བསྟན་འཛིན་དྭངས་སངས། འཛིན་གྲྭ་གསུམ་པ། སཾ་བྷོ་ཊ་ཀེ་ལཱཤ་པུ་རགཞི་རིམ་འོག་མ། འཛམ་གླིང་འདིའི་ནང་དུ་མི་ཚང་མ་ལ་སོ་སོར་མ་འོངས་པར་མི་ཚེའི་སྐྱིད་པོ་དང་དོན་དང་ལྡན་པ་ཡོང་ཕྱིར་དམིགས་ཡུལ་རེ་་ཡོད། དཔེར་ན། དགེ་རྒན། སྨན་ཞབས་པ། ཞིང་པ། ཁ་ལོ་བ། མ་བྱན། དམག་མི། སྨན་པ། ཉེན་རྟོག་པ། སྦྲག་པ། ཚན་རིག་པ། བཟོ་པ། ཚོང་པ། ཚེམ་བུ་བ། སོགས་ཡོད། ང་རང་ཆེན་པོ་ཆགས་ན་ངའི་དམིགས་ཡུལ་ནི་དགེ་རྒན་ཧ་ཅང་ཡག་པོ་ཞིིག་བྱ་རྩིས་ཡོད། ངས་འཛམ་གླིང་འདིའི་ནང་ལས་རིགས་མང་པོ་ཡོད་པའི་ནང་ནས་ལས་རིགས་རྩ་ཆེ་ཤོས་ནི་དགེ་རྒན་མཐོང་གི་འདུག གང་ཡིན་ཟེར་ན། དགེ་རྒན་བཟང་པོའི་ལམ་སྟོན་འོག་ལས་རིགས་གཞན་ཚང་མ་གྲུབ་པ་ལ་ཕན་ཐོགས་བྱེད་ཀྱི་ཡོད། དགེ་རྒན་ལས་རིགས་དེ་དགེ་རྒན་བཟང་པོ་ཞིག་གི་བསྒྲུབས་ན་དགེ་བ་སྟོང་ཕྲག་མང་པོ་གསོག་ཐུབ་ཀྱི་ཡོད། དེ་ལས་ལྡོག་སྟེ་དགེ་རྒན་གྱི་འགན་ཁུར་དང་ལྷག་བསམ་མེད་པ་ཞིག་གནང་ན། དེ་ནི་ཉེས་དམིགས་ཧ་ཅང་ཆེན་པོ་ཞིག་ཡིན། ང་རང་དགེ་རྒན་ཧ་ཅང་བཟང་པོའམ་ཡག་པོ་ཞིག་བྱེད་རྩིས་ཡོད། དགེ་རྒན་གྱི་ལས་རིགས་ནི་རང་ཉིད་སོ་སོ་ཙམ་མ་ཡིན་པར་མི་གཞན་མང་པོ་ཞིག་ལ་ཕན་ཐོགས་སྒྲུབ་ཐུབ་ཀྱི་ཡོད། དགེ་རྒན་ཞིག་གི་ལས་འགན་གཙོ་བོ་ནི་མ་འོངས་པར་སྤྱི་ཚོགས་ནང་དུ་སློབ་ཕྲུག་གི་མདུན་ལམ་བཟང་སྤྱོད་དང་ལྡན་པ་ཞིག་བཟོ་རྒྱུ་དེ་ཡིན། དེང་གི་དུས་ཚོད་ལ་དགེ་རྒན་འཛིན་ཁང་ནང་དུ་ཕེབས་ནས་སློབ་དེབ་གཅིག་པུ་མ་ཡིན་པར། སློབ་ཕྲུག་རྣམས་ལ་ཡ་རབས་བཟང་སྤྱོད་སློབ་དགོས་པ་ནི་ཧ་ཅང་གལ་འགངས་ཆེན་པོ་ཞིག་ཆགས་ཡོད། དགེ་རྒན་དང་པོ་ཕ་མ་དང་། ཕ་མ་གཉིས་པ་ནི་དགེ་རྒན་ཡིན་དུས། དགེ་རྒན་ཟེར་བ་དེ་ཧ་ཅང་རྩ་ཆེ་བ་ལ་ཨང་། མ་འོངས་པར་ང་རང་དངོས་སུ་དགེ་རྒན་གྱི་ལས་རིགས་སུ་འཛུལ་སྐབས་སློབ་མ་རྣམས་ལ་ཤེས་བྱ་ཡོན་ཏན་སློབ་པ་དང་། དེང་གི་སྤྱི་ཚོགས་ནང་ཉམས་ཆག་འགྲོ་བཞིན་པའི་བཟང་སྤྱོད་ཐོག་དམིགས་བསལ་གྱིས་དོ་སྣང་བྱས་ནས་བཟང་སྤྱོད་གོང་འཕེལ་ཡོང་ཆེད་ལམ་སྟོན་ཡང་ནས་ཡང་དུ་བྱེད་ཀྱི་ཡིན། ང་རང་གི་རེ་བ་ཆེ་ཤོས་ནི་དགེ་རྒན་ཡག་པོ་ཞིག་བྱ་རྩིས་ཡོད། དམིགས་ཡུལ་དེ་ལམ་ལྷོངས་ཡོང་བ་ལ་ད་ལྟ་ཆུང་དུས་ནས་སྦྱོང་བརྡར་བྱེད་ཀྱི་ཡིན། འཛིན་ཁང་ནང་དུ་དགེ་རྒན་གྱི་ཞལ་ལ་ཡག་པོ་ཉན་ནས་སློབ་སྦྱོང་ཡག་པོ་བྱེད་པ་དང་། ང་རང་གང་ཤེས་པ་དག་སློབ་གྲོགས་མི་ཤེས་པ་རྣམས་ལ་སློབ་པ། འཛིན་ཁང་ནང་དུ་བཟང་སྤྱོད་ངང་ལས་རིགས་གང་ཞིག་བྱེད་ཀྱང་གཞན་ཕན་གྱི་བློའི་ཐོག་བྱེད་ཀྱི་ཡིན། འཛིན་གྲྭར་དུས་ཐོག་འགྲོ་བ་དང་སྒྲིག་ཆས་གཙང་མ་གྱོན་པ་སོགས་དགེ་རྒན་བཟང་པོའི་གྲ་སྒྲིག་ད་ལྟ་ནས་བྱེད་ཀྱི་ཡིན།