བཀྲ་ཤིས་བཟང་པོ།
འཛིན་རིམ་བཅུ་པ། སཾ་བྷོ་ཊ་ཧར་པ་པུར་ཉིན་སློབ།
བོད་མཐོ་སྒང་དུ་འཚོ་བ་སྐྱེལ་མཁན་གྱི་འབྲོག་པ་རྣམས་ནི་བོད་གངས་ལྗོངས་ཀྱི་བདག་པོ་མཛེས་སྡུག་དང་ལྡན་པ་ཞིག་ཡིན། འབྲོག་པ་རྣམས་ལོ་ལྟར་དབྱར་ཁའི་སྐབས་སུ་རི་བོ་མཐོ་ས་སྒང་ལ་འཚོ་བ་སྐྱེལ་བ་དང་དགུན་ཁའི་སྐབས་མར་བབས་ནས་མཚེར་ས་བརྗེ་བོ་བརྒྱབ་སྟེ་ས་ཆ་གཅིག་ནས་གཅིག་ལ་འཚོ་བ་སྐྱེལ་གྱི་ཡོད། དེ་ལྟར་ནོར་ལུག་རྣམས་ལ་གཟན་རྩྭ་གང་བཟང་འགྲོ་གི་ཡོད། འབྲོག་པའི་འབྲོག་གླུ་ནི་སྙན་པོ་ཡོད་ལ། འབྲོག་མོའི་འབྲི་མོའི་བཞོ་དབྱངས་ནི་དེ་བས་ཀྱང་སྙན་འཇེབས་དང་ལྡན་པ་ཞིག་རེད། ཟས་རྣམས་བཅུད་ཆེ་ལ་ཧ་ཅང་ཞིམ་ཞིང་དེ་ནི་འབྲོག་མོའི་ལག་པ་དང་ལག་ཆ་སོགས་ལ་བརྟེན་ནས་བཟོས་པ་རེད། དཔེར་ན། སྦྲ་ནག་གི་སྒོ་ཁར་བུ་མོ་རྣམས་ཀྱིས་ཟོ་བ་ནང་འོ་མ་དང་ཞོ་འདྲེས་མ་བླུགས་ཏེ་དཀྲོག་ནས་མར་ལེན་པ་དང་། མར་ལེན་ཚར་རྗེས་ད་ར་ནི་སླ་ང་ནང་དུ་བླུགས་ནས་བསྐོལ་བ་རེད། དེ་ལྟར་བསྐོལ་བ་ནི་ད་ར་ནང་གི་ཕྱུར་བ་དང་ཕྱུར་ཁུ་ལོགས་སུ་ཐོན་ཆེད་ཡིན། དེ་རྗེས་ཕྱུར་སྒྱེ་ནང་བླུགས་ཏེ་ཕྱུར་བ་བཙགས། ཕྱུར་ཁུ་སྣོད་གཞན་ཞིག་གི་ནང་དུ་ལེན། ཕྱུར་ཁུ་ནི་འབྲོག་ཁྱི་སོགས་ཀྱི་ཁྱི་ལྟོ་ལ་བེད་སྤྱོད་བྱེད། འབྲོག་པ་བྱ་རྒྱུ་དེ་ལས་སླ་པོ་ཞིག་ཡང་མ་ཡིན་པས། མི་མང་པོ་ཞིག་འབྲོག་པའི་འཚོ་བ་སྐྱེལ་རྒྱུ་དགའ་བོ་དེ་ཙམ་མེད་པ་རེད། ཞོགས་པ་སྔ་པོ་ནས་ཡར་ལངས་ཏེ། ཉིན་གང་བོར་སེམས་ཅན་མང་པོ་ཞིག་ལ་ལྟ་སྐྱོང་བྱ་རྒྱུ་སོགས་ལས་ཀ་དཀའ་ལས་ཁག་པོ་མང་པོ་ཞིག་ཡོད་ལ། དེ་ལས་ཀྱང་ཉོབ་སྣང་ཆེ་བ་ཞིག་ནི་ཉིན་གང་པོར་ཕྱུགས་ཟོག་གི་རྗེས་དེད་ནས་འགྲོ་དགོས་པ་དེ་རེད།
འབྲོག་པ་རྣམས་ནི་བོད་ཀྱི་མཛེས་སྡུག་ལྡན་པའི་ཡུལ་ལུང་འདིའི་ཁྲུས་ན་ཡང་མ་དག་པའི་གདོད་མའི་མི་རིགས་ཤིག་ཡིན། བོད་ཀྱི་འབྲོག་པའི་འཚོ་བ་སྐྱེལ་སྟངས་ནི་གདོད་མའི་མི་རིགས་གཞན་དང་འདྲ་བའི་ཁུ་སིམ་སིམ་ཐོག་འཚོ་བ་སྐྱེལ་བ་དང་། གཞན་ལ་གནོད་སེམས་བྱ་རྒྱུའི་བསམ་བློ་ཡེ་ནས་མེད། ད་དུང་འབྲོག་པ་རྣམས་ལ་དཀའ་ངལ་དངངས་སྐྲག་གཞན་ཞིག་ཡོད་པ་ནི། ནོར་ལུག་རྣམས་ལ་སྤྱང་ཀི་སོགས་གཅན་གཟན་སེམས་ཅན་གྱི་གནོད་འཚེ་ལ་གདོང་ལེན་དང་གྲ་སྒྲིག་བྱེད་དགོས་པ་དེ་རེད། ནོར་ལུག་རྣམས་ར་བ་དང་ལྷས་ནས་ཕྱི་རུ་དེད་ནས་རི་མགོ་དང་སྤང་ཐང་སོགས་ལ་འཚོ་སྐྱོང་བྱས་ཏེ་དགོང་མོ་ལུག་ཁྱུ་དང་ནོར་ཁྱུ་རྣམས་སླར་ཡང་ར་བ་ལ་བསྐྱིལ་ནས་ལྟ་སྐྱོང་ཡག་པོ་བྱ་དགོས་པ་དེ་རེད། འབྲོག་པའི་འཚོ་བ་སྐྱེལ་སྟངས་མཐོང་ཐོས་ལ་སྐྱིད་པོ་ཡོད་བསམ་ན་མ་འགྲིག་པ་ཞིག་རེད། རྒྱུ་མཚན་ནི་ཁོང་ཚོ་སོ་སོ་ལ་དངང་སྐྲག་དང་ནོར་ལུག་སོགས་ལྟ་སྐྱོང་བྱ་རྒྱུ་ལ་ཡང་དཀའ་ངལ་ཞེ་དྲག་ཡོད། དཔེར་ན་ནོར་ལུག་ལ་གཟན་རྩྭ་སྤྲད་རྒྱུ་དང་ནད་པ་ཆགས་ན་སྨན་བཅོས་ཀྱི་འགྲོ་སོང་དང་། དུས་ཚོད་ཟིན་བར་ར་བ་ནང་དུ་བསྐྱིལ་རྒྱུ་སོགས་མང་པོ་ཡོད།
འབྲོག་ཁྱིམ་རེ་ལ་འབྲོག་ཁྱི་རེ་ཡོད། འབྲོག་ཁྱི་དེ་འབྲོག་པའི་གཡང་ལྟ་བུ་ཞིག་ཀྱང་ཡིན། ཁྱིའི་སྐད་གོ་བ་དང་གཅན་གཟན་དང་སེམས་ཅན་རྣམས་ཡོང་གི་མེད་ལ། ཁྱི་དེ་རྣམས་ནི་ནོར་ལུགས་སོགས་ལ་སྲུང་སྐྱོབ་བྱ་རྒྱུའི་ཆེད་དུ་ཡིན། འབྲོག་པ་རྣམས་ནི་ང་ཚོ་བོད་ཀྱི་མཛེས་སྡུག་གི་ཞིང་ཁམས་འདིའི་བདག་པོ་ལྟ་བུ་ཡིན་པས་གནའ་སྔ་མོའི་དུས་སྐབས་འབྲོག་པའི་ཚོང་པ་རྣམས་གཞན་དུ་ཚོང་རྒྱག་པའི་སྐབས་སོ་སོའི་ཅ་དངོས་དཔེར་ན། མར་དང་གཡག་ཤ་དང་ཕྱུར་བ་སོགས་སོ་ནམ་པ་དང་། གཉམ་དུ་གྲོ་དང་ནས་འབྲས་སོགས་ལ་ཚོང་ཕན་ཚུན་བརྗེ་ལེན་བྱེད་ཀྱི་ཡོད། དེང་གི་དུས་རབས་ལ་བལྟས་ན། ང་ཚོ་བོད་ཀྱི་འབྲོག་པའི་གྲངས་ཀ་ཡང་ཉམས་ཆག་དུ་འགྲོ་ཡི་ཡོད། གང་ཡིན་ཟེར་ན། སྤྱི་ཚོགས་རྒྱུད་ལམ་ལ་ཡར་རྒྱས་ཕྱིན་ཡོད་པས། དེང་གི་མི་རྣམས་འཕྲུལ་ཆས་སོགས་ལ་བརྟེན་ནས་འཚོ་བ་སྐྱེལ་གྱི་དགའ་པོ་ཡོད་ཀྱང་། ང་ནི་མ་འོངས་པར། ང་རང་གི་གཅེས་པའི་ཕ་ཡུལ་བོད་ལ་ལོག་ནས། སྲོལ་རྒྱུན་གྱི་ཞག་རྩི་མ་ཡལ་བའི་འབྲོག་པའི་འཚོ་བ་ལ་དགའ་པོ་ཡོད། དེར་བརྟེན་ང་གངས་ཅན་ལྗོངས་སུ་འགྲོ་ནས་བོད་ཀྱི་འབྲོག་པ་ལྟར་འཚོ་བ་སྐྱེལ་རྒྱུ་ཡིན། །མཐའ་དོན། ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་སྐུ་ཚེ་ཁྲི་ལོར་བརྟན་པར་ཤོག བོད་རྒྱལ་ལོ། །
ད་བར་དཔྱད་མཆན་མེད།