བསྟན་འཛིན་ཀུན་གསལ། འཛིན་གྲྭ་བཅུ་པ། མེས་དབོན་གཙུག་ལག་དཔེ་སྟོན་སློབ་གྲྭ དེ་རིང་གི་ཚོགས་ཐེངས་གཉིས་པའི་བར་གསེང་སྐབས་ཕྱི་ལ་ཤིན་ཏུ་ཚ་དྲོད་ཆེ་བ་མ་ཟད། ཚང་མའི་ཆུ་དམ་ནང་དུ་ཆུ་ཐིགས་གཅིག་ཀྱང་མི་འདུག་པས། ང་དང་ངའི་གྲོགས་མོས་ཚང་མའི་ཆུ་དམ་འཁྱེར་ཏེ་ཕྱི་ལ་ཆུ་ལེན་དུ་ཡོང་བ་ཡིན། སྐབས་དེར་གློ་བུར་དུ་ངའི་གྲོགས་མོས་དགེ་ལས་བཞུགས་ཁང་གི་ཕྱི་ལ་ཡོད་པའི་སྦྱར་པང་ཐོག་གི་ཤོག་དཀར་སྟེང་བྲིས་པའི་གསལ་བསྒྲགས་ཤིག་ལ་མཛུབ་མོ་བཙུགས་སོང་བས། ངེད་གཉིས་ཀྱིས་ལམ་སང་དེའི་འགྲམ་དུ་ཕྱིན་ཏེ་གསལ་བསྒྲགས་དེ་བཀླགས་པ་ན། དེ་ནི་ཤེས་རིག་ལས་ཁུངས་ཀྱི་རྩོམ་འབྲི་རྒྱུའི་གསལ་བསྒྲགས་དེ་ཡིན་པ་ཤེས་བྱུང་། སྐབས་དེར་གུས་མོའི་སེམས་ནང་དུ་ང་རང་བོད་པའི་སློབ་ཕྲུག་ཅིག་ཡིན་པ་དང་། དམིགས་བསལ་གྱི་དཔེ་སྟོན་སློབ་གྲྭའི་སློབ་ཕྲུག་ཅིག་ཡིན་པའི་ཆ་ནས་བོད་པའི་རྩོམ་ཞིག་མ་བྲིས་ན་འགྲིག་གི་མ་རེད་ཅེས་པའི་ཚོར་བ་ཤུགས་ཆེན་ཞིག་སེམས་པའི་ནང་གློ་བུར་དུ་སྐྱེས་བྱུང་། མཚན་མོའི་རང་སྦྱོང་གི་དུས་སྐབས་རྩོམ་གྱི་བརྗོད་གཞི་དེའི་ཐོག་བསམ་བློ་ཞིབ་མོ་ཞིག་བཏང་ནས་དཀར་ཞིང་གཙང་བའི་ཤོག་བུ་དཀར་པོའི་ཐོག་ངའི་མ་འོངས་པའི་དམིགས་ཡུལ་གྱི་སྐོར་ལ་རྩོམ་ཡིག་འབྲི་འགོ་བརྩམས་པ་ཡིན། ངའི་མ་འོངས་པའི་དམིགས་ཡུལ་ནི་ནད་པའི་སྲོག་སྐྱོབ་མཁན་གྱི་ཨེམ་ཆི་བཟང་པོ་ཞིག་ཆགས་རྒྱུ་དེ་ཡིན་ལ། ངའི་དམིགས་ཡུལ་ནི་ང་རང་གཉིད་སད་དུས་དང་གཉིད་ཁུག་དུས་སེམས་ནང་དུ་ཡང་ཡང་དྲན་བཞིན་པའི་དམིགས་ཡུལ་དེ་ཡིན། ངས་དམིགས་ཡུལ་འདི་བཟུང་དགོས་པའི་རྒྱུ་མཚན་ནི། ང་ཆུང་དུས་ནས་མཚོན་མདོག་དཀར་པོའི་རིགས་ལ་ཞེ་དྲག་དགའ་པོ་ཡོད་པས། ཨེམ་ཆི་ཚོས་སྟོད་ལ་རས་གོས་དཀར་པོ་གྱོན་པ་མཐོང་དུས་གཟི་བརྗིད་ཚ་པོ་ཞེ་དྲག་མཐོང་གི་ཡོད་པ་མ་ཟད། གཅིག་ཤོས་ནི་ང་རང་ཉིད་ཀྱི་འདོད་ཕྱོགས་དང་ནུས་པ་ལ་དཔག་ནས་ངས་དམིགས་ཡུལ་འདི་བདམས་པ་ཡིན། གང་ཡིན་ཟེར་ན་ཁ་སང་དེ་རིང་འཛམ་གླིང་འདིའི་ནང་དུ་ནད་པ་གྲངས་ལས་འདས་པ་ཡོད་པ་དང་། ན་ཚ་གསར་པ་རྒྱུན་ཆད་མེད་པར་འཕར་གྱིི་ཡོད་པས། ཨེམ་ཆི་གང་མང་ཡོད་རྒྱུ་དེ་ངས་གལ་ཆེན་པོ་རེད་བསམ་གྱི་འདུག གལ་སྲིད་ངས་སློབ་སྦྱོང་ལེགས་པོ་སྦྱངས་ནས་རང་ཉིད་ཀྱི་དམིགས་ཡུལ་སྒྲུབ་ཐུབ་པ་ཡིན་ན། མི་ཚང་མས་ང་ལ་གུས་ཞབས་བྱེད་པ་དང་འཛམ་གླིང་སྟེང་དུ་སྐད་གྲགས་འགྲོ་བར་དུས་ཚོད་མང་པོ་འགོར་དགོས་མ་རེད། ང་སྐད་གྲགས་མགྱོགས་པོ་ཆགས་པ་ཡིན་ན་དངུལ་དང་དབང་ཐང་གཉིས་ལ་སེམས་ཁྲལ་བྱེད་མི་དགོས་པས། ངས་རང་ཉིད་ཀྱི་ཕ་མ་དང་སྤུན་མཆེད་རྣམས་ཀྱི་དྲིན་ལན་འཇལ་ཆེད་ཁོང་ཚོར་རང་ཉིད་ཀྱི་འགྲོ་འདོད་སའི་ས་ཆ་དེར་སྤྲོ་འཆམ་ལ་འཁྲིད་པ་དང་འཛམ་གླིང་གི་ས་ཆ་གང་ས་རུ་ཁང་པ་རྫིག་པོ་ཉོས་ཏེ་ཁོང་ཚོ་སྐྱིད་པོ་བྱས་ནས་བཞག་ཡ་ཡིན། བྱས་ཙང་ངས་རང་གི་དམིགས་ཡུལ་འདི་འགྲུབ་ཆེད་ང་ཞོགས་སྔ་ལངས་དང་དགོས་ཕྱི་ཉལ་གྱིས་སློབ་སྦྱོང་བྱེད་ཀྱིན་ཡོད་པར་མ་ཟད། དགེ་རྒན་གྱིས་འཛིན་གྲྭའི་ནང་གང་བསླབ་པ་དེར་བློ་རྩེ་གཅིག་སྒྲིམ་གྱི་དོ་སྣང་སྤྲད་པ་དང་དུས་ཁོམ་བྱུང་དུས་དོན་མེད་སྐད་ཆ་མ་བཤད་པར་ངས་རང་གི་མིང་ཚིག་ཕྱུག་པོ་ཆགས་ཆེད་སྒྲུང་དེབ་སྣ་ཚོགས་ཀློག་གི་ཡོད། གལ་སྲིད་ང་ནར་སོན་རྗེས་ཨེམ་ཆི་ཞིག་ཆགས་པ་ཡིན་ན། མི་དབུལ་པོ་དེ་ཚོར་ངས་རིན་མེད་དུ་སྨན་བཅོས་བྱེད་པ་དང་མི་ལོ་ན་རྒན་པ་དེ་ཚོར་དངུལ་ཕྱེད་ཆག་བཏང་སྟེ་སྨན་བཅོས་བྱ་བར་འདོད་པ་ཡོད། དམིགས་བསལ་གྱི་བོད་མི་ཚོར་རིན་མེད་དུ་སྨན་བཅོས་བྱ་རྩིས་ཡོད། ལྷག་པར་དུ་བོད་པའི་རིག་གཞུང་འདི་འཛམ་གླིང་ཡོངས་ལ་འཕེལ་རྒྱས་གཏོང་བར་དཀའ་ལས་རྒྱག་རྒྱུ་ཡིན། མཐའ་དོན་སློབ་ཕྲུག་ཅིག་ཡིན་པའི་ཆ་ནས་དམིགས་ཡུལ་ཞིག་བཟུང་རྒྱུ་དེ་གལ་ཆེན་པོ་ཡིན་པ་དང་། དམུགས་ཡུལ་བཟུང་བ་ནང་བཞིན་སོ་སོའི་དམིགས་ཡུལ་བསྒྲུབ་ཆེད་དཀའ་ལས་དང་སྡུག་རུས་རྒྱག་རྒྱུ་དེ་དེ་བས་གལ་ཆེ་བ་རེད། མདོར་དོན་བཤད་ན། ངས་དེ་རིང་གི་རྩོམ་ཡིག་འདི་བརྒྱུད་ནས་ང་དང་ང་འདྲ་བའིི་སློབ་ཕྲུག་རྣམས་ལ་ཕན་ཐོགས་པའི་རེ་བ་དང་ངའི་དམིགས་ཡུལ་དེ་འགྲུབ་པར་སྨོན་ལམ་འདེབས་ཀྱི་ཡོད།  

བསྟན་འཛིན་འབྱུང་གནས། འཛིན་གྲྭ་བཅུ་གཉིས། སྦེལ་ཀོབ་སཾ་བྷོ་ཊ། ངའི་མ་འོངས་པའི་དམིགས་ཡུལ་ནི་དམག་མི་ཡིན། དང་པོ་ང་རང་དམག་མིར་ཚུད་ན་ང་རང་དམག་མི་ལ་བསྡད་ནས་ང་རང་དང་ནང་མིའི་ཆེད་དུ་དངུལ་བསག་རྒྱུ་ཡིན། དམག་མི་ལ་ང་རང་ཡག་པོ་བྱས་ནས་སྡོད་རྒྱུ་ཡིན། དམག་མི་ལ་སྡོད་རྒྱུ་བྱུང་ན་གནམ་ནས་མར་མཆོང་རྒྱུ་སོགས་དམག་མིའི་དཔོན་པོས་ལས་ཀ་གང་བསྐུལ་ན་ཡང་ཡག་པོ་བྱས་ནས་བྱེད་རྒྱུ་ཡིན། ང་རང་དམག་མི་ག་རེ་བྱས་ནས་བྱེད་ཀྱི་ཡོད་ཟེར་ན། ངའི་པཱ་ལགས་དང་། ཨ་ཁུ་ལགས། གཅེན་མོ་བཅས་ཚང་མ་དམག་མི་རེད། ཁོང་ཚོས་དམག་མིའི་སྐོར་མང་པོ་བཤད་དུས་ང་རང་ཡང་དམག་མིར་འཛུལ་རྒྱུའི་འདོད་པ་སླེབས་སོང་། ད་དུང་དམག་མི་ལ་མཐུན་རྐྱེན་ཡག་པོ་ཡོད་པ་ཤེས་ནས་ང་རང་དམག་མི་ལ་འཛུལ་རྒྱུའི་འདོད་པ་དེ་བས་མང་བ་བྱུང་། དམག་མི་ལ་ཚུད་ནས། དམག་མི་ལ་བསྡད་ན་ང་རང་དང་ནང་མིའི་ཆེད་དུ་ཅ་ལག་མང་པོ་ཉོ་རྒྱུ་ཡོད། སོ་སོ་ལ་དངུལ་ཡོད་ན། ཅ་ལག་གང་དང་གང་ཉོ་འདོད་ནའང་ཉོ་རྒྱུ་ཡོད། ང་རང་དམག་མི་ལ་ལོ་ཉེར་བཞི་བསྡད་རྒྱུ་ཡིན། གལ་སྲིད་ང་རང་དམག་མི་ལ་མ་ཚུད་ན། ང་རང་ལག་ཤེས་སྦྱོང་བརྡར་ཁང་ཞིག་ལ་འཛུལ་རྒྱུ་ཡིན། ངས་བྱད་བཞིན་མཛེས་བཟོ་བྱེད་སྟངས་སམ། ཁ་ལག་འདྲ་མིན་བཟོ་སྟངས། ཡང་ན་ཁུ་ར་བཟོ་སྟངས་སྦྱང་རྒྱུ་ཡིན། ང་རང་ལ་མཛེས་བཟོ་བྱེད་སྟངས་ཀྱི་ལག་ཤེས་སྦྱང་རྒྱུ་བྱུང་ན། མི་དེ་ཚོ་སྙིང་རྗེ་མོ་བཟོ་རྒྱུ་ཡིན། བུ་མོ་ཁ་ཤས་སྙིང་རྗེ་མོ་མཐོང་སྙིང་འདོད་ཀྱང་མཛེས་བཟོ་བྱེད་སྟངས་ཤེས་ཀྱི་མེད་པས། ངས་བུ་མོ་དེ་ཚོར་མཛེས་བཟོ་བྱས་ནས་སྙིང་རྗེ་མོ་བཟོ་རྒྱུ་ཡིན། བུ་མོ་མང་ཆེ་བ་ཆང་ས་དང་སྤྲོ་སྐྱིད་སོགས་ཀྱི་སྐབས་སུ་སྙིང་རྗེ་མོ་བྱས་ནས་འགྲོ་འདོད་བྱེད་ཀྱི་ཡོད། ངས་དེ་ཚོར་མཛེས་བཟོ་བྱས་ནས་སྙིང་རྗེ་མོ་བཟོ་རྒྱུ་ཡིན། གལ་སྲིད་ང་རང་མཛེས་བཟོ་ཡག་པོ་བྱེད་ཤེས་མཁན་ཞིག་ཆགས་ན། ངས་ང་རང་སྒེར་གྱི་མཛེས་བཟོ་ཁང་ཞིག་བཟོ་རྒྱུ་ཡིན། ང་རང་བྱད་བཞིན་མཛེས་བཟོ་མཁན་ལམ་ལྷོང་ཆེན་པོ་ཅན་ཞིག་ཆགས་འདོད་འདུག ང་རང་བྱད་བཞིན་མཛེས་བཟོ་མཁན་ཡག་པོ་ཞིག་ཆགས་སོང་ན། ངས་དབྱིངས་ལ་དགའ་བའི་བུ་མོ་ཚོར་མཛེས་བཟོ་བྱེད་པ་ཙམ་དུ་མ་ཟད། བུ་མོ་ཚོར་མཛེས་བཟོ་བྱེད་སྟངས་བསླབ་རྒྱུ་ཡིན། གལ་སྲིད་ང་རང་གི་དམིགས་ཡུལ་དང་པོ་གཉིས་དེ་མ་གྲུབ་ན། ང་རང་འཁུར་ར་དང་ཁ་ལག་བཟོ་མཁན་གྱི་མ་བྱན་ཞིག་བྱེད་རྒྱུ་ཡིན། ངས་སྐྱེས་སྐར། ཆང་ས། ལོ་འཁོར་དུས་དྲན་སོགས་ཀྱི་ཆེད་དུ་འཁུར་ར་བཟོ་རྒྱུ་ཡིན། ད་དུང་ཟ་ཁང་གཅིག་བཟུང་ནས་འཁུར་ར་དང་ཁ་ལག་བཟོ་མཁན་ཞིག་བྱེད་རྒྱུ་ཡིན་པར་མ་ཟད། ལམ་འགྲོ་བརྒྱུགས་ནས་འཁུར་ར་དང་ཁ་ལག་ཡག་པོ་བྲིན་སོང་ན། ངས་ཟ་ཁང་ཆེན་པོ་བཟུང་ནས་འཁུར་ར་དང་ཁ་ལག་བཙོང་རྒྱུ་ཡིན། དུས་ཚོད་སྟོང་པའི་སྐབས་སུ་ངས་ཁ་པར་ནས་ཁ་ལག་འདྲ་མིན་དང་འཁུར་ར་བཟོ་སྟངས་ཀྱི་བརྙན་པར་བཟོས་ནས་དྲ་ཐོག་ཏུ་གཏང་རྒྱུ་ཡིན མདོར་ན། ང་རང་ལ་དམིགས་ཡུལ་ཁ་ཤས་ཤིག་ཡོད་པ་ནས་གང་རུང་ཞིག་འགྲུབ་པའི་སྨོན་འདུན་ཡོད།

བསྟན་འཛིན་དཔལ་འཛོམས། འཛིན་གྲྭ་བརྒྱད་པ། མེས་དབོན་གཙུག་ལག་དཔེ་སྟོན་སློབ་གྲྭ། སྐར་མ་བཀྲ་ཞིང་གསལ་བའི་དབྱར་ཁའི་གུང་གསེང་གི་དགོང་མོ་གློག་སྒྲོན་རབ་རིབ་འོག་ཏུ་ཁྱིམ་སྦྱོང་བྲིས་བཞིན་པའི་སྐབས་གློ་བུར་དུ་ཁ་པར་གྱི་སྐད་འཕྲིན་ནང་དུ་རྒན་བློ་ཚེ་ལགས་ཀྱིས་ངའི་དམིགས་ཡུལ་ཞེས་པའི་བརྗོད་གཞི་ཐོག་ལ་རྩོམ་ཞིག་བྲིས་དགོས་པའི་དྲན་སྐུལ་གནང་བྱུང་བས་ངས་ལམ་སེང་ཤོག་བུའི་སྟེང་དུ་ངའི་ཕུགས་བསམ་ཞེས་པའི་བརྗོད་གཞི་ཐོག་ལ་རྩོམ་ཡིག་ཅིག་བྲིས་འགོ་བརྩམས་པ་ཡིན། གུས་མོ་ང་རང་ལ་མཚོན་ན་ཕུགས་བསམ་ཞེས་པ་དེ་མ་འོངས་པ་བྱས་འདོད་ཡོད་པ་ཞིག་ལ་རེད་བསམ་གྱི་འདུག། འགྲོ་བ་མི་རིགས་ཡོངས་ལ་དམིགས་ཡུལ་ཞིག་ཡོད་མོད། ཕུགས་བསམ་ཞིག་མེད་མཁན་རྣམས་མུན་ནག་གི་ཁྲོད་དུ་ཁྱར་ཁྱོར་གྱི་གོམས་སྟབས་སྤོ་བཞིན་པ་དང་གཉིས་སུ་མ་མཆིས་ཤིང་ཕུགས་བསམ་གྱི་ཡང་རྩེར་ནམ་ཡང་རྩེར་ནམ་ཡང་སྙེགས་ཐུབ་ཀྱི་མ་རེད། དམིགས་ཡུལ་ཞིག་འཛིན་མཁན་རྣམས་སོ་སོ་རང་གི་འདོད་མོད་ལྟར་ཁ་ཤས་སྨན་པ་དང་ཉེན་རྟོགས་པ་ལ་སོགས་སོ་སོ་རང་གི་འདོད་མོད་ལ་དམིགས་ཏེ་བྱས་ཀྱི་ཡོད་རེད། དེ་མ་ཟད་ཆུང་དུས་ནས་སློབ་སྦྱོང་ལ་བརྩོན་མཁན་ཞིག་ཡིན་ན་མ་འོངས་པ་ལང་འཚོ་དར་ལ་བབ་དུས་ཕྱི་རྒྱལ་ཁག་ཏུ་གོ་གནས་མཐོ་ཞིང་ལས་གནས་མཐོ་བའི་ལས་བྱེད་མཁན་ཡང་མང་པོ་ཡོད་རེད།དམིགས་ཡུལ་ཞིག་འཛིན་ན་ཡང་འདོད་བློ་ཁེངས་ནེ་མ་བསྡད་བར་ཕུགས་བསམ་དེ་ལམ་ལྷོང་ཐུབ་པ་ཞིག་ངེས་པར་དུ་དགོས། བདག་ལ་མཚོན་ན་ང་རང་འབྱུང་འགྱུར་སྨན་པ་སྙིང་རུས་ཅན་ཞིག་ཆག་རྒྱུ་དེ་རེད། དེ་ལ་རྒྱུ་མཚན་གཙོ་བོ་གསུམ་ཡོད་པ་དེ་ངས་ཁྱེད་རང་ཚོར་ཞུ་རྒྱུ་ཡིན། རྒྱུ་མཚན་དང་པོ་དེ་ང་རང་འབྱུང་འགྱུར་འགྲོ་བ་མི་རིགས་ཡོངས་ལ་ཕན་པ་ཞིག་དང་དེང་རབས་འཛམ་བུ་གླིང་དེ་ནང་ནད་ན་ཚ་ཡིས་རྐྱེན་བྱས་ཏེ་མི་མང་པོ་ཞིག་གི་སྲོག་ཤོར་བས་ང་རང་མ་འོངས་པ་སྨན་པ་བཟང་པོཞིག་བྱས་ཀྱི་ཡིན་ཞེས་ཁེ་ལན་བྱས་པ་ཡིན། སྨན་པ་ཞིག་བྱས་པ་ལ་དེ་ལས་བདེ་པོ་མ་རེད། སྨན་པ་ཞིག་བྱས་པ་ལ་ངེས་པར་དུ་སློབ་སྦྱོང་ཟེར་བ་དེ་དགོས། སློབ་སྦྱོང་ཡོད་ན་བྱ་བ་གང་ཞིག་བྱེད་ཀྱང་ལེགས་གྲུབ་ཐུབ་རྒྱུ་རེད་དོ། རྒྱུ་མཚན་གཉིས་པ་ནི། ཁོང་རྣམས་ཀྱི་ལག་རྩལ་དང་རིག་པ་དེ་རེད། ཁོང་རྣམས་ལ་འཛམ་གླིང་ནང་གི་ནད་རིགས་སྣ་ཚོགས་རྩ་མེད་བཟོ་རྒྱུའི་ནུས་པ་ཡོད་པ་མ་ཟད། ཚེ་སྲོག་སྐྱོབ་ཐུབ་པའི་ནུས་པ་ཡོད། སྨན་པའི་ལས་རིགས་ནི་ལས་རིགས་གཞན་དང་མི་འདྲ་བར་འགྲོ་བ་མིའི་རིགས་ཀྱི་ཚེ་སྲོག་དང་འབྲེལ་བ་ཡོད་ཅིང། གལ་སྲིད་ཁྱེད་རང་སྨན་པའི་ལས་རིགས་བྱ་འདོད་ན། ཆུང་དུས་ནས་སྐྱེ་དངོས་རིག་པ་དང་ཚན་རིག འཕྲོད་བསྟེན་ཤེས་བྱ་སོགས་ལ་དོ་སྣང་དང་སློབ་སྦྱོང་གནང་དགོས། རྒྱུ་མཚན་གསུམ་པ་ནི།ངའི་བཀའ་དྲིན་ཅན་གྱི་པཱ་ལགས་ཡིན། ང་རང་ཆུང་བྱིས་པའི་དུས་ནས་ཀ་ཁའི་དབྱངས་རྟ་སྙན་མོ་གྱེར་དུས་པཱ་ལགས་ཀྱིས་ཉིན་ལྟར་སྨན་བཅོས་ལག་རྩལ་ལ་མཁས་པའི་སྨན་པ་ཞིག་བྱེད་དགོས་ཞེས་བཀའ་སློབ་ཡང་ཡང་གནང་བ་མ་ཟད་སྐུལ་ལྕག་གནང་གི་ཡོད། ཁོང་གིས་ང་ལ་ཁྱེད་ཀྱིས་ངེས་པར་དུ་མ་འོངས་པར་འགྲོ་བ་མིའི་རིགས་ལ་ཕན་ཐོགས་པའ་བུད་མེད་བཟང་པོ་ཞིག་བྱ་དགོས་ཞེས་གསུངས་མྱོང་ཡོད། དེར་བརྟེན་ངའི་བསམ་པར་ང་སྨན་པ་ཞིག་བྱེད་ཐུབ་ན་འགྲོ་བ་མིའི་རིགས་ཀྱི་ནད་ཀྱི་སྡུག་བསྔལ་ལས་སྐྱོབ་ཐུབ་ཀྱི་རེད་སྙམ་གྱི་འདུག ངའི་ཕ་མ་གཉིས་ལ་མཚོན་ན་ཁོང་གཉིས་ཀྱིས་འགྲོ་གྲོན་ཕོན་ཆེན་བཏང་སྟེ་རྗེས་ཕྱོགས་སུ་རང་གི་ཕུགས་འདུན་སྒྲུབ་ཆེད་འགྲོ་གྲོན་ཕོན་ཆེན་བཏང་བ་དེ་ཆུད་ཟོས་སུ་བཏང་ག་ལ་སྲིད། འབྱུང་འགྱུར་མ་འོངས་པར་ངས་ཀྱང་དཀའ་སྤྱད་འབད་བརྩོན་ཧུར་ཐག་བྱེད་ཀྱི་ཡིན། མཐར་ངས་ཁྱེད་ཚོར་ཞུ་རྒྱུར་ལ་ང་ཚོས་སློབ་སྦྱོང་ལ་འབད་བརྩོན་ཧུར་ཐག་གནང་ན་རང་ཉིད་ཀྱི་ཕུགས་འདུན་སྒྲུབ་ཐུབ་པ་དང། ཡོད་ཚད་ལས་རྣམ་པར་རྒྱལ་ཐུབ་ཀྱི་རེད། ཅེས་ཞུ་རྒྱུ་ཡིན། ང་ཚོས་ཚེ་སྲོག་ཆུད་ཟོས་སུ་བཏང་མི་ཉན། ང་རང་དངོས་གནས་མ་འོངས་པར་སྨན་པ་བཟང་པོ་ཞིག་བྱ་འདོད་འདུག།།

བསྟན་འཛིན་བདེ་གསལ། འཛིན་རིམ་བརྒྱད་པ། མོན་གྷོ་སམ་བྷོ་ཊ་གཏན་ཉིན་སློབ་གྲྭ། ངའི་མ་འོངས་པའི་དམིགས་ཡུལ་ནི་སྨན་ཞབས་པ་ཞིག་བྱ་འདོད་ཡོད། སྨན་ཞབས་ཤིག་ཆགས་ཡ་ལ་འཛིན་རིམ་བཅུ་གཅིག་སྐབས་ནས་ཚན་རིག་སྡེ་ཚན་དུ་སློབ་སྦྱོང་བྱེད་དགོས་རེད། ང་རང་ཚན་རིག་སློབ་ཚན་ལ་ཡག་པོ་མེད་ཡིན་ནའང་ང་རང་གི་དམིགས་ཡུལ་བསྒྲུབ་པའི་ཆེད་དུ་འབད་བརྩོན་ལྷོད་མེད་བྱེད་ཀྱི་ཡིན། སློབ་ཕྲུག་མང་ཆེ་བ་ཚན་རིག་སྦྱོང་པར་དཀའ་ལས་ཡོ་རེད་བྲྗོད་ཀྱི་འདུག རེད་དེ་ང་རང་གིས་བསམ་པར་སོ་སོས་ཧུར་ཐག་བྱས་ནས་སྦྱང་ན་དཀའ་ངལ་ཆུང་བ་ཡོང་གི་རེད་སྙམ། ང་རང་གི་དམིགས་ཡུལ་དེ་བསྒྲུབས་ནས་སྨན་ཞབས་མ་ཞིག་ཆགས་ན་ངས་མི་དཀྱུས་མ་ལ་རོགས་པ་བྱེད་པ་དང་ལམ་ཟུར་དུ་ལྷག་པའི་ཕྲུ་གུ་དང་ཨ་མ་དེ་ཚོ་ལ་ཡང་རོགས་པ་དང་སྨན་བཅོས་བྱེད་འདོད་ཡོད། དེ་སྔོན་ངའི་ཨ་མ་ལགས་སྨན་ཞབས་མ་རེད་ང་རང་ཡང་ཁོང་འདྲ་བོ་ཆགས་ན་བསམ་གྱི་འདུག ངའི་ཨ་མས་ལྡི་ལི་རུ་ལོ་བཞི་རིང་སྨན་ཞབས་མ་བྱས་ཏེ་གཞན་ལ་ཕན་ཐོགས་པའི་ཕྱག་ལས་གནང་ཡོ་རེད་ཡིན་ནའང་ད་ཆ་ཁོང་ལ་ཕྲུ་གུ་བཞི་ཡོད་ཙང་ལས་ཀ་དེ་བཞག་རེད། འོན་ཀྱང་དེང་སང་གཞིས་གྲོང་ནང་ལ་ང་ཚོོའི་ཁྱིམ་མཚེས་དེ་ཚོ་ལ་ཁབ་བརྒྱབ་པ་དང་ཁོ་ཚོ་ནད་པ་ཆགས་དུས་ངའི་ཨ་མ་སྒད་གཏོང་གི་འདུག་བྱས་ཙང་ཨ་མས་ལྷག་བསམ་རྣམ་དག་རོགས་རམ་གནང་གི་རེད། དེ་བས་སྨན་ཞབས་ལས་ཀ་དེ་དུས་རྒྱུན་འཚོ་བའི་ཁྲོད་དུ་ཏང་གལ་ཆེན་སྣང་བས་ང་རང་སྨན་ཞབས་ཤིག་ཆགས་ཡ་ལ་མཐོ་སློབ་ཡག་པོ་ཞིག་ལ་འཛུལ་ཐུབ་པའི་དམིགས་ཡུལ་འཛིན་བཞིན་མཆིས། ང་རང་སྨན་ཞབས་མ་ཞིག་ཆགས་ན་ནད་པ་དེ་ཚོ་ཡར་མར་འཆམ་འཆམ་ལ་འཁྲིད་པ་དང་བྱིས་པ་ཆུང་ཆུང་ཚོ་ལ་ཁབ་ག་ལེར་བསྐྱོན་ཡ་ཡིན། དེ་ནས་ས་ཕྱོགས་གང་སར་བསྐྱོད་ནས་བོད་པའི་སྨན་ཞབས་ཡིན་པའི་ང་རང་ལ་སྤོབས་པ་སྐྱེད་ཐུབ་པ་བྱ་ཡ་ཡིན། སྨན་ཞབས་ལས་ཀ་དེ་ཆེད་ལས་པ་ཞིག་མ་རེད་ཡིན་ནའང་དེ་ཡི་ང་ཚོ་མི་འདྲ་མིན་དང་འབྲེལ་བ་ཡོང་དུས་ཕན་ཚུན་མཐུན་ལས་ཡོང་གི་རེད། གལ་སྲིད་མི་ཞིག་ནད་པ་ཡིན་ན་སྨན་ཞབས་ཀྱིས་ནད་པ་དེ་ལ་རང་ཉིད་ཀྱི་ཕྲུ་གུ་ནང་བཞིན་བལྟ་རྟོག་གནང་བ་དང་སྐྱོན་མེད་པ་རོགས་རམ་གནང་གི་རེད། ད་ལྟའི་དུས་སུ་སྨན་ཞབས་པ་ཚོ་ལས་ཀ་ཡག་པོ་དང་སྙིང་སྟོབས་ཆེན་པོ་ཡོད་པ་མཐོང་དུས་ང་རང་ལ་ཡང་མ་འོངས་པར་སྨན་ཞབས་མའི་ལས་ལ་འཇུག་རྒྱུའི་གསོན་ཤུགས་སྐྱེས་ཡོང་གི་འདུག ང་རང་སྨན་ཞབས་ལས་ཀ་དེ་བྱེད་ཐུབ་ན་ངས་སྨན་བཅོས་ཡག་པོ་བྱེད་པ་དང་ནད་པ་སུ་ཡིན་རུང་ལྷག་བསམ་ངང་རམ་འདེགས་ཞུ་ཡ་ཡིན་དེའི་སླད་དུ་ངས་སློབ་སྦྱོང་ལ་ད་ལྟ་ནས་འབད་བརྩོན་བྱས་ཏེ་རང་ཉིད་ཀྱི་དམིགས་ཡུལ་བསྒྲུབ་པ་བྱ་རྒྱུ་ཡིན།

པདྨ་ཉི་མ། འཛིན་རིམ་བརྒྱད་པ། སྦེལ་ཀོབ་སམ་བྷོ་ཊ་སློབ་གྲྭ། མི་ཞིག་གི་མི་ཚེ་ནང་དམིགས་ཡུལ་རེ་རེ་ཡོད་པ་རེད། མི་ཞིག་ལ་སོ་སོའི་མི་ཚེའི་ནང་དམིགས་ཡུལ་མེད་པ་ཡིིན་ན་མི་དེ་མི་ཚེ་ནང་ལམ་ལྷོང་ཆག་གི་མ་རེད། དེ་མ་ཟད་སོ་སོར་ཆེན་པོ་ཆགས་ནས་ལས་ཀ་གང་བྱེད་དགོས་པ་དེ་ཤེས་ཀྱི་མ་རེད། མི་ཚང་མ་ལ་སོ་སོའི་དམིགས་ཡུལ་མི་འདྲ་བ་ཡོད། དཔེ་བཞག་པ་ཡིན་ན། སྨན་པ། ཚན་རིག་པ། དམག་མི་དང་དགེ་རྒན་བཅས་ཡོད། ཡིན་ན་ཡང་ངའི་དམིགས་ཡུལ་གཙོ་བོ་ནི་སྨན་པ་ཞིག་བྱེད་བསམ་པ་ཡོད། ད་ལྟ་ལ་ཆ་བཞག་ན་ང་འཛིན་རིམ་བརྒྱད་པ་ལ་སློབ་སྦྱོང་བྱེད་ཀྱི་ཡོད། ཡིན་ཡང་ང་རང་གིས་དམིགས་ཡུལ་དེ་ཐག་གཅོད་ཟིན་པ་ཞིག་ཡིན །ང་རང་སློབ་སྦྱོང་བྱེད་ཚཪ་ནས་ངའི་མཐར་ཐུག་གི་དམིགས་ཡུལ་ནི་སྨན་པ་ཡིན། རྒྱུ་མཚན་གང་ལ་བརྟེན་ནས་ངས་སྨན་པ་བྱེད་སྙམ་པའི་དམིགས་ཡུལ་གཙོ་བོ་ནི་མི་སྐྱོ་བོ་རྣམས་ལ་གང་ཐུབ་ཐུབ་ཀྱི་རོགས་པ་བྱེད་བསམ་པ་ཡོད། སྨན་པ་ཟེར་བ་དེ་ལ་འགྲོ་བ་མི་དང་སེམས་ཅན་ཐམས་ཅད་རྣམས་ལ་སྐྱོབ་པའི་སྒོ་སྐབས་མང་པོ་ཡོད་རེད། སྨན་པས་མི་རྣམས་ལ་ན་ཚ་ནས་སྐྱོབ་པ་དང་སྲོག་ལས་ཀྱང་སྐྱོབ་ཐུབ་ཀྱི་རེད། སྨན་པ་བྱེད་པ་ཡིན་ན། དངུལ་ཡང་མང་པོ་གསོག་ཐུབ་ཀྱི་རེད། ངས་དངུལ་དེ་ཡང་བེད་སྤྱོད་གང་འདྲ་ཞིག་གཏང་རྒྱུ་ཡིན་ཟེར་ན། དངུལ་དེ་ངའི་ཕ་མ་དང་ནང་མི་རྣམས་ལ་རོགས་པ་བྱེད་རྒྱུ་དང་མི་སྐྱོ་བོ་རྣམས་ལ་ཞལ་འདེབས་འབུལ་རྒྱུ་དང་རོགས་པ་བྱེད་རྒྱུ་ཡིན། ངའི་སྡོདས་ལ་མི་སྐྱོ་བོ་རྣམས་ལ་རོགས་སྐྱོར་བྱེད་དགོས་བསམ་པ་དེ་ང་ཆུང་དུས་ནས་ཡོད། ང་མི་སྐྱོ་བོ་རྣམས་ལ་རིན་མེད་ཐོག་སྨན་སྤྲད་པ་དང་བལྟ་སྐྱོང་བྱེད་རྒྱུ་ཡིན། ང་སྨན་པ་ཡག་པོ་ཞིག་ཆགས་ནས་གྲོང་གསེབ་གཡས་གཡོན་ལ་བསྐྱོད་དེ་མི་སྐྱོ་བོ་རྣམས་ལ་བརྩེ་བ་དང། སྙིང་རྗེས་ཀུན་ལས་བསླང་སྟེ་སྨན་བཅོས་བྱེད་བསམ་པ་ཡོད། དེ་ཡང་མི་རྒན་པ་ལ་གུས་ཞབས་དང་རང་ལས་གཞོན་པ་རྣམས་ལ་སོ་སོའི་སྤུན་མཆེད་ཀྱི་འདུ་ཤེས་ཐོག་ནས་སྨན་བཅོས་བྱེད་བསམ་པ་ཡོད། ངས་དམིགས་ཡུལ་དེ་དག་སེམས་ལ་བཅང་ཏེ་སློབ་སྦྱོང་ལ་ཆུ་བོའི་རྒྱུན་བཞིན་བརྩོན་པ་བྱེད་བཞིན་ཡོད། ངས་རེ་བ་ལ་རང་རེའི་འཛིན་གྲོགས་རྣམས་ཀྱང་སློབ་སྦྱོང་དང་ལྷ་དུ་ཡ་རབས་སྤྱོད་བཟང་ཞིག་ཡོང་བའི་སྨོན་ལམ་དང། རང་གི་རྩ་བའི་བླ་མ་༸གོང་ས་མཆོག་དང་ཕ་མ་གཉིས། དགེ་རྒན་གྱི་བཀའ་དྲིན་ལ་བརྟེན་ནས་སློབ་སྦྱོང་བྱ་རྒྱུའི་གོ་སྐབས་རགས་པ་ལ་ཁོང་རྣམས་ཀྱི་སྐུ་ཁམས་བདེ་ཐང་དང་བསམ་དོན་ཡིད་བཞིན་དུ་སྒྲུབཔའི་སྨོན་ལམ་བྱེད་བཞིན་ཡོད།

བསྟན་འཛིན་གྲགས་པ། འཛིན་གྲྭ་བདུན་པ། སྦེལ་ཀོབ་སཾ་བྷོ་ཊ་སློབ་གྲྭ། ང་ཚོ་གནས་སའི་འཛམ་གླིང་འདི་ཡི་སྒང་ལ་མི་མང་པོ་ཞིག་ཡོད། མི་རེ་རེ་ལ་དམིགས་ཡུལ་རེ་ཡོད། དམིགས་ཡུལ་ནི་ཧ་ཅང་གལ་ཆེན་པོ་ཡིན། དམིགས་ཡུལ་ཡོད་ན་མ་འོངས་པར་སོ་སོས་གང་ཞིག་བྱེད་དགོས་དང་མི་དགོས་ཤེས་ནས་ད་ལྟ་ནས་གྲ་སྒྲིག་བྱེད་ཐུབ་ཀྱི་རེད། དེར་བརྟེན། མི་མང་ཆེ་བས་ཆུང་དུས་ནས་མ་འོངས་པའི་ཆེད་དུ་དམིགས་ཡུལ་རེ་འཛིན་གྱི་ཡོད། ང་རང་ཆེན་པོ་ཆགས་དུས་སྨན་པ་ཞིག་བྱེད་ཀྱི་ཡིན། གང་ཡིན་ཟེར་ན། སྨན་པ་བྱས་ན་མི་མང་པོ་ཡི་སྲོག་སྐྱོབ་ཐུབ་ཀྱི་རེད། སྨན་པ་ཞིག་ཆགས་དགོས་ན་དང་པོ་རང་ལ་ཤེས་ཡོན་མང་པོ་དགོས་རེད། དེ་ནང་བཞིན་བརྩེ་བ་ཡང་དགོས་རེད། དེ་གཉིས་ཡོད་ན་སྨན་པ་ཡག་པོ་ཞིག་ཆགས་ཐུབ་ཀྱི་རེད། ཤེས་ཡོན་དང་བརྩེ་བ་གཉིས་མེད་ན་སྨན་པ་ཡག་པོ་ཞིག་ཆགས་སྲིད་ཀྱི་མ་རེད། ང་རང་སྨན་པ་ཞིག་ཆགས་ན། ངས་མི་གཞན་ལ་རོགས་རམ་དང་ཞབས་ཞུ་བྱེད་ཀྱི་ཡིན། ངས་ལས་ཀ་དེ་ཡག་པོ་བྱེད་པ་དང་དེ་ནས་ང་རང་ཕ་མ་གཉིས་ཀྱང་སྐྱིད་པོ་བྱས་ནས་གཞག་གི་ཡིན། ནད་པ་སྐྱོ་བོ་དེ་འདྲ་སླེབས་ན་དེ་ཚོའི་རྩ་ནས་སྨན་རིན་མ་ལེན་པར་སྨན་བཅོས་བྱེད་ཀྱི་ཡིན། ང་རང་གིས་སྨན་པ་ཞིག་ཆགས་པའི་ཆེད་དུ་དཀའ་ལས་ཞེ་དྲག་བརྒྱབ་ཆོག། ཕ་མ་གཉིས་ཀྱིས་ང་ལ་ད་ལྟ་བར་དུ་བྱམས་སྐྱོང་གནང་བྱུང། ང་རང་གིས་ད་ལྟ་ནས་ཡི་གེ་ཡག་པོ་སྦྱང་བ་དང་དཀའ་ལས་མང་པོ་བརྒྱབ་ཀྱི་ཡིན། ང་རང་ཆེན་པོ་ཆགས་དུས་སྨན་པ་ཞིག་བྱས་ནས་སྤོ་པོ་དང་། རྨོ་མོ། པཱ་ལགས། ཨ་མ་ལགས་གཅེན་པོ། གཅེན་མོ། གཅུང་པོ། གཅུང་མོ་སོགས་སུ་ནད་པ་ཡིན་ནའང་ངས་དེ་ལ་སྨན་བཅོས་བྱེད་པའི་ཆེད་དུ་འབད་བརྩོན་བྱེད་ཀྱི་ཡིན། ང་རང་གིས་མི་གཅིག་ཡིན་ནའང་དེ་བསྐྱབ་པའི་ཆེད་དུ་དཀའ་ལས་བརྒྱབ་ཀྱི་ཡིན། གལ་སྲིད་ང་རང་ཆེན་པོ་ཆགས་དུས་སྨན་པའི་ཚབ་ཏུ་གཞན་ཞིག་ཆགས་ན་ཡང་ངས་མི་ཚང་མ་ལ་རོགས་རམ་བྱེད་ཀྱི་ཡིན། ང་རང་སྨན་པ་ཞིག་བྱས་ན་དངུལ་བསགས་ནས་ང་རང་གི་ཕ་མ་གཉིས་ལ་གང་དགོས་ཆ་ཚང་ཕུལ་ཆོག ངས་མི་ས་ཆ་གང་དུ་ཡོད་ནའང་དེར་འགྲོ་ནས་སྨན་བཅོས་བྱེད་པའི་ཐབས་ཤེས་བྱེད་ཀྱི་ཡིན། ནད་པ་ལ་བརྟག་དཔྱད་བྱེད་པའི་ཆེད་དུ་ག་དུས་ཡོང་རོགས་ཟེར་ན་ཡང་འགྲོ་གི་ཡིན། མི་ཕྱུག་པོ་དང་སྐྱོ་བོ་སུས་ཡོང་རོགས་ཟེེར་ན་ཡང་འགྲོ་གི་ཡིན། སྨན་རིན་སྤྲད་རྒྱུ་མེད་ན་ཡང་སྨན་བཅོས་བྱེད་ཀྱི་ཡིན། ངའི་ཕ་མ་གཉིས་ཀྱིས་ངའི་དམིགས་ཡུལ་ཐོག་དོ་སྣང་དང་རྒྱབ་སྐྱོར་ཡག་པོ་གནང་གི་འདུག་པས། ངས་ང་རང་གི་དམིགས་ཡུལ་འདི་འགྲུབ་ཀྱི་རེད་བསམ་གྱི་འདུག མ་འོངས་པར་ང་རང་སྨན་པ་ཞིག་ཆགས་ནས་མི་གཞན་ལ་རོགས་རམ་དང་སྲོག་སྐྱོབ་ཐུབ་ན་ང་རང་ཡང་སེམས་པ་དགའ་ས་རེད། གལ་སྲིད་ང་རང་གི་ཕ་མ་གཉིས་ནད་པ་ཆགས་ན་ཡང་ང་རང་སྨན་པ་ཞིག་ཡིན་པས་ངས་ལམ་སེང་སྨན་བཅོས་བྱེད་ཐུབ་ཀྱི་རེད། མདོར་བསྡུས་ནས་བཤད་ན། ང་རང་སྨན་པ་ཞིག་ཆགས་ན་མི་མང་པོ་ཞིག་ལ་ཕན་ཐོགས་བྱེད་ཐུབ་ས་རེད། དེར་བརྟེན་ང་རང་གིས་སྨན་པ་ཞིག་ཆགས་པའི་ཆེད་དུ་དཀའ་ལས་མང་པོ་བརྒྱབ་ཀྱི་ཡིན།