བསྟན་འཛིན་དབང་ལྷ།འཛིན་རིམ་བཞི་པ། སཾ་བྷོ་ཊ་ཀེ་ལཱཤ་པུ་ར་ཉིན་སློབ། ང་ཚོའི་འཛམ་གླིང་འདི་གཟའ་སྐར་གཞན་དང་མི་འདྲ་བའི་མཐུན་རྐྱེན་འཛོམས་པའི་གཟའ་སྐར་ཞིག་ཡིན། ངས་ང་ཚོའི་འཛམ་གླིང་གི་སྐོར་མང་པོ་ཞིག་ལྟད་མོ་ནང་ནས་སྦྱོང་གི་ཡོད། རང་བྱུང་ཚན་རིག་གི་སློབ་ཚན་ནང་དུའང་། འཛམ་གླིང་གི་སྐོར་མང་པོ་ཞིག་སློབ་གནང་གི་ཡོད། ང་ཚོ་གནས་སའི་གོ་ལ་འདིའི་དབྱིབས་ནི། ཚ་ལུ་མའི་བཟོ་དབྱིབས་ཞིག་དང་མཚུངས། ། འཛམ་གླིང་འདི་བཞི་ཆ་གསུམ་ནི་ཆུ་དང་བཞི་ཆ་གཅིག་ནི་སྐམ་ས་གཉིས་ལས་གྲུབ་པ་ཞིག་ཡིན། འཛམ་གླིད་འདི་ཆུས་ཁེངས་ཡོད་ཀྱང་འཐུང་ལོག་པའི་ཆུ་ནི་བརྒྱ་ཆ་ཧ་ཅང་ཉུང་ཉུང་ཡིན། གང་ཡིན་ཟེར་ན། འཛམ་གླིང་འདི་རྒྱ་མཚོའི་ཆུས་ཁེངས་ཡོད་པ་དང་། རྒྱ་མཚོའི་ཆུ་ནི་ཚྭ་ཁུ་ལས་གྲུབ་པ་ཞིག་ཡིན་ཞིང་། འཐུང་རན་པའི་འཐུང་ཆུའི་བརྒྱ་ཆ་ནི་ཧ་ཅང་ཉུང་ཉུང་ཡིན། ང་ཚོའི་འཛམ་གླིང་འདི་ཉི་མ་དང་བར་ཐག་ཉེ་རིང་མཚམས་པས། ང་ཚོའི་འཛམ་གླིང་འདི་གཟའ་སྐར་གཞན་དང་མི་འདྲ་བའི་ཚ་དྲོད་སྙོམས་པོ་ཡོད། དེ་ཙམ་མ་ཟད། ང་ཚོ་སྐྱེས་ལྡན་རིགས་ལ་དགོས་པའི་འཚོ་རླུང་ཡང་ལྡན་པས། འཛམ་གླིང་འདིའི་ངོས་སུ། ང་ཚོ་ཚང་མ་འཚོ་གནས་བྱེད་ཐུབ་ཀྱི་ཡོད། སྤྱི་བཏང་ང་རང་ལྟ་བུ་ལ་མཚོན་ན། ཁོར་ཡུག་གི་སྐོར་ལ་དོ་སྣང་ཆེད་དུ་བྱེད་མཁན་ཞིག་གི་སློབ་མ་ཞིག་མིན། ངས་རྔན་པའི་ཕྱི་ཤོག་གང་བྱུང་དུ་གཡུགས་པ་དང་མེ་ཏོག་རིགས་དོན་མེད་བཏོགས་པ། ཆུ་མིག་རིགས་དོན་མེད་དམ་རྙོག་བཟོས་པ་སོགས་བྱས་མྱོང་། ཕྱིས་སུ། སློབ་གྲྭ་དང་གྲོང་སྔེའི་ཁོར་ཡུག་བཟང་པོའི་བཀའ་དྲིན་ལས། ང་རང་འཛམ་གླིང་འདི་སྲུང་སྐྱོབ་བྱེད་རྒྱུའི་གོ་བ་དེ་རྙེད་ཐུབ་པ་བྱུང་། མི་ཚོས་ཁོར་ཡུག་ལ་གནོད་རྐྱེན་སྤྲད་པའི་རྐྱེན་གྱིས། ང་ཚོ་གནས་སའི་འཛམ་གླིང་གི་ཚ་དྲོད་ལ་འགྱུར་ལྡོག་དང་ནད་རིགས་འདྲ་མིན་ཕོག་པའི་ཉེན་འཚབ་སོགས་གླེང་བ་ཐོས་པས། ང་རང་ཡང་འཛམ་གླིག་གི་སྐོར་ལ་སྦྱོང་འདོད་ཀྱི་སེམས་ཤུགས་དེ་རང་དབང་མེད་པ་སྐྱེས་བྱུང་། དུས་དེ་ནས་བཟུང་། ངས་ང་ཚོའི་འཛམ་གླིང་སྐོར་མང་པོ་ཞིག་སློབ་སྦྱོང་བྱེད་འགོ་བཙུགས་པ་ཡིན། ང་ཚོས་རང་གནས་སའི་འཛམ་གླིང་འདི་སྲུང་སྐྱོབ་བྱེད་འདོད་ཀྱི་བསམ་བློ་སྐྱེས་ཡོད་ནའང། ཁ་ཙམ་ནས་སེམས་ཁྲལ་བྱེད་ཀྱིན་བསྡད་ན། ང་ཚོའི་འཛམ་གླིང་དེ་ཉིན་གཅིག་སྐྱེས་ལྡན་འཚོ་གནས་བྱེད་མི་ཐུབ་པའི་གཟའ་སྐར་ཞིག་ཏུ་གྱུར་རྒྱུའི་དུས་ཚོད་དེ་བསླེབ་པར་འགོར་མི་སྲིད་བས། ང་ཚོ་ཚང་མས་འཛམ་གླིང་གི་སྐོར་སྦྱང་རྒྱུ་དང་འཛམ་གླིང་ལ་གནོད་པའི་བྱ་བ་རྣམས་སྤང་དགོས་རྒྱུ་དེ་ཧ་ཅང་གལ་ཆེན་པོ་ཡིན། འཛམ་གླིང་སྲུང་སྐྱོབ་བྱེད་རྒྱུ་དེ་ནི་འཚོ་གནས་བྱེད་བཞིན་པའི་མི་ཚང་མའི་ལས་འགན་ཡིན། གལ་ཏེ། ང་ཚོས་འཛམ་གླིང་ལ་སྲུང་སྐྱོབ་བྱེད་རྒྱུའི་འགན་འཁུར་གྱི་བསམ་བློ་དེ་སྐྱེས་ཐུབ་ན། ང་ཚོས་ལག་བསྟར་བྱེད་ཐུབ། དེ་འདྲ་འབྱུང་ཐུབ་ན། འཛམ་གླིང་དེ་ནང་སྐྱེས་ལྡན་ཚང་མ་འཚོ་ཐབས་བཟང་པོའི་སྒོ་ནས་རྒྱུན་རིང་འཚོ་གནས་ཐུབ་པའི་རེ་བ་ཆེན་པོ་ཡོད། གོ་ལ་འདི་སྲུང་སྐྱོབ་བྱེད་ཐུབ་པར། ངས་དུས་རྟག་ཏུ་འགྱིག་ཤོག་རིགས་མང་པོ་བེད་སྤྱོད་བྱེད་ཀྱི་མེད། དེ་བཞིན་ཕུ་བརྐངས་པའི་རྔན་པ་རིགས་ཟ་རྒྱུ་ཉུང་དུ་བཏང་བ་ཡིན། དེ་འདྲ་བྱས་ན་རང་གི་འཕྲོད་བསྟེན་དང་ཁོར་ཡུག་གཉིས་ཀ་ལ་ཕན་ཐོགས་ཆེན་པོ་ཡོད། ངས་རང་གི་གཡས་གཡོན་གང་བྱུང་དུ་བཙོག་གཅིན་མ་བཏང་ནས་གསང་སྤྱོད་རང་བེད་སྤྱོད་བྱེད་ཀྱི་ཡོད། མཚེའུ་དང་རྒྱུག་ཆུ་སོགས་ཀྱི་ནང་དུ་ཅ་དངོས་རྩག་ཙིག་དང་དམིགས་བསལ་འགྱིག་ཤོག་རིགས་ཁྱོན་ནས་གཡུག་གི་མིན། དེས་ཆུའི་ནང་གི་སེམས་ཅན་རྣམས་ཀྱི་འཚེ་སྲོག་ལ་དཀའ་ངལ་ཞིག་འཕྲད་ཀྱི་ཡོད། ང་ཚོའི་ཨ་མ་ལགས་ཀྱིས་བཏབ་པའི་རྩི་ཤིང་དེ་ཚོ་ལ་གནོད་འཚེ་མི་བྱེད་པ་དང་རྩི་ཤིང་དེ་ཚོའི་འཚར་ལོངས་རྒྱས་པའི་ཆེད་དུ་རྟག་ཏུ་ཆུ་བླུག་པ་དང་ལུད་སྦྱོར་གྱི་ཡོད། ང་རང་ཕ་མ་གཉིས་ལ་གྱོན་ཆས་མང་པོ་ཞིག་ཉོ་རོགས་ཞེས་རྟག་ཏུ་བཤད་མྱོང་མེད། གང་ཡིན་ཟེར་ན། ང་ཚོས་དུག་ལོག་རྣམས་བརྒྱ་ཆ་ཕལ་ཆེ་བ་ནི་རྩི་ཤིང་དང་འགྱིག་རིགས་ལས་གྲུབ་པས། ང་ཚོས་དོན་མེད་ཅ་ལག་མང་པོ་ཉོས་པ་རྐྱེན་ནས། […]