རིན་ཆེན་དཔལ་སྒྲོན། འཛིན་གྲྭ་བཅུ་པ། སམ་བྷོ་ཏ་ཅན་དྷ་གྷི་རི་ཉིན་སློབ།
བདག་ད་ལྟ་འཇིག་རྟེན་འདི་ནང་སླེབས་པ་དེ་བདག་གི་ཕ་མ་གཉིས་ཀྱིས་བཀའ་དྲིན་ཡིན། ཨ་མ་ལགས་ཀྱི་བདག་ཟླ་བ་དགུ་དང་ཉིན་འགའ་ཤས་ཤིག་ཨ་མའི་ཁོག་པ་ནང་དུ་ཉར་བ་དང་། ད་དུང་ཨ་མས་སོ་སོའི་ཕྲུ་གུ་ཆེད་དུ་ཁ་ལག་གང་བྱུང་མི་ཟ་བ་དང་དེ་འདྲ་གནང་ཡོད། པཱ་ལགས་ཀྱི་ཨ་མ་ལགས་སྦྲུམ་མ་ཡིན་སྐབས་དངུལ་ཐབས་ཤེས་དང་ནང་གི་འགན་ཆེ་བ་དང་མང་ཆེ་བ་ཕལ་ཆེར་ཨ་ཕ་ལགས་ཀྱི་གནང་ཡོད། བྱས་ཙང་བདག་གི་ཕ་མ་རྣམ་པ་གཉིས་དེ་བདག་ལ་བྱམས་བརྩེས་སྐྱོང་མཁན་ཆེ་ཤོས་དེ་ཡིན། དེ་རྗེས་སུ་ང་ལ་བྱམས་བརྩེས་སྐྱོང་མཁན་གཉིས་པ་དེ་བདག་གི་རྨོ་རྨོ་ལགས་ཆག་གི་འདུག རྨོ་ལགས་ཆ་བཞག་ན་དགུན་དུས་སུ་བདག་གི་ཕ་མ་རྣམ་པ་གཉིས་དགུན་ཚོང་རྒྱབ་ཏུ་ཕྱིན་སྐབས་བདག་ལ་བྱམས་བརྩེ་བའི་ངང་སྐྱོང་མཁན་དེ་རྨོ་རྨོ་ལགས་ཡིན། རྨོ་རྨོ་ལགས་ཀྱི་བདག་སློབ་གྲྭ་རུ་སྐྱེལ་བ་ང་སློབ་གྲྭར་བཏང་སྐབས་སྒྲིག་ཆས་གཙང་མ་བསྐྱོན་པ་དང་དུག་ལོག་དྲོ་པོ་གཡོག་གི་ཡོད། ད་དུང་རྨོ་རྨོ་ལགས་ཀྱིས་བདག་ལ་ཁ་ལག་ཞིམ་པོ་དང་བཅུད་ལྡན་པ་སྦྱིན་གྱི་ཡོད། བློ་ཕམ་པ་ཞིག་ལ་བདག་གི་ཕ་མ་གཉིས་དགུན་ཚོང་ནས་ནང་ལ་སླེབས་རྗེས་ཟླ་བ་འགའ་ཤས་ཀྱི་རྗེས་སུ་བདག་གི་རྨོ་རྨོ་ལགས་འདས་གྲོངས་སུ་ཕྱིན་བྱུང་། དེ་དུས་བདག་འཛིན་གྲྭ་དང་པོ་ཡང་ན་གཉིས་པ་ནང་སློབ་སྦྱོང་སྦྱངས་བཞིན་པའི་སློབ་མ་ཆུང་ཆུང་ཞིག་རེད། བདག་ད་ལྟ་འགྱོད་པ་སྐྱེས་བ་ཞིག་ལ་ད་ལྟ་རྨོ་རྨོ་ལགས་མེད་ཙང་རྨོ་རྨོ་ལགས་ཀྱི་བསྐྱངས་པའི་བྱམས་བརྩེས་དེ་ལ་དྲིན་ལན་་འཇལ་རྒྱུ་རག་མི་བྱུང་། རྨོ་རྨོ་ལགས་ཀྱི་ཆུང་དུས་ནས་བྱམས་བརྩེ་ཆེན་པོ་ངང་བདག་ལ་བལྟ་སྐྱོང་གནང་བས་ད་ལྟ་ང་ནུས་སྟོབས་ཆེ་བའི་བུ་མོ་ཞིག་ཆགས་ཡོད། བདག་ད་ལྟ་སློབ་གྲྭ་ཡོང་དུས་སྔོན་རྨོ་རྨོ་ལགས་ཀྱི་སློབ་གྲྭ་སྐྱེལ་བཏང་དེ་མིག་ལམ་དུ་འཆར་གྱི་འདུག སྔོན་མ་བདག་སློབ་གྲྭ་ཆུང་བ་ལ་ཀློག་སྐབས་རྨོ་རྨོས་ཆར་པ་དཀྱིལ་ལ་བདག་སློབ་གྲྭ་ལ་སྐྱེལ་གྱི་ཡོད་པ་དང་རྨོ་རྨོ་ལགས་འདས་གྲོངས་ཕྱིན་རྗེས་བདག་ས་སྐྱ་གཞིས་ཆགས་སྤུ་རུ་ཝ་ལ་སློབ་གྲྭ་རུ་སློབ་སྦྱོང་བྱེད་དུ་ཕྱིན་པ་ཡིན། དེ་དུས་རྨོ་རྨོ་ལགས་ཀྱི་བདག་ལ་བྱམས་བརྩེས་བསྐྱངས་པ་རྣམས་དྲན་གྱི་འདུག་བདག་ལ་བྱམས་བརྩེས་སྐྱོང་མཁན་གསུམ་པ་དེ་བདག་གི་དགེ་རྒན་ཡིན། དགེ་རྒན་གྱིས་ང་ཚོ་ལ་ཆུང་དུས་ནས་ཀ་ཁ་ག་ང་བསླབ་པ་དང་སློབ་སྦྱོང་ཁོ་ན་མིན་པར་སྤྱོད་པ་ཡང་བསླབ་ཀྱི་ཡོད། དགེ་རྒན་ནི་ང་ཚོའི་ཕ་མ་གཉིས་པ་དང་གཅིག་མཚུངས་ཡིན། གང་ཡིན་ཟེར་ན་ང་ཚོ་སློབ་གྲྭ་རུ་ཡོད་སྐབས་དཀའ་ངལ་གང་འདྲ་ཞིག་འཕྲད་ཀྱང་དགེ་ལགས་རྣམ་པ་ཚོས་དཀའ་ངལ་རྣམས་སེལ་གྱི་ཡོད། རྒན་ལགས་རྣམ་པ་ཚོས་དཀའ་ངལ་ཆེ་ཆུང་ལ་མི་འཛེམ་པར་གང་ཐུབ་ཅི་ཐུབ་བྱེད་ཀྱི་ཡོད། དགེ་ལགས་ཚོས་ང་ཚོ་ཆེད་དུ་སང་ཉིན་སློབ་ཚན་གང་བསླབ་དགོས་དང་ཚོགས་ཐེངས་ལ་གང་བྱེད་ན་ཡག་བ་ཡོད་མེད་ཆ་ཚང་སྔོན་ནས་བསམ་བློ་གཏང་ནས་སླེབས་ཀྱི་ཡོད། དེ་འདྲའི་དགེ་ལགས་ཚོས་ང་ཚོ་ལ་བརྩེ་བ་ཡོད་པ་ནང་བཞིན་ང་ཚོས་ངོས་ནས་སློབ་སྦྱོང་ཡག་པོ་སྦྱངས་དགོས། དགེ་རྒན་རྣམ་པ་ཚོ་བདག་ལ་བྱམས་བརྩེས་བསྐྱངས་པའི་བཀའ་དྲིན་ཆེ་ཤོས་ཞིག་ཀྱང་ཡིན། དགེ་ལགས་ཚོས་ང་ཚོ་ལ་རྨང་གཞི་ནས་ཡི་གེ་བསླབ་པ་དང་མ་འོངས་པ་ཆེད་དུ་ལམ་སྟོན་དང་མ་འོངས་པའི་དམིགས་ཡུལ་ལ་ཡང་རོགས་རམ་གང་ཐུབ་ཅི་ཐུབ་གནང་གི་ཡོད། སོ་སོ་ལ་བྱམས་བརྩེས་སྐྱོང་མཁན་དེ་རྟོགས་ནས་ཁོང་རྣམ་པ་ཚོ་ལ་དྲིན་ལན་འཇལ་བ་དང་ཁོང་ཚོས་བསྐྱངས་པའི་བྱམས་བརྩེས་རྣམས་སེམས་ལ་བཀའ་དྲིན་དེ་དྲན་དགོས། བདག་ལ་བྱམས་བརྩེས་སྐྱོང་མཁན་མང་པོ་ཡོད། ཡིན་ཡང་ངའི་ད་ལྟ་འདི་ནང་རེ་ཟུང་མ་གཏོགས་བྲིས་མེད། དཔེར་ན་བདག་གི་གྲོགས་མོ། བདག་གི་སྤུན་མཆེད། བདག་གི་འཛིན་གྲོགས་སོགས་ཡོད། ང་རང་ལ་ཁོང་རྣམ་པ་ཚོས་བྱམས་བརྩེས་བསྐྱངས་པས་བདག་ད་ལྟ་མི་ཚེ་དེ་ཧ་ཅང་སྐྱིད་པོ་འདུག ཡིན་ཡང་མཚམས་རེ་ད་ཀའ་ངལ་བྱུང་གི་འདུག ངའི་བསམ་བློའི་ནང་འཁོར་བ་འདི་ནང་སླེབས་རྗེས་སྡུག་བསྔལ་བྱུང་ཡ་ངེས་ཡིན་པ་དེ་བསམ་ནས་དཀའ་ངལ་ཆུང་ཚགས་རྣམས་དེ་ཙམ་བརྩི་ཡི་མེད། བདག་ལ་བྱམས་བརྩེས་སྐྱོང་མཁན་ཆ་ཚང་ལ་ཐུགས་རྗེ་ཆེ་དང་བཀའ་དྲིན་ཆེ་ཞུ་རྒྱུ་ཡིན།
བདག་ལ་བྱམས་བརྩེས་སྐྱོང་མཁན། །
ཧ་ཅང་མང་པོ་ཡོད་ཀྱང། །
ཁོང་ཚོའི་བཀའ་དྲིན་དེ་ནི།
སེམས་ལ་བཅང་ནས་བཞག་ཡོད། ། ཐུགས་རྗེ་ཆེ།
ད་བར་དཔྱད་མཆན་མེད།