བསྟན་འཛིན་ཆོས་དབྱངས་ནས། འཛིན་གྲྭ་བརྒྱད་པ། སྦེལ་ཀོབ་སམ་བྷོ་ཊ། ང་ཚོ་ཚང་མ་ད་ལྟའི་ཆར་གནས་བཞིན་པའི་འཛམ་གླིང་འདིའི་ནང་ལ་འཛམ་གླིང་གི་དམག་ཆེན་དང་པོ་ནས་དུས་ད་ལྟ་བར་འཛམ་གླིང་ལ་འགྱུར་བ་ཧ་ཅང་འགྲོ་ཡོད་ཀྱང། ཕན་སེམས་དང་། བྱམས་བརྩེས་བྱེད་པ་དེ་འགྱུར་ལྡོག་མེད་པའི་ཐོགས་རང་སོར་གནས་ཡོད། སའི་གོ་ལའི་ཁོར་ཡུག་བག་ཕེབས་པོ་ཞིག་བསྐྲུན་པ་ལ་ང་ཚོས་གཞན་ལ་བྱམས་སེམས་དང་བརྩེས་སེམས་བྱེད་དགོས་པ་དེ་གལ་ཆེ། གཞན་ལ་བྱམས་བརྩེས་བྱེད་ན་མི་དེ་ལ་ཕན་ཐོགས་པ་དང། སོ་སོའི་སེམས་ལ་ཞི་བདེའི་བག་ཕེབས་ཚོར། ངའི་ཕ་མ་དང། དགེ་རྒན། ནང་མི། གཞན་རོགས་པ་རྣམས་ངའི་མི་ཚེ་ནང་ལ་བཀའ་དྲིན་ཅན་གྱི་མི་སྣ་ཞིག་ཆགས་ཡོད་ཀྱང་། ཁོང་ཚོ་ཚང་མ་ཡང་མི་སྣ་གཅིག་གིས་བཀའ་དྲིན་ལ་བརྟེན་ཡོད། ངའི་མི་ཚེ་ནང་གི་བཀའ་དྲིན་ཆེ་ཤོས་ནི་ང་ཚོའི་བོད་ཀྱི་དབུ་འཁྲིད། འཛམ་གླིང་ཞི་བདེའི་དད་དཔོན། བོད་མི་རྣམས་ལ་བྱམས་བརྩེས་བསྐྱངས་བའི་བཀའ་དྲིན་ཅན་༸གོང་ས་༸སྐྱབས་མགོན་༸སྐུ་ཕྲེང་བཅུ་བཞི་པ་མཆོག་ཡིན། ཁོང་ནི་ང་དང་ང་འདྲ་བའི་བོད་པའི་སློབ་ཕྲུག་མང་པོ་དང། ལྷག་པར་དུ་བོད་མི་རྣམས་ལ་རོགས་རམ་བྱེད་ཀྱི་ཡོད་པས་ཁོང་ནི་ང་ཚོ་ཚང་མའི་མི་ཚེ་ནང་ལ་མི་སྣ་རྩ་ཆེན་ཞིག་རེད། ང་ཚོ་བོད་པའི་ཆེད་དཀའ་ལས་བརྒྱབ་པ་དང་བོད་པའི་སློབ་ཕྲུག་གི་ཆེད་དུ་ཤེས་རིག་ལས་ཁུངས་ལ་རོགས་པ་ཕོན་ཆེན་པོ་གནང་གི་ཡོད་པ་མ་ཟད། ངས་བསམ་ན་ད་ལྟ་ང་ཚོ་འཛམ་གླིང་ནང་བོད་ཞེས་པའི་རྒྱལ་ཁབ་ཞིག་ཡོད་པ་རྒྱལ་ཁབ་གཞན་གྱི་མི་རྣམས་ངོས་འཛིན་ཐུབ་པ་དེ་ཡང་༸གོང་ས་མཆོག་གི་བཀའ་དྲིན་ཡིན་པར་ངས་ཤེས། ཁོང་གི་བཀའ་སློབ་ཉན་བའི་ཆེད་འཛམ་གླིང་ཡུལ་གྲུ་མང་ཆེ་བའི་མི་རྣམས་རྒྱ་གར་དུ་ཁོང་མཇལ་བར་ཕེབས་ཀྱི་ཡོད། ང་ཚོ་བོད་པ་ཁ་ཤས་རྒྱ་གར་ནང་གནས་སྡོད་བྱེད་ཀྱང་༸གོང་ས་མཆོག་གི་བཀའ་སློབ་གནང་གིས་ཡོད་པ་ཡང་བོད་པ་ཁ་ཤས་ཀྱི་མ་ཤེས། ང་ཚོའི་དབུ་འཁྲིད་ཀྱི་རྒྱ་གར་ནང་དུ་བོད་པ་རྣམས་བསྡད་པའི་ཆོག་ཆན་ཐོབ་དུས་དང་པོ་ཤེས་ཡོན་ལ་དོ་སྣང་བྱེད་པ་རེད། གང་ཡིན་ཟེར་ན། ད་ལྟའི་དུས་ཚོད་ལ་ཤེས་ཡོན་མེད་པའི་མི་ལ་ལས་ཀ་དང་གང་ཡང་མཐོང་མེད་པ་དེ་ཁོང་གི་མཁྱེན་གྱིས་ཡོད་ཙང་བོད་པའི་སློབ་གྲྭ་ཁག་ཟུར་དུ་བཙུགས་པ་རེད། དེ་ནས་སློབ་གྲྭ་ཁག་ལ་དགེ་རྒན་བཏང་ནས་བོད་པའི་སློབ་ཕྲུག་རྣམས་ལ་སྤུས་ཀ་ལྡན་པའི་སློབ་སྦྱོང་གནང་བ་རེད། ཁོང་གིས་བཀའ་དྲིན་ལ་བརྟེན་ནས་ད་ལྟ་བར་བོད་པའི་སློབ་ཕྲུག་མང་པོས་མཐོ་སློབ་ཐོན་ཏེ་དགེ་རྒན། སྨན་པ། ཚན་རིག་པ། འཆར་འགོད་པ། རྩིས་པ། དྲུང་ཡིག་ལ་སོགས་པའི་ཆེད་ལས་ཀྱི་ཕྱག་ལས་གནང་གི་ཡོད། བོད་པའི་སློབ་ཕྲུག་མང་པོས་མཐོ་སློབ་ལ་སློབ་ཡོན་ཐོབ་ནས་སློབ་སྦྱོང་བྱེད་ཀྱི་ཡོད། དེ་དག་ཚང་མར་༸གོང་ས་མཆོག་གི་བཀའ་དྲིན་ཁོ་ན་ཡིན། དེང་སང་ང་ཚོ་ཤེས་རིག་ལས་ཁུངས་ཀྱི་སློབ་ཕྲུག་རྣམས་ལ་སློབ་ཡོན་འདྲ་མིན་གནང་གི་ཡོད་པ་དང། དགའ་ལྡན་ཕོ་བྲང་གི་སློབ་ཡོན། སྲིད་སྐྱོང་སློབ་ཡོན་ལ་སོགས་སློབ་ཕྲུག་རྣམས་ལ་མུ་མཐུད་སློབ་སྦྱོང་བྱ་བར་རོགས་རམ་མཐུན་འགྱུར་གནང་གི་ཡོད། དེ་མ་ཟད་ཡིག་འགྲུལ་མཐོ་རིམ་སློབ་ཡོན། ཉམ་ཐག་སློབ་མར་སློབ་ཡོན་ལ་སོགས་པའི་སློབ་ཡོན་མང་པོ་ཞིག་ཤེས་རིག་ལས་ཁུངས་བརྒྱུད་ནས་ང་དང་ང་འདྲ་བའི་བོད་པའི་སློབ་ཕྲུག་རྣམས་ལ་རོགས་རམ་བཀའ་དྲིན་སྩོལ་གྱི་ཡོད་པར་བཀའ་དྲིན་ཆེན་པོ་ཡིན། དེ་ཡང་མཐུན་རྐྱེན་གཙོ་བོ་གནང་མཁན་གྱིས་ལམ་སྟོན་པ་པོ་ནི་བོད་ཀྱི་བླ་ན་མ་མཆིས་པ་༸གོང་ས་མཆོག་ཡིན། ཁོང་ལ་དྲིན་ལན་འཇལ་བ་དེ་ང་ཚོ་སློབ་ཕྲུག་དང་བོད་མི་ཚང་མའི་ལས་འགན་རེད། ང་ཚོས་མི་ཚང་མ་ལ་ཡ་རབས་བཟང་སྤྱོད་བྱེད་པ་དང། སློབ་ཕྲུག་ཞིག་ཡིན་ན་སོ་སོའི་སློབ་སྦྱོང་ལ་དོ་སྣང་བྱེད་པ་དེ་ཡིན། གཙོ་བོ་སོ་སོའི་བོད་ཀྱི་སྐད་ཡིག་སྲུང་སྐྱོབ་བྱ་རྒྱུ་དེ་ཡིན། ༸གོང་ས་མཆོག་གིས་“བོད་ཕྲུག་བོད་མིའི་མཚན་ཉིད་ཚང་བ་ཞིག་ཡོང་བ་ལ་ངེས་པར་དུ་བོད་པའི་ཤེས་ཡོན་ཡོད་དགོས། “ ཞེས་གསུངས་སོ། རྒྱལ་ཁབ་གཞན་གྱི་སྐད་ཡིག་ལ་དོ་སྣང་བྱེད་པ་ན་དེ་ནི་ཕུན་སུམ་ཚོགས་པ་ཡིན་པ་དང། ཡིན་ནའང་རྒྱལ་ཁབ་གཞན་གྱི་སྐད་ཡིག་ཤེས་པ་དང་སོ་སོའི་སྐད་ཡིག་ལ་དོ་སྣང་མེད་ན་ངོ་ཚ་དང་ཞབས་འདྲེན་རེད། ཅེས་པཎ་ཆེན་རིན་པོ་ཆེས་གསུངས། བོད་ལ་སྐྱིད་པའི་ཉི་མ་ཤར་བའི་རེ་བ་ཆེན་པོ་དང་བོད་རང་བཙན་མགྱོགས་མྱུར་ཐོབ་པ་དང་། ༸གོང་ས་མཆོག་སྐུ་ཚེ་ཡུན་རིང་བརྟན་པའི་སྨོན་ལམ་འདེབས་བཞིན་ཡོད་བཅས། བོད་རྒྱལ་ལོ། །