ངག་དབང་སྐལ་བཟང་། འཛིན་གྲྭ་དྲུག་པ།
སྦེལ་ཀོབ་སཾ་བྷོ་ཊ་བོད་མིའི་སློབ་གྲྭ།
༸གོང་ས་མཆོག་ནི་ང་ཚོའི་བླ་མ་ཡིན། དབུ་ཁྲིད་ཡིན། སངས་རྒྱས་དང་ཚང་མ་ཡིན། ཁོང་གི་བཀའ་དྲིན་གྱིས་ང་ཚོ་སྐྱིད་པོ་བྱས་ནས་བསྡད་ཡོད། ངའི་གཡས་གཡོན་ཁྱིམ་མཚེས་ཚང་མ་བོད་པ། སློབ་གྲྭའི་ནང་སློབ་གྲོགས་དང་དགེ་རྒན་ལས་བྱེད་ཚང་མ་བོད་པ། ཞོགས་པ་ནས་དགོང་དག་བར་ང་རང་དང་འདྲ་བའི་མི་རིགས་གཅིག་པའི་སྤྱི་ཚོགས་ནང་བསྡད་ནས་སློབ་སྦྱོང་བྱེད་རྒྱུའི་གོ་སྐབས་ཐོབ་པ་དེ་ཚོ་ཚང་མ་སུའི་བཀའ་དྲིན་རེད། ངའི་ཕ་མ་ཡང་༸གོང་ས་མཆོག་ལ་དད་པ་ཡོད། ཞོགས་པ་རྟག་པར་སྐུ་པར་ལ་ཕྱག་དང་མཆོད་མེ་ཡོན་ཆབ་ཕུལ་ནས་སྨོན་ལམ་བྱེད་ཀྱི་འདུག དགོང་དག་མ་ཉལ་གོང་ཡང་ཕྱག་འཚལ་སྨོན་ལམ་བྱེད་ཀྱི་འདུག ང་ལ་ཡང་དེ་ནང་བཞིན་བྱེད་བཅུག་གི་འདུག ཕ་མས་༸གོང་ས་མཆོག་གི་བཀའ་སློབ་ཉན་བཅུག་གི་ཡོད་ཙང་། དེ་རིང་ངས་༸གོང་ས་མཆོག་གི་ལམ་སྟོན་མང་པོ་གནང་བའི་ནང་ནས་སློབ་ཕྲུག་ཚོ་ལ་གནང་བའི་སྐོར་ལ་འབྲི་ཐབས་བྱེད་ཀྱི་ཡིན།
ང་ཚོ་བོད་རང་བཙན་ཤོར་ནས་རྒྱ་གར་དུ་བཙན་བྱོལ་བའི་དཀའ་ངལ་ཆེན་པོ་ཡོད་ན་ཡང་། རྒྱ་གར་གཞུང་དམངས་གཉིས་ནས་སློབ་གྲྭ་བཙུགས་ཐུབ་པའི་གོ་སྐབས་བཟང་པོ་ཐོབ་པ་དེ་རྩ་ཆེན་པོ་ཡིན་ཙང་། ང་ཚོ་སློབ་ཕྲུག་དང་དགེ་རྒན་ཚོས་དེ་འདྲའི་གོ་སྐབས་བཟང་པོ་ཆུད་ཟོས་སུ་མ་གཏང་བར་སློབ་སྦྱོང་ལ་ཧུར་ཐག་བྱས་ཏེ་གྲུབ་འབྲས་བཟང་པོ་ཡོང་བར་འབད་བརྩོན་བྱེད་དགོས་པ་དང་། བོད་པའི་སློབ་ཕྲུག་ཚོས་མི་རིགས་གཞན་གྱི་སློབ་ཕྲུག་ཚོའི་སློབ་སྦྱོང་བྱེད་སྟངས་དང་མི་མཚུངས་ཚུལ་གསུངས་དགོས་པའི་རྒྱུ་མཚན་ནི། མི་རིགས་གཞན་དང་སྐྱབས་བཅོལ་བ་གཞན་དག་ཚོས་སོ་སོའི་ལྟོ་གོས་དང་མི་ཚེ་འགྲིག་ཙམ་བྱུང་ན་འགྲིགས། ཡིན་ན་ཡང་བོད་པའི་སློབ་ཕྲུག་ཚོ་ལ་རང་གི་མི་ཚེ་མ་ཟད། རང་གི་མི་རིགས་དང་རྒྱལ་ཁབ་ཀྱི་ལས་འགན་ལྕི་མོ་ཞིག་སྒྲུབ་དགོས་ཞེས་གསུངས། དེ་ཡང་ང་ཚོ་རྒྱ་གར་ནང་རང་དབང་གི་མ་ཡིན་པར་མི་འདོད་དབང་མེད་དུ་བྲལ་ཏེ་བཙན་བྱོལ་བ་ཆགས་ཙང་སློབ་ཕྲུག་ཅིག་ལ་ལས་འགན་གཙོ་བོ་གཉིས་ཡོད་པའི་ལམ་སྟོན་གནང་ཡོད།
དང་པོ་དེར་རྒྱ་དམར་གྱིས་ང་ཚོའི་ཕ་ཡུལ་དུ་བཙན་འཛུལ་བྱས་ཏེ་མནར་གཅོད་དབང་སྒྱུར་གྱིས་བོད་པའི་ཆོས་དང་རིག་གཞུང་ཕྱུག་པོ་དེ་དག་རྩ་བརླག་ཏུ་གཏོང་གི་ཡོད་པ་དང་།
གཉིས་པ་དེར་མི་རིགས་རྩ་མེད་དུ་གཏོང་བའི་ཐབས་སུ་རྒྱ་མི་རིགས་འབོར་ཆེན་བོད་དུ་གནས་སྤོས་བྱེད་ཀྱི་ཡོད།
དེ་འདྲ་སོང་ཙང་ང་ཚོ་བཙན་བྱོལ་དུ་ཡོད་པའི་སློབ་ཕྲུག་ཚོས་རང་རེ་ཁོ་ནའི་ཁེ་ཕན་ལ་མ་བལྟས་པར་མི་རིགས་དང་རྒྱལ་ཁབ་ཀྱི་འཕྲལ་ཕུགས་ཀྱི་ཁེ་གྱོང་ལ་བལྟས་ནས། དཀའ་ངལ་ལ་གདོང་ལེན་དང་བཟོད་བསྲན་གནང་ནས་རང་གི་རྒྱལ་ཁབ་དང་མི་རིགས་ཆེད་དུ་འབད་བརྩོན་གནང་དགོས་པ་ནི་ང་ཚོ་བོད་མི་ཚང་མ་དང་ལྷག་པར་སློབ་ཕྲུག་ཚོའི་ལས་འགན་དང་པོ་ཡིན།
ཤེས་ཡོན་སྦྱང་དགོས་དོན་ནི། མི་ལ་ཤེས་བྱ་ཡོན་ཏན་ཞིག་བྱུང་ན་དེ་ནི་མི་ཚེ་སྐྱེལ་རྒྱུའི་ལག་ཆ་གལ་ཆེ་ཤོས་ལྟ་བུ་ཡིན། ཤེས་བྱ་ཡོན་ཏན་དེ་བེད་སྤྱོད་གང་གཏང་མ་གཏང་རྩ་བ་བསམ་པ་ལ་རག་ལས་ཡོད་ཙང་། ང་ཚོ་ཆུང་དུས་ནས་བསམ་བློ་དེ་གོམས་གཤིས་ལ་འཇགས་དགོས། ཤེས་བྱ་ཡོན་ཏན་ཡོད་པ་དེ་ལྷག་བསམ་གྱིས་བེད་སྤྱོད་བྱེད་ཐུབ་ན་སོ་སོ་ཡང་མི་ཚེ་སྐྱིད་པོ་མ་ཟད། ཚེ་ཕྱི་མ་ལ་ཡང་བདེ་བ་ཞིག་ཡོང་ཐུབ། སོ་སོ་གང་དུ་གནས་སམ། བྱ་བ་ཆེ་ཆུང་གང་ཞིག་བྱས་ཀྱང་གཞན་ལ་ཕན་ཐོགས་ཐུབ་པའི་སེམས་པ་དགོས། ཁོང་གི་ལམ་སྟོན་བཞིན་སློབ་སྦྱོང་དང་མཉམ་དུ་སེམས་པ་ཡང་ག་ཚོད་ཐུབ་ཐུབ་བཟང་པོ་བྱེད་དགོས།།
ད་བར་དཔྱད་མཆན་མེད།