ན་ག་སངས་རྒྱལ་བསྟན་དར་ནས་འགྲེལ་པ་ཆ་ཚང་། ཤེས་རིག་ལས་ཁུངས། · བོད་དུ་རིག་གནས་དར་ཚུལ། ན་ག་སངས་རྒྱས་བསྟན་དར་ནས་འགྲེལ་བ། བོད་དུ་རིག་གནས་དར་ཚུལ་མདོར་བསྡུས་བཤད་པ། << དམུ་དགེ་བསམ་གཏན་གྱི་བརྩམས།>> བསྟན་པ་སྔ་དར་གྱི་སྐབས་སུ་བོད་དུ་རིག་གནས་དར་ཚུལ། བོད་སྤྱི་ལ་དབང་བའི་རྒྱལ་པོའི་ཐོག་མ་གཉའ་ཁྲི་བཙན་པོ་ཡིན་ལ། དེ་ནས་མུ་ཁྲི་བཙན་པོ། དེང་ཁྲི་བཙན་པོ། ཤོ་ཁྲི་བཙན་པོ། (སོ་ཁྲིའང་ཟེར་) མེ་ཁྲི་བཙན་པོ། གདགས་ཁྲི་བཙན་པོ། སྲིབ་ཁྲི་བཙན་པོ་སྟེ་གནམ་གྱི་ཁྲི་བདུན་དུ་གྲགས་པ་འདི་དག་གི་དུས་སུ་རིག་གནས་ སོགས་དར་ཚུལ་གྱི་ལོ་རྒྱུས་མ་མཐོང༌། དེ་ནས་གྲི་གུམ་བཙན་པོ། རྒྱལ་པོ་འདིས་བློན་པོ་དང་འཐབ་པའི་དུས་སུ་ཁྲབ་བླངས་པས་ཁྲབ་སྤྱོད་པའི་ཐོག་མ་ཡིན་ཟེར། དེ་ནས་སྤུ་དེ་གུང་རྒྱལ། དེའི་བློན་པོ་རུ་ལས་སྐྱེས་ནི་འཕྲུལ་བློན་མཛངས་པའི་མི་བདུན་གྱི་ཐོག་མ་ཡིན་ལ། རྒྱལ་བློན་དེ་གཉིས་ཀྱི་རིང་ལ་ཐོང་གཤོལ་བཟོ་བ་དང་ཞིང་ལ་ཆུ་འདྲེན་པ་སོགས་ཞིང་ ལས་དར་བའི་འགོ་ཚུགས་པ་དང༌། གསེར་དངུལ་ཟངས་ལྕགས་ཀྱི་རྡོའི་གཏེར་ཁ་ཕུད་དེ་བཞུ་ལེན་སོགས་བཟོ་ལས་ཅུང་དར་བ་ དང༌། ཆུ་ལ་ཟམ་འཛུགས་པ་སོགས་འགྲིམ་འགྲུལ་གྱི་ལམ་སོགས་ལའང་ཡར་རྒྱས་ཆེ་ཙམ་བྱུང་བ་ དང༌། ཡང་འདིའི་དུས་བོན་སྒྲུང་ལྡེའུ་གསུམ་བྱུང་བ་རིག་གནས་ཀྱི་གྲངས་སུ་བརྩི། བོན་ནིདགེ་སྒྲུབ་ལྷ་མཆོད་འདྲེ་འདུལ་མོ་རྩིས་སོགས་དང༌། སྒྲུང་ནི། རོ་ལངས་གསེར་སྒྲུབ་ཀྱི་སྒྲུང་དང༌། མ་སངས་སྒྲུང་དང༌། མཆིལ་བའི་སྒྲུང་སོགས་ཉན་བཤད་དང༌། ལྡེའུ་ནི་ཁེད་འཇོག་པ་སྟེ། དཔེར་ན། ཐེམ་གཉེར་ཝ་བ་ཆེ། (སྲང་།) ཅི་ཡིན་ཞེས་འདྲི་བ་ལྟ་བུའོ།། དེ་ནས་ཨེ་ཤོ་ལེགས། འདིའི་བློན་པོ་ལྷ་བུ་མགོ་དཀར་ནི༑ འཕྲུལ་བློན་མཛངས་མི་བདུན་གྱི་གཉིས་པ་ཡིན། ཞིང་ལ་དོར་ཁ་བརྩིས། འབྲོག་ལ་ཐུར་རྩིས་བྱས། ཕུ་ཆུ་མདའ་རུ་དྲངས་ཏེ་མདའ་ཞིང་ཆུ་མ་རྒྱ་ཆེར་བཟོས། ཨེ་ཤོ་ལེགས། དེ་ནས་དེ་ཤོ་ལེགས། ཐི་ཤོ་ལེགས། གུ་རུ་ལེགས། འབྲོང་ཞི་ལེགས། ཨི་ཤོ་ལེགས་ཏེ་སའི་ལེགས་དྲུག་དང༌། དེ་ནས་ཟ་ནམ་ཟིན་ལྡེ། ལྡེ་འཕྲུལ་ནམ་གཞུང་བཙན། སེ་སྣོལ་ནམ་ལྡེ༑ སེ་སྣོལ་བོ་ལྡེ། […]

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་འགྲེལ་པ། ཤེས་རིག་ལས་ཁུངས། · བཤེས་སྤྲིངས་ཀྱི་བཀའ་ཁྲིད། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་འགྲེལ་པ།   སློབ་དཔོན་ཟམ་གདོང་རིན་པོ་ཆེ་མཆོག་ནས་འགྲེལ་པ། ཤེས་རིག་ལས་ཁུངས། · བཤེས་པའི་སྤྲིངས་ཡིག ཟམ་གདོང་རིན་པོ་ཆེའི་འགྲེལ་བ།   དགེ་བའི་བཤེས་གཉེན་ཆེན་མོ་དགའ་ལྡན་སྙན་གྲགས་མཆོག་གིས་འཆད་ཁྲིད་གནང་། ཤེས་རིག་ལས་ཁུངས། · བཤེས་སྤྲིངས། དགེ་བའི་བཤེས་གཉེན་ཆེན་མོ་དགའ་ལྡན་སྙན་གྲགས་མཆོག་གིས་འཆད་ཁྲིད་གནང་། ༄༅། །རྒྱ་གར་སྐད་དུ། སུ་ཧྲྀ་ད་ལེ་ཁ། བོད་སྐད་དུ། བཤེས་པའི་སྤྲིངས་ཡིག འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། རྩ་བ་ ༡-༣ མཉན་པར་གདམས་པ། ཡོན་ཏན་རང་བཞིན་དགེ་འོས་བདག་གིས་ནི། །བདེ་བར་གཤེགས་པའི་གསུང་བསྙད་ལས་བྱུང་བའི། །བསོད་ནམས་འདུན་སླད་འཕགས་པའི་དབྱངས་འདི་དག །ཅུང་ཟད་ཅིག་བསྡེབས་ཁྱོད་ཀྱིས་གསན་པའི་རིགས།   ༡ ། ཇི་ལྟར་བདེ་གཤེགས་སྐུ་གཟུགས་ཤིང་ལས་ཀྱང༌། །བགྱིས་པ་ཅི་འདྲའང་རུང་སྟེ་མཁས་པས་མཆོད། །དེ་བཞིན་བདག་གི་སྙན་ངག་འདི་ངན་ཡང༌། །དམ་ཆོས་བརྗོད་ལ་བསྟེན་སླད་སྨད་མི་བགྱི།   ༢ ། ཐུབ་པ་ཆེན་པོའི་བཀའ་ནི་སྙན་དགུ་ཞིག །ཁྱོད་ཀྱི་ཐུགས་སུ་ལྟ་ཡང་ཆུད་མོད་ཀྱི། །རྡོ་ཐལ་ལས་བགྱིས་དགུང་ཟླའི་འོད་ཀྱིས་ནི། །ཆེས་དཀར་ཉིད་དུ་ཅི་སྟེ་མི་བགྱིད་ལགས།   ༣ ། རྩ་བ་ ༤ གཞུང་དངོས་ལས་རྗེས་དྲན་དྲུག་ལ་སློབ་པར་གདམས་པ། རྒྱལ་བས་སངས་རྒྱས་ཆོས་དང་དགེ་འདུན་དང༌། །གཏོང་དང་ཚུལ་ཁྲིམས་ལྷ་རྗེས་དྲན་པ་དྲུག །རབ་ཏུ་བཀའ་སྩལ་དེ་དག་སོ་སོ་ཡི། །ཡོན་ཏན་ཚོགས་ཀྱིས་རྗེས་སུ་དྲན་པར་བགྱི།   ༤ ། རྩ་བ་ ༥ སྤྱིར་དགེ་བའི་ལས་དང་འཚོ་བ་ལ་གནས་པར་གདམས་པ། དགེ་བའི་ལས་ལམ་བཅུ་པོ་ལུས་དང་ནི། །ངག་དང་ཡིད་ཀྱིས་རྟག་ཏུ་བསྟེན་བགྱི་ཞིང༌། །ཆང་རྣམས་ལས་ལྡོག་དེ་བཞིན་དགེ་བ་ཡི། […]

ཤེས་རིག་ལས་ཁུངས། · བློ་སྦྱོང་ཚིགས་བརྒྱད་མ། ༄༅། །བདག་ནི་སེམས་ཅན་ཐམས་ཅད་ལ། །ཡིན་བཞིན་ནོར་བུ་ལས་ལྷག་པའི། །དོན་མཆོག་སྒྲུབ་པའི་བསམ་པ་ཡིས། །རྟག་ཏུ་གཅེས་པར་འཛིན་པར་ཤོག །

རྣམ་རྒྱལ་གྲྭ་དགེ་ཐུབ་བསྟན་ཡར་འཕེལ་ནས་འགྲེལ་པ་ཆ་ཚང་། ཤེས་རིག་ལས་ཁུངས། · སི་ཏུའི་ཞལ་ལུང་། རྣམ་གྲྭ་ཐུབ་བསྟན་ཡར་འཕེལ། མཚན་དོན་བཤད་པ། ༄༅། །ན་མོ་གུ་རུ་མཉྫུ་གྷོ་ཥཱ་ཡ། །ཡོན་ཏན་མཆོག་མངའ་སླུ་མེད་རིན་ཆེན་གསུམ། །ཡེ་ཤེས་མེ་ལོང་གཙུག་ན་ཟླ་བ་དང་། །རྟ་དབྱངས་བཙུན་པ་ཟླ་བ་སམ་བྷོ་ཊ། །ལ་སོགས་འཕགས་བོད་མཁས་པའི་ཚོགས་སྤྱི་དང་། །ཁྱད་པར་དམ་ཆོས་འོ་མའི་རྒྱུན་བཟང་གིས། །མང་ཐོས་ལུང་གི་ལུས་སྟོབས་ཆེར་བསྐྱེད་ནས། །རྟོགས་པའི་བསམ་འཕེལ་ལག་རྩེར་སྨིན་མཛད་པའི། །དྲིན་ཅན་བླ་མའི་ཚོགས་ལ་གུས་བཏུད་ནས། །མིང་ཚིག་རིན་ཆེན་འབྱུང་གནས་སིནྡྷུའི་བདག། རིག་བྱེད་རྣམ་བཞི་སྨྲ་བའི་ཉེར་ལེན་རྒྱུ། །བསླབ་གསུམ་མྱུ་གུ་སྐྱེད་བྱེད་རྒྱ་མཚོའི་གོས། །གང་དེ་མདོར་བསྡུས་ཚིག་གིས་བཤད་པར་བྱ། ། དེ་ལ་འདིར་ཡུལ་གངས་ཅན་གྱི་སྐད་ཀྱིས་བརྡ་སྤྲོད་པའི་བསྟན་བཅོས་ཀུན་གྱི་མ་ཕྱིར་གྱུར་པ་སུམ་རྟགས་གཉིས་ཀྱི་ཚིག་དོན་ཅུང་ཟད་ཙམ་བཤད་པ་ལ་གཉིས། སུམ་ཅུ་པ་བཤད་པ་དང་། རྟགས་ཀྱི་འཇུག་པ་བཤད་པའོ། ། དང་པོ་ལ་གཉིས། བསྟན་བཅོས་རྩོམ་པ་ལ་འཇུག་པའི་ཡན་ལག་དང་། བསྟན་བཅོས་དངོས་སོ། ། དང་པོ་ལ་གཉིས། མཚན་དོན་དང་། འགྱུར་ཕྱག་གོ། དང་པོ་ནི། རྒྱ་གར་སྐད་དུ། བྱཱ་ཀ་ར་ཎ་མཱུ་ལ་ཏྲིཾ་ཤད་ནཱ་མ། བོད་སྐད་དུ། ལུང་སྟོན་པ་རྩ་བ་སུམ་ཅུ་པ་ཞེས་བྱ་བ། ཞེས་པ་སྟེ། བྱཱ་ཀ་ར་ཎ་ལུང་སྟོན་པ། མཱུ་ལ་རྩ་བ། ཏྲིཾ་ཤད་སུམ་ཅུ་པ། ནཱ་མ་ཞེས་བྱ་བའོ། །དེ་ཡང་སྒྲའི་མཚན་ཉིད་ལུང་དུ་སྟོན་ཅིང་ལེའུ་ཕྱི་མ་རྣམས་ཀྱི་རྟེན་གཞིར་གྱུར་པ་གང་ཞིག་གཞུང་ཚད་ཤླཽ་ཀ་སུམ་ཅུར་གནས་པས་དེ་སྐད་ཅེས་བྱའོ། །འདིར་རྒྱ་སྐད་སྨོས་པ་ནི་རྒྱ་གར་མཁས་པའི་བསྟན་བཅོས་ལ་དཔེར་མཛད་པ་གོ་བའི་ཆེད་དང་། གཞུང་ཚད་ཤླཽ་ཀ་སུམ་ཅུ་སོ་གསུམ་ཡོད་པ་ལ་སུམ་ཅུ་པ་ཞེས་བཏགས་པ་ནི་མཆོད་བརྗོད་དང་རྩོམ་པར་དམ་བཅའ་སྐབས་གཞན་དང་མཐུན་མོང་ཡིན་པ་ལ་དགོངས་སོ། ། འགྱུར་ཕྱག གཉིས་པ་འགྱུར་ཕྱག་ནི། ངག་གི་དབང་ཕྱུག་འཇམ་པའི་དབྱངས་ལ་ཕྱག་འཚལ་ལོ། ། ཞེས་པ་སྟེ། བསྟན་བཅོས་འདི་འཕགས་ཡུལ་ནས་བསྒྱུར་བའི་བསྟན་བཅོས་ཁུངས་མ་རྣམས་དང་མཚུངས་པར་འདོམས་པའི་དོན་དུ་ཐོན་མི་ཉིད་ཀྱིས་བསྒྱུར་བའི་མདོ་རྒྱུད་རྣམས་དང་མཐུན་པར་འཕགས་པ་འཇམ་དཔལ་ལ་འགྱུར་ཕྱག་མཛད་པའོ། ། དཀོན་མཆོག་གསུམ་ལ་སྤྱིར་ཕྱག་འཚལ་བ། ཉིས་པ་བསྟན་བཅོས་དངོས་ལ་གཉིས། […]

པདྨ་རྒྱལ་མཚན་ནས་འགྲེལ་པ། ཤེས་རིག་ལས་ཁུངས། · བྱིས་པ་དག་ཡིག ས་པཎ་ཀུན་དགའ་རྒྱལ་མཚན་གྱིས་བརྩམས། (༡༡༨༢-༡༢༥༡) ༄༅། །བླ་མ་དང་མགོན་པོ་འཇམ་དཔར་དབྱངས་ལ་ཕྱག་འཚལ་ལོ། ། སྤྱིར་ནི་ཡི་གེ་སུམ་ཅུ་ལ། །སྔོན་འཇུག་ལྔ་དང་མཐའ་བརྟེན་བརྒྱད། །ཡི་གེ་ཕྱེད་དང་བཅུ་གསུམ་ཡིན། ། འགྲེལ་པ། ག་ད་བ་མ་འ་རྣམས་ནི། །ཕུལ་ཕྱེད་ལྔ་རུ་གྲགས་པ་ཡིན། ། འགྲེལ་པ། ག་ང་ད་ན་བ་མ་དྲུག །ར་ལ་ས་དང་བཅས་པ་རྣམས། །མཐའ་བརྟེན་ཡི་གེ་དགུ་ཡིན་ནོ། ། འ་ནི་མཐའ་བརྟེན་ཕྱེད་དྲུག་འདོད། །དགའ་མདའ་དམའ་ལ་སོག་པའོ། །བུ་དྲུག་ཅན་ལ་འ་མཐའ་སྤངས། ། ག་ང་གཉིས་ལ་གི་འོང་སྟེ། །བདག་གི་ཁོང་གི་ལྟ་བུའོ། །ན་མ་ར་ལ་བཞི་པོ་གྱི། །གནམ་གྱི་བར་གྱི་གཞན་གྱི་དང༌། །ད་བ་ས་ཡི་རྗེས་སུ་ཀྱི། ། ཡོད་ཀྱི་ཆབ་ཀྱི་སེམས་ཀྱི་ནི། །ཁྲུས་ཀྱི་བག་ཡོད་ཀྱི་ཞེས་པ།ན་དེ་འདྲའི་བྱེ་བྲག་དགོས་པར་བཤད། ། ཀ་ར་ཀུ་ཤུའི་ཞལ་ཟས་དང༌། །ཀ་བ་ཀོ་བ་ཀ་རྐྱང་ཡིན། ། སྐོར་བ་སྐོར་(དཀོར་)དང་སྐོར་མཛོད་དང༌། །ས་མཐའ་སྐོར་བ་ས་སྐོར་ཡིན། ། རྒྱལ་བའི་སྐུ་ནི་ས་སྐུ་ལ། །རྐུ་མ་དག་ནི་ར་རྐུ་ཡིན། ། ཀུ་་ཅོ་བྱེད་པ་ཀུ་རྐྱང་ལ། །ལྐུགས་པ་དག་ནི་ལ་སྐུགས་ཡིན། ། བཀྲ་ཤིས་དག་ནི་བཀྲ་ཡིན། །མགོ་བོའི་སྐྲ་ནི་ས་སྐྲ་ཡིན། ། དུས་ལ་སྔ་བ་ས་སྔ་ལ། །ཐུགས་ལ་མངའ་བ་མ་མངའ་ཡིན། ། བརྡུང་བའི་རྔ་ནི་ར་རྔ་ལ། །གྲངས་ཀྱི་ལྔ་ནི་ལ་ལྔ་ཡིན། […]