བློ་བཟང་སངས་རྒྱས། འཛིན་གྲྭ་བརྒྱད་པ། རྫོང་ཆོས་སློབ་གྲྭ།
དེ་རིང་ངས་རྩོམ་བྲི་ཡ་དེ་བདག་ལ་བྱམས་བརྩེས་བསྐྱངས་པའི་བཀའ་དྲིན་ཅན་ཡིན། རྩོམ་དེ་ལ་བརྗོད་གཞི་གསུམ་གྱི་སྒོ་ནས་བྲིས་ཡོད། བརྗོད་གཞི་གསུམ་ནི་དང་པོ་ཕ་མ་དང་གཉིས་པ་རྩ་བའི་བླ་མ། གསུམ་པ་དགེ་རྒན་བཅས་གསུམ་ཡིན།
དང་པོ་ཕ་མས་བྱམས་བརྩེས་བསྐྱངས་པའི་བཀའ་དྲིན་ནི། ཕ་མ་ཟེར་བ་ནི་དུས་རྟག་དུ་བྱམས་བརྩེ་གནང་མཁན་གྱི་གང་ཟག་ཐོག་མ་དེ་ཡིན། ང་ལ་ཆ་བཞག་ན་ཕ་མས་ལོ་བདུན་བར་བྱམས་བརྩེའི་འོག་ནས་བསྐྱངས་པ་ཡིན། དེའི་སྔོན་ལ་ཕ་མའི་མངལ་དུ་ཟླ་བ་དགུ་རིང་ཉར་ཚགས་བྱས་ཡོད། མ་ཟད་དཀའ་ངལ་མང་པོ་གདོང་ལེན་བྱས་ཡོད། ཁོང་ནི་དུས་རྟག་ཏུ་ཕྲུ་གུ་མ་གཏོགས་རང་ཉིད་ལ་བསམ་བློ་དེ་ཙམ་མི་གཏོང་མཁན་གྱི་མི་སྣ་གལ་ཆེན་ཞིག་ཡིན། འདི་ལྟ་བུ་ནི་ངའི་ཕ་མ་གཅིག་པོ་མིན་པར་འཇིག་རྟེན་གྱི་ཕ་མ་ཚང་མ་ཡིན། ཕ་མ་ཟེར་བ་དེ་དངོས་གནས་བཀའ་དྲིན་ཆེན་པོ་ཞིག་ཡིན། ང་ལྟ་བུར་ཆ་བཞག་ན་ལོ་ངོ་བདུན་ནས་གྲྭ་བར་བཏང་པ་ཡོད། བཏང་ནས་ལོ་འགའ་ཤས་ཀྱི་རྗེས་ལ་ང་ནང་ལ་གུང་གསེང་ཕྱིན་པ་ཡིན། དེ་དུས་ཕ་མ་གཉིས་ནི་སྐྲ་དཀར་པོ་དང་གདོང་གཉེར་མས་ཁེངས་ནས་རྒས་འདུག་སྟེ་ད་དུང་ཡང་ང་ལ་སྔར་གྱི་བྱིས་པ་ནང་བཞིན་བྱམས་སྐྱོང་གནང་གི་འདུག། ཕ་མ་ཟེར་བ་ནི་དུས་རྟག་ཏུ་ང་ཚོས་བརྗེད་ཏུ་མི་རུང་བའི་བཀྲིན་ཅན་ཞིག་ཡིན་པ་ང་ཚོས་ངེས་པར་ཤེས་པར་བྱ་དགོས། །
གཉིས་པ་རྩ་བའི་བླ་མ། ཆོས་པ་སུ་འདྲ་ཞིག་ཡིན་ཡང་རང་ཉིད་ལ་རྩ་བའི་བླ་མ་ཞིག་ཡོད། ངའི་རྩ་བའི་བླ་མ་ནི་༸གོང་ས་མཆོག་ཡིན། ང་གྲྭ་སར་འཛུལ་ནས་ལོ་གཉིས་ཀྱི་རྗེས་སུ་ཁོང་ང་ཚོའི་དགོན་པ་ལ་ཕེབས་སོང། དེ་དུས་ང་ལོ་བདུན་སོན་པའི་སྐབས་ཡིན། ང་ཚོའི་དགོན་པ་ལ་ཁོང་གིས་བཀའ་སློབ་གནང་བྱུང། བཀའ་སློབ་གནང་བའི་དུས་སུ་ངའི་སེམས་ལ་ཚོར་བ་ཆེན་པོ་ཞིག་སྐྱེས་སོང། ཚོར་བ་དེ་གང་ཡིན་ཟེར་ན་དང་པོ་སྡིག་པ་ཟེར་བ་དེ་ངས་ཤེས་ཀྱི་མེད། ཁོང་གིས་བཀའ་སློབ་གནང་དུས་སྡིག་པ་ཟེར་བ་དེའི་དོན་དེ་ངས་ཤེས་སོང། འདི་གཅིག་པོ་མ་རེད་དེ་དང་མཉམ་དུ་སེམས་པ་བཟང་པོ་བྱེད་རྒྱུ་དང་མི་ལ་གནོད་འཚེ་སྐྱེལ་ཡ་མེད་པ་ཤེས་སོང། དེ་ཚོ་ཚང་མ་ཤེས་ཡ་དེ་༸གོང་ས་མཆོག་གི་བཀའ་དྲིན་ཉིད་ཡིན།
གསུམ་པ་དགེ་རྒན། དགེ་རྒན་ཟེར་བ་དེ་འཇིག་རྟེན་འདིའི་ནང་ལ་གལ་ཆེ་ཤོས་ཤིག་རེད། ད་ལྟ་ང་སློབ་གྲྭར་འགྲོ་བཞིན་ཡོད། ངའི་སློབ་གྲྭ་ལ་དགེ་རྒན་བཅུ་གཉིས་ཙམ་ཡོད། དགེ་རྒན་བདུན་དེ་ཨ་ཁུ་མི་སྣ་དང་དགེ་རྒན་ལྔ་དེ་གྲྭ་བ་ཡིན། དགེ་རྒན་གྱི་བཀའ་དྲིན་ཆེས་ཤོས་དེ་ནི་བསམ་བློ་གཏང་སྟངས་དེ་ཡིན། དེ་དང་མཉམ་དུ་དང་པོ་ངས་[ཀ་ཁ་ག་ང་] དང་[A B C D]ཤེས་ཀྱི་མེད། འདིར་སླེབས་ནས་དགེ་རྒན་གྱིས་ཀློག་རྩལ་དང་མཉམ་དུ་འབྲི་རྩལ་སོགས་བསླབས་བྱུང། མ་ཟད་སོ་སོར་དཀའ་ངལ་ཕྲད་དུས་རོགས་པ་བྱེད་མཁན་དེ་ཡང་དགེ་རྒན་ཡིན། དགེ་རྒན་གྱིས་ད་ལྟ་བར་ང་ལ་བཀའ་སློབ་གནང་གི་ཡོད། བཀའ་སློབ་དེ་གང་ཡིན་ཟེར་ན་མི་ལ་ཕན་ཐོགས་ཡ་མེད་ནའང་གནོད་མ་སྐྱེལ་ཟེར་བ་གསུང་གི་འདུག། འདི་ངའི་སེམས་ལ་དགེ་རྒན་གྱི་བཀའ་དྲིན་ཆེན་པོ་ཞིག་ལ་ངོས་འཛིན་བྱེད་ཀྱི་ཡོད་པ་མ་ཟད་དགེ་རྒན་ཟེར་བ་དེ་བཀའ་དྲིན་ཆེན་པོ་ཡིན་པ་བརྗེད་མི་ཆོག་པ་ཞིག་ཡིན། ཐ་མར་ཞུ་ཡ་གཅིག་ལ་ང་ཚོ་སློབ་ཕྲུག་སོ་སོ་ལ་བྱམས་བརྩེས་བསྐྱངས་པའི་་བཀའ་དྲིན་དེ་དུས་ནམ་ཡང་མི་ཚེའི་ནང་བརྗེད་མི་རུང་། ། ངས་འབོད་སྐུལ་ཞུ་རྒྱུ་ལ་ཁྱེད་ཚོ་ཚང་མས་སོ་སོའི་སེམས་ལ་བཞག་ནས་ངས་བཤད་པ་རྣམས་མ་བརྗེད་རོགས། ། བཀྲིན་ཆེ། །
ད་བར་དཔྱད་མཆན་མེད།