ཉི་མ་ཏ་མང། འཛིན་གྲྭ་དགུ་པ། མོན་གྷོ་སམ་བྷོ་ཊ་གཏན་ཉིན་སློབ་གྲྭ། ཐོག་མ་བདག་ལ་བྱམས་བརྩེ་བསྐྱངས་པའི་བཀའ་དྲིན་ཅན་ཟེར་དོན་གང་ཡིན་པ་གུས་མོས་བསམ་པར་སོ་སོ་ལ་བྱམས་དང་བརྩེ་བ་སྤྲད་མཁན་སྲོག་གཅིག་གི་ཆེད་དུ་སྲོག་གཞན་ཞིག་གི་ཉིན་མཚན་མེད་པར་དཀའ་ལས་བརྒྱབ་པ་དང་སོ་སོ་ལས་ལྷག་སོ་སོའི་ཕྲུ་གུའམ་སོ་སོའི་དགའ་བའི་མི་རྣམས་ཀྱི་མི་ཚེ་དེ་སྐྱིད་པོ་ཡོང་བའི་ཆེད་དུ་དཀའ་ལས་འདྲ་མིན་མྱོང་གནང་མཁན་ཕ་མ་ལྟ་བུ་དང་སྐྱིད་སྡུག་མངལ་དུ་འཁུར་བ་སོགས་བྱེད་མཁན་རྣམས་ལ་བདག་ལ་བྱམས་བརྩེ་བསྐྱངས་པའི་བཀའ་དྲིན་ཅན་ཟེར་རོ། དེ་འདྲ་བའི་བཀའ་དྲིན་ཅན་རྣམས་ཀྱི་ཐུགས་ཆེ་ལ་བརྟེན་ནས་གུས་མོ་ད་ཆ་མི་ཚེ་འདི་དོན་དང་ལྡན་པ་ཞིག་ཆགས་པ་དང་། མ་ཟད་བདག་ལ་བྱམས་སྐྱོང་གནང་མཁན་དང་བརྩེ་བ་སྤྲད་མཁན། བསླབ་བྱ་བཟང་པོ་གནང་མཁན། མི་ཚེའི་འགྲོ་སྟངས་སློབ་མཁན། སེམས་པ་སྐྱོ་དུས་སེམས་དགའ་རུ་བཅུག་མཁན་གྱི་གྲོགས་མོ་རྣམ་པ་དང། མི་ཚེ་འདི་ནག་ཁུང་ནག་ཀྱང་ཡོད་དུས་མི་ཚེ་འདི་ལ་འོད་སྣང་སྤྲོད་མཁན་བཅས་ཚང་མ་ངའི་སྐྱེ་བ་འདི་ལ་ཐོབ་པ་དེ་བསོད་ནམས་ཆེན་པོ་ཡིན་པ་དེ་བསམ་བློ་གཏོང་བཞིན་ཡོད། སྤྱིར་བདག་ལ་བྱམས་བརྩེ་བསྐྱངས་པའི་བཀའ་དྲིན་ཅན་རྣམས་ནི་འཛམ་བུ་གླིང་འདིའི་ནང་ལ་སྐྱེས་ཆེན་ཨ་མ་ལགས་དང། བདག་གི་རྩ་བའི་བླ་མ་རིན་པོ་ཆེ་སྐལ་བཟང་ཐུབ་བསྟན་མཆོག་དང། སོ་སོ་ལ་ཤེས་ཡོན་ཇི་ཙམ་རགས་པ་ཡོད་པ་རྣམས་བདག་ལ་ཉིན་ལྟར་སློབ་ཁྲིད་གནང་མཁན་གྱི་དགེ་རྒན་དེ་རྣམས་ཡིན། ཁོང་ཚོ་ཚང་མ་ནི་ངའི་མི་ཚེ་འདི་ནང་གི་མི་སྣ་གལ་ཆེ་ཤོས་དང་བཀའ་དྲིན་ཆེ་ཤོས་དེ་ཡིན། ཁོང་རྣམས་ཀྱི་བཀའ་དྲིན་ལ་བརྟེན་ནས་མི་ཚེ་འདི་སྐྱིད་པོའི་ངང་སློབ་སྦྱོང་སྦྱོང་བཞིན་ཡོད་པ་དང། དཀའ་ངལ་མེད་པ་སོགས་ཆགས་འདུག ཁོང་ཚོ་ཚང་མ་ལ་བདག་གིས་ཐུངས་རྗེ་ཆེ་དང་བཀའ་དྲིན་ཆེ་ཞུ་བཞིན་ཡོད། ཁོང་ཚོའི་བཀའ་དྲིན་དེ་དྲིན་ལན་མཇལ་ཆེད་དུ་གུས་མོ་ང་རང་སློབ་སྦྱོང་བྱེད་ཀྱི་ཡོད་པ་དང་སྤྱོད་པ་ཡག་པོ་བྱེད་པ་དང་། གཞན་ལ་སེམས་པ་བཟང་པོ་དང་ཕན་མ་གཏོགས་ནའང་གནོད་མ་བྱེད་པ། ཞལ་འདོན་གང་ཐུབ་ཐུབ་སྐྱོར་བ། སྨོན་ལམ་བཟང་པོ་འདེབས་པ་སོགས་བྱེད་ཀྱི་ཡོད།

བློ་བཟང་ཚེ་བརྟན། འཛིན་གྲྭ་དགུ་པ། རྫོང་ཆོས་སློབ་གྲྭ། དུས་རབས་ཉེར་གཅིག་པའི་འཇིག་རྟེན་ཁམས་འདིར་འགྲོ་བ་རིགས་དྲུག་གི་ནང་གནས་ཡོད་པའི་སེམས་ཅན་སུ་དང་སུ་ཞིག་ལ་ཡང་བྱམས་བརྩེས་སྐྱོང་མཁན་བཀའ་དྲིན་ཅན་མེད་པ་གཅིག་ཀྱང་མེད། དེང་དུས་ཀྱི་འཇིག་བརྟེན་འདིར་བདག་ལ་བྱམས་བརྩེས་སྐྱོང་མཁན་མང་པོ་ཡོད་ཀྱང་བུ་ངའི་བསམ་པར་བདག་ལ་བྱམས་བརྩེས་སྐྱོང་མཁན་གྱི་བཀའ་དྲིན་ཆེ་ཤོས་ནི་ད་ལྟ་ང་ཚོའི་མིག་གི་མདུན་དུ་ཡོད་པའི་བྱམས་སེམས་ཅན་གྱི་ཕ་མ་རྣམ་གཉིས་དང་བཀའ་དྲིན་ཅན་གྱི་རྒན་ལགས་རྣམས་ཡིན། དེར་བརྟེན་དུས་དང་རྣམ་པ་ཀུན་ཏུ་ཁོང་རྣམ་པའི་ཆེད་དུ་བྱ་བ་གང་བཟང་བཟང་བྱེད་ཐུབ་པའི་འབད་བརྩོན་བྱེད་ཀྱི་ཡོད། མ་ཟད་ཕ་མ་རྣམས་གཉིས་ནི་འཇིག་རྟེན་འདི་རུ་བྱམས་བརྩེའི་ས་བོན་དང་གསེར་ལས་རིན་ཐང་ཆེ་བའི་མི་ལུས་རིན་པོ་ཆེ་འདི་རུ་ཕྲུ་གུ་རྣམས་ཀྱིས་དགའ་སྣང་ཆེ་ཤོས་བྱེད་སའི་གང་ཟག་ཅིག་ཡིན། གལ་ཏེ་མི་ཚང་གཅིག་གི་ཕ་མ་རྣམ་གཉིས་བྱམས་བརྩེའི་རྩ་བ་ཡིན་ན་དེ་ནས་འཁྲུངས་པའི་ཕྲུ་གུ་རྣམས་ཀྱང་རང་བཞིན་གྱིས་བྱམས་སེམས་ཆེན་པོ་ཞིག་ཆགས་སྲིད། ཡིན་ཡང་འཇིག་རྟེན་འདིར་བདག་ལ་བྱམས་བརྩེས་སྐྱོང་མཁན་གྱི་བཀའ་དྲིན་ཆེ་ཤོས་གཉིས་ཡོད། དང་པོ་བུ་ངའི་ཕ་མས་བྱམས་སྐྱོང་གནང་བའི་བཀའ་དྲིན་མདོར་བསྡུས་ཤིག་བྲི་བ་ཡིན་ན། དང་པོ་བུ་ང་ཆུང་དུས་ལོ་ངོ་གསུམ་བཞིའི་སྐབས་ལ་ངའི་གདོང་ངོས་སུ་ཁྲ་ཀོར་ཀོར་འཁྱིལ་བའི་མིག་ཆུང་གཉིས་ཡོད་ཀྱང་མཐོང་རྒྱུ་ཕ་མ་གཉིས་ལས་མེད། མ་ཟད་ཕ་མ་གཉིས་ཀྱིས་ཀྱང་བུ་ང་གྲང་བའི་དུས་སུ་བྱམས་བརྩེའི་ངང་ནས་གྱོན་ཆས་གཡོག་གི་ཡོད། རྗེས་ནས་ཕ་མ་རྣམས་གཉིས་ཀྱིས་བུ་ངའི་མི་ཚེ་ཕུགས་རྒྱང་རིང་པོའི་ཆེད་དུ་རྫོང་དཀར་ཆོས་སྡེ་རུ་སློབ་སྦྱོང་སྦྱོང་བར་བཏང་སོང་། གཉིས་པ་བདག་ལ་བྱམས་བརྩེས་སྐྱོང་མཁན་བཀའ་དྲིན་ཅན་གྱི་དགེ་རྒན་གྱི་སྐོར་མདོར་བསྡུས་ཤིག་བྲི་པ་ཡིན་ན། ད་ལྟའི་ཆ་ལ་འཇིག་རྟེན་འདིར་དགེ་རྒན་རྣམས་ནི་སློབ་ཕྲུག་རྣམས་ལ་མེད་དུ་མེད་རུང་བ་ཞིག་ཆགས་ཀྱི་ཡོད། མ་ཟད་ང་ཚོའི་དགེ་འདུན་པ་རྣམས་ཐག་རིང་གི་སྐྱིད་པའི་ཕ་ཡུལ་དང་སྙིང་ཉེ་བའི་གྲོགས་པོ་གྲོགས་མོ་དང་བྱམས་བརྩེ་ཅན་གྱི་ཕ་མ་རྣམས་བཞག་ནས་སློབ་སྦྱོང་སྦྱང་བར་ཡོང་བ་ནང་བཞིན་དགེ་རྒན་རྣམས་ཀྱིས་ཀྱང་ཕ་མ་ནང་བཞིན་གྱི་བྱམས་བརྩེའིམངང་ནས་སློབ་སྦྱོང་བསླབས་དང་སློབ་བཞིན་ཡོད། མ་ཟད་དགེ་རྒན་རྣམས་ལ་སོ་སོའི་ལས་ཀ་ཡོད་ཀྱང་སློབ་ཕྲུག་རྣམས་འཐུས་ཤོར་འགྲོ་ཡོང་དགོངས་ནས་ཁོང་རྣམས་ཀྱིས་རང་ལས་གཞན་གཅེས་པར་བཟུང་སྟེ་སློབ་ཕྲུག་དོན་དུ་རང་ཉིད་ཀྱི་ལས་ཀ་བློས་བཏང་ནས་ཡི་གེ་སློབ་ཀྱི་ཡོད། དེ་འདྲ་སོང་ཙང་ཆེ་ཆུང་དབྱེ་བ་མེད་པར་སློབ་ཕྲུག་སུ་དང་སུ་ཞིག་ཡིན་རུང་དགེ་རྒན་དང་ཕ་མ་རྣམ་པས་བྱམས་བརྩེས་བསྐྱངས་པའི་བཀའ་དྲིན་དེ་ལ་དྲིན་ལན་འཇལ་བའི་ཆེད་དུ་ཡི་གེ་ཡག་པོ་སྦྱང་ཡ་དང་ཁོང་རྣམ་པས་གནང་བའི་བསླབ་བྱ་རྣམས་ང་ཚོས་ལག་ལེན་བསྟར་ཐུབ་པ་བྱེད་དགོས་ཞེས་བུ་ངའི་སེམས་གཏིང་གི་རེ་བསྐུལ་ཆེ་ཤོས་དེ་ཡིན།

ཐུབ་བསྟན་ཚེ་དཔག འཛིན་གྲྭ་དགུ་པ། རྫོང་ཆོས་སློབ་གྲྭ། རང་ཉིད་ཀྱི་ལོ་རྒྱུས་མདོར་བསྡུས། ང་རང་ཕ་ཡུལ་མོན་རྟ་དབང་ནས་ཡིན་ལ། ང་སྐྱེས་སའི་ས་ཆ་དེའི་མིང་ལ་བྱེ་མིའི་ཐང་ཞེས་ཟེར་གྱི་ཡོད། ལུང་པ་དེ་ཆུང་ཆུང་ཞིག་ཡིན་ནའང་དེའི་གཡས་གཡོན་ཚང་མར་རི་དང་། མཚོ་མང་པོ་དང་། ཤིང་ནགས་སོགས་ཀྱིས་བརྒྱན་ནས་ཡོད་སྟབས་ལྟ་ན་སྡུག་ཅིང་ཡིད་དུ་འོང་བ་ཞིག་ཡོད། དེའི་ཡུལ་མི་ཚང་མས་ཞིང་ལས་དང་འབྲོག་ལས་བྱས་ནས་འཚོ་བ་སྐྱེལ་གྱི་ཡོད། ངས་བསམ་བློ་བཏང་ན་བོད་དང་ལུང་པ་འདི་གཉིས་ལ་ཁྱད་པར་སྤུ་་ཙམ་ཡང་མེད་པ་ལྟ་བུའི་ཚོར་སྣང་ཞིག་སླེབས་སོང་། ང་རང་གི་ནང་མི་མང་ཆེ་བ་འབྲོག་པ་བྱས་ནས་འཚོ་བ་སྐྱེལ་གྱི་ཡོད། ངའི་ཁྱིམ་དུ་ཕ་མ་གཉིས་དང་། སྤོ་ལགས། རྨོ་ལགས། དེ་བཞིན་སྤུན་མཆེད་བུ་ལྔ་དང་སྲིང་མོ་ཆུང་བ་གཉིས་བཅས་ཡོད། ང་རང་གི་ཁྱིམ་ཚང་འདི་དབུལ་པོ་ཞིག་ཀྱང་ཡིན། ང་ཚོ་ནང་མི་ཚང་མ་མཐུན་ལམ་བཟང་པོ་ཞེ་དྲགས་ཡོད། འོན་ཀྱང་ང་རང་གྲྭ་བ་བྱས་པའི་རྗེས་ལ་པ་ལགས་ཁོང་སེམས་མ་སྐྱིད་པར་ད་ཆ་ཁོང་ཆང་ཞེ་དྲགས་འཐུང་གི་འདུག་ཟེར། ངས་ཁོང་ལ་ཆང་གིས་མིའི་གཟུགས་པོ་ལ་གནོད་སྐྱོན་ཆེན་པོ་ཡོང་གི་ཡོད་པའི་སྐོར་ལ་རོབ་ཙམ་ཞིག་ཞུས་བ་ཡིན། ཁོང་ལོ་ན་ཆེན་པོ་ཡིན་པ་མ་ཟད་ཉིན་གང་པོ་ཤུགས་ལས་མང་པོ་བྱ་དགོས་པའི་རྐྱེན་གྱིས་ཆང་མང་པོ་འཐུང་བ་ཡིན་ན་གཟུགས་པོའི་ནུས་ཤུགས་སྐྱོ་རུ་འགྲོ་ཡི་ཡོད་རེད། དེ་འདྲ་སོང་ཙང་ང་རང་བྱམས་བརྩེས་བསྐྱངས་པའི་ཨ་ཕ་ལ་ཆང་གི་ཉེས་དམིགས་སོགས་ངོ་སྤྲོད་བྱས་པ་ཡིན་། ང་ཚོའི་ལུང་པ་ལ་འཚོ་བ་ངོ་མ་ཞིང་ལས་དང་འབྲོག་ལས་རེད། བྱས་ཙང་སློབ་གྲྭ་ཞེས་པ་དེ་གང་འདྲ་ཞིག་ཡིན་པ་དང་སློབ་སྦྱོང་ཞེས་པ་དེའང་གང་འདྲ་ཞིག་ལ་ངོས་འཛིན་བྱ་དགོས་མིན་ཁོང་ཚོའི་བློ་ཟུར་དུ་ཡང་འཆར་མྱོང་མེད། དེ་ནི་ལུང་པར་མཐུན་རྐྱེན་ཡག་པོ་མེད་པ་དང་། ངའི་ཕ་མ་ཚོར་ཤེས་བྱ་ཡོན་ཏན་སྦྱོང་རྒྱུའི་དུས་ཚོད་དང་གོ་སྐབས་རག་མེད་པའི་རྐྱེན་གྱིས་རེད། ཡིན་ཡང་ཁོང་རྣམ་པའི་བཀའ་དྲིན་ལ་བརྟེན་ནས་ང་རང་ད་ལྟ་གྲྭ་བ་བྱེད་པའི་གོ་སྐབས་བྱུང་ཡོད། འདི་ནི་ཁོང་རྣམ་པའི་བཀའ་དྲིན་ཡིན་པ་མ་ཟདསྐྱེ་བ་སྔོན་མར་བག་ཆགས་བཟང་པོ་ཞིག་བཞག་པའི་འབྲས་བུ་ཞིག་ཀྱང་ལོས་ཡིན་སྙམ། དབྱར་གྱི་ནམ་ཟླ་ཡོལ་སོང་། །སྟོན་ཟླ་ངང་གིས་ཤར་བྱུང་། ། ཕ་ཡུལ་ཕྱོགས་ཀྱི་ཡུལ་ལྗོངས། །ཡིད་ལ་ཡང་ཡང་འཁོར་བྱུང་། ། སྟོན་གྱི་ལོ་མ་སེར་པོ། །རླུང་བུས་ལྷབ་ལྷུབ་འཁྱེར་དུས། ། ཕ་ཡུལ་ཕྱོགས་ཀྱི་སྟོན་གཞུང་། །ཡིད་ལ་ཡང་ཡང་འཁོར་བྱུང་། ། ཤར་ཕྱོགས་རི་བོ་རྩེ་ནས། །དཀར་གསལ་ཟླ་བ་ཤར་བྱུང་། ། དྲིན་ཅན་ཕ་མའི་ཞལ་རས། །ཡིད་ལ་ཡང་ཡང་འཁོར་བྱུང་། ། ས་མཐའི་མི་ཡུལ་འདི་རུ། །ལོ་དང་ཟླ་བ་ཕྱིན་སོང་། ། བཀའ་དྲིན་ཅན་གྱི་ཕ་མ། །ཡིད་ལ་ཡང་ཡང་འཁོར་བྱུང་། ། ལྗོན་ཤིང་སྟུག་པོའི་གསེང་ནས། །ཁུ་བྱུག་གསུང་སྙན་སྒྲོག་དུས། ། […]

བསྟན་འཛིན་ཟླ་དཀར། འཛིན་གྲྭ་དགུ་པ། མོན་གྷོ་སམ་བྷོ་ཊ་གཏན་ཉིན་སློབ་གྲྭ། བདག་ལ་བྱམས་བརྩེ་བསྐྱངས་པའི་བཀའ་དྲིན་ནི་ངའི་རྨོ་རྨོ་ལགས་ཡིན། ཁོང་ནི་ངའི་ཨ་མ་དང་འདྲ་བས། ང་སྐྱེས་པའི་ཉིན་མོ་དེ་ནས་བཟུང་རྨོ་རྨོ་ལགས་ཧ་ཅང་དགའ་པོ་བྱུང་འདུག མ་ཟད་ཁོང་གི་ང་ལ་བརྩེ་བ་དང་བྱམས་པོའི་ངང་གསོ་སྐྱོང་བྱས། ངའི་ཕ་མ་གཉིས་ཕྱི་ལ་ཕེབས་དུས་རྨོ་རྨོསང་ལ་བལྟ་སྐྱོང་ཡང་བྱེད་ཀྱི་རེད། དེ་བཞིན་ཆུང་དུས་གྲོད་པ་སྟོང་པ་གང་ཡང་མེད་པར་ང་ལ་ཟས་འདྲ་མིན་སྣ་ཚོགས་བཟོས་ནས་སྤྲད་ཀྱི་ཡོད། སྤྱིར་ང་རང་ཆུང་དུས་ནས་གཟུགས་པོ་སྐམ་པོ་དང་ཁ་ལག་བཟའ་ཁག་པོ་ཡོད་ཙང། རྨོ་རྨོས་ངའི་དགའ་བའི་ཟས་རིགས་བཟོ་གནང་གི་རེད། ད་ལྟ་བར་དུ་ཁོང་མོས་ང་སློབ་གྲྭ་ནས་ག་དུས་ལོག་སླེབས་ཀྱང་ང་ལ་ཁ་ལག་གྲ་སྒྲིག་བྱས་ཏེ་བཞག་གི་རེད། རྨོ་མོས་ང་ས་ཆ་གང་སར་འཁྱམ་འཁྱམ་འཁྲིད་ཀྱི་རེད། ཁོང་མོས་ངས་རྔན་པ་ག་རེ་དགོས་ལབ་པ་དེ་དངུལ་བསགས་ཏེ་ང་ལ་རྔན་པ་ཉོས་ནས་སྤྲད་ཀྱི་རེད། དེ་མིན་ང་ལ་བྱམས་སྐྱོང་ངང་ངས་དགའ་སྐྱོ་ཡོད་ཚད་སྒྲུབ་ཀྱི་རེད། ད་ཆ་ཁོང་ལོ་ན་ཆེན་པོ་ཆགས་ཡོད་པའི་རྐྱེན་གྱིས་ཕྱི་ལ་ཞེ་དྲགས་འདོན་གནང་གི་མེད། ངས་འབད་བརྩོན་བྱས་ནས་ཁོང་མོ་ཕྱི་ལ་རླུང་གཙང་མ་ཆེད་དུ་མང་པོ་འཁྲིད་ཀྱི་ཡོད། ཁོང་གིས་ངའི་ལུས་ལ་ན་ཚ་མ་བྱུང་བའི་ཆེད་དུ་དུས་རྟག་ཏུ་ཁ་ཟས་ཏག་ཏག་སྤྲད་པ་མ་ཟད། ག་དུས་ཡིན་ཡང་ང་ལ་ཤིང་ཏོག་འདྲ་མིན་བཏུབ་ནས་བཞག་གི་རེད། གལ་སྲིད་ང་ན་བ་ཡིན་ན་ཁོང་དངངས་སྐྲག་དང་སེམས་འཁྲལ་ཞེ་དྲགས་སྐྱེས་གནང་གི་རེད། དེ་དུས་ང་ལ་ཁ་ལག་མང་པོ་སྤྲད་པ་དང་སྨན་དུས་ཚོད་ཏག་ཏག་ལ་སྤྲད་ཀྱི་རེད། དེར་བརྟེན་ངའི་རྨོ་རྨོ་ལགས་ནི་ངའི་ཆེད་དུ་དཔེ་བཀའ་དྲིན་ཆེན་པོ་ཡིན། ཁོང་གི་ཆུང་དུས་ནས་ད་བར་དུ་བྱམས་སྐྱོང་དང་བརྩེ་བ་སྤྲད་པ་དེ་བཀའ་དྲིན་ཆེན་པོ་ཡིན། ཁོང་མོ་ལོ་ན་རྒན་པོ་ཆགས་ཡོད་སྟབས་ཁོང་ལས་ཀ་མང་པོ་བྱེད་ཐུབ་ཀྱི་མ་རེད། མ་ཟད་མིག་དང་རྣ་མཆོག་ཡང་སྐྱོ་བོ་ཆགས་འདུག ངའི་ཁོང་མོ་ལ་ཞབས་མཆི་ཞུས་ཆེད་དུ་གང་ཐུབ་ཐུབ་རོགས་རམ་བྱེད་ཀྱི་ཡོད་ལ། ཁོང་མོ་མཉམ་དུ་དུས་ཚོད་མང་པོ་སྐད་ཆ་བཤད་ནད་བསྡད་པ་དང་ལས་ཀ་བྱེད་རོགས་བྱེད་ཀྱི་ཡོད། ཁོང་མོའི་ངའི་ཨ་མ་གསོ་སྐྱོང་ཡག་པོ་བྱེད་པའི་ཨ་མ་ལགས་ཀྱི་ག་དུས་ཡིན་ཡང་གསུང་གི་རེད། ཨ་མ་ཆུང་དུས་སྐབས་ཀྱི་སྒྲུང་མང་པོ་བཤད་ཀྱི་རེད། ངའི་ཨ་མ་ལགས་གཅིག་པོ་མིན་པར་ཕྲུ་གུ་དགུ་གསོ་སྐྱོང་བྱས་པ་རེད། ངའི་རྨོ་རྨོ་ལགས་ནི་བཀའ་དྲིན་ཆེན་པོ་ཡིན། ངས་ཁོང་མོ་ལ་ང་རང་ངོས་ནས་གང་ཐུབ་ཐུབ་འབད་བརྩོན་བྱས་ནས་ཞབས་ཕྱི་ཞུ་ཡི་ཡིན།

རྡོ་རྗེ་ཆོས་འཛོམས་ནམ་པོ། འཛིན་གྲྭ་དགུ་པ། མོན་གྷོ་སམ་བྷོ་ཊ་གཏན་ཉིན་སློབ་གྲ། ཚང་མས་མཁྱེན་གསལ་ལྟར། རང་ཉིད་ཀྱིས་ཕྲུ་གུ་ལ་བྱམས་བརྩེ་ལེགས་པོ་ཞིག་སྤྲད་ཐུབ་ན་ཕྲུག་གུ་དེའི་མ་འོངས་པའི་མདུན་ལམ་དེ་དམིགས་བསལ་གྱི་ཡག་པོ་ཞིག་ཆགས་པའི་རེ་བ་ཆེ་བ་ཡོད། སྤྱིར་བཏང་ཕ་མ་ཚོས་རང་ཉིད་ཀྱི་ཕྲུག་གུ་ལ་བྱམས་བརྩེ་སྙིང་ཐག་པ་ནས་གནང་གི་ཡོད་པ་རེད། ཡིན་ཡང་ཕ་མ་ཚོས་བྱམས་བརྩེ་གནང་སྟངས་སྣ་ཚོགས་ཞིག་ཡོད། དེ་ཡང་ཕྲུ་གུ་ལ་ཕན་དང་མི་ཕན་ཞིག་ཡོང་གི་ཡོད་པ་རེད། བདག་ལ་མཚོན་ན་རང་ཉིད་ལ་བྱམས་བརྩེ་སྤྲད་མཁན་ཕ་མ་དང། སྤུན་མཆེད། དགེ་རྒན། གྲོགས་པོ་དང་གྲོགས་མོ་སོགས་མང་པོ་ཡོད། དེའི་ནང་ནས་དམིགས་བསལ་གྱི་བཀའ་དྲིན་མཚུངས་མེད་སྤྲུལ་སྐུ་རིན་པོ་ཆེ་སྐལ་བཟང་ཐུབ་བརྟན་ལུང་རྟོགས་ཡིན། ཁོང་གི་ཕྱི་ལོ་༡༩༧༧ཟླ་བ་༡༡ཚེས་༠༩ཉིན་སྨད་རྒྱ་རོང་དུ་སྐུ་འཁྲུངས་པ་རེད། ཁོང་གི་སྤྱན་རས་གཟིགས་དྭ་ཕྲུག་གསོ་སྐྱོང་ཁང་དང་མོན་གྷོ་སམ་བྷོ་ཊའི་བུ་མོ་ཉལ་ཁང་དེ་ཁོང་གིས་བཞེངས་པ་རེད། དེ་མིན་ས་ཆ་གཞན་ལའང་ཁོང་གི་གྲྭ་ཚང་དང་མིག་གི་དབང་པོ་སྐྱོན་ཅན་གྱི་སློབ་ཁང་དང། རྒན་གསོ་ཁང་སོགས་ལ་རོགས་པ་གནང་གི་ཡོད། ཁོང་གིས་ནང་ཆོས་དང་ཕྱིའི་སྐད་ཡིག་སོགས་སྣ་འཛོམས་ཤིག་མཁྱེན་པ། མ་ཟད་ལྷག་པར་དུ་ཆོས་ཕྱོགས་ལ་སྦྱིན་གཏོང་ཤུགས་ཆེ་བ་གནང་གི་ཡོད། ཉིན་ལྟར་དགོང་ཟས་བཞེས་ཚར་བ་དང་སློབ་ཕྲུག་རྣམས་ལ་བླང་དོར་བཀའ་སློབ་གནང་གི་ཡོད། ཁོང་གིས་བཞེས་ལག་རིགས་སྣ་འཛོམས་མཆོད་རྒྱུ་དགའ་པོ་གནང་གོ་ཡོད་ལ་ཁ་ལག་བཟོས་རྒྱུ་ལའང་སྤྲོ་བ་ལྡན། དེ་བཞིན་ཉིན་ལྟར་ཀུ་ཤུ་རེ་མཆོད་གནང་གི་རེད། ཁོང་ཕྱི་རྒྱལ་ནས་རྒྱ་གར་ལ་ཕེབས་སྐབས་ང་ཚོ་སློབ་ཕྲུག་གི་ཆེད་དུ་གོས་དང་ཕྱི་རྔན་པ་རིགས་མང་པོ་འཁྱེར་ཡོང་གི་ཡོད། དེ་བཞིན་ཕྲུ་གུ་ལ་དགོས་མཁོ་རིགས་མེད་ནའང་ཁོང་གིས་ཉོས་གནང་གི་རེད། ཁོང་གིས་སྤྱན་རས་གཟིགས་དྭ་ཕྲུག་གསོ་སྐྱོང་ཁང་གི་ཕྲུག་གུ་ཚང་མ་ལ་རང་ཉིད་ཀྱི་ཕྲུག་གུ་སྟར་བལྟ་རྟོགས་གནང་གི་རེད། ཁོང་གི་སྤྱན་ནི་ཆུང་ཆུང་མིན་པས་སྤྱན་གཉིས་ལ་མིག་ཆུ་གང་པ་དང་མིག་ཆུ་དེ་འོད་ཆིམ་ཆིམ་བྱེད་ཀྱི་འདུག ཁོང་གི་སྤྱན་དེ་མཐོང་བ་དང་ཁོང་གི་ང་ཚོའི་ཆེད་དུ་རེ་བ་བཅངས་པ་དེ་ངས་ཚོར་ཐུབ་ཀྱི་འདུག ཁོང་གི་ཆེས་རེ་བ་ནི་ང་ཚོའི་མི་ཚེའི་མདུན་ལམ་བཟང་པོ་ཞིག་ཆགས་ཐུབ་པ་དང་། མི་ཡག་པོ་ཞིག་དང་གཞན་ལ་ཕན་ཐོགས་བྱེད་ཐུབ་ན་ཁོང་གི་དམིགས་ཡུལ་དེ་བསྒྲུབས་རེད། ཁོང་གིས་ཕྱག་དེ་ངའི་མགོ་བོ་ལ་འཆང་སྐབས་ཆུང་དུས་ཕ་མའི་ང་ལ་བྱམས་སྐྱོང་གནང་བ་དེ་ངའི་ཡང་ཡང་དྲན་གསོས་ཀྱི་འདུག ང་དང་པོ་ནས་ཁྱིམ་བསྐྱུར་ནས་བཟུང་ད་བར་དུ་འདི་འདྲ་མི་ཚེ་འགྱུར་བ་འཐེབས་ཀྱི་རེད་བསམ་པ་བ་བྱུང། ད་བར་རང་ཉིད་ལ་མི་ཚེ་མདུན་ལམ་རྒྱ་ཆེ་ལམ་དུ་འགྲོ་དུས་སེམས་པ་དགའ་ཚོར་སྐྱེས་བྱུང་། མཐར་གུས་མོས་ཁོང་སྐུ་ཚེ་ཡུན་རིང་པོ་བརྟན་པའི་སྨོན་ལམ་དང་བཅས་ཁོང་ལ་ཐུགས་རྗེ་ཆེ་ཞུའོ།

བསྟན་འཛིན་ཀུན་བཟང། འཛིན་གྲྭ་བཅུ་གཅིག སྦེལ་ཀོབ་སཾ་བྷོ་ཊ། ང་ཡི་རྩ་བའི་བླ་མ། ། ༸གོང་ས་༧སྐྱབས་མགོན་ཆེན་པོ། ། ཁྱེད་ཀྱིས་བསྐྱངས་བའི་བཀའ་དྲིན། ། ནམ་ཡང་ཡིད་ལ་བཅངས་ཡོད། ། བདག་ཅག་གི་འདི་ཕྱི་གཉིས་ཀྱི་སྐྱབས་གནས་༧སྐྱབས་མགོན་ཡིད་བཞིན་ནོར་བུ་མཆོག་ཕྱི་ལོ་ ༡༩༥༩ ལོར་མི་འདོད་བཞིན་དུ་རྒྱ་གར་འཕགས་པའི་ཡུལ་དུ་སྐྱབས་བྱོལ་དུ་བསྐྱོད་དགོས་བྱུང་བ་རེད། ང་ཚོའི་བོད་ཀྱི་ཆོས་དང་རིག་གཞུང་མི་ཉམས་གོང་འཕེལ་དང་བོད་མི་བཙན་བྱོལ་བ་ཚོའི་ཆེད་གཞིས་ཆགས་ཁག་དང་། བོད་ཕྲུག་ཚོའི་ཆེད་དུ་སློབ་གྲྭ་ཁག ཆོས་པ་ཚོའི་ཆེད་དུ་དགོན་པ་དང་བཤད་གྲྭ་ཁག་སོགས་གསར་བཙུགས་མང་པོ་གནང་སྟེ་སྐུ་ལས་ཧ་ཅང་ཆེན་པོ་བསྐྱོན་གནང་ཡོད། ང་ཚོ་བོད་མི་ཚོ་ཕྱི་རྒྱལ་ཁབ་གང་དུ་འགྲོ་ནའང་དཀའ་ངལ་དེ་ཙམ་མེད་པ་དང། རྒྱ་བལ་འབྲུག་གསུམ་གྱི་ནང་ཆབ་སྲིད་དང་དཔལ་འབྱོར་གྱི་རང་དབང་ལ་ལོངས་སུ་སྤྱོད་པ་ཐུབ་པ་སོགས་ཁོང་གི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་བྱུང་བ་ཞིག་ཡིན་པས། ཁོང་གིས་བཀའ་སློབ་གང་གནང་བ་རྣམས་གུས་མོས་སྙིང་དབུས་སུ་བཅངས་ནས་ཡོད། ཚ་གཟེར་ཉི་མ་འདྲ་བ། ། ང་ཡི་བརྩེ་བའི་ཡབ་ཡུམ། ། ཁྱེད་ཀྱིས་བསྐྱངས་བའི་བཀའ་དྲིན། ། གུས་མོས་ཡིད་ལ་བཅངས་ཡོད། ། འཛམ་གླིང་འདིའི་སྟེང་ན་བྱམས་ལྡན་གྱི་ཕ་མ་ནི་ཕྲུ་གུའི་དགེ་རྒན་ཆེས་ཐོག་མ་དེ་ཡིན་པ་དང། ཕྲུ་གུར་ཟ་སྟངས་དང། འགྲོ་སྟངས། སྡོད་སྟངས་སོགས་བསླབས་གནང་བ་མ་ཟད། ཐ་ན་རང་གི་ཟས་དང་གཉིད་བློས་བཏང་སྟེ་ཉིན་མཚན་མེད་པར་ཕྲུ་གུ་ཁོ་ནའི་ཆེད་དཀའ་ལས་བརྒྱབས་ནས་ལྟ་སྐྱོང་གནང་བཞིན་ཡོད། ད་ཆ་ང་དང་ང་འདྲ་བའི་ཕྲུ་གུ་མང་པོ་མི་བཟང་པོ་ཞིག་ཆགས་པ་དེ་ཕ་མ་གཉིས་ཀྱི་བཀའ་དྲིན་ཡིན་པ་དེ་བློ་ལ་གསལ་བར་འཆར་བའི་འགོ་ནས་ཕ་མའི་བཀའ་བཞིན་སྒྲུབ་རྒྱུ་ཡིན། བཀའ་དྲིན་གཡོ་མེད་བསྐྱངས་བའི། ། ང་ཡི་བརྩེ་བའི་དགེ་རྒན། ། ཁྱེད་ཀྱིས་བསླབས་པའི་སློབ་སྦྱོང་། ། བློ་མུན་བསལ་བའི་སྒྲོན་མེ། ། ང་ཚོ་སློབ་ཕྲུག་ཡོངས་ཀྱི་བློ་མིག་ཐོག་མར་འབྱེད་མཁན་ནི་བཀའ་དྲིན་བླ་ན་མེད་པའི་དགེ་རྒན་རྣམ་པ་ཡིན། ཁོང་རྣམ་པས་སློབ་ཕྲུག་ཚོར་དང་ཐོག་ཀ་ཁ་ནས་བསླབས་གནང་བའི་བཀའ་དྲིན་ལ་བརྟེན་ནས་ད་ཆ་འབྲི་ཀློག་རང་སྐྱ་འཕེར་བ་ཞིག་ཆགས་ཐུབ་ཡོད། སློབ་ཕྲུག་ཚོས་ཟླ་བ་དང་ལོ་མང་པོ་དགེ་རྒན་བསྟེན་པའི་སྐབས། ཁོང་རྣམ་པས་ཀྱང་སློབ་ཕྲུག་རྣམས་སྒོ་ང་ལྟར་གཟབ་གཟོན་གྱིས་གསོ་སྐྱོང་དང་ལམ་སྟོན་གནང་གི་ཡོད། ད་དུང་དུས་ཚོད་འཕར་མ་བཏང་སྟེ་སེམས་ཤུགས་ཆེན་པོས་སློབ་ཁྲིད་གནང་བར་གུས་མོས་སྙིང་ཐག་པ་ནས་བཀའ་དྲིན་ཆེ་ཞུ། རྒྱ་གར་འཕགས་པའི་ཡུལ་ནི། ། བོད་མིའི་ཕ་ཡུལ་གཉིས་པ། ། ཁྱིམ་ཚང་གཉིས་པ་དེ་ལ། ། བོད་མི་མང་པོ་གནས་ཡོད། ། […]