ཉི་མ་རྡོ་རྗེ་སྤུ་རུ། འཛིན་གྲྭ་བརྒྱད་པ།
སུ་ཇཱ་བོད་ཁྱིམ་སློབ་གྲྭ།

   ༸གོང་ས་མཆོག་ནི་བོད་ཀྱི་བླ་ན་མེད་པའི་དབུ་ཁྲིད་ཡིན། ཁོང་ནི་ཆུང་དུས་ནས་ཞི་བདེ་ཐོག་དགོངས་པ་བཞེས་མཁན་གྱི་སྐྱེས་བུ་ཞིག་ཡིན། སྤྱི་ལོ་ ༡༩༥༩ ལ་རྒྱ་ནག་དམར་ཤོག་གིས་དྲག་ཤུགས་ཆེན་པོས་བོད་ལ་བཙན་འཛུལ་བྱུང་སྟབས་རྒྱ་གར་དུ་བཙན་བྱོལ་དུ་མ་ཕེབས་དཀའ་མེད་བྱུང་། བྲོས་བྱོལ་སྐབས་ལམ་བར་དུ་སྐུ་ངལ་ཚད་མེད་བསྐྱོན་ནས་མཐར་རྒྱ་གར་དུ་འབྱོར་ན་ཡང་དཀའ་ཚེགས་ལྷོད་མེད་ཀྱིས་བོད་མི་ཡོངས་ཀྱི་བདེ་སྡུག་ལ་གཟིགས་ཏེ་སྐུ་ངལ་བསྐྱོན།

༸གོང་ས་མཆོག་ནི་བོད་མི་གཅིག་པུར་མིན་པར་འགྲོ་བ་རིགས་དྲུག་སེམས་ཅན་ཐམས་ཅད་ལ་གཅིག་གྱུར་གྱི་འདུ་ཤེས་ངོས་འཛིན་གནང་གི་ཡོད། ཁོང་གི་ལམ་སྟོན་ཅི་འདྲ་གསུངས་ཀྱང་ཐུགས་བསྐྱེད་དམ་བཅའ་དང་འབྲེལ་བ་ཤ་སྟག་ཡོད། ༸གོང་ས་མཆོག་སློབ་གྲྭར་ཆིབས་སྒྱུར་གནང་ཚེ་སློབ་མས་གནས་བབ་དང་བསྟུན་བཀའ་སློབ་ལམ་སྟོན་བློ་ངོར་འཇུག་པ་ཞིག་གནང་གི་ཡོད། ཡང་དགོན་སྡེ་ཁག་དང་ཆོས་པ་ཚོར་རང་ཉིད་ནང་པའི་ཆོས་པ་བཞིན་སངས་རྒྱས་བསྟན་པ་མི་ཉམས་རྒྱུན་འཛིན་དང་གོང་འཕེལ་གཏོང་རྒྱུ་སློབ་སྟོན་གནང་གི་ཡོད། དེ་བཞིན་མི་སྣ་མཁས་དབང་དང་། སྲིད་དོན་པ། ཚན་རིག་པ་གྲགས་ཅན་སོགས་མཇལ་འཕྲད་སྐབས་སུ་ལམ་སྟོན་གནང་ཚེ་ཁོང་རྣམ་པས་བློར་བདུད་རྩིས་ལྟ་བུ་ངལ་གསོས་བདེ་བ་ཐོབ་ཀྱི་ཡོད། རྒྱལ་དབང་མཆོག་ཕྱི་རྒྱལ་ཡུལ་ལུང་ཆིབས་སྒྱུར་ཐེངས་མང་བསྐྱངས་པ་ཐམས་ཅད་འཛམ་གླིང་མི་མང་ལ་ནང་པའི་ཆོས་དང་བོད་ཀྱི་རིག་གཞུང་གི་དགེ་ཕན་རྒྱ་ཆེ་བཀའ་སློབ་གནང་ཞིང་། ལྷག་པར་དུ་ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་ཅེས་པའི་བཀའ་སློབ་ནི་༸གོང་ས་མཆོག་གི་གསུང་བཤད་གལ་འགངས་ཆེན་པོ་ཞིག་ཡིན། ཆོས་ལུགས་ལ་འདོད་པ་མེད་མཁན་རྣམས་ལ་ཞི་བདེ་དང་ལྡན་པའི་འཛམ་གླིང་ཞིག་སྐྲུན་པར་འབད་པ་བསྟེན་པ་དང་ནང་བསམ་བློའི་ཐོག་འདོད་བློ་ཁེངས་ངེས་ཀྱི་མི་ཚེ་ལམ་སྟོན་མཛད་ཡོད།

རིས་མེད་སྐྱེ་འགྲོ་ཐམས་ཅད་ལ་སའི་གོ་ལའི་འགན་ཆེན་པོ་གོ་རྟོགས་སྤེལ་ཏེ་ཕན་རླབས་ཆེ་བའི་མཛད་འཕྲིན་བསྐྱངས་པ་མ་ཟད་འཛམ་གླིང་རྒྱལ་ཁབ་ནང་གི་ཚན་རིག་པ་གྲགས་ཅན་མཉམ་ཞུགས་ཀྱིས་སེམས་དང་སྲོག་གི་སྐོར་ནང་ཆོས་དང་འབྲེལ་བའི་ལམ་སྟོན་དང་བགྲོ་གླེང་གནང་སྟེ་གྲུབ་འབྲས་ཐོན་པ་དང་ཡིད་ཆེས་ཆེན་པོ་བྱུང་ཡོད།

འཛམ་གླིང་ཡུལ་གྲུ་གང་སར་དད་གུས་བླ་ལྷག་ཞུ་བ་མ་ཟད་ཆེས་བསྟོད་དང་གཟེངས་རྟགས་བགྲང་གི་མི་ལང་བ་འབུལ་བཞེས་མཛད་པའི་ནང་ཆེས་སྙན་གྲགས་ཆེ་བ་ནི་ཕྱི་ལོ་ ༡༩༨༩ ལོར་ནོ་སྦེལ་ཞི་བདེ་གཟེངས་རྟགས་འབུལ་བཞེས་གནང་། ཁོང་ནི་མཚན་དོན་གཉིས་མཚུངས་ཀྱི་འཛམ་གླིང་ཞི་བདེའི་དེད་དཔོན་དུ་གྱུར།།