སྣེ་ལེན་པ།   བཀྲ་ཤིས་བདེ་ལེགས། འདི་བོད་ཀྱི་མགྲོན་ཁང་རེད། ཁྱེད་ལ་ཕྱག་རོགས་ག་རེ་ཞུ་དགོས་སམ།
འགྲུལ་པ།    བཀྲི་ཤིས་བདེ་ལེགས། ཁང་མིག་སྟོང་པ་ཐོན་སོང་ངམ།
སྣེ་ལེན་པ།   ཁྱེད་རང་ལ་ཁང་པ་ག་དུས་དགོས་སམ།
འགྲུལ་པ།    ཟླ་བ་འདིའི་ཚེས་ ༢༥ ཉིན་དགོས་ཀྱི་འདུག
སྣེ་ལེན་པ།   ཁྱེད་རང་འདིར་ཉིན་གྲངས་ག་ཚོད་བཞུགས་རྩིས་ཡོད་དམ།
འགྲུལ་པ།    ང་འདིར་ཉིན་མཚན་གཉིས་རིང་སྡོད་རྩིས་ཡོད། ཁང་པ་གཡར་གླ་ག་ཚོད་རེད་དམ།
སྣེ་ལེན་པ།   ཧིན་སྒོར་ཉིས་སྟོང་ལྔ་བརྒྱ་རེད། ཁྱེད་རང་ལ་ཁང་པ་ཟུར་བཅད་ཞུ་དགོས་སམ།
འགྲུལ་པ།    སྐུ་མཁྱེན། ཁང་མིག་གཅིག་ཟུར་དུ་ཉར་རོགས་གནང་།
སྣེ་ལེན་པ།   ཁྱེད་ཀྱི་མཚན་ལ་ག་རེ་ཞུ་ཡི་ཡོད།
འགྲུལ་པ།    ངའི་མིང་ལ་ཕུན་ཚོགས་ཟེར་གྱི་ཡོད།
སྣེ་ལེན་པ།   ཁྱེད་རང་གི་ཞལ་པར་ཨང་གྲངས་ག་རེ་རེད།
འགྲུལ་པ།    ༩༨༡༦༥༤༣༧༧༨
སྣེ་ལེན་པ།   ཁྱེད་རང་བཞུགས་ས་ག་པར་ཡོད།
འགྲུལ་པ།    ང་དྷ་ས་ལ་སྡོད་ཀྱི་ཡོད། དངུལ་ག་དུས་སྤྲོད་དགོས་སམ།
སྣེ་ལེན་པ།   ཁང་གླ་སྔ་འདོན་གནང་དགོས་ཀྱི་རེད།
འགྲུལ་པ།    ཨ་ཙི། ང་ལ་དངུལ་འདེང་བ་མི་འདུག
སྣེ་ལེན་པ།   ཁྱེད་རང་ལ་བུན་བྱང་ཡོད་ན། ཨང་གྲངས་གསུང་རོགས་གནང་།
འགྲུལ་པ།    ༤༡༩༨༢༢༨༩༣༣༨༨༢༢༤
སྣེ་ལེན་པ།   དེའི་ཐིམ་དུས་ཟླ་ཚེས་ག་རེ་རེད།
འགྲུལ་པ།    ཕྱི་ལོ་ ༢༠༡༦ ཟླ ༦ ཚེས་ ༡ རེད།
སྣེ་ལེན་པ།   ད་གྲུབ་སོང་། ཕྱི་ཚེས་ ༢༥ ཉིན་མཇལ་ཆོག།