་གི་སྐབས་སུ་ཡིན་གྱི་འདིར་མི་འགྲིག་བཞིན་དུ་དེ་ལྟར་ཚེགས་ཀྱིས་སྦྱོར་བ་དགོས་པ་མེད་པའི་ཕྱིར་རོ། །དེ་ལྟར་འདིར་ཡི་གེ་ཉམས་པའི་ཚུལ་དོན་གྱི་རྒྱུ་མཚན་དེ་དག་གི་སྒོ་ནས་ཤེས་པར་མ་ཟད་ཡིག་གཟུགས་ལས་ཀྱང་མ་ནིང་དང་ཨ་ནི་ཞེས་པ་ལ་འཁྲུལ་གཞི་འབྱུང་རིགས་པར་རྟོགས་སླ་བ་ཡིན་གྱི། འགའ་ཞིག་ཏུ། ར་ལ་ཧ་ཨ་མོ་གཤམ་སྟེ། །ཞེས་དག་པར་འདོན་པའི་ཁུལ་བྱེད་པ་རྣམས་ནི་མ་བརྟགས་པ་ཉིད་དོ། །

https://bodyiglobjong.com/audio/rtak-juk-pg/Takjuk_PG-2G-text.mp3

འདིར་སྨྲས་པ།
ཐེ་ཚོམ་མཚན་མོ་བསྟེན་བཞིན་དུ། །
ཐུ་མིའི་གཞུང་ལུགས་བལྟ་འདོད་རྣམས། །
སྔོན་ཆད་མཁས་པའི་ཁུར་འཛིན་པའི། །
འགྲེལ་བྱེད་འགའ་འགའི་ཡིད་མཁའ་ན། །

ནམ་ཡང་ཤར་ཞེས་མ་ཐོས་པའི། །
ཁོ་བོའི་ལེགས་བཤད་ཟླ་སྣང་འདི། །
གེགས་མེད་བསྟེན་ནས་རིག་པའི་ལམ། །
དྲང་པོའི་ཕྱོགས་སུ་འཇུག་པར་གྱིས། །ཞེས་སོ། །


མིང་གཞི་ལས་སྔོན་རྗེས་དབྱུང་བའི་ཚུལ།

https://bodyiglobjong.com/audio/rtak-juk-pg/Takjuk_PG-3A-text.mp3

གཉིས་པ་སྔོན་འཇུག་གི་རྟགས་ཀྱི་འཇུག་པ་བཤད་པ་ལ། མིང་གཞི་ལས་སྔོན་རྗེས་དབྱུང་བའི་ཚུལ། སྔོན་འཇུག་གི་རྟགས་ཀྱི་དབྱེ་བ། དེའི་འཇུག་ཚུལ་བཤད་པ་དང་གསུམ་གྱི།

དང་པོ་ནི།

མོ་ཡི་ཡི་གེའི་ནང་ནས་ནི། །
འཇུག་པའི་ཡི་གེ་བཅུ་དབྱུང་བྱ། །
འཇུག་པ་བཅུ་ཡི་ནང་ནས་ནི། །
སྔོན་འཇུག་ཡི་གེ་ལྔ་དབྱུང་བྱ། །

ཞེས་པས་བསྟན་ཏེ། མོའི་ཡི་གེ་ལ་བཤད་མ་ཐག་པ་ལྟར་མོ་ཙམ་དང་ཤིན་ཏུ་མོ་དང་མོ་གཤམ་དང་གསུམ་དུ་གནས་པ་སོ་སོར་མ་ཕྱེ་བའི་ནང་ནས་སྔར་སུམ་ཅུ་པར་བཤད་པ་ལྟར་རྗེས་འཇུག་གི་ཡི་གེ་ག་ང་ད་ན་བ་མ་འ་ར་ལ་ས་སྟེ་བཅུ་པོ་རྣམས་དབྱུང་བར་བྱ་ཞིང་། དེའི་ནང་ནས་ཀྱང་སྔོན་འཇུག་གི་ཡི་གེ་ག་ད་བ་མ་འ་ལྔ་པོ་རྣམས་དབྱུང་བར་བྱའོ། །ཞེས་སོ། །


སྔོན་འཇུག་གི་རྟགས་ཀྱི་དབྱེ་བ་བཤད་པ།

https://bodyiglobjong.com/audio/rtak-juk-pg/Takjuk_PG-4A-text.mp3

གཉིས་པ་སྔོན་འཇུག་གི་རྟགས་ཀྱི་དབྱེ་བ་བཤད་པ་ནི།

སྔོན་འཇུག་ཡི་གེ་ལྔ་པོ་ལ། །
ཕོ་དང་མ་ནིང་མོ་དང་ནི། །
ཤིན་ཏུ་མོ་དང་བཞི་རུ་དབྱེ། །

ཞེས་པས་བསྟན་ཏེ། བཤད་མ་ཐག་པའི་སྔོན་འཇུག་གི་ཡི་གེ་ལྔ་པོ་དེ་ལ། ཕོ་བ་ཡིག་དང་། མ་ནིང་ག་ད་གཉིས། མོ་འ་ཡིག། ཤིན་ཏུ་མོ་མ་ཡིག་བཅས་བཞིར་དབྱེ་བར་བྱའོ། །ཞེས་སོ། །

འདི་སྐབས་དབྱེ་ཚུལ་ལ་འཁྲུལ་གཞི་མེད་པས་འགྲེལ་བྱེད་རྣམས་ཀྱང་ངག་མཐུན་པར་སྣང་ལ། རྟགས་དེ་ལྟར་དབྱེ་བའི་རྒྱུ་མཚན་ནི་མིང་གཞི་ལྟར་སྔོན་འཇུག་གི་ཡི་གེ་རང་རང་ཀློག་པའི་སྒྲ་གྲིམས་ལྷོད་སོགས་ལས་ནི་མ་ཡིན་ཏེ་འཆད་འགྱུར་ལྟར་དེ་དག་འཇུག་ཡུལ་གྱི་མིང་གཞིའི་ཡི་གེ་དང་སྦྱར་ནས་ཀློག་པའི་ཚེ་སྒྲ་གདངས་ཤུགས་ཆེ་ཆུང་དུ་འགྱུར་བའི་ཆ་ནས་བཞག་པའོ། །


འཇུག་ཚུལ་རྟོགས་བྱེད་ཀྱི་ཡན་ལག་མདོར་བསྟན་པ།

https://bodyiglobjong.com/audio/rtak-juk-pg/Takjuk_PG-5A-text.mp3

གསུམ་པ་དེའི་འཇུག་ཚུལ་བཤད་པ་ལ། འཇུག་ཚུལ་རྟོགས་བྱེད་ཀྱི་ཡན་ལག་རྣམས་མདོར་བསྟན་པ་དང་། དྲི་ལན་གྱི་སྒོ་ནས་རྒྱས་པར་བཤད་པ་གཉིས་ཀྱི།

དང་པོ་ནི།

དེ་དག་རེ་རེའང་བཞི་བྱེད་དེ། །
གང་ལ་འཇུག་བྱེད་གང་གིས་བྱེད། །
ཇི་ལྟར་འཇུག་བྱེད་ཅི་ཕྱིར་བྱེད། །

ཅེས་པས་བསྟན་ཏེ། སྔོན་འཇུག་དེ་དག་གི་ཕོ་སོགས་རེ་རེའི་འཇུག་ཚུལ་ལའང་རྣམ་པ་བཞི་བཞིར་བྱེད་པ་སྟེ་བྱེད་པ་བཞི་བཞིའི་སྒོ་ནས་རྟོགས་པར་བྱེད་དགོས་སོ། །དེའང་འཇུག་ཡུལ་མིང་གཞིའི་ཡི་གེ་གང་དང་གང་ལ་འཇུག་པར་བྱེད་པ་དང་། འཇུག་པ་པོ་སྔོན་འཇུག་གང་གིས་འཇུག་པར་བྱེད་པ་དང་། སྒྲའི་ཚུལ་ཇི་ལྟ་བུས་འཇུག་པར་བྱེད་པ་དང་། དགོས་པ་ཅིའི་ཕྱིར་དུ་འཇུག་པར་བྱེད་པ་རྣམས་སོ། །


གང་ལ་འཇུག་པ་དང་གང་གིས་འཇུག་པར་བྱེད་པ་ཐུན་མོང་དུ་བསྟན་པ་ལ་དྲི་བས་མཚམས་སྦྱར་བ་དང་ལན་གྱིས་བསྙད་པ།

https://bodyiglobjong.com/audio/rtak-juk-pg/Takjuk_PG-6A-text.mp3

གཉིས་པ་དྲི་ལན་གྱི་སྒོ་ནས་རྒྱས་པར་བཤད་པ་ལ། གང་ལ་འཇུག་པར་བྱེད་པ་དང་གང་གིས་འཇུག་པར་བྱེད་པ་ཐུན་མོང་དུ་བསྟན་པ། ཇི་ལྟར་འཇུག་པར་བྱེད་པ་བསྟན་པ། ཅི་ཕྱིར་འཇུག་པར་བྱེད་པ་བསྟན་པ་སྟེ་གསུམ་མོ། །དང་པོ་ལ་དྲི་བས་མཚམས་སྦྱར་བ་དང་། ལན་གྱིས་བསྙད་པའོ། །

དང་པོ་ནི།

གང་ལ་འཇུག་པར་བྱེད་ཅེ་ན། །ཞེས་པའོ། །

https://bodyiglobjong.com/audio/rtak-juk-pg/Takjuk_PG-7A-text.mp3

གཉིས་པ་ལན་ལ། ལན་དངོས་དང་ཞར་བྱུང་མི་འཇུག་པ་བཤད་པ་གཉིས་ཀྱི་དང་པོ་ནི།

ཕོ་ནི་ཕོ་དང་མོ་ལ་འཇུག། །
མོ་ནི་མོ་དང་མ་ནིང་ལ། །
མ་ནིང་ཡང་ནི་ཕོ་མོ་ལའོ། །
ཤིན་ཏུ་མོ་ནི་མ་ནིང་དང་། །
མོ་དང་ཤིན་ཏུ་མོ་ཉིད་ལའོ། །

https://bodyiglobjong.com/audio/rtak-juk-pg/Takjuk_PG-7B-text.mp3

ཞེས་པས་བསྟན་ཏེ། དེ་ལ་གང་གིས་འཇུག་པར་བྱེད་པ་པོ་སྔོན་འཇུག་གི་ཕོའི་ཡི་གེ་བ་ནི། རང་གི་སྡེ་བ་མ་ཡིན་པའི་མིང་གཞིའི་ཕོ་ཡིག་ཀ་ཅ་ཏ་ཙ་རྣམས་དང་། མོ་ཡིག་ག་ང་ཇ་ཉ་ད་ན་ཛ་ཞ་ཟ་ར་ཤ་ས་རྣམས་ལ་འཇུག་གོ། དེའང་། ཀ་ག་གཉིས་ལ་བརྩེགས་འདོགས་རྐྱང་གསུམ་གར་དང་། ཏ་ཙ་ད་གསུམ་ལ་རྐྱང་བརྩེགས་གཉིས་ཀར་དང་། ང་ཇ་ཉ་ན་ཛ་རྣམས་ལ་བརྩེགས་མ་ཁོ་ནར་དང་། ཅ་ཞ་ཤ་གསུམ་ལ་རྐྱང་བ་ཁོ་ནར་དང་། ཟ་ས་གཉིས་རྐྱང་འདོགས་གཉིས་དང་། ར་འདོགས་ཅན་ཁོ་ན་སྟེ་དེ་རྣམས་ལ་འཇུག་པ་ཡིན་ནོ། །དེས་ན་འདི་སྐབས་སུ་རྐྱང་འཕུལ་གྱི་དབང་དུ་བྱས་ནས་ཕོ་ལ་བ་ཡིག་འཇུག་ཚུལ་ནི། བཀའ། བཅས། བཏགས། བཙགས། ལྟ་བུ་དང་། མོ་ལ། བགོས། བདག། བཞེད། བཟང་། བཤད། བསམ། ལ་སོགས་པ་ལྟ་བུ་རྣམས་དཔེར་བརྗོད་པར་བྱའོ། ། དེ་བཞིན་དུ་བརྩེགས་འཕུལ་གྱི་དབང་གིས། དཔེར་ན། ཕོ་ལ། བརྐོ། བསྐོན། བརྟས། བལྟའ། བསྟོད། བརྩེགས། སོགས་དང་། མོ་ལ། བརྒལ། བསྒོ། བརྔ། བསྔགས། བརྗོད། བརྙས། བསྙེན། བརྡ། བལྡད། བསྔོག། བརྣོག། བསྣན། བརྫང་། ལྟ་བུ་དང་། འདོགས་འཕུལ་གྱི་དབང་གིས་ཕོ་ལ། བཀྱེ། བརྐྱང་། བསྐྱེད། བཀྲག། བསྐྲུན། བཀླགས། སོགས་དང་། མོ་ལ། བརྒྱད། བསྒྱིངས། བགྲད། བསྒྲགས། བསྲང་། བཟླས། བརླབས། བསླངས། ལྟ་བུས་མཚོན་ཏེ་ཤེས་པར་བྱའོ། །དེ་བཞིན་དུ་སྦྱར་ཏེ། སྔོན་འཇུག་གི་མོ་འ་ཡིག་ནི། མིང་གཞིའི་མོ་ག་ཇ་ད་བ་ཛ་རྣམས་དང་མ་ནིང་ཁ་ཆ་ཐ་ཕ་ཚ་རྣམས་ལ་རྐྱང་འཕུལ་གྱིས་འཇུག་ཅིང་། དེ་རྣམས་ལས་ག་བ་ཁ་ཕ་རྣམས་ལ་འདོགས་འཕུལ་དུའང་འཇུག་གོ། དཔེར་ན་རྐྱ་འཕུལ་ལ། འགོད། འཇམ། འདམ། འབོལ། འཛོམ། འཁོར། འཆལ། འཐད། འཕགས། འཚལ། ལྟ་བུ་དང་། འདོགས་འཕུལ་ལ། འགྱེད། འབྱེད། འཁྱར། འགྲེལ། འབྲེལ། འཁྲེན། འཕྲད་ལྟ་བུའོ། །

https://bodyiglobjong.com/audio/rtak-juk-pg/Takjuk_PG-7C-text.mp3

སྔོན་འཇུག་གི་མ་ནིང་ག་ཡིག་ནི་མིང་གཞིའི་ཕོ་ཅ་ཏ་ཙ་རྣམས་དང་། མོ་ཉ་ད་ན་ཞ་ཟ་ཡ་ཤ་ས་རྣམས་ལ་རྐྱང་འཕུལ་ཁོ་ནས་འཇུག་སྟེ། དཔེར་ན། གཅིག། གཏམས། གཙང་། གཉེར། གདངས། གནས། གཞལ། གཟུགས། གཡས། གཤམ། གསལ། ལ་སོགས་པ་ལྟ་བུའོ། །སྔོན་འཇུག་གི་མ་ནིང་ད་ཡིག་ནི། མིང་གཞིའི་ཕོ་ཀ་པ་གཉིས་དང་། མོ་ག་བ་གཉིས་ཏེ་བཞི་ལ་རྐྱང་འདོགས་གཉིས་ཀར་འཇུག་ཅིང་། མོ་ང་མ་གཉིས་ལ་རྐྱང་འཕུལ་ཁོ་ནར་འཇུག་གོ། དཔེར་ན་རྐྱང་འཕུལ་ལ། དཀོན། དཔའ། དགའ། དབང་། དངར། དམར་ལྟ་བུ་དང་། འདོགས་ཅན་ལ། དཀྱིལ། དཔྱད། དགྱེས། དབྱངས། དཀྲོགས། དགྲམ། དབྲོག། ལྟ་བུའོ། །

https://bodyiglobjong.com/audio/rtak-juk-pg/Takjuk_PG-7D-text.mp3

སྔོན་འཇུག་གི་ཤིན་ཏུ་མོ་མ་ཡིག་ནི། མིང་གཞིའི་མ་ནིང་ཁ་ཆ་ཐ་ཚ་རྣམས་དང་། མོ་ཡིག་ག་ཇ་ད་ཛ་རྣམས་དང་། ཤིན་ཏུ་མོ་ང་ཉ་ན་རྣམས་ལ་རྐྱང་འཕུལ་གྱིས་འཇུག་ཅིང་། དེ་ལས་ཁ་ག་གཉིས་ལ་འདོགས་འཕུལ་དུའང་འཇུག་གོ། དཔེར་ན་རྐྱང་འཕུལ་ལ། མཁའ། མཆན། མཐོང་། མཚན། མགུ། མཇེད། མདོག། མཛད། མངོན། མཉེས། མནབས། ལྟ་བུ་དང་། འདོགས་འཕུལ་ལ། མཁྱེན། མཁྲངས། མགྱོགས། མགྲིན་ལྟ་བུའོ། །

https://bodyiglobjong.com/audio/rtak-juk-pg/Takjuk_PG-7E-text.mp3

སྐབས་འདིར་འགྲེལ་བྱེད་ཕྱི་མ་ཁ་ཅིག་གིས། ཕོ་ནི་ཕོ་དང་མོ་ལ་འཇུག། ཅེས་པའི་གཞུང་གིས་རྐྱང་བརྩེགས་གཉིས་ཀའི་འཕུལ་འཇུག་བསྟན་པར་འདོད་བཞིན་དུ་ང་ཇ་ཉ་ན་ཛ་རྣམས་ལ་བརྩེགས་འཕུལ་དང་། ར་ཡིག་ལ་འདོགས་འཕུལ་གྱི་འཇུག་ཚུལ་ཐོག་མར་འཆད་པར་མི་བྱེད་ཅིང་། ངག་དོན་གྱི་སྡོམ་ཚིག་འགོད་པའི་ཚེ་དེ་དག་ལས་ན་ར་གཉིས་ལ་འཇུག་ཚུལ་བཤད་པ་དང་། ཅི་ཕྱིར་འཇུག་གི་སྐབས་སུ་དེ་རྣམས་ཐམས་ཅད་ཀྱི་དཔེར་བརྗོད་རྒྱས་པར་འགོད་པའི་འགལ་བའི་ཕུང་པོ་ཆེན་པོ་སྤྲོ་བར་བྱེད་པ་ནི་ཤིན་ཏུ་མི་རིགས་ཏེ། སྤྱིར་རྒྱས་བཤད་དང་དེའི་ངག་དོན་བསྡུས་པའི་སྡོམ་ཚིག་མཐུན་དགོས་ཤིང་དེ་དག་དང་། དེ་དག་ཉིད་ཀྱི་རྣམ་གསལ་གྱི་དཔེར་བརྗོད་མཐུན་དགོས་པའི་ཕྱིར་དང་། རྒྱུ་མཚན་དེས་མོ་ལ་ཞེས་པའི་མོ་ཡིག་དེ་མོ་ཡིག་སྤྱི་ལ་མི་འདོད་པར་ག་ཇ་བ་ད་སོགས་མོ་ཡིག་བཅུ་གཉིས་པོ་ཁོ་ནར་བསམས་ནའང་། ཁྱེད་རང་གི་སྡོམ་ཚིག་ཏུ་ན་ར་གཉིས་བྱུང་བ་དང་འགལ་བར་མ་ཟད། གཤམ་གྱི་དཔེར་བརྗོད་དང་འགལ་བའི་ཕྱིར་དང་། ཕོ་ནི་ཕོ་དང་མོ་ལ་འཇུག། ཅེས་པས་སྔོན་འཇུག་གི་ཕོའི་འཇུག་ཡུལ་ཐམས་ཅད་བསྡུས་ནས་བསྟན་པར་འདོད་དགོས་པ་གང་ཞིག། དེའི་འཇུག་ཡུལ་འགའ་ཞིག་མ་ཚང་བར་བཤད་པས་གཞུང་དོན་དང་ཡང་འགའ་བའི་ཕྱིར་རོ། །དང་པོ་གྲུབ་སྟེ། གཞུང་འདིར་སྔོན་འཇུག་གི་མོ་དང་མ་ནིང་སོགས་ཀྱི་འཇུག་ཡུལ་ཐམས་ཅད་བསྟན་པར་ཁྱེད་རང་ཡང་འདོད་ཅིང་། དེ་ལས་ཕོ་ཡིག་གི་འཇུག་ཡུལ་ཚང་བར་མ་བསྟན་པར་འདོད་པ་ལ་དགོས་པ་སོ་སོར་ཅིའང་བཤད་དུ་མེད་པའི་ཕྱིར་རོ། །ཁ་ཅིག་འདིར་བསྟན་རྐྱང་འཕུལ་ཁོ་ནར་འདོད་པ་ཡོད་ཀྱང་གཞུང་གི་བསྟན་བྱ་རྫོགས་པར་མི་འགྱུར་བའི་ཕྱིར་ཁྱབ་ཆུང་བ་ཉིད་དུ་ཟད་ཅིང་། དེ་ལྟར་འདོད་པའང་མོ་ལ་ཞེས་པ་མོ་ཡིག་སྤྱི་ཙམ་ལ་མ་བསམས་པའི་སྐྱོན་ཉིད་དུ་གསལ་མོད། འོན་ཀྱང་དེ་དག་གིས་མ་ནིང་གི་འཇུག་པ་འཆད་པའི་ཚེ་ནི་མོ་ལ་ཞེས་པ་མོ་ཡིག་སྤྱིར་མི་འདོད་ཀ་མེད་བྱུང་སྣང་ངོ་། །ཡང་ཕྱི་དུས་གངས་ཅན་དུ་བརྡ་དག་གི་སྲོལ་ཆེར་བཏོད་པ་པོ་རྣམས་མགྲིན་གཅིག་ཏུ་ཡ་ར་ལ་གསུམ་གྱི་འདོགས་དང་འབྲེལ་བའི་ཀ་ལ་སོགས་པ་མིང་གཞིའི་ཡི་གེ་ཉིས་འབྲེལ་ཅན་རྣམས་འཕུལ་བྱེད་གང་གིས་ཕུལ་ཀྱང་རྐྱང་འཕུལ་དུ་བཞེད་སྣང་ཡང་། ཞིབ་མོར་དཔྱད་ན་དེ་ལྟར་འཐད་པ་མ་ཡིན་ཏེ། སྐབས་འདིར་རྐྱང་པའི་གོ་དོན་སྔོན་འཇུག་གི་འཇུག་ཡུལ་དུ་རྗེས་འཇུག་མི་བརྩི་བའི་མིང་གཞིའི་ཡི་གེ་ཉིད་རེ་རེ་ཡིན་ན་རྐྱང་བ་དང་། གཉིས་གསུམ་འབྲེལ་བ་ཡིན་ན་བརྩེགས་མའི་ཐ་སྙད་འཇུག་ཅིང་འདོགས་ཅན་ཞེས་ཐ་སྙད་ཟུར་དུ་བྱེད་པའང་བརྩེགས་མའི་བྱེ་བྲག་ཉིད་ཡིན་པའི་ཕྱིར། བཀྱེ། བསྲན། བཟླས། བརླན་སོགས་མིང་གཞི་ཉིས་འབྲེལ་ཅན་རྣམས་ལ་རྐྱང་བའི་སྒྲས་བརྗོད་ཚེ་ཐ་སྙད་ལ་རྨོངས་པའི་ངག་ཏུ་འགྱུར་ཞིང་། ཡ་ར་ལ་གསུམ་ཀཱ་ལིའི་ཡ་གྱལ་དུ་བསྟན་བཞིན་དུ་འདིར་ཨཱ་ལི་མཚོན་བྱེད་ཀྱི་གི་གུ་དང་ཞབས་ཀྱུ་སོགས་དང་མཚུངས་པར་ཡི་གེའི་ཡན་ལག་ཙམ་ལས་ཡི་གེ་དངོས་མི་པར་བྱས་ནས་དེ་རྣམས་ལྡན་པའི་ཡི་གེ་ལ་རྐྱང་པར་བརྩིས་པས་དོན་ལའང་འཁྲུལ་བ་དང་། དེ་ལྟ་ན་བརྩེགས་འཕུལ་གཞན་རྣམས་ལའང་རྒྱུ་མཚན་མཚུངས་པས་བྱེ་བྲག་མེད་པར་རྐྱང་འཕུལ་དུ་བརྗོད་དགོས་པར་ཡང་འགྱུར་རོ། །

https://bodyiglobjong.com/audio/rtak-juk-pg/Takjuk_PG-7F-text.mp3

ཡང་སྐབས་འདིར་བརྩེགས་མ་དང་། འདོགས་ཅན་རྣམས་ལ་འཕུལ་ཡིག་འཇུག་པའི་ཚེ་མགོ་འདོགས་ཀྱི་ཡི་གེ་རྣམས་འཕུལ་ཡིག་གི་ཡུལ་ཡིན་མིན་ལ་སྔོན་ཆད་སུས་ཀྱང་དངོས་སུ་དཔྱད་པ་མ་མཐོང་མོད། ཞེན་དོན་ལ་བརྟགས་ན་མགོ་ཅན་དང་འདོགས་ཅན་གྱི་ཡི་གེ་དངོས་གཞི་དེ་ཉིད་ལས་གཞན་རྣམས་འཕུལ་འཇུག་གི་ཡུལ་དུ་མི་འདོད་པར་སྣང་བ། གཙོ་ཆེ་ཆུང་གི་དབང་དུ་བྱས་ན་ནི་དེ་བཞིན་འཐད་པའང་ཡིན་ཏེ། བ་ཡིག་གི་འཇུག་ཡུལ་གྱི་རྗེས་འཇུག་མི་བརྩི་བའི་མིང་གཞིའི་ཡི་གེ་གཉིས་གསུམ་འབྲེལ་བ། བཀྱེ། བརྒལ། བསྐྱེད། ལྟ་བུ་ལ་རིམ་པར་ཀ་ཡ་དང་ར་ག་དང་ས་ཀ་ཡ་རྣམས་སོ་སོར་ཀཱ་ལིའི་ཡི་གེ་རང་རྐྱ་ཐུབ་པ་རེ་ཡིན་པར་མཚུངས་ཀྱང་བརྗོད་པའི་ཚེ་དེ་དག་ལས། རང་སྡེའི་ཀ་དང་ག་དང་ཀ་རྣམས་ཀྱི་སྒྲ་གཙོ་བོར་འབྱུང་བའི་ཕྱིར་གཞུང་འདིར་ཡང་དེའི་དབང་དུ་མཛད་ནས་སྔོན་འཇུག་རྣམས་ཡི་གེ་གང་ལ་འཇུག་ཚུལ་གསུངས་པར་སྣང་བ། རང་གི་སྡེ་དང་འཕྲད་པ་ན། །ཕོ་ཡང་མོ་ལ་འཇུག་མི་འགྱུར། །ཞེས་བསྟན་པས་ཤེས་པར་ནུས་པའི་ཕྱིར་ཏེ། གཞན་དུ། འགྱེད། ཅེས་པ་ལྟ་བུ་འ་ཡིག་རང་སྡེའི་ཡ་ལ་འཇུག་པར་འགྱུར་བའི་ཕྱིར་རོ། །སྤྱིར་ནི་དེ་འདྲའི་མགོ་འདོགས་ཀྱི་ཡི་གེ་རྣམས་འཕུལ་ཡིག་གི་འཇུག་ཡུལ་ཙམ་ཡིན་པར་འདོད་པ་འགལ་བ་མེད་པར་མ་ཟད་ངེས་པར་ཁས་ལེན་དགོས་ཏེ། བསྐྱེད། ཅེས་པ་ལྟ་བུའི་བ་ཡིག་སྔོན་འཇུག་དང་ད་ཡིག་རྗེས་འཇུག་དང་ས་ཀ་ཡ་གསུམ་མིང་གཞིར་འགྱུར་ཞིང་། མིང་གཞི་དེ་གསུམ་ག་སྔོན་རྗེས་དེ་དག་གི་འཇུག་ཡུལ་ཡིན་པ་ཙམ་དུ་མཚུངས་པའི་ཕྱིར་ཏེ་མིང་གཞིའི་ཡི་གེ་ཡིན་ན་སྔོན་རྗེས་གཉིས་ཀའམ་གང་རུང་གི་འཇུག་ཡུལ་ཡིན་པས་ཁྱབ་པའི་ཕྱིར་རོ། །དེ་ལྟ་བུའི་ས་ཡ་གཉིས་པོ་དེ་རྗེས་འཇུག་གི་ཡུལ་དུ་རུང་གི་སྔོན་འཇུག་གི་ཡུལ་དུ་མི་རུང་ངོ་ཞེ་ནའང་གོང་སྨོས་ལྟར་འདིར་བསྟན་གཙོ་ཆེ་ཆུང་གི་འཇུག་ཚུལ་གྱི་དབང་དུ་བྱས་ན་བདེན་མོད། སྤྱིར་བཏང་ཙམ་ལ་མི་རུང་བའི་རྒྱུ་མཚན་ཅིའང་བཤད་དུ་མེད་དོ། །


ཞར་བྱུང་མི་འཇུག་པ་བཤད་པ།

https://bodyiglobjong.com/audio/rtak-juk-pg/Takjuk_PG-8A-text.mp3

གཉིས་པ་ཞར་བྱུང་དུ་མི་འཇུག་པ་བཤད་པ་ནི།

ཕོ་ནི་མ་ནིང་ལ་མི་འཇུག །
མོ་ནི་ཕོ་ལ་འཇུག་པ་མིན། །
མ་ནིང་རང་ལ་རང་མི་འཇུག།
རང་གི་སྡེ་དང་འཕྲད་པ་ན། །
ཕོ་ཡང་མོ་ལ་འཇུག་མི་འགྱུར། །
མ་ནིང་མོ་ཡང་དེ་བཞིན་ནོ། །

https://bodyiglobjong.com/audio/rtak-juk-pg/Takjuk_PG-8B-text.mp3

ཞེས་པས་བསྟན་ཏེ། སྔོན་འཇུག་གི་ཕོ་བ་ཡིག་ནི་མིང་གཞིའི་མ་ནིང་ཁ་ཆ་ཐ་ཕ་ཚ་རྣམས་ལ་མི་འཇུག་ཅིང་། སྔོན་འཇུག་གི་མོ་འ་ཡིག་དང་དེའི་ཤུགས་ཀྱིས་ཤིན་ཏུ་མོ་མ་ཡིག་དག་ནི་མིང་གཞིའི་ཕོ་ཀ་ཅ་ཏ་པ་ཙ་རྣམས་ལ་མི་འཇུག་པ་དང་། སྔོན་འཇུག་གི་མ་ནིང་ག་ད་གཉིས་ནི་མིང་གཞིའི་འང་མ་ནིང་ཁ་ཆ་ཐ་ཕ་ཚ་རྣམས་ལ་མི་འཇུག་གོ། ཡང་སྔར། ཕོ་ནི་ཕོ་དང་མོ་ལ་འཇུག ཅེས་སོགས་བཤད་པའི་དམིགས་བསལ་སྔོན་འཇུག་རྣམས་རང་རང་གནས་པའི་སྡེ་བ་སྟེ་བཞི་སོ་སོའི་མིང་གཞིའི་ཡི་གེ་རྣམས་དང་འཕྲད་པའི་ཚེ་སྔོན་འཇུག་གི་ཕོ་བ་ཡིག་ནི་མིང་གཞིའི་མོ་བ་མ་དག་ལ་མི་འཇུག་ཅིང་ཡང་སྒྲས་ཕོ་ཡིག་བ་ལའང་མི་འཇུག་པར་བསྟན་པ་དང་། དེ་བཞིན་དུ་སྔོན་འཇུག་གི་མ་ནིང་ག་ད་གཉིས་ཀྱང་རང་སྡེའི་ཕོ་མོ་དག་ལ་མི་འཇུག་པས་ག་ཡིག་མིང་གཞིའི་ཀ་ག་ང་རྣམས་དང་། ད་ཡིག་ཏ་ད་ན་རྣམས་ལ་མི་འཇུག་ཅིང་། སྔོན་འཇུག་གི་མོ་ཡིག་འ་ནི་རང་སྡེའི་མིང་གཞིའི་མོ་ཞ་ཟ་འ་ཡ་རྣམས་ལ་མི་འཇུག་པ་དང་། ཡང་སྒྲའི་ཤུགས་ཀྱིས་སྔོན་འཇུག་གི་ཤིན་ཏུ་མོ་མ་ཡིག་ནི་རང་སྡེའི་མིང་གཞིའི་མོ་དང་མ་ནིང་ཕ་བ་མ་རྣམས་ལ་འཇུག་པ་མ་ཡིན་ནོ། །ཞེས་སོ། །

https://bodyiglobjong.com/audio/rtak-juk-pg/Takjuk_PG-8C-text.mp3

འགྲེལ་བྱེད་ཁ་ཅིག་གིས་སྐབས་འདིར་གང་གིས་འཇུག་བྱེད་འཆད་པའི་གཞུང་ཆད་པར་འདོད་པ་ཡོད་ཀྱང་གོང་སྨོས་བཞིན་འདིར་འཇུག་བྱེད་དང་འཇུག་ཡུལ་ལྷན་ཅིག་ཏུ་གསལ་བར་བསྟན་པ་མཐོང་བཞིན་དེ་ལས་ལྡོག་སྟེ་སྨྲ་བ་ལ་དགོས་ཅི་ཞིག་ཡོད་བསམ་དགོས་ཤིང་། ས་བཅད་ཟུར་བ་ཞིག་ངེས་པར་དགོས་སོ་སྙན་ནའང་འཇུག་བྱེད་ཀྱི་དོན་གསལ་བར་མཚོན་པའི་ངག་བཀོད་ཟིན་ནས་སླར་ཡང་དེ་ཉིད་བསྐྱར་བ་ནི་ཟློས་པའི་སྐྱོན་དུ་འགྱུར་རོ། །


ཇི་ལྟར་འཇུག་པར་བྱེད་པ་བསྟན་པ་ལ་དྲི་བས་མཚམས་སྦྱར་བ་དང་ལན་གྱིས་བསྙད་པ། ཅི་ཕྱིར་འཇུག་པར་བྱེད་པ་བསྟན་པར་དྲི་བས་མཚམས་སྦྱར་བ་དང་གཞུང་དོན་བདེ་བླག་ཏུ་རྟོཌ་ཕྱིར་འདིར་བསྟན་བདག་གཞན་དུས་གསུཾ་སྤྱིར་བསྟན་པ། དེའི་མཐའ་དཔྱད་པ།

https://bodyiglobjong.com/audio/rtak-juk-pg/Takjuk_PG-9A-9B-9C-10A-10B-text.mp3

གཉིས་པ་ཇི་ལྟར་འཇུག་པར་བྱེད་པ་བསྟན་པ་ལ་དྲི་བས་མཚམས་སྦྱར་བ་དང་། ལན་གྱིས་བསྙད་པ་གཉིས།

དང་པོ་ནི།

ཇི་ལྟར་འཇུག་པར་བྱེད་ཅེ་ན། །ཞེས་པའོ། །

གཉིས་པ་ནི།

ཕོ་ནི་དྲག་པའི་ཚུལ་གྱིས་ཏེ། །
མ་ནིང་རན་པར་འཇུག་པ་ཡིན། །
མོ་ནི་ཞན་པའི་ཚུལ་གྱིས་ཏེ། །
ཤིན་ཏུ་མོ་ནི་མཉམ་པས་སོ། །

ཞེས་གསུངས་ཏེ། སྔོན་འཇུག་གི་ཕོ་ཡིག་བ་ནི་མིང་གཞིའི་ཡི་གེ་རང་གི་འཇུག་ཡུལ་དུ་གྱུར་པ་རྣམས་ལ་སྒྲ་དང་བྱེད་རྩོལ་དྲག་པའི་སྒོ་ནས་འཇུག་པ་དང་། མ་ནིང་ག་ད་གཉིས་ནི་སྒྲ་སྩོལ་རན་པས་འཇུག་པ་དང་། མོ་ཡིག་འ་ནི་སྒྲ་སྩོལ་ཞན་པས་འཇུག་པ་དང་། ཤིན་ཏུ་མོ་མ་ནི་སྒྲ་སྩོལ་མཉམ་པ་སྟེ་ཤིན་ཏུ་ལྷོད་པའི་ཚུལ་གྱིས་འཇུག་པར་བྱེད་དོ། །ཞེས་སོ། །

གཞན་དག་འདིར་མཉམ་པ་ཞེས་པ་དྲག་ཞན་མཉམ་པར་འདོད་པ་ཡོད་ཀྱང་། དེ་ལྟ་ན་མ་ནིང་གི་འཇུག་ཚུལ་དང་ཟློས་པར་འགྱུར་ཞིང་། སྤྱིར་གོང་དུ་བཤད་པ་ལྟར་ཤིན་ཏུ་མོ་ཞེས་པ་མོ་ཡིག་ཏུ་འདོད་དགོས་པས་སྒྲ་རྩོལ་ཞན་པས་འཇུག་པ་ལས་འོས་མེད་ཅིང་ལྷག་པར་ཤིན་ཏུའི་སྒྲས་སྒྲ་རྩོལ་ཤིན་ཏུ་ཞན་པས་འཇུག་པ་ཉིད་དེ་མཉམ་པ་ཞེས་པ་ཉམ་ཆུང་བ་ལ་འཇུག་པ་ཡོད་ཅིང་ད་ལྟ་ཡུལ་འགའི་སྐྱེ་བོ་ལ་དེ་ལྟ་བུའི་བརྡ་ཆགས་པའང་མཐོང་ངོ་། །འགྲེལ་བྱེད་ཕལ་མོ་ཆེས་སྐབས་འདིའི་འཇུག་ཚུལ་དྲག་ཞན་སོགས་སྒྲ་གདངས་ཁོ་ནའི་སྒོ་ནས་བཞག་པར་འདོད་ཀྱང་ལེགས་པ་མ་ཡིན་ཏེ། ཕོ་དང་མ་ནིང་གི་འཇུག་ཚུལ་ལ་སྒྲ་དྲག་ཞན་གྱི་དབྱེ་བ་ཆེར་མེད་ཀྱང་གཙོ་བོར་བྱེད་རྩོལ་ཆེ་ཆུང་གི་སྒོ་ནས་འབྱེད་དགོས་ཤིང་། གཞན་རྣམས་ལའང་སྒྲ་གདངས་དྲག་ཞན་དུ་མ་ཟད་བྱེད་རྩོལ་ཆེ་ཆུང་གི་ཁྱད་པར་རེའང་ཞིབ་མོའི་བློས་དཔྱད་ན་མངོན་སུ་གྱིས་གྲུབ་པའི་ཕྱིར་རོ། །

གསུམ་པ་ཅི་ཕྱིར་འཇུག་པར་བྱེད་པ་བསྟན་པ་ལ་དྲི་བས་མཚམས་སྦྱར་བ་དང་། ལན་གྱིས་བསྙད་པའོ། །

དང་པོ་ནི།

ཅི་ཕྱིར་འཇུག་པར་བྱེད་ཅེ་ན། །ཞེས་པའོ། །

གཉིས་པ་ལ། གཞུང་དོན་བདེ་བླག་ཏུ་རྟོགས་པའི་ཕྱིར་འདིར་བསྟན་གྱི་བདག་གཞན་དང་དུས་གསུམ་སྤྱིར་བཤད་པ་དང་། གཞུང་དོན་གྱི་ལན་དངོས་བཤད་པ་སྟེ་གཉིས་ལས། དང་པོ་ལ། དངོས་དང་མཐའ་དཔྱད་གཉིས།

དང་པོ་ནི།
འཆད་པར་འགྱུར་བ། ཕོ་ནི་འདས་དང་གཞན་བསྒྲུབ་ཕྱིར། །ཞེས་སོགས་ཀྱི་གོ་དོན་དཔྱིས་ཕྱིན་པར་བྱེད་པ་ལ། ཐོག་མར་འདི་ཤེས་དགོས་ཏེ། ལས་གང་ཞིག་བྱེད་པ་པོ་གཞན་དང་དངོས་སུ་འབྲེལ་བའི་དབང་དུ་བྱས་ནས། བྱེད་པ་པོའི་དངོས་པོ་དེ་ཉིད་དང་དེའི་བྱེད་པ་དང་བཅས་པ་ལ་ནི་བདག་ཅེས་བྱ་ཞིང་། དེས་བསྒྲུབ་པར་བྱ་བའི་ཡུལ་གྱི་དངོས་པོ་བྱ་བ་དང་བཅས་པ་ལ་ནི་གཞན་ཞེས་བྱའོ། །དེ་བཞིན་དུ་བྱེད་པ་པོ་གཞན་དང་དངོས་སུ་འབྲེལ་མ་འབྲེལ་ཇི་ལྟར་ཡང་རུང་བྱ་བ་བྱས་ཟིན་པ་ནི་དུས་འདས་པ་དང་། བྱ་བ་བྱེད་པར་འགྱུར་བ་ནི་དུས་མ་འོངས་པ་དང་། བྱ་བ་བྱེད་བཞིན་པ་ནི་དུས་ད་ལྟ་བ་ཡིན་ནོ། །གཞན་དུ་བྱེད་པའི་ལས་དང་བྱ་བའི་ལས་ཞེས་ལས་ཀྱི་ཚིག་ལ་གཉིས་སུ་དབྱེ་བའང་དབྱེ་བ་དེ་དག་ཏུ་འདུས་ཏེ་དུས་གསུམ་གྱི་དབང་གིས་བྱེད་པའི་ལས་ནི་དུས་ད་ལྟ་བ་དང་། བྱ་བའི་ལས་ནི་དུས་མ་འོངས་པར་འདུ་ཞིང་བདག་གཞན་གྱི་དབང་གིས་བྱེད་པོ་གཞན་དང་དངོས་སུ་འབྲེལ་བའི་བྱེད་པ་བདག་དང་བྱ་བ་གཞན་ཡིན་པ་བཤད་མ་ཐག་པ་ལྟར་རོ། །

https://bodyiglobjong.com/audio/rtak-juk-pg/Takjuk_PG-10C-text.mp3

རྒྱུ་མཚན་འདིས་དུས་གསུམ་གྱི་དབྱེ་བས་ནི་བྱེད་ལས་དང་འབྲེལ་བའི་ངག་གི་སྦྱོར་བ་ཐམས་ཅད་ལ་ཁྱབ་ཅིང་། བདག་གཞན་གྱི་དབྱེ་བས་ནི་དེ་ཙམ་དུ་ཁྱབ་བ་མ་ཡིན་ཡང་། གཞུང་འདིར་བྱེད་པ་པོ་དང་བྱ་བའི་ཡུལ་གྱི་སྒྲ་རྣམས་བསྡུ་བའི་ཕྱིར་བདག་གཞན་གྱི་དབྱེ་བ་ཟུར་དུ་མཛད་པ་ཡིན་ཞིང་། དེའི་ཞར་ལས་བདག་གཞན་དང་འབྲེལ་བའི་བྱ་བྱེད་ཀྱི་ཚིག་ཕན་ཚུན་ཤེད་མཚུངས་པ་རྣམས་ཀྱང་བསྡུས་པ་ཡིན་ནོ། །དེས་ན་ཅི་ཕྱིར་འཇུག་གི་གཞུང་འདི་འཆད་པའི་སྐབས་སུ་དུས་གསུམ་གྱི་དབྱེ་བས་བཤད་པ་རྣམས་ནི། བདག་གཞན་གྱི་དབྱེ་བས་མ་ཁྱབ་པའི་ལྷག་མ་རྣམས་བསྡུ་བའི་དོན་དུ་བལྟ་བར་བྱའོ། །དེ་ལྟར་ངེས་པར་བྱས་ནས་དབྱེ་བ་དེ་དག་གི་དཔེར་བརྗོད་རྒྱས་པར་གཤམ་དུ་འཆད་འགྱུར་རྣམས་མ་འཛིངས་པར་རྟོགས་པར་བྱ་དགོས་མོད་ཀྱི། འདིར་ཡང་གོ་བདེ་བའི་ཕྱིར་རྣམ་གསལ་གྱི་དཔེར་བརྗོད་ཅུང་ཟད་འགོད་ན། བྱེད་པ་པོ་བདག་གི་དངོས་པོའི་སྒྲ་ནི། སྒྲུབ་པ་པོ། སྟོན་པ་པོ། གཅོད་པ་པོ། འབྱིན་པ་པོ། སྒྲུབ་བྱེད། སྟོན་བྱེད། གཅོད་བྱེད། འབྱིན་བྱེད་ལྟ་བུ་དང་། དེའི་བྱེད་པའི་ཚིག་གསལ་བར་བྱེད་པ། སྒྲུབ་པར་བྱེད། སྟོན་པར་བྱེད། གཅོད་པར་བྱེད། འབྱིན་པར་བྱེད། སྒྲུབ་བོ། །སྟོན་ཏོ། །གཅོད་དོ། །འབྱིན་ནོ། །ལྟ་བུ་དང་། བྱ་བའི་ཡུལ་གཞན་གྱི་དངོས་པོའི་སྒྲ་ནི། བསྒྲུབ་པར་བྱ་བ། བསྟན་པར་བྱ་བ། གཅད་པར་བྱ་བ། དབྱུང་བར་བྱ་བ། བསྒྲུབ་བྱ། བསྟན་བྱ། གཅད་བྱ། དབྱུང་བྱ། ལྟ་བུ་དང་། དེའི་བྱ་བའི་ཚིག། བསྒྲུབ་པར་བྱ། བསྟན་པར་བྱ། གཅད་པར་བྱ། དབྱུང་བར་བྱ། བསྒྲུབ་བོ། ། བསྟན་ནོ། །གཅད་དོ། །དབྱུང་ངོ་། །ལྟ་བུ་དང་། དབྱེ་བ་དེ་གཉིས་སུ་མ་འདུས་པའི་དུས་གསུམ་ལས་བྱས་ཟིན་འདས་པའི་སྒྲ་ནི། བསྒྲུབས། བསྟནད། བཅད། ཕྱུང་། གྲུབ། ཆད། བྱུང་། ལྟ་བུ་དང་། བྱེད་བཞིན་ད་ལྟ་བའི་སྒྲ་ནི། ད་ལྟ་སྒྲུབ་བཞིན་པ། སྟོན་བཞིན་པ། གཅོད་བཞིན་པ། འབྱིན་བཞིན་པ། འགྲུབ་པར་བྱེད། འཆད་པར་བྱེད། འབྱུང་བར་བྱེད། འགྲུབ་བཞིན་པ། འཆད་བཞིན་པ། འབྱུང་བཞིན་པ་ལྟ་བུ་དང་། བྱ་འགྱུར་མ་འོངས་པའི་སྒྲ་ནི། འགྲུབ་པར་འགྱུར། འཆད་པར་འགྱུར། འབྱུང་བར་འགྱུར། འགྲུབ་བོ། །འཆད་དོ། །འབྱུང་ངོ་། །འགྲུབ་པར་བྱ། འབྱུང་བར་བྱ་ལྟ་བུ་སྟེ། འདི་དག་གིས་མཚོན་ནས་ཀུན་ལ་བསྒྲེ་བར་བྱའོ། །འདིར་བྱེད་པ་པོ་གཞན་དང་དངོས་སུ་འབྲེལ་མ་འབྲེལ་ཞེས་སྨོས་པ་ནི། དངོས་པོ་གང་ཞིག་ལ་ལས་གང་ཞིག་བྱེད་པ་པོ་གཞན་གྱིས་དངོས་སུ་སྒྲུབ་པར་བྱེད་པ་དེ་ནི་བྱེད་པ་པོ་གཞན་དང་དངོས་སུ་འབྲེལ་བའི་ལས་ཏེ། དཔེར་ན། ལྕགས་གསེར་དུ་བསྒྱུརད་ཟིན། བསྒྱུར་བར་བྱ། སྒྱུར་བར་བྱེད། ཤིང་བཅད་ཟིན། གཅར་པར་བྱ། གཅོད་པར་བྱེད། འབྱུང་ཁུངས་ནས་ཕྱུང་ཟིན། དབྱུང་བར་བྱ། འབྱིན་པར་བྱེད་ལྟ་བུ་དུས་གསུམ་གྱི་དབྱེ་བས་ཤེས་པར་བྱ་ཞིང་། དངོས་པོ་གང་ཞིག་ལ་ལས་གང་ཞིག་བྱེད་པོ་གཞན་དངོས་སུ་མེད་པར་རང་གི་ངང་གིས་འགྲུབ་པར་སྣང་བ་འདི་ནི་བྱེད་པ་པོ་གཞན་དང་དངོས་སུ་མ་འབྲེལ་བའི་ལས་ཏེ། དཔེར་ན། ལྕགས་གསེར་དུ་གྱུརད་ཟིན། འགྱུར་བཞིན་པ། འགྱུར་བར་འགྱུར་རོ། །ཤིང་ཆད་ཟིན། འཆད་བཞིན་པ། འཆད་པར་འགྱུར་རོ། །གནས་ནས་བྱུང་། འབྱུང་བཞིན་པ། འབྱུང་བར་འགྱུར་རོ། །ཞེས་སོགས་ཀྱི་བསྒྲེས་ནས་རྟོགས་པར་བྱའོ། །དེ་ལས་སྔ་མའི་དོན་ནི་རྟོགས་སླ་ལ་ཕྱི་མ་ནི་དཔེར་ན་སྐྱེ་བུ་ཞིག་གི་མདུན་དུ་ལྕགས་གོང་རང་བཞིན་གྱིས་གསེར་དུ་གྱུར་པའི་ཚེ། ལྕགས་རང་ཉིད་ལ་ཡོད་པའི་འབྱུང་བ་རྣམས་ཀྱི་བྱེད་པས་དེ་བཞིན་དུ་གྱུར་ཀྱང་གཞན་གྱིས་མ་ཡིན་ལ། སྐྱེས་བུ་དེ་ཡི་བསོད་ནམས་ཀྱིས་དེ་བཞིན་དུ་གྲུབ་པས་བསོད་ནམས་ཉིད་བྱེད་པ་པོ་གཞན་ཡིན་མོད་ཀྱི་དེ་ནི་དངོས་སུ་མི་སྣང་བ་ལྟ་བུ་དང་། སྐྱེས་བུ་གང་ཞིག་གནས་ནས་འབྱིན་པ་པོ་མེད་པར་རང་ཉིད་གནས་ནས་འབྱུང་བའི་ཚེ་རང་ཉིད་བྱེད་པ་པོ་ཡིན་མོད་ཀྱི་བྱེད་པ་པོ་གཞན་མེད་པ་སོགས་ཀྱིས་མཚོན་ནས་ཞིབ་མོའི་བློས་ངེས་པར་བྱའོ། །

 
 
གཉིས་པ་ནི།
སྐབས་འདིར་འགྲེལ་བྱེད་སྔ་མ་ཕལ་ཆེར་གྱིས་ངེས་པ་སྟེར་བའི་ཞིབ་བཤད་མ་མཛད་ལ་ཅུང་ཟད་བཤད་པ་རྣམས་ཀྱང་དོན་དང་མི་འབྱོར་བ་མང་ཞིང་། བཤད་པ་འགྲིག་ཏུ་རུང་བ་རྣམས་ཀྱང་བློ་རྩེ་གཏད་མཚམས་ཀྱི་དཔེར་བརྗོད་ལོག་པར་བཀོད་པ་མང་བས། དེ་དག་སོ་སོ་ནས་ཞིབ་མོར་བཤད་ན་ཡི་གེ་མང་བས་འཇིགས་པའི་ཕྱིར་སྐྱོན་གྱི་ཕྱོགས་མཐོང་བའི་སླད་དུ་བསྡུས་ཏེ་ཅུང་ཟད་བརྗོད་ན། འགའ་ཞིག་གིས། འདིར་བསྟན་བདག་གཞན་གྱི་ཟླས་ཕྱེ་བའི་གཞན་དང་བྱ་བའི་སྒྲ་གཉིས་དབྱེ་བའི་ཡ་གྱལ་རེ་རེ་བར་འདོད་ཅིང་གཞན་གྱི་ངོས་འཛིན་གསལ་པོར་མ་བྱས་པ་དང་། འགའ་ཞིག་གིས་བདག་བྱེད་པ་དང་གཞན་བྱ་བ་གཉིས་ཉིད་དུ་ཁ་ཚོན་བཅད་པ་དང་། འགའ་ཞིག་གིས་མིང་རྐྱང་རྣམས་ཀྱང་འདི་སྐབས་སུ་བསྟན་པའི་དུས་གསུམ་གྱི་དབྱེ་བའི་ཁོངས་སུ་སྡུད་པ་རྣམས་མཐོང་བ་ལས། འདོད་པ་དང་པོ་དེ་མི་འཐད་དེ། བྱ་བའི་སྒྲ་ལ་བྱེད་པོ་གཞན་དང་དངོས་སུ་འབྲེལ་མི་འབྲེལ་གཉིས་ཡོད་པའི་སྔ་མ་ལ་དངོས་པོ་གཞན་གྱི་མཚན་གཞི་མི་བྱེད་ན་དེ་ལས་གཞན་དུ་མཚན་གཞི་འཐད་ལྡན་རྙེད་པར་མི་འགྱུར་ཞིང་། དེ་ལ་དབྱེ་ན་གཞན་དང་བྱ་བའི་སྒྲ་གཉིས་ཤེས་སོ་སོར་ཆེ་ཐང་དུ་དབྱེ་བ་བྱེད་པ་འགལ་བའི་ཕྱིར་དང་། ཡང་ན་བྱེད་པོ་གཞན་དང་དངོས་སུ་འབྲེལ་བའི་བྱ་བའི་སྒྲ་ལ་གཞན་དང་གཅིག་ཤོས་ལ་བྱ་བ་ཉིད་དུ་ཐ་སྙད་འདོགས་ན་ནི་སྔ་མ་ཕྱོགས་གཅིག་ནས་འགྲིག་ཀྱང་། ཕྱི་མ་གཞུང་འདིའི་དངོས་བསྟན་དང་དོན་འཐོབ་གཉི་གར་ཕོ་ཡིག་གི་འཇུག་ཡུལ་དུ་མ་བྱུང་ཞིང་འབྱུང་བའང་མི་སྲིད་པས་འབྲེལ་མེད་དུ་འགྱུར་བའི་ཕྱིར་དང་། དངོས་བསྟན་ཕོ་ཡིག་གི་དོན་གྱི་འཇུག་ཡུལ་གཞན་གྱི་ངོས་འཛིན་གསལ་པོ་བྱེད་རྒྱུ་མེད་བཞིན་དུ། མ་བསྟན་པའི་བྱ་བའི་དབྱེ་བ་གསར་དུ་བསྣན་པ་ལ་དགོས་པ་ཅིའང་མེད་པའི་ཕྱིར། འདོད་པ་གཉིས་པ་དེའང་མི་འཐད་དེ། དེ་ལྟར་ན་བྱེ་བྲག་ཕྱེས་ནས་མ་བཤད་པས་བྱེད་པའི་སྒྲ་ཡིན་ཚད་བདག་དང་། བྱ་བའི་སྒྲ་ཡིན་ཚད་གཞན་དུ་ཁས་བླངས་པར་སོང་བས་འདིར་བསྟན་དུས་གསུམ་གྱི་ད་ལྟ་བ་དང་མ་འོངས་པའི་སྒྲ་འཆད་པའི་ཚེ་ཟློས་པའི་སྐྱོན་དུ་འགྱུར་བར་མ་ཟད་དབྱེ་སྒོ་དེ་དག་ཕན་ཚུན་འཛིངས་པས་དབྱེ་བ་དགོས་མེད་དུ་ཐལ་བའི་ཕྱིར་དང་། རྒྱུ་མཚན་དེས་མཁས་པའི་གཞུང་ལུགས་ཆུད་གསན་པར་འགྱུར་བའི་ཕྱིར་དང་། བསྟན་བྱའི་གཙོ་བོ་བྱེད་པ་པོ་དང་བྱ་བའི་ཡུལ་གཉིས་ཆད་པའི་སྐྱོན་ཡོད་པའི་ཕྱིར་རོ། །འདོད་ཚུལ་གསུམ་པ་དེའང་མི་འཐད་དེ། སྐབས་འདིའི་དུས་གསུམ་གྱི་དབྱེ་བ་ནི་བྱེད་ལས་སམ་བྱ་ཚིག་གི་སྒོ་ནས་འབྱེད་དགོས་ཤིང་། མིང་རྐྱང་ལ་བྱ་བྱེད་ཀྱི་ཐ་སྙད་མི་འཇུག་པས་བྱ་བྱེད་མེད་པ་བྱ་བྱེད་ཅན་དུ་སྡུད་པ་ལས་མཚང་ཆེ་བ་ཅི་ཞིག་ཡོད། ཁྱད་པར་མིང་རྐྱང་རྣམས་བདག་གཞན་གྱིས་ཟླས་ཕྱེ་བའི་བདག་ཡིན་པར་བསམས་ནས་མ་ནིང་དང་མོའི་སྔོན་འཇག་གི་འཇུག་པ་འཆད་པའི་ཚེ་ག་ད་འའི་འཕུལ་ཅན་གྱི་མིང་རྐྱང་རྣམས་བདག་གི་དཔེར་བརྗོད་དུ་བཀོད་འདུག་པ་དེ་ལྟ་ན་ཕོ་ཡིག་བས་འཕུལ་ཅན་གྱི་མིང་རྐྱང་ཡང་མང་པོ་ཡོད་ན་སློབ་དཔོན་ཐུ་མིས་ཕོ་ཡིག་བདག་སྒྲུབ་ལ་འཇུག་པར་མ་གསུངས་པའི་རྒྱུ་མཚན་ཅི་ཡོད། སེམས་རྣལ་དུ་ཕབ་ནས་ལེགས་པར་བསམ་དགོས་སོ། །དེ་ན་མཁས་པ་གཞན་གྱིས་མིང་ལ་བདག་དང་དུས་གསུམ་ལ་གཞན་གྱིས་ཐ་སྙད་བྱས་པ་དང་། མིང་རྐྱང་ཉིད་དུས་གསུམ་ལས་ད་ལྟ་བར་འདོད་པ་སོགས་ཡོད་པ་ནི་གཞུང་གཞན་དང་གཞན་གྱི་འཆད་ཚུལ་ཡིན་གྱི་སྐབས་འདི་དང་འབྲེལ་བའི་དོན་མེད་ལ། མི་འབྲེལ་བཞིན་དུ་བསྒྲིག་པར་རློམ་པ་ནི་གཡག་གི་རྭ་རྟའི་མགོ་ལ་སྦྱོར་བ་དང་མཚུངས་སོ། །གཞན་ཡང་འགའ་ཞིག་གིས་བདག་བྱེད་པ་པོ་ཁོ་ནར་འདོད་པ་དང་། ལ་ལས་བྱེད་པ་ཁོ་ནར་འདོད་པ་མཐོང་བས་དེ་དག་ལ་ནི་གང་བཤད་པ་དཔྱིས་མ་ཕྱིན་པ་དང་གཞུང་གི་བསྟན་བྱ་མ་རྫོགས་པའི་སྐྱོན་ཡང་འཇུག་གོ །ཡང་འགའ་ཞིག་གིས། བྱེད་པ་པོ་ལ་ཡོད་པའི་ལས་ཐམས་ཅད་ལ་བདག་དང་། བྱ་བ་གཞི་ལ་ཡོད་པའི་ལས་ཐམས་ཅད་ལ་གཞན་དུ་ངོས་བཟུང་ཞིང་། ཕྱི་མ་ལ་དུས་གསུམ་གྱི་དབྱེ་བ་བྱེད་པར་འདུག་མོད། ལས་དེ་དག་ཀྱང་ངོས་མ་ཟིན་པས་དཔེར་བརྗོད་དུ་མིང་རྐྱང་སྒྲིག་པར་བྱེད་པ་རྣམས་ལ་ནི་དཔྱད་དུ་ཅི་ཞིག་ཡོད་དེ། འཕེན་ཟན་རིན་ཆེན་ལ་བལྟ་ཡི། །འགལ་དུམ་ལ་ནི་སུ་ཞིག་དཔྱོད། །ཅེས་པ་ལྟར་བས་པའི་ཕྱིར། འོན་ཀྱང་སྐྱོན་གྱི་ཕྱོགས་མཚོན་པ་ཙམ་ཞིག་འོག་ཏུ་འཆད་པར་བྱ་ཞིང་། གཞན་དུ་ན། བདག་གཞན་གྱི་འཆད་ཚུལ་དེའང་ལེགས་པར་བསམས་པའི་ངག་མ་ཡིན་ཏེ། ལས་དེ་དག་སྟོན་པའི་ཚིག་ཐམས་ཅད་ལ་འདིར་བསྟན་བདག་གཞན་གྱི་སྒྲ་འཇུག་པས་མ་ཁྱབ་པའི་ཕྱིར་ཏེ། སྐབས་འདིའི་བདག་གཞན་གྱི་སྒྲ་ནི་དངོས་སུ་བྱེད་པོ་དང་བྱ་བ་ངེས་པར་ཐ་དད་པ་ཞིག་གི་སྒོ་ནས་གཞག་དགོས་པ་བཤད་ཟིན་དང་འཆད་འགྱུར་ལྟར་ངེས་པའི་ཕྱིར། དངོས་སུ་བྱེད་པོ་དང་བྱ་བ་ཐ་མི་དད་པའི་ལས་ཀྱི་ཚིག་རྣམས་ལ་ནི་ལས་དེ་དག་གང་རུང་སྟོན་པའི་ཚིག་ཡིན་པས་ཁྱབ་ཀྱང་ངོ་བོ་གཅིག་པ་ལ་བདག་གཞན་གྱི་དབྱེ་བ་མི་རུང་བས་འདིར་བསྟན་བདག་གཞན་གྱི་སྒྲ་མི་འཇུག་པའི་ཕྱིར་རོ། །ཁྱེད་རང་གིས་གཞན་དུ་ངོས་འཛིན་རྒྱུའི་བྱ་བ་གཞིའི་ལས་ལ་དུས་གསུམ་དུ་དབྱེ་བའང་ཆེས་མི་འཐད་དེ། དེ་ལྟ་ན། ཕོ་ནི་འདས་དང་གཞན་བསྒྲུབ་ཕྱིར། །ཞེས་པའི་གཞུང་འདི་འཆད་པའི་ཚེ་སྔོན་རྗེས་ཀྱི་ཕོ་ཡིག་བྱེད་ལས་ཀྱིས་དབྱེ་བའི་དུས་གསུམ་ག་ལ་འཇུག་པ་ཞིག་ཁས་མི་ལེན་ཀ་མེད་དུ་སོང་བས། འདས་དང་ཞེས་ལོགས་སུ་བཀར་ནས་གསུངས་པ་དགོས་མེད་དུ་ཐལ་བའི་ཕྱིར་དང་། དེའི་ཤུགས་ཀྱིས་མ་ནིང་ག་ད་གཉིས་ཀྱང་དུས་གསུམ་ག་ལ་འཇུག་པར་འདོད་དགོས་པ་སོགས་ཀྱིས་དབྱེ་བ་ཕལ་ཆེར་བྱེ་བྲག་མེད་པར་འགྱུར་བའི་ཕྱིར་རོ། །སྤྱིར་ཡང་བྱ་བ་གཞི་ལ་ཡོད་པའི་ལས་ལ་དུས་གསུམ་དུ་དབྱེར་རུང་བ་མ་ཡིན་ཏེ། ཤིང་གཅད་པར་བྱ། གཅོད་པར་བྱེད། བཅད་ཟིན། ལྟ་བུར་མཚོན་ན་གཅད་བྱ་མ་འོངས་པ་དང་བཅད་ཟིན་འདས་པ་གཉིས་བྱ་བའི་གཞི་དང་འབྲེལ་མོད་ཀྱི་གཅོད་བྱེད་ད་ལྟ་བ་བྱེད་པ་པོ་དང་འབྲེལ་བ་ལས་བྱ་བའི་གཞིར་འབྲེལ་བའི་སྐབས་མེད་དོ། །འདིར་བྱ་གཞིའི་ལས་ད་ལྟ་བའི་དཔེར་བརྗོད་དུ། ཆུ་དགག། བུམ་པ་དགང་། བཅིངས་པ་དགྲོལ། གདུགས་དབུབ། གྱེན་དུ་གདེག། བསྟོད་པ་གདོན། གསལ་གདབ་སོགས་བཀོད་པ་མཐོང་བ་ནི་བྱ་གཞིའི་ལས་ཀྱི་ཚིག་ཡིན་མོད་ཀྱང་དུས་མ་འོངས་པ་ཡིན་གྱི་ད་ལྟ་བར་ནམ་ཡང་མི་འགྱུར་ཏེ། དེ་རྣམས་ལ་དུས་གསུམ་དུ་དབྱེ་བའི་ཚེ། བཀག། འགེགས། དགག། བཀང་། འགེངས། དགང་། བཀྲོལ། འགྲོལ། དགྲོལ། ཕུབ། འབུབས། དབུབ། བཏེག། འདེགས། གདེག། བཏོན། འདོན། གདོན། བཏབ། འདེབས། གདབ་སོགས་རིམ་པ་བཞིན་འདས་ད་ལྟ་མ་འོངས་གསུམ་གྱི་དཔེར་བརྗོད་དུ་མཁས་པ་རྣམས་ལ་ཡོངས་སུ་གྲགས་པའི་ཕྱིར་རོ།

https://bodyiglobjong.com/audio/rtak-juk-pg/Takjuk_PG-10D_4-text.mp3

།ཡང་འགྲེལ་བྱེད་སྔ་མ་ཐམས་ཅད་ཀྱིས་འདི་སྐབས་ལས་ཀྱི་ཚིག་ལ་བྱེད་པ་པོ་གཞན་དང་དངོས་སུ་འབྲེལ་མ་འབྲེལ་གྱི་རྣམ་དབྱེ་མ་མཛད་པ་ནི་ཤིན་ཏུ་མི་ལེགས་ཏེ། དེ་མ་ཤེས་ན་བྱེད་པོ་དང་བྱ་བ་ཐ་དད་པ་དང་ཐ་མི་དད་པའི་ལས་ཀྱི་ཚིག་སོ་སོར་ངོས་མི་ཟིན་ཅིང་། དེ་མ་ཟིན་པས་འདིར་བསྟན་བདག་གཞན་གྱི་ཐ་སྙད་གང་ལ་འཇུག་པ་ཚུལ་བཞིན་མ་རྟོགས་པར་ལོང་བའི་འཁར་བ་བཞིན་གར་འཛུགས་མེད་པའི་ཅལ་ཅོལ་མང་པོ་བྱུང་བར་སྣང་ངོ་། །དེས་ན་གནད་འདི་རྟོགས་པ་གཞུང་དོན་ཇི་བཞིན་མ་འཛིངས་པར་འཆད་བདེ་བར་འགྱུར་བའི་ཕྱིར་གལ་ཤིན་ཏུ་ཆེ་ཞིང་། འགའ་ཞིག་གིས། བྱེད་པོ་དང་བྱ་ཡུལ་ངོ་བོ་གཅིག་པའི་ལས་ཀྱི་ཚིག་ཀྱང་འཐད་དམ་སྙམ་པ་སྲིད་ན་དེ་འདྲ་མང་དུ་འབྱུང་སྟེ། གོང་དུ་སུམ་ཅུ་པར་ལ་དོན་དེ་ཉིད་ལ་འཇུག་ཚུལ་གྱི་སྐབས་སུའང་ཕྱོགས་ཙམ་སྨོས་པ་ལྟར། དཔེར་ན། བདག་འགྲོའོ། །ཞེས་པའི་འགྲོ་བའི་སྒྲ་དེ་བྱ་བའི་ལས་ཀྱི་ཚིག་ཡིན་ཡང་བྱེད་པ་པོ་དང་བྱ་བའི་གཞི་ཐ་དད་དུ་མེད་དེ་འགྲོ་བར་བྱེད་པ་པོའང་བདག་ཡིན་ཞིང་འགྲོ་བར་བྱ་བའང་བདག་ཉིད་ཡིན་པ་དང་། ལྕགས་རང་བཞིན་གྱིས་གསེར་དུ་འགྱུར། ཞེས་པར་འགྱུར་བྱེད་དང་འགྱུར་བྱ་གཉི་ག་ལྕགས་ཉིད་ལས་གཞན་དུ་མི་དམིགས་པ་ལྟ་བུ་རྒྱ་ཆེར་ཤེས་པར་བྱ་ཞིང་། ཤིན་ཏུ་ཞིབ་མོར་དཔྱོད་པའི་ཚེ་དངོས་པོ་རྣམས་ཀྱི་རང་མཚན་སོ་སོ་ནས་རང་གིས་རང་ལ་བྱ་བ་འགལ་ཡང་སྤྱི་ལྡོག་རགས་པ་ནས་ཐ་སྙད་ཙམ་ལ་འཇིག་རྟེན་གྱི་གྲགས་པ་དང་མཐུན་པར་རང་གིས་རང་ལ་བྱ་བ་འབྱུང་བའང་གོ་དགོས་སོ། །དེ་དག་ཏུ་དཔེར་བརྗོད་ལོག་པ་ནི་ཤིན་ཏུ་མང་བས་སྨོས་ཀྱིས་མི་ལང་མོད། འོང་ཀྱང་སྔོན་དུ་འགའ་ཞིག་གི་མཚང་བརྟོལ་ཟིན་ཅིང་འདིར་ཡང་ཕྱོགས་ཙམ་སྨོས་ན། སྔོན་འཇུག་གི་ཕོ་ཡིག་བྱ་བའི་ཡུལ་ལ་འཇུག་པའི་དཔེར་བརྗོད་ལ། སྤ་བཀོང་། མགོ་བཀད། སོགས་བྱ་བའི་ཡུལ་དང་འབྲེལ་བའི་བྱ་ཚིག་དང་། སྣོད་བཀང་། ཤིང་བཀས། ཆུ་བཀག། སོགས་འདས་ཚིག་དང་། རྣམ་པར་བཀྲ། སྨན་བཀུ། སོགས་མིང་རྐྱང་རྣམས་བཀོད་པ་ལས། བྱ་བའི་ཡུལ་ཉིད་ཀྱི་དཔེར་བརྗོད་སྣ་གཅིག་ཀྱང་མེད་པ་དང་། མ་ནིང་ག་ཡིག་བྱེད་པ་པོ་ལ་ཡོད་པའི་ལས་ཀྱི་དོན་ལ་འཇུག་པའི་དཔེར་བརྗོད་དུ། རང་ཉིད་གཅིག་པུ། གཅུད་ལ་བོར་བ། ཡིད་གཅུགས་པ། ཕངས་པའི་གཅེས་སོགས་ལས་ཀྱི་ཚིག་མ་ཡིན་པའི་མིང་རྐྱང་ཁོ་ན་བཀོད་པ་དང་། ག་ཡིག་བྱ་བ་གཞི་ལ་ཡོད་པའི་ལས་ལ་འཇུག་པའི་དཔེར་ཡང་། གཅན་གཟན། ལ་གཅན་པ། སྒྲ་གཅན། རུས་ཀྱི་གཉོས། དུད་འགྲོ་གཉན་སོགས་ཕལ་ཆེར་མིང་རྐྱང་ཁོ་ན་བཀོད་པ་ལྟ་བུས་མཚོན་མ་བརྟགས་པའི་བབ་ཅོལ་མང་དུ་སྤྲོས་པའི་རྫོབ་རྣམས་བློ་གྲོས་ཀྱི་པད་མ་རྒྱས་པ་རྣམས་ཀྱིས་ཅུང་ཟད་དཔྱད་པས་འཇིག་པར་འགྱུར་བ་ཉིད་ན་ཇི་སྙེད་པ་འདིར་ཡི་གེར་སྤེལ་བའི་དཀའ་ཚེགས་ཀྱིས་ཅི་ཞིག་བྱ།

https://bodyiglobjong.com/audio/rtak-juk-pg/Takjuk_PG-10E-text.mp3

འདིར་སྨྲས་པ།
ཐུ་མའི་ལུགས་རྟོགས་པར་དཀའ་བ་རིན་པོ་ཆེ་ཡི་གཏེར་གྱི་སྒོ། །
ཕྱི་དུས་འདི་ན་བློ་མིག་མི་གསལ་བློ་ལྡན་ཚུལ་ཅན་དུ་མ་ཡིས། །
དབྱེ་བར་རློམ་ནས་དོན་མིན་ཚིག་ཕྲེང་ཏོག་རྩེ་རྟུལ་པོས་གནས་མིན་དུ། །
ལན་བརྒྱར་བརྡེགས་ཀྱང་རང་ཉིད་ངལ་ལས་གཞུང་དོན་རིན་ཆེན་རྙེད་འོས་ཅི། །

དེང་དུས་ལེགས་བཤད་གཏེར་སྟོན་འདི་བྱུང་ནས། །
གཞན་གཞུང་ཚར་གཅོད་རིགས་པའི་ཞུགས་ཆེན་གྱིས། །
ལོག་བཤད་ཚང་ཚིང་སྟུག་པོ་རྣམ་པར་བསྲེགས། །
འཐད་ལྡན་རྣམ་དཔྱོད་གཟོང་རྣོན་ལེགས་ཐོགས་ཏེ། །

དཀའ་གནས་གོར་མའི་བུ་ག་གསལ་བྱས་པས། །
ད་སྟེ་བློ་གསལ་གཞུང་ལུགས་དོན་གཉེར་དག། །
ལ་འུར་སྤྱོན་ལ་རྟགས་ཀྱི་འཇུག་པ་ཡི། །
གཞུང་དོན་ནོར་བུའི་ཚོགས་ལ་ཅི་དགར་རོལ། །ཅེས་སོ། །


གཞུང་དོན་གྱི་ལན་དངོས་བཤད་པ་ལ་ཕོ་ཡིག་དགོས་པ་ཅི་ཕྱིར་འཇུག་པ་བཤད་པ།

http://localhost/bodyiglobjong/audio/rtak-juk-pg/Takjuk_PG-11A-text.mp3

གཉིས་པ་ལ། ཕོ་ཡིག་གི །མ་ནིང་གི། མོ་ཡིག་གི །ཤིན་ཏུ་མོའི་འཇུག་དོན་བཤད་པ་སྟེ་བཞི་ལས།

དང་པོ་སྔོན་འཇུག་གི་ཕོ་ཡིག་དགོས་པ་ཅིའི་ཕྱིར་འཇུག་པ་ནི།

ཕོ་ནི་འདས་དང་གཞན་བསྒྲུབ་ཕྱིར། །

ཞེས་པས་བསྟན་ཏེ། སྔོན་འཇུག་གི་ཕོ་ཡིག་བ་ནི་དགོས་པ་དུས་གསུམ་ལས། བྱེད་པ་པོ་གཞན་དང་དངོས་སུ་འབྲེལ་བའི་བྱ་བ་བྱས་ཟིན་འདས་པ་བསྒྲུབ་པའི་ཕྱིར་དང་། དངོས་པོ་བདག་གཞན་གཉིས་ལས་གཞན་ཏེ་བྱེད་པ་པོ་གཞན་དང་དངོས་སུ་འབྲེལ་བའི་བྱ་བའི་ཡུལ་དང་བྱ་བ་བསྒྲུབ་པའི་ཕྱིར་འཇུག་པ་ཡིན་ནོ། །ཞེས་སོ། །དེ་ལས་འདས་པ་ལ་འཇུག་པ་ནི། དཔེར་ན།

http://localhost/bodyiglobjong/audio/rtak-juk-pg/Takjuk_PG-11B-text.mp3

༈ ཆུས་བཀང་། གོས་བཀབ། ལོགས་སུ་བཀར། ལམ་བཀག། ལག་པ་བཀན། ཁལ་བཀལ། ཤིང་བཀས། སྲད་བུ་བཀལ། ཁྲལ་བཀལ། གཞུ་བཀང་། གོང་དུ་བཀུར་ཏོ། ། ཤིང་བཀུག། སྨན་བཀུས། སྲོག་བཀུམས། སྤ་བཀོང་། རྩ་བ་བཀོག། ལྷས་བཀོད། ཟུར་དུ་བཀོལ་ཏོ། །གཡོག་ཏུ་བཀོལ་ཏོ། །ཐག་པས་བཀྱིགས། སྤྲུལ་བ་བཀྱེས། རྒྱ་བཀྱེད། མེ་ཏོག་བཀྲམ། དགོངས་པ་བཀྲལ། ཁྲལ་བཀྲལ། རྒྱལ་པོས་བཀྲབས། ཐར་པར་བཀྲིས། དྲི་མ་བཀྲུས། དགྲ་བཅོམ་བཀྲོངས། ཚིག་གིས་བཀྲོས། མདོ་བཀླགས། འདོད་པ་ལ་བརྐམ། ནོར་བརྐུས། ལག་པ་བརྐྱངས། ས་བརྐོས། ཁ་བསྐངས། ཐུགས་དམ་བསྐངས། ཆུ་བསྐམས། ཡང་ཡང་བསྐྱར། སྲོག་བསྐྱབས། ཆུ་བསྐྱམས། དྲིན་གྱིས་བསྐྱངས། རུ་བ་བསྐྱས། གནས་སུ་བསྐྱལ་ཏོ། །ཕྱིར་བསྐྲད། ཆུ་བསྐྱིལ་ཏོ། །ནོར་བསྐྱིས། སྣུམ་བསྐུས། དབང་བསྐུར་ཏོ། །ལག་བསྐུམས། ནོར་བསྐུངས། ཆོས་ལ་བསྐུལ་ཏོ། །རྒྱབ་ཏུ་བསྐྱུར་ཏོ། །སེམས་ཀྱིས་བསྐྱུད་དོ། །གཅོམ་བསྐྱུངས། ཁེངས་པ་བསྐྱུངས། ཟས་བསྐྲུས། ལོ་ཏོག་བསྐྲུན་ཏོ། །སེམས་བསྐྱེད། རྒྱ་བསྐྱེད། སྨན་བཀོལ་ཏོ། །རྒྱལ་སར་བསྐོས། འཁོར་གྱིས་བསྐོར་ཏོ། །གོས་བསྐོན་ཏོ། །རྟར་བསྐྱོན་ཏོ། །རླུང་གིས་བསྐྱོད་དོ།

http://localhost/bodyiglobjong/audio/rtak-juk-pg/Takjuk_PG-11C-text.mp3

༈ གད་མོ་བགད། ལམ་བགགས། ཚོད་བགམ། གཡང་ལ་བགྲིལ། གོ་བགོས། གོས་བགོས། གོམ་པ་བགོམས། སྐལ་བ་བགོས། ལམ་དུ་བགོར་ཏོ། །དུས་བགྱངས། ལས་བགྱིས། མིག་བགྲད། ཕྲེང་བ་བགྲངས། གྲངས་བགྲངས། ཆུ་བགྲུངས། འབྲས་བགྲུས། བཀའ་བགྲོས། ལམ་བགྲོད། ཆུ་བརྒལ། རྒྱན་གྱིས་བརྒྱན་ཏོ། །དྲན་མེད་བརྒྱལ་ཏོ། །མཚོན་བརྒྱབ། འོ་བརྒྱལ་ཏོ། །ནོར་གྱིས་བརྒྱགས། ཀོ་བ་བརྒྱངས། རྒྱུད་མར་བརྒྱུད། ཕྲེང་བ་བརྒྱུས། བང་བརྒྱུགས། བུ་རམ་བསྒར། མནའ་བསྒགས། ནོར་གྱིས་བསྒབ། ལམ་དུ་བསྒུགས། ལག་པས་བསྒུལ་ཏོ། དྲིས་བསྒོས། བསམ་གཏན་བསྒོམས། ཟན་བསྒོངས། བཀའ་བསྒོས། རྣམ་པར་བསྒྱིངས། ལེགས་པར་བསྒྱུར་ཏོ། །ཕྱིར་བསྒྱེལ་ཏོ། །ཆོས་བསྒྲགས། ཆུ་བསྒྲལ་ཏོ། །རྔན་བསྒྲངས། གྲལ་བསྒྲིགས། བློ་བསྒྲིམས། སྐུད་པ་བསྒྲིམས། སྐྱོན་བསྒྲིབས། ཐི་གུ་བསྒྲིལ་ཏོ། ། དེ་ཡིས་བསྒྲུན་ཏོ། །དོན་བསྒྲུབས། རྡོ་བསྒྲུགས། རིགས་བསྒྲེས། གྱེན་དུ་བསྒྲེངས། བུད་མེད་བསྒྲོད།

http://localhost/bodyiglobjong/audio/rtak-juk-pg/Takjuk_PG-11D-text.mp3

༈ ནོར་གྱིས་བརྔན་ཏོ། ། བཙས་མ་བརྔས། དུ་བ་བརྔུབས། རི་དྭགས་བརྔོན་ཏོ། །བུད་མེད་བརྔོད། ཡོན་ཏན་བསྔགས། དགེ་བ་བསྔོས། མཚང་བསྔོགས།

http://localhost/bodyiglobjong/audio/rtak-juk-pg/Takjuk_PG-11E-text.mp3

༈ ལོགས་སུ་བཅར་ཏོ། །ཕྱག་བཅབས། ཞབས་ཀྱིས་བཅགས། ཤིང་བཅག། དུམ་བུར་བཅད། མིག་བཅར། འཁྲུལ་འཁོར་བཅས། དམ་བཅས། བློས་བཅལ། ནོར་བཅལ། ལག་ཏུ་བཅངས། ཕྱིར་བཅིལ། ཞགས་པས་བཅིངས། ཆིབས་བཅིབས། སྣོད་དུ་བཅུག། ཆུ་བཅུས། སྲང་དུ་བཅུར་ཏོ། ། ཤིང་བཅེར་ཏོ། ནོར་བཅོལ། དགྲ་བཅོམ། ཡུར་བ་བཅོས། ལས་བཅོལ།

༈ ཕན་ཚུན་བརྗེས། མཆོད་ཅིང་བརྗེད་དོ། བདག་གིས་བརྗོད་ཟིན།

http://localhost/bodyiglobjong/audio/rtak-juk-pg/Takjuk_PG-11F-text.mp3

༈ གོས་བརྙན་ཏོ། ། རྗེས་སུ་བསྙགས། ལག་པས་བསྙབས། འཕྲེད་ལ་བསྙལ་ཏོ། ཆང་བསྙལ་ཏོ། ཁོད་བསྙམས། གཞན་ལ་བསྙད། ཕྱིར་བསྙིལ་ཏོ། མར་ཁུ་བསྙུགས། ཡོ་བྱད་བསྙུངས། ནད་ཀྱིས་བསྙུན་ཏོ། ཉེ་བར་བསྙེན་ཏོ། ཚངས་བར་བསྙེམས། གནས་སུ་བསྙེངས། ཆུ་བསྙོགས། གཞན་ལ་བསྙོན་ཏོ།

http://localhost/bodyiglobjong/audio/rtak-juk-pg/Takjuk_PG-11G-text.mp3

༈ རྒྱན་བཏགས། ཁ་བཏགས། ནོར་བཏང་། རྒྱས་བཏབ། ཞལ་དུ་བཏབ། ཐིགས་པ་བཏིག། གདན་བཏིང་། མེ་ཏོག་བཏུས། སྔགས་བཏུས། ཆང་བཏུངས། སྤྱི་བོས་བཏུད། བྱེས་སུ་བཏེག། བདུད་བཏུལ། ཐུར་མས་བཏུར། གྱེན་དུ་བཏེག། སྲང་ལ་བཏེག། བཅོན་ལས་བཏོན། མགོ་བཏོན། སྤུ་བཏོགས། སྲོལ་བཏོད། ལྟས་བརྟགས། སྡིག་པ་ལ་བརྟབས། བྱ་བ་བརྟུལ། དེར་བརྟེན་ཏོ། ཐག་པས་བརྟོད། གནས་སུ་བརྟོལ། རྣག་བརྟོལ་ཏོ། སྐུ་བལྟམས། བཅུད་ཀྱིས་བལྟམས། མིག་གིས་བལྟས། གོས་བལྟབས། ས་གཞི་བསྟར། ཆོས་བསྟན་ཏོ། འགྲོ་ཆས་བསྟད། ཁ་ཟས་བསྟབས། ལྷ་བསྟིམས། ཚིག་གིས་བསྟིངས། ཐག་བསྟུངས། གྲོས་བསྟུན། བཤེས་གཉེན་བསྟེན་ཏོ། མངོན་པར་བསྟོད།

http://localhost/bodyiglobjong/audio/rtak-juk-pg/Takjuk_PG-11H-text.mp3

༈ མདུན་དུ་བདར་ཏོ། རྗེས་སུ་བདས། ཕྱག་བདར་ཏོ། ཕྱེ་མར་བདར་ཏོ། ནོར་བདལ། བདུག་པས་བདུགས། གཞུ་བདུངས། ཐང་མར་བརྡལ་ཏོ། མཚོན་བརྡར་ཏོ། ལག་པ་བརྡབས། རྔ་བརྡུངས། བྲོ་བརྡུངས། དུལ་མོ་བརྡུལ་ཏོ། ཡང་ཡང་བལྡབས། སྐྱོ་མ་བལྡགས། ཁ་ཟས་བལྡད། སར་བསྡད། ཉེས་པ་བསྡམས། ཐག་པས་བསྡམས། འཇིགས་ཚུལ་གྱིས་བསྡིགས། དབང་དུ་བསྡུས། ཕན་ཚུན་བསྡུར་ཏོ། འགྲས་པ་བསྡུམས། ཕན་ཚུན་བསྡེབས། སྣ་ཐག་བསྡོགས། སྟ་གོན་བསྡོགས། གྲོགས་དང་བསྡོངས། ཕྱོགས་གཅིག་བསྡོམས། སྲོག་དང་བསྡོས། དགྲ་ལ་བསྡོས།

http://localhost/bodyiglobjong/audio/rtak-juk-pg/Takjuk_PG-11I-text.mp3

༈ ནན་གྱིས་བརྣན་ཏོ། ཡིད་ལ་བརྣགས། ཟས་ཀྱིས་བརྣངས། ནོར་བརྣོག། རྫས་ལ་བརྣབས། སྟེང་དུ་བསྣན་ཏོ། མཇུག་བསྣར་ཏོ། ཕྱག་ཏུ་བསྣམས། གནད་དུ་བསྣུན་ཏོ། དྲི་བ་བསྣམས། དུས་ཚོད་བསྣུར་ཏོ། སྣག་ཚ་བསྣུར་ཏོ། སྲོལ་བསྣུབས། ནེམ་པར་བསྣེམས། གོང་འོག་བསྣོར་ཏོ། ཕན་ཚུན་བསྣོལ་ཏོ། ཟན་བསྣོས།

http://localhost/bodyiglobjong/audio/rtak-juk-pg/Takjuk_PG-11J-text.mp3

༈ བུ་བཙས། ནོར་བཙལ་ཏོ། ཚགས་ཀྱིས་བཙགས། རུས་པ་བཙབས། གསེབ་ཏུ་བཙངས། གཅེས་པར་བཙས། ཐོ་བཙམས། དམ་པོར་བཙིར་ཏོ། ཤིང་བཅུགས། སྣོད་དུ་བཙུད། མིག་བཙུམས། ལྭ་བ་བཙེམས། གནོད་པས་བཙེས། ཆོས་ཀྱིས་བཙོས། ནོར་བཙོངས། རྡོས་བཙོགས། བསྟན་བཅོས་བརྩམས། དྲིས་ཤིང་བརྩད། འགོ་བརྩམས། རྩིག་པ་བརྩིགས། གྲངས་བརྩིས། སྟེང་དུ་བརྩེགས། རྩེད་མོ་བརྩེས།

http://localhost/bodyiglobjong/audio/rtak-juk-pg/Takjuk_PG-11K-text.mp3

༈ གཞན་དུ་བརྫངས། སྣོད་དུ་བརྫངས། རྐང་བས་བརྫིས། ཟན་བརྫིས། ཁྲོ་བོར་བརྫུས། རལ་བ་བརྫེས།

http://localhost/bodyiglobjong/audio/rtak-juk-pg/Takjuk_PG-11L-text.mp3

༈ དལ་བུས་བཞབས། གནས་སུ་བཞག། སྐྲ་བཞར་ཏོ། ཁུ་བ་བཞིབས། ལམ་དུ་བཞུད། གདན་ལ་བཞུགས། མར་ཁུ་བཞུར་ཏོ། ལྕག་གིས་བཞུས། སྟན་ལས་བཞེངས། བཟའ་བ་བཞེས། ཤིང་བཞོགས། བཞོན་མ་བཞོས།

http://localhost/bodyiglobjong/audio/rtak-juk-pg/Takjuk_PG-11M-text.mp3

༈ ཟས་བཟས། ཞབས་ཐོག་བཟབས། ཕྲག་པར་བཟར། སྔགས་བཟླས། ལ་བཟླས། ལག་པས་བཟུང་། འཕྲང་ལས་བཟུར། རྣ་བར་བཟླུགས། ཚོགས་བཟླུམས། གཅིག་ཏུ་བཟླུམས། སྣོད་བཟེད། ཤིང་བཟོས། གཡུལ་བཟློག །

http://localhost/bodyiglobjong/audio/rtak-juk-pg/Takjuk_PG-11N-text.mp3

༈ བྱིན་གྱིས་བརླབས། ཆུས་བརླན་ཏོ། འབྱུང་པོས་བརླམས། དགྲ་བརླག །

http://localhost/bodyiglobjong/audio/rtak-juk-pg/Takjuk_PG-11O-text.mp3

༈ སྦུབས་བཤངས། ཆུས་བཤལ། བྲེས་བཤར། འཕྲང་ལ་བཤར། ལུག་བཤས། སྡིག་པ་བཤགས། ལེགས་པར་བཤད། བཀོད་པ་བཤམས། ཤིང་བཤགས། མཉམ་པོར་བཤིབས། མཁར་བཤིག། པགས་པ་བཤུས། མེས་བཤུར་ཏོ། སྐྱོ་བས་བཤུམས། ནོར་བཤུགས། དཔེ་བཤུས། ཕན་ཚུན་བཤུད། གཏམ་བཤེར་ཏོ། ཕྱིར་བཤོས། རི་དྭགས་བཤོར་ཏོ། འགྲོས་བཤོལ་ཏོ།

http://localhost/bodyiglobjong/audio/rtak-juk-pg/Takjuk_PG-11P-text.mp3

༈ ཚོགས་བསགས། དྲི་མ་བསངས། སྐྱོན་བསལ་ཏོ། དོན་བསམས། དྲིན་ལན་བསབས། སྲོག་ཆགས་བསད། ཡོ་བྱད་བསར་ཏོ། ལག་གིས་བསིགས། མདེའུ་བསིར། དུམ་བུར་བསིལ་ཏོ། རྗེས་བསུབས། ཁ་བསུམ། མདུན་བསུས། ཞིབ་མོར་བསེད། ནོར་བསོགས། ངལ་བསོས། སྒྲིབ་པ་བསྲབས། ཡོ་བ་བསྲངས། གཞུང་བསྲངས། སེམས་ཀྱིས་བསྲན་ཏོ། ཡི་གེ་བསྲིངས། ཚེ་བསྲིངས། ནོར་བསྲིས། ཞོ་བསྲུབས། བསྲུང་བྱ་བསྲུངས། ཆུང་མ་བསྲེལ་ཏོ། ཕན་ཚུན་བསྲེས། མེས་བསྲེགས། མེར་བསྲོས། རིག་པ་བསླབས། ནོར་བསླངས། གཞན་གྱིས་བསླད། ཕྱོགས་སུ་བསླན་ཏོ། གྱེན་དུ་བསླངས། བསླུ་བྱ་བསླུས། ཕྱིར་བསློག། ཅེས་པ་ལ་སོགས་པ་རྣམས་ཏེ་དེ་དག་ལ་སླར་བསྡུའི་སྒྲ་སྦྱར་བ་རྣམས་ད་ཡིག་གི་ཡང་འཇུག་ཡོད་པར་ཤེས་དགོས་སོ། །དེ་རྣམས་ཀྱང་དཔེར་ན་བུམ་པ་ཆུས་བཀང་ལྟ་བུ་སྔོན་འཇུག་ཁོ་ནའི་བྱེད་པས་འདས་ཚིག་ཏུ་གྲུབ་པ་དང་། ཐུགས་དམ་བསྐངས་ལྟ་བུ་སྔོན་འཇུག་ཕོ་ཡིག་དང་འབྲེལ་བ་ཙམ་ལས་གཙོ་བོར་རྗེས་འཇུག་གི་བྱེད་པས་འདས་ཚིག་ཏུ་གྲུབ་པ་སོགས་བྱེ་བྲག་ཕྱེས་ནས་ཤེས་པར་བྱའོ། །

http://localhost/bodyiglobjong/audio/rtak-juk-pg/Takjuk_PG-11Q-text.mp3

༈ བ་ཡིག་གཞན་བྱ་བའི་ཡུལ་བསྒྲུབ་པའི་ཕྱིར་འཇུག་པ་ནི། དཔེར་ན། བཀན་བྱའི་ལག་པ། བཀྱིག་བྱའི་དགྲ། བཀོལ་བྱའི་དོན། བཀྱོན་བྱའི་འབངས། བཀྲབ་བྱའི་འབངས། བཀྲུ་བྱའི་རས། བཀླག་བྱའི་ཡི་གེ། བསྐམ་བྱའི་དངོས་པོ། བརྐུ་བྱའི་ནོར། བརྐོ་བྱའི་ས། བརྐྱང་བྱའི་ལག་པ། བསྐང་བྱའི་དམ་ཚིག།།བསྐུ་བྱའི་སྣུམ། བསྐུལ་བྱའི་ལས། བསྐོར་བྱའི་འཁོར་ལོ། བསྐོན་བྱའི་ཞྭ། བསྐྱམ་བྱའི་སྣོད། བསྐྱ་བྱའི་ནོར། བསྐྱར་བྱའི་ཚིག། བསྐྱི་བྱའི་དངོས་པོ། བསྐྱིལ་བྱའི་རྫིང་། བསྐུར་བྱའི་ཉེས་པ། བསྐྲད་བྱའི་འདྲེ། བསྐྲུན་བྱའི་བསོད་ནམས།

http://localhost/bodyiglobjong/audio/rtak-juk-pg/Takjuk_PG-11R-text.mp3

༈ བགམ་བྱའི་ཚོད། བགད་བྱའི་གད་མོ། བགོ་བྱའི་གོས། བགྱི་བྱའི་ལས། བགྲང་བྱའི་གྲངས། བགྲད་བྱའི་འདོམས། བཀྲུ་བྱའི་འབྲས། བགྲོ་བྱའི་གྲོས། བགྲོད་བྱའི་ལམ། བརྒལ་བྱའི་ལ། བརྒྱན་བྱའི་གཟུགས། བརྒྱལ་བར་བྱ་བའི་དགྲ། བརྒྱང་བྱའི་ཐག་པ། བརྒྱུག་བྱའི་རྟ། བརྒྱུད་བྱའི་འཕྲེང་བ། བསྒག་བྱའི་བུ་ག། །བསྒབ་བྱའི་རྡོ་བ། བསྒོ་བྱའི་ངག། བསྒང་བྱའི་ཟན། བསྒྱུར་བྱའི་མགྲོན། བསྒུལ་བྱའི་རྡོ་བ། བསྒོ་བྱའི་ངག།།བསྒང་བྱའི་ཟན། བསྒྱུར་བྱ། བསྒྱེལ་བྱ། བསྒྲག་བྱའི་ཆོས། བསྒྲིམ་བྱའི་བློ། བསྒྲིབ་བྱའི་སྐྱོན། བསྒྲིག་བྱའི་གྲལ། བསྒྲིལ་བྱའི་ཐི་གུ། བསྒྲུབ་བྱའི་དོན། བསྒྲུན་བྱའི་དཔེ། བསྒྲུག་བྱའི་རྡོ། བསྒྲེ་བྱའི་ཆོས་མཚུངས། བསྒྲེང་བྱའི་རྒྱལ་མཚན། བསྒྲོད་བྱའི་བུད་མེད།

http://localhost/bodyiglobjong/audio/rtak-juk-pg/Takjuk_PG-11S-text.mp3

༈ བརྔན་བྱའི་གྲོགས། བརྔའ་བྱའི་ལོ་ཏོག། བརྔུབ་བྱའི་སྨན། བརྔོད་བྱའི་ནས། བསྔག་བྱའི་ཡོན་ཏན། བསྔོ་བྱའི་དགེ་བ། བརྔོག་བྱའི་མཚང་།

http://localhost/bodyiglobjong/audio/rtak-juk-pg/Takjuk_PG-11T-text.mp3

༈ བཅར་བྱའི་མིག། བཅང་བྱའི་སྨན། བཅག་བྱའི་ས། བཅའ་བྱའི་འཁྲུལ་འཁོར། བཅའ་བྱའི་ལྷུང་བ། བཅིང་བྱའི་རྐུན་པོ། བཅིབ་བྱའི་རྟ། བཅུར་བྱའི་འཕྲང་། བཅུ་བྱའི་ཆུ། བཅོལ་བྱའི་ནོར། བཅོ་བྱའི་གཏོར་མ།

༈ བརྗེ་བྱའི་དངོས་པོ། བརྗེད་བྱའི་དམ་པ། བརྗོད་བྱའི་གཏམ།
༈ བརྙན་བྱའི་གོས། བསྙག་བྱའི་བུ་ལོན། བསྙབ་བྱའི་དངོས་པོ། བསྙལ་བྱའི་ཤིང་། བསྙམ་བྱའི་རིང་ཐུང་། བསྙད་བྱའི་གཏམ། བསྙིལ་བྱའི་བྲག། བསྙུག་བྱའི་མར་ཁུ། བསྙུང་བྱའི་ཡོད་བྱད། བསྙུན་བྱའི་ལུས། བསྙེན་བྱའི་ལྷབསྙིམ་བྱའི་ཡོན་ཏན། བསྙོག་བྱའི་ཆུ།

http://localhost/bodyiglobjong/audio/rtak-juk-pg/Takjuk_PG-11U-text.mp3

༈ བཏིག་བྱའི་ཐིགས་པ། བཏུ་བྱའི་སྔགས། བཏུང་བྱའི་ཆང་། བརྟག་བྱའི་ལྟས། བརྟའ་བྱའི་ལུས། བརྟེན་བྱའི་ཡུལ། བརྟོད་བྱའི་རྟ། བརྟོལ་བྱའི་རྣག། བལྟ་བྱའི་གཟུགས། བལྟམ་བྱའི་གནས། བལྟབ་བྱའི་གོས། བསྟན་བྱའི་ཆོས། བསྟད་བྱའི་ཕྱོགས། བསྟད་བྱའི་སྒ། བསྟིམ་བྱའི་ལྷ། བསྟུང་བྱའི་ཐག། བསྟེན་བྱའི་བཤེས་གཉེན། བསྟོད་བྱའི་ཡོན་ཏན།

http://localhost/bodyiglobjong/audio/rtak-juk-pg/Takjuk_PG-11V-text.mp3

༈ མདུན་དུ་བདར་བྱའི་རྫས། བདའ་བྱའི་ཕྱུགས། བདར་བྱའི་ཙནྡན། བདམ་བྱའི་ནོར། བདུག་བྱའི་སྤོས། བདུང་བྱའི་གཞུ། བརྡལ་བྱའི་ཕྱེ་མ། བརྡར་བྱའི་མཚོན། བརྡབ་བྱའི་ཐལ་མོ། བརྡུང་བྱའི་རྔ། བལྡབ་བྱའི་ཚིག། བལྡག་བྱའི་སྐྱོ་མ། བལྡད་བྱའི་ཟས། བསྡམ་བྱའི་ཉེས་པའམ་ངག། བསྡིག་བྱའི་སྐྱེ་བོ། བསྡུ་བྱའི་འཁོར། བསྡུམ་བྱའི་མཁོན། བསྡུར་བྱའི་དངོས་པོ། བསྡེབ་བྱའི་གྲོགས། བསྡོག་བྱའི་ཐག་པ། བསྡོག་བྱའི་ཆས་གོས། བསྡོང་བྱའི་གྲོགས། བསྡོམ་བྱའི་གྲངས། བསྡོ་བྱའི་དགྲ།

༈ བརྣན་བྱའི་དོན། བརྣག་བྱའི་དོན། བསྣན་བྱའི་ནོར། བསྣམ་བྱའི་དྲིའམ་ཕྱག་མཚན། བསྣར་བྱའི་མཇུག། བསྣུན་བྱའི་མཚོན་ནམ་ནུ་མ། བསྣུབ་བྱའི་སྲོལ་ངན། བསྣུར་བྱའི་དུས། བསྣོར་བྱའི་གོ་རིམ། བསྣོལ་བྱའི་གོ། བསྣོ་བྱའི་ཟན།

http://localhost/bodyiglobjong/audio/rtak-juk-pg/Takjuk_PG-11W-text.mp3

༈ བཙའ་བྱའི་བུ། བཙལ་བྱའི་ནོར། བཙག་བྱའི་ཆུ། བཙའ་བྱའི་སྙིང་སྡུག། བཙུམ་བྱའི་ཁ། བཙིར་བྱའི་གཡོག། བཙེམ་བྱའི་གོས། བཙོ་བྱའི་གསེར། བཙོང་བྱའི་ཟོང་། བཙོག་བྱའི་མཆིག། བརྩམ་བྱའི་བྱ་བ། བརྩད་བྱའི་ཞལ་ལྕེ། བརྩིག་བྱའི་རྡོ། བརྩི་བྱའི་གྲངས། བརྩེ་བྱའི་གྲོགས།

༈ བརྫང་བྱའི་ཕོ་ཉ། སྣོད་དུ་བརྫང་བྱའི་ནོར། བརྫི་བྱའི་གདན་ནམ་ཟན། བརྫུ་བྱའི་ཁྲོ་བོ། བརྫེ་བྱའི་སྐྲ།

༈ བཞར་བྱའི་སྐྲ། བཞབ་བྱའི་ནོར། བཞུ་བྱའི་མར། བཞུར་བྱའི་ཤིང་། བཞོག་བྱའི་ཤིང་། བཞོ་བྱའི་འོ་མ།

༈ བཟའ་བྱའི་ཟས། བཟབ་བྱའི་མགྲོན། བཟླ་བྱའི་སྔགས། བཟླུག་བྱའི་གཏམ། བཟེད་བྱའི་ཟས། བཟློག་བྱའི་བྱད། བཟློ་བྱའི་གཏམ། བཟོ་བྱའི་ཤིང་།

http://localhost/bodyiglobjong/audio/rtak-juk-pg/Takjuk_PG-11X-text.mp3

༈ བྱིན་གྱིས་བརླབ་བྱ། བརླག་བྱའི་དགྲ། བརླམ་བྱའི་ཁོག་པ། བརླན་བྱའི་རྫས། བརླིང་བྱའི་རྨང་།

༈ བཤའ་བྱའི་ལུག །བཤད་བྱའི་ཆོས། བཤལ་བྱའི་སྣོད། བཤར་བྱའི་ནས། བཤང་བྱའི་སྦུབས། བཤག་བྱའི་སྡིག། བཤམ་བྱའི་སྟོན་མོ། བཤིག་བྱའི་རྫོང་། བཤུ་བྱའི་པགས་པ། མེར་བཤུར་བྱའི་རྫས། བཤུམ་བྱའི་སྡུག་བསྔལ། བཤུད་བྱའི་མཁུར་ཚོས། བཤུག་བྱའི་ནོར། བཤེར་བྱའི་ཚིག། བཤོལ་བྱའི་འགྲུལ་། བཤོར་བྱའི་རི་དྭགས།

http://localhost/bodyiglobjong/audio/rtak-juk-pg/Takjuk_PG-11Y-text.mp3

༈ བསང་བྱའི་དྲི་མ། བསམ་བྱའི་དོན། བསག་བྱའི་ཚོགས། བསལ་བྱའི་སྐྱོན། བསར་བྱའི་ཆས། བསབ་བྱའི་དྲིན། བསིག་བྱའི་རལ་བ། བསིར་བྱའི་མདེའུ། བསུབ་བྱའི་རྗེས། བསུམ་བྱའི་ཁ། བསུ་བྱའི་མགྲོན། བསེད་བྱའི་བལ། བསོག་བྱའི་ནོར། བསྲང་བྱའི་མདའ། བསྲབ་བྱའི་བག་ཆགས། བསྲན་བྱའི་རྐྱེན། བསྲིང་བྱའི་འཕྲིན། བསྲིང་བྱའི་ཚེ། བསྲི་བྱའི་ཟས། བསྲུབ་བྱའི་ཞོ། བསྲུང་བྱའི་མི། བསྲེལ་བྱའི་ཆུང་མ། བསྲེ་བྱའི་རྫས། བསྲེག་བྱའི་བུད་ཤིང་། བསྲོ་བྱའི་ཚོད་མ། བསླབ་བྱའི་རིག་པ། བསླད་བྱའི་ཟས། བསླང་བྱའི་བསོད་སྙོམས། བསླན་བྱའི་ཕྱོགས། གྱེན་དུ་བསླང་བྱའི་ཤིང་། བསླུ་བྱའི་སྲོག། ཕྱིར་བསློག་བྱ། ཞེས་པ་ལ་སོགས་པ་རྣམས་སོ། ། དེ་ལྟར་བྱ་བའི་ཡུལ་ལ་འཇུག་པའི་སྒྲ་འདི་རྣམས་ལ་ཚིག་གྲོགས་དང་སྦྱར་ནས་དཔེར་བརྗོད་པ་ནི་གོ་སླ་བའི་ཕྱིར་ཏེ་གཞན་དུ། བཀན་བྱ། བཀོལ་བྱ། བགམ་བྱ། བགད་བྱ། བཅར་བྱ། བཅང་བྱ། ཞེས་སོགས་སྨོས་པ་ཉིད་ཀྱིས་བྱ་བའི་ཡུལ་གྱི་སྒྲ་ཡིན་པ་རྟོགས་པར་ནུས་པའི་ཕྱིར་སྐབས་ཐོབ་ཀྱི་དཔེར་བརྗོད་དངོས་ནི་དེ་རྣམས་ཉིད་ཡིན་ནོ། ། དེ་བཞིན་དུ་འཆད་འགྱུར་གྱི་འཇུག་པ་ཕྱི་མ་རྣམས་ཀྱི་སྐབས་སུའང་ཤེས་པར་བྱའོ། ། ཡང་སྐབས་འདི་དག་ཏུ་བྱ་ཚིག་གིས་གསལ་མི་དགོས་པར་ཡུལ་གྱི་སྒྲ་མཚོན་ནུས་པ། གོས་སོགས་ལ་བགོ་བ་དང་། རྟ་ལ་བཅིབ་པ། ཆང་སོགས་ལ་བཏུང་བ། སྤོས་ལ་བདུག་པ། བྱ་བ་ལ་བརྩམ་པ། ཟས་ལ་བཟའ་བ། བསླབ་བྱ་ལ་བསླབ་པ་སོགས་དང་འཆད་འགྱུར་མ་ནིང་གི་འཇུག་པའི་སྐབས་སུ། གདམ་བྱ་ལ་གདམ་པ། རྩྭ་ལ་གཟན་པ། ཡུལ་ལ་གཟུང་བ་སོགས་དང་། མོ་དང་ཤིན་ཏུ་མོའི་འཇུག་པའི་སྐབས་སུའང་དེ་འདྲ་མང་དུ་འབྱུང་བ་གོ་དགོས་སོ། ། དེ་བཞིན་དུ་བ་ཡིག་དངོས་པོ་གཞན་བྱ་བའི་ཡུལ་དང་འབྲེལ་བའི་བྱ་བ་ཉིད་ལ་འཇུག་པ་ནི། བཀལ་བར་བྱའོ། བཀལ་ལོ། བཀོལ་བར་བྱ། བཀོལ་ལོ། བཀན་པར་བྱ། བཀན་ནོ། བཀྱིག་པར་བྱ། བཀྱིག་གོ། བཀྱོན་པར་བྱ། བཀྱོན་ནོ། བཀྲབ་པར་བྱ། བཀྲབ་བོ། བཀྲུ་བར་བྱ། བཀྲུའོ། བཀླག་པར་བྱ། བཀླག་གོ། བསྐམ་པར་བྱ། བསྐམ་མོ། བརྐུ་བར་བྱ། བརྐུའོ། བརྐོ་བར་བྱ། བརྐོའོ། བརྐྱང་བར་བྱ། བརྐྱང་ངོ་། བསྐང་བར་བྱ། བསྐང་ངོ་། བསྐུ་བར་བྱ། བསྐུའོ། བསྐུལ་བར་བྱ། བསྐུལ་ལོ། བསྐོར་བར་བྱ། བསྐོར་རོ། བསྙོན་པར་བྱ། བསྙོན་ནོ། བསྐྱམ་པར་བྱ། བསྐྱམ་མོ། བསྐྱ་བར་བྱ། བསྐྱའོ། བསྐྱར་བར་བྱ། བསྐྱར་རོ། བསྐྱི་བར་བྱ། བསྐྱིའོ། བསྐྱིལ་བར་བྱ། བསྐྱིལ་ལོ། བསྐྱུར་བར་བྱ། བསྐྱུར་རོ། བསྐྲད་པར་བྱ། བསྐྲད་དོ། བསྐྲུན་པར་བྱ། བསྐྲུན་ནོ།

http://localhost/bodyiglobjong/audio/rtak-juk-pg/Takjuk_PG-11Z-text.mp3

༈ དེ་བཞིན་དུ། བགམ་བྱ། བགད་བྱ་སོགས་སྔར་སྨོས་པ་རྣམས་དང་གཞན་ལའང་སྦྱར་ནས། བགམ་པར་བྱ། བགམ་མོ། བགད་པར་བྱ། བགད་དོ། སོགས་རྒྱས་པར་དཔེར་བརྗོད་པར་བྱ་ཞིང་། འདི་སྐབས། བརྒྱན། བསྒར། བརྒལ། ལྟ་བུ་ན་ར་ལའི་མཐའ་ཅན་རྣམས་ནི་འདས་ཚིག་མ་ཡིན་པའི་ཕྱིར་ད་དྲག་མི་འཐོབ་པས། བརྒྱན་ནོ། བསྒར་རོ། བསྒལ་ལོ། ཞེས་བརྗོད་པར་བྱའི། བརྒྱན་ཏོ་ཞེས་སོགས་སུ་མི་འགྱུར་བར་ཤེས་པར་བྱའོ། །དེ་བཞིན་དུ་མ་ནིང་གི་འཇུག་པའི་སྐབས་སོགས་འཆད་འགྱུར་གྱི་བྱེད་པ་དང་བྱ་བའི་ཚིག་རྣམས་ཀྱི་སླར་བསྡུའི་སྒྲ་ལའང་དེ་དག་གི་ན་ར་ལའི་མཐའ་རྟེན་གྱི་རྗེས་སུ་འཛིན་ཏོ། །ལྟ་བུ་དམིགས་བསལ་འགའ་ཞིག་ལས་ཕལ་ཆེར་ལ་ད་དྲག་མི་འཐོབ་པར་ངེས་པས་ཏོ་ཡིག་གི་སྒྲ་བརྗོད་པ་མེད་པ་ཉིད་དུ་ཤེས་པར་བྱ་ཞིང་འདི་རིགས་ཀྱི་རྣམ་དབྱེ་དང་ཕྲད་གཞན་རྣམས་སྦྱོར་བའིཚེའང་འདིས་མཚོན་ནས་རྗེས་སུ་དཔག་པར་བྱའོ། །


མ་ནིང་དགོས་པ་ཅི་ཕྱིར་འཇུག་པ་བཤད་པ།

https://bodyiglobjong.com/audio/rtak-juk-pg/Takjuk_PG-12A-text.mp3

གཉིས་པ་སྔོན་འཇུག་གི་མ་ནིང་དགོས་པ་གང་གི་ཕྱིར་འཇུག་པ་ནི།

མ་ནིང་གཉིས་ཀ་ད་ལྟར་ཆེད། །

ཅེས་པས་བསྟན་ཏེ། སྔོན་འཇུག་གི་མ་ནིང་ག་ད་གཉིས་ནི་དངོས་པོ་བདག་དང་གཞན་གཉི་ག་ལ་འཇུག་པ་དང་། དེར་མ་གཏོགས་པའི་དུས་གསུམ་ལས་ད་ལྟ་བ་སྟོན་པའི་ཕྱིར་འཇུག་གོ །དེ་དག་ཀྱང་རིམ་པ་བཞིན་དཔེར་བརྗོད་ན། ག་ཡིག་བདག་བྱེད་པ་པོ་ལ་འཇུག་པ་ནི།

https://bodyiglobjong.com/audio/rtak-juk-pg/Takjuk_PG-12B-text.mp3

༈ ལོགས་སུ་གཅོར་བ་པོ། གཅོར་བྱེད། གཅིན་གཅི་བ་པོ། གཅི་བྱེད། བར་དུ་གཅིར་བ་པོ། གཅིར་བྱེད། སྲང་དུ་གཅུར་བ་པོ། གཅུར་བྱེད། ལག་པ་གཅུ་བ་པོ། གཅུ་བྱེད། གཅོད་པ་པོ། གཅོད་བྱེད། རྡོ་བ་གཅོག་པ་པོ། གཅོག་བྱེད།
༈ བཟང་ངན་གཉུལ་བ་པོ། གཉུལ་བྱེད། དོན་གཉེར་བ་པོ། གཉེར་བྱེད། བཟང་ཕྱིར་གཉོག་པ་པོ། གཉོག་བྱེད།

https://bodyiglobjong.com/audio/rtak-juk-pg/Takjuk_PG-12C-text.mp3

༈ ཁྲག་གཏར་བ་པོ། གཏར་བྱེད། ནོར་གཏམ་པ་པོ། གཏམ་བྱེད། ཆུ་གཏིག་པ་པོ། གཏིག་བྱེད། མགོ་གཏུམ་པ་པོ། གཏུམ་བྱེད། ཤིང་གཏུབ་པ་པོ། གཏུབ་བྱེད། མགོ་གཏུམ་པ་པོ། གཏུམ་བྱེད། ཤིང་གཏུབ་པ་པོ། གཏུབ་བྱེད། ཞབས་ལ་གཏུག་པ་པོ། གཏུབ་བྱེད། སེ་གོལ་གཏོག་པ་པོ། གཏོག་བྱེད། གཞན་ལ་གཏོད་པ་པོ། གཏོད་བྱེད། ནོར་གཏོང་བ་པོ། གཏོང་བྱེད། དམིགས་པ་གཏོད་པ་པོ། གཏོད་བྱེད།
༈ ཁ་གདང་བ་པོ། གདང་བྱེད། གདུང་བ་པོ། གདུང་བྱེད། ཐུག་པ་གདུ་བ་པོ། གདུ་བྱེད། མཚོན་གདེང་བ་པོ། གདེང་བྱེད།

https://bodyiglobjong.com/audio/rtak-juk-pg/Takjuk_PG-12D-text.mp3

༈ འོག་ཏུ་གནོན་པ་པོ། གནོན་བྱེད།
༈ གཙག་བུས་གཙག་པ་པོ། གཙག་བྱེད། ཤིང་གཙུབ་བྱེད། གཙུབ་པ་པོ། གནོད་པས་གཙེར་བྱེད། གཙེར་བ་པོ།
༈ བློས་གཞིག་པ་པོ། གཞིག་བྱེད། ལམ་དུ་གཞུག་པ་པོ། གཞུག་བྱེད། ཤ་གཞུར་བ་པོ། གཞུར་བྱེད། ལྕག་གིས་གཞུ་བ་པོ། གཞུ་བྱེད།
༈ ཕྲག་ལ་གཟར་བ་པོ། གཟར་བྱེད། གཟིར་བ་པོ། གཟིར་བྱེད། ལམ་དུ་གཟུར་བ་པོ། གཟུར་བྱེད། གཡེང་བ་པོ། གཡེང་བྱེད། གཡབ་གཡུག་གཡོབ་པ་པོ། གཡོབ་བྱེད། ཟས་གཡོ་བ་པོ། གཡོ་བྱེད། གོས་གཡོག་པ་པོ། གཡོག་བྱེད། མིག་གཡོར་བ་པོ། གཡོར་བྱེད།

https://bodyiglobjong.com/audio/rtak-juk-pg/Takjuk_PG-12E-text.mp3

༈ གྲལ་གཤིབས་པ་པོ། གཤིབས་བྱེད།
༈ ཆུ་གཤོ་བ་པོ། གཤོ་བྱེད། ཤིང་གཤོག་པ་པོ། གཤོག་བྱེད། བྲེས་གཤོར་བ་པོ། གཤོར་བྱེད། མཆོད་པ་གཤོམ་པ་པོ། གཤོམ་བྱད།
༈ དྲིལ་བུ་གསིལ་བ་པོ། གསིལ་བྱེད། ལུས་གསིག་པ་པོ། གསིག་བྱེད། གསུང་བ་པོ། གསུང་བྱེད། ཤིང་གསེ་བ་པོ། གསེ་བྱེད། ནོར་གསོག་པ་པོ། གསོག་བྱེད། གསོད་པ་པོ། གསོད་བྱེད། མདུང་གསོར་བ་པོ། གསོར་བྱེད། གསང་གཏམ་གསོང་བ་པོ། གསོང་བྱེད། ཆུད་གསོན་པ་པོ། གསོན་བྱེད། ཅེས་པ་ལ་སོགས་པ་རྣམས་སོ། །

དེ་བཞིན་དུ་ག་ཡིག་བྱེད་པ་པོ་བདག་ལ་ཡོད་པའི་ལས་སམ་བྱེད་པ་ཙམ་ལ་འཇུག་པ་ནི། གཅར་བར་བྱེད། གཅར་རོ། གཅི་བར་བྱེད། གཅིའོ། གཅིར་བར་བྱེད། གཅིའོ། གཅུར་བར་བྱེད། གཅུར་རོ། གཅུ་བར་བྱེད། གཅུའོ། གཅོད་པར་བྱེད། གཅོད་དོ། གཅོག་པར་བྱེད། གཅོག་གོ།
༈ གཉུལ་བར་བྱེད། གཉུལ་ལོ། གཉེར་བར་བྱེད། གཉེར་རོ། ཞེས་སོགས་རིམ་པ་བཞིན་དུ་སྦྱར་ཏེ་དཔེར་བརྗོད་པར་བྱའོ། །ག་ཡིག་གཞན་བྱ་བའི་ཡུལ་ཉིད་ལ་འཇུག་པ་ནི། གཅད་བྱའི་ཤིང་། གཅི་བྱའི་ཆུ། གཅིར་བྱའི་རྫས། གཅོག་བྱའི་རྡོ།
༈ གཉག་བྱའི་ཟས། གཉུལ་བྱའི་སྐྱོན། གཉེར་བྱའི་དོན།
༈ གཏད་བྱའི་རྫས། གཏང་བྱའི་ནོར། གཏམས་བྱའི་སྣོད། གཏིགས་བྱའི་ཆུ། གཏིབ་བྱའི་སྤྲིན། གཏུབ་བྱའི་ཤིང་། གཏུམ་བྱའི་མགོ། གཏུར་བྱའི་རྫས། གཏུག་བྱའི་ཞབས། གཏོར་བྱའི་མེ་ཏོག།
༈ གསོལ་བ་གདབ་བྱའི་ཡུལ། རྒྱས་གདབ་བྱའི་དངོས་པོ། གདགས་བྱའི་མིང་། གདབ་བྱའི་ས་བོན། གདམས་བྱའི་གྲོས། གདམ་བྱའི་ནོར། གདིང་བྱའི་སྟན། གདུལ་བྱའི་སེམས་ཅན། གདུ་བྱའི་ཐུག་པ། མེས་གདུང་བྱ། སྲང་ལ་གདེག་བྱ། ངན་སོང་ལས་གདོན་བྱའི་སེམས་ཅན། གདོན་བྱའི་འདོན་པ།
༈ གཙག་བྱའི་ཤ། གཙུབ་བྱའི་མེ། གཙེར་བྱའི་དགྲ།
༈ གཞལ་བྱའི་ཚད། གཞག་བྱའི་དངོས་པོ། གཞིག་བྱའི་དོན། གཞིབ་བྱའི་ཁུ་བ། གཞིལ་བྱའི་ནད། གཞིབས་བྱའི་གྲལ། ནང་དུ་བཞུག་བྱའི་མི། གཞུར་བྱའི་དངོས་པོ། བྱེད་དུ་གཞུག་བྱའི་ལས། ལྕག་གིས་གཞུ་བྱ། གཞོམ་བྱའི་དགྲ། གཞོག་བྱའི་ཤིང་། གཞོལ་བྱའི་ལས།
༈ གཟར་བྱའི་གོས། གཟབ་བྱའི་ལས། གཟན་བྱའི་གཟན་པ། གཟད་བྱའི་གོས། གཟགས་བྱའི་བཅུད། གཟིར་བྱའི་བགེགས། གཟུགས་བྱའི་གཟེར་བུ། གཟུང་བྱའི་ཡུལ། ཆོས་ལ་གཟུད་བྱའི་སྐྱེ་བོ། ལམ་གཟུར་བྱ། གཟེད་བྱའི་གཟན།
༈ གཡབ་བྱའི་གཡབ་མོ། གཡེང་བྱའི་ཡིད། གཡོ་བྱའི་ཟས། གཡོག་བྱའི་གོས། གཡོགས་ཞེས་པ་འདས་ཚིག་གོ། གཤག་བྱའི་ཤིང་། གཤིབས་བྱའི་གྲལ། གསད་བྱའི་བགེགས། གསང་བྱའི་སྔགས། གསིལ་བྱའི་དྲིལ་བུ། དུམ་བུར་གསིལ་བྱ། གསོ་བྱའི་བུ། ལ་སོགས་པ་རྣམས་སོ། །ག་ཡིག་གཞན་བྱ་བའི་གཞི་དང་འབྲེལ་བའི་ལས་སམ་བྱ་བ་ཙམ་ལ་འཇུག་པ་ནི། གཅད་པར་བྱ། གཅད་དོ། གཅི་བར་བྱ། གཅིའོ། གཅིར་བར་བྱ། གཅིར་རོ། གཅོག་པར་བྱ། གཅོག་གོ། གཉག་པར་བྱ། གཉག་གོ། གཉུལ་བར་བྱ། གཉུལ་ལོ། གཉེར་བར་བྱ། གཉེར་རོ། གཏད་པར་བྱ། གཏད་དོ། གཏང་བར་བྱ། གཏང་ངོ་། སོགས་རིམ་བཞིན་སྦྱར་ནས་དཔེར་བརྗོད་པར་བྱའོ། །

ད་ཡིག་བདག་བྱེད་པ་པོ་ལ་འཇུག་པ་ནི། སྣལ་མས་དཀྲི་བ་པོ། དཀྲི་བྱེད། རྟ་དཀྱུ་བ་པོ། དཀྱུ་བྱེད།
༈ གཞན་དུ་དགར་བ་པོ། དགར་བྱེད། གད་མོ་དགོད་པ་པོ། དགོད་བྱེད། དར་དཔྱོང་བ་པོ། དཔྱོང་བྱེད། མཚན་མར་དཔྱོད་པ་པོ། དཔྱོད་བྱེད། གཏིང་དཔོག་པ་པོ། དཔོག་བྱེད།

https://bodyiglobjong.com/audio/rtak-juk-pg/Takjuk_PG-12F-text.mp3

༈ དབྱིག་གིས་དབུར་བ་པོ། དབུར་བྱེད། རལ་གྲི་དབྱུག་པ་པོ། དབྱུག་བྱེད། པགས་པ་དབྲོལ་བ་པོ། དབྲོལ་བྱེད།
༈ སྙིང་ནས་དམོད་པ་པོ། དམོད་བྱེད་ལ་སོགས་པའོ། །
༈ ད་ཡིག་བྱེད་པ་ཙམ་ལ་འཇུག་པ་ནི། དཀྲི་བར་བྱེད། དཀྲིའོ། དགར་བར་བྱེད། དགར་རོ། སོགས་སྔ་མ་བཞིན་དུ་སྦྱར་རོ། ། དེ་བཞིན་དུ་ད་ཡིག་གཞན་བྱ་བའི་ཡུལ་ལ་འཇུག་པ་ནི། དཀྲི་བྱའི་མདོས་རིས། དཀྱུ་བྱའི་རྟ། དགར་བྱའི་གནས། དགག་བྱའི་སྐྱོན། དགས་བྱའི་ཤིང་། དགལ་བྱའི་ཁལ་མ། དགབ་བྱའི་སྣོད། དགྲམ་བྱའི་ཟོང་། དགང་བྱའི་བུམ་པ། དགུག་བྱའི་མགྲོན། དགོད་བྱའི་ཡི་གེ། དགྲོལ་བྱའི་མདུད་པ།

https://bodyiglobjong.com/audio/rtak-juk-pg/Takjuk_PG-12G-text.mp3

༈ དཔག་བྱའི་ལྐོག་གྱུར། དཔྱང་བྱའི་དར། དཔྱད་བྱའི་ཡུལ། དཔྱའ་བྱའི་སྐྱོན།
༈ དབྲལ་བྱའི་པགས་པ། དབབ་བྱའི་ཆར། དབྲི་བྱའི་གྲངས། དབྱི་བྱའི་རི་མོ། དབྱུང་བྱའི་ཚེར་མ། དབུག་བྱའི་ཤིང་། དབུལ་བྱའི་རྫས། དབུབ་བྱའི་ཁྱིམ། དབུབ་བྱའི་གདུགས། དབྱུག་བྱའི་རལ་གྲི། དབུར་བྱའི་རས། དབྱེ་བྱའི་ཁ། དབོ་བྱའི་ཆུ། དབྲོག་བྱའི་ནོར། དཔོག་བྱའི་ལུང་། དམད་བྱའི་ཉམ། ལ་སོགས་པ་རྣམས་སོ། །ད་ཡིག་གཞན་བྱ་བ་ཙམ་ལ་འཇུག་པ་ནི། དཀྲི་བར་བྱ། དཀྲིའོ། དཀྱུ་བར་བྱ། དཀྱུའོ། དགར་བར་བྱ། དགར་རོ། དགག་པར་བྱ། དགག་གོ། དགལ་བར་བྱ། དགལ་ལོ། དགྲོལ་བར་བྱ། དགྲོལ་ལོ། སོགས་སྔ་མ་བཞིན་དུ་སྦྱར་ནས་རྟོགས་པར་བྱའོ། ། མ་ནིང་གི་སྔོན་འཇུག་གཉིས་པོ་དེ་བཤད་མ་ཐག་པའི་བདག་གཞན་གཉིས་པོ་དེར་མི་གཏོགས་པའི་དུས་ད་ལྟ་བ་ལ་འཇུག་པའི་ཚུལ་ནི། བྱེད་པ་པོ་བདག་དང་འབྲེལ་བའི་བྱེད་པའི་ཚིག་གི་དཔེར་བརྗོད་པ་དེ་རྣམས་ཉིད་ཚིག་གྲོགས་ཀྱིས་བསྒྱུར་བ་ལས་ཤེས་པར་བྱའོ། །དེའང་དཔེར་ན། གཅར་བར་བྱེད། གཅར་རོ། དཀྲི་བར་བྱེད། དཀྲིའོ། ལྟ་བུ་ད་ལྟ་བའི་སྒྲ་ཡིན་མོད་ཀྱི་གཟུང་བར་བྱ། གཟུང་ངོ་། དགང་བར་བྱ། དགང་ངོ་། ལྟ་བུ་གཞན་གྱི་སྒྲ་ལའང་དེ་དང་ཤེད་མཚུངས་ཡོད་པས་སྔར་སྟོབས་མཚུངས་ཀྱིས་བདག་གཞན་དུ་ཟླས་ཕྱེ་བའི་བདག་སྒྲའི་ཁོངས་སུ་བསྡུས་ནས་བརྗོད་ཟིན་པས་འདིར་ནི་དོན་གྱིས་བདག་བྱེད་པའི་ཚིག་ཡིན་ཡང་གཞན་གྱི་སྒྲ་ལ་དེ་དང་ཤེད་མཚུངས་སྦྱར་རྒྱུ་མེད་པས་གོང་སྨོས་བདག་སྒྲའི་ཁོངས་སུ་སྡུད་པར་མི་འོས་པའི། གཅར་གྱིན་སྣང་ངོ་། །གཅར་བཞིན་པའོ། །དཀྲི་ཡིན་འདུག་གོ། དཀྲི་བཞིན་པའོ། །ལྟ་བུ་སྔར་སྨོས་པའི་བདག་སྒྲའི་བྱེད་ཚིག་དེ་རྣམས་ཉིད་བརྗོད་ཚུལ་ཚིག་གྲོགས་ཀྱི་ཁྱད་པར་དང་བཅས་པས་དཔེར་བརྗོད་པར་བྱའོ། །


མོ་ཡིག་དགོས་པ་ཅི་ཕྱིར་འཇུག་པ་བཤད་པ།

https://bodyiglobjong.com/audio/rtak-juk-pg/Takjuk_PG-13-intro.mp3https://bodyiglobjong.com/audio/rtak-juk-pg/Takjuk_PG-13A-text.mp3

གསུམ་པ་སྔོན་འཇུག་གི་མོ་ཡིག་དགོས་པ་གང་གི་ཕྱིར་འཇུག་པ་ནི།

མོ་ནི་བདག་ད་མ་འོངས་ཕྱིར། །

ཞེས་པས་བསྟན་ཏེ། སྔོན་འཇུག་གི་མོ་ཡིག་འ་ནི། དངོས་པོ་བདག་དང་། དུས་ད་ལྟ་བ་དང་མ་འོངས་པ་དག་བསྒྲུབ་པའི་ཕྱིར་འཇུག་གོ། དེ་ལ་བདག་བྱེད་པ་པོ་ལ་འཇུག་པ་ནི། སྐུད་པ་འཁལ་བ་པོ། འཁལ་བྱེད། ཁུར་འཁུར་བ་པོ། འཁུར་བྱེད། ལུས་ལ་འཁྱུད་པ་པོ། འཁྱུད་བྱེད། ཐག་པས་འཁྱིག་པ་པོ། འཁྱིག་བྱེད། གཞན་དུ་འཁྱེར་བ་པོ། འཁྱེར་བྱེད། གནས་སུ་འཁྲ་བ་པོ། འཁྲ་བྱེད། བྲོ་འཁྲབ་བ་པོ། འཁྲབ་བྱེད། ལམ་དུ་འཁྲིད་པ་པོ། འཁྲིད་བྱེད། ཤིང་ལ་འཁྲིལ་བ་པོ། འཁྲིལ་བྱེད། ཆགས་པས་འཁྲིག་པ་པོ། འཁྲིག་བྱེད། དྲི་མ་འཁྲུད་པ་པོ། འཁྲུད་བྱེད། ཁྱིམ་ལ་འཁྲེན་པ་པོ། འཁྲེན་བྱེད།

https://bodyiglobjong.com/audio/rtak-juk-pg/Takjuk_PG-13B-text.mp3

༈ ཕྱེ་འགམ་བྱེད། འགམ་པ་པོ། འགུགས་པ་པོ། འགུགས་བྱེད། སྣོད་འགེངས་པ་པོ། འགེངས་བྱེད། མགོ་འགེམས་པ་པོ། འགེམས་བྱེད། འགོག་པ་པོ། འགོག་བྱེད། འགོད་པ་པོ། འགོད་བྱེད། འོད་འགྱེད་པ་པོ། འགྱེད་བྱེད། གཡུལ་འགྱེད་པ་པོ། འགྱེད་བྱེད། གྱེན་དུ་འགྱོག་པ་པོ། འགྱོག་བྱེད། ཆུ་འགྲེམ་པ་པོ། འགྲེམ་བྱེད། མདུད་པ་འགྲོལ་པ་པོ། འགྲོལ་བྱེད།
༈ ཆོས་འཆད་བྱེད། འཆད་པ་པོ། ཉེས་པ་འཆབ་པ་པོ། འཆབ་བྱེད། གནས་འཆའ་བ་པོ། འཆའ་བྱེད། འཆང་བ་པོ། འཆང་བྱེད། ཁྲིམས་འཆའ་བ་པོ། འཆའ་བྱེད། ཞགས་པས་འཆིང་བ་པོ། འཆིང་བྱེད། དལ་གྱིས་འཆུ་བ་པོ། འཆུ་བྱེད། ཁས་འཆེ་བྱེད། འཆེ་བ་པོ། ལས་འཆོལ་བ་པོ། འཆོལ་བྱེད། རྒྱུད་འཆོས་བྱེད། འཆོས་པ་པོ།

https://bodyiglobjong.com/audio/rtak-juk-pg/Takjuk_PG-13D-text.mp3

༈ བློའམ་ཚད་ཀྱིས་འཇལ་བ་པོ། འཇལ་བྱེད། ཁུ་བ་འཇིབ་པ་པོ། འཇིབ་བྱེད། མཆོད་རྟེན་འཇིག་པ་པོ། འཇིག་བྱེད། གོས་ལ་འཇུ་བ་པོ། འཇུ་བྱེད། ནང་དུའམ་བྱེད་དུ་འཇུག་པ་པོ། འཇུག་བྱེད། ཐབས་ཀྱིས་འཇུན་པ་པོ། འཇུན་བྱེད། གནས་སུ་འཇོག་པ་པོ། འཇོག་བྱེད། ཤིང་འཇོག་པ་པོ། འཇོག་བྱེད། དགྲ་འཇོམས་པ་པོ། འཇོམས་བྱེད།

https://bodyiglobjong.com/audio/rtak-juk-pg/Takjuk_PG-13E-text.mp3

༈ དགྲ་ལ་འཐབ་པ་པོ། འཐབ་བྱད། ཕྱེ་མར་འཐག་པ་པོ། འཐག་བྱེད། ཟས་ལ་འཐུ་བ་པོ། འཐུ་བྱེད། དུམ་བུར་འཐུབ་པ་པོ། འཐུབ་བྱེད། ཆུ་འཐུང་བ་པོ། འཐུང་བྱེད། ཐུན་བུ་འཐུ་བ་པོ། འཐུ་བྱེད། ཐག་པས་འཐེན་པ་པོ། འཐེན་བྱེད། ཤ་འཐོག་པ་པོ། འཐོག་བྱེད། ཆུ་འཐོར་བ་པོ། འཐོར་བྱེད།

https://bodyiglobjong.com/audio/rtak-juk-pg/Takjuk_PG-13F-text.mp3

༈ སྐྱོ་མ་འདག་པ་པོ། འདག་བྱེད། ནོར་འདམ་བྱེད། འདམ་པ་པོ། འདུན་བྱེད། འདུན་པ་པོ། འདུད་བྱེད། འདུད་པ་པོ། འདུལ་བྱེད། འདུལ་བ་པོ། འདུ་བྱེད། འདུ་བ་པོ། འདེགས་བྱེད། འདེགས་པ་པོ། རྗེས་སུ་འདེད་པ་པོ། འདེད་བྱེད། འདེབས་བྱེད། འདེབས་པ་པོ། སྲད་བུ་འདོགས་བྱེད། འདོགས་པ་པོ། ཕྱིར་འདོན་པ་པོ། འདོན་བྱེད། གདམས་ངག་འདོམས་པ་པོ། འདོམས་བྱེད། གོམས་པའམ་དྲི་མ་འདོར་བྱེད། འདོར་བ་པོ། དྲ་བ་འདྲལ་བྱེད། འདྲལ་བ་པོ། ཁ་སྐད་འདྲི་བ་པོ། འདྲི་བྱེད། ནོར་གྱིས་འདྲིད་པ་པོ། འདྲིད་བྱེད། ཤིང་འདྲུད་བྱེད། འདྲུད་པ་པོ། ཁུང་འདྲུ་བ་པོ། འདྲུ་བྱེད། སྐྲ་འདྲེག་པ་པོ། འདྲེག་བྱེད། གནས་ནས་འདྲེན་པ་པོ། འདྲེན་བྱེད།
༈ ཕྱིར་འཕུལ་བ་པོ། འཕུལ་བྱེད། མདའ་འཕེན་པ་པོ། འཕེན་བྱེད། དར་འཕྱར་བ་པོ། འཕྱར་བྱེད། གཞན་ལ་འཕྱ་བ་པོ། འཕྱ་བྱེད། ཐལ་བ་འཕྱག་པ་པོ། འཕྱག་བྱེད། ནོར་འཕྲོག་པ་པོ། འཕྲོག་བྱེད།
༈ ལས་ལ་འབད་པ་པོ། འབད་བྱེད། སྐྲ་འབལ་བ་པོ། འབལ་བྱེད། ཤིང་འབིགས་པ་པོ། འབིགས་བྱེད། ནོར་འབུལ་བ་པོ། འབུལ་བྱེད། ཁྱིམ་འབུབས་པ་པོ། འབུབས་བྱེད། དུང་ངམ་རླུང་འབུད་པ་པོ། འབུད་བྱེད། ཆར་འབེབས་པ་པོ། འབེབས་བྱེད། གདམས་ངག་འབོགས་བྱེད། འབོགས་པ་པོ། མིང་ནས་འབོད་པ་པོ། འབོད་བྱེད། ཕྱིར་འབོར་བ་པོ། འབོར་བྱེད། རི་མོ་འབྱིད་པ་པོ། འབྱིད་བྱེད། གནས་ནས་འབྱིན་པ་པོ། འབྱིན་བྱེད། ཚོན་འབྱུག་པ་པོ། འབྱུག་བྱེད། སྒོ་འབྱེད་པ་པོ། འབྱེད་བྱེད། འབྱེ་བ་པོ། འབྱེ་བྱེད། ལྕེས་འབྱོག་པ་པོ། འབྱོག་བྱེད། ཆུ་འབྱོ་བ་པོ། འབྱོ་བྱེད། ས་ལ་འབྲད་པ་པོ། འབྲད་བྱེད། ཆུ་འབྱོ་བ་པོ། འབྱོ་བྱེད། ས་ལ་འབྲད་པ་པོ། འབྲད་བྱེད། གྲངས་འབྲིད་པ་པོ། འབྲིད་བྱེད། ཡི་གེ་འབྲི་བ་པོ། འབྲི་བྱེད། འཚང་འབྲུ་བ་པོ། འབྲུ་བྱེད། ཁུང་བུ་འབྲུད་པ་པོ། འབྲུད་བྱེད། རྗེས་སུ་འབྲེང་བ་པོ། འབྲེང་བྱེད།
༈ཕྱག་འཚལ་བ་པོ། འཚལ་བྱེད། སྐྱིན་པ་འཚབ་པ་པོ། འཚབ་བྱེད། ཆུ་འཚག་པ་པོ། འཚག་བྱེད། ཏིལ་འཚིར་བ་པོ། འཚིར་བྱེད། ཟས་འཚེད་པ་པོ། འཚེད་བྱེད། གཞན་ལ་འཚེ་བ་པོ། འཚེ་བྱེད། ནོར་འཚོལ་བ་པོ། འཚོལ་བྱེད། ཟོང་འཚོང་བ་པོ། འཚོང་བྱེད། ཕྱུགས་འཚོ་བ་པོ། འཚོ་བྱེད། རྡོ་བས་འཚོག་པ་པོ། འཚོག་བྱེད། ལུས་འཚོ་བ་པོ། འཚོ་བྱེད།

https://bodyiglobjong.com/audio/rtak-juk-pg/Takjuk_PG-13G-text.mp3

༈ དངོས་པོ་འཛིན་པ་པོ། འཛིན་བྱེད། སྣོད་དུ་འཛུད་པ་པོ། འཛུད་བྱེད། རྩ་བ་འཛུགས་པ་པོ། འཛུགས་བྱེད། ཁུང་དུ་འཛུལ་བ་པོ། འཛུལ་བྱེད། སྣོད་འཛེད་པ་པོ། འཛེད་བྱེད། གྱེན་དུ་འཛེག་པ་པོ། འཛེག་བྱེད། ལ་སོགས་པ་རྒྱ་ཆེར་ཤེས་པར་བྱའོ། །དེ་ལྟར་བཀོད་པ་རྣམས་ནི་གོང་སྨོས་ལྟར་གང་ཞིག་ལས་སམ་བྱ་བ་དེ་ལས་ངེས་པར་ཐ་དད་པར་གྱུར་པའི་བདག་བྱེད་པ་པོའི་ཚིག་སྟེ། འདིར་བསྟན་གྱི་དཔེར་བརྗོད་དངོས་ཡིན་ལ། ཞར་ལས་གང་ཞིག་ལས་སམ་བྱ་རྒྱུ་དེ་དང་ཐ་མི་དད་པ་ལྟར་སྣང་བའི་བྱེད་པ་པོའི་ཚིག་རྣམས་ཀྱང་ཕལ་ཆེར་འས་འཕུལ་ཅན་དུ་ཤེས་དགོས་ཏེ། དཔེར་ན། རྟེན་ལ་འཁར་བ་པོ། འཁར་བྱེད། ངག་འཁུན་པ་པོ། འཁུན་བྱེད། གདན་ལ་འཁོད་པ་པོ། འཁོད་བྱེད། འཁོར་བར་འཁོར་བ་པོ། འཁོར་བྱེད། ལུས་འཁྱར་བ་པོ། འཁྱར་བྱེད། ཡུལ་དུ་འཁྱམས་པ་པོ། འཁྱམས་བྱེད། གཡས་སུ་འཁྱིལ་བ་པོ། འཁྱིལ་བྱེད། མྱུར་བར་འཁྱུག་པ་པོ། འཁྱུག་བྱེད།

https://bodyiglobjong.com/audio/rtak-juk-pg/Takjuk_PG-13H-text.mp3

༈ འགྱིང་བ་པོ། འགྱིང་བྱེད། རྟོག་པ་འགྱུ་བ་པོ། འགྱུ་བྱེད། གནས་འགྱུར་བ་པོ། འགྱུར་བྱེད། ཁྱིམ་དུ་འགྲིམ་པ་པོ། འགྲིམ་བྱེད། ལམ་དུ་འགྲོ་བ་པོ། འགྲོ་བྱེད།
༈ འཆག་སར་འཆག་པ་པོ། འཆག་བྱེད། ཤར་ནས་འཆར་བ་པོ། འཆར་བྱེད། འཆི་བ་པོ། འཆི་བྱེད། འཇུག་པ་པོ། འཇུག་བྱེད། ཕྱིར་འཐོན་པ་པོ། འཐོན་བྱེད།

https://bodyiglobjong.com/audio/rtak-juk-pg/Takjuk_PG-13I-text.mp3

༈ མྱ་ངན་འདའ་བ་པོ། འདའ་བྱེད། ཚོགས་སུ་འདུ་བ་པོ། འདུ་བྱེད། སྟན་ལ་འདུག་པ་པོ། འདུག་བྱེད། ལྗོངས་སུ་འདེང་བ་པོ། འདེང་བྱེད། བློ་འདྲོག་པ་པོ། འདྲོག་བྱེད།
༈ གནས་ལས་འཕག་པ་པོ། འཕག་བྱེད། འཕར་བ་པོ། འཕར་བྱེད། གནམ་དུ་འཕུར་བ་པོ། འཕུར་བྱེད། གོང་དུ་འཕོ་བ་པོ། འཕོ་བྱེད། ལྗོངས་སུ་འཕྱན་པ་པོ། འཕྱན་བྱེད། རྐང་མེད་འཕྱེ་བ་པོ། འཕྱེ་བྱེད། ནམ་མཁར་འཕྱོ་བ་པོ། འཕྱོ་བྱེད།

https://bodyiglobjong.com/audio/rtak-juk-pg/Takjuk_PG-13J-text.mp3

༈ སར་འབབ་པ་པོ། འབབ་བྱེད། རང་ཉིད་འབར་བ་པོ། འབར་བྱེད། འབྱུང་བ་པོ། འབྱུང་བྱེད། འབྱོན་པ་པོ། འབྱོན་བྱེད། གཞན་དུ་འབྱོལ་བ་པོ། འབྱོལ་བྱེད། རྗེས་སུ་འབྲང་བ་པོ། འབྲང་བྱེད། འབྲོས་བྱེད། འབྲོས་པ་པོ།

https://bodyiglobjong.com/audio/rtak-juk-pg/Takjuk_PG-13K-text.mp3

༈ འཛུལ་བ་པོ། འཛུལ་བྱེད། བཞིན་འཛུམ་པ་པོ། འཛུམ་བྱེ། ལ་སོགས་པ་ལྟ་བུའོ། །དེའང་དཔེར་ན་འཁོར་བར་འཁོར་རྒྱུ་སེམས་ཅན་རྣམས་ཡིན་ཞིང་། འཁོར་བ་པོའམ་འཁོར་བྱེད་ཀྱང་འཁོར་བཞིན་པའི་གནས་སྐབས་དེར་སེམས་ཅན་ཉིད་ལས་གཞན་དུ་མི་དམིགས་པས་བྱེད་པོ་དངབྱ་བ་ཐ་མི་དད་པའི་ཆ་ནས་འཁོར་བ་པོའམ་འཁོར་བྱེད་ཅེས་འ་འཕུལ་ཅན་དུ་ཀློག་པ་ཡིན་གྱི་བྱེད་པ་པོ་གཞན་ཞིག་ཡོད་པའི་ཆ་ནས་ནི་དེ་ལྟར་ཀློག་པ་མ་ཡིན་ནོ། །དེ་བཞིན་དུ་རྫ་མཁན་གྱིས་འཁོར་ལོ་སྐོར་བའི་ཚེ་སྤྱི་ལྡོག་ནས་འཁོར་བ་བྱེད་པ་པོ་ལ་ལྟོས་ཀྱང་དེ་མི་བརྗོད་པར་འཁོར་བཞིན་པའི་གནས་སྐབས་ཙམ་བརྗོད་པའི་ཚེ་བྱེད་པོ་དང་བྱ་བ་གཉིས་ཀ་ཐ་མི་དད་པའི་དབང་གིས་རྫ་མཁན་གྱི་འཁོར་ལོ་འཁོར་བ་ཞེས་བརྗོད་པ་ཡིན་ནོ། །དེས་མཚོན་ནས་བརྗོད་བྱའི་གནས་སྐབས་དང་བསྟུན་ཏེ་རྗོད་བྱེད་ཀྱི་ཚིག་སྦྱོར་བའི་ཚུལ་རྣམས་ཁོང་དུ་ཆུད་པར་བྱ་དགོས་སོ། །སྔོན་འཇུག་མོ་ཡིག་བདག་དང་འབྲེལ་བའི་བྱེད་པ་ཙམ་ལ་འཇུག་པ་ནི། སྐུད་པ་འཁལ་བར་བྱེད། འཁལ་ལོ། འཁུར་བར་བྱེད། འཁུར་རོ། འཁྱུད་པར་བྱེད། འཁྱུད་དོ། འཁྱིག་པར་བྱེད། འཁྱིག་གོ། འཁྱེར་བར་བྱེད། འཁྱེར་རོ། འཁྲབ་པར་བྱེད། འཁྲབ་བོ། འཁྲིད་པར་བྱེད། འཁྲིད་དོ། འཁྲིལ་བར་བྱེད། འཁྲིལ་ལོ། འཁྲིག་པར་བྱེད། འཁྲིག་གོ། འཁྲུད་པར་བྱེད། འཁྲུད་དོ། འཁྲེན་པར་བྱེད། འཁྲེན་ནོ། འགམ་པར་བྱེད། འགམ་མོ། འགུགས་པར་བྱེད། འགུགས་སོ། ཞེས་སོགས་སྔ་མ་བཞིན་ཐམས་ཅད་ལ་རིགས་འགྲེ་བར་བྱའོ། །

https://bodyiglobjong.com/audio/rtak-juk-pg/Takjuk_PG-13L-text.mp3

སྔོན་འཇུག་གི་མོ་ཡིག་སྔར་བཤད་བདག་གཞན་གྱི་དབྱེ་བས་མ་བསྡུས་པའི་དུས་ད་ལྟ་བར་འཇུག་པ་ནི། མ་ནིང་གི་འཇུག་པའི་སྐབས་སུ་བཤད་པ་ལྟར་སྨོས་མ་ཐག་པའི་བྱ་བྱེད་ཐ་དད་པ་དང་ཐ་མི་དད་པ་གཉི་གའི་བྱེད་ཚིག་རྣམས་ལ་ཚིག་གྲོགས་ཀྱིས་བསྒྱུར་བ། འཁལ་བཞིན་པ། འཁལ་གྱིན་སྣང་། འཁུར་བཞིན་པ། འཁུར་གྱིན་སྣང་། འཁྱུད་བཞིན་པ། འཁྱུད་གྱིན་འདུག་སོགས་དང་། འཁར་བཞིན་པ། འཁར་གྱིན་འདུག། འཁུན་བཞིན་པ། འཁུན་གྱིན་འདུག། འཁོད་བཞིན་པ། འཁོད་གྱིན་སྣང་། སོགས་སྔ་མ་བཞིན་རྒྱས་པར་སྦྱར་ནས་རྟོགས་པར་བྱའོ། །

https://bodyiglobjong.com/audio/rtak-juk-pg/Takjuk_PG-13M-text.mp3

སྔོན་འཇུག་གི་མོ་ཡིག་སྔར་བཤད་བདག་གཞན་གྱི་དབྱེ་བས་མ་བསྡུས་པའི་དུས་མ་འོངས་པའི་དོན་ལ་འཇུག་པ་ནི། རང་གི་ངང་གིས་འབྱུང་བ་ལྟ་བུ་བྱེད་པོ་གཞན་མེད་པ་དང་རགས་པར་བྱ་བྱེད་ཐ་དད་དུ་མི་སྣང་བའི་འབྱུང་འགྱུར་གྱི་ཚིག་རྣམས་ཏེ། དཔེར་ན། ཁྱིམ་ལ་འཁར་བར་འགྱུར། གཞན་དུ་འཁྱར་བར་འགྱུར། ཡུལ་དུ་འཁྱམས་པར་འགྱུར། འོད་འཁྱིམས་པར་འགྱུར། ཆུ་འཁྱིལ་བར་འགྱུར། གོས་ལ་འཁྲི་བར་འགྱུར། གཡོག་ཏུ་འཁུལ་བར་འགྱུར། རང་བཞིན་འཁུན་པར་འགྱུར། བག་འཁུམས་པར་འགྱུར། གལ་གྱིས་འཁྱུ་བར་འགྱུར། གློག་འཁྱུག་པར་འགྱུར། དྲི་མ་འཁྲུ་བར་འགྱུར། སྐུ་འཁྲུང་བར་འགྱུར། ལུས་ལ་འཁྲེམ་པར་འགྱུར། འཁོར་བར་འཁོར་བར་འགྱུར། གདན་ལ་འཁོད་པར་འགྱུར། བྲན་དུ་འཁོལ་བར་འགྱུར། ཤིང་འཁྱོག་པར་འགྱུར། ལུས་འཁྱོར་བར་འགྱུར། རྒྱ་མཚོ་འཁྱོམ་པར་འགྱུར། གནས་སུ་འཁྱོལ་བར་འགྱུར། རོལ་མོ་འཁྲོལ་བར་འགྱུར། སོགས་དང་།

https://bodyiglobjong.com/audio/rtak-juk-pg/Takjuk_PG-13N-text.mp3

༈ དེ་བཞིན་དུ། འགག། འགས། འགྲིམ། འགྲིབ། འགྲིལ། འགུལ། འགུམ། འགྱུ། འགྱུར། འགྲུབ། འགྱེས། འགྱེལ། འགྲེ། འགོ། འགྲོ།
༈ འཆར། འཆད། འཆག། འཆབ། འཆི། འཆུས།
༈ འཇགས། འཇིག། འཇུ། འཇུག། འཇོ།
༈ འཐོན། འཐོབ།
༈ འདའ། འདག། འདུ། འདུག། འདོང་།
༈ འཕར། འཕག། འཕྱན། འཕྱང་། འཕྲད། འཕྱི། འཕྱུག། འཕྱེ། འཕྱོ། འཕྲོ།
༈ འབབ། འབྱམ། འབྱར། འབྱང་། འབྲལ། འབྲང་། འབྱིང་། འབྱི། འབྲི། འབྲིམ། འབྱུང་། འབྱེད། འབྱེར། འབྱོངས། འབྱོར། འབྲོས།
༈ འཚལ། འཚོ། འཚོབ།

https://bodyiglobjong.com/audio/rtak-juk-pg/Takjuk_PG-13O-text.mp3

༈ འཛག། འཛུར། འཛོམ། ལ་སོགས་པ་རྒྱ་ཆེར་ཤེས་པར་བྱ་ཞིང་། དེ་དག་ལའང་འགའ་ཞིག་ནི་ཚིག་གྲོགས་སམ་བྱ་ཚིག་གིས་གསལ་མི་དགོས་པར་སྐབས་འདིའི་དཔེར་བརྗོད་དུ་རུང་བ་དཔེར་ན། འགག། འགྱུར། འགྲུབ། འདུ་ལྟ་བུ་སྟེ། དེ་དག་བྱེད་པ་པོ་གཞན་དང་དངོས་སུ་འབྲེལ་བ་ཡིན་ན། དགག། བསྒྱུར། བསྒྲུབ། བསྡུ་ལྟ་བུ་སྡེབ་སྦྱོར་གཞན་འཐོབ་ཅིང་། བྱེད་པ་ད་ལྟ་བ་བརྗོད་ན། འགོག་པར་བྱེད། འགྱུར་བར་བྱེད། འགྲུབ་པར་བྱེད་སོགས་ཐོབ་པས་འཁྲུལ་གཞི་མེད་པ་དང་། འགའ་ཞིག་ནི་ཚིག་གྲོགས་སམ་བྱ་ཚིག་དང་བཅས་པས་འདི་སྐབས་ཀྱི་དཔེར་རུང་བ། དཔེར་ད། འཁུན། འཆག། འདག། ལྟ་བུ་སྟེ། དེ་དག་ལ་རང་བཞིན་གྱིས་འཁུན་པར་འགྱུར། རང་ཉིད་འཆག་པར་འགྱུར། རང་འདག་པར་འགྱུར། ཞེས་པ་ལྟ་བུར་སྦྱར་ན། བྱེད་པོ་གཞན་མི་མངོན་པ་སོགས་གསལ་བའི་ངག་ཏུ་འགྱུར་བས་སྐབས་འདིའི་དཔེར་རུང་ཞིང་གཞན་དུ་དེ་རྣམས་ཚིག་གྲོགས་མེད་པ་ཉིད་བྱ་ཚིག་སྤྱི་ཙམ་དུ་གྱུར་པས་དཔེར་མི་རུང་བ་དང་། ནད་ཀྱིས་འཁུན་པར་བྱེད། རྐང་བས་འཆག་པར་བྱེད། འདག་ཆལ་གྱིས་འདག་པར་བྱེད། སོགས་སྦྱར་ནའང་མི་རུང་བ་ལྟ་བུ་ཞིབ་མོར་བྱེ་བྲག་ཕྱེ་ནས་རྟོགས་དགོས་ཤིང་འདིར་སོ་སོའི་དཔེར་བརྗོད་རྒྱས་པར་འགོད་པ་ཡི་གེས་འཇིགས་པས་སྤྲོས་པ་སྐྱུང་ངོ་། །

འདིར་གཞུང་གི་ཡིག་ཆ་རྣམས་སུ། མོ་ནི་བདག་དང་མ་འོངས་ཕྱིར། །ཞེས་པ་ཡོད་ཅིང་འགྲེལ་བྱེད་སྔ་མ་རྣམས་ལའང་དོགས་པ་མ་ཤར་མོད། དེ་ནི་འདིར་བསྟན་གྱི་བདག་གཞན་དང་དུས་གསུམ་གྱི་དབྱེ་བ་གཞུང་གི་དགོངས་པ་བཞིན་མ་ཕྱེད་པས་ནོངས་ཏེ། བདག་གི་ཐ་སྙད་ཀྱིས་མ་བསྟན་པའི་ད་ལྟ་བའི་ཚིག་འ་འཕུལ་ཅན་མང་དུ་ཡོད་པ་སྐབས་འདིར་བསྟན་དགོས་པ་མ་ཤེས་པར་འདུག་པའི་ཕྱིར་རོ། །དེས་ན་གཞུང་དེ་ལྟར་བཀླགས་པ་གཞུང་གི་བསྟན་བྱ་མ་རྫོགས་པའི་སྐྱོན་དུ་འགྱུར་བས་ཡིག་ནོར་བརྒྱུད་པར་ཤེས་པར་བྱོས་ལ་དཀྱུས་སུ་བཀོད་པ་བཞིན་གཟུང་བར་བྱའོ། །


ཤིན་ཏུ་མོ་དགོས་པ་ཅི་ཕྱིར་འཇུག་པ་བཤད་པ།

https://bodyiglobjong.com/audio/rtak-juk-pg/Takjuk_PG-14A-text.mp3

བཞི་པ་སྔོན་འཇུག་གི་ཤིན་ཏུ་མོ་དགོས་པ་གང་གི་ཕྱིར་འཇུག་པ་ནི།

ཤིན་ཏུ་མོ་ནི་མཉམ་ཕྱིར་རོ། །

ཞེས་པས་བསྟན་ཏེ། སྔོན་འཇུག་གི་ཤིན་ཏུ་མོ་མ་ཡིག་ནི་སྔར་བཤད་པའི་བདག་གཞན་དང་དུས་གསུམ་གྱི་བྱེ་བྲག་མེད་པར་ཐམས་ཅད་ལ་མཉམ་པ་སྟེ་མཚུངས་པ་ཉིད་བསྒྲུབ་པའི་ཕྱིར་འཇུག་གོ། དེས་ན་དཔེར་བརྗོད་ཀྱང་བདག་གཞན་དང་དུས་གསུམ་ལ་སོ་སོར་མི་དགོས་པས་ཅི་རིགས་པར་ཕྱོགས་གཅིག་ཏུ་འགོད་ན། མཁས་པར་བྱས། མཁས་པ། མཁས་པར་བྱེད། མཁས་བྱ། མཁས་པར་བྱ། མཁས་པར་གྱུར། མཁས་བཞིན་པ། མཁས་པར་འགྱུར། ལྟ་བུ་ཀུན་ལ་སྦྱར་ཏེ། མཁང་། མཁྲང་། མཁྱེན། མཁྲེགས། མཁོ།
༈ མགར། མགུ། མགྱོགས།
༈ མངའ། མངག།
༈ མངགས། མངོན།
༈ མཆི། མཆིས། མཆེད། མཆོད།
༈ མཇལ།
༈ མཉན། མཉམ། མཉེས། མཉེན། མཉེ།
༈ མཐུན། མཐུད། མཐོ། མཐོལ། མཐོང་།
༈ མདུད།
༈ མཚན། མཚར། མཚུངས། མཚོན།
༈ མཛད། མཛའ། མཛངས། མཛེས། ལ་སོགས་པ་རྣམས་སོ། །དེར་ཡང་མངགས་དང་མཆིས་སོགས་འདས་ཚིག་ལ་ཁྱད་པར་ཡོད་པ་རྣམས་ནི་རྗེས་འཇུག་གི་བྱེད་པ་ཡིན་པས་སྔོན་འཇུག་མ་ཡིག་གི་འཇུག་པ་མི་མཉམ་པར་ཐལ་བའི་སྐྱོན་མེད་དོ། །


རྗེས་འཇུག་གི་རྟགས་ཀྱི་འཇུག་པ་བཤད་པ་ལ་སྤྱིར་རྟགས་གསུམ་དུ་དབྱེ་བ།

https://bodyiglobjong.com/audio/rtak-juk-pg/Takjuk_PG-15A-text.mp3

༈ གསུམ་པ་རྗེས་འཇུག་གི་རྟགས་ཀྱི་འཇུག་པ་བཤད་པ་ལ་གཉིས། རྟགས་སོ་སོར་ངོས་འཛིན་པ་དང་། དེའི་འཇུག་པ་རྒྱས་པར་འཆད་པའོ། །དང་པོ་ལ་གཞུང་དོན་འཐད་པ་དང་བཅས་ནས་བཤད་པ་དང་། གཞན་གྱི་ནོར་བ་འགོག་པ་གཉིས། དང་པོ་ལ། སྤྱིར་རྟགས་གསུམ་དུ་དབྱེ་བ་དང་། ནང་གསེས་བརྒྱད་དུ་དབྱེ་བ་གཉིས་ཀྱི།

དང་པོ་ནི།

རྗེས་འཇུག་ཡི་གེ་བཅུ་པོ་ལ། །
ཕོ་མོ་མ་ནིང་གསུམ་དུ་དབྱེ། །

ཞེས་པས་བསྟན་ཏེ། རྗེས་འཇུག་གི་ཡི་གེ་ག་ང་ད་ན་བ་མ་འ་ར་ལ་ས་སྟེ་བཅུ་པོ་དེ་རྣམས་ལའང་ཕོ་མོ་མ་ནིང་གསུམ་དུ་དབྱེ་བར་བྱའོ། །ཞེས་སོ། །
དེ་ལ་ཕོ་ནི་ག་ད་བ་ས་བཞིའོ། ། མོ་ནི་ང་མ་འ་གསུམ་མོ། ། མ་ནིང་ནི་ན་ར་ལ་གསུམ་མོ། །
དེ་ལྟར་ཡིན་པ་ཅིས་ཤེས་ཤེ་ན་བཤད་པར་བྱ་སྟེ། རྗེས་འཇུག་ལ་ཕོ་མོ་མ་ནིང་གསུམ་དུ་དབྱེ་བ་ནི་རྗེས་འཇུག་དེ་ཉིད་མི་གཞིའི་ཡི་གེ་གང་ལ་ཞུགས་པ་ལས་བརྗོད་པའི་སྒྲ་གདངས་དྲག་ཞན་བར་མར་འགྱུར་བའི་ཆ་ནས་གཞག་དགོས་ཏེ། ཕོ་གསུམ་མོ་གཉིས་མ་ནིང་གསུམ། །དྲག་གཞན་བར་མ་གསུམ་དུ་འཇུག། ཅེས་གཞུང་འདིར་དངོས་སུ་བསྟན་པའི་རྒྱུ་མཚན་གྱིས་སོ། །དེ་ལྟར་བཞག་པའི་ཚེ་མིང་གཞི་གང་གི་མཐར་ཡང་རུང་ག་ད་བ་ས་རྣམས་ཞུགས་པ་སྒྲ་དྲག་པ་དང་། ང་མ་འ་རྣམས་ཞུགས་པ་སྒྲ་ཞན་པ་དང་། ན་ར་ལ་རྣམས་ཞུགས་པ་སྒྲ་བར་མར་འགྱུར་བ་ཞིབ་མོའི་བློས་བརྟགས་ན་མངོན་སུམ་གྱིས་གྲུབ་ཅིང་། དེའང་བརྗོད་པ་ལྡབ་ལྡིབ་མ་ཡིན་པར་ཡི་གེའི་སྐྱེ་གནས་བྱེད་རྩོལ་སོགས་དང་མཐུན་པར་ཟུར་ཕྱིན་པར་བཀླགས་པ་ལས་སོ། །འདིར་ཁ་ཅིག་ཕོ་གསུམ་ཞེས་སོགས་ཀྱི་གཞུང་གི་སྒྲའི་འཇུག་པ་ཙམ་བསྟན་གྱི་རྟགས་གསུམ་དུ་དབྱེ་བའི་རྒྱ་མཚན་ནི་གཙོ་བོར་མིང་མཐའ་འདྲེན་ཚུལ་སོགས་ལས་ངེས་དགོས་སོ། །སྙམ་པ་སྲིད་ཀྱང་གཞུང་དེས་སྒྲ་འཇུག་བསྟན་པ་ཉིད་ཀྱིས་རྟགས་ཀྱི་དབྱེ་བ་བྱེད་པའི་རྒྱུ་མཚན་བསྟན་པར་གྲུབ་སྟེ། རྟགས་ཀྱི་དབྱེ་བ་སྒྲའི་འཇུག་པ་ལ་ལྟོས་ཀྱི་སྒྲ་འཇུག་ཙམ་རྟགས་ལ་ལྟོས་པ་མ་ཡིན་པའི་ཕྱིར་དང་། མིང་མཐའ་འདྲེན་ཚུལ་སོགས་ཀྱང་རྟགས་ཀྱི་རྒྱུ་མཚན་དུ་མི་འགྱུར་ཏེ། དེ་རྣམས་རྗེས་འཇུག་གི་རྟགས་ལ་ལྟོས་པ་ཡོད་ཀྱང་རྗེས་འཇུག་དེ་རྣམས་ལ་མི་ལྟོས་པའི་ཕྱིར་རོ། །


ནང་གསེས་བརྒྱད་དུ་དབྱེ་བ། གཞན་གྱི་ནོར་བ་འགོག་པ།

https://bodyiglobjong.com/audio/rtak-juk-pg/Takjuk_PG-16A-text.mp3

གཉིས་པ་དེའི་ནང་གསེས་ཀྱི་དབྱེ་བ་ནི།

ཕོ་ལ་སྐྱེས་བུ་རབ་འབྲིང་གསུམ། །
མོ་ལ་མོ་དང་ཤིན་ཏུ་མོ། །
མ་ནིང་འགྱུར་དང་མཚན་གཉིས་དང་། །
མཚན་མེད་དག་དང་གསུམ་དུ་འདོད། །

ཅེས་པས་བསྟན་ཏེ། དེ་ལྟར་རྗེས་འཇུག་ལ་རྟགས་གསུམ་དུ་ཕྱེས་པ་དེ་ལ་སླར་ཡང་ནང་གསེས་ཀྱི་སྒོ་ནས་རྣམ་པ་བརྒྱད་དུ་དབྱེ་སྟེ། ཕོ་ལ་སྐྱེས་བུ་རབ་འབྲིང་ཐ་གསུམ་དང་། མོ་ལ་མོ་ཙམ་དང་ཤིན་ཏུ་མོ་གཉིས་དང་། མ་ནིང་ལ་འགྱུར་བ་མ་ནིང་མཚན་གཉིས་མ་ནིང་མཚན་མེད་མ་ནིང་གསུམ་དུ་དབྱེ་བར་འདོད་དོ། །ཞེས་སོ། །

https://bodyiglobjong.com/audio/rtak-juk-pg/Takjuk_PG-16B-text.mp3

དེའང་རྗེས་འཇུག་གི་ཕོ་ག་ཡིག་ལ་ཡང་འཇུག་ས་ཡིག་ཞུགས་པ་ནི་རྗེས་འཇུག་ནང་ཕྲད་ཀྱི་སྟོབས་ལས་སྒྲ་དྲག་པའི་དྲག་པར་འགྱུར་བས་སྐྱེས་བུ་རབ་ཡིན་ནོ། །དེ་བཞིན་དུ་རྗེས་འཇུག་བ་ལ་ས་ཡིག་ཞུགས་པ་ནི་སྒྲ་དྲག་པའི་འབྲིང་དུ་འགྱུར་བས་སྐྱེས་བུ་འབྲིང་པོའོ། །ག་བ་གཉིས་ཀྱི་མཐར་ཡང་འཇུག་མ་ཞུགས་པ་དང་ས་དའི་མཐའ་རྣམས་ནི་སྒྲ་དྲག་པའི་ཞན་པར་འགྱུར་བས་སྐྱེས་བུ་ཐ་མའོ། །མོ་ཡིག་ང་མ་གཉིས་ལ་ཡང་འཇུག་ཞུགས་པ་ནི་སྒྲ་ཞན་པའི་དྲག་པར་འགྱུར་བས་མོ་ཙམ་དང་། དེ་གཉིས་ལ་ཡང་འཇུག་མ་ཞུགས་པ་དང་འ་ཡིག་གི་མཐའ་རྣམས་ནི་སྒྲ་ཤིན་ཏུ་ཞན་པར་འགྱུར་བས་ཤིན་ཏུ་མོའོ། །མ་ནིང་གི་ཡི་གེ་ན་ར་ལ་གསུམ་ནི་མིང་གཞིའི་ཕོ་ཡིག་གི་མཐར་ཡང་འཇུག་ཡོད་མེད་གང་རུང་དང་མོ་ཡིག་གི་རྗེས་སུ་ཡང་འཇུག་མེད་པར་ཞུགས་པའི་ཚེ་ནི་སྒྲ་བར་མའི་དྲག་པའམ་ཞན་པར་འགྱུར་བས་འགྱུར་བ་མ་ནིང་དང་། མིང་གཞིའི་མོ་ཡིག་གི་མཐར་ཞུགས་ཤིང་ཡང་འཇུག་ད་དང་བཅས་པར་གྱུར་པའི་ཚེ་ནི་སྒྲ་བར་མ་ལས་དྲག་ཞན་གཉི་གའི་ཆ་དང་ལྡན་པར་འགྱུར་བས་མ་ནིང་མཚན་གཉིས་པ་དང་། མིང་གཞིའི་མ་ནིང་གི་མཐར་ཞུགས་པའི་ཚེ་ཡང་འཇུག་ཡོད་མེད་ཇི་ལྟར་རུང་སྒྲ་བར་མ་ཙམ་ལས་དྲག་ཞན་གང་དུའང་མི་འགྱུར་བའི་ཕྱིར་མཚན་མེད་མ་ནིང་ངོ་། །དེ་ལྟར་སྔོན་ཆད་འགྲེལ་བྱེད་སུས་ཀྱང་མ་བསྟན་པའི་སྤྱི་རྟོལ་འདི་ནི་འཕྱོན་མའི་བུ་བཞིན་དུ་སུ་ཞིག་ཡིད་ཆེས་པར་འགྱུར་སྙམ་ན། སྔར་སྤྱིར་བཏང་རྟགས་ཀྱི་དབྱེ་བའི་རྒྱུ་མཚན་སྨོས་པ་བཞིན་དུ་གཞུང་འདི་ཉིད་ལས། དྲག་པ་གསུམ་ནི་ནང་འཕྲད་དམ། །ཞེས་སོགས་འཆད་འགྱུར་ལྟར་ནང་གསེས་ཀྱི་དབྱེ་བ་འདིའི་རྒྱུ་མཚན་གསལ་བོར་གསུངས་པ་ཉིད་ཁུངས་སུ་བྱས་ནས་བཤད་པ་ཡིན་པས་ཡིད་རྟོན་དུ་ངེས་པར་རུང་བ་ཡིན་གྱི། སྔ་འགྲེལ་རྣམས་ཀྱིས་གཞུང་གི་དངོས་བསྟན་གསལ་བ་རྣམས་རང་རང་གི་ཀྱོག་བཤད་ཀྱིས་བསྒྲིབས་ནས་གར་འགྲོ་གཏོལ་མེད་ཀྱི་མུན་པར་ཞུགས་ཏེ་སྨྲེ་སྔགས་ཀྱི་ཕྲེང་བ་ར་ཐོན་ལུག་ཐོན་དུ་སྤྲོ་བར་བྱེད་པ་རྣམས་ལ་དེ་བས་ཀྱང་སུ་ཞིག་ཡིད་ཆེས་པར་འགྱུར། ལེགས་པར་བསམ་དགོས་སོ། །

https://bodyiglobjong.com/audio/rtak-juk-pg/Takjuk_PG-16C-text.mp3

གཉིས་པ་གཞན་གྱི་ནོར་བ་འགོག་པ་ནི།
རྗེས་འཇུག་གི་རྟགས་ཀྱི་དབྱེ་བ་བཤད་པའི་སྐབས་འདིར་འགྲེལ་བྱེད་རྣམས་མི་མཐུན་པ་མང་ཡང་བསྒྲུབ་བྱ་དང་སྒྲུབ་བྱེད་ཀྱི་ཚིག་གི་ཕྲེང་བ་ཕལ་ཆེར་མི་འཐད་པའི་ཕྱོགས་ཤས་ཆེ་བར་མཐོང་མོད། འོན་ཀྱང་དེ་རྣམས་སོ་སོར་ངོས་འཛིན་ཅིང་སུན་འབྱིན་པ་ནི་ཡི་གེའི་ལས་སུ་ཆེ་ཞིང་དགོས་པའང་ཆེར་མེད་པས་བཞག་ལ། བློ་གསལ་རྣམས་ཀྱིས་མི་ཤེས་སུ་མི་རུང་བའི་མཚང་འགའ་ཞིག་འཆད་འགྱུར་རྣམས་ལས་ཀྱང་གསལ་བར་འགྱུར་མོད་ཀྱི་འདིར་ཡང་ཕྱོགས་ཙམ་མཚོན་པའི་ཕྱིར་ཅུང་ཟད་དཔྱད་ན། སྤྱིར་གོང་སྨོས་ལྟར་སྐབས་འདིའི་སྤྱི་བྱེ་བྲག་གི་རྟགས་ཀྱི་ངོས་འཛིན་སྒྲའི་འཇུག་ཚུལ་གྱི་སྒོ་ནས་རྟོགས་ནུས་པ་ལ་དེའི་གོ་བ་ངེས་ཅན་མ་ལོངས་པར་རྟགས་འགའ་ཞིག་མིང་མཐའ་དང་རྣམ་དབྱེ་སོགས་འདྲེན་ཚུལ་གྱི་སྒོ་ནས་དང་། འགའ་ཞིག་སྔོན་འཇུག་བཞིན་དུ་འདས་དང་གཞན་སྒྲུབ་སོགས་ཀྱི་དོན་སྟོན་ཚུལ་གྱི་སྒོ་ནས་དང་། འགའ་ཞིག་སྒྲ་འཇུག་དྲག་ཞན་གྱི་སྒོ་ནས་ཀྱང་འབྱེད་པར་རློམ་ཞིང་དེར་ཡང་འབྱེད་ཚུལ་འདྲ་མིན་མང་དུ་བྱུང་ངོ་། །དེ་ལ་སྔ་མ་མིང་མཐའ་སོགས་འདྲེན་ཚུལ་གྱིས་འབྱེད་པ་དེ་ནི་སྐབས་འགར་འགྲིག་ཏུ་རུང་ཡང་ཕལ་ཆེར་ལ་མི་འགྲིག་པ་མང་བས་མི་འཐད་དོ། །དཔེར་ན་མིང་མཐའ་འདྲེན་ཚུལ་གྱིས་འབྱེད་པའི་ཚེ།

གཞུང་སྔ་ཕྱི་གཞན་དང་། ཕོ་ཡིས་ཕོ་ཡི་མིང་མཐའ་དྲང་། །ཞེས་སོགས་ཀྱི་དགོངས་པ་ལེན་ཚུལ་མ་ནོར་བའི་སྒོ་ནས་དཔྱད་པ་ན་། རྟག་པ། བཅད་པ། སྒྲུབ་པ། བྱས་པ། བཟང་བ། བྱ་བ་སོགས་ཕོ་མོའི་རྟགས་ཕལ་ཆེར་ལ་དམིགས་བསལ་ཁ་ཤས་མ་གཏོགས་འགྲིག་ཀྱང་མོ་ཡིག་མ་མཐའ་ཅན་དང་མ་ནིང་གི་མཐའ་ཅན་རྣམས་ལ་འགྲིག་མི་འགྲིག་ཅི་རིགས་སུ་འགྱུར་བ་འཆད་འགྱུར་ལྟར་དང་། ཕོ་མོ་མ་ནིང་གི་ངོས་འཛིན་གཞན་དང་གཞན་བྱེད་པ་རྣམས་ལའང་དེ་བཞིན་དུ་མོས་ཕོའམ་མོས་མ་ནིང་ངམ་མ་ནིང་གིས་མོའི་མིང་མཐའ་དྲངས་པ་སོགས་སུ་འགྱུར་བ་དང་། རྣམ་དབྱེ་དྲུག་སྒྲ་ཕོ་ཡིག་ཅན་དང་མཐུན་པའི་སྒྲུབ་བྱེད་ཀྱིས་ད་བ་ས་གསུམ་ཕོར་སྒྲུབ་པ་སོགས་རྣམ་དབྱེ་འདྲེན་ཚུལ་གྱི་སྒོ་ནས་འབྱེད་པའི་ཚེའང་། རང་རང་གི་རྟགས་ངོས་འཛིན་ཚུལ་དང་མི་འགྲིག་པའི་འགལ་བ་མང་དུ་འབྱུང་སྟེ། ད་བ་ས་གསུམ་ཕོ་དང་། ག་ང་ན་མ་ར་ལ་མོར་འདོད་པ་རྣམས་གསུམ་པ་དང་དྲུག་པའི་སྒྲ་ལ་འགྲིག་ཀྱང་ལ་དོན་རྣམས་ལ་མི་འགྲིག་པ་མང་བ་དང་། འ་མ་ནིང་དུ་འདོད་པ་ནི་གསུམ་ག་ལ་མི་འགྲིག་པ་དང་། ག་ཡིག་ཕོར་འདོད་པ་ལ་དོན་ལ་འགྲིག་ཀྱང་གསུམ་པ་དྲུག་པ་ལ་མི་འགྲིག་པ་དང་། ག་ང་ན་མ་ར་མ་ནིང་དུ་འདོད་པ་ནི་རྣམ་དབྱེ་ཐམས་ཅད་ལ་མི་འགྲིག་པ་སོགས་སྨོས་ཀྱིས་མི་ལང་ཞིང་། འཕྲད་འདྲེན་ཚུལ་གྱིས་འབྱེད་པའི་ཚེའང་། ཅིང་ཅེས་ཞིང་ཞེས་སོགས་ག་ད་བ་ཕོར་འདོད་པ་དང་ང་ན་མ་འ་ར་ལ་མོར་འདོད་པ་རྣམས་ཀྱི་ཕྱོགས་ལ་འགྲིག་ཀྱང་ས་ཕོ་དང་ང་ན་མ་འ་ར་ལ་མོར་འདོད་པ་རྣམས་ཀྱི་ཕྱོགས་ལ་མི་འགྲིག་ཀྱང་ས་ཕོ་དང་ང་ན་མ་འ་ར་ལ་མ་ནིང་དུ་འདོད་པ་རྣམས་ལ་མི་འགྲིག་པ་དང་དེ་བཞིན་དུ་རྒྱན་སྡུད་སླར་བསྡུ་ལྷག་བཅས་སོགས་དང་སྦྱོར་བའི་ཚེའང་འགྲིག་མི་འགྲིག་ཅི་རིགས་སུ་འགྱུར་བ་ཞིབ་མོར་དཔྱད་ནས་ཤེས་པར་བྱའོ། །ཅི་སྒོ་ཐམས་ཅད་ནས་མ་འགྲིག་ཀྱང་གང་འགྲིག་འགྲིག་གི་ཐད་ནས་རྟགས་ངོས་བཟུང་བས་ཅི་སྟེ་སྙམ་ན། ཁྱེད་ཅག་གི་དགོངས་པ་དེ་བཞིན་དུ་ཡིན་པ་ངེད་ཀྱིས་ཀྱང་འཁུམས་མོད་ཀྱི། བསྒྲུབ་བྱ་སྒྲུབ་བྱེད་ངེས་པ་ལ་ལྟོས་པ་རིགས་པ་མཁྱེན་པ་རྣམས་ཀྱི་གཞུང་ལུགས་བཞིན་དུ་མཁན་པོའི་བསྟན་བཅོས་ལ་བཀུར་སྟི་བྱ་བར་འདོད་པ་ལས། སྒྲུབ་བྱེད་མ་ངེས་པས་བསྒྲུབ་བྱ་འདྲ་མིན་མང་པོ་སྤེལ་ཏེ་མཁས་པའི་བསྟན་བཅོས་ཆུད་གསན་པར་མི་བྱེད་དོ། །སྤྱིར་ཡང་རྣམ་དབྱེ་དང་འཕྲད་རྣམས་རྟགས་མཚུངས་ཁོ་ནས་འདྲེན་པར་འདོད་པ་གཞུང་གི་དགོངས་པར་མི་འགྱུར་ཏེ་རྒྱུ་མཚན་སྔར་སུམ་ཅུ་བར་ཡང་བཤད་ལ་གཤམ་དུའང་འཆད་པར་འགྱུར་རོ། །

https://bodyiglobjong.com/audio/rtak-juk-pg/Takjuk_PG-16D-text.mp3

གཉིས་པ་སྔོན་འཇུག་བཞིན་དུ་དོན་ལ་འཇུག་ཚུལ་གྱིས་འབྱེད་པ་དེའང་མི་ལེགས་ཏེ། ཚུལ་དེས་རྟགས་འབྱེད་པར་མི་ནུས་པའི་ཕྱིར་ཏེ། རྗེས་འཇུག་གི་དོན་གྱི་འཇུག་ཚུལ་ཕྱོགས་གཅིག་ལ། སྔ་མ་སྔོན་འཇུག་ལྔ་བཞིན་སྦྱར། །ཞེས་གསུངས་པའང་རྗེས་འཇུག་རྣམས་སྔོན་འཇུག་ལྟར་གཙོ་བོར་རང་དབང་གིས་འདས་དང་གཞན་སྒྲུབ་སོགས་ཀྱི་དོན་སྟོན་བྱེད་སོ་སོར་ངེས་པ་ཅན་དུ་འཇུག་པར་འཆད་པའི་གཞུང་མ་ཡིན་པ་གཤམ་དུ་བརྗོད་པར་འགྱུར་བ་ལྟར་ཡིན་པས་རྗེས་འཇུག་གིས་བདག་གཞན་དང་དུས་གསུམ་གྱི་དོན་ཐམས་ཅད་རང་དབང་དུ་སྟོན་པའི་ལུང་མེད་ཅིང་རིགས་པས་ཀྱང་མི་འགྲུབ་པའི་ཕྱིར་ཏེ། དཔེར་ན་འདས་དང་གཞན་སྒྲུབ་ལ་འཇུག་པའི་རྒྱུ་མཚན་གྱིས་ཕོ་ཡིག་ཏུ་སྒྲུབ་པར་བྱེད་པ་རྣམས་ཀྱིས་ད་བ་ས་གསུམ་ཕོ་ཡིག་ཏུ་ངོས་འཛིན་པ་ན། ས་ད་གཉིས་ཀྱིས་འདས་པ་རང་དབང་དུ་སྒྲུབ་པ་མང་དུ་ཡོད་ཀྱང་བ་ཡིག་གིས་འདས་པ་སྒྲུབ་པ་མེད་ཅིང་། དེ་གསུམ་གས་བྱ་བ་གཞན་སྒྲུབ་པའང་མེད་པས་བབ་ཅོལ་དུ་སྨྲས་པར་ཟད་པའི་ཕྱིར་རོ། །དེ་ལ་བ་ཡིག་འདས་ཚིག་གི་མཐར་འབྱུང་བ་བཀབ་བཏབ་ལྟ་བུ་དང་། བ་ས་ད་གསུམ་ག་གཞན་བྱ་བ་འཇུག་པ་གཟབ་བྱ། གཙུབ་བྱ། གདགས་བྱ། འདམས་བྱ། གཅད་བྱ། གསད་བྱ་སོགས་འབྱུང་བས་སྐྱོན་མེད་སྙམ་ནའང་མི་འཐད་དེ། དེ་དག་ཐམས་ཅད་སྔོན་འཇུག་གི་ནུས་པས་འདས་པ་དང་དངོས་པོ་གཞན་སྒྲུབ་ལ་འཇུག་པ་ཡིན་གྱི་རྗེས་འཇུག་གི་ནུས་པས་མ་ཡིན་པའི་ཕྱིར་རོ། །རྗེས་འཇུག་གི་ནུས་པས་དེ་ལྟར་བསྒྲུབས་པ་མ་ཡིན་ཀྱང་འདས་ཚིག་དང་གཞན་སྒྲུབ་ལ་དེ་དག་བྱུང་བ་ཉིད་ཀྱིས་དོན་འགྲུབ་བོ་སྙམ་ནའང་མི་འཐད་དེ། དེ་ལྟར་ན། འདོགས། གཅོད། འཚོབ། ལྟ་བུ་བྱེད་པ་བདག་གི་ཚིག་ཅན་གྱི་ད་བ་སའི་མཐའ་དུ་མ་འབྱུང་བ་རྣམས་རྒྱུ་མཚན་དུ་བྱས་ནས་རྗེས་འཇུག་དེ་རྣམས་བདག་སྒྲུབ་ལ་འཇུག་པར་རང་དབང་དུ་སྨྲས་ཀྱང་སྐྱོན་ཅི་ཞིག་ཡོད་དེ་རྒྱུ་མཚན་མཚུངས་པའི་ཕྱིར་རོ། །དེ་བཞིན་དུ་བདག་གཞན་གཉི་ག་དང་ད་ལྟ་བ་བསྒྲུབ་པའི་ཕྱིར་འཇུག་པའི་རྟགས་ཀྱིས་མ་ནིང་དང་། བདག་དང་མ་འོངས་པ་བསྒྲུབ་པའི་ཕྱིར་འཇུག་པའི་རྟགས་ཀྱིས་མོར་སྒྲུབ་པ་དག་ཀྱང་མི་འཐད་དེ། འ་ཡིག་བདག་དང་མ་འོངས་པའི་སྒྲུབ་བྱེད་དུ་འཇུག་པ་ཙམ་མཐོང་གི་གཞན་དེ་དག་དེ་དང་དེའི་སྒྲུབ་བྱེད་དུ་ངེས་པར་འཇུག་པ་མ་མཐོང་ཞིང་དོན་དེ་དག་དང་ལྡན་པའི་ཚིག་གི་མཐར་རྗེས་འཇུག་དེ་དག་བྱུང་བ་ཙམ་གྱིས་ཀྱང་ཞེན་དོན་མི་འགྲུབ་པའི་ཕྱིར་ཏེ། དེ་ལྟ་ན། བཀང་། གང་། བདར། བསྟར། ཤར། བཙལ། ཉལ། བཀྲམ་སོགས་མོའམ་མ་ནིང་དུ་འདོད་པའི་ཡི་གེའི་མཐའ་ཅན་གྱི་འདས་ཚིག་མང་དུ་འབྱུང་བས་ཡི་གེ་དེ་རྣམས་འདས་པ་བསྒྲུབ་པའི་ཕྱིར་འཇུག་པའང་མི་འདོད་བཞིན་དུ་ཁས་ལེན་དགོས་པར་འགྱུར་བའི་ཕྱིར་རོ། །དེ་བཞིན་དུ་ཁ་ཅིག་ནས་གསེས་ཀྱི་རྟགས་ངོས་འཛིན་པར་དོན་ལ་འཇུག་ཚུལ་གྱི་སྒོ་ནས་རྒྱས་བཤད་བྱེད་པ་དག་སྣང་ཡང་། རྟགས་ཀྱིས་བསྒྲུབ་བྱ་བདག་གཞན་དང་དུས་གསུམ་གྱི་དོན་རྣམས་རྟགས་ཉིད་དུ་འཁྲུལ་ནས། ཕོས་ཕོའི་རྟགས་སྟོན་པ་ཕོས་མོའི་རྟགས་སྟོན་པ་ཞེས་སོགས་རང་བཟོའི་གཟུ་ལུམ་གྱིས་བསྟན་བཅོས་ལ་དབང་ཟ་བར་ཟད་དེ། བཤད་པ་དེ་ལ་ལེགས་པར་བརྟགས་པའི་ཚེའཐད་པའི་ཕྱོགས་ཅུང་ཟད་ཀྱང་མི་སྣང་ངོ་། །འོན་ཀྱང་ཐམས་ཅད་དཔྱད་པ་ཡི་གེའི་ལས་སུ་ཆེ་བས་ཕྱོགས་ཙམ་མཚོན་ན་ཕྱོགས་སྔ་དེས་མིང་ལས་གཞན་པ་བྱ་བྱེད་ལས་གསུམ་མི་སྟོན་པ་ལ་ཕོ་མོ་གཉིས་ཀའི་རྟགས་མེད་པའི་སྒྲུབ་བྱེད་ཀྱིས་རང་ཉིད་ཀྱིས་མ་ནིང་དུ་ཁས་བླངས་པའི་རྗེས་འཇུག་རྣམས་མིང་རྐྱང་གི་མཐར་བྱུང་བ་མཚན་མེད་མ་ནིང་དུ་བསྒུབས་མོད། དེ་ལྟ་ན་མིང་རྐྱང་གི་འ་མཐའ་རྣམས་ཤིན་ཏུ་མོར་འདོད་པ་དང་འགལ་ཞིང་། ས་དའི་མཐའ་ཅན་གྱི་མིང་རྐྱང་ཡང་ཡོད་པས་དེ་འདྲའི་ས་དང་ད་རྣམས་མ་ནིང་མཚན་མེད་དུ་ཐལ་བར་འགྱུར་རོ། །ཡང་ན་དེས་མིང་རྐྱང་གི་མཐའི་ས་ད་ལ་རྟགས་ཀྱི་ངོས་འཛིན་ལོགས་སུ་མ་བྱས་པས་དེ་དག་ལ་ཕོ་མཚན་མེད་ཅེས་པ་ལྟ་བུའི་རྣམ་གཞག་གསར་པ་ཞིག་མཛད་པར་བཞེད་ཀྱང་ལུས་པ་ཡིན་འདྲ་སྙམ་མོ། །ཧེ་ཧེ། དེས་མཚོན་ནས་སྐྱོན་གཞན་ཡང་རྟོགས་པར་བྱའོ། །

https://bodyiglobjong.com/audio/rtak-juk-pg/Takjuk_PG-16E-text.mp3

གསུམ་པ་ཁ་ཅིག་སྒྲ་འཇུག་དྲག་ཞན་གྱི་སྒོ་ནས་རྟགས་འབྱེད་པ་ནི་རིགས་པ་ཡིན་ཡང་། དེ་དག་གིས་སྒྲ་འཇུག་དྲག་ཞན་ཉིད་མ་ཕྱེད་པས་ནོངས་ཏེ། ད་བ་ས་གསུམ་སྤྱིར་སྒྲ་འཇུག་དྲག་པར་ངོས་འཛིན་པ་ཙམ་འགྲིག་ཀྱང་། ག་ཡིག་སྒྲ་འཇུག་དྲག་པར་མངོན་སུམ་དུ་གྲུབ་བཞིན་དུ་མ་ནིང་དུ་བསྐྱལ་བ་དང་། ན་ར་ལ་རྣམས་ལས་ང་འ་མ་རྣམས་ཀྱི་འཇུག་པ་སྒྲ་ཞན་པར་རྟོགས་སླ་བ་ཡིན་ཡང་དེ་དག་གི་དབྱེ་བ་འཁྲུགས་པ་དང་། གཞན་ཡང་ནོར་བ་མང་ཞིང་རྒྱུ་མཚན་དེ་རྣམས་ཀྱིས་དང་། ནས་གསེས་སྟོན་བྱེད་ཀྱི་གཞུང་ལོག་པར་བཀྲལ་བའི་དབང་གིས་ནང་གསེས་ཀྱི་སྒྲ་འཇུག་རྣམས་ལའང་འཁྲུལ་བའི་ཕྱིར་རོ། །


རྗེས་འཇུག་གི་རྟགས་ཀྱི་འཇུག་པ་རྒྱས་པར་བཤད་པ་ལ་མདོར་བསྟན་པ།

https://bodyiglobjong.com/audio/rtak-juk-pg/Takjuk_PG-17A-text.mp3

གཉིས་པ་རྟགས་དེ་རྣམས་ཀྱི་འཇུག་པ་རྒྱས་པར་འཆད་པ་ལ་མདོར་བསྟན་པ་དང་རྒྱས་པར་བཤད་པ་གཉིས།

དང་པོ་ནི།

དེ་ཡང་བྱེད་པ་བཞི་བྱེད་དེ། །
གང་ལ་འཇུག་བྱེད་གང་གིས་བྱེད། །
ཇི་ལྟར་འཇུག་བྱེད་ཅི་ཕྱིར་བྱེད། །

ཅེས་པས་བསྟན། དེའང་རྗེས་འཇུག་ཕོ་མོ་མ་ནིང་གསུམ་རེ་རེ་ལའང་བྱེད་པ་བཞི་བཞིའི་སྒོ་ནས་འཇུག་ཚུལ་ཤེས་པར་བྱ་སྟེ། འཇུག་ཡུལ་ཡི་གེ་གང་ལ་འཇུག་པར་བྱེད་པ་དང་། འཇུག་པ་པོ་གང་གིས་འཇུག་པར་བྱེད་པ་དང་། ཚུལ་ཇི་ལྟར་འཇུག་པར་བྱེད་པ་དང་། དགོས་ཅིའི་ཕྱིར་འཇུག་པར་བྱེད་པ་རྣམས་ཀྱིས་སོ། །


རྒྱས་པར་བཤད་པ་ལ་གང་ལ་འཇུག་པ་བཤད་པ།

https://bodyiglobjong.com/audio/rtak-juk-pg/Takjuk_PG-18A-text.mp3

གང་ལ་ཡི་གེ་ཐམས་ཅད་ལ། །

ཞེས་པས་བསྟན་ཏེ། རྗེས་འཇུག་གི་ཡི་གེ་བཅུ་པོ་དེ་དག་འཇུག་ཡུལ་ཡི་གེ་གང་དང་གང་ལ་འཇུག་ན་མིང་གཞིའི་ཡི་གེ་ཐམས་ཅད་ལ་བྱེ་བྲག་མེད་པར་འཇུག་གོ། ཞེས་སོ། ། དཔེར་ན། བཀག། བཀང་། བཀད། བཀན། བཀབ། བཀུམ། བཀའ། བཀར། བཀལ། བཀས་ལྟ་བུ་ཀ་ཡིག་གི་མཐར་རྗེས་འཇུག་ཐམས་ཅད་འཇུག་པ་སོགས་ཀུན་ལ་བསྒྲེ་བར་བྱའོ། །

སྐབས་འདིར་རྗེས་འཇུག་གི་འཇུག་ཡུལ་གྱི་ཡི་གེ་ཡིན་ན་འདིར་བསྟན་མིང་གཞིའི་ཡི་གེ་ཡིན་པས་ཁྱབ་བམ་ཞེ་ན་མ་ཁྱབ་སྟེ། ས་ཡིག་རྗེས་འཇུག་ག་ང་བ་མ་རྣམས་ཀྱི་མཐར་ཡང་འཇུག་ཅིང་། ད་ཡིག་ན་ར་ལ་རྣམས་ལ་འཇུག་པའི་ཕྱིར་རོ། །


གང་གིས་འཇུག་པ་བཤད་པ།

https://bodyiglobjong.com/audio/rtak-juk-pg/Takjuk_PG-19A-text.mp3

གཉིས་པ་གང་གིས་འཇུག་པ་ནི།

གང་གིས་བཅུ་པོ་དེ་དག་གིས། །

ཞེས་པས་བསྟན་ཏེ། ཡི་གེ་ཐམས་ཅད་ཀྱི་རྗེས་སུ་འཇུག་པ་པོ་ཡི་གེ་གང་དང་གང་ཞིག་གིས་འཇུག་པར་བྱེད་ཅེ་ན་སྔར་བཤད་པའི་རྗེས་འཇུག་ཡི་གེ་བཅུ་པོ་དེ་དག་གིས་འཇུག་གོ། ཞེས་སོ། །

འདིར་འགྲེལ་བྱེད་ཁ་ཅིག་གིས་གཞན་གྱིས་ནི་མ་ཡིན་པར་རྗེས་འཇུག་ཉིད་ཁོ་ནས་དུས་གསུམ་དང་བླང་དོར་གྱི་གནད་ཐམས་ཅད་སྟོན་བྱེད་དུ་འཇུག་གོ། ཞེས་ཟེར་ཡང་བབ་ཅོལ་དུ་སྨྲས་པར་ཟད་དེ། སྔོན་འཇུག་སོགས་གཞན་གང་ལའང་མ་ལྟོས་པར་རྗེས་འཇུག་ཁོ་ནས་རང་དབང་གིས་ཁྱེད་འདོད་པའི་རྗེས་འཇུག་རང་རང་གི་བསྟན་བྱ་ཐམས་ཅད་སྟོན་པའི་ཕྱིར་འཇུག་པ་མེད་པའི་ཕྱིར་ཏེ། གོང་དུ་སྨོས་པ་བཞིན་སྔོན་འཇུག་ལ་མ་ལྟོས་པར་ས་ད་གཉིས་ཀྱི་འཇུག་པས་འདས་པ་དང་སྐུལ་ཚིག་སྟོན་པ་དང་། འ་ཡིག་གིས་མ་འོངས་པའི་ཁྱད་པར་འགའ་ཞིག་སྟོན་པ་ཙམ་མཐོང་ཡང་དེ་རྣམས་མིང་གཞི་ལ་མི་ལྟོས་པ་ནི་མི་སྲིད་པས་རང་སྟོབས་དང་གཞན་དབང་གཉིས་ཀས་ཡིན་ལ་དེ་རྣམས་ཀྱིས་དེ་དག་ལས་གཞན་པ་མི་སྟོན་ཅིང་རྗེས་འཇུག་ལྷག་མ་རྣམས་ཀྱིས་ནི་རང་སྟོབས་གཙོ་བོར་གྱུར་པས་གང་ཡང་བསྟན་པ་མ་མཐོང་བའི་ཕྱིར་རོ། །


ཇི་ལྟར་འཇུག་པ་འཆད་པ་ལ་མདོར་བསྟན་པ།

https://bodyiglobjong.com/audio/rtak-juk-pg/Takjuk_PG-20A-text.mp3

གསུམ་པ་ཇི་ལྟར་འཇུག་པ་འཆད་པ་ལ་མདོར་བསྟན་པ་དང་རྒྱས་བཤད་གཉིས།

དང་པོ་ནི།

ཇི་ལྟར་རྣམ་པ་གཉིས་ཡིན་ཏེ། །
སྒྲ་ཡི་འཇུག་ཚུལ་དོན་གྱི་ཚུལ། །

ཞེས་པས་བསྟན་ཏེ་རྗེས་འཇུག་རྣམས་ཚུལ་ཇི་ལྟར་འཇུག་པའང་རྣམ་པ་གཉིས་ཀྱི་སྒོ་ནས་ཤེས་པར་བྱ་སྟེ། རྗེས་འཇུག་ཞུགས་ཚུལ་གྱིས་སྒྲ་དྲག་ཞན་དུ་འགྱུར་བ་སྒྲའི་འཇུག་ཚུལ་དང་། དེ་ལྟར་ཞུགས་པས་དོན་ཅི་ཞིག་སྟོན་པ་དོན་གྱི་འཇུག་ཚུལ་ལོ། །ཞེས་སོ། །འདིར་ཡང་ཁ་ཅིག་རྗོད་བྱེད་སྒྲ་དང་བརྗོད་བྱ་དོན་ཞེས་གསལ་བཏོད་པ་ཡོད་མོད། སྒྲའི་འཇུག་པ་རྣམས་རྗོད་བྱེད་ཡིན་དུ་ཆུག་ཀྱང་། སྐབས་འདིའི་དོན་གྱི་འཇུག་ཚུལ་གྱི་དོན་ཡིན་ན་བརྗོད་བྱ་ཡིན་པས་མ་ཁྱབ་སྟེ། རྟགས་མཚུངས་དང་སྒྲ་མཐུན་འདྲེན་ཚུལ་གྱི་སྐབས་སུ་དོན་འདྲེན་བྱ་དང་འདྲེན་བྱེད་ཡི་གེ་མཐུན་མི་མཐུན་སྟོན་པ་ཡིན་པས་དེ་སྐབས་ཀྱི་དོན་གྱི་འཇུག་པ་དེ་སྒྲའམ་ཡི་གེའི་འཇུག་པ་ཡིན་གྱི། མིང་ཚིག་དེ་དག་གིས་དོན་གང་ཞིག་བརྗོད་པར་འགྱུར་བའི་བརྗོད་བྱ་མ་ཡིན་པའི་ཕྱིར་རོ། །


རྒྱས་བཤད་ལ་སྒྲ་དྲག་ཞན་སྤྱིར་འཇུག་ཚུལ་བཤད་པ།

https://bodyiglobjong.com/audio/rtak-juk-pg/Takjuk_PG-21A-text.mp3

གཉིས་པ་རྒྱས་བཤད་ལ་སྒྲའི་འཇུག་ཚུལ་དང་དོན་གྱི་འཇུག་ཚུལ་གཉིས། དང་པོ་ལ་དྲག་ཞན་སྤྱིར་འཇུག་ཚུལ། ནང་གསེས་ཞིབ་ཏུ་འཇུག་ཚུལ། ཐུན་མོང་དུ་དེ་དག་གི་དཔེར་བརྗོད་བསྟན་པའོ། །

དང་པོ་ནི།

ཕོ་གསུམ་མོ་གཉིས་མ་ནིང་གསུམ། །
དྲག་ཞན་བར་མ་གསུམ་དུ་འཇུག།

ཅེས་པ་སྟེ། རྗེས་འཇུག་གི་ཡི་གེ་བཅུ་ལས་ཕོ་སྐྱེས་བུ་རབ་འབྲིང་ཐ་གསུམ་དང་། མོ་མོ་ཙམ་དང་ཤིན་ཏུ་མོ་གཉིས། མ་ནིང་འགྱུར་དང་མཚན་གཉིས་མཚན་མེད་གསུམ་སྟེ་འཇུག་ཚུལ་གྱི་སྒོ་ནས་དབྱེ་བ་དེ་རྣམས་རིམ་པ་བཞིན་དུ་ཕོ་གསུམ་མིང་གཞིའི་ཡི་གེ་གང་ལ་ཞུགས་ཀྱང་བརྗོད་པའི་སྒྲ་གདངས་དྲག་པར་འགྱུར་བས་དྲག་པར་འཇུག་པ་དང་། དེ་བཞིན་དུ་མོ་གཉིས་ཞན་པར་འཇུག་པ་དང་། མ་ནིང་གསུམ་བར་མ་སྟེ་རན་པར་འཇུག་པ་ཡིན་ནོ། །ཞེས་སོ། །དེ་ལྟར་དྲག་ཞན་བར་མ་གསུམ་དུ་འཇུག་པའི་རྒྱུ་མཚན་དེས། སྤྱིར་བཏང་རྗེས་འཇུག་ལ་ཕོ་མོ་མ་ནིང་གསུམ་དུ་རྣམ་པར་བཞག་པའང་ཡིན་ནོ་ཞེས་ཞར་ལས་བསྟན་པར་གྲུབ་བོ། །


ནང་གསེས་ཞིབ་ཏུ་འཇུག་ཚུལ་མདོར་བསྟན་པ། གཞུང་དོན་ཇི་ལྟར་བཤད་པ། དེའི་འཐད་པ་སྒྲུབ་པ། ཐུན་མོང་དུ་དེ་དག་གི་དཔེར་བརྗོད་བསྟན་པ།

https://bodyiglobjong.com/audio/rtak-juk-pg/Takjuk_PG-22A-text.mp3

གཉིས་པ་ནང་གསེས་ཀྱི་འཇུག་ཚུལ་ནི།

དྲག་པ་གསུམ་ཉིད་ནང་ཕྲད་དམ། །
གལ་ཏེ་ཞན་པ་ནང་ཕྲད་ན། །
དེ་ལའང་ནང་གི་ཆ་ཤས་ཀྱིས། །
དེ་ཡང་དྲག་ཞན་གཉིས་སུ་དབྱེ། །

མ་ནིང་གསུམ་དུ་གང་གཏོགས་པ། །
དྲག་དང་ཕྲད་ན་དྲག་པར་འགྱུར། །
ཞན་དང་ཕྲད་ན་ཞན་པར་འགྱུར། །
གཉིས་ཀ་དག་དང་ཕྲད་གྱུར་ན། །

དེ་ནི་གཉིས་ཀ་ཅན་དུ་འགྱུར། །
གཉིས་ཀ་དག་དང་མ་ཕྲད་ན། །
གང་དུ་ཡང་ནི་མི་འགྱུར་རོ། །
དེས་ན་འགྱུར་དང་མཚན་གཉིས་དང་། །

མཚན་མེད་དག་དང་གསུམ་དུ་འདོད། །
དེ་ནི་སྒྲ་ཡི་འཇུག་ཚུལ་ལོ། །

ཞེས་ཤླཽ་ཀ་གསུམ་དང་རྐང་བ་གཉིས་ཀྱིས་བསྟན་ཏེ། དེ་ལ་གཉིས། གཞུང་དོན་ཇི་ལྟར་བཤད་པ་དང་། དེའི་འཐད་པ་སྒྲུབ་པའོ། །

https://bodyiglobjong.com/audio/rtak-juk-pg/Takjuk_PG-22B-text.mp3

དང་པོ་ནི།
རྟགས་ངོས་འཛིན་གོང་དུ་སོང་བ་ལྟར་རྗེས་འཇུག་ལ་ནང་གསེས་ཀྱིས་རྟགས་བརྒྱད་དུ་དབྱེ་བ་ནི་སྒྲའི་འཇུག་ཚུལ་གྱི་དབང་གིས་ཡིན་པས་དེ་རྣམས་ལ་སྒྲའི་འཇུག་ཚུལ་ཐ་དད་པ་བརྒྱད་དུ་ཇི་ལྟར་དབྱེ་ཞེ་ན། དྲག་པ་གསུམ་སྟེ་ཕོ་ཡིག་སྐྱེས་བུ་རབ་འབྲིང་ཐ་གསུམ་ནི་རྗེས་འཇུག་ཉིད་ནང་འཕྲད་དུ་གྱུར་པ་ལ་ལྟོས་ནས་དབྱེ་སྟེ། མིང་གཞི་གང་གི་མཐར་ཡང་རུང་རྗེས་འཇུག་གི་ཕོ་ཡིག་རྣམས་ཡང་འཇུག་དང་བཅས་ཞུགས་པས་སྒྲ་དྲག་པ་གཞིར་བཞག་པའི་ནང་གསེས་དྲག་འབྲིང་གང་རུང་དུ་འགྱུར་བའི་ཆ་ནས་སྐྱེས་བུ་རབ་འབྲིང་གཉིས་སུ་འབྱེད་ཅིང་། ཡང་འཇུག་མེད་པ་ཞུགས་པས་སྒྲ་དྲག་པའི་ཞན་པར་འགྱུར་བའི་ཆ་ནས་སྐྱེས་བུ་ཐ་མར་འབྱེད་པའི་ཕྱིར། འདིར་དམ་ཞེས་པ་སྡུད་པའི་ཚིག་འཕྲད་དེ་གཤམ་དུ་དབྱེ་ཞེས་གསུངས་པ་དང་སྦྲེལ་བའི་སླད་དུའོ། །དེ་བཞིན་དུ་གལ་ཏེ་ཞན་པ་སྟེ་མོ་ཡིག་རྣམས་རྗེས་འཇུག་ནང་འཕྲད་ཀྱིས་མིང་གཞིར་ཞུགས་པ་ཡོད་ན་དེར་ལྟོས་པས། དེ་དག་ལ་ནང་གི་ཆ་ཤས་སྒྲ་འཇུག་དྲག་ཞན་གྱི་དབང་གིས་སྤྱིར་ཞན་པ་དེ་ལའང་ནང་གསེས་དྲག་ཞན་གཉིས་སུ་དབྱེ་སྟེ། ཡང་འཇུག་དང་བཅས་པའི་མོ་ཡིག་ཞུགས་པ་མོ་ཙམ་དང་། ཡང་འཇུག་མེད་ན་ཤིན་ཏུ་མོར་འབྱེད་པའི་ཕྱིར། དེ་བཞིན་དུ་འགྱུར་བ་སོགས་མ་ནིང་གསུམ་དུ་གང་ཞིག་གཏོགས་པར་གྱུར་པའི་རྗེས་འཇུག་གི་ཡི་གེ་དེ་རྣམས་ནི་མིང་གཞིར་འཇུག་ཚུལ་དང་རྗེས་འཇུག་ནང་འཕྲད་གཉིས་ཀ་ལ་ལྟོས་ནས་དབྱེ་སྟེ། དེ་རྣམས་མིང་གཞིའི་ཡི་གེ་དྲག་པ་དང་འཕྲད་ན་ཡང་འཇུག་ཡོད་མེད་ཇི་ལྟར་རུང་སྒྲ་དྲག་པར་འགྱུར་ཞིང་། ཞན་པ་དང་འཕྲད་ན་ཡང་འཇུག་མེད་པའི་ཚེ་ཞན་པར་འགྱུར་བ་དང་། མིང་གཞི་ཞན་ཅིང་ཡང་འཇུག་དྲག་པའི་བར་དུ་ཆུད་པས་དྲག་ཞན་གཉི་ག་དང་ཕྲད་པར་གྱུར་ན། མ་ནིང་དེ་རྣམས་སྒྲ་དྲག་ཞན་གཉིས་ཀ་ཅན་དུ་འགྱུར་བ་དང་། མིང་གཞི་དྲག་ཞན་གཉིས་ཀ་དང་མ་ཕྲད་པ་སྟེ་བར་མ་མ་ནིང་གི་ཡི་གེ་རྣམས་ལ་ཞུགས་པའི་ཚེ་ཡང་འཇུག་ཡོད་མེད་ཇི་ལྟར་རུང་སྒྲ་དྲག་ཞན་གང་དུའང་མི་འགྱུར་བར་བར་མ་ཉིད་དུ་གནས་པ་སྟེ། དེ་ལྟར་གསུམ་དུ་འགྱུར་བའི་རྒྱུ་མཚན་གྱིས་རིམ་པ་བཞིན་དུ། འགྱུར་བ་མ་ནིང་། མཚན་གཉིས་མ་ནིང་། མཚན་མེད་མ་ནིང་གསུམ་དུ་འབྱེད་པར་འདོད་པའི་ཕྱིར་རོ། །ཞེས་སོ། །

https://bodyiglobjong.com/audio/rtak-juk-pg/Takjuk_PG-22C-text.mp3

གཉིས་པ་ནི།
སྔོན་གྱི་འགྲེལ་བྱེད་ཕལ་མོ་ཆེས། སྐབས་འདིར་དྲག་པ་གསུམ་ནང་ཕྲད་པ་ནི། སྔོན་འཇུག་མིང་གཞི་རྗེས་འཇུག་གསུམ་གྱི་ཕོ་ཡིག་འདུས་པ་དང་། ཞན་པ་ནང་འཕྲད་ཀྱང་དེ་གསུམ་གྱི་མོ་ཡིག་འདུས་པ་ལ་འདོད་མོད། དེ་ནི་ངེས་པར་ཁས་བླང་དུ་རུང་བ་མ་ཡིན་ཏེ། དེ་འཆད་པའི་སྐབས་མ་ཡིན་པ་དང་། བཤད་པ་མི་འཐད་པ་དང་། སྐབས་དོན་ཆད་པའི་སྐྱོན་གསུམ་ཡོད་པའི་ཕྱིར་རོ། །དེ་ལ་སྐོན་དང་པོ་ཡོད་དེ། འདི་སྐབས་སྤྱིར་རྗེས་འཇུག་གི་འཇུག་པ་འཆད་པའི་སྐབས་དང་། ཁྱད་པར་སྒྲའི་འཇུག་པ་འཆད་པའི་སྐབས་དང་། དེ་ལས་ཀྱང་ནང་གསེས་འཆད་པའི་སྐབས་ཡིན་པས་འདིར་བླ་རྡོལ་དུ་སྔོན་རྗེས་མིང་གསུམ་གའི་ཐུན་མོང་གི་སྒྲ་འཇུག་འཆད་པ་མི་འབྲེལ་བའི་ཕྱིར་རོ། །སྐྱོན་གཉིས་པའང་ཡོད་དེ། ཁྱད་དག་གི་འགྲེལ་ཚུལ་གྱི་དབང་དུ་བྱས་ནས་གཞུང་དོན་ལ་བརྟགས་པའི་ཚེ། དྲག་པ་གསུམ་དང་ཞན་པ་གསུམ་ནང་ཕྲད་པ་གཞིར་བཞག་ནས་དེ་དག་ལ་ནང་གསེས་དྲག་ཞན་གཉིས་སུ་དབྱེ་བ་ཙམ་ཞིག་ལས་མ་བསྟན་པས། དངོས་བསྟན་དེ་ལྟར་དུ་འདོད་ན་ནི་སྔོན་རྗེས་མིང་གསུམ་འདུས་པའི་སྒྲ་འཇུག་སྤྱིར་བསྟན་པའང་སྐབས་འདིར་དགོས་པ་མེད་ན། ཉི་ཚེ་བ་དེ་དག་བསྟན་པ་ལྷག་པར་ཡང་དགོས་མེད་དུ་འགྱུར་བའི་ཕྱིར་དང་། སྔོན་རྗེས་མིང་གསུམ་དྲག་ཞན་བར་མ་སྣ་ཚོགས་འཕྲད་པའི་དབང་དུ་བྱས་ནས། དྲག་པའི་དྲག་ཞན་འབྲིང་གསུམ་སོགས་དབྱེ་བ་མང་པོ་བྱེད་པ་ནི་རང་བཟོ་ཉིད་དུ་ཟད་པས་རང་འདོད་ཀྱི་གཞུང་དོན་འགྲེལ་ཚུལ་དང་ཡང་འགལ་བའི་ཕྱིར་ཏེ། དྲག་གཞན་བར་མ་སྣ་ཚོགས་འདུས་པ་དབྱེ་གཞིར་བཟུང་བས་ནང་ཕྲད་ཅེས་པའི་ཚིག་གི་ནུས་པ་དང་འགལ་ཞིང་། རྣམ་པ་མང་པོར་ཕྱེས་པས་གཉིས་སུ་དབྱེ་ཞེས་པ་དང་འགལ་བའི་ཕྱིར་རོ། །སྐྱོན་མེད་དེ་སྔ་མ་ཤུགས་བསྟན་གྱི་དབང་དུ་བྱས་ཤིང་། ཕྱི་མ་སྔོན་རྗེས་དྲག་ལ་མིང་གཞི་ཞན་པ་སོགས་མང་པོར་ཕྱེ་ནའང་དྲག་ཞན་སོ་སོར་དྲག་ཞན་གཉིས་གཉིས་སུ་ཕྱེ་བས་བསྡུས་པའི་ཕྱིར། སྙམ་ནའང་རིམ་པ་བཞིན་མི་འཐད་དེ་གཞུང་དུ་ནང་ཕྲད་ཅེས་ངེས་གཟུང་མཛད་པ་ལ་ནང་མི་མཐུན་ཤུགས་བསྟན་དུ་འབྱུང་བ་འགལ་བའི་ཕྱིར་དང་། སྔོན་རྗེས་མིང་གསུམ་སོ་སོར་ཕོ་མོ་མ་ནིང་གསུམ་གསུམ་དུ་རྒྱུ་མཚན་དང་བཅས་ནས་གསུངས་པ་ལས་བརྒལ་ནས་དེ་དག་གི་མོ་དང་མ་ནིང་དག་སྒྲ་ཞན་པར་ཕྱོགས་གཅིག་ཏུ་བསྡུས་ནས་དྲག་ཞན་གཉིས་གཉིས་སུ་དབྱེ་བ་དེ་སྐབས་འདིར་མ་འགྲིག་པས་རང་བཟོ་མི་བྱད་ཀ་མེད་དུ་གྱུར་པ་ལས་རྒྱུ་མཚན་གང་ཡང་མེད་པའི་ཕྱིར་རོ། ། སྐྱོན་གསུམ་པའང་ཡོད་དེ། གཞུང་འདིའི་གོང་དུ་རྗེས་འཇུག་གི་རྟགས་གསུམ་སྤྱིར་དབྱེ་བའི་སྒྲ་འཇུག་བཤད་ཅིང་། མཇུག་ཏུ་ནང་གསེས་མ་ནིང་ལ་གསུམ་དུ་དབྱེ་བའི་སྒྲ་འཇུག་གསུངས་པའི་བར་དུ། ཕོ་མོ་གཉིས་ཀྱི་ནང་གསེས་ཀྱི་སྒྲ་འཇུག་ངེས་པར་སྟོན་རིགས་པ་ལ་དེ་མ་བཤད་པའི་ཕྱིར་རོ། །སྐྱོན་མེད་དེ་ཕོ་གསུམ་མོ་གཉིས་ཀྱི་ཡི་གེ་དེ་རྣམས་ཉིད་སྔོན་འཇུག་དང་མིང་གཞི་ལ་སྦྱོར་བས་སྒྲ་གདངས་འབྱུང་ཚུལ་ཉིད་འཆད་པའི་ཕྱིར་རོ། །སྙམ་ནའང་མི་འཐད་དེ་གཉིས་སུ་དབྱེ་ཞེས་ངེས་གཟུང་མཛད་པ་ལས་བརྒལ་བའི་སྐྱོན་དང་ཐུན་མོང་གི་འཇུག་པ་བསྟན་པའི་སྐྱོན་གཉིས་སེལ་བར་མི་ནུས་པའི་ཕྱིར་རོ། །དེ་ལྟར་གཞན་གྱི་འདོད་པ་ལ་དཔྱད་པས་རང་ལུགས་འཐད་པར་གྲུབ་སྟེ་སྐབས་དོན་ཡིན་པ་དང་། བཤད་པ་གཞུང་དོན་དང་མཐུན་པ་དང་། གཞུང་གི་བསྟན་བྱ་རྫོགས་པར་གྲུབ་པའི་ཕྱིར་རོ། །

https://bodyiglobjong.com/audio/rtak-juk-pg/Takjuk_PG-22D-text.mp3

གསུམ་པ་ཐུན་མོང་དུ་དེ་དག་གི་དཔེར་བརྗོད་བསྟན་པ་ནི།
རྟགས་གསུམ་སྤྱིར་འཇུག་ཚུལ་གྱི་དཔེར་བརྗོད་ཞར་ལ་རྟོགས་པའི་དབང་དུ་བྱས་ནས་འདིར་ནང་གསེས་བརྒྱད་ཀྱི་འཇུག་ཚུལ་གྱི་དཔེར་བརྗོད་ཕྱོགས་ཙམ་འགོད་པ་ལ།

https://bodyiglobjong.com/audio/rtak-juk-pg/Takjuk_PG-22E-text.mp3

༈ སྐྱེས་བུ་རབ་ནི། སྐྱོགས། དཀྲིགས། དཀྲོགས། དཀྲུགས། བཀླགས། བཀྱིགས། འཁྱགས། འཁྲུགས། གྲགས། གྲོགས། སྒྲོགས། བསྒྲགས། འགགས། ངོགས། བསྔགས། ལྕགས། བཅགས། འཆགས། འཇགས། འཇིགས། གཉགས། སྙོགས། བསྙེགས། སྙིགས། རྟགས། རྟོགས། བརྟགས། གཏོགས། གཏུགས། བཏགས། སྟེགས། ཐོགས། ཐེགས། ཐུགས། དོགས། འདོགས། འདེགས། གདགས། ནགས། བརྣོགས། པགས། ལྤགས། སྤགས། སྤྱུགས། ཕྱགས། འཕྱུགས། བགས། བོགས། བླུགས། བླགས། དབུགས། སྦགས། བྲེགས། དབགས། སྦྲགས། མྱགས། དམིགས། དམྱུགས། རྨུགས། གཙིགས། བཙུགས། བཙགས། བརྩིགས། བརྩེགས། ཚོགས། ཚགས། ཚེགས། འཛུགས། རྫོགས། ཞབས། ཞུགས། གཞོགས། བཞུགས། གཟུགས། གཟིགས། གཟགས། བཟླུགས། གཡོགས། གཡིགས། རིགས། རླུགས། ལེགས། ལགས། ཤགས། གཤེགས། གཤགས། བཤགས། སོགས། བསྲེགས། ཧྭགས། ཞེས་སོ།

https://bodyiglobjong.com/audio/rtak-juk-pg/Takjuk_PG-22F-text.mp3

༈ སྐྱེས་བུ་འབྲིང་ནི། སྐབས། ཀླུབས། བཀྲབས། སྐྱབས། བསྐྱབས། སྐོབས། འཁོབས། བསྒྲུབས། སྒྲུབས། བརྔུབས། བཅབས། བཅིབས། ཆབས། ཆིབས། འཇབས། འཇེབས། བསྙབས། སྙོབས། སྟབས། སྟོབས། གཏིབས། བསྟབས། ཐབས། འཐིབས། དྲུབས། ལྡེབས། བསྡེབས། སྣབས། བསྣུབས། སྣུབས། མནབས། སྤབས། ཕེབས། བྱབས། བྲབས། བྲུབས། སྦུབས། གཙུབས། རྩིབས། རྩབས། ཚབས། འཚབས། ཞབས། གཞིབས། གཞབས། གཟབས། གཡབས། རབས། བརླབས། རློབས། ཤུབས། གཤིབས། སྲུབས། བསླབས། བསབས། ལ་སོགས་པ་རྣམས་སོ།

https://bodyiglobjong.com/audio/rtak-juk-pg/Takjuk_PG-22G-text.mp3

༈ སྐྱེས་བུ་ཐ་མ་ནི། སྐས། སྐད། བཀག། བཀབ། མཁས། འཁྲིད། ཁྲག། ཁྲབ། འགས། བགྲད། སྒྲོག། གྲུབ། སྔས། ངག། རྔབ། ལ་སོགས་པའོ།
༈ མོ་ཙམ་ནི། བསྐངས། བསྐུམས། ཁེངས། ཁམས། གངས། བགོམས། དངངས། བརྔསམ། ལ་སོགས་པའོ།
༈ ཤིན་ཏུ་མོ་ནི། བསྐང་། ཀོང་། སྐོམ། བཀའ། ཁོང་། ཁམ། མཁའ། གང་། སྒྲོམ། འགའ། ངང་། དངོམ། སྔའ་ལ་སོགས་པའོ།
༈ འགྱུར་བ་མ་ནིང་ནི། བསྟནད། རྐུན། བསྐོརད། བསྟར། སྩལད། བཙལ། འགྲན། འགོར། འགུལ། ལ་སོགས་པའོ།
༈ མཚན་གཉིས་པ་ནི། འཛིནད། བརྒྱནད། གྱུརད། འབྱོརད། རོལད། བསལད་ལ་སོགས་པའོ།
༈ མཚན་མེད་ནི། ཕྱིནད། མཐུན། ཐརད། འཐོར། འཕྲུལད། འཁྲུལ་ལ་སོགས་པ་རྣམས་ཏེ་དེ་དག་གིས་མཚོན་ནས་རྒྱ་ཆེར་ཤེས་པར་བྱའོ།


དོན་གྱི་འཇུག་ཚུལ་མདོར་བསྟན་པ།

https://bodyiglobjong.com/audio/rtak-juk-pg/Takjuk_PG-23A-text.mp3

གཉིས་པ་དོན་གྱི་འཇུག་ཚུལ་ལ། མདོར་བསྟན་དང་རྒྱས་བཤད་གཉིས།

དང་པོ་ནི།

དོན་ནི་རྣམ་པ་གཉིས་ཡིན་ཏེ། །
སྔ་མ་གང་ལྟར་གྱུར་པ་དང་། །
ཕྱི་མ་གང་ལྟར་འགྱུར་བ་འོ། །

ཞེས་པས་བསྟན་ཏེ། རྗེས་འཇུག་རྣམས་དོན་གང་དང་གང་ལ་འཇུག་པར་འགྱུར་བའི་ཚུལ་ནི་རྣམ་པ་གཉིས་ཡིན་ཏེ། སྔ་མ་རྗེས་འཇུག་ཉིད་གང་ལ་ཞུགས་ཤིང་གནས་པའི་མིང་དེའི་དོན་གང་ལྟར་ཏེ་ཇི་ལྟ་བུ་ཞིག་ཏུ་འགྱུར་བ་དང་། ཕྱི་མ་རྗེས་འཇུག་གམ་མཐའ་དེས་མིང་མཐའ་ལ་སོགས་པ་འདྲེན་ཚུལ་གྱིས་དོན་གང་ལྟར་འགྱུར་བའོ། །ཞེས་སོ། །


སྔ་མ་གང་ལྟར་འགྱུར་བ་འཆད་པ་ལ་གཞུང་དོན་དཔེར་བརྗོད་བཅས། གཞན་གྱི་འདོད་པ་ནོར་བར་བསྟན་པ།

https://bodyiglobjong.com/audio/rtak-juk-pg/Takjuk_PG-24A-text.mp3

གཉིས་པ་དེ་རྒྱས་པར་འཆད་པ་ལ་གཉིས་ལས། དང་པོ་སྔ་མ་གང་ལྟར་འགྱུར་བ་འཆད་པ་ལ། གཞུང་དོན་དཔེར་བརྗོད་དང་བཅས་དགོད་པ་དང་། གཞན་གྱི་འདོད་པ་ནོར་བར་བསྟན་པ་གཉིས་སོ།།

དང་པོ་ནི།

སྔ་མ་སྔོན་འཇུག་ལྔ་བཞིན་སྦྱར། །

ཞེས་པས་བསྟན་ཏེ། རྗེས་འཇུག་རྣམས་གང་ལ་ཞུགས་པའི་མིང་དེ་ཉིད་མིང་མཐའ་སོགས་ལ་ལྟོས་ནས་སྔ་མར་གྲུབ་པས་དེས་བདག་གཞན་སོགས་དོན་ཅི་ཞིག་སྟོན་པ་ནི་མིང་དེའི་སྔོན་དུ་གནས་པ་སྔོན་འཇུག་ལྔ་ལས་གང་ཞིག་ཡིན་པ་དེའི་དོན་དང་ཇི་ལྟ་བ་བཞིན་དུ་སྦྱར་ནས་རྟོགས་པར་བྱའོ། །ཞེས་པའོ། །དེས་ན་གཙོ་བོར་སྔོན་འཇུག་གི་ནུས་པ་དང་སྦྱར་ནས་རྗེས་འཇུག་རྣམས་ཀྱིས་ཀྱང་ཅི་རིགས་པར་བདག་གཞན་དང་དུས་གསུམ་གྱི་དོན་རྣམས་དེ་དང་མཚུངས་པར་སྟོན་པར་འགྱུར་པ་ཡིན་གྱི་སྐབས་འགའ་ཞིག་ཏུ་མ་གཏོགས་པར་རྗེས་འཇུག་གི་ནུས་པ་གཙོ་ཆེ་བས་ནི་མ་ཡིན་ནོ། །ཞེས་པ་ནི་འདིར་ཤེས་པར་བྱ་བའི་གནད་དམ་པའོ། །

https://bodyiglobjong.com/audio/rtak-juk-pg/Takjuk_PG-24B-text.mp3

འདིར་ཁ་ཅིག་སྔོན་འཇུག་ལ་མི་ལྟོས་པར། བྱས། ཟོས། གྲགས། ཆད། ཐརད། ཐོནད། ཕོག། དག། ཕབ། ལྟ་བུ་ཕོ་ཡིག་གིས་འདས་པ་སྟོན་པ་དང་། གྱིས། བྱོས། ཁོས། ནོནད། རོལད། ཆོད། རྒྱོབ། ཤོག། ལྟ་བུ་ཕོ་ཡིག་གིས་སྐུལ་ཚིག་སྟོན་པ་དང་། སྔོན་འཇུག་ལ་ལྟོས་ཀྱང་རྗེས་འཇུག་གི་ནུས་པ་གཙོ་བ། བསྐངས། བསྒྲུབས། བསམས། བསགས། བསད། བཅད། བསྟནད། བསྐྱརད། བསལད། ལྟ་བུ་ཕོ་ཡིག་གིས་འདས་པ་སྒྲུབ་པ་སོགས་མང་དུ་ཡོད་པས་འདིར་རྗེས་འཇུག་གི་ནུས་པ་གཙོ་བོར་མི་འཆད་པ་མི་ལེགས་སོ་སྙམ་པ་དག་ཡོད་པར་མངོན་ཡང་། དོགས་པ་མི་དགོས་ཏེ། སྐུལ་ཚིག་གི་འཇུག་ཚུལ་ནི་གཞུང་འདིར་དངོས་ཤུགས་གང་དུའང་མ་བསྟན་པ་དེར་བས། སྔོན་འཇུག་ལ་མ་ལྟོས་པར་རྗེས་འཇུག་རྣམས་ཉིད་བདག་གཞན་དང་དུས་གསུམ་སོགས་བྱ་བྱེད་དང་འབྲེལ་བའི་མིང་ཚིག་ཐམས་ཅད་ལ་འཇུག་པ་ཡོད་ཀྱང་སྔོན་འཇུག་ཅན་ལ་ལྟོས་ན་ཤས་ཆུང་བས་ཞར་ལ་གོ་བའི་དབང་དུ་མཛད་ཅིང་། སྔོན་འཇུག་ལས་རྗེས་འཇུག་གི་ནུས་པ་གཙོ་བ་འདས་པ་སྒྲུབ་པའི་ས་ཡིག་གི་འཇུག་ཡང་འཇུག་གཉིས་ཀ་དང་ད་ཡིག་གི་ཡང་འཇུག་ཁོ་ན་ཙམ་ལ་ཡོད་ཀྱི་གཞན་རྣམས་སྔོན་འཇུག་གི་ནུས་པ་གཙོ་བ་ཁོ་ན་ཡིན་པའི་ཕྱིར་སྔོན་འཇུག་གི་འཇུག་པས་བདག་གཞན་སོགས་སྟོན་པ་ཁྱབ་ཆེ་བས་གཙོ་བོར་གྱུར་པ་དགོངས་ནས་འདིར་སྔོན་འཇུག་ལྔ་བཞིན་སྦྱར་ཞེས་ངེས་གཟུང་གིས་གསུངས་པ་ལྟར་ཁོ་བོས་ལེགས་པར་བཤད་པ་ཡིན་པའི་ཕྱིར་རོ། །

https://bodyiglobjong.com/audio/rtak-juk-pg/Takjuk_PG-24C-text.mp3

སྔོན་འཇུག་མེད་པར་རྗེས་འཇུག་གི་དོན་བསྟན་པ་ཆེས་མང་སྟེ་མིང་རྐྱང་ཕལ་ཆེར་དེ་འདྲ་ཡིན་པའི་ཕྱིར་སྙམ་ན། དེ་འདྲའི་མིང་རྐྱང་རྣམས་རྗེས་འཇུག་གིས་མིང་དུ་གྲུབ་པ་ཡིན་ཀྱང་དེས་བདག་གཞན་དང་དུས་གསུམ་སོགས་བསྟན་པ་མེད་པས། སྤྱིར་རྟགས་འཇུག་གི་གཞུང་འདིའི་བསྟན་བྱའི་གཙོ་བོ་མ་ཡིན་ལ། ཁྱད་པར་སྔོན་འཇུག་ལྔ་བཞིན་སྦྱར། །ཞེས་པའི་སྦྱར་བྱ་མ་ཡིན་པར་ངེས་པས་སྐྱོན་དུ་མི་འགྱུར་རོ། །དེས་ན་སྐབས་འདིའི་དངོས་བསྟན་གྱི་དབང་དུ་བྱས་པའི་དཔེར་བརྗོད་ནི་སྔོ་ནའཇུག་གི་སྐབས་སུ་རྒྱས་པར་བསྟན་པ་ཉིད་ལས་ལོགས་སུ་མི་དགོས་ནའང་ཕྱོགས་མཚོན་པའི་ཕྱིར་རྗེ་འཇུག་གི་རྟགས་ཀྱི་གོ་རིམ་དང་མཐུན་པར་ཅུང་ཟད་བཀོད་པས་གོ་བདེ་བ་ལ་བསམས་ནས་དཔེར་བརྗོད་ན། སྐྱེས་བུའི་རྟགས་རབ་འབྲིང་ཐ་གསུམ་ཅི་རིགས་པར་དུས་འདས་པ་ལ་འཇུག་པ་ནི། བརྟགས། བཏགས། བཅགས། བསགས། བསྒྲུབས། བསྐྱབས། བསྟབས། བཀག། བལྟས། བརྒྱབ། བཅད། ལྟ་བུ་དང་། དེ་རྣམས་བྱེད་པ་བདག་ལ་འཇུག་པ་ནི། འདོགས་བྱེད། འདེགས་བྱེད། འཛུགས་བྱེད། འགུགས་བྱེད། གཞིབས་བྱེད། གཤིབས་བྱེད། གནུབས་བྱེད། འཇོག་བྱེད། འགས་བྱེད། འགྲུབ་བྱེད། གཅོད་བྱེད། ལྟ་བུ་དང་། དེ་རྣམས་བྱ་བ་གཞན་ལ་འཇུག་པ་ནི། གདགས་བྱ། བསྡིགས་བྱ། བསྡོགས་བྱ། གཏུབས་བྱ། དགག་བྱ། བརྟས་བྱ། གཟབ་བྱ། བསྒྲུབ་བྱ། བསྟབ་བྱ། བསྐྱབ་བྱ། བསྐྱེད་བྱ། ལྟ་བུ་དང་། དེ་རྣམས་བདག་གཞན་གྱི་དབྱེ་བས་མ་བསྡུས་པའི་ད་ལྟ་དང་མ་འོངས་པ་ཅི་རིགས་པར་འཇུག་པ་ནི། འདེགས་བཞིན་པ། འདོགས་བཞིན་པ། གཏུབས་བཞིན་པ། འགོག་བཞིན་པ། གཅོད་བཞིན་པ། རང་བཞིན་གྱིས་གཤེགས་པར་འགྱུར། རང་བཞིན་གྱིས་འགྲུབ་པར་འགྱུར། འཆད་པར་འགྱུར། འཐས་པར་འགྱུར། ལྟ་བུ་རྣམས་སོ། །

https://bodyiglobjong.com/audio/rtak-juk-pg/Takjuk_PG-24D-text.mp3

དེ་བཞིན་དུ་མོ་རྟགས་གཉིས་འདས་པ་ལ་འཇུག་པ། བསྐངས། བརྐྱངས། བསྐུམས། བཀྲམ། ལྟ་བུ་དང་།
༈ བདག་ལ་འཇུག་པ། འདོམས་བྱེད། འགེངས་བྱེད། མཆོངས་བྱེད། འདོད་བྱེད། འཁྱོམ་བྱེད། གསོའ་བྱེད། ལྟ་བུ་དང་།
༈ གཞན་ལ་འཇུག་པ། གདམས་བྱ། འཁུམས་བྱ། བསྐང་བྱ། དགང་བྱ། གཏམས་བྱ། བཟའ་བྱ། ལྟ་བུ་དང་།

https://bodyiglobjong.com/audio/rtak-juk-pg/Takjuk_PG-24E-text.mp3

༈ ད་ལྟ་དང་མ་འོངས་པར་འཇུག་པ། འདོམས་བཞིན་པ། འགེངས་བཞིནཔ། འདོད་བཞིན་པ། གསོའ་བཞིན་པ། རང་བཞིན་གྱིས་འདོམས་པར་འགྱུར། འགྲོ་བར་འགྱུར། འགོང་པར་འགྱུར། འདམ་པར་འགྱུར། ལྟ་བུའོ།

https://bodyiglobjong.com/audio/rtak-juk-pg/Takjuk_PG-24F-text.mp3

༈ མ་ནིང་གསུམ་འདས་པ་ལ། བསྟནད། བཀནད། བཀརད། བསྟརད། བཅལད། མནནད། བགརད། བསལད། མཁྱེནད། མཚརད། འཁྲུལད། ལྟ་བུ་དང་།
༈ བདག་ལ། བསྟུནད་བྱེད། བརྩོན་བྱེད། གནོད་བྱེད། གཏོང་བྱེད། གསོར་བྱེད། བཀོལད་བྱེད། འགྲོལ་བྱེད། འདུནད་བྱེད། འཛེརད་བྱེད། གསོལད་བྱེད། མཐརད་བྱེད། འཁོར་བྱེད། འཕེནད་བྱེད། མཐུན་བྱེད། འཐུལ་བྱེད། ལྟ་བུ་དང་།
༈ གཞན་ལ། བསྟེན་བྱ། བསྐུར་བྱ། དགར་བྱ། བསྐོལ་བྱ། བསྐྱལ་བྱ། མཁྱེན་བྱ། འཚིར་བྱ། འཁོལ་བྱ། ལྟ་བུ་དང་།
༈ ད་ལྟ་དང་མ་འོངས་པར། བསྟུནད་བཞིན་པ། གནོན་བཞིན་པ། གཏོར་བཞིན་པ། འཛིནད་བཞིན་པ། གསོལད་བཞིན་པ། འགྲེལད་བཞིན་པ། འཐོརད་བཞིན་པ། མཁྱེནད་བཞིན་པ། རང་བཞིན་གྱིས། དཀོནད་པར་འགྱུར། འདུནད་པར་འགྱུར། མཐུན་པར་འགྱུར། གསལ་བར་འགྱུར། འཁུལ་བར་འགྱུར། ལྟ་བུ་རྒྱ་ཆེར་ཤེས་པར་བྱའོ། །
དེ་ལྟར་སྔོན་འཇུག་ལ་ལྟོས་པ་གཙོ་བོར་གསུངས་པའི་ཞར་ལས་སྔོན་འཇུག་མེད་པའི་དོན་རྣམས་ལ་ཇི་ལྟར་འཇུག་པའང་ཤེས་པར་བྱ་སྟེ། དཔེར་ན། སྐྱེས་པའི་རྟགས་འདས་པ་ལ་འཇུག་པ། གྲགས། ཐོགས། ཞུགས། བྱབས། བྱས། གས། བྲོས། ཕོས། ནོས། སྤྲས། ཟོས། ཕོག། ནོག། ཐུབ། གྲུབ། སྤྲད། ཆད། ཁོད། ནོད། སོགས་དང་།

https://bodyiglobjong.com/audio/rtak-juk-pg/Takjuk_PG-24G-text.mp3

༈ བདག་ལ། སྒྲོགས་བྱེད། སྙོགས་བྱེད། སྟོབས་བྱེད། ཀླུབས་བྱེད། ལྕིབས་བྱེད། སྒྲུབ་བྱེད། སྐྲོད་བྱེད། སྡོང་བྱེད། རྗེད་བྱེད། སྙེག་བྱེད། རྡེག་བྱེད། ལྟོས་བྱེད། སོགས་དང་།
༈ གཞན་ལ། རྟོགས་བྱ། ཐབས་བྱ། ཤེས་བྱ། སྒུག་བྱ། གློད་བྱ་སོགས་དང་།
༈ དེ་དག་ལས་གཞན་ད་ལྟ་དང་མ་འོངས་པར་འཇུག་པ། རྟོགས་བཞིན་པ། ཤེས་བཞིན་པ། སྡོད་བཞིན་པ་སོགས་དང་། རྟོགས་པར་འགྱུར། སྒུག་པར་འགྱུར། ཤེས་པར་འགྱུར། ཞེས་སོགས་ཀྱིས་མཚོན་པར་བྱའོ། །
དེ་བཞིན་དུ་མོ་གཉིས་འདས་པ་ལ་འཇུག་པ། སྤངས། ཁེངས། ཐེངས། གོམས། ཁྲེམས། གང་། སོང་། ཕམ། གུམ། ཆོམ། ཐེམ་སོགས་དང་།
༈ བདག་ལ། སྟོངས་བྱེད། རེངས་བྱེད། སྟེམས་བྱེད། ཉམས་བྱེད། མྱོང་བྱེད། སྣང་བྱེད། ཟློ་བྱེད། སྲའ་བྱེད། རྒྱུའ་བྱེད། ༈གཞན་ལ། སྤུངས་བྱ། སྤང་བྱ། སྤྲིང་བྱ། བླང་བྱ། རློམ་བྱ། སྨྲའ་བྱ། སོགས་དང་།

https://bodyiglobjong.com/audio/rtak-juk-pg/Takjuk_PG-24H-text.mp3

༈ ད་ལྟ་དང་མ་འོངས་པར། རེངས་བཞིན་པ། སྟེམས་བཞིན་པ། མྱོང་བཞིན་པ། ཟློའ་བཞིན་པ། ངང་གིས་སྟོངས་པར་འགྱུར། ཉམས་པར་འགྱུར། གང་བར་འགྱུར། དམ་པར་འགྱུར། སྲའ་བར་འགྱུར། སོགས་སོ། །
༈ མ་ནིང་གསུམ་འདས་པར་འཇུག་པ། སྩལད། རོལད། དུལ། ཤར། པོར། སྦྲནད། བྲནད། སྨིནད། བྱིནད། ཕྱིནད། ཐརད། ཚརད། ཚོར། ཐལ་སོགས་དང་།
༈ བདག་ལ། སྟོནད། སྟེནད། རྟེནད། སྦྱིན། སྒྲུན། སྦྲོན། སྐུརད། སྤྲུལད། སྒྱུར། སྤེལ། ལེནད། སྨོནད། སེལད། ཉནད། ཁུར། ཕན་བྱེད་སོགས་དང་།
༈ གཞན་ལ། སྤང་བྱ། སྤེལ་བྱ། སྦར་བྱ། སྦྱིན་བྱ། མྱུལ་བྱ། སྨོན་བྱ། རྒལ་བྱ་སོགས་དང་།

https://bodyiglobjong.com/audio/rtak-juk-pg/Takjuk_PG-24I-text.mp3

༈ ད་ལྟ་དང་མ་འོངས་པར་ཡང་། སྟོནད་བཞིན་པ། སྟེནད་བཞིན་པ། སྒྲོལ་བཞིན་པ། མྱུལ་བཞིན་པ། གྲོལ་བར་འགྱུར། སྨན་པར་འགྱུར། ཕྱིནད་པར་འགྱུར། ཐར་པར་འགྱུར། སོགས་ཏེ་འདི་དག་གིས་འདི་རིགས་ཐམས་ཅད་ལ་མཚོན་པར་བྱའོ། ། དེ་ལྟར་དཔེར་བརྗོད་པ་དེ་རྣམས་ལས་སྔོན་འཇུག་གི་ཤིན་ཏུ་མོ་བདག་གཞན་སོགས་ཐམས་ཅད་ལ་མཉམ་པར་འཇུག་པར་གསུངས་པ་བཞིན་དུ་སྔོན་འཇུག་ལ་ལྟོས་པར། མཐུན་མཁྱེན་སོགས་མང་པོ་དང་། སྔོན་འཇུག་མེད་པར་ཡང་། རྟོགས། སྤུངས། སྣང་། སྟེགས། རེངས། སྤྲུལད། སོགས་མང་པོ་བདག་གཞན་དུས་གསུམ་ཀུན་ལ་གཟུགས་ཐ་དད་མེད་པར་འཇུག་པས་འཇུག་ཡུལ་བདག་གཞན་སོགས་གང་ཡིན་ཚིག་གྲོགས་ལས་ཤེས་པར་བྱ་དགོས་པ་རྣམས་ཀྱང་བློ་གྲོས་དང་ལྡན་པ་རྣམས་ཀྱིས་རྟོགས་པར་བྱའོ། །

https://bodyiglobjong.com/audio/rtak-juk-pg/Takjuk_PG-24J-text.mp3

གཞན་ཡང་གཞུང་འདིར་དམིགས་བསལ་དུ་མ་བསྟན་ཀྱང་རྗེས་འཇུག་ས་ཡིག་གི་འཇུག་ཡང་འཇུག་གཉི་ག་དང་། ད་ཡིག་གི་ཡང་འཇུག་གིས་དུས་འདས་པ་སྟོན་པ་ཤིན་ཏུ་མང་ཞིང་། འ་ཡིག་འདས་པ་ལ་མི་འཇུག་པའི་ཁྱད་པར་ཙམ་ནི་གསལ་བར་མཐོང་བ་སྔོན་རྗེས་ཀྱི་དཔེར་བརྗོད་བཀོད་པ་རྣམས་སུ་གསལ་ཞིང་། གྲགས་ཆེ་བ་དེར་ཟད། རྗེས་འཇུག་རྣམས་སྐུལ་ཚིག་ལ་འཇུག་པའི་ཚུལ་ནི། གཞུང་འདིའི་དངོས་ཤུགས་གཉི་གར་མ་བསྟན་པས་བཤད་བྱར་མ་གྱུར་མོད། འོན་ཀྱང་དེའི་རྣམ་གཞག་ཞར་ལས་རྟོགས་པར་བྱ་བའི་ཕྱིར་དཔེར་བརྗོད་ན། ས་ད་གཉིས་དང་ཁྱད་པར་ས་ཡིག་བསྐུལ་ཚིག་ལ་འཇུག་པ་མང་བར་མཐོང་སྟེ། སྙོགས་ཤིག། ཀློགས་ཤིག། སྒྲོགས་ཤིག། རྟོགས་ཤིག། རྩིགས་ཤིག། ཞུགས་ཤིག། སྲེགས་ཤིགཚིགས་ཤིགརློགས་ཤིགརློབས་ཤིག། སྒྲུབས་ཤིགརྩིས་ཤིག། གྱིས་ཤིག། བྱོས་ཤིག། རྒྱུས་ཤིག། རྔོས་ཤིག། སྔོས་ཤིག། ལྟོས་ཤིག། ནོས་ཤིགསྐོས་ཤིག། རྐུས་ཤིག། ཁོས་ཤིག། ཆོས་ཤིག། དྲོངས་ཤིག། སྲོངས་ཤིག། ཆིངས་ཤིག། སྲུངས་ཤིག། དེངས་ཤིག། སྐྱོངས་ཤིག། སྡོམས་ཤིག། སྙོམས་ཤིག། སོམས་ཤིག། རྩོམས་ཤིག། སྟོནད་ཅིག། ཐོནད་ཅིག། ནོནད་ཅིག། སོལད་ཅིག། ཉོནད་ཅིག། སྟེནད་ཅིག། སྙེནད་ཅིག། རོལད་ཅིག། རྩོལད་ཅིག། ཕྲོལད་ཅིག། སྒྲོལད་ཅིག། སྐུརད་ཅིག། སྤོརད་ཅིག། སྟོརད་ཅིག། ཆོད་ཅིག། སོད་ཅིག། ཁོད་ཅིག། སྡོད་ཅིག། སློད་ཅིག། ཅེས་པ་ལསོགས་པ་དང་། རྗེས་འཇུག་གཞན་དེར་འཇུག་པ་ན། ཤོག་ཅིག། ཁོག་ཅིག། ཟློག་ཅིག། ཕོབ་ཅིག། ཐོབ་ཅིག། རྒྱོབ་ཅིག། སྒོང་ཞིགསྣུན་ཞིག། སྐྲུན་ཞིག། ཕྱོར་ཞིག། སྦྱོར་ཞིག། ཚོལ་ཞིག། སྐོལ་ཞིག། ལྟ་བུ་སྟེ་འདི་རྣམས་ཀྱིས་མཚོན་ནས་རྒྱ་ཆེར་ཤེས་པར་བྱའོ། །

https://bodyiglobjong.com/audio/rtak-juk-pg/Takjuk_PG-24K-text.mp3

དེ་ན་སྐུལ་ཚིག་ཕལ་ཆེར་ལ་སྔོན་འཇུག་མེད་པ་མང་ཞིང་སྔོན་འཇུག་སྦྱོར་དགོས་པའང་ཡོད་དེ། བཀྲོས་ཤིག། བསྟོད་ཅིག། བརྩོན་ཞིག། བསྣོས་ཤིག། གཏོརད་ཅིག། གདུངས་ཤིག། གསོངས་ཤིག། དཀྲུགས་ཤིག། དགོངས་ཤིག། དཔྱོད་ཅིག། མཆོད་ཅིག། མཆོང་ཞིག། མཛོད་ཅིག། འགོམས་ཤིག། མ་འགྲོའ་ཤིག། མ་འཆེའ་ཤིག། ཅེས་པ་ལྟ་བུ་རྣམས་སོ། །

https://bodyiglobjong.com/audio/rtak-juk-pg/Takjuk_PG-24L-text.mp3

གཉིས་པ་གཞན་གྱི་འདོད་པ་ནོར་བར་བསྟན་པ་ནི།
སྐབས་འདིར་འགྲེལ་བྱེད་སྔ་མ་ཕལ་ཆེར་གྱིས། སྔ་མ་སྔོན་འཇུག་ལྔ་བཞིན་སྦྱར། །ཞེས་པའི་དོན་སྔོན་འཇུག་ལྟར་རྗེས་འཇུག་གི་ཕོ་ཡིག་རྣམས་འདས་པ་དང་། གཞན་སྒྲུབ་ལ་འཇུག་པ་སོགས་རྟགས་ཀྱི་བྱེ་བྲག་གིས་འཇུག་ཡུལ་སོ་སོར་སྦྱར་རྒྱུར་འདོད་མོད། དེ་ལྟར་སྦྱོར་བ་སྐབས་རེ་གཉིས་ལ་འགྲིག་པ་ལྟར་སྣང་ཡང་ཕལ་མོ་ཆེར་ངེས་པ་མེད་པའི་སྦྱོར་ཚུལ་དུ་འགྱུར་བས་མི་འཐད་པའི་ཚུལ་གོང་དུ་རྟགས་ངོས་འཛིན་གྱི་སྐབས་སུ་བཤད་ཟིན་ཅིང་། གཞན་ཡང་དེ་ལྟར་འདོད་པ་ལ་སྐྱོན་མང་དུ་ཡོད་དེ། གཞུང་གི་སྤྱིའི་ས་བཅད་དང་མི་འགྲིག་པ་དང་། བྱེ་བྲག་མདོར་བསྟན་དང་འགལ་བ་དང་། ཞེན་དོན་གྱི་དཔེར་བརྗོད་མི་འཐད་པའི་སྐྱོན་རྣམས་ཡོད་པའི་ཕྱིར། དང་པོ་གྲུབ་སྟེ། སྔ་མ་སྔོན་འཇུག་སོགས་ཀྱི་གཞུང་འདི། སྤྱིའི་ས་བཅད་ཇི་ལྟར་འཇུག་བྱེད་འཆད་པའི་སྐབས་དང་། དེ་ལས་ཀྱང་དོན་གྱི་ཇི་ལྟར་འཇུག་བྱེད་འཆད་པའི་སྐབས་ཡིན་པ་ལ། དེ་དང་མི་འགྲིག་པའི་ཅི་ཕྱིར་འཇུག་བྱེད་བཤད་པའི་ཕྱིར་ཏེ། རྗེས་འཇུག་རྣམས་སྔོན་འཇུག་གི་ཅི་ཕྱིར་འཇུག་པ་བཤད་པ་ལྟར། རྟགས་ཀྱི་ཁྱད་པར་གྱིས་བདག་གཞན་དང་དུས་གསུམ་གྱི་ཁྱད་པར་ངེས་པར་སྟོན་པའི་སླད་དུ་འཇུག་པར་བཤད་པའི་ཕྱིར། སྔ་མ་མ་གྲུབ་སྟེ། ཇི་ལྟར་འཇུག་པ་དང་ཅི་ཕྱིར་འཇུག་པ་གཉིས་ཀ་དང་མཐུན་པར་བཤད་དུ་ཡོད་པའི་ཕྱིར། སྙམ་ནའང་མ་ཡིན་ཏེ། ཅི་ཕྱིར་འཇུག་པ་ནི་དོན་དེ་སྟོན་བྱེད་དུ་ངེས་པར་འཇུག་པ་ཞིག་དགོས་ལ། ཇི་ལྟར་འཇུག་པ་ནི། སྒྲ་དོན་དེ་དང་དེར་འཇུག་པ་ཙམ་དུ་ཟད་པའི་ཕྱིར་རོ། །གཞན་ཡང་ཇི་ལྟར་དང་ཅི་ཕྱིར་འཇུག་པ་གཉིས་སྐབས་འདིར་མཐུན་པར་བཤད་ན། གཤམ་དུ་ཅི་ཕྱིར་འཇུག་པ་གསུངས་པ་ཟློས་པའམ་དབྱེ་བ་འཁྲུགས་པའི་སྐྱོན་དུ་འགྱུར་ཞིང་། གལ་ཏེ། ཕོ་ནི་འདས་དང་གཞན་བསྒྲུབ་ཕྱིར། །སོགས་སྔོན་འཇུག་གི་སྐབས་ཅི་ཕྱིར་འཇུག་འཆད་བྱེད་ཡིན་ཡང་འདིར་མིན་ནོ་ཟེར་ནའང་། ས་བཅད་མ་འགྲིག་པས་ཅི་བྱ་གཏོལ་མེད་ཀྱིས་བྱུང་རྒྱལ་དུ་སྨྲས་པར་ཟད་དེ། རྒྱུ་མཚན་མེད་པར་མ་ཟད་དོན་ཅིའི་ཕྱིར་འཇུག་པ་འཆད་བཞིན་པ་དང་དངོས་སུ་འགལ་བའི་ཕྱིར་རོ། །གཉིས་པ་གྲུབ་སྟེ། བྱེ་བྲག་དོན་གྱི་འཇུག་ཚུལ་ལ་གཉིས་སུ་དབྱེ་བའི་སྔ་མ་གང་ལྟར་འགྱུར་བ་ཞེས་མདོར་བསྟན་པ་འཆད་པའི་སྐབས་ཡིན་པ་གང་ཞིག །དེ་ལ་ཁྱེད་ཀྱིས་རྗེས་འཇུག་རྣམས་རང་དབང་གིས་དོན་སྟོན་བྱེད་དུ་འཇུག་པར་བཤད་པ་འགལ་བའི་ཕྱིར་ཏེ། འགྱུར་བ་ཞེས་པའི་དོན་རྗེས་འཇུག་རྣམས་རང་དབང་མི་བཙན་པར་སྔོན་འཇུག་ལ་སོགས་པའི་དོན་བཞིན་དུ་འགྱུར་འགྲོ་བ་ལ་འཆད་དགོས་པའི་ཕྱིར། དེ་མ་གྲུབ་སྙམ་ན། དེ་ལྟར་འཆད་རིགས་ཏེ་སྔ་མ་རྗེས་འཇུག་གི་དོན་གཙོ་བོར་སྔོན་འཇུག་གི་རྗེས་སུ་འགྲོ་ཞིང་ཕྱི་མ་མིང་མཐའ་དང་རྣམ་དབྱེ་སོགས་ཀྱི་དོན་རྗེས་འཇུག་དང་ཚིག་ཕྱི་མ་དག་གི་རྗེས་སུ་འགྲོ་བ་གཞུང་དུ་གང་ལྟར་འགྱུར་བ་ཞེས་པའི་སྒྲས་མཚུངས་པར་བསྟན་པའི་ཕྱིར་ཏེ། དེ་ལྟར་མ་བཤད་པས་སྔར་སྨོས་པའི་སྐྱོན་དེ་རྣམས་ཀྱང་སྤོང་མི་ནུས་པའི་ཕྱིར་རོ། །གསུམ་པ་གྲུབ་སྟེ། ཁྱེད་རྣམས་ཀྱིས་སྐབས་འདིར་ད་བ་ས་གསུམ་གྱིས་འདས་པ་སྟོན་པའི་དཔེར་བཀོད་པ། བཅད། བཀབ། བཀས། ཞེས་པ་རྣམས་ལས་ཕྱི་མ་ས་ཡིག་གིས་འདས་པ་བསྟན་དུ་ཆུག་ཀྱང་། སྔ་མ་གཉིས་འདས་ཚིག་ཏུ་གྲུབ་པ་རྗེས་འཇུག་གི་ནུས་པས་མ་ཡིན་པའི་ཕྱིར་ཏེ། དེ་གཉིས། གཅད། གཅོད། དགབ། འགེབ། ཞེས་བྱ་བྱེད་ཀྱི་ཚིག་ལ་སྦྱར་བའི་ཚེ་ནའང་རྗེས་འཇུག་དེ་ཁོ་ན་ལས་གཞན་དུ་མི་འགྱུར་བའི་ཕྱིར་ཏེ། སྔོན་འཇུག་གི་ནུས་པ་ཁོ་ནས་བྱ་བྱེད་ཀྱི་ཚིག་ཏུ་གྲུབ་པའི་ཕྱིར་རོ། །དེས་ན་དཔེར་བརྗོད་དེ་ཙམ་ལའང་ཡིད་བརྟན་ཕེར་བ་མ་བྱུང་ན། རང་ཉིད་ཀྱིས་བཤད་པ་དང་མཐུན་པའི་དཔེར་བརྗོད་གཞན་རྣམས་འགོད་པར་ལྟ་ག་ལ་ནུས་པས་འགོད་མ་ནུས་པ་དེར་ཟད་དོ། །

https://bodyiglobjong.com/audio/rtak-juk-pg/Takjuk_PG-24M-text.mp3

གཞན་ཡང་། ལུགས་དེ་ཁས་ལེན་པའི་ཕྱིས་བྱུང་ཞིག་གིས་སྐབས་འདིར་དཔེར་བརྗོད་ཅུང་ཟད་མང་བར་འགོད་པའི་ཁུལ་དུ་བྱས་ཏེ། བྱ་བ་བྱས། ཆར་བ་ཕོབ། མེ་ཏོག་ཕོག། ན་ཚ་ཆད་ཅེས་སོགས་འདས་པ་ལ་འཇུག་པ་དང་། སྲས་པོ། སྲབ། སྲོག། སྲིད་ལྟ་བུ་དངོས་པོ་གཞན་དང་། གདམས་པར་བྱ། བསྒྲུབ་པར་བྱ། བཀླག་པར་བྱ། བརྗོད་པར་བྱ་ལྟ་བུ་ཚིག་དང་དངོས་སུ་འབྲེལ་བ་དང་། རྒྱས་པར་བྱས། ས་བོན་བཏབ། ལམ་འགོག། སྣོད་འཛེད་ལྟ་བུ་དངོས་སུ་མ་འབྲེལ་ཡང་བྱ་བ་བསྒྲུབ་པ་ལ་འཇུག་པ་དང་། ནམ་མཁའ་ལྟ་བུ་གཞན་དང་། ཡོད་པའི་གདའ་སོགས་ད་ལྟར་བ་སྟོན་པ་དང་། འགྱུར། འཇལ། འབྱུང་། འདྲེན། འགྲམ། བློ་གསར། ཆུ་སྐོར། བགྲང་ཕྲེང་། མདུན། མཚལ་སོགས་བདག་དང་མ་འོངས་པ་ལ་འཇུག་པ་ལྟ་བུའོ། ། ཞེས་བྲིས་མོད། དེ་རྣམས་ཟེར་རྒྱུས་ཕོངས་པའམ་བློ་རྣལ་དུ་མི་གནས་པའི་སྐྱོན་ཉིད་ཀྱིས་བྱུང་རྒྱལ་དུ་སྨྲས་པ་སྟེ། འདས་པའི་དཔེར་སྐུལ་ཚིག་བྲིས་པ་དང་། གཞན་གྱི་དཔེར་མིང་རྐྱང་དང་འདས་ཚིག་དང་བྱེད་ཚིག་བཀོད་པ་དང་། བདག་དང་མ་འོངས་པའི་དཔེར་མིང་རྐྱང་བཀོད་པ་སོགས་ཕལ་ཆེར་འགལ་བ་ཁོ་ནར་སྣང་བའི་ཕྱིར་རོ། །ཁྱད་པརམིང་རྐྱང་རྣམས་འདིའི་དཔེར་བརྗོད་དུ་བཀོད་པ་ནི་ཤིན་ཏུ་མཚང་ཚེ་སྟེ། མིང་རྐྱང་ཙམ་དེ་འདིར་བསྟན་གྱི་བདག་གཞན་དང་དུས་གསུམ་གྱིས་མ་བསྡུས་པ་སྔོན་འཇུག་གི་སྐབས་སུ་བཤད་པ་ལྟ་བུའི་ཕྱིར་དང་། མིང་རྐྱང་རྣམས་ལ་རྗེས་འཇུག་ཐམས་ཅད་བྱེ་བྲག་མེད་པར་འཇུག་པ་ཡིན་པས་རྟགས་ཀྱི་འཇུག་དོན་གྱི་དབང་གིས་ཐ་དད་དུ་འབྱེད་པའི་རྒྱུ་མཚན་ཅིའང་མེད་པའི་ཕྱིར་རོ། །སྟེས་དབང་གིས་དཔེར་བརྗོད་འགྲིག་པ་དེ་རྣམས་ཀྱང་གོང་སྨོས་བཞིན་རང་གི་ཞེན་དོན་གྱི་སྒྲུབ་བྱེད་དུ་མི་འགྲེོ་སྟེ། འ་ཡིག་འདས་པ་ལ་མི་འཇུག་པ་དང་། ས་ད་གཉིས་འདས་པ་ལ་འཇུག་པ་མང་བ་ཙམ་ལས་གཞན་བྱེ་བྲག་ཆེར་མེད་པར་རྗེས་འཇུག་རྣམས་བདག་གཞན་དང་དུས་གསུམ་ཐམས་ཅད་ལ་འཇུག་པའི་ཕྱིར་རོ། །འདིར་སྨྲས་པ།

https://bodyiglobjong.com/audio/rtak-juk-pg/Takjuk_PG-24N-text.mp3

མཁས་རློམ་ཕལ་ཆེར་རི་བོང་ཅལ་རྗེས་སྙོགས། །
སྨིག་རྒྱུའི་ཆུར་སྲེད་བྲག་ཅའི་གླུ་དབྱངས་ལེན། །
མཁས་པ་རྣམས་ཀྱང་དེ་འདྲའི་འབབ་སྟེགས་ལ། །
གཞོལ་ཞིང་ངལ་བ་ཅི་ཡང་བསྟེན་པ་མཐོང་། །

འདི་དང་འདི་འདྲའི་ཚུལ་ལ་བརྟགས་པའི་ཚེ། །
ནམ་ཡང་གཞན་དྲིང་ཁོ་ནར་མི་བསྟེན་ཅིང་། །
གཞན་ཟེར་ཁོ་ནའི་ལད་མོའང་མི་ཟློ་བས། །
ཁོ་བོའི་བློ་གྲོས་སྐལ་བ་བཟང་སྙམ་བགྱིད། །

མཁས་པའི་བསྟན་བཅོས་རང་བཞིན་དག་པའི་དངོས། །
གསལ་བྱེད་མཁས་པ་ཉིད་ལ་རག་ལས་ཏེ། །
འདོད་སྦྱིན་དབྱིག་མཆོག་ནོར་བུ་བཻཌཱུཪྻ། །
དེད་དཔོན་མཁས་པས་ཡོངས་སུ་སྦྱངས་ལ་ལྟོས། །ཞེས་སོ། །


ཕྱི་མ་གང་ལྟར་འགྱུར་བ་འཆད་པ་མདོར་བསྟན་པ།

https://bodyiglobjong.com/audio/rtak-juk-pg/Takjuk_PG-25A-text.mp3

གཉིས་པ་ཕྱི་མ་གང་ལྟར་འགྱུར་བ་འཆད་པ་ལ་གཉིས། ། མདོར་བསྟན་པ་དང་། རྒྱས་པར་བཤད་པའོ། །

དང་པོ་ནི།

ཕྱི་མ་དག་གི་འདྲེན་ཚུལ་ནི། །

ཞེས་པ་སྟེ། ཕྱི་མ་མིང་མཐའ་དང་རྣམ་དབྱེ་སོགས་ཀྱི་ཐོབ་ཐང་གི་དོན་ཇི་ལྟར་འཇུག་པར་འགྱུར་བའི་ཚུལ་ནི་སྔ་མའི་རྗེས་འཇུག་དང་ཕྱི་མའི་བརྗོད་བྱ་དག་ལ་ཅི་རིགས་པར་ལྟོས་པའི་སྒོ་ནས་འདྲེན་པའི་ཕྱིར་དེའི་ཚུལ་སྨོས་པ་ནི། ཞེས་མདོར་བསྟན་པའོ། །


རྒྱས་པར་བཤད་པ་ལ་མིང་མཐའ་འདྲེན་ཚུལ།

https://bodyiglobjong.com/audio/rtak-juk-pg/Takjuk_PG-26A-text.mp3

གཉིས་པ་རྒྱས་བཤད་ལ་མིང་མཐའ་འདྲེན་ཚུལ་དང་། རྣམ་དབྱེ་སོགས་འདྲེན་ཚུལ་འཆད་པ་སྟེ་གཉིས་སོ། །

དང་པོ་ནི།

ཕོ་ཡིས་ཕོ་ཡི་མིང་མཐའ་དྲང་། །
མོ་ཡིས་མོ་ཡི་མིང་མཐའ་དྲང་། །
མ་ནིང་གིས་ནི་མ་ནིང་ངོ་། །

ཞེས་པས་བསྟན་ཏེ། མིང་སྔ་མའི་མཐའི་རྗེས་འཇུག་ཕོ་ཡིག་གིས། དེ་ཉིད་ཀྱི་མིང་མཐའ་གཞན་གྱི་མིང་གཞིའི་ཕོ་ཡིག་དྲང་བར་བྱ་ཞིང་། དེ་བཞིན་དུ་མོ་ཡིག་གིས་མོའི་མིང་མཐའ་དྲང་བ་དང་། མ་ནིང་གིས་མ་ནིང་གི་མིང་མཐའ་དྲང་བར་བྱའོ། །ཞེས་སོ། །དེས་ན་མིང་སྔ་མའི་མཐའི་རྗེས་འཇུག་རྣམས་ཀྱང་མིང་མཐའ་ཡིན་མོད་ཀྱི་འདིར་བསྟན་གྱི་མིང་མཐའ་ཞེས་པ་ནི་རྗེས་འཇུག་གིས་མིང་དུ་གྲུབ་པའི་མིང་སྔ་མ་དེ་ཉིད་ཀྱི་ཆ་ཤས་མིང་དེའི་མཐར་སྦྱར་རྒྱུ་ཞིག་ལ་ངོས་འཛིན་དགོས་སོ། །

https://bodyiglobjong.com/audio/rtak-juk-pg/Takjuk_PG-26B-text.mp3

དེ་དག་གི་དཔེར་བརྗོད་པ་ནི། ཕོས་ཕོའི་མིང་མཐའ་དྲངས་པ། དཔྱིད་ཀ། སྟོན་ཀ། སྟོད་ཀོར། ཀླད་ཀོར། བེརད་ཀ། བསྟོད་པ། མཁྱེནད་པ། བཅད་པ། ཕནད་པ། ཕྱིནད་པ། སྟེནད་པ། སྡོད་པ། རྩོད་པ། ནོད་པ། གློད་པ། ཁྱབ་པ། ཆུབ་པ། གྲུབ་པ། སྒྲུབ་པ། སྐྱོབ་པ། གདབ་པ། ཐོབ་པ། འགྲུབ་པ། ཐུབ་པ། སོས་ཀ། གཉིས་ཀ། །བྱས་པ། བསྒྲུབས་པ། བརྟགས་པ། དགོངས་པ། གཏམས་པ། དངོས་པོ། དགོས་པ། གོམས་པ། བཟླས་པ། དམིགས་པ། ཆགས་པ། མཁྲིས་པ། པགས་པ། སྐྱེས་པ། རྟག་པ། འཕྲག་པ། ཟག་པ། ལྟག་པ། དག་པ། རེག་པ། ལག་པ། བདུག་པ། གདུག་པ། གཅིག་པུ། ཅིག་ཅར། བདག་ཅག་ལ་སོགས་པ་ཤིན་ཏུ་མང་ངོ་། །

https://bodyiglobjong.com/audio/rtak-juk-pg/Takjuk_PG-26C-text.mp3

མོས་མོའི་མིང་མཐའ་དྲངས་པ་ནི། གང་བ། བྱུང་བ། མཐོང་བ། གསུང་བ། འབྱུང་བ། འདྲོང་བ། གཏོང་བ། བསྐང་བ། དགང་བ། བཟང་བ། སྙིང་ག། མཐོང་ག། མཐིང་ག། ལྗང་ག། སྤང་མ། དང་མ། གདུང་མ། གསིང་མ། འདུང་མ། འདེམ་ག། གསུམ་ག། ཐམ་ག། ཟླ་བ། འདྲ་བ། དཔའ་བ། སྲ་བ། དགའ་བ། འཆའ་བ། བདེ་བ། རེ་བ། མཛའ་བ། བཀྲ་བ། གདའ་བ། ཉི་མ། དགའ་མ། གཏའ་མ། འདའ་ག། ཡ་ག། ཉ་ག། འདི་ག། གྲོ་ག། ཁྱི་གུ། ལུ་གུ། སོགས་སོ། །

https://bodyiglobjong.com/audio/rtak-juk-pg/Takjuk_PG-26D-text.mp3

མ་ནིང་གིས་མ་ནིང་དྲངས་པ་ནི། སྟོན་ཁ། དགུན་ཁ། མོན་ཁ། དབྱར་ཁ། སེར་ཁ། གཏར་ཁ། ཤར་ཁ། མྱུར་ཁ། རལ་ཁ། ཐལ་ཁ། མཚལ་ཁ། རྒྱལ་ཁ། གསལ་ཁ། དཔལ་ཁ། སོགས་སོ། །

https://bodyiglobjong.com/audio/rtak-juk-pg/Takjuk_PG-26E-text.mp3

དེ་ལྟར་མིང་མཐའ་རྟགས་མཚུངས་ཁོ་ན་འདྲེན་པ་ལྟ་བུར་གསུངས་པ་ནི་ཕོ་མོའི་རྟགས་ཕལ་ཆེར་གྱིས་དེ་ལྟར་འདྲེན་པས་གཙོ་ཆེ་བ་ཙམ་ལ་དགོངས་པ་སྟེ་འཆད་འགྱུར་ལྟར། དེ་ཉིད་རང་གི་སྒྲ་མཐུན་པའི། །ཞེས་གསུངས་པ་དང་སྦྱར་ན་འདྲེན་ཚུལ་གཞན་ཡང་ཡོད་པར་གྲུབ་ཅིང་། མངོན་སུམ་གྱིས་ཀྱང་འགྲུབ་པའི་ཕྱིར་རོ། །དེས་ན་མ་ནིང་གི་རྟགས་རྣམས་ཀྱིས་རྟགས་མཚུངས་འདྲེན་པ་དཔེར་བརྗོད་བཀོད་པ་འདི་འདྲ་ཐོར་བུ་ལས། ཕལ་ཆེར་བརྗོད་བདེ་བས་སྒྲ་མཐུན་པ་མོ་རྟགས་ཉིད་དྲངས་པ་མཐོང་སྟེ། མངོན་པ། མཐུན་པ། བསྟར་བ། ཤར་བ། དར་བ། འཐུལ་བ། གསལ་བ། རྒྱལ་བ། ཞེས་པ་ལྟ་བུ་དང་། མོ་རྟགས་མ་ཡིག་གིས་ཀྱང་བརྗོད་བདེ་རང་སྡེའི་སྐྱེས་པའི་རྟགས་དྲངས་པ། དམ་པ། བསམ་པ། རྔམ་པ། སྐམ་པ། རམ་པ། རིམ་པ། ལྕམ་པ། རྣམ་པ། བུམ་པ། ལྟ་བུ་མང་དུ་སྣང་བས་བྱེ་བྲག་སོ་སོར་མ་འཛིངས་པར་རྟོགས་པར་བྱའོ། །གཞན་དུ་རྐང་བ། ཁང་པ། སྟོང་པ། སོགས་ང་ཡིག་གིས་ཕོ་དྲངས་པ་འགའ་ཞིག་སྣང་བ། ཁ་ཅིག་གིས། བདག་པོའི་སྒྲ་ཡིན་པར་འདོད་ཀྱང་མི་འཐད་པ་རྟོགས་སླ་བས་དེད་ག་དང་། གཞན་ཡང་། ལྷས་མ། བཙས་མ། ལྟད་མོ། སྟག་མ། སོགས་ཕོས་མོ་དྲངས་པ་ལྟ་བུ་དམིགས་བསལ་དེ་འདྲ་ཐར་ཐོར་ལ་ངེས་པ་མེད་དེ། ཀ་ལཱ་པར། ལྷག་མ་འཇིག་རྟེན་པའི་ཉེར་སྤྱོད་ལས་འཛིན་པ་གྲུབ་བོ། །ཞེས་གསུངས་པ་བཞིན་འཇིག་རྟེན་པའི་གྲགས་པ་དང་བསྟུན་དགོས་པའི་ཕྱིར་རོ། །

https://bodyiglobjong.com/audio/rtak-juk-pg/Takjuk_PG-26F-text.mp3

འདིར་ཁ་ཅིག །ཁྱོད་ཀྱིས་རྟགས་མཚུངས་འདྲེན་པའི་དཔེར་བཀོད་པ་འདི་རྣམས་ལ་ཁྱོད་ཉིད་ཀྱིས་ཁས་བླངས་པ་དང་འགལ་བ་ཡོད་དེ། སྔར་ཡང་འཇུག་དང་བཅས་པའི་ན་ར་ལ་རྣམས་མ་ནིང་དང་། ང་མ་ཡང་འཇུག་ཅན་རྣམས་མོ་རྟགས་སུ་ཁས་བླངས་པ་གང་ཞིག། འདིར་དེ་རྣམས་ཀྱིས་ཕོ་ཡིག་དྲངས་པ། ཕོས་ཕོའི་མིང་མཐའ་དྲངས་པའི་དཔེར་བརྗོད་དུ་བཀོད་པའི་ཕྱིར། སྙན་ན་སྐྱོན་མེད་དེ། སྔར་སྒྲ་གདངས་དྲག་ཞན་གྱི་འཇུག་ཚུལ་གྱི་དབང་གིས་བཤད་ཅིང་། འདིར་ཡང་འཇུག་མེད་ན་མིང་མཐའི་རྗེས་འཇུག་དེ་ཉིད་དང་ཡོད་ན་ཡང་འཇུག་ཉིད་ཀྱི་རྟགས་གང་ཡིན་པ་དང་སྦྱར་ནས་མིང་མཐའ་ཕྱི་མ་འདྲེན་ཚུལ་ཙམ་འཆད་པ་ཡིན་གྱི། སྔ་མ་ལྟར་འཇུག་ཡང་འཇུག་གཉི་ག་བསྡེབས་པའི་སྒྲ་གདངས་དེའི་ནུས་པ་འཆད་པའི་སྐབས་མ་ཡིན་པའི་ཕྱིར་རོ། །

https://bodyiglobjong.com/audio/rtak-juk-pg/Takjuk_PG-26G-text.mp3

སྐབས་འདིར་འགྲེལ་བྱེད་སྔ་མ་རྣམས་ཀྱིས་མིང་གཞི་ཕྱི་མས་མིང་མཐའ་སྔ་མ་འདྲེན་པར་འདོད་ཀྱང་། ཤིན་ཏུ་མི་འཐད་དེ། སྐབས་འདིའི་འདྲེན་ཚུལ་ནི་ངག་གི་བརྗོད་པ་དང་སྦྱར་ནས་རྟོགས་དགོས་པའི་ཕྱིར་འདྲེན་བྱེད་སྔོན་དུ་མ་བརྗོད་པར་དེ་ལ་ལྟོས་པའི་འདྲེན་བྱའི་བརྗོད་པ་འབྱུང་བ་མི་སྲིད་དེ། དཔེར་ན། རྟག་ལྟ་བུའི་ངག་སྔོན་དུ་ཡོད་ན་དེའི་མིང་མཐའ་ག་ལ་ལྟོས་པའི་མིང་མཐའ་ཕྱི་མ་པ་ཡིག་འདྲེན་པར་འགྱུར་བ་ལྟ་བུ་ཁོ་ན་ཡིན་པའི་ཕྱིར་ཏེ། ཁྱེད་རྣམས་ལྟར་ན་ལྟོས་ས་མ་བྱུང་བའི་སྔོན་དུ་ལྟོས་ཆོས་གྲུབ་ཟིན་པ་དང་། འདྲེན་བྱེད་མ་བྱུང་བའི་སྔོན་དུ་དེ་ལྟོས་པའི་འདྲེན་བྱ་གྲུབ་ཟིན་པ་སོགས་ཕྱིན་ཅི་ལོག་མང་པོ་ཁས་ལེན་དགོས་པར་འགྱུར་བའི་ཕྱིར་ཏེ། འདྲེན་བྱེད་རྣམ་དབྱེ་དང་ཚིག་ཕྲད་སོགས་སུ་བྱས་ཤིང་། འདྲེན་བྱ་མིང་སྔ་མའི་མཐར་འདོད་པ་དེ་ལས། མིང་མཐའ་དེ་དག་ཉིད་ཀྱིས་ཀྱང་། ། སོགས་ཀྱི་གཞུང་འཆད་པའི་ཚེ་དངོས་འགལ་དུའང་སྨྲ་དགོས་པར་བྱུང་སྣང་བའི་ཕྱིར་རོ། །སྤྱིར་ཡང་མིང་མཐའ་སྔ་མས་ཕྱི་མ་འདྲེན། མིང་མཐའ་སྔ་ཕྱི་གཉི་གས་རྣམ་དབྱེ་སོགས་འདྲེན་པ་འདིའི་རྒྱུ་མཚན་ལ་ངེས་པ་མ་རྙེད་པས། འདྲེན་བྱའི་མིང་མཐའ་ངོས་མ་ཟིན་པ་དང་། འདྲེན་ཚུལ་གོ་ཟློག་དང་རྣལ་མ་གཉིས་ཐོན་པ་འདི་ལགས་སོ། །

https://bodyiglobjong.com/audio/rtak-juk-pg/Takjuk_PG-26H-text.mp3

གཞན་ཡང་སྐད་གཉིས་སྨྲ་བ་འགའ་ཞིག་གིས། དཀོནད་ཅོག། །རིནད་ཅེན། ཐབས་ཅིག། ལྷནད་ཅིག། ཡུངས་ཀར་ལ་སོགས་པ་རྣམས། དེེ་དག་གི་སྐད་དོད་ལེགས་སྦྱར་ལ་དཀོན་པའི་མཆོག་དང་རིན་ཐང་ཆེན་པོ་དང་གྲངས་ཀྱི་གཅིག་དང་ཁ་དོག་དཀར་པོ་སོགས་ཀྱི་དོན་མེད་པས་དེ་དང་དེའི་དོན་དུ་མི་འཁྲུལ་བའི་ཕྱིར་ཕོས་ཕོའི་མིང་མཐའ་དྲངས་པར་བཞེད་པ་མཁས་པའི་གསུང་ཡིན་ཡང་ཞིབ་མོར་དཔྱད་ན་གོ་བ་མི་བཟང་སྟེ། སྤྱིར་སྔར་བོད་དུ་མ་གྲགས་པའི་བརྡ་གསུང་རབ་སྒྱུར་བ་ན་དགོས་པར་བྱུང་ནས་ལེགས་སྦྱར་གྱི་སྐད་དང་སྦྱར་ཏེ་གསར་དུ་བཏགས་པ་རྣམས་ལ་ལེགས་སྦྱར་གྱི་བྱིངས་སོགས་དང་བསྟུན་ནས་དཔྱད་པས་སྣང་ལ་མ་ངེས་པའི་དོགས་པ་སེལ་ཞིང་བརྗོད་དོན་ཇི་བཞིན་དུ་རྟོགས་པར་འགྱུར་བ་ཡིན་མོད། འོན་ཀྱང་ཐམས་ཅད་ལ་དེས་མ་ཁྱབ་སྟེ། སྒྲ་དོན་དང་སྦྱར་ནས་བཏགས་པ་མ་ཡིན་པར་མཚོན་དོན་གྱི་སྒོ་ནས་མིང་གསར་དུ་སྦྱར་བ་དག་ཀྱང་ཡོད་ཅིང་དེ་འདྲ་ལ་སྐད་དོད་ཡོད་མེད་དང་ཁམས་དང་རྐྱེན་གྱི་ནུས་པས་འགྲུབ་མི་འགྲུབ་དཔྱད་དུ་མེད་པའི་ཕྱིར་ཏེ། ཀཱ་རི་ཀཱ། ཞེས་པ་ཚིག་ལེའུར་བྱས་པར་བསྒྱུར་ན་དེར་ཚིག་དང་ལེའུ་གཉི་གའི་སྐད་དོད་མེད་པ་དང་། པཉྫི་ཀཱ། དཀའ་འགྲེལ་དུ་བསྒྱུར་ན་དེར་དཀའ་བ་དང་འགྲེལ་བ་གཉི་གའི་སྐད་དོད་མེད་པ་སོགས་ཤིན་ཏུ་མང་བའི་ཕྱིར་རོ། །

https://bodyiglobjong.com/audio/rtak-juk-pg/Takjuk_PG-26I-text.mp3

གཞན་དུ་བོད་ཉིད་ལ་སྔར་ནས་གྲགས་པའི་བརྡ་འདོད་རྒྱལ་དང་རྗེས་སྒྲུབ་གང་ཡིན་ཡང་རུང་། དེ་འདྲའི་སྡེབ་སྦྱོར་ལ་ལེགས་སྦྱར་གྱིས་ཞུས་དག་བགྱིད་མི་གཏུབ་སྟེ། དེ་འདྲ་དེ་ལེགས་སྦྱར་ནས་བསྒྱུར་བ་ཡིན་ཡང་སྐད་གཉིས་པོའི་འཇུག་ཡུལ་མཚུངས་ཕྱིན། སྒྲ་དོན་གྱི་ཟུར་ཡན་ཆད་གཅིག་ཤོས་ལ་གང་ཡོད་གཅིག་ཤོས་ལ་ཡོད་པར་བར་བཀབ་ཅིའང་མི་དགོས་པའི་ཕྱིར་རོ། །དེས་ན། རཏྣ་ཞེས་པ་དཀོན་མཆོག་ཏུ་བསྒྱུར་བ་ནི། བོད་དུ་དམ་ཆོས་མ་དར་གོང་དུ་དཀོན་མཆོག་གི་བརྡ་མེད་པ་ལ་ལོ་ཙཱ་བས་རིན་ཆེན་དུ་བསྒྱུར་ན་དབྱིག་གི་མཆོག་དང་ཐུན་མོང་དུ་འགྱུར་བའི་ཕྱིར་ཐུན་མོང་མིན་པའི་དོན་མཚོན་པར་འདོད་ནས་ལུང་དང་སྦྱར་ཏེ་དཀོན་པ་དང་སྒྲ་དོན་དང་སྦྱར་ནས་མཆོག་ཅེས་བསྡེབས་ནས་མིང་གཅིག་ཏུ་མཛད་པ་ཡིན་ནོ། །དེ་ལྟ་ན་དཀོན་ཅོག་ཅེས་འདོན་པར་རུང་ངམ་ཞེ་ན། དེ་ལྟར་ཤིན་ཏུ་རུང་སྟེ་དཀོན་ཅོག་ཅེས་མིང་གཅིག་ཏུ་བྱེད་པའི་ཚེ་མཆོག་གི་སྒྲ་མིང་མཐར་འགྱུར་བས་ཕོས་ཕོའི་མིང་མཐའ་དྲང་བའི་ཕྱིར་སྔོན་འཇུག་མོ་ཡིག་ཕྱིས་ནས་མིང་གཞིའི་མ་ནིང་རང་སྡེའི་ཕོ་ཡིག་ཏུ་བསྒྱུར་བར་ཟད་ཀྱི་དོན་བསྒྱུར་བ་མ་ཡིན་པའི་ཕྱིར། ལེགས་སྦྱར་ལ་ཏྲི་ཏི་སྲྀདུ་བསྒྱུར་བ་བཞིན་ནོ། །དེས་ན་དཀོན་པ་དང་མཆོག་གི་སྒྲ་དོན་ལུང་ལ་བརྟེན་ནས་བཤད་དུ་ཡོད་པའི་ཕྱིར་དཀོན་མཆོག་ཅེས་འདོན་པ་འཐད་ཀྱི་དཀོན་ཅོག་ཅེས་མི་རུང་ངོ་ཟེར་བའང་གནད་འདི་མ་རྟོགས་པའི་ཅལ་ཅོལ་ཙམ་མོ། །རཏྣའི་སྒྲ་མཆོག་ལ་མི་འཇུག་པའང་མ་ཡིན་ཏེ། རང་རིགས་ཀྱི་མཆོག་ལ་འཇུག་པའི་ཕྱིར་ཏེ། རཏྣ་རང་རིགས་གཙོ་བོ་ལ། །ཞེས་འབྱུང་བའི་ཕྱིར། རཏྣའི་སྒྲ་ལ་མཆོག་གི་སྐད་དོད་དངོས་སུ་མེད་ཟེར་བ་དང་། ཙནྡྲ་པའི་ཨུཎ་སོགས་སུ་རཏྣ་ནི་གང་མཆོག་ཏུ་གྱུར་པ་དེའོ། །ཞེས་འབྱུང་བ་ལུང་འདྲེན་པའང་འགལ་བ་ཡིན་ཏེ། རཏྣཱི་སྒྲ་མཆོག་གི་སྐད་དོད་དངོས་སུ་འགྱུར་བར་ལུང་དེ་ཉིད་ཀྱིས་གྲུབ་པའི་ཕྱིར། །དཀོན་ཅོག་ཅེས་པ་བོད་ཀྱི་འདོད་རྒྱལ་ཡིན་ཟེར་བའང་མི་འཐད་དེ། དེ་བོད་དུ་ཐོག་མ་ནས་མ་གྲགས་ཤིང་མཁས་པ་དག་གིས་དོན་དང་བསྟུན་ནས་རྒྱུ་མཚན་དང་བཅས་པར་གསར་དུ་བཏགས་པའི་མིང་ཡིན་པའི་ཕྱིར་རོ། །དེ་བཞིན་དུ་རིན་པོ་ཆེའི་སྒྲ་བསྡུས་པས་རིན་ཅེན་ཞེས་པ་ནི་བོད་བརྡ་རྙིང་པ་ཡིན་ཞིང་རིན་ཐང་ཆེ་བའི་དོན་ཡང་ཡིན་མོད། དེའི་སྐད་དོད་ཀྱང་རཏྣ་ཡིན་པས་དེ་ལ་རིན་ཆེ་བའི་སྒྲ་བཤད་བྱེད་དུ་མེད་ཀྱང་དེ་དག་གི་འཇུག་ཡུལ་རང་རིགས་ཀྱི་གཙོ་བོ་ཡིན་པར་མཚུངས་པས་རིན་ཆེན་དུ་བསྒྱུར་བ་མི་འགལ་ཞིང་རིན་ཐང་ཆེ་བའི་དོན་ཉིད་མི་གཏོང་བ་ཕོས་ཕོའི་མིང་མཐའ་དྲང་བའི་དགོས་པས་རིནད་ཅེན་དུ་གྲུབ་པའང་ཡིན་ནོ། །བོད་སྐད་རིན་ཐང་ཆེ་བ་ཙམ་རང་རིགས་ཀྱི་མཆོག་ལ་མི་འཇུག་པའང་མ་ཡིན་ཏེ། དཔེར་ན། སྐྱེས་བུ་འགང་ཆེན་བུད་མེད་འགང་ཆེན་ནོར་འགང་ཆེན་ཞེས་གྲོང་པ་ལ་གྲགས་པའང་རིན་ཐང་ཆེ་བའི་ཚིག་ཙམ་ཡིན་པ་བཞིན་ནོ། །ཐབས་ཅིག་གམ། ལྷནད་ཅིག་གི་སྒྲའང་། དེའི་སྐད་དོད་ལ་གྲངས་གཅིག་གི་དོན་མེད་རུང་། བོད་བརྡ་རྙིང་པ་ཕྱོགས་གཅིག་གམ་ཆབ་གཅིག་གམ་ཚོམ་གཅིག་གི་དོན་ཅན་ཡིན་པས་གྲངས་ཀྱི་སྒྲར་ངེས་པ་དང་། ཡུངས་ཀར་ཞེས་པའང་ཡུངས་དཀར་ནག་གི་ཟླས་ཕྱེ་བའི་ཡུངས་ཞི་དཀར་པོ་ཡིན་པས་དཀར་ཞེས་པ་ཁ་དོག་ཉིད་དུ་གོར་མ་ཆག་པས་དེ་དག་གི་གཅིག་དང་དཀར་ལ་འཕུལ་བྱེད་དོར་བའང་མིང་མཐའ་འདྲེན་ཚུལ་ཉིད་དོ། །རྒྱུ་མཚན་འདིས། སྐད་དོད་དང་བོད་སྐད་གཉིས་ཀ་མཐུན་པའི་སྒོ་ནས་གྲངས་སུ་ངེས་པ་ལནད་གཅིག་ལྟ་བུ་ལའང་ག་འཕུལ་མི་འབྱུང་བའི་གནད་ཀ་དང་། སྐད་ཅིག་གི་ད་ཡིག་འབྱིད་མི་དགོས་པ་སོགས་ཀྱང་ཤེས་པར་འགྱུར་རོ། །གཞན་ཡང་རྒྱ་གར་ཞེས་པ་རྒྱ་ལས་ལོགས་སུ་གར་བའི་དོན་ཡིན་ཞེས་འཆད་ཅིང་རྒྱ་དཀར་པོའི་དོན་དུ་འདོད་པ་རྣམས་ལ་གཏི་ཐུག་ལུང་མེད་དུ་རྩི་བར་མཛད་ཀྱང་། ལེགས་པར་བརྟགས་ན་ཅིར་འགྱུར་མི་ཤེས་ཏེ། རྒྱ་ནག་པོ་ཞེས་པ་ཡུལ་དེའི་མི་རྣམས་ཞྭ་གོས་སོགས་ནག་པོ་ཤས་ཆེ་བ་ལས་གྲགས་ཤིང་གཅིག་ཤོས་དེ་ལས་བཟློག་པའི་ཕྱིར། རྒྱ་ནག་གི་ཟླས་དྲངས་པའི་རྒྱ་དཀར་པོ་ཞེས་བོད་དུ་གྲགས་པར་ཟད་མོད། འོན་ཀྱང་མིང་མཐའ་འདྲེན་ཚུལ་གྱིས་སྔོན་འཇུག་མ་ནིང་ད་ཡིག་ཕྱིས། མིང་གཞི་རང་སྡེའི་མོ་ཡིག་ཏུ་བར་སྒྱུབས་རྒྱ་གར་ཞེས་གྲུབ་པར་འཁུམས་པས་སོ། །དེ་བཞིན་དུ་ཀླད་ཀོར་དང་། སྟོད་ཀོར་དང་། པད་ཀོར་སོགས་ཀྱང་སྐོར་བའི་དོན་ལ། སྔ་མའི་རྗེས་འཇུག་གི་དབང་ལས་མགོ་མོ་ཡིག་ཡིན་པས་ཕྱིས་པ་སྟེ་སྐོར་བའི་སྐད་དོད་ཡོད་མེད་རྩད་གཅོད་མི་དགོས་ཤིང་ཐོ་སྐོར་ཉེ་སྐོར་སོགས་ལ་ས་མགོ་ངེས་པར་སྦྱར་དགོས་པ་ལྟ་བུའང་གོ་བར་བྱའོ། །དེས་ན་འདི་འདྲའི་རིགས་མིང་མཐའ་རྟགས་མཚུངས་འདྲེན་ཚུལ་སྔོན་གྱི་བརྡ་རྙིང་ལ་ཤིན་ཏུ་མང་བ་ཞིག་ཡོད་པ་འདྲའང་གསར་བཅད་ཀྱི་ཞུས་དག་མངས་པས་ད་ལྟ་ཕལ་ཆེར་ནུབ་པར་གདོན་མི་ཟ་བས་དཔེར་བརྗོད་ཀྱང་ཆེར་མི་སྣང་ལ། འདིས་ཐམས་ཅད་ལ་རིགས་འགྲེ་སྦྱར་ཆོག་པའང་མིན་པར་མངོན་ཏེ། འདི་རིགས་མིང་མཐའ་འདྲེན་ཚུལ་རྟགས་མཚུངས་བརྗོད་བདེ་མི་བདེ་སོགས་དང་བསྟུན་པའི་ཚིག་སྡུད་ལས་བྱུང་བའི་དམིགས་བསལ་གྱི་ཡི་གེའི་རྣམ་འགྱུར་ཞིག་ཏུ་མངོན་པའི་ཕྱིར་རོ། །དེས་ན། པད་ཅེས་པའི་ད་ཡིག་ཕོ་ཡིན་པས་ས་མགོ་མི་འཐོབ་ཅེ་ནའང་མི་འཐད་དེ། སྒྲུབ་སྐོར་དང་བཤད་སྒྲུབ་དང་མཛད་སྤྱོད་སོགས་མཐའ་ཡས་པ་ཞིག་ལ་ས་མགོ་མི་ཐོབ་པར་ཐལ་བའི་ཕྱིར་རོ། །ཞེས་ཟེར་བའང་སྙིང་པོས་དབེན་པར་རྟོགས་སོ། །


རྣམ་དབྱེ་སོགས་སྤྱིར་འདྲེན་ཚུལ།

https://bodyiglobjong.com/audio/rtak-juk-pg/Takjuk_PG-27A-text.mp3

གཉིས་པ་རྣམ་དབྱེ་སོགས་འདྲེན་ཚུལ་ལ། སྤྱིར་འདྲེན་ཚུལ་དང་། ནང་གསེས་འཇུག་ཚུལ་བཤད་པ་གཉིས།

དང་པོ་ནི།

མིང་མཐའ་དེ་དག་ཉིད་ཀྱིས་ནི། །
དེ་ཉིད་རང་གི་སྒྲ་མཐུན་པའི། །
ཆོས་དངོས་ལས་དང་བྱེད་པ་དང་། །
སྦྱིན་དང་འབྱུང་ཁུངས་འབྲེལ་བ་དང་། །

གནས་དང་བོད་པའི་སྒྲ་ཡང་དྲང་། །
གཞན་ཡང་སླར་བསྡུ་ལྷག་བཅས་དང་། །
འབྱེད་སྡུད་བསྣན་དང་བདག་པོ་དང་། །
དགག་སྒྲུབ་རྒྱན་དང་དུས་ལའང་འཇུག།
དེ་དག་སྔ་ཤུགས་འདྲེན་པས་འབྱུང་། །

ཞེས་པས་བསྟན་ཏེ། བཤད་མ་ཐག་པའི་མིང་མཐའ་སྔ་ཕྱི་དེ་དག་ཉིད་ཀྱིས། མིང་མཐའ་དེ་དག་ཉིད་རང་གི་རྟགས་མཚུངས་པའམ་བརྗོད་པ་བདེ་བས་སྒྲ་མཐུན་པར་གྱུར་པའི་རྣམ་དབྱེ་དང་པོ་ཆོས་དངོས་ཏེ་ངོ་བོ་ཙམ་བརྗོད་པ་དང་། གཉིས་པ་ལས་སུ་བྱ་བ་དང་། གསུམ་པ་བྱེད་པ་པོའམ་བྱེད་པ་ཙམ་དང་། བཞི་པ་སྦྱིན་པའི་ཡུལ་གྱིས་མཚོན་ནས་ཆེད་དུ་བྱ་བ་དང་། ལྔ་པ་འབྱུང་ཁུངས་དང་། དྲུག་པ་འབྲེལ་བ་དང་། བདུན་པ་གནས་གཞི་དང་། བརྒྱད་པ་བོད་པའི་སྒྲ་རྣམས་ཀྱང་དྲང་བར་བྱ་ཞིང་། དེ་བཞིན་དུ་གཞན་ཡང་རྣམ་དབྱེའི་ཡན་ལག་ཏུ་གྱུར་པའམ་མ་གྱུར་པའི་ཚིག་ཕྲད། སླར་བསྡུ་དང་། ལྷག་བཅས་དང་། འབྱེད་སྡུད་དང་། བསྣན་པ་དང་། བདག་པོ་དང་། དགག་པ་དང་། སྒྲུབ་པ་དང་། ཚིག་རྒྱན་དང་། དུས་ཏེ་ཚེ་སྐབས་ལ་འཇུག་པའི་སྒྲ་ལ་སོགས་པ་དེ་དག་རྣམས་ཀྱང་སྔ་མ་མིང་མཐའི་ཤུགས་ཀྱིས་འདྲེན་པར་བྱེད་པ་ན་སྦྱོར་ཚུལ་ལེགས་པར་འབྱུང་བ་ཡིན་ནོ། །ཞེས་སོ། །དེ་རྣམས་ཀྱི་དཔེར་བརྗོད་པ་ནི་སུམ་ཅུ་པའི་སྐབས་སུ་རྒྱས་པར་སྨོས་ཟིན་པ་དང་གཤམ་དུའང་ཕྱོགས་ཙམ་འཆད་པར་འགྱུར་བས་འདིར་མི་སྤྲོ་ཞིང་། སྐབས་འདིར་སྒྲ་མཐུན་ཞེས་པའི་དོན་རྟགས་མཚུངས་ཁོ་ན་ལ་ཕལ་ཆེར་གྱིས་བཞེད་ཀྱང་རྣམ་དབྱེ་དང་ཕྲད་སོགས་རྟགས་མཚུངས་ཁོ་ནས་འདྲེན་པར་མ་ངེས་ཤིང་གཙོ་བོར་བརྗོད་བདེ་བའི་སྒྲ་མཐུན་འདྲེན་པ་ཤས་ཆེ་བས་སྣང་བ་དང་། སུམ་ཅུ་པར། དང་པོ་གཉིས་ལ་དང་པོ་མཐུན། །གསུམ་ལྔ་བཅུ་ལ་ཀྱ་དང་སྦྱར། །བདུན་པ་ཉིད་ལ་བདུན་པ་སྟེ། ། ལྷག་མ་རྣམས་ལ་གྱ་སྦྱར་བ། །དེ་དག་ཨི་སྦྱར་འབྲེལ་བའི་ས། །ཞེས་སྒྲ་མཐུན་ཚུལ་གསལ་བར་གསུངས་པའང་། ད་བ་ས་ང་རྣམས་ཀྱི་མཐར་རྟགས་མཚུངས་འདྲེན་པ་འགྲིག་ཀྱང་གཞན་རྣམས་བརྗོད་བདེ་བ་ཙམ་ལ་དགོངས་པར་སྣང་བས། རྒྱུ་མཚན་འདི་རྣམས་དང་སྦྱར་ན་ཁོ་བོའི་འགྲེལ་ཚུལ་འདི་ཉིད་ལེགས་བཤད་དུ་རྟོགས་པར་འགྱུར་རོ། །


ནང་གསེས་འཇུག་ཚུལ་མདོར་བསྟན་པ།

https://bodyiglobjong.com/audio/rtak-juk-pg/Takjuk_PG-28A-text.mp3

གཉིས་པ་ནང་གསེས་ཀྱི་འཇུག་ཚུལ་འཆད་པ་ལ། མདོར་བསྟན། རྒྱས་བཤད་གཉིས་ལས།

དང་པོ་ནི།

དེ་དག་ནང་གསེས་གང་འཇུག་པ། །
མཐར་སྦྱར་འོག་མའི་མིང་དོན་ལས། །

ཞེས་པ་སྟེ། དེ་ལྟར་རྣམ་དབྱེ་དང་ཚིག་ཕྲད་དེ་དག་གི་ནང་གསེས་གང་དང་གང་ཞིག་འཇུག་པ་ནི་གཙོ་བོར་རྣམ་དབྱེའམ་འཕྲད་དང་བཅས་པའི་མིང་ཚིག་དེའི་མཐར་སྦྱར་རྒྱུའི་མིང་དོན་འོག་མ་ལས་ཤེས་པར་བྱའོ། །ཞེས་སྤྱིར་བསྟན་པའོ། །


རྒྱས་བཤད་ལ་རྣམ་དབྱེའི་ནང་གསེས་གང་ཞིག་འཇུག་པ།

https://bodyiglobjong.com/audio/rtak-juk-pg/Takjuk_PG-29A-text.mp3

གཉིས་པ་རྒྱས་བཤད་ལ་གཞུང་དོན་དང་། འཕྲོས་དོན་ནོ། །དང་པོ་ལ། རྣམ་དབྱེའི་ནང་གསེས་གང་ཞིག་འཇུག་པ་དང་། འཕྲད་ཀྱི་ནང་གསེས་གང་ཞིག་འཇུག་པ་གཉིས།

དང་པོ་ནི།

སྤྱི་འཇུག་ཡོད་དམ་བྱེད་པ་ཡོད། །
དེ་བཞིན་ཆེད་བྱེད་རྟེན་བྱེད་དང་། །
ལས་བྱ་བླང་བྱ་བསྒྲུབ་པར་བྱ། །
སྔོན་དུ་འོས་པ་གནས་པའམ། །

https://bodyiglobjong.com/audio/rtak-juk-pg/Takjuk_PG-29B-text.mp3

ཞེས་པས་བསྟན་ཏེ། དེ་ལ་རྣམ་དབྱེའི་ནང་གསེས་གང་དང་གང་འཇུག་པ་ནི་རྣམ་དབྱེ་སྦྱར་སའི་མིང་བདུད་རྩི་ལྟ་བུ་ལ་དེའི་རྗེས་སུ་སྤྱི་ལ་འཇུག་པའི་སྒྲ་གང་ཞིག་ལྟ་བུ་ཡོད་ན་མིང་སྔ་མ་ལ་རྣམ་དབྱེ་དང་པོ་འཇུག་པ་ཡིན་ཡང་བོད་སྐད་ལ་མིང་རྐྱང་དང་རྣམ་དབྱེ་དང་པོ་སོ་སོར་མཚོན་མི་ནུས་པས་མིང་རྐྱང་དེ་གར་གནས་པ་བདུད་རྩིས་གང་ཞིག་ལྟ་བུར་འགྱུར་བ་དང་། མིང་དེའི་མཐར་འཚོ་བར་བྱེད་ལྟ་བུ་བྱེད་པའི་སྒྲ་ཡོད་ན་རྣམ་དབྱེ་གསུམ་པ་འཇུག་པས་བདུད་རྩིས་འཚོ་བར་བྱེད། ཅེས་པར་འགྱུར་བ་དང་། དེ་བཞིན་དུ་སྦྱར་ཏེ་མིང་དེའི་མཐར་ཆེད་དུ་བྱེད་པའི་སྒྲ་མོས་པ་ལྟ་བུ་ཡོད་ན་རྣམ་དབྱེ་བཞི་པ་འཇུག་པས་བདུད་རྩི་ལ་མོས་པ་ཞེས་སུ་འགྱུར་བ་དང་། བརྟེན་ལྟ་བུ་རྟེན་བྱེད་ཀྱི་སྒྲ་ཡོད་ན་བདུན་པ་འཇུག་པས་བདུད་རྩི་ལ་བརྟེན་བཅས་དང་། བསྒྱུར་ལྟ་བུ་ལས་སུ་བྱ་བའི་སྒྲ་ཡོད་ན་གཉིས་པ་ཐོབ་པས་བདུད་རྩིར་བསྒྱུར་ཅེས་དང་། བླང་བར་བྱ་ལྟ་བུ་བླང་བྱའི་སྒྲ་ཡོད་ན་ལྔ་པ་འཇུག་པས་བདུད་རྩི་ལས་བླང་བར་བྱ་ཞེས་དང་། བསྒྲུབ་བྱ་རྒྱ་མཚོ་ལྟ་བུའི་སྒྲ་ཡོད་ན་དྲུགཔ་འཇུག་པས་བདུད་རྩིའི་རྒྱ་མཚོ་ཞེས་དང་། སྔོན་དུ་འབོད་པར་འོས་པའི་མིང་བདུད་རྩི་མ་ལྟ་བུ་ཡོད་ལ་དེ་ལའང་ལས་བཅོལ་རྒྱུ་ལྟ་བུ་འབོད་པར་འོས་པའི་དོན་ཡོད་ནའང་རྣམ་དབྱེ་དང་པོ་འཇུག་ཅིང་བོད་པ་གསལ་བྱེད་ཀྱི་སྒྲའང་སྦྱར་བར་བྱ་སྟེ། བདུད་རྩི་མ་ཀྱེ་བདག་ལ་འཆི་མེད་སྩོལ། །ཞེས་པར་འགྱུར་བ་སོགས་ཤེས་པར་བྱའོ། །ཞེས་པའོ། །འམ་ཞེས་པ་ནི་ཕྱི་མ་དང་སྦྲེལ་བའི་ཕྱིར་སྡུད་པའི་ཚིག་ཕྲད་དོ། །དེ་དག་ལ་དཔེར་བརྗོད་གཞན་ཡང་། མིང་མཐའ་ཙམ་གྱིས་རྣམ་དབྱེ་དྲངས་པ་དང་། མིང་མཐས་མིང་མཐའ་གཞན་དྲངས། དེས་རྣམ་དབྱེ་དྲངས་པའི་དབྱེ་བས་སོ་སོར་གཉིས་གཉིས་ཏེ། ལྷ་གང་། རྟག་པ་གང་། ལྷས་སྲུང་། དཀོནད་ཅོག་གིས་སྐྱོབ། འཚོལ་དུ་འགྲོ། སློང་བ་ལ་སྦྱིན། ཤིང་ལ་གནས། བརྟན་པ་ལ་གནས། ཆུར་འཆུ། གསལ་བར་བྱེད། ལས་ལས་འབྲས་བུ་འབྱུང་། བདེ་བ་ལས་དགའ་བ་སྐྱེ། གསེར་གྱི་བུམ་པ། རྟག་པའི་གོ་འཕང་། ཞེས་སོགས་རྒྱ་ཆེར་སྦྱར་བར་བྱའོ། །དེ་ལྟར་འདིར་གཉིས་པ་བཞི་པ་དྲུག་པ་བརྒྱད་པ་རྣམས་ཀྱི་འཇུག་དོན་མ་གཏོགས་པའི་སྤྱི་འཇུག་དང་བྱེད་པ་སོགས་གསུངས་པ་ནི་རྣམ་དབྱེ་དེ་རྣམས་ཀྱི་འཇུག་དོན་ཕྱོགས་རེའི་ཆ་ནས་དཔེར་བརྗོད་པའི་ཆེད་དུ་གསུངས་པ་ཡིན་གྱི་མཐའ་དག་པ་ནི་མ་ཡིན་ཏེ་དེ་དག་ཏུ་མི་གཏོགས་པའི་འཇུག་དོན་གཞན་ཡང་ཡོད་པའི་ཕྱིར་རོ། །དཔེར་ན། བདུད་རྩི་ཞེས་པའི་མིང་མཐར་ངེས་གཟུང་སོགས་ཀྱི་སྒྲ་ཡོད་ནའང་སྔ་མར་དང་པོ་འཇུག་པས་མིང་རྐྱང་ཉིད་དུ་གནས་པ། བདུད་རྩི་དེ། བདུད་རྩི་འདི་ལྟ་བུ་དང་། མིང་སྔ་མ་དེས་བསྒྲུབ་པར་བྱ་བའི་མིང་དོན་འོག་ཏུ་གནས་པ་ལ་སྔ་མར་བྱེད་པ་པོ་དང་མཚུངས་པའི་རྒྱུ་མཚན་གྱིས་གསུམ་པ་འཇུག་པ། བརྗིད་པས་ཉི་མ་དང་མཚུངས། དུ་བའི་རྟགས་ཀྱིས་མེ་ཡོད་པར་གྲུབ། ལྟ་བུ་དང་། མིང་མཐར་དེ་ལས་བྱུང་བའི་སྒྲའམ། དགར་བྱའི་སྒྲའམ། བསྒྲུབ་བྱའི་སྒྲ་ཡོད་ན་འབྱུང་ཁུངས་སོགས་ཀྱི་ལྔ་པ་འཇུག་པ། ས་གཞི་ལས་མྱུ་གུ་འཁྲུངས། རྒྱ་མཚོ་ནས་རིན་པོ་ཆེ་འབྱུང་། ཚངས་པ་ལས་སངས་རྒྱས་ཁྱད་པར་འཕགས། ནག་པ་ལས་སྲིད་སྒྲུབ་འཕོང་སྐྱེན། མི་རྟག་པ་ལས་དངོས་པོར་གྲུབ། ལྟ་བུ་དང་། མིང་མཐར་རྟེན་བྱེད་ཀྱི་སྒྲ་དངོས་མ་ཡིན་ཡང་རྟེན་བྱེད་ལྟར་སྣང་བའི་བྱ་བའི་ཚིག་ལ་སོགས་པ་ཡོད་པ་འགའ་ཞིག་ལའང་བདུན་པ་འཇུག་པ། མཛུབ་རྩེར་གླང་ཆེན་མཐོང་། མཚོན་ཁར་བསད། ལྟ་བུ་སྟེ་འདིས་མཚོན་ནས་འཇུག་དོན་དང་སྦྱོར་ཚུལ་གཞན་ཡང་རྒྱས་པར་རྟོགས་པར་བྱའོ། །

https://bodyiglobjong.com/audio/rtak-juk-pg/Takjuk_PG-29C-text.mp3

སྐབས་འདིར་ཡང་། ཁ་ཅིག་གིས། སྤྱི་འཇུག་གང་ལྟ་བུར་ངོས་བཟུང་ནས་དེས་རྣམས་དབྱེ་འདྲེན་པ་དང་། དྲུག་པ་མ་གཏོགས་པའི་བྱེད་པ་ལ་སོགས་པའི་སྒྲ་རྣམ་དབྱེར་ངོས་བཟུང་ནས་དེས་ཕྱི་ཚིག་འདྲེན་པར་འདོད་པ་ནི་ཤིན་ཏུ་མི་རིགས་ཏེ་གཞུང་དོན་དང་དངོས་སུ་འགལ་བའི་ཕྱིར་ཏེ། མཐར་སྦྱར་རྒྱུའི་འོག་མའི་མིང་དོན་སྤྱི་འཇུག་ནས་བསྒྲུབ་བྱའི་བར་གང་ཡང་རུང་བ་ཡིན་པར་དེ་ལས་མིང་སྔ་མའི་མཐར་རྣམ་དབྱེ་དང་པོ་ནས་དྲུག་པའི་བར་གང་ཡང་རུང་བ་འཇུག་པར་དཀྱུས་གཅིག་ཏུ་གསལ་བར་བསྟན་པ་ལས་ཕྱིན་ཅི་ལོག་ཏུ་སྨྲས་པའི་ཕྱིར། གཞན་ཡང་དེ་ལྟར་འདོད་ན། དེ་དག་ནང་གསེས་གང་འཇུག་པ། །ཞེས་པ་དང་འགལ་ཏེ། སྤྱི་འཇུག་གིས་རྣམ་དབྱེ་འདྲེན་ཟེར་བ་ཙམ་དང་། བྱེད་པ་སོགས་རྣམ་དབྱེས་རང་རང་དང་འབྲེལ་བའི་ཕྱི་ཚིག་འདྲེན་ཟེར་བ་ཙམ་ལས་རྣམ་དབྱེའི་ནང་གསེས་གང་འཇུག་ཕྱོགས་ཙམ་ཡང་མ་བསྟན་པར་ཐལ་བའི་ཕྱིར་རོ། །གཞན་ཡང་ཁྱེད་ལྟར་ན། གཞུང་འདིར་བྱེད་པའི་སྒྲས་བསྟན་པའི་བྱེད་ལས་དེ་བྱེད་པ་པོ་དང་། ཆེད་དུ་བྱེད་པའི་ལས་དེ་ཆེད་དུ་བྱ་བ་དང་། རྟེན་པར་བྱེད་པ་དེ་བརྟེན་བྱ་དང་། ལས་ཀྱི་བྱ་བ་དེ་ལས་བྱ་རྒྱུ་དང་། བླང་བྱ་དེ་གང་ལས་བླང་བའི་གནས་སུ་ཁས་བླངས་པར་སོང་བས། གཞུང་འདི་དང་འགལ་བ་ལྟ་ཅི་སྨོས་ཐ་སྙད་ཀྱི་གཙུག་ལག་ཕྱོགས་ཙམ་ཡང་མ་རྟོགས་པའི་རྫོབ་ཐམས་ཅད་བསྟན་པར་ཟད་དོ། །གཞན་ཡང་སྔོན་དུ་བོད་པ་གནས་པའམ། ཞེས་པར། བོད་པའི་སྒྲ་ཀྱེ་སོགས་སྔོན་དུ་གནས་པས་འབོད་རྒྱུའི་མིང་འདྲེན་པར་འབྲུ་གཉེར་བའང་མི་འཐད་དེ། སྤྱིར་སུམ་ཅུ་པར་འབོད་པའི་སྒྲ་མིང་གི་སྔོན་དུ་སྦྱར་བ་ཤས་ཆེར་བར་གསུངས་ཀྱང་། འདིར་དམིགས་བསལ་དུ་མིང་གི་མཐར་སྦྱར་ཚུལ་གསུངས་པ་ཡིན་པའི་ཕྱིར། གྲུབ་སྟེ་འདིར་མིང་མཐའི་རྗེས་འཇུག་གིས་རྣམ་དབྱེ་བརྒྱད་ཀ་འདྲེན་ཚུལ་འཆད་པའི་སྐབས་ཡིན་པ་གང་ཞིག། སྔོན་དུ་འོས་པ་ཞེས་པའང་གང་ལ་འབོད་པར་འོས་པའི་མིང་སྔོན་དུ་གནས་པ་ལ་དགོངས་པའི་ཕྱིར། ཕྱི་མ་གྲུབ་སྟེ། རྣམ་དབྱེ་གཞན་རྣམས་མཐར་སྦྱར་རྒྱུའི་མིང་དོན་ལ་ལྟོས་དགོས་ཀྱང་བོད་པའི་སྒྲ་དེ་རྣམས་དང་མི་མཚུངས་པའི་དམིགས་བསལ་བསྟན་པའི་ཕྱིར་དེ་ལྟར་གསུངས་པར་ངེས་པའི་ཕྱིར་རོ། །


TangJuk Naga Sangay Tendhar
རྟགས་འཇུག སློབ་དཔོན་པདྨ་རྒྱལ་མཚན་ནས་འགྲེལ་པ་ཆ་ཚང་།
སྦྱོང་བརྡར།

This website is funded by DANIDA through CICED