པདྨ་ཚེ་རིང་།
འཛིན་རིམ་ལྔ་པ། གོ་པལ་པུར་བོད་ཁྱིམ་སློབ་གྲྭ།
ང་ཆུང་དུས་ཕ་མས་གྲོད་ཁོག་ནས་དོན་པའི་སྐབས་སུ་ངས་བུ་མོ་ཆུང་ཆུང་གཅིག་སྨན་ཁང་ནང་མཐོང་བས་ངའི་སེམས་ནང་ཚོར་བ་ཧ་ཅང་སྐྱིད་པོ་ཞིག་བྱུང་སོང་། ངའི་བསམ་བློའི་ནང་མོ་དང་ང་གཉིས་བར་ཚེ་སྔོན་མའི་འབྲེལ་བ་ཧ་ཅང་ཤུགས་ཆེན་པོ་ཞིག་ཡོད་པའི་ཚོར་བ་སྐྱེས་བྱུང་། ང་རང་ལོ་ན་ལྔ་ལ་སླེབ་དུས་ངའི་དྲིན་ཆེན་ཕ་མས་ང་རང་འཇིག་རྟེན་འདིའི་ནང་དཀའ་ངལ་མ་འཕྲད་པའི་ཆེད་དུ་ང་རང་སློབ་གྲྭ་ཞིག་ལ་བཏང་བྱུང་། ང་རང་ཐོག་མར་སློབ་གྲྭ་དེར་སླེབ་དུས་ང་ལ་གྲོགས་མོ་གཅིག་ཀྱང་མེད་པས་ང་རང་བར་གསེང་ལ་ལྟོགས་ཟས་གཅིག་པུ་ཟ་ཡི་ཡོད། ཉིན་ཞིག་ང་སློབ་གྲྭར་རྩེད་མོ་རྩེ་དུས་ང་གཡང་ལ་ཟག་གྲབས་བྱས་སོང་བ་ང་ཞེད་སྣང་སྐྱེས་སོང་། གློ་བུར་དུ་ངའི་ལག་པ་མི་ཞིག་གིས་འཇུས་ཙང་ངས་རྒྱབ་ལ་ལྟ་དུས་བུ་མོ་ཞིག་གིས་ངའི་ལག་པ་འཇུས་ནས་བསྡད་འདུག རྗེས་སུ་ངེད་གཉིས་གྲོགས་མོ་ཧ་ཅང་འཆམ་པོ་ཆགས་པས་ངེད་གཉིས་ཀྱི་བརྩེ་བ་རྡོ་ལ་རི་མོ་བཀོད་པ་ལྟར་ཡོད་པས་སློབ་གྲྭ་ནས་གྲོགས་མོ་ཡག་ཤོས་དེ་རེད། ངའི་མཐོང་སྣང་ལ་མོ་ནི་སྐུ་གཟུགས་རྩ་རི་སྨུག་དང་འདྲ། མདོང་ནི་གངས་ལས་དཀར་བ། སེམས་ནི་སྤྲིན་ལས་དཀར་བའི་བུ་མོ་སྙིང་རྗེ་མོ་ཞིག་ཡོད། མོས་སེམས་ཅན་རྣམས་ཀྱི་ཤ་ཟ་དུས་སྙིང་རྗེའི་ཚིག་རང་བཞིན་འདོན་གྱི་ཡོད། མི་སུ་ཞིག་ཡིན་ཡང་ངེད་གཉིས་ཀྱི་བརྩེ་བ་དེ་བྲལ་ཐུབ་པ་དཀའ་བ་ཡོད། ངེད་གཉིས་བཟའ་མ་ཟ་དུས་དང་ལས་བྱེད་དུས་ཀྱང་མཉམ་དུ་བྱེད་ཀྱི་ཡོད། མོ་ནི་སློབ་སྦྱོང་ཧ་ཅང་ཡག་པོ་ཡོད།
ཉིན་ཞིག་ངའི་པ་ལགས་ཀྱིས་ང་ལ། གལ་ཏེ་ཁྱོད་ཀྱིས་ཡིག་ཚད་ཡག་པོ་བཏང་ན། ཁྱེད་རང་སློབ་གྲྭ་གཞན་དུ་གཏོང་གི་ཡིན་གསུངས་པས། ངས་ཡིག་ཚད་ཨང་གཉིས་པ་བླངས་པ་ཡིན། མོས་ཀྱང་ཨང་གསུམ་པ་བླངས་པར་བརྟེན། པ་ལགས་ཀྱིས་ ༢༠༡༩ ལ་ང་རང་གོ་པལ་པུར་བོད་ཁྱིམ་སློབ་གྲྭ་ལ་སློབ་སྦྱོང་སྦྱང་དུ་བཏང་སོང། ངས་མོ་ཧ་ཅང་དྲན་པས་དེ་དུས་ང་ཆུང་ཆུང་ཡིན་ཙང་ངས་མོ་ལ་ཁ་པར་གཏོང་དགོས་བསམས་ནའང་གཏོང་ཐུབ་མ་སོང་། ང་ལ་ཕ་མ་ལའང་ཁ་པར་གཏང་ཡ་རག་གི་མི་འདུག ང་ས་ཆ་ཐག་རིང་ལ་སློབ་སྦྱོང་སྦྱོང་བར་སླེབས་ཡོད། དེ་ནས་རྒྱ་ནག་གི་ན་ཚ་མི་མང་པོ་ལ་འགོས་ཙང་སློབ་གྲྭ་སྒོ་བརྒྱབ་པ་རེད། དེ་ནས་ངས་ཨ་མར་ངའི་གྲོགས་མོ་དེ་ག་པར་ཟེར། ཨ་མས་ཁྱེད་སློབ་གྲྭ་གཞན་ལ་འགྲོ་བ་ལྟར་མོ་ཡང་སློབ་གྲྭ་མ་ན་ལི་ལ་ཕྱིན་པ་རེད། ཅེས་གསུངས་སོང་། ང་རང་སེམས་པ་ཧ་ཅང་སྐྱོ་ནས་མོ་ག་དུས་སླེབས་ཀྱི་རེད་ལབ་པ་ཡིན། མོ་ཟླ་བ་ཁ་ཤས་རྗེས་ལ་སླེབ་ཀྱི་རེད་ཅེས་གསུངས་སོང་། ངས་མོ་ཉིན་མང་པོ་བསྒུགས་ནས་བསྡད་པ་ཡིན། རྗེས་སུ་མོ་སླེབས་འདུག་ཟེར་བའི་གནས་ཚུལ་ཞིག་གོ་བྱུང་བས་ང་ལམ་སང་ནང་ནས་དོན་ནས་རྔན་པ་ཁྱེར་སྟེ་ཧ་ཅང་དགའ་པོའི་ངང་ཕྱིན་པ་ཡིན།
ངས་མོའི་ནང་ལ་མགྱོགས་པོ་སོང་ཏེ་མོའི་འགྲམ་ལ་ཕྱིན་པ་ཡིན། ངས་མོའི་ལག་པ་འཐམས་ཏེ་བསྡད་པ་ཡིན། ལམ་སང་ངས་མོ་ལ་ང་ངོ་ཤེས་སོང་ངམ། ཞེས་སྐད་ཆ་དྲིས་པ་ཡིན། ངས་མོ་ལ་ང་ཁྱེད་ཀྱི་ཆུང་དུས་ཀྱི་གྲོགས་མོ་པད་མ་ཡིན། ཞེས་ལབ་པ་ཡིན། མོས་ཁྱེད་སུ་ཡིན་ནམ་ཞེས་ལབ་སོང་། ང་ད་ལྟ་བར་དུ་པད་མ་ཟེར་བ་བུ་མོ་མཐོང་མྱོང་མེད། ཅེས་གསུངས་སོང་། ངའི་སེམས་ལ་རྡོ་ནག་པོ་ཞིག་འཛུལ་བའི་འཚོ་བ་སྐྱེས་ནས་དྭོགས་པ་ཟ་བས་མོས་མིག་ནང་མིག་ཆུ་མང་པོ་འཁོར་ནས་ངས་མོའི་ཨ་ནེ་ལ་ལབ་དུས། ཁོང་གིས་མོ་ད་ལྟ་རི་ལུང་ནས་གོམ་པ་བརྒྱབ་ནས་སླེབས་པ་རེད། ཞེས་གསུངས་སོང་བས་ང་སེམས་པ་ཧ་ཅང་སྐྱོ་ནས་ནང་དུ་མགྱོགས་པོ་སོང་བ་ཡིན། ཨ་མ་ལ་གནས་ཚུལ་ཚང་མ་ལབ་པ་དང་ང་ངུས་ནས་བསྡད་པ་ཡིན། ངའི་བསམ་བློའི་ནང་དུ་སྙིང་ལ་གྲི་ཟུག་པ་ལྟ་བུར་ཚོར་སོང་། རྗེས་སུ་ངས་མོ་ལ་ངའི་མིང་དྲན་པ་གསོ་ཡི་མི་འདུག བོད་ཁྱིམ་གོ་པུར་ལ་ང་ལ་གྲོགས་མོ་གསར་པ་ཞིག་རག་སོང་། མོ་ནི་སློབ་སྦྱོང་ཡག་པོ་དང་སྤྱོད་པ་ཡང་བཟང་པོ་ཡོད། མོའི་མིང་ལ་བསྟན་འཛིན་བདེ་སྐྱིད་རེད་འདུག མོ་ནི་མི་གཞན་ལ་རོགས་པ་བྱ་རྒྱུར་དགའ་པོ་དང་སྙིང་རྗེ་ཆེ་བའི་གྲོགས་མོ་ཞིག་ཡིན། ངས་མོ་མཐོང་མ་ཐག་རང་བཞིན་གྱིས་ཆོས་སྐྱིད་སྒྲོལ་མ་ཟེར་བའི་མིང་དེ་ཁ་ནས་དོན་སོང་། རྗེས་སུ་ངས་ཨ་མར་ཁ་པར་བཏང་ནས་ངས་གྲོགས་མོ་རྙིང་པའི་མིང་ཆོས་སྐྱིད་སྒྲོལ་མ་ཪེད་དམ། ཞེས་སྐད་ཆ་དྲིས་པ་ཡིན། ཨ་མས་ང་ལ་ངའི་གྲོགས་མོ་རྙིང་པའི་མིང་ལ་ཆོས་སྐྱིད་སྒྲོལ་མ་རེད་གསུངས་སོང་། ང་རང་གི་སྐད་ཆ་དེ་གསང་གཏམ་ཆགས་སོང་། གལ་ཏེ་ངས་མོ་དྲན་ན་ངས་སྒྲུང་དེ་བདེ་སྐྱིད་ལ་བཤད་ཀྱི་ཡོད། དེ་ངས་བཤད་ཚར་ན་ངའི་སེམས་ལྷོད་ལྷོད་ཆགས་ཀྱི་འདུག
༢༠༡༩ ནས་ ༢༠༢༣ བར་ངས་མོ་ད་ལྟ་བར་མཐོང་མ་སོང་། ངས་མོ་སེམས་གཏིང་ནས་ད་ལྟ་ཡང་དྲན་གྱི་འདུག ངས་མོ་ལ་བསམ་བློ་མང་པོ་གཏོང་དུས་ངའི་མིག་ནས་མིག་ཆུ་རང་དབང་མེད་པ་ཤོར་གྱི་འདུག སྔོན་ཆུང་དུས་ཀྱི་གྲོགས་མོས་ང་ལ་རྔན་པ་གང་སྤྲད་པ་དེ་བརྩེ་བའི་ངང་ཉར་ཡོད། ང་ཆུང་དུས་སྐབས་སུ་གྲོགས་མོས་ངའི་སྐྲ་རིང་པོ་དེར་རྩེད་མོ་རྩེ་རྒྱུར་དགའ་པོ་ཡོད། མཚམས་མཚམས་ངས་མོ་དྲན་དུས་ངས་གྲོགས་མོ་གསར་པའི་སྐྲ་ལ་རྩེད་མོ་རྩེ་ཡི་ཡོད། ངའི་བསམ་པ་ལ་མོ་ལ་གྲོགས་མོ་གསར་པ་རག་ཡོད་ཀྱི་རེད་དྲན་གྱི་འདུག མོས་ང་དྲན་གྱི་མེད་དམ། ང་ལ་དཀའ་ངལ་ཡོད་དུས་མོས་ང་ལ་ག་དུས་ཡིན་ན་རོགས་པ་བྱེད་ཀྱི་ཡོད་རེད། ངས་མོ་ད་ལྟ་བར་མཐོང་མེད་པས་ངས་བསམ་པར་མོ་གྲོངས་ཚར་བ་རེད་བསམས་བྱུང་། ངའི་བསམ་པར་མི་ཚེ་འདིར་ངེད་གཉིས་ཡང་བསྐྱར་ཐུག་རྒྱུའི་རེ་བ་མི་འདུག སློབ་གྲྭའི་དུས་ཚོད་སྐབས་གྲོགས་མོ་དེ་གལ་ཆེན་པོ་ཡིན་པ་ངས་ཤེས་ཀྱི་ཡོད། ང་ལ་གྲོགས་མོ་ཡོད་ཀྱང་མོ་འདྲ་བའི་གྲོགས་མོ་མེད།
ད་བར་དཔྱད་མཆན་མེད།