བསྟན་འཛིན་ཆོས་མཛེས།
འཛིན་རིམ་དྲུག་པ། མེས་དབོན་གཙུག་ལག་དཔེ་སྟོན་སློབ་གྲྭ།
དགོང་མོ་སློབ་མ་རྣམས་བློ་རྩེ་གཅིག་སྒྲིམ་གྱིས་ཁྱིམ་སྦྱོང་འབྲི་བཞིན་ཡོད་པས། ང་རང་ཡང་ཁུ་སིམ་ཁྱིམ་སྦྱོང་འབྲི་ནས་མ་བསྡད་ཀ་མེད་བྱུང། སྐབས་དེ་དུས་གློ་བུར་དུ་རྒན་ལགས་ཀྱིས་དེ་རིང་འཛིན་གྲྭའི་ནང་རྩོམ་ཡིག་འབྲི་དགོས་པའི་བཀའ་གནང་བ་དེ་ཡིད་ལ་ལྷང་ལྷང་དུ་དྲན་བྱུང། དེར་བརྟེན་ངས་ལམ་སེང་དཀར་གཙང་ཤོག་བུ་ཞིག་བཏོན་ཏེ་མགོ་བརྗོད་དུ་སྐྱིད་པའི་ཕ་ཡུལ་བོད་ཅེས་གཟུགས་མཛེས་པོའི་ངང་བྲིས། བུ་མོ་ང་རང་ནི་བོད་པའི་བུ་མོ་ཆུང་ཆུང་ཞིག་ཡིན་པ་དང། ང་རང་གི་ཕ་ཡུལ་ནི་བོད་ཡིན། བོད་ནི་ངའི་སྣང་བར་གངས་རི་ར་བས་བསྐོར་ཡོད་པ་མ་ཟད། མཐོ་སྒང་དང་འཛམ་གླིང་གི་ཡང་རྩེ་ཞེས་ཀྱང་འབོད་ཀྱི་ཡོད། དེ་ལྟར་འབོད་དོན་ནི། རང་རེའི་བོད་རྒྱལ་ཁབ་འདི་འཛམ་གླིང་ནང་ནས་ས་ཆ་མཐོ་ཤོས་སུ་ཆགས་ཡོད་པས་ཡིན། ང་ཚོའི་བོད་ཀྱི་རྒྱལ་ས་ནི་ལྷ་ས་ཡིན། ལྷ་ས་ནི་འཛམ་གླིང་ནང་ནས་ས་མཐོ་ཤོས་སུ་ཆགས་པའི་རྒྱལ་ས་གྲོང་ཁྱེར་ཞིག་ཡིན། དེ་ནི་བོད་ཀྱི་གྲོང་ཁྱེར་ཆེ་ཤོས་ཀྱང་ཡིན། དེ་བཞིན། གཞིས་ཀ་རྩེ་དང། ཆབ་མདོ། སྐྱེ་གུ་མདོ། ཟི་ལིང་སོགས་གྲོང་ཁྱེར་ཆེན་པོ་མང་པོ་ཡོད། བོད་ཀྱི་སྤང་ལྗོངས་ནི་སྔོ་ལྗང་ལྗང་ཡོད་པ་དང། བོད་ཀྱི་མི་རྣམས་འཚོ་གནས་ཀྱི་ཐོག་ནས་དབྱེ་བ་གསུམ་ལ་ཕྱེ་ཡོད། འབྲོག་པ། ཞིང་པ། ས་མ་འབྲོག་བཅས་ཡིན། བོད་ནི་ལྷ་ཡི་ཞིང་ཁམས་ནང་བཞིན་ཧ་ཅང་མཛེས་པོ་དང། རྒྱུག་ཆུ་དག་ནི་གཙང་བ་དང། རི་སྐྱེས་སྲོག་ཆགས་རིགས་སྣ་ཚོགས་ཡོད། གཡག་ནི་བོད་ཀྱི་སྒོ་ཕྱུགས་སེམས་ཅན་གཙོ་བོ་དེ་ཡིན། འབྲོག་པ་རྣམས་ཀྱིས་སྒོ་ཕྱུགས་སེམས་ཅན་སྲུང་བའི་ཆེད་དུ་འདོག་ཁྱི་གསོ་ཉར་བྱེད་ཀྱི་ཡོད། དེ་ནི་འབྲོག་པ་རྣམས་ཀྱི་ལས་རོགས་ལྟ་བུ་ཡིན། གཡག་ནི་ང་ཚོ་བོད་ཀྱི་སེམས་ཅན་གཙོ་བོ་དེ་ཡིན། བོད་ཀྱི་གནམ་གཤིས་ལ་འགྱུར་ལྡོག་ཁྱད་པར་ཆེན་པོ་ཡོད། བོད་ཀྱི་ས་ཁུལ་མང་ཆེ་བ་དགུན་ཟླ་གསུམ་གྱི་རིང་ཁ་བ་འབབ་པ་དང་གྲང་ངར་ཆེ་བས་ཆུ་ལ་དར་ཁ་ཆགས་ཀྱི་ཡོད། དབྱར་ཟླ་གསུམ་གྱི་རིང་གནམ་གཤིས་དྲོ་ལ་ཆར་ཆུ་དུས་སུ་འབབ་ཀྱི་ཡོད། སྟོན་ཟླ་གསུམ་གྱི་རིང་ལ་འབྲུ་སྣ་དང་ཤིང་འབྲས་རིགས་སྣ་ཚོགས་སྨིན་པའི་དུས་མཚམས་ཡིན། དེ་བཞིན་བོད་ཀྱི་ཤར་ཕྱོགས་སུ་རྒྱ་ནག་རྒྱལ་ཁབ་དང། ནུབ་ཕྱོགས་སུ་པ་ཀི་སེ་ཏན། བྱང་ཕྱོགས་སུ་ཤར་ཏུར་ཀི་སེ་ཏན་དང། ལྷོ་ཕྱོགས་སུ་རྒྱ་བལ་འབྲུག་གསུམ་ཡོད།
སྤྱི་ལོ་ ༡༩༥༩ ལོར་རྒྱ་ནག་གིས་བོད་ལ་བཙན་འཛུལ་མ་བྱས་གོང་བོད་ཀྱི་ཤར་ལྷོ་ནུབ་བྱང་གི་མཐའ་མཚམས་སུ་ཆགས་པའི་ཁྱིམ་མཚེས་རྒྱལ་ཁབ་དེ་དག་ནི་བོད་ཀྱི་ལོ་རྒྱུས་ནང་ལེགས་བྱང་དང། དཔལ་འབྱོར། ཆོས་ལུགས། སྲིད་དོན་སོགས་ཀྱི་འབྲེལ་བ་དམ་ཟབ་ཡོད། འོན་ཀྱང་རྒྱ་ནག་གིས་བོད་ལ་བཙན་འཛུལ་བྱས་རྗེས་༸གོང་ས་མཆོག་དང་བོད་མི་སྟོང་ཕྲག་མང་པོ་རྒྱ་གར་འཕགས་པའི་ཡུལ་དུ་བཙན་བྱོལ་དུ་ཡོང་དགོས་བྱུང། རྒྱ་ནག་གཞུང་གིས་ང་ཚོ་ལྷ་ཡི་ཞིང་ཁམས་བོད་དེ་དམྱལ་བ་ལྟ་བུ་བཟོས་པ་དང། རི་དྭགས་སེམས་ཅན་གང་བྱུང་དམར་གསོད་བྱས་པ་རེད། ང་རང་ལ་མཚོན་ན་རྒྱ་མིས་བྱས་པའི་ལས་ངན་དེ་དག་ཡིད་ལ་འཁོར་དུས་སྐྱོ་གདུང་དྲག་པོས་མནར་གྱི་འདུག འོན་ཀྱང་ངས་སེམས་ཤུགས་མ་ཆགས་པར་ཤེས་བྱ་རིག་པའི་གནས་ལ་འབད་བརྩོན་བྱེད་ཀྱི་ཡོད། ཉིན་ཞིག་ང་ཚོ་བོད་ལ་ལོག་རྒྱུའི་ཉི་མ་དེ་ཤར་ན་དགའ་དགའ་སྤྲོ་སྤྲོའི་ངང་ནང་མི་ཚོ་དང་ལྷན་དུ་ལོག་གི་ཡིན། ང་རང་ད་ལྟ་ཕ་ཡུལ་བོད་ལ་ཐེངས་གཅིག་འགྲོ་རྒྱུ་བྱུང་ན་ཅི་མ་རུང་སྙམ་གྱི་འདུག རྒྱ་ནག་གཞུང་གིས་ད་བར་བོད་ནང་བོད་མི་སྟོང་ཕྲག་མང་པོ་དམར་གསོད་བཏང་བ་དང། རྒྱུ་ནོར་འཕྲོག་བཅོམ་བྱེད་ཀྱི་ཡོད། ད་དུང་བོད་ཀྱི་དགོན་སྡེ་ཁག་དང་ཁྱིམ་ཚང་གི་ནང་༸གོང་ས་མཆོག་གི་སྐུ་པར་སྒྲིག་བཤོམ་བྱེད་བཅུག་གི་མེད། ང་ཚོ་བོད་ནང་ཡོད་པའི་བོད་མི་རྣམས་ཀྱིས་རྒྱ་ནག་གཞུང་ལ་ངོ་རྒོལ་མཐའ་གཅིག་ཏུ་བྱེད་ཀྱི་ཡོད། ༸གོང་ས་མཆོག་གི་བཀའ་དྲིན་གྱིས་ད་ལྟ་ང་ཚོ་རྒྱ་གར་ཕྱི་རྒྱལ་ཁབ་ནང་བློ་བདེ་བག་ཕེབས་ཀྱི་འཚོ་བ་བསྐྱལ་རྒྱུ་བྱུང་བ་རེད། ང་ཚོས་ཁོང་གི་བཀའ་དྲིན་བརྗེད་སྲིད་ཀྱི་མ་རེད། ང་ཚོས་ཁོང་ལ་དད་གུས་ཞུ་བ་དང། བཀའ་དྲིན་འཇལ་དགོས། ཁོང་གིས་བོད་མི་རྣམས་ལ་དུས་རྟག་ཏུ་སེམས་ལ་སྙིང་རྗེ་འཆང་དགོས་ཞེས་བཀའ་སློབ་གནང་གི་རེད། ཁོང་གིས་བྱམས་སྙིང་རྗེ་གསུང་བའི་རྒྱུ་མཚན་ནི། འཛམ་གླིང་ནང་ལ་དམག་འཁྲུག་མེད་པར་མི་རྣམས་ཞི་བདེ་ལྷིང་འཇགས་ཀྱི་འཚོ་བ་སྐྱེལ་ཐུབ་པའི་ཆེད་དུ་རེད། ང་ཚོ་བོད་མི་རྣམས་ཀྱིས་ཁོང་གི་བཀའ་ཆོས་ཉན་ཏེ་མི་ཚེའི་ནང་ཉམས་ལེན་བྱེད་དགོས་། མཐར་ང་ཚོ་མགྱོགས་ནས་མྱུར་དུ་བོད་ལ་ལོག་ཐུབ་པའི་འབད་བརྩོན་བྱེད་དགོས།།
ད་བར་དཔྱད་མཆན་མེད།