བསྟན་འཛིན་རྣམ་རྒྱལ།
འཛིན་གྲྭ་བཅུ་པ། གུ་རུ་པུ་ར་སཾ་བྷོ་ཊ་ཉིན་སློབ།
ང་བོད་ལ་ལོག་ན་འདོད་པའི་དུས་ངའི་སེམས་ལ་བཤད་མི་ཐུབ་པའི་ཚོར་བ་སྐྱེས་བྱུང། ང་བོད་ལ་ལོག་ན་ཕོ་བྲང་པོ་ཏ་ལ་མཇལ་གྱི་ཡོད་དམ། ཕྱི་ལོ་༡༩༥ལོར་རྒྱ་ནག་དམར་པོའི་གཞུང་གི་འོག་ལ་བོད་ཤོར་ནས་ལོ་༦༥ ཙམ་ཕྱིན་ཡོད་པ་དུས་ཡུང་རིང་པོ་དེའི་རིང་ལ་བོད་ཀྱི་དངོས་ཡོད་གནས་སྟངས་གང་ཡོད་དམ་སོགས་སེམས་ནང་ལ་དྲི་བ་མང་པོ་ཡོད། ང་བོད་ལ་ལོག་ན་འདོད་པའི་རྒྱུ་མཚན་བཞིའི་སྒོ་ནས་ཞུ་གི་ཡིན།
༡། ང་བོད་ལ་ལོག་ན་འདོད་པའི་རྒྱུ་དང་པོ་ནི། ང་བོད་ལ་ལོག་རྒྱུའི་གོ་སྐབས་བྱུང་ན་དགའ་སྣང་དང་སྐྲག་སྣང་ཟུང་གི་ཚོར་བ་ཞིག་ཡོང་ས་རེད། དགའ་སྣང་གི་ཚོར་བ་ནི། བོད་ལ་ཕྱི་ལོ་༡༩༥༩ ལོ་ནས་བོད་མི་མང་པོ་རྒྱ་ནག་དམར་པོའི་གཞུང་གིས་བཙོན་འཇུག་གདུག་རྩུབ་མི་སྤྱོད་ལས་འདས་པ་སྣ་ཚོགས་བཏང་ཡོད། བཙན་བྱོལ་ལ་ཡོད་པའི་བོད་མི་ཚོ་༧གོང་ས་མཆོག་གི་ཐུགས་རྗེ་བཀའ་དྲིན་གྱིས་བཙན་བྱོལ་སྒྲིག་འཛུགས་འོག་གནས་ཡོད་ཀྱང་རང་གི་རྒྱལ་ཁབ་རྒྱ་ནག་དམར་པོའི་གཞུང་གིས་བཙན་འཕྲོག་བྱས་ནས་རྒྱལ་ཁབ་གཞན་ནང་སྐྱབས་བཅོལ་བྱས་ནས་གནས་ཡོད། འདི་འདྲའི་གནས་སྟངས་འོག་བོད་ལ་ལོག་ནས་གཞིས་བྱེས་མཉམ་འཛོམས་ཀྱི་གོ་སྐབས་བཟང་པོ་བྱུང་ན་དགའ་སྣང་གི་ཚོར་བ་ཞིག་ཡོང་ས་རེད། ང་བོད་ལ་ལོག་ན་ང་ལ་སྐྱོ་སྣང་གི་ཚོར་བ་ནི། བོད་ལ་ཕྱི་ལོ་ ༡༩༥༩ ལོ་ནས་བཟུང་ད་བར་བོད་ནང་བོད་མི་མང་པོ་རྒྱ་ནག་དམར་པོའི་གཞུང་གི་འོག་ལ་དྲག་གནོན་དང་རང་དབང་མེད་པའི་རྐྱེན་གྱིས་རྒྱལ་གཅེས་དཔའ་བོ་དཔའ་མོ་མང་པོ་ཞིག་གིས་རང་གི་ཆོས་དང་། རིག་གཞུང་། སྐད་ཡིག་རང་དབང་གི་དོན་དུ་རང་སྲོག་ཕངས་མེད་དུ་བཏང་ཡོད། རང་དབང་མེད་པར་རྒྱ་མིའི་དྲག་སྤྱོད་ཀྱི་གནས་སྟངས་འདི་འདྲའི་འོག་ལ་བོད་ལ་ལོག་དགོས་བྱུང་ན་སེམས་སྐྱོ་ས་རེད།
༢། ང་བོད་ལ་ལོག་ན་འདོད་པའི་རྒྱུ་མཚན་གཉིས་པ་ནི། ང་བོད་ལ་ལོག་ན་ང་ཕོ་བྲང་པོ་ཏ་ལ་དང་། སེ་ར་འབྲས་སྤུངས་དགའ་ལྡན་དགོན་པ་དང་། བཀྲ་ཤིས་ལྷུན་པོ་དགོན་པ་སོགས་དགོན་པ་མང་པོ་ལ་རྒྱ་མིས་གཏོར་བཤིག་དང་མཉམ་གསོ་གང་བྱས་ཡོད་མེད་མཇལ་འདོད་འདུག།དེ་བཞིན་རང་གི་འདོད་བཞིན་བོད་ཀྱི་ཞིང་པ་དང་འབྲོག་པའི་ཁ་ཟས་དང་། ཆས་གོས། ཆོས་ལུགས་ཀྱི་རང་དབང་། གནའ་དེང་ཞིང་འབྲོག་གི་འཚོ་བ་སྐྱེལ་སྟངས་སྐོར་ལ་སྐད་ཆ་དྲི་འདོད་འདུག བོད་ལ་ལོག་རྒྱུ་བྱུང་ན་བྱེད་ཡ་མང་པོ་ཡོ་རེད། དཔེར་ན། བོད་ཀྱི་རང་བྱུང་ཁམས་མཛེས་པོ་དེ་དག་ལ་དོ་སྣང་བྱེད་པ་དང། རྒྱལ་གཅེས་ལྷག་བསམ་དང་། སྙན་གྲགས་ཅན་གྱི་མི་སྣ་བཙོན་པ་དང་། རྩོམ་པ་པོ། གཞས་པ་གཞས་མ་ཚོ་དང་མཇལ་ཕྲད་ཀྱིས་ཅི་འཕྲོས་མོལ་འཕྲོས་མང་པོའི་བརྒྱུད་ནས་གནས་ཚུལ་རྒྱུས་ལོན་བྱེད་འདོད་འདུག
༣། ང་བོད་ལ་ལོག་ན་འདོད་པའི་རྒྱུ་མཚན་གསུམ་པ་ནི། ཕྱི་ལོ་ ༡༩༥༩ ལོ་ནས་བཟུང་བོད་ལ་གནས་པའི་བོད་མི་ཚོའི་འགྲོ་བ་མིའི་ཐོབ་ཐང་ཡོངས་རྫོགས་རྒྱ་མིས་འཕྲོག་པ་རེད། ང་རང་བོད་ལ་ཕྱིན་ནས་ཤ་ཁྲག་གཅིག་པའི་བོད་རིགས་སྤྲུན་ཟླ་ཚོའི་དཀའ་སྡུག་ཇི་ཙམ་མྱོང་བ་ཐག་རིང་ནས་གོ་བ་ཙམ་མིན་པར་རང་གིས་མིག་གིས་མངོན་སུམ་མཐོང་འདོད་འདུག དེ་བཞིན་ང་ཚོ་བོད་མི་རིགས་ཀྱི་ཆོས་དང་རིག་གཞུང་། སྐད་ཡིག་སོགས་བོད་ནང་ཡོད་པའི་བོད་མི་ཚོ་དང་མཉམ་དུ་བདག་གཅེས་བྱ་རྒྱུའི་གོ་སྐབས་ཟང་པོ་ཐོབ་ཀྱི་རེད་བསམ་གྱི་འདུག
༤། ང་བོད་ལ་ལོག་ན་འདོད་པའི་རྒྱུ་མཚན་བཞི་པ་ནི། བོད་ལ་དམར་པོའི་གཞུང་གིས་ཕྱི་ལོ་༡༩༥༩ ལོ་ནས་བོད་ཀྱི་དགོན་པ་གྲངས་ལས་འདས་པ་གཏོར་བཤིག་དང་། ཤིང་ནགས་གཅོད་འབྲེག གཙང་ཆུ་རྣམས་ལ་ཆུ་མཛོད་བརྒྱབ་སྟེ་བཀག་པ། རང་བྱུང་ཁོར་ཡུག་ལ་སྦགས་བཙོག་སོགས་བྱེད་ཀྱི་ཡོད། དེ་བཞིན་བོད་ཀྱི་ཆོས་དང་རིག་གཞུང་། སྐད་ཡིག་རྩ་མེད་བཏང་དང་གཏོང་བཞིན་ཡོད།བོད་རང་ཙན་ཐོབ་ནས་བོད་ལ་ལོག་རྒྱུ་བྱུང་ན་རྒྱ་མིས་གཏོར་བཤི་དང་ཉམས་ཆག་བཏང་བ་རྣམས་ང་ཚོས་སླར་གསོ་བྱས་ནས་བོད་དང་བོད་མི་རིགས་ལ་བདེ་སྐྱིད་སྐྲུན་ཐུབ།
༥། ང་བོད་ལ་ལོག་ན་འདོད་པའི་རྒྱུ་མཚན་ལྔ་པ་ནི། ༧གོང་ས་མཆོག་བོད་ལ་ཕེབས་རྒྱུའི་ཐུགས་རེ་ཆེན་པོ་གནང་གི་ཡོད། ཁོང་གིས་ང་ཚོ་བོད་གཞིས་བྱེས་མཉམ་མཛོམས་ཡོང་གི་རེད་ཅེས་གསུངས་པ་བཞིན། ང་ཡང་ཁོང་གི་ལྷན་དུ་བོད་ལ་ལོག་འདོད་ཆེན་པོ་ཡོད། ༧གོང་ས་མཆོག་གི་བཀའ་དྲིན་ནི་བསམ་གྱི་མི་ཁྱབ་པ་ཞིག་རེད་བསམ་གྱི་འདུག ཕྱི་ལོ་༡༩༥༩ ལོ་ནས་ད་བར་ང་ཚོ་བཙན་བྱོལ་དུ་སློབ་གྲྭ་དང་། གཞིས་ཆགས། དགོན་པ། དམག་མི། བཙན་བྱོལ་སྒྲིག་འཛུགས། འཛམ་གླིང་རྒྱལ་ཁབ་ཚོས་བོད་མི་ལ་རོགས་རམ་གནང་བ། བོད་མི་ཚོ་ཕྱི་རྒྱལ་ལ་འགྲོ་བ་སོགས་ཚང་མ་༧གོང་ས་མཆོག་གི་བཀའ་དྲིན་ཉག་གཅིག་ལ་བརྟེན་ནས་རེད། ༧གོང་ས་མཆོག་གལ་སྲིད་ཕྱི་ལོ་༡༩༥༩ ལོར་བོད་ནས་རྒྱ་གར་ལ་བཙན་བྱོལ་ལ་ཕེབས་ཐུབ་མེད་ན། གོང་དུ་བཀོད་པ་ཚང་མ་སྟོང་པ་རེད། བོད་པ་ཚོ་དེང་སང་སྤྱི་སྒེར་ཚང་མ་ཕུན་སུམ་ཚོགས་པ་ཡོད་པ་འདི་དག་༧གོང་ས་མཆོག་གི་བཀའ་དྲིན་ཡིན་པ་དུས་ནམ་ཡང་དྲན་པ་ལ་མ་བརྗེད་པར་བཀའ་དྲིན་རྗེས་དྲན་བྱེད་དགོས།
ད་བར་དཔྱད་མཆན་མེད།