བསྟན་འཛིན་ཚེ་འཕེལ།འཛིན་གྲྭ་དགུ་པ། གུ་རུ་པུ་ར་སཾ་བྷོ་ཊ་ཉིན་སློབ། རྩོམ་འདི་འགོ་མ་ཙུགས་གོང་ལ་བོད་ཀྱི་སྐོར་ཏོག་ཙམ་བཤད་པ་ཡིན་ན། བོད་ནི་ཨེ་ཤེ་ཡའི་ནང་ནས་རྒྱལ་ཁབ་ཆེ་ཤོས་གཉིས་པ་ཆགས་ཡོད་། བོད་ཀྱི་མཐའ་སྐོར་ནི་རི་ཆེན་པོ་ཤ་སྟག་གིས་སྐོར་ཡོད། བོད་ཀྱི་ཆུ་དང་། རླུང་། ཁོར་ཡུག་ཧ་ཅང་གཙང་མ་ཡོད་རེད། བོད་ནང་བརྒྱ་ཆ་ ༥༠ ཙམ་ནང་པ་ཆགས་ཀྱི་ཡོད་རེད།སེམས་པ་བཟང་བའི་ཆོས་དད་པ་ཆེ་བའི་བོད་མི་རྣམས་བོད་དུ་གནས་སྡོད་བྱེད་ཀྱི་ཡོད། བོད་ནང་ལ་རིག་གཞུང་འདྲ་མིན་སྣ་ཚོགས་ཡོད། ང་བོད་ལ་འགྲོ་མྱོང་མེད་ཀྱང་། ངའི་རྨོ་མོ་ལགས་ཀྱི་བོད་སྐོར་དང་། ཁོང་གི་དུས་སྐབས་དཀའ་ལས་བརྒྱབ་སྟེ་ནང་མི་དང། རོགས་པ། སྤུན་མཆེད་བཅས་མཉམ་དུ་སེམས་ཁྲལ་མེད་པའི་ཐོགས་དགའ་དགའ་སྤྲོ་སྤྲོའི་ངང་ཞིང་པ་དང་འབྲོག་པའི་འཚོ་བ་སྐྱེལ་གྱི་ཡོད། བོད་ཀྱི་ལོ་རྒྱུས་ཉན་སྐབས་ང་བོད་ལ་འགྲོ་སྡོད་ཧ་ཅང་ཆེན་པོ་བྱུང་སོང་། ང་ཚོའི་མ་འོངས་བོད་ཀྱི་སོན་རྩ་གཞོན་སྐྱེས་མང་ཆེ་བ་ད་ལྟ་རྒྱ་གར་སོགས་རང་དབང་ལུང་པའི་ནང་སྐྱབས་བཅོལ་བྱས་ནས་སེམས་ཁྲལ་མེད་པའི་ཐོག་སྐྱིད་པོ་བྱས་ནས་བསྡད་ཡོད། དེ་ནི་བོད་མི་ཚོས་སོ་སོའི་རིག་གཞུང་དང་། ཆོས། སྐད་ཡིག་བཅས་ལ་དོ་སྣང་མེད་པར་སྣང་མེད་འཐུས་ཤོར་ཧ་ཅང་ཆེན་པོ་ཞིག་འགྲོ་ཡི་ཡོད་པ་མཐོང་གི་འདུག བོད་མི་ཚང་མའི་རེ་འདོད་ནི། ཚེ་འདི་ཕྱི་གཉིས་ཀྱི་སྐྱབས་གནས་༧གོང་ས་༧སྐྱབས་མགོན་ཆེན་པོ་མཆོག་མཉམ་དུ་བོད་རང་བཙན་ཐོབ་ནས་བོད་དུ་ལོག་འགྲོ་རྒྱུ་དེ་རེད་། བུ་མོ་ང་རང་བོད་ལ་འགྲོ་འདོད་པའི་རྒྱུ་མཚན་གཅིག བོད་ཀྱི་རྒྱལ་ས་ལྷ་སར་ཡོད་པའི་ཕོ་བྲང་པོ་ཏ་ལ་སོགས་དགོན་པ་ཁག་མཇལ་འདོད་ཆེན་པོ་འདུག དེ་བཞིན་གངས་རི་ཆེན་པོ་མཆོད་མཇལ་དང་། དེའི་ཞབས་ནས་རྒྱུགས་པའི་གངས་ཆུ་རྒྱུག་ཆུ་གཙང་མ་འཐུང་རྒྱུ་བྱུང་ན་བསམ་གྱི་འདུག། བོད་ལ་རང་དབང་གི་ཉི་མ་ཤར་ན། ༧གོང་ས་སྐྱབས་མགོན་ཆེན་པོ་མཆོག་དང་ལྷན་བཙན་བྱོལ་བོད་མི་ཚང་མ་བོད་དུ་ལོག་ནས་བོད་གཞིས་བྱེས་གཉིས་མཉམ་འཛོམས་ཀྱིས་དགའ་བོ་སྐྱིད་པོའི་ངང་ནས་གནས་ཐུབ་ཀྱི་རེད། དེ་འདྲའི་དུས་བཟང་བྱུང་ན། བོད་ཀྱི་ཆོས་དང་རིག་གཞུང། སྐད་ཡིག རྒྱལ་ཁབ་ཀྱི་སྐོར་དམིགས་བསལ་དངོས་སུ་སྦྱང་རྒྱུའི་གོ་སྐབས་རག་གི་རེད་བསམ་གྱི་འདུག། འཛམ་གླིང་འདིའི་ནང་མི་སུ་ཡིན་པ་ཡིན་ན་ཡང་སོ་སོའི་མཛའ་ཞིང་བརྩེ་བའི་སྤུན་ཟླ་དང་། བདེ་ཞིང་སྐྱིད་པའི་ཕ་ཡུལ་ལ་འགྲོ་རྒྱུ་འདོད་པ་ཡོད་མཁན་ཧ་ཅང་མང་པོ་ཡོད་རེད། ང་རང་ལས་དབང་གིས་ཕ་ཡུལ་དང་ཁ་བྲལ་ཏེ་བཙན་བྱོལ་ལ་སྐྱེ། ས་གཙང་བ། རླུང་དྭངས་མ། རང་འབྱུང་གི་མཛེས་སྡུག་ལྡན་པའི་ཁོར་ཡུག་ཅན་གྱི་བོད་ལ་ང་སྐྱེས་ཡོད་ན་སྐྱིད་པ་ལ་ཨང། དམ་པའི་ཆོས་དར་ས། ངའི་ཕ་མེས་ཡང་མེས་འཁྲུངས་ས། བོད་མི་རིགས་ཀྱི་འབྱུང་ས། ཇོ་བོ་ཡིད་བཞིན་ནོར་བུ་སོགས་རྩ་ཆེན་གྱི་རྟེན་དང་ལྷ་ཁང་གི་བྱིན་རླབས་ཡོད་སའི་བོད་ལ་ལོག་ན་འདོད། སྦགས་བཙོག་གིས་མ་འགོས་པའི་ཟས་ཞིམ་ལ་བཅུད་ཆེ་བ། ཤ་མར་ཐུད་དང་། ནས་རྩམ་བྲོག་མ་སོགས་ཟ་རྒྱུ་ཡོད་ས་ཡོད་པའི་བོད་ལ་ལོག་ན་འདོད། འབྲི་གཡག་ར་ལུག་སོགས་ཀྱིས་ཐུན་མིན་སྲོག་ཆགས་སྙིང་རྗེ་པོས་གང་བའི་བོད་ལ་ཡོད་ན་འདོད། མི་རྒྱུད་བྱམས་པས་ཕྱུག་ཅིང་། ཡ་རབས་བཟང་སྤྱོད་བྱམས་བརྩེས་ཁྱབ་པའི་ཞིང་ས་བོད་ལ་ཡོད་ན་འདོད་། བོད་ཀྱི་རྩ་ཐང་ལ་རྩེད་མོ་དང་། གཙང་ཆུ་ལ་རྐྱལ་རྒྱག་ཅིག རྟ་རྒོད་བཞོན་ནས་གནས་མཇལ་དུ་འགྲོ་བར་འདོད། བཙན་རྒྱལ་རྒྱ་ནག་དམར་པོའི་དབང་ཤུགས་ཉམས་ནས་བོད་ལ་རང་དབང་བདེན་པའི་ཉི་མ་གསར་པ་ཤར་བའི་སྨོན་ལམ་འདེབས་ཀྱི་ཡོད། སྐྱབས་མགོན་རྒྱལ་བའི་དབང་པོ་དང་ལྷན་བོད་རང་ཡུལ་ལ་ལོག་ནས་རང་སྐད་བརྒྱབ། […]

བསྟན་འཛིན་དབྱངས་སྒྲོན།འཛིན་གྲྭ་དགུ་པ། གུ་རུ་པུ་ར་སཾ་བྷོ་ཊ་ཉིན་སློབ། ཚ་གདུང་ཤིན་ཏུ་ཆེ་བའི་དབྱར་ཁའི་གུང་གསེང་ཉིན་ཞིག་གི་ཞོགས་པར་ང་རང་དྲོ་སོབ་སོབ་ཀྱི་མལ་ལས་ལངས་ཏེ་དེ་རིང་གུང་གསེང་ཡིན་པས་ཨ་མའི་ལས་ཚེགས་ལེན་དགོས་བསམས་ཀྱང། གློ་བུར་དུ་བདག་ལ་རྩོམ་ཡིག་ཅིག་འབྲི་རྒྱུའི་འདུན་པ་དྲག་པོ་ཞིག་སྐྱེས་ཏེ་ཉལ་ཁང་གི་ཕྱོགས་སུ་བྱ་འཕུར་བ་ལྟར་རྒྱུགས་པ་ཡིན། ངས་ལམ་སེང་དཀར་གཙང་ཤོག་བུའི་སྟེང་སྨྱུ་གུ་ཞིག་བཟུང་སྟེ། ཉ་མོ་འཁྱུག་བགྲོད་བྱེད་པ་བཞིན་སྨྱུག་རྩེ་སྒུལ་འགོ་བརྩམས་པ་ཡིན། སྤྱིར་བུ་མོ་ང་ནི་རྒྱ་གར་འཕགས་པའི་ཡུལ་དུ་འཚར་ལོངས་བྱུང་བའི་བཙན་བྱོལ་མི་རབས་གསར་པ་ཞིག་ཡིན་ཀྱང་རྒྱ་གར་ནི་ངའི་གནས་ཚང་དང་ཕ་ཡུལ་གཉིས་པ་ལྟར་ཡིན་ཞིང་བོད་ནི་བདག་གི་ཕ་ཡུལ་ངོ་མ་དེ་ཡིན། ཕ་ཡུལ་བོད་ནི་བདག་གི་མེས་པོ་གོང་མ་རྣམས་ཀྱི་བཀའ་དྲིན་གཞལ་ཟླ་བྲལ་བའི་གྲིབ་བསིལ་གྱི་འོག་ནས་བོད་ཀྱི་ཆོས་དང་རིག་གཞུང་མི་རབས་དག་གིས་མི་ཉམས་རྒྱུན་གནས་ཐུབ་པའི་འབད་བརྩོན་གནང་ཡོད་པ་དང། དེ་དག་སློབ་སྦྱོང་དང་རིག་པས་རྩོད་སའི་གནས་ཆེན་གཙུག་ལག་ཁང་དེ་དག་ད་ལྟ་འང་མངོན་སུམ་དུ་མཇལ་རྒྱུ་ཡོད་པ་དཔེ་དེབ་དང་དྲྭ་རྒྱ། ཞལ་རྒྱུན་སོགས་ལས་མང་དུ་ཐོས་པར་བརྟེན་ནས་གནས་ཆེན་དག་མཇལ་དུ་འགྲོ་རྒྱུའི་འདུན་པ་ནི་རྦ་རླབས་ལྟར་དྲག་ཏུ་ཕྱུར། བོད་ཀྱི་ལྟ་ན་སྡུག་པའི་ལྷ་ཡུལ་ལྟ་བུའི་ཡུལ་ལྗོངས་དང། ནང་པའི་ཆོས་དང་རིག་གནས་དེ་དག་རྒྱལ་ཁབ་གཞན་དང་ཚན་རིག་ལ་མེད་དུ་མི་རུང་བ་ཞིག་ཡིན། ད་དུང་བོད་ཀྱི་རང་དབང་སླར་གསོ་དེ་བོད་མི་རིགས་ལ་ཕན་ཐོགས་ཡོད་པ་མ་ཟད་མི་རིགས་གཞན་ལ་ཡང་ཕན་ཐོགས་ཆེན་པོ་ཡོད། གང་ཡིན་ཟེར་ན་ནང་པའི་ཆོས་ནི་ཚན་རིག་པ་དང་དཔུང་པ་མཉམ་གཤིབ་ཀྱིས་འགྲོ་ཐུབ་མཁན་གྱི་ཆོས་ལུགས་ཁོ་ན་དེ་ཡིན། བོད་ཀྱི་ནང་པའི་ཆོས་ལུགས་ནི་རྒྱལ་ཁབ་གཞན་གྱི་སློབ་ཆེན་དེ་དག་གི་བསླབ་བཞིར་གྱུར་པའི་ནང་སེམས་ཀྱི་འགྲོ་སྟངས་འཛམ་གླིང་མཁས་དབང་དག་གི་འགྲམ་ཆུ་ལྡང་ས་ཞིག་ཡིན། བོད་ནི་མཐའ་ཚང་མ་རི་རྒྱུད་སྟོབས་ལྡན་གྱིས་བསྐོར་ཡོད་པ་དང་གཏེར་ཆུ། སྨན་རྩ། གཏེར་ཁ་ཕུན་སུམ་ཚོགས་པའི་ཡུལ་ཞིག་ཡིན། བོད་ནི་ཨེ་ཤེ་ཡའི་ནང་དུ་ཆགས་ཡོད་པ་དང་ཕྱིའི་རྒྱལ་ཁབ་མང་པོ་ཞིག་གི་ཆུའི་བང་མཛོད་ཀྱང་ཡིན། བོད་ཀྱི་རླུང་ཁམས་ནི་ཤིན་ཏུ་སྲབ་པས་གནམ་གཤིས་གྲང་ངར་ཤིན་ཏུ་ཆེ་ཡང་ཡུལ་ལྗོངས་ནི་ལྟ་ན་སྡུག་པ་རྒྱལ་པོའི་སྐྱེད་མོས་ཚལ་དང་འདྲ་ལ། རྩྭ་ཐང་དུ་རྟ་ནོར་དང་སྒོ་ཕྱུགས་སེམས་ཅན་སོགས་དང་ལྷན་དུ་འཚོ་བ་རོལ་ཁན་གྱི་མི་རྣམས་ཀྱི་ཀུན་སྤྱོད་ནི་ཧ་ཅང་གི་བཟང་པོ་ཡོད་སྟབས་བཙན་བྱོལ་དུ་ཡོད་པའི་བོད་མི་ཡང་རང་རང་སོའི་ཕ་ཡུལ་དུ་འགྲོ་འདོདཡོད་པ་མ་ཟད་ཕྱིའི་རྒྱལ་ཁབ་ནས་ཡུལ་སྐོར་སྤྲོ་འཆམ་པ་མང་པོ་ཞིག་བོད་དུ་ཡུལ་སྐོར་ལ་ཕེབས་ཀྱི་ཡོད། ཚ་དྲོད་ཤིན་ཏུ་ཆེ་བའི་རྒྱ་གར་དུ་འབྲས་དང་སྲན་རིགས་རྡལ་ཟ་བའི་སྐབས་རོ་བཅུད་ལྡན་པའི་རྩམ་པའི་དྲི་ཞིམ་སྣ་ལ་འཐུལ་དུས་རང་ཉིད་ཀྱི་ཕ་ཡུལ་ཡིད་ལ་ལྷང་ལྷང་དུ་དྲན། སྐབས་རེ་གསར་འགྱུར་ནང་གི་འགྲོ་བ་མིའི་ཐོབ་ཐང་རྡོག་རོལ་དང། ཆོས་དད་རང་མོས་མེད་པའི་ཛ་དྲག་གི་གནས་སྟངས་དེ་དག་མིག་ལམ་དུ་འཆར་དུས། རང་ཉིད་བོད་ཕྲུག་ཅིག་ཡིན་པའི་ཆ་ནས་བོད་ནང་གདུང་སེམས་མཉམ་སྐྱེད་ཀྱི་ཚོར་སྣང་ཞིག་ངམ་ངམ་ཤུགས་ཀྱིས་སྐྱེ་ཞོར། རང་དགོས་ཤེས་ཡོན་ལ་འབད་པ་ཧུར་ལེན་གྱིས། ནར་སོན་རྗེས་མི་རིགས་ཀྱི་འཐབ་རྩོད་ཆེད་ཡོད་ཚད་འབུལ་འདོད་པའི་བསམ་བློའི་འགུལ་ཤུགས་ཤིག་སྐྱེས། རྗེས་ཕྱོགས་སུ་༧གོང་ས་མཆོག་བོད་དུ་ཕེབས་ཐུབ་པའི་སྨོན་ལམ་དང། རང་ཉིད་ཀྱང་ཕ་མེས་རྣམས་ལྟེ་ཁྲག་འཕོ་བའི་ཁ་བའི་ལྗོངས་ཀྱི་པང་དུ་ལོག་འདོད་ཆེན་པོ་ཡོད།། བོད་མི་ས་ཡ་དྲུག་གི་ཕ་ཡུལ་དེ།།རྒྱ་ནག་དམར་པོས་བཙན་བཟུང་བྱེད་སོང་བས།།འདུན་པ་མེད་བཞིན་ཕ་ཡུལ་གཡུགས་དགོས་བྱུང་།།ཉིན་ཞིག་ལྟེ་ཁྲག་འཕོ་སར་ལོག་རྒྱུ་ཡིན།།