བསོད་ནམས་ཆོས་སྒྲོན། འཛིན་གྲྭ་བཞི་པ། བདེ་སླར་སཾ་བྷོ་ཊ་སི་ལྦི་པི་ཉིན་སློབ།
ངའི་མིང་ལ་བསོད་ནམས་ཆོས་སྒྲོན་ཟེར་གྱི་ཡོད། མི་ཚང་མ་ལ་སོ་སོའི་མ་འོངས་པའི་དམིགས་ཡུལ་རེ་རེ་དགོས་རྒྱུ་གལ་ཆེན་པོ་རེད། ང་རང་གི་མ་འོངས་པའི་དམིགས་ཡུལ་ནི་སྤྱི་ཚོགས་ཞབས་ཞུ་བ་དང་དགེ་རྒན་ཡིན། ངས་དམིགས་ཡུལ་དེ་བདམས་དགོས་པའི་རྒྱུ་མཚན་གཙོ་བོ་དེ་འཛམ་གླིང་འདིའི་ནང་མི་ས་ཡ་མང་པོ་ཡོད། ཡིན་ཡང་མི་རྣམས་སོ་སོ་དང་སོ་སོའི་ནང་མི་ལས་ལྷག་མི་གཞན་ལ་བསམ་བློ་བཏང་ཡག་དེ་ཧ་ཅང་ཁག་པོ་རེད་བསམ་གྱི་འདུག དེ་འདྲ་སོང་ཙང་ང་རང་གིས་དམིགས་ཡུལ་འདི་བདམས་པ་མ་ཟད་ང་རང་ཆུང་དུས་ནས་མི་རྣམས་ལ་རོགས་པ་བྱ་རྒྱུར་དགའ་བོ་ཡོད། ང་རང་ཆུང་ཆུང་སྐབས་ནས་ཕ་མ་གཉིས་ཀྱིས་ང་ལ་སོ་སོ་ལས་སྐྱོ་བ་ལ་རོགས་པ་བྱེད་དགོས་པ་སྟེ། དཔེར་ན་སྤྲང་པོ་ཞིག་ལ་བཟའ་ཡག་མེད་ནས་བསྡད་ཡོད་ན་དེ་ལ་ཁ་ལག་དང་གྱོན་ཆས་སོགས་སྤྲོད་པ་མ་ཟད། ང་ལས་ལོ་ཆེ་བ་དང་རྒས་འཁོགས་གཟུགས་པོ་སྐྱོ་བོ་ཡོད་མཁན་ལ་རོགས་པ་བྱེད་པ་དང་། སོ་སོ་ལས་སློབ་སྦྱོང་སྐྱོ་བའི་སློབ་ཕྲུག་རྣམས་ལ་ཡི་གེ་སློབ་པ་སོགས་བྱེད་དགོས་པོའི་བསླབ་བྱ་མང་པོ་གནང་སོང་། ང་རང་གི་དམིགས་ཡུལ་དེ་བསྒྲུབ་དགོས་པ་ལ་མ་འོངས་ང་རང་སློབ་སྦྱོང་ཡག་པོ་ཤེས་མཁན་ཞིག་དང་སེམས་པ་བཟང་པོ་ཆགས་དགོས། དེ་མ་ཟད་དངུལ་གྱི་ངོས་ནས་ཡང་ཡག་པོ་དགོས། གང་ཡིན་ཟེར་ན། དེང་སང་འཛམ་གླིང་འདིའི་ནང་དངུལ་མེད་པ་ཡིན་ན་སོ་སོ་ལ་འཆར་གཞི་དང་བསམ་བློ་ག་ཚོད་མང་པོ་ཡོད་ན་ཡང་སོ་སོའི་འཆར་གཞི་དང་དམིགས་ཡུལ་དེ་བསྒྲུབ་ཐུབ་ཀྱི་མ་རེད། སོང་ཙང་རང་ལ་དངུལ་ཡང་མང་པོ་དགོས། སྤྱི་ཚོགས་ལ་ཞབས་ཕྱི་ཞུ་བ་དེ་ཁྱབ་ཆེན་པོ་རེད། དེའི་ནང་དུ་མི་མང་གི་འཕྲོད་བསྟེན་དང་སློབ་ཕྲུག་གི་ཤེས་ཡོན། རྒས་འཁོགས་ལ་རོགས་རམ་གང་མང་པོ་བྱེད་དགོས་པ། མ་འོངས་པ་ང་རང་ཆེན་པོ་ཆགས་སོང་ན་མི་སྐྱོ་བོ་དང་རྒས་འཁོགས་ལ་རོགས་པ་བྱེད་ཀྱི་ཡིན། མ་འོངས་པ་ང་རང་ཆེན་པོ་ཆགས་དུས་སྨན་ཁང་མེད་ས་ལ་སྨན་ཁང་ཆུང་ཆུང་དེ་འདྲ་འཛུགས་ཀྱི་ཡིན། སྨན་བཅོས་དང་སྨན་དེ་ཚོ་གོང་ཚད་ཧ་ཅང་དམའ་པོའི་ཐོག་བཙོང་ཡག་ཡིན། དེ་འདྲ་བྱས་པ་ཡིན་ན་མི་མང་སྐྱོ་བོ་མང་པོ་ལ་ཕན་གྱི་རེད། འཛམ་གླིང་ཆེན་པོ་འདིའི་ནང་སྤྱི་ཚོགས་ཞབས་ཕྱི་ཞུ་མཁན་མི་སྐད་གྲགས་ཅན་ཧ་ཅང་མང་པོ་བྱུང་ཡོད། དེ་དག་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཨ་མ་རྗེ་བཙུན་པདྨ་ཁོང་གཉིས་ཀྱིས་རྒྱ་གར་ནང་དུ་ཡོད་པའི་བོད་ཕྲུག་རྣམས་ལ་སློབ་སྦྱོང་དང་སྨན་ཁང་། འགྲུལ་ཁང་། བོད་མི་ཚོ་ལ་སྡོད་ཁང་དང་ཞིང་ཁ་སོགས་མང་པོ་གནང་ཡོད། ངའི་དམིགས་ཡུལ་གཉིས་པ་ནི་དགེ་རྒན་ཡག་པོ་ཞིག་བྱ་རྒྱུ་དེ་ཡིན། དམིགས་ཡུལ་འདི་བདམས་དགོས་དོན་ནི། དགེ་རྒན་གྱི་ལས་ཀ་དེ་རྒྱལ་ཁབ་ལ་ཕན་ཐོགས་ཆེན་པོ་ཞིག་དང་སློབ་ཕྲུག་ཚོ་ལ་ཧ་ཅང་གལ་ཆེན་པོ་དང་རྩ་ཆེན་པོ་ཞིག་ཡིན་པ་སོང་ཙང་། ང་རང་དགེ་རྒན་ཡག་པོ་ཞིག་བྱས་ནས་བོད་མི་མང་ལ་ཕན་ཐོགས་པ་བྱེད་ཀྱི་ཡིན། སྤྱི་ཚོགས་འདིའི་ནང་ཕྲུ་གུ་ཁ་ཤས་སློབ་གྲྭ་འགྲོ་དགོས་བསམ་ནའང་སློབ་ཡོན་གྱི་དཀའ་ངལ་ལ་ལྷག་ནས་སློབ་གྲྭ་འགྲོ་ཐུབ་ཀྱི་མེད། དེ་འདྲ་སོང་ཙང་ང་རང་དགེ་རྒན་ཞིག་བྱས་ནས་ཕྲུ་གུ་དེ་ཚོ་ལ་སློབ་སྦྱོང་ཡག་པོ་ཞིག་བསླབས་ནས་མ་འོངས་པར་ཕྲུ་གུ་དེ་ཚོ་མགོ་ཡར་བཀྱགས་ནས་འགྲོ་བ་མ་ཟད། སོ་སོ་ལས་སྐྱོ་བ་ལ་མཐོང་ཆུང་མི་གཏོང་མཁན་ཞིག་བཟོ་གི་ཡིན། ང་རང་རྒན་ལགས་རྣམས་མཐོང་དུས་སེམས་ནང་དགའ་པོ་དང་ངས་གུས་ཞབས་བྱེད་ཀྱི་ཡོད། སློབ་གྲྭའི་ནང་རྒན་ལགས་རྣམས་ཀྱི་ཞལ་ལ་ཉན་པོ་དང་། སློབ་སྦྱོང་དང་སྤྱོད་པ་ཡང་ཡག་པོ་བྱེད་ཀྱི་ཡོད། དགེ་རྒན་ལ་མི་མང་རྣམས་ཀྱིས་གུས་ཞབས་ཆེན་པོ་བྱེད་ཀྱི་ཡོད། རྒན་ལགས་རྣམས་ཡ་རབས་དང་། སློབ་སྦྱོང་ཡག་པོ་གནང་མཁན། སྤྱོད་པ་ཡག་པོ་རྐྱང་རྐྱང་རེད་འདུག དེ་འདྲ་སོང་ཙང་ང་རང་གི་མ་འོངས་པའི་དམིགས་ཡུལ་དེ་སྤྱི་ཚོགས་ནང་ཞབས་ཕྱི་ཞུ་རྒྱུ་དང་། དགེ་རྒན་ཡག་པོ་ཞིག་བྱེད་ཐུབ་ཡག་གི་རེ་བ་དང་ཡིད་ཆེས་བྱེད་ཀྱི་ཡོད། ང་ཚོ་ཚང་མས་༸གོང་ས་མཆོག་གི་བཀའ་སློབ་དང་སོ་སོའི་ཕ་མ་དགེ་རྒན་རྣམས་ཀྱི་བཀའ་སློབ་གང་གནང་བ་རྣམས་སེམས་ལ་བཞག་ནས་སོ་སོའི་མ་འོངས་པའི་དམིགས་ཡུལ་ཐོག་ལ་རྟག་པར་བསམ་བློ་བཏང་བ་ཡིན་ན། ཉིན་གཅིག་གཏན་གཏན་སོ་སོའི་དམིགས་ཡུལ་གང་ཡོད་པ་དེ་བསྒྲུབ་ཐུབ་ཀྱི་རེད། དམིགས་ཡུལ་བསྒྲུབ་པ་ལ་གལ་ཆེ་ཤོས་ཤིག་ནི་གཟུགས་པོ་ཐང་པོ་དང་ཡག་པོ་ཡོད་ན་སོ་སོའི་ལས་ཀ་དང་མི་གཞན་ལ་རོགས་པ་བྱེད་ཐུབ་ཀྱི་རེད།
ད་བར་དཔྱད་མཆན་མེད།