བསོད་ནམས་སྒྲོལ་མ། འཛིན་གྲྭ་དྲུག་པ། མེས་དབོན་གཙུག་ལག་དཔེ་སྟོན་སློབ་གྲྭ།
འཇིག་རྟེན་འདིའི་སྟེང་བྱམས་བརྩེ་ཡིས་མི་བསྐྱངས་པའི་སེམས་ཅན་མེད་ཅིང་གལ་སྲིད་ང་ཚོ་བྱམས་བརྩེས་མི་བསྐྱངས་པ་ཞིག་ཡིན་ན་སྔོན་ཆད་ནས་འདས་གྲོངས་སུ་འགྱུར་ཟིན་པ་རེད། ᪠དᨵ་་ᩏ་བྱམས་བརྩེས་བསྐྱངས་པའི་བཀའ་དྲིན་ཅན་གྱི་མི་སྣ་མང་པོ་ཡོད། བདག་ཐོག་མར་སྐྱེས་དུས་བརྩེ་བའི་ཕ་མ་གཉིས་ཀྱིས་བྱམས་དང་བརྩེ་བས་བསྐྱངས་པས་ཕྲན་ཤ་ཤེད་བཟང་པའི་བུ་མོ་ཞིག་ཏུ་གྱུར་བ་རེད། དང་པོ་ཨ་མས་རང་གི་རོ་བཅུད་ལྡན་པའི་འོ་མ་སྦྱིན་ནས་ང་ལ་གསོ་སྐྱོང་བྱས་པ་དང་དེ་ནས་རིམ་པས་བདག་གི་ལུས་ལ་ཕན་པའི་ཤིང་ཏོག་དང་སྔོ་ཚལ་སོགས་བཅུད་དང་ལྡན་པའི་ཟས་རིགས་རྣམས་གནང་པ་དང་། ཕྲན་ནད་ཀྱིས་མནར་དུས་ཕ་མ་གཉིས་ཀྱིས་ཉིན་མཚན་དབྱེ་བ་མེད་པར་བྱམས་དང་བརྩེ་བས་ལྟ་རྟོག་བྱེད་ཀྱི་ཡོད། དེ་ནས་རང་ཉིད་ཀྱིས་གང་ཡག་བྱས་ཐབས་བྱས་ཞིང་མི་ཚེ་དོན་དང་ལྡན་པར་ཡོང་བར་སློབ་སྦྱོང་བྱ་རྒྱུའི་གོ་སྐབས་བཟང་པོ་ཞིག་ཀྱང་གནང་ཡོད། ཕ་མ་རྣམས་ཀྱིས་རང་གི་ཕྲུ་གུའི་མྱོང་ཚོར་ཤེས་ཐུབ་ཀྱང་ཕྲུ་གུ་རྣམས་ཀྱིས་ཕ་མའི་དཀའ་ངལ་གང་ཡང་རྟོགས་མི་ཐུབ། གང་ཡིན་ཟེར་ན་ཕ་མ་ཚོས་རང་གི་ཕྲུ་གུ་སེམས་ཁྲལ་ལངས་དོགས་ཀྱིས་རང་གི་སེམས་སྡུག་དང་དཀའ་ངལ་རང་གི་ཕྲུ་གུར་བཤད་ཀྱི་མེད། ཕ་མས་རང་གི་ཕྲུ་གུར་ན་ཚ་མི་ཡོང་བ་དང་མི་ཚེ་སྐྱིད་པོ་ཡོང་བའི་ཆེད་དུ་དཀའ་ངལ་ཇི་ཕྲད་ལ་གདོང་ལེན་བྱེད་ཀྱི་ཡོད་པ་མ་ཟད་རང་ཉིད་ཀྱི་སྲོག་ཀྱང་བློས་བཏང་ཐུབ། རྒྱུན་གཏན་ནས་ཕ་མ་གཉིས་ཀྱིས་གུས་མོ་སློབ་གྲྭར་འགྲོ་བའི་ཆེད་སློབ་གྲྭའི་སྒྲིག་ཆས་གྲྭ་སྒྲིག་བྱེད་པ་དང་སློབ་གྲྭར་མ་བསྐྱོད་སྔོན་རྒན་ལགས་རྣམས་ཀྱིས་སློབ་ཚན་སློབ་ཁྲིད་གནང་སྐབས་བློ་རྩེ་གཅིག་སྒྲིམ་གྱིས་ཉན་དགོས་པ་དང་སེམས་པ་བཟང་པོ་བྱེད་དགོས་པའི་བསླབ་བྱ་ཡང་ཡང་གནང་གི་ཡོད་པ་མ་ཟད་སློབ་གྲྭ་ནས་ཁྱིམ་དུ་ཕྱིར་ལོག་བྱེད་སྐབས་སློབ་གྲྭར་སྐྱིད་པོ་བྱུང་སོང་ངམ་དང་དྲི་བ་གཞན་དག་ཡང་དོ་སྣང་ཆེན་པའི་ངང་གནང་གི་ཡོད། ᩏ་ལ་ད་ལྟ་ལུས་བདེ་ཐང་དང་སེམས་སྐྱིད་པའི་མི་ཚེ་᪠ᩏ་ᨕ་ཡོད་པ་དེ་ནི་ངའི་ཕ་མ་གཉིས་ཀྱི་བཀའ་དྲིན་རེད། ངའི་པཱ་ལགས་ལ་མཚོན་ན་ཁོང་དུས་རྒྱུན་ནས་ནང་པའི་ཆོས་ལ་དོ་སྣང་ཆེན་པོའི་ངང་སྦྱངས་ཀྱི་ཡོད་པ་དང་དམིགས་བསལ་གྱི་བྱང་ཆུབ་སེམས་དང་སྟོང་ཉིད་སྐོར་ལ་དོ་སྣང་མང་བ་གནང་གི་ཡོད། ཁོང་གིས་མཚམས་རེར་དེ་དག་གི་སྐོར་ལ་ངའི་གནས་ཚད་ལ་དཔག་པའི་འགྲེལ་བཤད་གནང་གི་ཡོད། ང་རང་གིས་བསམ་བློ་གཏོང་ན་དེ་ནི་ངའི་མི་ཚེ་ལ་ཕན་ཐོགས་ཆེན་པོ་ཡོང་ངེས་འདུག ངས་ཁྱེད་ཕ་མ་གཉིས་ཀྱི་བཀའ་དྲིན་དུས་ནམ་ཡང་བརྗེད་མི་སྲིད།
དེ་ནས་སློབ་གྲྭར་དགེ་བའི་བཤེས་གཉེན་རྣམས་ཀྱིས་བདག་ཅག་ལ་མ་འོངས་པའི་མདུན་ལམ་བསྐྲུན་ཆེད་ཡི་གེ་འབྲི་ཀློག་དང་སློབ་ཚན་འཁྲིད་པ། མི་ཚོགས་མདུན་དུ་སླངས་ཏེ་གཏམ་བཤད་དག་སྨྲ་བའི་གོ་སྐབས་གནང་རྒྱུ་ནི་ཉམས་མྱོང་གསོག་པའི་ཆེད་དུ་ཡིན། དᨵᨓ་བའི་བཤེས་གཉེན་རྣམས་ནི་བདག་ཅག་སློབ་ཕྲུག་གི་འཚོ་བའི་ནང་མི་སྣ་གལ་ཆེ་བའི་གྲྭས་ཞིག་ཡིན། ཁོང་རྣམ་པ་ང་ཚོའི་ཕ་མ་གཉིས་པ་ཡིན། གང་ཡིན་ཟེར་ན་ཐོག་མ་ང་ཚོ་སྐྱེས་དུས་ཕ་མ་ངོ་མས་ལྟ་སྐྱོང་བྱས་པ་དང་དེ་རྗེས་ང་ཚོ་སློབ་གྲྭར་བཏང་སྐབས་རྒན་ལགས་རྣམས་ཀྱིས་ང་ཚོར་རང་གི་ཕྲུ་གུ་ལྟར་ལྟ་སྐྱོང་བྱེད་ཀྱི་ཡོད། ཁྱིམ་ལ་ཕ་མས་་ཟ་སྟངས་དང་བསྡད་སྟངས་འགྲོ་སྟངས་ཤོད་སྟངས་ལ་སོགས་བསླབ་ཀྱི་ཡོད་ནའང་། སློག་གྲྭར་རྒན་ལགས་རྣམས་ཀྱིས་ཕ་མ་དང་དགེ་རྒན་གཉིས་ཀའི་འགན་བཞེས་ཀྱི་ཡོད། མ་ཟད་དགེ་རྒན་གྱིས་ང་ཚོ་སློབ་ཕྲུག་རྣམས་ལ་ཤེས་ཡོན་སྦྱིན་ཞིང་མ་འོངས་པར་ང་ཚོས་རྣམ་སྤྱོད་་ཁོང་རྣམ་པའི་ལམ་སྟོན་ཟབ་མོར་བརྟེན་ང་ཚོ་ནར་སོན་རྗེས་མ་འོངས་པར་བོད་རིགས་ལ་ཤིན་ཏུ་མཁོ་བའི་སྨན་པ་དང་ཚན་རིག་པ་མཁས་ཅན་ཡང་ན་གསར་གཏོད་མི་སྣ་ཞིག་ཏུ་གྲུབ་ཐུབ་ངེས་རེད། དᨓ་᪄་སྔོན་ཕྲན་འཛིན་གྲྭ་དང་པོ་ནས་གསུམ་པ་བར་བོད་རྒན་ཆོས་མཚོ་ལགས་ཀྱིས་བསླབས་གནང་བའི་སློབ་འཁྲིད་ཀྱི་བཀའ་དྲིན་ལ་བརྟེན་ནས་བདག་ཕ་ཡུལ་བོད་ཀྱི་སྐད་ཡིག་ཡག་པོ་ཤེས་ཀྱི་ཡོད་པ་དང་། དེ་བཞིན་ཁོང་གི་བཀའ་དྲིན་ལ་བརྟེན་ནས་ད་ཆ་ཕྲན་རང་གི་འཛིན་གྲྭའི་ནང་བོད་སྐད་ལ་ཡག་པའི་སློབ་ཕྲུག་གི་གྲྭས་ཞིག་ཡིན། དཔེ་དེ་བཞིན་ད་ལྟ་ང་རང་འཛིན་གྲྭ་དྲུག་པར་སློབ་སྦྱོང་སྦྱང་བའི་སྐབས་ངའི་ཨིན་ཇི་དགེ་རྒན་དབང་མོ་ལགས་ཀྱིས་ངའི་སློབ་སྦྱོང་བྱེད་ཚུལ་ལ་བསྟོད་བསྔགས་བཏང་དུས་བདག་ལ་ད་དུང་སློབ་སྦྱོང་ཡག་པོ་སྦྱང་བར་སེམས་ཤུགས་དང་བློ་སྟོབས་ཇེ་ཆེར་སྐྱེས་ཀྱི་འདུག དགེ་རྒན་རྣམས་ནི་བདག་ཅག་སློབ་ཕྲུག་རྣམས་ལ་མར་མེ་སྒྲོན་མའི་ལྟར་ལམ་མ་ནོར་བ་སྟོན་མཁན་ཞིག་ཡིན།
བོད་ཀྱི་དབུ་འཁྲིད་༸གོང་ས་ཏཱ་ལེ་བླ་མ་མཆོག་གིས་བདག་ཅག་བཙན་བྱོལ་བོད་པ་རྣམས་ལ་བོད་ནས་རྒྱ་གར་འཕགས་པའི་ཡུལ་ལ་བཙན་བྱོལ་དུ་ཡོང་སྐབས་བོད་མི་མང་ལ་ཤེས་ཡོན་གོ་རྟོགས་དང་མང་ཚོགས་ཀྱི་འཕྲོད་བསྟེན་དཀའ་ངལ་སེལ་ཆེད་སྨན་ཁང་དང་སློབ་གྲྭ་སོགས་འཛུགས་བསྐྲུན་བྱས་ཡོད་ཅིང་བོད་ཀྱི་ཆོས་རིག་མི་ཉམས་གོང་འཕེལ་དང་ཉམས་པ་སླར་གསོའི་དོན་དུ་ཕྱི་ལོ་ ༡༩༥༩ ཟླ་བཞི་པའི་ནང་ཆོས་དོན་ལས་ཁུངས་དང་འདུ་འགོད་དཔལ་འབྱོར་ལས་ཁུངས། ནང་སྲིད་ལས་ཁུངས། ཤེས་རིག་ལས་ཁུངས། ཕྱི་སྲིད་ལས་ཁུངས་བཅས་ལས་ཁུངས་ཆེ་ཁག་ལྔ་དང་ཡན་ལག་ལས་ཁུངས་བཞི་རྩིས་ཞིབ། ལས་བྱེད་བདག་གཉེར་ཁང་། བདེ་སྲུང། དྲིལ་བསྒྲགས་བཅས་འཛུགས་བསྐྲུན་གནང་ཡོད། ཁོང་གིས་ང་ཚོ་བོད་མི་རྣམས་ལ་སོ་སའི་ཕྲུ་གུ་ལྟར་བརྩེ་བས་བསྐྱོངས་དང་བསྐྱོངས་བཞིན་པ་ཡིན་པ་དང་ཚེ་འདི་ཕྱི་གཉིས་ཀར་ཕན་ཆེད་བཀའ་སློབ་ལམ་སྟོན་དུས་རྟག་ཏུ་གང་མང་གནང་གི་ཡོད། ཉེ་ཆར་ཕྱི་ཟླ་ ༡༠ ཚེས་ ༡༡ གི་ཉིན་མོ་ལ་ཕྲན་ལ་༸གོང་ས་མཆོག་གི་དམིགས་བསལ་མཇལ་ཁ་ཞུ་བར་བཀྲ་ཤིས་པའི་གོ་སྐབས་བཟང་པོ་ཞིག་ཐོབ་བྱུང་། ཁོང་གི་ཞལ་རས་མཇལ་པ་ཙམ་གྱིས་ངའི་སེམས་ལ་ཕྲན་ནི་འཇིག་རྟེན་འདིའི་ནང་མི་བསོད་ནམས་ཆེ་ཤོས་ཞིག་ཡིན་པ་ལྟར་ཚོར་བྱུང་། ངས་ཁོང་གི་བཀའ་ལྟར་བྱུང་ན་སེམས་ཅན་གཞན་ལ་ཕན་རོགས་གང་ཐུབ་བྱེད་རྒྱུ་དང་དེ་མ་བྱུང་ན་ཡང་གནོད་པ་ནམ་ཡང་མི་སྐྱེས་པའི་སེམས་ཐག་བཅད་པ་ཡིན། དེ་མ་ཟད་ཁོང་ནི་གོང་བཀོད་བདག་གི་དྲིན་ཅན་ཕ་མ་དང་བཀའ་དྲིན་ཅན་གྱི་དགེ་བའི་བཤེས་གཉེན་རྣམས་ལ་ཡང་བཀའ་དྲིན་ཆེན་པོ་ཡིན། ང་ཚོ་༸གོང་ས་མཆོག་གི་བརྩེ་བས་བསྐྱངས་མེད་པ་ཡིན་ན་ད་ལྟ་ང་ཚོ་གསོན་པོ་གནས་ཡོད་པ་ག་ལ་ཤེས་ཐུབ། ཁོང་ནི་ང་ཚོ་བོད་མི་ཡོངས་ཀྱི་ལྟ་བའི་མིག་དང་ཁོག་པའི་སྙིང་ཡིན་པ་བཤད་མི་དགོས་པ་རེད། །
གོང་བཀོད་བཀའ་དྲིན་ཅན་རྣམས་ཀྱིས་ང་ལ་བྱམས་བརྩེས་བསྐྱངས་པ་ལ་བརྟེན་ནས་ཕྲན་གྱི་མི་ཚེ་དེ་དོན་དང་ལྡན་པར་ཞིག་ཡོང་བར་བརྒྱ་ཆ་བརྒྱ་ཡིད་ཆེས་ཡོད། མ་ཟད་བདག་ཙམ་མ་ཡིན་པ་ཕྲུ་གུ་གཞན་ལའང་རང་སོ་སོའི་ཕ་མ་དང་། རྒན་ལགས། ༸གོང་ས་མཆོག་ནི་བཀའ་དྲིན་ཆེན་པོ་རེད་བསམ་གྱི་འདུག བྱས་ཙང་ང་᫄ᨕས་ཁོང་རྣམ་པའི་བཀའ་དྲིན་དང་བྱམས་བརྩེའི་རིན་ཐང་ཤེས་དགོས་པ་དང་ཁོང་རྣམས་ཀྱི་བཀའ་དྲིན་འདི་ཇ་ལན་ཆུ་འཇལ་ལྟར་མ་ཡིན་པར་ཁོང་རྣམ་པའི་᪠རྩལ་བའི་བཀའ་སློབ་ལམ་སྟོན་རྗེས་སུ་ཡིད་རངས་ཞུ་ནས་ལག་བསྟར་གནང་དགོས་པ་ནི་ཧ་ཅང་གལ་ཆེན་པོ་ཡིན་ནོ།
ད་བར་དཔྱད་མཆན་མེད།