བསྟན་འཛིན་ཟླ་གསལ། འཛིན་གྲྭ་བདུན་པ། སྦེལ་ཀོབ་སཾ་བྷོ་ཊ།
ང་ཚོའི་མི་ཚེའི་ནང་དམིགས་དཔེ་བལྟ་བའི་ཡུལ་མཆོག་ཏུ་གྱུར་བའི་མི་སྣ་ངེས་ཅན་མང་པོ་ཡོད། མི་སྣ་དེ་ཚོའི་སྐུ་ཚེའི་ལོ་རྒྱུས་སམ། ཁོང་ཚོས་ཕྱག་ལས་གནང་བ་དག་ལ་བལྟས་ནས་ང་ཚོ་ལ་བཟོད་བསྲན་ལ་སོགས་པའི་ནང་སེམས་ཀྱི་་ནུས་ཤུགས་མང་པོ་སྤྲོད་ཀྱི་ཡོད་པ་མ་ཟད། ང་ཚོའི་མི་ཚེའི་ནང་དཀའ་ངལ་མང་པོ་འཕྲད་པའམ། ཡང་ན་ཁ་ནས་སྐད་ཆ་ཚིག་གཅིག་ལབ་མ་ཐུབ་པ་སོགས་ཧ་ཅང་ཞེད་སྣང་བྱེད་དགོས་པའི་དུས། ཁོང་རྣམ་པས་བཀའ་སློབ་གནང་བ་དང། མི་ཚེའི་མདུན་ལམ་ཟབ་མོ་བསྟན་གནང་ནས་ཞེད་སྣང་དེ་ལས་ཐར་བར་བྱེད་པའི་རྒྱུ་མཚན་གྱིས་ང་ཚོར་བཀའ་དྲིན་ཤིན་ཏུ་ཆེ་བས། འདི་འདྲ་བའི་བཀའ་དྲིན་ཅན་གྱི་མི་སྣ་མང་པོ་ཡོད་པ་ལས། དེའི་ནང་ནས་གུས་མོར་བྱམས་དང་སྙིང་རྗེས་བསྐྱངས་བའི་ཤིན་ཏུ་ནས་བཀའ་དྲིན་ཅན་དེ་ནི་བོད་ཀྱི་བླ་ན་མེད་པའི་དབུ་ཁྲིད་འཛམ་གླིང་ཞེ་བདེའི་དེད་དཔོན་༸སྤྱི་ནོར་༸གོང་ས་༸སྐྱབས་མགོན་ཆེན་པོ་བསྟན་འཛིན་རྒྱ་མཚོ་མཆོག་ཡིན།
ཁོང་ནི་ང་ཚོའི་བསྟོད་བསྔགས་ཀྱི་མེ་ཏོག་གཏོར་ཡུལ་དེ་ཡིན་པ་སྨྲས་མི་དགོས། ཁོང་ང་ཚོའི་བོད་མི་མང་གི་དམིགས་དཔེ་བལྟ་སའི་ཡུལ་ཡིན་པ་ཙམ་དུ་མ་ཟད། འཛམ་གླིང་རྒྱལ་ཁབ་མང་པོའི་དཔོན་པོ་དང། མཁས་དབང། ཚན་རིག་པ། དགེ་རྒནསོགས་ཀྱིས་ཀྱང་དམིགས་དཔེར་ལྟ་བ་དང། ལམ་སྟོན་བཀའ་སློབ་ཞུ་ཡི་ཡོད།
ཁོང་གུས་མོར་བཀའ་དྲིན་ཅན་ཞིག་ཡིན་པའི་རྒྱུ་མཚན་ནི། ཁོང་ཆུང་དུས་སྐབས་ཏེ་དགུང་ལོ་བཅུ་དྲུག་སྐབས་ནས་བོད་རྒྱལ་ཁབ་ཀྱི་ཆོས་དང་སྲིད་གཉིས་ཞི་བའི་ངང་ནས་བསྐྱངས་བའི་སྐབས་རྒྱ་དམག་གིས་བོད་ནང་དགོན་པ་མང་པོ་གཏོར་བཤིག་བཏང་བ་དང། བོད་མི་སྟོང་ཕྲག་མང་པོ་དམར་གསོད་བཏང་ཡོད། གནས་ཚུལ་ཐབས་སྡུག་དེ་འདྲ་བྱུང་བས་ཁོང་གིས་བོད་མི་སྟོང་ཕྲག་མང་པོའི་དབུ་ཁྲིད་གནང་ནས་རྒྱ་གར་དུ་བདེ་བར་ཕེབས་འབྱོར་ཐུབ་པ་བྱུང་ཡོད།
དེ་ཙམ་མ་ཟད། རྒྱ་གར་གྱི་གཞུང་དང་ལྷན་འབྲེལ་བ་གནང་ནས་བོད་མིའི་མ་འོངས་པའིི་མདུན་ལམ་ཆེད་དུ་སློབ་གྲྭ་དང། སྨན་ཁང། ལས་ཁུངས། དགོན་པ་སོགས་གསར་དུ་བཙུགས་གནང་བ་དང། ་ཁོང་གིས་ང་ཚོ་བཙན་བྱོལ་བ་ཞིག་ཡིན་ན་ཡང་རྒྱ་གར་གྱི་ཡུལ་དུ་ང་ཚོ་ལ་དཀའ་ངལ་མེད་པའི་ཐོག་བསྐྱངས་བ་དང། མ་ཟད་འཛམ་གླིང་ས་ཕྱོགས་གང་སར་དུ་རང་གཞན་དབྱེ་བ་མེད་པར་བྱམས་དང་སྙིང་རྗེའི་ངང་ནས་ཆོས་ཀྱི་འཁོར་ལོ་ཟབ་པོ་བསྐོར་ནས་བསྐྱངས་གནང་དང་གནང་བཞིན་ཡོད།
རང་གཞན་དབྱེ་བ་མེད་པར། །
ཆོས་ཀྱི་འཁོར་ལོ་སྐོར་མཁན། །
འཛམ་གླིང་ཞི་བདེའི་དེད་དཔོན། །
སྐུ་ཚེ་བརྟན་པར་སྨོན་ནོ། །
ད་བར་དཔྱད་མཆན་མེད།