བསྟན་འཛིན་ནོར་སྒྲོན། འཛིན་གྲ་དྲུག་པ། རྡ་སྟེང་བོད་ཁྱིམ་སློབ་གྲྭ།
སྤྱིར་བཏང་ང་ལ་བྱམས་བརྩེས་སྐྱོང་བའི་མི་སྣ་ཧ་ཅང་མང་པོཡོད། ཕ་མ་སྤུན་མཆེད་གཉེན་ཉེ་པོ་སོགས་འདྲ་མིན་ཡོད། ཡིནའང་དེ་ནང་ནས་གཙོ་བོ་ནི་ངའི་བརྩེ་བའི་རྨོ་རྨོ་ལགས་ཡིན། ངའི་རྨོ་རྨོ་ལགས་ཀྱི་མཚན་ལ་པདྨ་ལྷ་མོ་ཟེར། ཁོང་ནི་ང་ཚོའི་ནང་མི་ནང་ནས་ལོ་ན་བགྲེས་ཤོས་དེ་ཡིན། ང་ཚོའི་ནང་མི་ཚང་མ་ཁོང་ལ་ཧ་ཅང་དགའ་པོ་ཡོད་དང་། ཁོང་ཡང་ང་ཚོའི་ནང་མི་ཚང་མར་གཅིག་མཚུངས་ཧ་ཅང་དགའ་པོ་ཡོད།
ཁོང་ནི་གཙང་སྦྲ་བྱེད་རྒྱུ་དགའ་ཞིང་སྐུ་གཟུགས་བདེ་བ་དང་བཅུད་ཅནགྱི་ཟས་རིགས་ཟ་རྒྱུར་དགའ་པོ་ཡོད། ཁོང་ཆོས་ལ་ཡང་ཧ་ཅང་དད་པ་ཆེན་པོ་ཡོད། ཁོང་མེ་ཏོག་འདྲ་མིན་སྣ་ཚོགས་ལ་ཡང་ཧ་ཅང་དགའཔོ་ཡོད། ང་ཚོའི་ནང་ལ་མེ་ཏོག་ལྡུམ་ར་ཡིད་དུ་འོང་བའི་མཛེས་པོ་ཞིག་ཡོད། དེར་མཚོན་མདོག་འདྲ་མིན་ཅན་གྱི་མེ་ཏོག་མང་པོ་ཡོད། ཁོང་གིས་ང་ལ་གྱོན་ཆས་དང་རྩེད་ཆས་སོགས་མང་པོ་གནང་པ་དང་། ང་ཚོ་སྤྲོ་འཆམ་ལ་ཡང་ཡང་འཁྲིད་ཀྱི་ཡོད། ᨮᨕᩏ་ᨵᨑ་ᩏ་་ᨵ་རྟགས་མང་པོ་གནང་གི་ཡོད་ནའང་། ཁོང་གི་ང་ལ་གནང་པའི་ནང་ནས་ལག་རྟགས་ཡག་ཤོས་དེ་ཁོང་གི་བྱམས་བརྩེ་དང་ཡ་རབས་བཟང་སྤྱོད་ཀྱི་བཀའ་སློབ་དེ་ཡིན། ཁོང་སློབ་གྲྭ་ཐོན་མེད་ཀྱང་། ང་ཚོ་ཤེས་ཡོན་ཅན་ཞིག་ཏུ་འགྱུར་བའི་ཆེད་དུ་གང་ཐུབ་འབད་བརྩོན་གནང་གི་ཡོད། ངའི་རྨོ་རྨོ་ལགས་ངག་འཇམ་པ་ཤིང་སྡོང་སྟེང་གི་འཇོལ་མོ་དང་འདྲ། ངའི་རྨོ་རྨོ་ལགས་སྤྱང་གྲུང་ལྡན་པ་རི་བོང་བློ་ལྡན་དང་འདྲ། ངའི་རྨོ་རྨོ་ལགས་སེམས་ཤུགས་ཆེ་ཞིང་གྲོགས་ཆུང་གྲོག་མ་ལྟར་མང་། ངའི་རྨོ་རྨོ་ལགས་བློ་ཁོག་ཆེ་བ་ནགས་ཀྱི་རྒྱལ་པོ་སེང་གེ་དང་འདྲ། ངའི་རྨོ་མོ་ལགས་ཉི་མ་ལྟར་ང་ཚོ་ལ་རང་གི་འོད་གནང་། ད་ལྟ་ཁོང་ལོ་ན་རྒན་དུ་ཕྱིན་པའི་ཞལ་རས་གཉེར་མ་ཏོག་ཙམ་ཡོད་ཀྱང་ངའི་ཆེད་མཛེས་བཞིན་མཛུམ་མདངས་ཀྱི་ལྷ་མོ་ཡིན། ཁོང་གི་དབུ་་སྐྲ་དཀར་དུ་ཕྱིནའང་ངའི་ཆེད་དུ་དཀར་གསལ་ཟླ་བའི་སྲས་མོ་དང་འདྲ། ཁོང་གི་ནུས་ཤུགས་ཞནའང་ང་ཚོའི་ནང་མི་ནང་ནས་སེམས་ཤུགས་ཆེ་ཤོས་དེ་ཡིན། ཁོང་གི་སྐོར་ལ་བསྟོད་བསྔགས་ག་ཚོད་གཏོང་ན་ཡང་རྫོགས་མཐའ་མེད། ངའི་བརྩེ་བའི་རྨོ་མོ་ལགས། ཁྱོད་ལ་ཐུགས་རྗེ་ཆེ་གྲངས་མེད་ཡོད། །
ད་བར་དཔྱད་མཆན་མེད།