ལྷ་མོ་སྒྲོལ་མ། འཛིན་གྲྭ་བཅུ་གཅིག སྦེལ་ཀོབ་སཾ་བྷོ་ཊ།
བདག་ལ་བྱམས་བརྩེས་བསྐྱངས་བའི་བཀའ་དྲིན་ཅན་མང་པོ་ཡོད་ཀྱང་མི་སྣ་གལ་ཆེན་པོ་ལྔའི་སྐོར་ཞུ་རྒྱུ་ཡིན། དང་པོ་ནི་ངའི་བརྩེ་བའི་ཕ་མ་གཉིས་ཡིན། ད་ལྟ་ང་འཛམ་གླིང་འདིའི་ནང་ཡོད་པ་ནི་ཕ་མ་གཉིས་ཀྱི་བཀའ་དྲིན་གྱི་ཡིན། བདག་གི་ཕ་མ་ནི་ཧ་ཅང་གི་སྙིང་རྗེ་ཆེན་པོ་དང་། བྱམས་སེམས་ཆེན་པོ་ཡོད། བུ་མོ་ང་རང་ད་ལྟ་སློབ་སྦྱོང་གང་ལ་གང་མཚམས་ཤེས་པ་དེ་ཡང་གཙོ་བོ་བྱམས་བརྩེ་ལྡན་པའི་ཕ་མ་གཉིས་ཀྱི་དཀའ་དྲིན་ལ་བརྟེན་ནས་ཡིན།
གུས་མོ་ང་རང་ལོ་ན་ཆུང་དུས་སྐབས་ཕ་མའི་བསླབ་བྱ་དང་བཀའ་དྲིན་ལ་བརྟེན་ནས་བུ་མོ་ང་རང་གི་མི་ཚེའི་འགྲོ་ལམ་འདི་བྱུང་བ་རེད། ཕ་མ་མེད་པའི་དུས་སྐབས་སུ་འཛམ་གླིང་གི་བྱེ་ཐང་ཆེན་པོ་ཞིག་གི་སྟེང་བུ་མོ་ང་རང་ཁེར་རྐྱང་ལྷག་པའི་ཚོར་བ་ཞིག་སྟེར། ད་ལྟ་སོ་སོ་ལ་བྱམས་བརྩེས་སྐྱོང་མཁན་ཡོད་པའི་སྐབས་འདིར་ཕ་མ་གཉིས་པོ་ཧ་ཅང་གི་དྲིན་ཆེན་དང་ཐུགས་རྗེ་ཆེན་པོ་ཡིན་པ་ཚོར་དགོས། འཛམ་གླིང་འདིའི་ནང་ད་ལྟ་མི་འབོར་ཧ་ཅང་མང་པོ་ཡོད་ཀྱང་། ཁ་ཤས་ཀྱིས་ཕ་མ་ཐུགས་རྗེ་བཀའ་དྲིན་ཆེན་པོ་ཡིན་པ་ཤེས་ཀྱི་མེད། དེར་བརྟེན་ལྷན་རྒྱས་ཡོངས་ལ་ད་ལྟ་བྱམས་བརྩེས་སྐྱོང་མཁན་གྱི་ཕ་མ་ཡོད་དུས་དེ་ལ་རོགས་རམ་དང་གུས་ཞབས་བྱེད་རྒྱུ་ནི་ང་ཚོ་ཚང་མའི་ལས་འགན་ཡིན། ད་ལྟ་ང་ཚོ་ཚང་མ་ལ་ཕ་མ་ཡོད་པས་སོ་སོ་བསོད་ནམས་ཆེན་པོ་ཡིན་པ་ཚོར་དགོས། བདག་ལ་བྱམས་བརྩེས་བསྐྱངས་བའི་བཀའ་དྲིན་ཆེ་བའི་ཕ་མ་ནི་ངས་དུས་ནམ་ཡང་བརྗེད་མི་སྲིད་ལ། བུ་མོ་ང་རང་ངོས་ནས་ཁོང་རྣམ་པས་གང་གསུངས་པ་ལ་ཉན་རྒྱུ་ཡིན།
གཉིས་པ། བདག་ལ་བྱམས་སྙིང་རྗེས་བསྐྱངས་བའི་བཀའ་དྲིན་ཅན་གཉིས་པ་ནི་ངའི་ཨ་ཁུ་ལགས་ཡིན། ཁོང་ནི་ད་ལྟ་ཕྱི་རྒྱུལ་དུ་བཞུགས་ཡོད། ང་རང་ཆུང་དུས་ནས་ཁོང་གིས་གཟིགས་སྐྱོང་གནང་བ་རེད། ད་ལྟ་ང་རང་བོད་པའི་སློབ་གྲྭར་སློབ་སྦྱོང་བྱ་རྒྱུའི་གོ་སྐབས་ཐོབ་པ་དེ་ཁོང་གི་བཀའ་དྲིན་ཡིན། མི་མང་ཆེ་བ་ལ་སོ་སོའི་ཕ་མ་བཀའ་དྲིན་ཆེན་པོ་ཡིན་ནའང། ངའི་ཆེད་དུ་ཕ་མ་གཉིས་པ་ལྟ་བུ་ནི་ངའི་ཨ་ཁུ་ཡིན། ང་ལོ་ལྔ་ནས་རྒྱ་གར་གྱི་མངའ་སྡེ་ཀར་ནཱ་ཊ་ཀ་ལ་ཁྲིད་ནས་ང་ལ་གསོ་སྐྱོང་གནང་ཡོད།
ཁོང་གིས་ངའི་ཆེད་དུ་སྐུ་ལས་གང་གནང་བ་དེ་ཕ་མས་གནང་བ་དང་མཚུངས་བས། ངས་ཁོང་གི་བཀའ་དྲིན་ནམ་ཡང་བརྗེད་མི་ཐུབ་ལ། ངས་ཁོང་གི་བཀའ་དྲིན་ཚེ་གང་འཇལ་ཐུབ་ཐབས་ཀྱང་མེད།
གསུམ་པ། བདག་ལ་ཤེས་ཡོན་གནང་མཁན་གྱི་དགེ་རྒན་རྣམ་པ་ཡིན། ད་ལྟ་ང་ཚོའི་སློབ་ཕྲུག་གི་མི་ཚེ་བཟོ་མཁན་ནི་བཀའ་དྲིན་ཆེ་བའི་དགེ་རྒན་རྣམ་པ་ཡིན། བདག་གིས་བསམ་ན་འཛམ་གླིང་ནང་ལས་ཀ་ཁག་ཤོས་དེ་དགེ་རྒན་གྱི་ལས་ཀ་ཡིན་པར་སེམས། ང་ཚོ་སློབ་ཕྲུག་གི་མི་ཚེ་ཕྱེད་ཀ་ལྷག་ཚང་མ་དགེ་རྒན་གྱིས་བཟོས་ཀྱི་ཡོད། དགེ་རྒན་གྱིས་ང་ཚོ་ཉི་མ་ནས་ཉི་མ་མི་ཚེའི་འགྲོ་སྟངས་སློབ་གནང་གི་ཡོད། ང་ཚོའི་དགེ་རྒན་དང་སློབ་ཕྲུག་གི་འབྲེལ་བ་ནི་ཕ་མ་དང། ཕྲུ་གུ་ཡི་འབྲེལ་བ་དང་མཚུངས་པ་ཡིན། བདག་གིས་དགེ་རྒན་ཚོའི་བཀའ་དྲིན་ནམ་ཡང་བརྗེད་ཐུབ་ཐབས་མེད།
གསུམ་པ། བདག་གི་བརྩེ་བའི་གྲོགས་པོ་དང་གྲོགས་མོ་རྣམ་པ་ཡིན། བདག་འཛམ་གླིང་ནང་ལ་སླེབས་པ་ནས་ང་རང་གི་གྲོགས་མོ་ཚོ་ཧ་ཅང་བཀའ་དྲིན་ཆེན་པོ་ཡིན། ང་རང་ལ་དཀའ་ངལ་འཕྲད་པའི་སྐབས་སུ་ངའི་གྲོགས་མོ་ཚང་མས་ང་ལ་སེམས་ཤུགས་དང། ནུས་པ་སྤྲོད་ཀྱི་ཡོད། དེང་སང་གི་འཛམ་གླིང་ནང་ང་ཚོའི་གྲོགས་མོ་དང་གྲོགས་པོ་ཡག་པོ་རགས་རྒྱུ་ཁག་པོ་རེད། གྲོགས་མོས་བདག་ལ་གང་ཡག་པོ་ཡིན་པ་དང་ནོར་བ་ཡིན་པ་བཤད་ཀྱི་ཡོད། ད་ལྟ་ང་ཚོ་ལ་གྲོགས་པོ་དང་གྲོགས་མོ་བཟང་པོ་ཡོད་པའི་སྐབས་འདིར་ཁོང་ཚོའི་མཉམ་དུ་འཆམ་པོ་བྱེད་དེ་སྡོད་དགོས་པ་དང། གྲོགས་པོ་དང་གྲོགས་མོ་བཟང་པོ་རྣམས་སོ་སོས་བདག་པོ་རྒྱག་རྒྱུ་ཧ་ཅང་གལ་ཆེ། གྲོགས་པོ་དང་གྲོགས་མོ་རྣམས་སྤྱོད་པ་ཡག་པོ་དང་། རང་ལ་བརྩེ་བ་ཡོད་མཁན། བྱམས་སྙིང་རྗེ་ཡོད་མཁན་ཡོད་དགོས་སོ། །
ད་བར་དཔྱད་མཆན་མེད།