བསྟན་འཛིན་མཚོ་མོ། བདུན་པ་བུམ་པ། གོ་པལ་པུར་བོད་ཁྱིམ།

སྤྱིར་མི་སུ་ཞིག་ཡིན་ཡང་རང་ཉིད་ཀྱི་ཨ་མ་ལས་གལ་ཆེ་བ་སུ་ཞིག་ཀྱང་མེད་པ་ལྟ་བུ་རེད། དེ་ལྟར་ང་ཚོའི་གངས་ཅན་ལྗོངས་ཀྱི་ཨ་མ་ལགས་ནི་སྐྱེ་འགྲོ་ཀུན་གྱིས་དགའ་མོས་བྱེད་སའི་བུད་མེད་ཞིག་རེད། ཨ་མ་རྗེ་བཙུན་པདྨ་ནི་བོད་མི་ཡོངས་ཀྱི་ཨ་མ་ལྟ་བུར་ངོས་འཛིན་བྱེད་ཀྱི་ཡོད། ཕྱི་ལོ་༡༩༤༠ཟླ་བ་༧ཚེས་༧ཉིན་ཡབ་ཆོས་སྐྱོང་ཚེ་རིང་དང་ཡུལ་བདེ་སྐྱིད་ཚེ་རིང་གི་བུ་མོ་རུ་སྐུ་འཁྲུངས་ཞིང། ༸སྐྱབས་མགོན་༸གོང་ས་ཆེན་པོའི་གཅུང་མོ་ཡང་ཡིན། དགུང་ན་ཕྲ་བའི་སྐབས་ནས་སེམས་ཅན་ལ་བརྩེ་བཀུར་ཆེ་བ་དང་ལས་གང་འདྲ་ཞིག་གནང་ཀྱང་སེམས་པ་ལྷག་བསམ་རྣམ་དག་གི་གནང་གི་ཡོད། ཁོང་གི་དཀར་བསལ་ཟླ་བའི་ཞལ་རས་ནི་དུས་རྟག་ཏུ་ངའི་ཡིད་ལ་ཤར། ཞལ་རས་ནང་གི་གཉེར་མ་རྣམས་ཀྱི་ནང་ཁྱེད་ཀྱི་ང་ཚོའི་ཆེད་དཀའ་ལས་ཚད་མེད་སྐྱོན་པ་དང་དཀའ་སྡུག་ཚད་མེད་མྱོང་བ་ཤར་གྱི་འདུག། དབུ་སྐྲ་དཀར་པོའི་ཁྱེད་ཀྱི་བོད་མི་ཙམ་མིན་ལ་སྲོག་ཆགས་ཚང་མར་བྱམས་སེམས་བཅངས་པ་མཚོན། རྒྱ་མིས་བོད་བཙན་བཟུང་བྱས་ནས་བཟུང་རྒྱ་གར་དུ་བོད་ཁྱིམ་སློབ་གྲྭ་ཤིན་ཏུ་མང་པོ་གསར་བཞེངས་བྱས་པས་ད་ལྟ་ང་ཚོའི་བོད་ཕྲུག་དུ་མས་ཤེས་རིག་སྦྱོང་དང་སྦྱོང་བཞིན་ཡོད། ས་ཡུལ་གང་སར་བསྐོར་ནས་ཕྱི་རྒྱལ་བ་རྣམས་ལ་ཐལ་མོ་སྦྱོར་ནས་དངུལ་གྱི་ཞལ་འདེབས་སློང་གི་ཡོད། དེ་དག་རྣམས་བོད་ཕྲུག་ཚོར་སྦྱིན་གྱི་ཡོད་ཙང་བོད་ཕྲུག་ཡོངས་ཀྱི་ཕ་མ་ནང་བཞིན་བརྩེ་སེམས་ཆེན་པོ་བྱེད་པ་མ་ཟད་ལས་འགན་ཨ་མ་ལགས་གཅིག་པུས་འཁྱེར་གྱི་ཡོད། འདི་ལོར་དགུང་ལོ་༨༢ཕེབས་ཡོད་ཀྱང་མུ་མཐུད་དུ་བོད་ཕྲུག་རྣམས་ལ་དཀར་སེམས་བཅངས་ཏེ་གཞན་ཕན་རང་གི་ཐོག་དགོངས་པ་བཞེས་པ་རེད། རང་ཉིད་ཀྱི་གཞན་ལ་སེམས་བཟང་བྱས་པ་ནང་བཞིན་ང་ཚོར་རྟག་ཏུ་སེམས་པ་བཟང་པོ་བྱོས། ཕན་ཐོགས་བྱེད་མི་ཐུབ་ན་གནོད་འཚེ་ནམ་ཡང་བྱེད་རྒྱུ་མེད། ཞེས་བཀའ་སློབ་ཡང་ནས་ཡང་དུ་འཆད་ཀྱི་ཡོད། དེ་འདྲའི་ཨ་མ་ལགས་ལྟ་བུ་ནི་མི་རིགས་སུ་ལ་ཡང་མེད་ཞིང་གོ་ལའི་སྟེང་དུ་ཧ་ཅང་དཀོན་ལ་རྙེད་པར་དཀའ། ང་ཚོ་ལ་རང་ཉིད་ཀྱི་གཅེས་ཕྲུག་ལྟར་སྐྱོང་བའི་ཡུམ་ཆེན་དང་རང་ཉིད་ཀྱི་ཚེ་སྲོག་ལས་ང་ཚོའི་ཚེ་སྲོག་གལ་ཆེ་བ་བརྩི་མཁན་གྱི་མགོན་ཆེན་ལྟ་བུར་ཁོང་ནི་སྐྱེ་བ་གང་ལའང་བདེ་བ་དང་ཞི་བདེ་ཐོབ་པའི་ང་ཚོའི་ངོས་ནས་སྨོན་ལམ་ཟབ་མོ་ཡོད་པ་དང་སྦྲགས་ང་ཚོའི་ཁོང་གི་དྲིན་གསོ་ཆེད་དུ་བོད་ཕྲུག་རྣམས་པས་སློབ་སྦྱོང་ལ་བློ་རྩེ་གཅིག་སྒྲིམ་གྱི་སྦྱོང་དགོས་ཀྱི་ཡོད་པ་དང་མི་ཚང་མའི་མཉམ་རུབ་ཀྱི་སྒོ་ནས་མཐུན་སྒྲིལ་བྱ་དགོས་ཀྱི་ཡོད། དམིགས་བསལ་གྱི་བོད་མི་རྣམས་པས་ཡིན་གཅིག་མིན་གཅིག་ཏུ་བོད་ཀྱི་སྐད་ཡིག་དང་རིག་གཞུང་གོམས་གཤིས་རྣམས་ཉར་རྩ་བྱེད་དགོས་ཀྱི་ཡོད། དེ་འདྲ་བྱུང་བ་ཡིན་ན་ཁོང་གི་སྐུ་ཚེ་གང་བོར་ཞི་བདེ་དང་སྤྲོ་སྐྱིད་བྱུང་གི་རེད། ཨ་མ་ལགས་ཁྱེད་ནི་ངའི་མི་ཚེ་ནང་གི་ཆ་ཤས་གལ་ཆེན་པོ་ཞིག་ཡིན་ལ་ང་ནི་སྐྱེ་བ་སྔོན་མའི་བག་ཆགས་དང་ལས་རྐྱེན་གྱི་སྐྱེ་བ་འདིར་ཁྱེད་དང་མཇལ་བར་བྱུང་བས་ང་རང་ནི་ཧ་ཅང་གི་བསོད་ནམས་ཆེན་པོ་ཚོར་གྱི་འདུག བོད་ཕྲུག་ཡོངས་ཀྱི་ཚབ་བཞུས་ནས་དེ་རིང་ངའི་ཁྱེད་ཀྱི་བརྗེད་དཀའ་བའི་ཐུགས་རྗེ་བཀའ་དྲིན་ལ་ཐུགས་རྗེ་གནང་ཞེས་བརྗོད་པ་དང་སྐུ་ཚེ་གང་བོར་བདེ་སྐྱིད་དང་སྤྲོ་སྣང་ཁེངས་བའི་སྨོན་འདུན་ཡོད། ཐུགས་རྗེ་ཆེ། ཨ་མ་ལགས།