བསྟན་འཛིན་ཕུལ་བྱུང་།འཛིན་གྲྭ་ལྔ་པ། གྷོ་ཊན་གའུ་སཾ་བྷོ་ཊ་ཉིན་སློབ། རྩོམ་པ་པོ། ཀུན་དགའ་རྒྱལ་མཚན། རི་མོ་བ། ངག་དབང་རྡོ་རྗེ། སྒྱུང་གི་ནང་དོན་སྙིང་བསྡུས། གནའ་སྔ་མོར་ཡུལ་ལུང་ཞིག་ལ་གཡག་ཅིག་ཡོད་པ་དང་གཡག་དེ་ལ་ཞིང་ཁ་རྒྱ་ཆེན་པོ་ཞིག་ཡོད། ཉིན་གཅིག་གཡག་གི་ཞིང་ཁ་འདེབས་པའི་དུས་ལ་སླེབས་པ་རེད། དེ་སྐབས་ཁོ་ལ་རོགས་པ་དགོས་པ་དང་ཁོས་སེམས་ཅན་གཞན་རྣམས་ལ་རོགས་པ་བྱེད་ཐུབ་མིན་སྐད་ཆ་དྲིས་པ་རེད། ཁོང་ཚོས་སེམས་ཤུགས་ཆེན་པོའི་ངང་ང་ཚོས་མི་བྱེད་ན་སུས་བྱེད་ཀྱི་རེད་ཞེས་ལབ་ནས་ཞིང་ལས་བྱ་རྒྱུར་རོགས་རམ་བྱས་པ་རེད། གཡག་ལ་རོགས་རམ་གང་དགོས་པ་དེ་ལ་སེམས་ཅན་གཞན་རྣམས་ཀྱིས་ཀྱང་རོགས་རམ་བྱས་པ་རེད། ཞིང་ཁ་དེའི་ནང་སེམས་ཅན་མཛོ་དང་རྟ། གླང་གསུམ་ཡོད། གཡག་དང་སེམས་ཅན་རྣམས་ཀྱིས་ཤུགས་ལས་ཡག་པོ་བྱས་པ་ལ་བརྟེན་ནས་སྟོན་ཐོག་རྣམས་ཧ་ཅང་ལེགས་པོ་སྨིན་པ་དང་དེ་རྗེས་སྟོན་ཐོག་རྣམས་བརྔས་པ་རེད། སྟོན་ཐོག་རྣམས་བརྔས་ནས་འབྲུ་རྣམས་བཀྲུས་ནས་ཡོས་བརྔོས་པ་རེད། ཞིང་ལས་ཆ་ཚང་ལེགས་པོ་འདེབས་པའི་རྗེས་ལ་གཡག་གིས་གྲོགས་པོ་རྣམས་ལ་ད་ལོ་ཁྱེད་རྣམས་ཀྱིས་སྟོན་ཐོག་འདེབས་ལས་ལ་རོགས་རམ་བྱས་པ་ལ་ཐུགས་རྗེ་ཆེ་ཞུས་པ་རེད། གྲོགས་པོ་རྣམས་ཀྱིས་ང་ཚོ་ཚང་མ་གྲོགས་པོ་ཡིན་དུས་ང་ཚོ་ནང་ཁུལ་ལ་རོགས་རམ་བྱེད་དགོས་པ་དེ་ང་རང་ཚོའི་ལས་འགན་ཡིན་ཙང་ཐུགས་རྗེ་ཆེ་ལབ་དགོས་པ་མ་རེད་ཅེས་གསུངས། ཉིན་ཞིག་གཡག་གིས་རྩམ་པ་ཞིམ་པོ་མར་བླུགས་ནས་བཟོས་པ་དང་ཁོའི་གྲོགས་པོ་རྣམས་ཀྱི་སྤགས་ལ་རོལ་ནས་ཞིམ་ཐག་ཆོད་ནས་བཟས་པ་རེད། ཉིན་ཤས་རྗེས་ལ་ཁོང་ཚོའི་གྲོགས་པོ་གླང་ན་བའི་སྐབས། ཁོའི་གྲོགས་པོ་རྣམས་ཐུག་ཏུ་སླེབས་ནས་གླང་དགའ་ཐག་ཆོད་ནས་གྲོགས་པོ་རྣམས་ལ་ཐུགས་རྗེ་ཆེ་ཞུས་པ་རེད། སྒྲུང་འདི་བཀླགས་ནས་སེམས་དགའ་དགོས་པ་དེ་ནི། ཁོ་ཚོས་ག་དུས་ཡིན་ཡང་སུ་ལ་རོགས་རམ་དགོས་དུས་ཧ་རུབ་སྦ་རུབ་བྱས་ནས་འཚོ་བ་སྐྱེལ་གྱི་ཡོད་དུས། གྲོགས་པོ་ནང་ཁུལ་ལའང་བརྩེ་བ་དང་ཡིད་ཆེས་ཆེ་རུ་འགྲོ་ཡི་ཡོད་པ་ཤེས་དུས་སེམས་པ་དགའ་པོ་བྱུང་སོང་། དེ་འདྲ་སོང་ཙང་། སྒྲུང་འདི་ནས་གྲོགས་པོ་ནང་ཁུལ་ལ་རྔན་པ་བཟའ་རོགས་གཅིག་པུར་མིན་པ་ཕན་ཚུན་དཀའ་ངལ་འཕྲད་པའི་སྐབས་ལ་ཡང་རོགས་པ་བྱེད་དགོས་པ་ཤེས་སོང་།  ཚིག་གསར། ཧ་རུབ་སྦ་རུབ། བརྩེ་གདུང་། ཞིམ་ཐག་ཆོད། སྟོན་ཐོག བརྔོས། སྨིན།

  བསྟན་འཛིན་ཆོས་དབང་།འཛིན་གྲྭ་བཞི་པ། གྷོ་ཊན་གའུ་སཾ་བྷོ་ཊ་ཉིན་སློབ།   རྩོམ་པ་པོ། བྲག་སྣེ་མིང་ཆུང་། སྒྲུང་ནང་གི་མི་སྣ་གཙོ་བོ། ཕག་ཕྲུག་གསུམ་དང་སྤྱང་ཀི། སྒྲུང་གི་ནང་དོན་སྙིང་བསྡུས། སྔ་མོ་ཞིག་ལ་ཕག་ཕྲུག་གསུམ་ནགས་ཚལ་དཀྱིལ་དུ་གནས་ཀྱི་ཡོད། ཉིན་ཞིག་ཁོ་ཚོས་དེ་རིང་ཁང་པ་ཞིག་བཟོ་རྒྱུ་ཡིན་བསམ་པ་རེད། དེའི་རྗེས་ཁོ་ཚོས་ཁང་པ་ཞིག་བཟོས་བས་ཕག་ཕྲུག་ཆུང་ཤོས་དེས་རྩྭ་ཡི་ཁང་པ་ཞིག་བཟོས་པ་རེད། ཕག་ཕྲུག་འབྲིང་བས་ཤིང་གི་ཁང་པ་བཟོས་པ་དང་རྒན་ཤོས་དེས་རྡོའི་ཁང་པ་ཞིག་བསྐྲུན་པ་རེད། ཉིན་ཞིག་ཁོ་ཚོའི་ཁྱིམ་དུ་སྤྱང་ཀི་ངན་པ་ཞིག་སླེབས་ནས་ཕག་ཕྲུག་ཆུང་ཤོས་དེའི་ཁང་པ་གཏོར་ཏེ་དེད་པ་རེད། དེའི་རྗེས་ཕག་ཕྲུག་ཆུང་ཤོས་དེ་ཕག་ཕྲུག་འབྲིང་བའི་ཁྱིམ་དུ་ཕྱིན་པ་རེད། སྔར་བཞིན་སྤྱང་ཀིས་ཕག་ཕྲུག་འབྲིང་བའི་ཁང་པ་གཏོར་ནས་ཡང་བསྐྱར་ཕག་ཕྲུག་ཆུང་བ་དང་འབྲིང་བ་གཉིས་ཀ་དེད་པ་རེད། མཐའ་མ་དེ་ལ་ཕག་ཕྲུག་ཆུང་བ་དང་འབྲིང་བ་གཉིས་ཀ་ཕག་ཕྲུག་ཆེ་བའི་ཁྱིམ་དུ་ཕྱིན་པ་རེད། དེའི་རྗེས་སྤྱང་ཀིས་འབད་བརྩོན་ག་ཚོད་བྱས་ནའང་ཕག་ཕྲུག་ཆེ་བའི་ཁང་པ་གཏོར་མ་ཐུབ་པ་རེད། ཡིན་ཡང་སྤྱང་ཀི་དེ་ཞེ་སྡང་ལངས་ཏེ་ཁང་པའི་དུད་ཁུང་ནས་འཛུལ་དགོས་བསམ་པ་དེ་ཕག་ཕྲུག་ཆུང་བས་དེ་ཤེས་ནས་ཐབ་ཁུང་ནས་མེ་སྤར་བས་རི་སྤྱང་དེའི་རྔ་མ་མེས་ཚིག་པ་རེད། དུས་དེ་ནས་བཟུང་སྤྱང་ཀིས་ཕག་ཕྲུག་གསུམ་ལ་ཐུབ་ཚོད་བྱ་རུ་ཡོང་མི་ཕོད་པ་རེད། བསླབ་བྱ། གལ་ཏེ་ང་ཚོས་གནས་སྐབས་ཀྱི་བདེ་བ་ལ་མགོ་འཁོར་ནས་བསྡད་ན་ཕྱིས་སུ་དཀའ་ངལ་ཕྲད་སྐབས་གདོང་ལེན་བྱེད་མི་ཐུབ་བ་ཤེས་སོང་། ཚིག་གསར། བསྐྲུན། རང་རྐྱ། སྐྱེལ། སྟོབས་ཆེན། རག་ལས། སོག་མ། འབྲིང་བ། མཁྲེགས་པོ། ལེགས་སྒྲུབ། ཁྲེལ་དགོད།

ཚེ་རིང་དབྱངས་འཛོམས།འཛིན་གྲྭ་བཞི་པ། སཾ་བྷོ་ཊ་ཀེ་ལཱཤ་པུ་ར། རྩོམ་པ་པོ། སུ་ཏིབ། སྒྲུང་གི་མི་སྣ་གཙོ་བོ། ཞིམ་ཕྲུག་གསུམ། སྒྲུང་གི་ནང་དོན་སྙིང་བསྡུས། སྔོན་ཞིམ་ཕྲུག་དཀར་པོ་དང་། ནག་པོ། ཐལ་མདོག་གསུམ་ཡོད། ཁོ་ཚོས་ཙི་ཙི་གཅིག་མཐོང་མ་ཐག་དེ་རྗེས་འདེད་བཏང་རྐྱང་བྱས་ནས་ཟས་སུ་ཟ་ཡི་ཡོད། ཙི་ཙིར་རྗེས་འདེད་བྱས་པ་བཞིན་སྦལ་པ་ཞིག་ལའང་དེ་ལྟར་བྱས་རྗེས། སྦལ་པ་དེ་བྲོས་ནས་དུ་ཁུང་ཞིག་ནང་གབ་ནས་བསྡད་པ་རེད། ཡང་ཞི་མི་གསུམ་གྱིས་ཉ་ཞིག་མཐོང་བ་དང་ཉ་དེ་འཛིན་པའི་ཆེད་དུ་ཆུའི་ནང་དུ་མཆོངས་པ་དང་ཉ་ཆུང་དེ་ཡང་ཆུའི་ནང་རྐྱལ་ནས་བྲོས་ཕྱིན་པ་རེད། མཐའ་མ་དེར་ཞིམ་ཕྲུག་གསུམ་གཟུགས་པོ་རློན་པ་དང་གྲོད་པ་སྟོང་པའི་སྒོ་ནས་ནང་དུ་ལོག་དགོས་བྱུང་། སྒྲུང་གི་ཐོག་མར། སྒྲུང་འདི་ཞིམ་ཕྲུག་གསུམ་ངོ་སྤྲོད་བྱས་ཡོད་པ་སྒོ་ནས་འགོ་བཙུགས་པ་དང་། སྒྲུང་གི་བར་དུ། ཞིམ་ཕྲུག་གསུམ་ཟས་འཚོལ་ཐབས་སུ་ཐབས་ཤེས་ཀྱི་རིམ་པ་རྣམས་ངོ་སྤྲོད་བྱས་འདུག མཐའ་མ་དེར། ཞིམ་ཕྲུག་གསུམ་ལ་ཟས་སུ་གང་ཡང་མ་འཐོབ་པའི་སྒོ་ནས་སྒྲུང་དེ་མཇུག་བསྡུས་འདུག བསླབ་བྱ། བསམ་བློ་བཏང་ནས་ལས་ཀ་བྱེད་དགོས་པ་ཤེས་བྱུང་། ཚིག་གསར། རྩམ་ཟོམ། – རྩམ་པ་བླུགས་སའི་སྣོད་ལ་གོ་བ། རྗེས་འདེད། – གཞན་གྱི་རྗེས་སུ་འཇུག་པ། དུ་ཁུང་། – དུ་བ་འཐོན་ས།

གངས་སེམས་མཚོ།འཛིན་གྲྭ་ལྔ་པ། མེས་དབོན་གཙུག་ལག་དཔེ་སྟོན་སློབ་གྲྭ། བོད་ཀྱི་དམངས་ཁྲོད་སྒྲུང་གཏམ། ཤོག་གྲངས། ༢༨ ནང་དོན་སྙིང་བསྡུས། གནའ་སྔ་མོ་བུ་མོ་སྤུན་གསུམ་ཡོད་པ་དེར་མཛོ་མོ་ཞིག་ཡོད། ཉིན་ཞིག་མཛོ་མོ་དེ་རླག་སྐབས་བུ་མོ་ཆེ་བ་དང་འབྲིང་བ་དེ་གཉིས་ཀྱིས་མཛོ་མོ་འཚོལ་དུ་འགྲོ་དུས་བྱིའུ་ཞིག་གིས་བུ་མོ་གཉིས་ལ་སྐད་ཆ་བཤད་དུས་ཁོང་གཉིས་ཀྱིས་བྱིའུ་ལ་རྡོ་དབྱུགས་པ་རེད། དེ་ནས་བུ་མོ་ཆུང་ཤོས་དེ་འགྲོ་བའི་སྐབས་སུའང་བྱིའུ་དེས་སྐད་ཆ་བཤད་པ་རེད། མོས་བྱིའུ་དེ་ཡིས་གང་བཤད་པ་ལྟར་བྱས་ནས་བྱིའུ་དེས་ང་དང་མཉམ་དུ་སྡོད་རོགས་ཞེས་ལབ་དུས་བུ་མོ་ཆུང་བ་དེས་མོས་མཐུན་བྱས་པ་རེད། ཉིན་མང་པོའི་རྗེས་ས་ཆ་དེར་ཁྲོམ་འདུས་ཚོགས་པ་རེད། མོ་དེར་འགྲོ་དུས་རྟ་སྔོན་པོར་གཞོན་པའི་ཕོ་གསར་དེ་ལས་ལྷག་པ་སུ་ཡང་མི་འདུག་བསམས་པ་རེད། ཁྲོམ་འདུས་གྲོལ་རྗེས་རྨོ་མོ་ཞིག་གིས་དེ་རིང་ཁྲོམ་འདུས་དེའི་ནང་གི་ཕོ་གསར་དེ་ཁྱེད་ཀྱི་རོགས་པ་བྱིའུ་དེ་རེད། ཡིད་མ་ཆེས་ན་སང་ཉིན་སྒོ་རྒྱབ་ལ་ཡིབས་ནས་ལྟོས་དང་ལབ་པ་རེད། མོས་སང་ཉིན་དེར་རྨོ་མོ་དེས་ལབ་པ་ལྟར་བྱས་ནས་བསྡད། སྐབས་དེར་བྱིའུ་དེ་བྱ་ཤུབས་ཕུད་ནས་ཕྱིན། དེ་ནས་མོས་བྱ་ཤུབས་དེ་བསྲེགས་ནས་ཁོ་ཕྱིར་ཡོངས་རྒྱུ་བསྒུགས་ནས་བསྡད། དེ་ནས་ཁོ་ཡོང་དུས་བྱ་ཤུབས་སྲེག་པ་ཤེས་ནས་མོ་འགྱོད་པ་སྐྱེས་ནས་ལྷག སྐབས་དེར་རླུང་ཚུབ་བརྒྱབ་ནས་བདུད་མོས་བྱ་ཤུབས་རྒྱལ་བུ་ཁྱེར་ནས་ཕྱིན། དེ་ནས་བཟུང་མོས་བྱ་མི་འདྲ་བ་༡༠༠༠ ཡི་བྱ་སྒྲོ་བཙལ་ནས་བྱ་ཤུབས་གཅིག་བཟོས་ནས་ཁོ་ཕྱིར་ཡོང་རྒྱུར་སྨོན་ལམ་བརྒྱབ་པ་རེད། དེ་ནས་ཁོ་སླེབས་པས་ཁོ་གཉིས་མི་ཚེ་གང་ཚང་མཉམ་དུ་བསྡད་རྒྱུ་རག་པ་རེད། དེ་རིང་ངས་སྒྲུང་འདི་་ཀློག་དུས་ང་ཡི་སེམས་ནང་ནམ་རྒྱུན་དང་མི་འདྲ་བའི་དྲི་བ་ཡ་མཚན་ཞིག་སླེབས་སོང་། གང་ཡིན་ཟེར་ན། དེའི་ནང་དུ་ཡོད་པའི་བྱིའུ་དེ་ནི་བྱིའུ་མ་ཡིན་པ་མིི་ཞིག་རེད་འདུག དེས་ན། རྒྱལ་བུ་དེ་བྱ་ཤུབས་ནང་དུ་ཇི་ལྟར་ཤོང་གི་ཡོད་མེད་དང་། ད་དུང་ཁོ་ལ་འཕུར་ཐུབ་པའི་ནུས་པ་དེ་ཇི་ལྟར་སླེབས་ཡིན་མིན་སོགས་ཀྱི་དྲི་བ་འདྲ་མིན་མང་པོ་ཞིག་སེམས་ནང་ལ་སླེབས་བྱུང་ལ། ལྷག་པར་དུ་ངས་སྒྲུང་དེ་ནི་ཧ་ཅང་གི་ཡ་མཚན་ཅན་ཞིག་རེད་འདུག་བསམས་སོང་། གལ་སྲིད། ཁྱེད་ཚོས་སྒྲུང་དེབ་འདི་བཀླགས་ན་ཁྱེད་ཚོའི་སེམས་ནང་ལའང་ཚོར་བ་དེ་འདྲ་སླེབས་ཀྱི་ཨེ་ཡོད་ན་དྲན་བྱུང་། ཚིག་གསར། སྦུག བྲལ་བ། ཨ་ལོག

བསྟན་འཛིན་དཔལ་འཛོམས།འཛིན་གྲྭ་བཞི་པ། མེས་དབོན་གཙུག་ལག་དཔེ་སྟོན་སློབ་གྲྭ། རྩོམ་པ་པོ། སྐལ་བཟང་དབང་འདུས། ནང་དོན་སྙིང་བསྡུས། ཉིན་ཞིག་ཨ་ཁུ་སྟོན་པ་རང་གི་ཁྱིམ་ནས་ཐོན་ཏེ་ས་སྟོང་ཞིག་གི་སྟེང་ཞིང་ལས་འདེབས་པའི་སྐབས། འདོད་རྔམ་ཆེ་བའི་ས་བདག་ཡོང་ནས་ཁྱེད་དེ་ལ་ཞིང་ལས་བཏབ་ཚེ་ལོ་ཏོག་ཕྱེད་ཀ་ང་ལ་སྤྲད་དགོས་ཞེས་བཤད་པ་རེད། ཨ་ཁུ་སྟོན་པས་ཞིང་ས་འདེབས་པའི་སྐབས་ས་བདག་སར་བཅར་ཏེ། ཞིང་ལས་སྟོན་ཐོག་ནས་རྩེ་མོའམ་རྩ་བ་གང་དགོས་ཞེས་དྲིས། ས་བདག་གིས་ང་ལ་རྩེ་མོ་དགོས་ཞེས་ལན་བརྒྱབ། ལོ་དེར་ཨ་ཁུ་སྟོན་པས་ཞོ་ཁོག་བཏབ་སྟེ་ས་བདག་ལ་ལོ་ཏོག་གང་ཡང་བྱུང་མེད། ལོ་རྗེས་མར་ས་ཞིང་འདེབས་དུས་སུ་ཨ་ཁུ་སྟོན་པས་ས་བདག་སར་བསྐྱར་དུ་བཅར་ཏེ། ད་ལན་རྩེ་མོ་ཡང་ན་རྩ་བ་གང་དགོས་ཞེས་དྲིས་པར། ས་བདག་གིས་ཁྱུག་ཙམ་རིང་བསམ་བློ་ཞིབ་མོ་ཞིག་བཏང་རྗེས་ང་ལ་རྩ་བ་དགོས་ཞེས་བཤད། ལོ་དེར་ཨ་ཁུ་སྟོན་པས་གྲོ་ཡི་སྟོན་ཐོག་བཏབ་སྟེ་ལོ་དེ་ལ་ཡང་ས་བདག་ལ་ལོ་ཏོག་གང་ཡང་བྱུང་མེད། ཡང་རྗེས་ཀྱི་ལོར། ས་ཞིང་འདེབས་དུས་སུ་ཨ་ཁུ་སྟོན་པས་ས་བདག་སར་བཅར་ཏེ་ལོ་ཏོག་རྩེ་མོའམ་རྩ་བ་གང་དགོས་མིན་འདྲི་སྐབས། ས་བདག་གིས་ཧམ་བཤད་ཀྱིས་རྩེ་མོ་དང་རྩ་བ་གཉིས་ཀ་དགོས་ཞེས་བཤད། ཨ་ཁུ་སྟོན་པས་ལོ་དེར་ཨ་ཤོམ་བཏབ་སྟེ་ས་བདག་ལ་སྟོན་ཏོག་གང་ཡང་བྱུང་མེད་སྟབས་འདོད་རྔམ་ཅན་གྱི་ས་བདག་འུ་ཐུག་སྟེ་དེའི་རྗེས་ནས་ཨ་ཁུ་སྟོན་པ་ལ་བརྙས་བཅོས་བྱས་མེད། ཚིག་གསར་ཟུར་འདོན། ལོ་ཏོག བཅར། འདེབས། བསླབ་བྱ། འདོད་རྔམ་ནམ་ཡང་བྱེད་རྒྱུ་མེད། གལ་སྲིད་སོ་སོར་བརྙས་བཅོས་གཏོང་མཁན་བྱུང་ཚེ། ཨ་ཁུ་སྟོན་པ་བཞིན་རིག་པ་བཏང་སྟེ་དཀའ་ངལ་སེལ་ཐབས་གནང་དགོས།

བསྟན་འཛིན་སྨིན་གྲོལ།འཛིན་གྲྭ་བཞི་པ། མེས་དབོན་གཙུག་ལག་དཔེ་སྟོན་སློབ་གྲྭ། རྩོམ་པ་པོ། སྐལ་བཟང་དབང་འདུས། རི་མོ་བ། བསྟན་འཛིན་མེ་ཏོག ཤོག་གྲངས། ༡༢༤ སྒྲུང་གི་ནང་དོན་སྙིང་བསྡུས། གཟའ་ཉི་མའི་ཞོགས་པར་བོད་ལྗོངས་སློབ་གྲྭ་ཆེན་མོའི་དགེ་རྒན་རྣམས་སྤྱན་གཟིགས་ཁང་དུ་ཁྲིད་འདུག ཁོ་ཚོས་དགེ་རྒན་རྣམ་པར་བཟོད་སྒོམ་མེད་པའི་ཐོག་སེམས་ཅན་དེའི་རྗེས་སུ་ག་རེ་ཞེས་སྐད་ཆ་འདྲི་ཡི་འདུག བསླབ་བྱ། བཟོད་སྒོམ་བྱེད་དགོས་པ་དེ་གལ་ཆེ། ཚིག་གསར་ཟུར་འདོན། རྒྱ་སྒོ། སྐུ་ཞབས་དྲི་ངན། རྩོམ་པ་པོ། དེ་ཝེད་ཝ་ལི་ཡམ། བོད་སྒྱུར་བ། བསྟན་འཛིན་ཆོས་སྐྱིད། རི་མོ་བ། དེ་ཝེད་ཝ་ལི་ཡམ། ཤོག་གྲངས། ༢༢༡ སྒྲུང་གི་ནང་དོན་སྙིང་བསྡུས། སྔོན་སྐུ་ཞབས་དྲི་ངན་ལ་ཁྱི་ད་ཆེ་སཱི་ཟེར་བ་ཞིག་ཡོད། ཁོ་ལོ་ཝེ་ཡིས་ཁོར་རོགས་པ་དང་ཁོ་ལ་ཡིབ་ནས་ཤ་སྤྲད་ཀྱི་ཡོད། བསླབ་བྱ། སུ་ཡིན་ནའང་རོགས་པ་བྱེད་དགོས།