བསྟན་འཛིན་ཆོས་དབྱིངས། འཛིན་གྲྭ་བཅུ་གཅིག གོ་པལ་པུར་བོད་ཁྱིམ།

༄༅། །བོད་གངས་ལྗོངས་ཀྱི་སྐྱབས་མགོན་༸རྒྱལ་བ་བསྟན་འཛིན་རྒྱ་མཚོ་ལགས། ཁྱེད་ཉིད་དགུང་ལ་བཅུ་དྲུག་ལ་བོད་ཆོས་སྲིད་གཉིས་ཀྱི་ཐུགས་འགན་ཇི་ལྟར་བཞེས་ཡིན་ནམ། སྐབས་དེ་དུས་བོད་ཀྱི་ཆབ་སྲིད་ནི་འཐེན་འཁྱེར་ཆེ་ཞིང་ཞིག་རལ་ཞིག་འདུག དེ་ནས་དུས་ཡུན་ཐུང་ངུའི་ནང་རྒྱ་མིས་བོད་དུ་བཙན་འཛུལ་བྱས་ཤིང། ༸གོང་ས་མཆོག་དང་བོད་གཞུང་གིས་ཨ་རི་དང་དབྱིན་ཇི། རྒྱ་གར་བལ་ཡུལ་བཅས་ལ་འབྲེལ་བ་བྱས་ཏེ་རོགས་སྐྱོར་ཞུས་ཀྱང་སུས་ཀྱང་བདག་སྤྲོད་མ་བྱས་པར་བོད་དེ་གཅིག་པུར་ལུས་ཡོད། དེ་ན་ལོ་བརྒྱད་དགུ་ཞིག་རྒྱ་དཔོན་ཚོ་དང་གནད་དོན་སྣ་ཚོགས་ཀྱི་ཐོག་ཡ་ལན་ཅི་འདྲ་གནང་ཡོད་དམ། དེ་དག་ལ་བསམ་ཚེ་དེ་ཚོ་ནི་ལས་སླ་པོ་ཞིག་གཏན་ནས་རེད་བསམ་གྱི་མེད། ༸གོང་ས་མཆོག་དང་བོད་མི་ངོས་ནས་ཅི་འདྲའི་བསམ་ཤེས་དང་གུ་ཡངས་ཀྱིས་བགྲོ་གླེེང་དང་གོ་བསྡུར་མང་དག་གནང་ཡོད་ཀྱང། མཐའ་མ་རྒྱ་དཔོན་དེ་དག་གི་གྲོས་མཐུན་དོན་ཚན་བདུན་ཡང་རྡོག་རོལ་ཏུ་བཏང་ནས། སྲིད་ཚབ་རྣམ་གཉིས་ཀྱང་དགོངས་པ་ཞུ་དགོས་པ་དང། ༸རྒྱལ་བའི་སྐུ་སྲོག་ལའང་ཉེན་ཁ་ཆེན་པོ་ཆགས་པར་བརྟེན། སྐུ་ཉིད་རྒྱ་གར་དུ་བཙན་བྱོལ་ལ་མ་ཕེབས་ཀ་མེད་དུ་གྱུར་ཡོད། བཙན་བྱོལ་དུ་འབྱོར་སྐབས་ཀྱང་རྒྱ་གར་གཞུང་ལ་རོགས་སྐྱོར་ཞུ་རྒྱུ་ལས་གཞན་དཔལ་འབྱོོར་གྱི་རྒྱབ་རྟེན་གང་ཡང་མེད། འོན་ཀྱང་གནས་སྟངས་ཉག་ཕྲ་བའི་སྐབས་དེ་དུས་བོད་མི་རྒན་ཚོས་བཀའ་གསུངས་ཅི་སྒྲུབ་ཞུས་ཏེ། བོད་ཕྲུག་ན་གཞོན་ཚོར་སློབ་གྲྭ་ཐོག་མར་བཙུགས་ཡོད། བོད་མི་བྱིངས་ལ་གཞིས་ཆགས་དང། རབ་བྱུང་ཚོར་དགོན་པ་ཧ་ཅང་མང་པོ་འདི་འདྲ་གསར་བཞེངས་ཇི་ལྟར་གནང་བ་ཡིན་ནམ། མིའིང་གཞིས་ཆགས་གང་དུ་ཕྱིན་ཡང་དེར་སློབ་གྲྭ་དང་དགོན་པ་མེད་པ་མི་འདུག དེ་དག་ཁྱེད་ཀྱིས་མཛད་འཕྲིན་གྱི་སྟོབས་ཤུགས་ལས་བྱུང་ཞིག་མ་ཡིན་ནམ།
དེ་སྔ་བོད་དུ་གཙོ་བོོ་༸རྒྱལ་བ་རིན་པོ་ཆེ་དང་བཀའ་བློོས་ཚོགས་གཞུང་བསྐྱང་གི་ཡོད། བཙན་བྱོལ་དུ་འབྱོར་མ་ཐག་ནས་མང་གཙོའི་གཞུང་ཞིག་ཏུ་འགྱུར་རྒྱུའི་དགོངས་པ་བཞེས་ནས། ༡༩༦༠ ནས་བོད་མི་མང་སྤྱི་འཐུས་བཙུགས་ནས་མང་གཙོ་དབུ་བརྙེས་དེ་ནས་རིམ་གྱི་ཡང་རྒྱས་བཏང་ནས་སྤྱི་འཐུས་མང་དུ་བཏང། དེ་ནས་ཁྲིམས་ཞིབ་ལྷན་ཁང་བཙུགས་རྗེས་བཙན་བྱོལ་གཞུང་འདི་བོད་མིིའི་གཞུང་མང་གཙོ་ཅན་ཞིག་ཏུ་གྱུར་ཐུབ་པ་བྱུང་ཡོད། བོད་མི་ཚོས་རྔུལ་ཆུ་དང་རྣག་ཁྲག་གི་འགྲོ་སོང་ཇི་ཡང་བཏང་མི་དགོས་ཀྱང་སྟབས་བདེ་པོར་བོད་མི་ཚོ་མང་གཙོའི་གཞུང་ཞིག་ཏུ་གྱུར། ཕྱི་ལོ་༢༠༡༡ ལོར་༸རྒྱལ་བའི་སྐུ་དབང་ཡོངས་རྫོགས་མི་མང་གིས་བདམས་པའི་བཀའ་བློན་ཁྲི་བར་གནང་ནས་བཙན་བྱོལ་བོད་གཞུང་འདི་མང་གཙོ་ཡང་དག་པ་ཞིག་ཏུ་འགྱུར་ཡོད། བོད་མི་ཚོས་དེར་འདོད་བབ་མེད་ཀྱང་༸རྒྱལ་བ་རིན་པོ་ཆེས་དེ་འདྲ་གནང་བ་ནི་ཆེས་ངོ་མཚར་ཆེན་པོ་ཞིག་རེད་སྙམ། བཀའ་བློན་ཁྲི་པ་སྲིད་སྐྱོང་དང་སྲིད་སྐྱོང་དང་བཙན་བྱོལ་བོད་གཞུང་བཙན་བྱོལ་བོད་མིའི་སྒྲིག་འཛུགས་ཏུ་དགོས་པ་རྒྱ་ཆེན་པོ་ཞིག་ལ་བརྟེན་ནས་འགྱུར་བཅོས་གནང་ཡོད། དེ་བཞིན་བོད་མི་ཚོས་རང་བཙན་མ་རྩོད་པར་དབུ་མའི་ལམ་གྱི་ཐོག་ནས་བོད་རང་དབང་བསྐྱར་གསོ་ཡོང་ཐབས་དང་སྐུ་ངལ་དང་འབད་བརྩོན་བརྒྱ་ཕྲག་བསྐྱོན་གནང་ཡོད་ཀྱང་། ལྟ་བ་མཁྲེགས་བཟུང་ཅན་གྱི་རྒྱ་དཔོན་ཚོས་ཚུལ་མཐུན་ཞིག་ཡ་ལན་བྱས་མེད་པས་ད་བར་ལམ་ལྷོང་མ་བྱུང་ཡང། ཤེས་ཡོན་ཅན་གྱི་རྒྱ་རིགས་མི་མང་གིས་དུས་ཚོད་ངེས་ཅན་ཞིག་ལ་དེར་ངེས་པར་དང་ལེན་བྱེད་དགོས་ཀྱི་རེད་སྙམ།
འཛམ་གླིང་གི་ཁམས་འདིར་ཁྱེད་ཀྱིས་འགྲོ་བ་མིའི་ཐོབ་ཐང་དང། འཛམ་གླིང་ཞི་བདེ། ཆོས་ལུགས་མཐུན་སྒྲིལ། གནམ་གཤིས་འགྱུར་ལྡོག་ལ་བརྟེན་ནས་ཁོར་ཡུག་སྲུུང་སྐྱོབ་གལ་འགངས་ཆེན་པོ་ཡིན་པ་བཅས་ཀྱི་ཐོག་བཀའ་སློབ་ལམ་སྟོན་འཛམ་གླིང་ཤར་ནུབ་ཡོངས་ལ་དུས་ནས་དུས་སུ་གནང་ཡོད། དེ་བཞིན་ཚན་རིག་པ་དང་འབྲེལ་བ་ཡུན་རིང་གནང་ནས་ཆོས་ལུགས་ཡོངས་ན་ནང་པའི་ཆོས་ལ་ཚན་རིག་པ་མཁས་པ་ཚོས་ཀྱང་གདེང་འཇོག་ཆེན་པོ་བྱེད་མུས་ཡིན། ཆོས་ལུགས་ལ་མ་བརྟེན་པའིི་བཟང་སྤྱོད་ཀྱིི་ཐབས་ལམ་སྤེལ་བ་དེ་ཡང་ཆེས་ངོ་མཚར་ཅན་ཞིག་ཡིན།
ང་ཚོ་ནི་ཚེ་སྔོན་ལས་དབང་གིས་མི་ཡུལ་འགྲིམས་འདོད་མེད་བཞིན་དུ་ཡོང་དགོས་བྱུང། འོན་ཀྱང་བོད་གཞིས་བྱེས་གཉིས་ཀྱི་གནས་སྟངས་ཉག་ཕྲ་བའི་སྐབས་འདིར་ང་ཚོར་སྐྱབས་མགོན་ཁྱེད་དང་འཕྲད་པ་ནི་ང་ཚོའི་བསོད་ནམས་ཞིག་ཡིན་པར་ཚོར་བྱུང། དངོས་གནས། སྐྱབས་མགོན་ལགས་ཁྱེད་ཀྱིས་བོད་ཕྲུག་ཚོར་དགོས་པའི་ཤེས་ཡོོན་དང་རླབས་ཆེན་བཀའ་སློབ་གནང་བ་དེ་ནི། ང་ཚོའིི་བསམ་བློ་ནས་ནམ་ཡང་བརྗེད་ཐབས་མེད། ངོ་མ། ཁྱེད་ཀྱིས་ང་ཚོར་ནུ་ཞོ་བྱིན་ནས་མ་གསོས་ཀྱང་ད་ལྟ་ང་ཚོའི་ལུས་པོ་དང་ལྷག་པར་བསམ་བློའི་ནུས་པ་ཅི་འདྲ་ཞིག་ཏུ་གྱུར་བ་ནི་ཁྱེད་ཀྱིས་བླང་དོར་གྱི་བཀའ་སློབ་ཁོ་ནའི་དྲིན་ཡིན། ༸རྒྱལ་དབང་མཆོག་གིས་ཉིན་མཚན་ཀུན་ཏུ་བོད་ཕྲུག་ང་ཚོའིི་ཆེད་དུ་ཕྱི་རྒྱལ་གྱི་ཡུལ་གྲུ་གང་སར་ཕེབས་ནས་བོད་དོན་གྱི་མདུན་ལམ་དང་མ་འོངས་པ་བོད་ཕྲུག་ང་ཚོའི་ཆེད་དུ་ཡིན་པས་བཀའ་དྲིན་ཆེ། དེ་དག་ང་ཚོས་རྟག་ཏུ་ཡིད་ལ་དྲན་བཞིན་ཡོད། ད་དུང་ཁྱེད་ཀྱི་གཡོ་བ་མེད་པའི་ལྷག་བསམ་དང་གཞན་གཅེས་འཛིན་གྱིི་ནུས་པ་ནི། ང་ཚོས་མི་རབས་ནས་མི་རབས་བར་བརྗེད་ཐབས་མེད་པ་ཞིག་ཡིན། ཁྱེད་ཀྱི་བྱམས་བརྩེའི་ནུས་སྟོབས་ནི་དགུང་སྔོན་གྱི་དབྱིངས་ནས་འོད་ཟེར་སྟོང་ལྡན་གྱི་ཉི་མ་སེར་པོས་འཇིགས་སྐྲག་གིས་ཁེངས་ཞིང་མུན་ནག་གིས་འཐུམས་པའི་མུན་སེལ་སྒྲོན་མེ་དང་གཉིས་སུ་མ་མཆིས། ད་དུང་ཟང་ཟིང་ངམ་རྙིག་འཛིང་དང་འཁྲུང་འཛིང་གིས་གང་བའི་མིའི་སྡོད་ཁྱིམ་འདི་ཞི་བ་དང་བཏང་སྙོམས་ལ་གནས་ཐབས་སུ་ཁྱེེད་ཀྱིས་བླར་དོར་གྱི་བཀའ་སློབ་ཉིན་མཚན་དབྱེར་མེད་དུ་བསྩལ། ཁྱེད་ཀྱི་བྱམས་དང་བརྩེ་བའིི་གསུང་དབྱངས་ཐོས་པ་ཙམ་གྱིི་འགྲོ་བ་མཐའ་དག་གི་བློ་ཁ་དབང་མེད་དུ་འཕྲོག་པ་མ་ཟད་ཞི་བདེ་དང་བག་ཕེབས་ཀྱི་འཚོ་བར་རོལ་རྒྱུའིི་ཡིད་སྨོན་སྐྱེས།
དེར་བརྟེན་ཁྱེད་ཀྱིས་ང་ཚོོར་བཅངས་པའི་བཀའ་དྲིན་ནི་རྒྱ་མཚོ་ལས་གཏིང་ཟབ་ཅིང། རི་བོ་ལས་དཔང་མཐོ་བས། མ་འོངས་པར་གཞན་ཕན་ལྷག་བསམ་ཅན་གྱི་བོད་མི་བཟང་པོ་ཞིག་བྱེད་རྒྱུའི་དམ་བཅའ་དེ་སྐྱབས་མགོན་ཁྱེད་ལ་ཕུལ། དེ་བས་ཁྱེད་ཀྱི་ཐུགས་ཀྱི་བཞེད་དོན་མཐའ་དག་ལྷུན་གྱིས་འགྲུབ་པ་དང་། སྐུ་ཚེ་ཁྲི་ལོར་བརྟན་པར་ཤོག གངས་ལྗོངས་ཀྱི་སྐྱབས་མགོན། བོད་ཕྲུག་གི་སྐྱབས་གནས། གཞན་ཕན་གྱི་སྤྱན་རས་གཟིགས་ལགས། ང་ཡི་སྒོ་གསུམ་དད་པའི་མེ་ཏོག་ཆུན་པོ་བཞེས་པར་མཛོད། ༸རྒྱལ་བའི་སྐུ་ཚེ་ཞབས་པད་སྐལ་བརྒྱར་བརྟན་ཅིང། བཞེད་དགོངས་མཐའ་དག་ལྷུན་གྱིས་འགྲུབ་པའི་སྨོན་འདུན་ཤུགས་དྲག་འདེབས་ཀྱིན་ཡོད། ། །