བསྟན་འཛིན་ཟླ་དཀར། འཛིན་གྲ་བརྒྱད་པ། བདེ་སླར་སཾ་བྷོ་ཊ་སཱི་ཝི་པི་ཉིན་སློབ།
གུས་པའི་མིང་ལ་བསྟན་འཛིན་དགྲ་འདུལ་ཟེར་གྱི་ཡོད། འཛམ་གླིང་འདི་ནང་དུ་མི་ཚང་མར་བྱམས་དང་བརྩེ་བའི་མི་སྣ་རེ་རེ་ཡོད། དེ་འདྲ་བ་བདག་ལ་ཡང་བྱམས་དང་བརྩེ་བའི་མི་སྣ་ཞིག་ཡོད། དེ་ནི་བདག་གི་བྱམས་བརྩེ་ལྡན་པའི་དགེ་རྒན་ཡིན། བདག་གི་དགེ་རྒན་གྱི་མཚན་ལ་སངས་རྒྱས་ལགས་ཟེར་གྱི་ཡོད་ལ། ཁོང་མོའི་གཤིས་ཀ་ནི་བལ་ལས་འཇམ་པ་ཡོད་། ཁོང་མོས་སློབ་མ་རྣམས་ཀྱི་མདུན་ལམ་ལ་བསམ་གཞིག་བྱས་ཏེ་སོ་སོའི་གཅེས་ཕྲུག་ལྟར་བྱམས་སྐྱོང་གནང་གི་འདུག། ཁོང་མོ་ནི་དགུང་ལོ་བཞི་བཅུ་ཞེ་ལྔ་རེད། ཁོང་མོར་དབུ་སྐྲ་དཀར་པོ་ཐར་ཐོར་ཡོད་པ་དང་ངོ་གདོང་གངས་ལས་དཀར་བ་ཡོད། ཁོང་མོ་ནི་གཟུགས་ཆུང་ཞིང་སྐུ་ཤ་འཇོར་པོ་ཡོད་པའི་བུད་མེད་ཞིག་ཡིན། ཁོང་མོ་ནི་མེ་ཏོག་པདྨ་མ་ལྟར་མཛེས་ཞིང་ལྟ་ན་འདུག་པ་ཞིག་ཡིན། ཁོང་མོས་ཉིན་ལྟར་མཛམ་དམུལ་དམུལ་ངང་ང་དང་ངའི་འཛིན་གྲོགས་རྣམས་ལ་སློབ་ཚན་བསླབ་ཀྱི་ཡོད། ཁོང་མོས་ང་ཚོར་ཉེ་དགའ་ཕྱོགས་ཞེན་མེད་པར་ང་ཚོ་ཚང་མར་ངང་རྒྱུད་རིང་པོའི་ཐོག་ནས་སློབ་ཚན་ཁྲིད་ཀྱི་ཡོད། ད་དུང་ཁོང་མོས་ང་ཚོའི་སྐྱོན་ཆ་ཡོ་བསྲང་བྱེད་ཀྱི་ཡོད། ཁོང་མོས་ལྷག་བསམ་དཀར་པོའི་ཐུགས་སེམས་འཁྱེར་ནས་ཉིན་ལྟར་ང་ཚོ་ལ་སློབ་ཚན་བཀློག་ནས་སློབ་ཚན་ལ་འགྲེལ་བཤད་བརྒྱག་གྱི་ཡོད། དེ་དུས་ཤེས་ཡོན་ལྡན་པའི་སློབ་མ་རྣམས་ཀྱི་དགེ་རྒན་གྱི་སློབ་ཚན་ལ་ཨམ་ཅོག་ཀྲོང་ངེར་བྱས་ནས་ཉན་གྱི་ཡོད་པ་དང་མཉམ་དུ་ཟིན་ཐོ་ཡང་བྲིས་ཀྱི་ཡོད། ཁོང་མོ་ནི་བྱ་བ་ཅི་ཞིག་ཕྲད་ཀྱང་ལས་དོན་གཙོ་བོ་འཛིན་མཁན་ཞིག་ཡིན། ཁོང་མོས་ཞོགས་པ་ལྟག་པར་འཛིན་གྲྭར་བསླེབ་ནས་དང་པོ་ང་ཚོ་ལ་བསླབ་བྱ་ཡང་ཡང་གནང་གི་ཡོད། ད་དུང་ཁོང་མོས་བོད་ཀྱི་སྐོར་ལ་སྒྲུང་མང་པོ་ཤོད་ཀྱི་ཡོད། དེ་དུས་ང་ཚོས་ཁ་ཁུ་སིམ་པོའི་ངང་ནས་ཉན་གྱི་ཡོད། དེ་རྗེས་ཁོང་མོས་གསུངས་སྐད་སྙན་པོའི་ངང་སློབ་ཚན་འཁྲིད་ཀྱི་ཡོད། གལ་སྲིད་ང་ཚོས་ཁོང་མོས་བསླབ་པའི་སྒྲུང་མགོ་མ་ཚུགས་པ་ཡིན་ན་ཁོང་མོས་བོད་ཀྱི་གཏམ་དཔེ་མང་པོ་བསྐྱོར་ནས་ང་ཚོ་མགོ་ཚུགས་པ་བཟོ་ཡི་ཡོད། ང་ཚོའི་གཙང་ཞིང་ཡིད་དུ་འོང་བའི་འཛིན་གྲྭིའི་ནང་དུ་ཡོད་པའི་སློབ་ཕྲུག་རྣམས་ཤེས་ཡོན་ལྡན་པ་དང་བྱམས་དང་སྙིང་རྗེ་ལྡན་པ་ཆགས་པ་དེ་ཁོང་མོའི་བཀའ་དྲིན་ཡིན། ཁོང་མོ་ནི་ང་ཚོའི་མི་ཚེའི་མདུན་ལམ་སྟོན་མཁན་དེ་ཡིན་པ་མ་ཟད་ད་དུང་ང་ཚོ་ལ་གསེར་གྱི་ཉི་མའི་འོད་ཟེར་སྤྲོད་མཁན་དེ་ཡིན། ང་ཚོས་ཁོང་མོའི་གསུངས་པ་རྣམས་ཅི་གསུང་བཀའ་སྒྲུབ་བྱེད་ཀྱི་ཡོད། ང་ཚོས་ཁོང་མོས་བསྐུར་བའི་ནང་ལས་རྣམས་ཏག་ཏག་བྱེད་ཀྱི་ཡོད། ཡིག་ཚད་སླེབས་ལ་ཉེ་བའི་དུས་སུ་ང་ཚོ་རྩེད་མོ་རྩེས་ཀྱི་མེད་དེ་དུས་ང་ཚོ་ཚང་མ་མཉམ་དུ་འཛོམས་ནས་སློབ་ཚན་སླབ་རེས་བྱེད་ཀྱི་ཡོད། དེ་དུས་ཁོང་མོས་ང་ཚོར་བསྟོད་བསྔགས་བཏང་གི་འདུག། གལ་སྲིད་ང་ཚོས་སློབ་སྦྱོང་ཡག་པོ་བྱེད་ན་སོ་སོ་དགའ་བ། ང་ཚོའི་ཕ་མ་དགའ་བ་མ་ཟད་ད་དུང་ང་ཚོའི་དགེ་རྒན་ཡང་དགའ་ཡི་ཡོད་བྱས་ཙང་ང་ཚོས་ཉིན་ལྟར་སློབ་སྦྱོང་ལ་འབད་བརྩོན་བྱེད་དགོས། ང་ཚོའི་ཁ་ཁུ་སིམ་པའི་འཛིན་གྲྭིའི་ནང་དུ་ཁོང་མོས་ང་ཚོར་བསླབ་དུས་ང་ཚོས་ཅ་ཅོ་ལབ་གླེང་བྱེད་ཀྱི་མེད་པ་མ་ཟད་རྩེད་མོ་ཡང་རྩེས་ཀྱི་མེད། དེ་དུས་ང་ཚོས་བློ་བརྩེ་གཅིག་སྒྲིམ་གྱི་ཉན་གྱི་ཡོད། གལ་སྲིད་བོད་ཡིག་ཚོགས་ཐེངས་སྐབས་ཁོང་མོ་མ་ཕེབས་པ་ཡིན་ན་ང་ཚོ་ཚང་མ་ཁ་ཁུ་སིམ་པའི་ངང་ནས་བོད་ཡིག་སློབ་ཚན་བཀློག་ནས་བསྡད་ཀྱི་ཡོད། སྐབས་སྐབས། ང་ཚོ་ཚང་མ་སྒྲུང་དེབ་བཀློག་ནས་བསྡད་ཀྱི་ཡོད། ཁོང་མོ་ནི་དཀའ་ངལ་ལ་གདོང་ལེན་བྱེད་མཁན་ཞིག་ཡིན་པས་ང་ཚོ་སློབ་ཚན་བསླབ་ཚར་བ་དང་མཛེས་ཤིང་ལྟ་ན་སྡུག་པའི་འཛིན་གྲྭ་དང་པོ་ལ་སློབ་ཚན་བསླབ་པར་འགྲོ་གི་ཡོད། ངའི་བསམ་པར་ཁོང་མོ་ལ་དཀའ་ངལ་མང་པོ་ཡོད་རེད་བསམ་གྱི་འདུག་པས་ངས་སློབ་སྦྱོང་ཡག་པོ་བྱེད་པ་མ་ཟད་ད་དུང་དུས་ཚོད་སྟོང་པར་རྩེད་མོ་མ་རྩེས་ནས་བོད་ཡིག་སློབ་ཚན་བཀློག་ནས་བསྡད་ཀྱི་ཡོད། ངས་ང་རང་གི་བྱམས་དང་བརྩེ་བའི་གྲོགས་པོ་རྣམས་ལ་ཡང་ཁོང་མོས་དཀའ་ལས་གང་འདྲ་མང་པོ་བརྒྱག་གི་ཡོད་མེད་ལབ་ཀྱི་ཡོད། འཚམ་འཚམ་ང་རང་མིག་བཙུམ་དུས་ཁོང་མོའི་དཀར་ཞིང་གཙང་བའི་ཞལ་རས་ཡིད་ལ་དྲན་དུས་སྐབས་སྐབས་ང་རང་གི་མིག་ནས་མིག་ཆུ་ཤོར་གྱི་འདུག། གལ་སྲིད་ངའི་བྱམས་དང་བརྩེ་བའི་གྲོགས་པོ་དང་གྲོགས་མོ་རྣམས་ཁོང་མོས་ནང་ལས་བསྐུར་བ་རྣམས་མ་བྱེད་པ་ཡིན་ན། ཁོང་མོ་སེམས་ཧ་ཅང་གི་སྐྱོ་ཡི་ཡོད་པ་ངས་ཤེས་ཀྱི་ཡོད། བྱས་ཙང་ངས་གྲོགས་པོ་གྲོགས་མོ་ཚང་མར་ནང་ལས་རྣམས་ཏག་ཏག་བྱེད་བཅུག་ཀྱི་ཡོད། ཁོང་གི་བྱམས་སྐྱོང་བྱེད་པ་དེར་ལྟ་ན་ཁོང་མོ་ནི་འཛིན་རིམ་དྲུག་པ་དུང་དཀར་དང་འཛིན་རིམ་དང་པོ་དུང་དཀར་གྱི་ཨ་མ་དང་འདྲ། གལ་སྲིད་ང་ཚོས་སློབ་ཚན་མ་ཉན་པ་དང་ནང་ལས་ཏག་ཏག་མ་བྱེད་པ་ཡིན་ན་ཁོང་མོར་སྨྲ་མི་ཤེས་པའི་ཚོར་བ་ཞིག་སྐྱེས་ཀྱི་ཡོད་པ་ཤེས་ཀྱི་ཡོད། རང་གཤིས་དར་དཀར་ལས་འཇམ་ཞིང་བྱམས་བརྩེ་འོ་མ་ལས་ཀྱང་དཀར་བའི་དགེ་རྒན་གྱི་བསླབ་བྱ་རྣམས་ང་དང་ངའི་གྲོགས་པོ་གྲོགས་མོ་རྣམས་ཀྱི་ནམ་ཡང་བརྗེད་མི་སྲིད་དོ།
ད་བར་དཔྱད་མཆན་མེད།