ཐུབ་བསྟན་བཟོད་པ། འཛིན་གྲྭ་ལྔ་པ། ཛོང་ཆོས་འབྲིང་རིམ་སློབ་གྲྭ།
སའི་གོ་ལ་འདིའི་སྒང་ལ་ཡོད་པའི་སེམས་ཅན་སུ་ཡིན་རུང་སོ་སོ་ལ་བྱམས་བརྩེས་བསྐྱངས་པའི་བཀའ་དྲིན་ཅན་ཞིག་ཡོད་པ་ངས་བཤད་མ་དགོས་པར་ཚང་མས་ཤེས་པའི་རེ་བ་ཡོད། སྤྱིར་བཏང་མི་སོ་སོར་བྱམས་བརྩེས་བསྐྱངས་པའི་བཀའ་དྲིན་ཅན་གྱི་མི་སྣ་ཚོགས་ཡོད་སྲིད། བདག་ལ་བྱམས་བརྩེས་བསྐྱངས་པའི་བཀའ་དྲིན་ཅན་གྱི་མི་སྣ་གལ་ཆེན་གཉིས་ཡོད་།
དང་པོ་ཨ་མ་དང་། གཉིས་པ་པ་ལགསཡིན། འཛམ་གླིང་འདིའི་ཐོག་ཁོང་གཉིས་ལས་ལྷག་པའི་མི་སྣ་ཡོད་རེད་ཟེར་མཁན་སུའང་མིན་འདུག མ་འོངས་པར་ཡང་འབྱུང་མི་སྲིད་། དང་པོ་ངའི་ཨ་མ་ནི་མི་སུ་དང་ཐུག་རུང་འཛུམ་མདངས་ཀྱི་བཞིན་རས་ཡོད་། ངའི་ཕྲུ་གུ་དང་གཞན་གྱི་ཕྲུ་གུ་རེད་ཟེར་བའི་དབྱེ་བ་མེད་། ཚང་མར་གཅིག་པར་ལྟ་ཡི་ཡོད། རང་ཉིད་ཀྱི་ཟ་མ་རྣམས་དབུལ་པོའི་ཕྲུ་གུ་ལ་བྱིན་། ངས་བྱིས་པའི་དུས་སུ་ཨ་མ་བྱམས་བརྩེ་ཆེན་པོ་ཡིན་པ་མི་ཤེས་།
ད་ཆ་ངས་མ་ཡིས་བྱམས་བརྩེས་བསྐྱངས་པའི་བཀའ་དྲིན་དྲན་དུས། གལ་སྲིད་ཁོང་མེད་ན་མཇེས་པའི་འཛམ་གླིང་འདི་མཐོང་ག་ལ་སྲིད། ཁོང་གིས་བཅངས་པའི་བྱམས་བརྩེ་དེ་སྦྲང་རྩི་ལས་མངར་བ་ཡིན་པ་དང། ཁོང་མེད་ན་ངའི་ལུས་མེད། ཁྱེད་མེད་ན་ངའི་མདུན་ལམ་མེད། ཞེས་པའི་ཚིག་དེ་ཡང་སེམས་ལ་དྲན་སོང། ད་ལྟ་ངའི་མ་ཡུམ་གྱི་དབུ་་སྐྲ་དུང་ལས་དཀར་ལ། གདོང་གཉེང་མས་ཁེངས་པ་མཐོང་དུས་ངའི་སེམས་ལ་སྡུག་བསྔལ་ཚད་མེད་སྐྱེས། ཡིན་ན་ཡང་འདི་ནི་འཇིག་རྟེན་གྱི་ཆོས་ཉིིད་ཡིན་པས་། བྱེད་ཐབས་གང་ཡང་མེད་། དེ་ལས་ཨ་མའི་དྲིན་གསོ་བའི་ཆེད་དུ་ཁོང་གི་རེ་བ་སྒྲུབ་དགོས་བསམ། ཁོང་གི་མ་འོངས་པའི་རེ་བ་ནི་རང་གཞན་གཉིས་ལ་ཕན་པའི་བྱ་བ་བྱ་རྒྱུ་ནི་ཁོང་གི་རེ་བ་དང་དམིགས་ཡུལ་རེད། དེ་འདྲ་སོང་ཙང་ཁོང་གི་དམིགས་ཡུལ་སྒྲུབ་ཆེད་ང་མ་ཤི་བར་རང་གཞན་གཉིས་ལ་ཕན་པའི་ལས་ཀ་ལ་བརྩོན་རྒྱུ་ཡིན།
གཉིས་པ་ངའི་ཨ་ཕ་ནི་ནང་གི་འཚོ་བའི་རྟེན་གཞི་གཙོ་བོ་ཡིན། ཁོང་ནི་ནང་ལ་ཡོང་རྒྱུ་ང་ཚོས་མཐོང་དཀའ་བས། ངའི་བསམ་པར་ཨ་ཕ་ལགས་སོ་སོའི་ཕྲུ་་གུ་དང་སྤུན་མཆེད། ཨ་མ་ལ་བརྩེ་བ་མེད་ནས་ཕྱི་ལ་གཡོལ་ནས་སྡོད་ཀྱི་ཡོད་རེད་དྲན། ཁོང་སླེབས་པའི་དུས་གཅིག་ཡོད། དེ་ནི་ལོ་གསར་ལ་ཡིན། དེ་ཡང་ཉིན་བདུན་ཙམ་ཡིན། དེ་ནི་ཁོང་ཡུན་རིང་ཤོས་བཞུགས་པའི་དུས་དེ་ཡིན། དེ་ནས་ཕྱི་ལ་ང་ཚོའི་མཐོང་ས་མེད་པར་འགྲོ།
ཉིན་གཅིག་ཨ་མ་ལ་སྨན་ཁང་ནས་ཁ་པར་འབྱོར་སོང། ཁ་པར་ནས་ཁྱོད་ཀྱི་བཟའ་ཟླ་ནད་པ་ཆགས་འདུག་པས་མྱུར་མགྱོགས་ཕེབས་རོགས་ཞེས་བརྗོད་སོང། དེ་མ་ཐག་ཨ་མ་བྲེལ་འཚུབ་བྱས་ནས་ཕྱིན་སོང། དགོང་དྲོ་ཆུ་ཚོད་བདུན་དང་ཕྱེད་ཀར་་ནང་ལ་སླེབས་སོང། ཨ་མའི་གདོང་ནི་ཧ་ཅང་མི་བདེ་བའི་ངང་ནས་ང་ཚོ་ཕྲུ་གུ་རྣམས་ལ་ཟ་མ་གཡོས་ནས་སྤྲད་པ་དང། ཁོང་གིས་སང་ཉིན་པ་ལགས་ཐུག་འཕྲད་ལ་འགྲོ་དགོས་ཟེར་ནས་ཚང་མ་ཉལ།
སང་ཞོགས་ཆུ་ཚོད་བཞི་པ་ལ་སྨན་ཁང་ནས་ཁ་པར་སླེབས་ཏེ་ཁྱོད་ཚོ་ནང་མི་གང་མགྱོགས་ཕེབས་རོགས་ཞེས་གསུངས་སོང། ཨ་མས་ལམ་སང་ང་ཚོ་སྤྱི་སྤྱོད་གླང་འཁོར་ནང་འཁྱེར་སྟེ་དེ་མ་ཐག་སྨན་ཁང་ལ་འབྱོར། ཕ་ཁོང་ཉལ་ཁྲིའི་སྒང་ལ་བཞུགས་ཏེ་ཞལ་ནས་འདི་ལྟར།
ངའི་བརྩེ་བའི་བཟའ་ཟླ་དང་བུ་ཕྲུག སྤུན་མཆེད་ཚང་མའི་གདོང་མཐོང་ཡ་དེ་ཉིན་མཐའ་མ་ཡིན་སྲིད། གང་ཡིན་ཟེར་ན། ཕལ་ཆེར་ཉིན་ཁ་ཤས་རྗེས་སུ་ང་འཇིག་རྟེན་འདི་ནས་འཇིག་རྟེན་གཞན་ལ་ལས་དོན་ཆེད་འགྲོ་དགོས་འདུག་པས། ཁྱོད་ཚོས་ངའི་དོན་དུ་སེམས་ཁྲལ་མ་བྱེད། དེ་ལས་ཁྱོད་ཚོའི་མ་འོངས་པའི་མདུན་ལམ་གང་འདྲ་སྐྱེལ་དགོས་དང་མི་རིགས་དང་རྒྱལ་ཁབ་ལ་ཕན་པའི་ལས་མང་ཙམ་བགྱི། དེ་ལས་ལྷག་པའི་བྱ་བ་གང་ཡང་མེད་གསུངས་སོང།
ངའི་བརྩེ་བའི་ཨ་ཕས་དེ་འདྲ་ལབ་དུས་ང་དང་ངའི་འགྲམ་ལ་ཡོད་པའི་སྨན་གཡོག་ཡན་ཆད་མིག་ཆུ་རང་དབང་མེད་པ་ཤོར་ནས་ཧ་ཅང་ངུས།
ཕ་དམ་པ་འཇིག་རྟེན་གཞན་ལ་གཤེགས་ནས་ཟླ་བ་དྲུག་ཙམ་རྗེས་སུ་ང་ཚོའི་ནང་གི་འཚོ་བའི་གནས་སྟངས་ཧ་ཅང་སྐྱོ་རུ་ཕྱིན་པ་མ་ཟད་གྲོང་རྡལ་གྱི་འཚོ་བ་ཡང་སྐྱོ་རུ་ཕྱིན། ཁ་དཔེ་ལ། ཡོད་དུས་མ་ཚོར། མེད་དུས་ཚོར་ཟེར་བ་བཞིན། ཨ་ཕས་མི་རིགས་དང་། ཡུལ་མི། ནང་མི་ཆེད་ཉིན་མཚན་དུས་དྲུག་ཏུ་དཀའ་ངལ་ཚད་མེད་བསྐྱོན་པ་རྣམས་ང་ཚོའི་སེམས་ལ་དྲན། ཞེས་པའི་སྒྲ་དེ་ནམ་མཁའ་ཀུན་ལ་ཁྱབ། ཕ་ཁོང་འཇིག་རྟེན་གཞན་ནས་མྱུར་མགྱོགས་ལོག་ཡོང་བའི་སྨོན་ལམ་དང་རེ་བ་ཡུལ་མི་ཚང་མས་བྱེད་བཞིན་འདུག ངས་ཀྱང་རེ་བ་དེ་ལྟར་བྱེད་བཞིན་ཡོད། ཕ་ལགས་ཁྱོད་ཀྱིས་བདག་དང་ཡུལ་མི་ལ་བྱམས་བརྩེས་བསྐྱངས་པའི་བཀའ་དྲིན་དེ་ད་ལྟ་གཞི་ནས་ཧ་གོ་ཡི་འདུག པ་ལགས་འཛམ་གླིང་གཞན་ལ་ཕེབས་པ་ནས་བཟུང་། ང་ཚོ་ལ་དཀའ་ཚེགས་ཧ་ཅང་མྱོང་དགོས་འདུག ཡབ་ཁྱེད་རང་འཇིག་རྟེན་ཕ་རོལ་ན་གང་བྱེད་བཞིན་ཡོད། ང་ཚོ་སེམས་ལ་དྲན་བཞིན་ཡོད་དམ། ཨ་ཕ་ཁྱེད་ཀྱིས་བསླབ་བྱ་གནང་བ་ནང་བཞིན། མི་རིགས་དང་རྒྱལ་ཁབ། སྐད་ཡིག་སོགས་ལ་ཕན་པའི་བྱ་བ་བུ་ངས་བསྒྲུབས་དང་སྒྲུབ་བཞིན་པ་ཡིན། མཐར་ཡབ་ཁྱེད་རང་འཛམ་གླིང་འདིར་མྱུར་མགྱོགས་ཕེབས་པའི་སྨོན་ལམ་དང་རེ་བ་གྲངས་མེད་ཞུ་བཞིན་ཡོད་དོ།
ད་བར་དཔྱད་མཆན་མེད།