ཏཱ་ལའི་བླ་མའི་ཁྲུང་ཁྲུང་སྐྱོབ་པ།

བསྟན་འཛིན་བདེ་སྐྱིད།འཛིན་གྲྭ་དགུ་པ། སཾ་བྷོ་ཊ་གུ་རུ་པུ་ར། རྩོམ་པ་པོ། ནི་རཱཇ་ཝ་གྷོ་ལི་ཀར། བོད་སྒྱུར་བ། གྲགས་པ་རྒྱལ་མཚན། སྒྲུང་གི་ནང་དོན་སྙིང་བསྡུས་དང་མྱོང་ཚོར། ཧ་རུ་ཎཱ་ཅལ་མངའ་སྡེའི་ནང་གྲྭ་པ་ལོ་གཞོན་ཞིག་དང་ཁོའི་གྲོགས་པོ་ཚོས་གློ་བུར་གྱི་གནད་དོན་ཞིག་ལ་གདོང་ལེན་བྱེད་དགོས་བྱུང་ཡོད། ཁོ་ཚོའི་གཅེས་པར་འོས་པའི་ཁྲུང་ཁྲུང་སྐེ་ནག་གི་སྡོད་གནས་ལ་ཉེན་ཁ་འཕྲད་ཡོད། སྒྲུང་འདིའི་ནང་ཁོ་ཚོས་ཆུ་ཚོད་ཉེར་བཞི་ཡི་རིང་ཚ་ཚ་འུར་འུར་ངང་བདེན་དོན་ཀྱི་ཆེད་དུ་ལས་འགུལ་སྤེལ་ཏེ་བགྲོད་དཀའ་བའི་རི་ལམ་བརྒྱུད་པ་དང་མིའི་སྤྱོད་ལམ་ཁ་ལོ་སྒྱུར་བ་སོགས་ཀྱི་བྱེད་ཐབས་སྣ་ཚོགས་བྱས་ཡོད། སྒྲུང་དེབ་དེ་ཀློག་པའི་སྐབས་སུ་ཐོག་མར་སེམས་པར་སྐྱོ་སྣང་ཚོར་སོང་། ཡིན་ནའང་། ཀློག་ཚར་གྲབས་ཡོད་པའི་སྐབས་སུ་དགའ་སྣང་བྱུང་སོང་། ཚིག་གསར། ཀུ་རེ། གཟབ་ནན། སྙན་ཐོ། བརྡར་ཤད། གཡག་དཀར་པོ། རྩོམ་པ་པོ། འཇམ་དབྱངས་རྒྱལ་མཚན། སྒྲུང་གི་ནང་དོན་སྙིང་བསྡུས་དང་མྱོང་ཚོར། སྒྲུང་འདིའི་ནང་སེམས་ཅན་ཚོས་ག་རེ་མཐོང་བ་དང་དེ་བཞིན་གྲྭ་བ་ཆུང་ཆུང་དེས་ག་རེ་མཐོང་བ་རྣམས་རེ་རེ་བྱས་ནས་འགྲེལ་བཤད་བརྒྱབ་འདུག སྒྲུང་འདི་ཀློག་པའི་སྐབས་སུ་སེམས་ཀྱི་ནང་ལ་སེམས་ཅན་འདྲ་མིན་སྣ་ཚོགས་ཤར་བྱུང་། གཞན་ལ་རོགས་རམ་བྱས་པ། རྩོམ་པ་པོ། སྐལ་བཟང་དོན་གྲུབ། སྒྲུང་གི་ནང་དོན་སྙིང་བསྡུས་དང་མྱོང་ཚོར། མི་གཞན་ཞིག་ལ་དཀའ་ངལ་འཕྲད་པའི་སྐབས་སུ་རོགས་རམ་བྱས་པ་དེ་མི་དེ་ཡི་གཤིས་ཀ་བཟང་པོ་དེ་བསྟན་གྱི་ཡོད། མི་སྣ་དེ་ཡི་སྐོར་ལ་སེམས་ནང་ལ་དགའ་བོ་ཚོར་སོང་། ཚིག་གསར། སྐུ་རྟེན། ལྷབ་ལྷབ། གཅན་གཟིགས་ཁང་ལ་ཕྱིན་པ། རྩོམ་པ་པོ། སྐལ་བཟང་དབང་འདུས། སྒྲུང་གི་ནང་དོན་སྙིང་བསྡུས་དང་མྱོང་ཚོར། སྒྲུང་དེབ་འདིའི་ནང་ལ་ཕྲུ་གུ་མང་པོ་ཁྲིད་ནས་གཅན་གཟིགས་ཁང་ལ་ལྟད་མོ་ལྟ་བར་འགྲོ་ཡི་འདུག སྒྲུང་དེབ་འདི་ཀློག་དུས་ང་རང་གི་སློབ་གྲའི་ངོས་ནས་གཅན་གཟིགས་ཁང་ལ་ཁྲིད་པ་དེ་སེམས་ནང་ལ་ཤར་སོང་། ཚིག་གསར། སྒྲོ་གུ། ཁྲོན་པའི་ནང་གི་སྦལ་པ། རྩོམ་སྒྲིག་པ། ཚེ་རིང་དཔལ་འཛོམས། སྒྲུང་གི་ནང་དོན་སྙིང་བསྡུས་དང་མྱོང་ཚོར། སྒྲུང་འདིའི་ནང་སྦལ་པ་དང་གླང་ཆེན་གཉིས་རང་མཐོང་ཆེ་ནའང་།  སུ་ཞིག་ཡིན་ན་ཡང་དཀའ་ངལ་ཕྲད་པའི་པའི་སྐབས་སུ་རོགས་རམ་བྱེད་མཁན་ཞིག་ཡོད། ཚིག་གསར། ཐོས་རྒྱ། དྲེགས། ཕྲ་མོ། འཐར་བ།

བསྟན་འཛིན་འགྲོ་དོན།འཛིན་གྲྭ་དགུ་པ། སཾ་བྷོ་ཊ་གུ་རུ་པུ་ར། རྩོམ་པ་པོ། བུདྡྷ་སྐྱབས། སྒྲུང་གི་ནང་དོན་སྙིང་བསྡུས་ནི།   གཞན་ལ་སེམས་བཟང་དང་ཕན་ཐོགས་བྱས་ན་རང་གི་སེམས་ལ་བདེ་སྐྱིད་ཡོང་གི་རེད། ངའི་མྱོང་ཚོར།   སྒྲུང་འདི་བཀླགས་ནས་ངའི་སེམས་ལ་སྙིང་རྗེ་དང་སྐྱོ་བ་སྐྱེས་སོང་།   སྲས་ཆུང་ཤོས་དེ་དཔའ་བོ་དང་བྱམས་སེམས་ལྡན་པ་ཞིག་རེད་འདུག ཚིག་གསར།   རོལ།    དཔའ་རྩལ།   བཙས།  སྡེར་མོ། སྡོམ་ཐག་མི་བོད་ལ་སླེབས་པ། རྩོམ་པ་པོ། སྐལ་བཟང་དབང་འདུས། སྒྲུང་གི་ནང་དོན་སྙིང་བསྡུས་ནི།   རང་ཉིད་ཀྱི་ཤེས་ཡོན་དང་དཔའ་རྩལ་རྣམས་གཞན་སྲུང་སྐྱོབ་དང་ཕན་ཐོགས་ཆེད་བེད་སྤྱོད་གཏོང་དགོས་པ་ཧ་ཅང་གལ་ཆེན་པོ་ཡིན། ངའི་མྱོང་ཚོར།   སྒྲུང་འདི་བཀླགས་རྗེས་ངའི་སེམས་ནང་ང་ཚོ་བོད་པ་ནི་མི་རང་བཞིན་བཟང་པོ་དང་། གཞན་གྱིས་ལས་སླ་པོ་ཡིད་ཆེས་ཐུབ་ས་ཞིག དེ་བཞིན་མི་གང་འདྲ་ཞིག་ཡིན་ནའང་ལས་སླ་པོ་འདྲིས་པོ་ཆགས་མཁན་ཞིག་རེད་འདུག ལྷག་པར་དུ་བོད་ཆོས་ལྡན་ཞིང་ཁམས་དེ་ཞི་བདེ་ཆེ་བ་དང་། སྙིང་རྗེའི་ཡུལ་ཞིག་ཡིན་པ་ཚོར། ཚིག་གསར།  དཔའ་རྒོད། སྐྱབས་དང་མགོན། འདུ་ཁང་། ཚ་ཕོགས། གངས་ལྗོངས། རྩོམ་པ་པོ། ཆོས་ཉིད་སྒྲོལ་མ། སྒྲུང་གི་ནང་དོན་སྙིང་བསྡུས་ནི། འཛོམས་འཛོམས་བྱེད་སྐབས་དང་རྩེད་མོ་རྩེ་སྐབས་ང་ཚོ་གྲོགས་མོ་མཉམ་དུ་བསྡད་ནས་རྩེད་མོ་རྩེས་ན་འཕྲོད་བསྟེན་ལ་ཕན་པ་དང་གྲོགས་མོའི་བར་བརྩེ་བ་དེའང་ཆེ་རུ་འགྲོ་བ་དང་། རང་སོ་སོའི་ཁ་པར་བལྟས་ནས་བསྡད་ན་རང་ཉིད་ཀྱི་མིག་ལ་གནོད་པ་མ་གཏོགས་ཕན་ཐོགས་གང་ཡང་མེད། ངའི་མྱོང་ཚོར། སྒྲུང་འདི་བཀླགས་རྗེས་ངའི་སེམས་ནང་ངའི་ཕ་མ་གཉིས་ཀྱིས་ཀྱང་དེ་འདྲ་བའི་རྩེད་མོ་རྩེས་ཡོད་ཤག་བསམས་སོང་། དེང་སང་མི་རྒན་པ་དང་ཕྲུ་གུ་ཚང་མ་ཁ་པར་མང་བ་ལྟ་བ་མ་གཏོགས་རྩེད་མོ་སོགས་ལ་དོ་སྣང་བྱེད་ཀྱི་མི་འདུག ཆུང་དུས་ནས་ད་བར་ང་རྩེད་མོ་དེ་འདྲ་བ་རྩེ་རྒྱུ་རག་མ་བྱུང་། ཚིག་གསར།  རྒྱུས་པ།  སྟར།  དོད་པོ།  ལྷང་ལྷང་། རི་བོང་དུ་སྐྱེས་པའི་རབས། རྩོམ་པ་པོ། བུདྡྷ་སྐྱབས། སྒྲུང་གི་ནང་དོན་སྙིང་བསྡུས་ནི། དུས་རྒྱུན་དུ་སེམས་པ་བཟང་པོའི་ཐོག་ནས་གཞན་ལ་ཕན་ཐོགས་བྱས་ན་ནམ་མཁའི་ལྷས་ཀྱང་རང་ལ་རོགས་པ་བྱེད། ངའི་མྱོང་ཚོར། སྒྲུང་འདི་བཀླགས་རྗེས་ངའི་སེམས་ནང་ཚེས་པ་བཅོ་ལྔ་དེ་དགེ་ཆོས་སྒྲུབ་སའི་ཉིན་གལ་ཆེན་ཞིག་ཡིན། དེ་མ་ཟད། ཚེས་པ་བཅོ་ལྔའི་ཉིན་དཀར་ཟས་ལ་རོལ་དགོས་པ་དང་། སྐྱོ་བོ་རྣམས་ལ་སྦྱིན་པ་གང་མང་གཏོང་ཐུབ་ན་རང་ཉིད་ལ་ཕན་ཐོགས་ཆེན་པོ་ཡོད་པ་ཚོར་སོང་། […]

བསྟན་འཛིན་ཆོས་དབྱིངས།འཛིན་གྲྭ་བཅུ་པ། སཾ་བྷོ་ཊ་ཅན་དྷ་གྷི་རི་ཉིན་སློབ། རྩོམ་པ་པོ། ཁ་ཛུ་ཀི། ཨི་བྰ་ཨིན། སྙིང་དོན་དང་མྱོང་ཚོར། སྒྲུང་དེབ་འདིའི་ཡི་གེ་འབྲི་ཚུལ་དང་འཚོ་བ་བསྟོན་སྟངས་གཞན་དང་མ་འདྲ་བ་ཧ་ཅང་ལེགས། གཙོ་བོ་སྒྲུང་འདིའི་ནང་ལ་གཱནྡྷཱི་ཁོང་གིས་དྲག་ཤུགས་མ་བརྟེན་ནས་དབྱིན་ཇིའི་མགོ་སེར་དབང་སྒྱུར་ལས་རྒྱ་གར་ཐར་ཏེ། འཐབ་འཁྲུག་སྐབས་ཀྱི་འགོ་ཁྲིད་པ་ཞིག་ཆག་སྟངས་དང་། ཁོས་མཚན་ཉིད་རིག་པ་འཕེལ་རྒྱས་བཏང་བ་དང་། ཞི་བའི་ངོ་རྒོལ་དང་། བདེན་དོན། བརྩེ་སེམས་བཅས་གནང་ནས་རྒྱ་གར་རང་བཙན་རག་ཐུབ་པའི་སྐུ་ལས་མང་པོ་བརྒྱབ་པ་བཤད་འདུག ཁོང་གིས་ཧུར་བརྩོན་གྱིས་རྒྱ་གར་ལ་རོགས་རམ་བྱས་ཏེ་ ༡༩༤༧ ལོར་རང་བཙན་ཐོབ་པ་བྱུང་ཡོད་ནའང་། སེམས་སྐྱོ་བ་ཞིག་ལ་མཐར་ ༡༩༤༨ ལོར་ཁོང་ལྐོག་གསོད་བྱས་པའི་གནས་ཚུལ་ཡང་བཤད་འདུག འོན་ཀྱང་། ཁོང་གི་དྲག་ཤུགས་མིན་པའི་ཞི་བའི་ལམ་ལ་འགྲོ་བའི་ཐབས་ལམ་དེ་འཛམ་གླིང་ཡོངས་ལ་དམིགས་དཔེ་ཡང་ཡག་པོ་བཏོན་པ་བྱུང་། སྒྲུང་འདི་ཡི་ནང་ལ་གུས་པའི་བླངས་པའི་བསླབ་བྱ་ནི། དྲག་ཤུགས་དང་བདེན་དོན་མིན་པའི་སྟོབས་ཤུགས་ལ་འགྱུར་ལྡོག་གཏིང་ཟབ་པོ་ཡོང་ཐུབ་པ་དང་། ཞི་བས་འགོག་རྒོལ་བྱ་རྒྱུ་དེ་དྲག་ཤུགས་ལས་ཀྱང་ཆེ་བ་ཡོད་པ་གསལ་པོར་མཚོན་འདུག ཚིག་གསར། རཱམ། རྣམ་རྟོག ཕྱི་གླིང་། བཙན་གྲོལ། སྐམ་སེང་། ངོས་ཀྱི་ཡུལ་དང་ངོས་ཀྱི་མི་མང་། རྩོམ་པ་པོ། ༸གོང་ས་མཆོག སྙིང་དོན་དང་མྱོང་ཚོར། ངོས་ཀྱི་ཡུལ་དང་ངོས་ཀྱི་མི་མང་ཞེས་པ་ནི། ཏཱ་ལའི་བླ་མ་སྐུ་ཕྲེང་བཅུ་བཞི་པ་བསྟན་འཛིན་རྒྱ་མཚོས་༡༩༦༢ ལོར་ལྗགས་རྩོམ་གནང་བའི་རང་ཉིད་ཀྱི་ལོ་རྒྱུས་དང་བོད་ཀྱི་ལོ་རྒྱུས་དཔེ་ཆ་ཞིག་རེད། དཔེ་ཆ་དེའི་ནང་ཏཱ་ལའི་བླ་མའི་སྐུ་ཚེ་ཧྲིལ་པོ་དང་བོད་ཀྱི་ལོ་རྒྱུས། དེ་བཞིན་སྐབས་དེའི་ཆབ་སྲིད་དང་རིག་གནས་ཀྱི་རྒྱབ་ལྗོངས་བཅས། ལྷག་པར་དུ་རྒྱ་དམར་པོས་བོད་ལྗོངས་བཙན་འཛུལ་དང་བཙན་བཟུང་བྱས་པའི་སྐོར་གྱི་གནས་ཚུལ་སོགས་ལ་དཔྱད་བསྡུར་གཏིང་ཟབ་བཤད་འདུག ད་དུང་ཏཱ་ལའི་བླ་མས་རང་གི་བྱིས་དུས་དང་། ཁོང་ཉིད་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་ཡང་སྲིད་ཡིན་པ་ཤེས་རྟོགས་བྱུང་བ་དང་། དགེ་འདུན་པ་བྱས་པ། ཁོང་རང་ཉིད་ལོ་ན་གཞོན་པའི་སྐབས་སུ་འགན་ཁུར་བའི་འགན་འཁྲི་སོགས་གླེང་འདུག ཚིག་གསར། ཁུངས་བཙན། སྙན་གསན། དྲང་བདེན་ལ་དངོས་གྲུབ་ཐོབ། རྩོམ་པ་པོ། བསམ་གླིང་ཚེ་རིང་ལྷ་མོ། སྙིང་དོན་དང་མྱོང་ཚོར། དྲང་བདེན་ལ་དངོས་གྲུབ་ཐོབ་ཞེས་པའི་སྒྲུང་དེ་ཡི་ནང་མི་དབུལ་ཕོངས་ཤིག་གིས་ཁོའི་སྟ་རེ་ཆུའི་ནང་དུ་ལྷུངས་བ་དང་ ཆུ་བོའི་ལྷ་འཐོན་ཏེ་རོགས་རམ་བྱས་པ་མ་ཟད། གསེར་དངུལ་གྱི་སྟ་རེ་ཞིག་ཀྱང་ཕུལ་བ་རེད། འོན་ཀྱང་། […]

བསྟན་འཛིན་གསལ་སྒྲོན།འཛིན་གྲྭ་བཅུ་གཉིས། སྦེལ་ཀོབ་སཾ་བྷོ་ཊ་ཉིན་སློབ། རྩོམ་པ་པོ། ཚེ་རིང་དཔལ་འཛོམས། སྒྲུང་གི་སྙིང་བསྡུས། སྒྲུང་འདིའི་ནང་མི་སྣ་གཙོ་བོ་ནི་བུ་མོ་ཉི་མ་དང་མཁའ་གྲུ་རེད་འདུག བུ་མོ་ཉི་མ་ནི་ཀུན་སྤྱོད་བཟང་ཞིང་གཙང་སྦྲ་དོད་པའི་བུ་མོ་ཞིག་ཡིན་ལ། ཉིན་ལྟར་འཛིན་ཁང་ནང་དུ་ཡང་དོ་སྣང་ཡག་པོ་བྱེད་མཁན་ཞིག་རེད་འདུག ཉིན་ཞིག་མོའི་རྒན་ལགས་ཀྱིས་ཉི་མའི་ཁྱིམ་རྒྱུད་སྐོར་བསླབས་པས། དེའི་དགོང་མོར་མོའི་རྨི་ལམ་ནང་མཁའ་གྲུ་ཞིག་གིས་མོ་བར་སྣང་དུ་ཁྲིད་པ་རྨིས། ཁོ་གཉིས་བར་སྣང་དུ་འགྲུལ་བཞུད་བྱེད་བཞིན་པའི་སྐབས། མཁའ་གྲུས་མོ་ལ་བར་སྣང་གི་དངོས་པོ་མང་པོ་ངོ་སྤྲོད་བྱས་པ་དང་། བུ་མོ་ཉི་མས་ཀྱང་དྲི་བ་མང་པོ་དྲིས་བ་དང་མཁའ་གྲུས་ལན་བརྒྱབ། གང་འཚམས་ནས་མོ་ཡིས་ལྟ་འདོད་ཡོད་པའི་ཉི་མའི་ཁྱིམ་རྒྱུད་འགྲམ་དུ་སླེབས་པ་རེད། མཁའ་གྲུས་བུ་མོ་ཉི་མ་ལ་ཉི་མའི་ཁྱིམ་རྒྱུད་ནི་དགུ་ཚིགས་སྐྱ་མོའི་ཁྱིམ་རྒྱུད་ཀྱི་ཆ་ཤས་ཡིན་པ་དང་གཟའ་སྐར་བརྒྱད་པོ་མོ་ལ་རེ་རེ་བཞིན་ངོ་སྤྲོད་བྱས། བུ་མོ་ཉི་མས་ཀྱང་དེ་ལ་དོ་སྣང་ཡག་པོ་སྤྲད་པ་རེད། དེའི་རྗེས་མཁའ་གྲུས་བུ་མོ་ཉི་མ་ལ་གཟའ་སྐར་བརྒྱད་པོ་ངོ་སྤྲོད་བྱས་ཚར་རྗེས། བུ་མོ་ཉི་མས་མཁའ་གྲུ་ལ་ཐུགས་རྗེ་ཆེ་གནང་ཞུས་པ་དང་། བར་སྣང་ལ་ཁྲིད་པར་སྐྱིད་པོ་བྱུང་། ཞེས་ལབ་པ་རེད། དེའི་རྗེས་སང་ཞོགས་བུ་མོ་ཉི་མ་གཉིད་ལས་སད་རྗེས་མཁའ་གྲུ་དང་མཉམ་དུ་བར་སྣང་ལ་ཕྱིན་པ་དེ་རྨི་ལམ་ཡིན་པ་ཤེས་ནས་རང་དབང་མེད་པར་གད་མོ་ཤོར་བ་རེད། སྒྲུང་དེབ་བཀླགས་པའི་མྱོང་ཚོར། སྒྲུང་འདི་ཀློག་སྐབས་ངའི་སེམས་ནང་བྱིས་པའི་ལྟད་མོ་ཞིག་ལྟ་གི་ཡོད་པའི་ཚོར་བ་བྱུང་། བུ་མོ་ཉི་མ་ནི་སློབ་ཕྲུག་ཡག་པོ་ཞིག་དང་ཚང་མས་མིག་དཔེ་ལྟ་དགོས་ས་ལྟ་བུ་ཞིག་རེད་འདུག སྒྲུང་འདིའི་ནང་བུ་མོ་ཉི་མ་ནི་རང་ཉིད་ཀྱི་སློབ་ཚན་ལ་དོ་སྣང་དང་དབྱིངས་ཡོད་པའི་རྐྱེན་གྱིས་སོ་སོའི་རྨི་ལམ་ནང་ལ་ཡང་སློབ་ཚན་དེ་དྲན་གྱི་འདུག ང་ཚོས་ཉིན་ལྟར་སློབ་ཚན་དང་ཡི་གེ་སྦྱོང་སྐབས་དོ་སྣང་དང་དབྱིངས་དགོས་པ་གལ་ཆེན་པོ་རེད་འདུག སྒྲུང་དེབ་འདིའི་ནང་གི་རི་མོ་དེ་ཚོ་དཔེ་སྙིང་རྗེ་མོ་ཡོད་པ་མ་ཟད་དེབ་འདི་ཀློག་བདེ་པོ་འདུག ཚིག་གསར། སྐར་ཕྲེན། མཁའ་གྲུ། འགྲུལ་བཞུད། དགུ་ཚིགས། ངོ་མཚར་ཆེ། ཕྱིར་དྲངས། ཁྱེད་ཀྱིས་ག་རེ་མཐོང་གི་འདུག་གམ། ཕྱོགས་བསྒྲིགས་པ། ཚེ་རིང་དཔལ་འཛོམས། སྒྲུང་གི་སྙིང་བསྡུས། དེབ་འདི་ནི་དམིགས་བསལ་སྒྲུང་དེབ་ཞིག་མ་ཡིན་པར། དེ་ནི་ཕྲུ་གུ་ཆུང་ཆུང་ཚོའི་ཆེད་དུ་བྱ་བྱིའུ་དང་སེམས་ཅན་སྣ་ཚོགས་ཀྱི་མིང་ཤེས་པའི་ཆེད་དུ་རེད་འདུག དེབ་འདིའི་ནང་ཕུག་རོན་དང་། ནགས་བྱི། ཁྲུང་ཁྲུང་། ཐང་དཀར་རྒོད་པོ་ལ་སོགས་པའི་སྲོག་ཆགས་ ༢༥ ཡི་མིང་དང་དཔར་ཡིད་དུ་འོང་བ་འདུག སྒྲུང་དེབ་བཀླགས་པའི་མྱོང་ཚོར། ངས་དེབ་འདི་ཀློག་སྐབས་ཀྱི་ཚོར་བ་ནི། ང་རང་གཞི་རིམ་འོག་མའི་སློབ་གྲྭར་སླེབས་པའི་ཚོར་བ་སྐྱེས་སོང། དེབ་འདི་ཀློག་པའི་སྐབས་ངས་སེམས་ཅན་ཁ་ཤས་ཀྱི་མིང་བོད་སྐད་ཐོག་ཤེས་སོང། མ་ཟད་སྲོག་ཆགས་ཚོའི་རི་མོ་ཡང་ཧ་ལམ་དངོས་སུ་གང་འདྲ་ཡོད་པ་ལྟར་བྲིས་འདུག་པས་ཀློག་དུས་སྤྲོ་སྣང་ཆེན་པོ་སྐྱེས་སོང། ཚིག་གསར། ནགས་བྱི། བྱ་ཁྱིའུ། བྱི་ལ་དོམ། […]

པདྨ་ཆོས་སྒྲོན།འཛིན་གྲྭ་དགུ་པ། སྦེལ་ཀོབ་སཾ་བྷོ་ཊ་བོད་མིའི་སློབ་གྲྭ། རྩོམ་པ་པོ། ཚེ་རིང་དཔལ་འཛོམས། སྒྲུང་གི་ནང་དོན་སྙིང་བསྡུས། སྒྲུང་དེབ་འདིའི་ནང་གི་མི་སྣ་གཙོ་བོ་ནི་ཨ་མ་ལགས་ཤིག་དང་ཕྲུ་གུ་ཞིག་རེད་འདུག དེའི་ནང་སློབ་སྦྱོང་ལེན་རྒྱུ་མང་པོ་འདུག དཔེར་ན། ལམ་ལ་འགྲོ་བའི་སྐབས་སུ་ཕྱོགས་གང་ནས་འགྲོ་དགོས་པ་དང་། འགྲོ་བའི་སྐབས་སུ་གཟབ་གཟབ་བྱེད་དགོས་པ་སོགས་གསལ་པོ་བཤད་འདུག གལ་སྲིད་འགྲིམ་འགྲུལ་གྱི་སྒྲིག་གཞི་དང་འགལ་ན་ཆད་པ་ཕོག་པའི་ཉེན་ཁ་ཡོད་པ་ཡང་བཤད་འདུག སྒྲུང་དེབ་འདིའི་ནང་དམིགས་བསལ་ག་རེ་འདུག་ལབ་ན། སྒྲུང་གི་མཉམ་དུ་བསླབ་བྱ་ཡང་ལེན་རྒྱུ་འདུག་པས། ཕྲུ་གུ་རྣམས་ཀྱིས་ཀློག་པའི་སྐབས་སུ་ཉོབ་ཏོ་མ་ཆགས་པར་ཀློག་ཐུབ་པའི་ནུས་པ་ཞིག་ཡོད་པར་མཐོང་། སྒྲུང་དེབ་བཀླགས་པའི་མྱོང་ཚོར། སྒྲུང་དེབ་གི་ནང་ཚིག་ཚང་མ་ལས་སླ་པོ་དང་རི་མོ་ཡང་མང་པོ་འདུག་པས་ཀློག་པའི་སྐབས་སུ་ཧ་ཅང་སྟབས་བདེ་པོ་འདུག དེ་མ་ཟད་ང་རང་དགའ་པོ་ཞེ་དྲག་བྱུང་སོང་། སྒྲུང་དེབ་འདི་ནི་གཙོ་བོ་ཕྲུ་གུ་ཆུང་ཆུང་ཚོའི་ཆེད་དུ་ཡིན་པ་དང་། ཆུང་ཆུང་སྐབས་ནས་ལམ་ལ་འགྲོ་དུས་གཟབ་གཟབ་བྱེད་དགོས་པའི་སྐོར་སྒྲུང་གི་ནང་དུ་སྙིང་རྗེ་མོའི་ངང་བཤད་འདུག མཐའ་མ་དེ་ལ་ང་རང་གི་སྣང་བ་འགྲོ་ཤོས་ནི། ང་ཚོ་ལམ་ལ་འགྲོ་བའི་སྐབས་སུ་རྟགས་མང་པོ་ཞིག་མཐོང་རྒྱུ་ཡོད་པ་དེ་དག་གིས་ག་རེ་མཚོན་གྱི་ཡོད་པ་ཆ་ཚང་ཞིག་བྲིས་འདུག་པས་ཕན་ཐོགས་པོ་ཞིག་མཐོང་སོང་། ཚིག་གསར། བརྡ་རྟགས། གདོང་ཐུག འགྲུལ་བཞུད། རྟགས། སྐྱོབ་ཐག དགོད་མཚམས་འཇོག་མི་ཐུབ་པའི་བུ་མོ། རྩོམ་པ་པོ། མི་ར་ག་ན་པ་ཏི། བོད་སྒྱུར་བ། ཚེ་རིང་དཔལ་འཛོམས། སྒྲུང་གི་ནང་དོན་སྙིང་བསྡུས། སྒྲུང་དེབ་འདིའི་ནང་མི་སྣ་གཙོ་བོ་ནི་བུ་མོ་ཞིག་འདུག མོ་ནི་ག་དུས་ཡིན་ནའང་གད་མོ་ཤོར་ཤོར་པར་སྡོད་ཀྱི་འདུག གལ་སྲིད་མི་ཞིག་གིས་རྟུག་དྲི་གཏོང་བ་དང་ཨི་ཙི་གུ་ལུ་སློང་སྐབས། ཡང་ན་བྷོན་ཌ་ཞེས་པའི་ཚིག་ལ་སོགས་པ་ཐོས་ན་གད་མོ་ཤོར་མཁན་བུ་མོ་ཞིག་རེད་འདུག ཉིན་ཞིག་མོ་ལ་དགེ་ལགས་ཀྱང་འུ་ཐུག་པོ་བྱུང་ནས་མོ་ལ་སྐད་རྒྱག་དགོས་བྱུང་བ་རེད། ཡིན་ན་ཡང་། སློབ་ཕྲུག་ཚོ་ཡིས་མོ་ལ་དགའ་སྣང་བྱེད་ཀྱི་ཡོད། གང་ཡིན་ཟེར་ན། གད་མོ་ཤོར་ན་གཡས་གཡོན་གྱི་མི་རྣམས་ཀྱང་སེམས་པ་སྐྱིད་པོ་ཆགས་པ་མ་ཟད་ཕན་ཚུན་འཆམ་པོ་མགྱོགས་པོ་ཆགས་ཀྱི་ཡོད་པས་འཛིན་གྲོགས་ཚོས་མོ་ལ་དགའ་པོ་བྱེད་ཀྱི་འདུག སྒྲུང་དེབ་བཀླགས་པའི་མྱོང་ཚོར། སྒྲུང་དེབ་ནང་སྤྱིར་བཏང་གི་རི་མོ་མང་པོ་ཞིག་འདུག་པ་དང་། ང་རང་གིས་དམིགས་བསལ་ག་རེ་ཡག་པོ་མཐོང་སོང་ལབ་ན། བུ་མོ་དེ་གད་མོ་ཤོར་རྒྱུ་ལ་དགའ་པོ་ཡོད་པ་ནང་བཞིན་གུས་མོ་ང་རང་ཡང་གད་མོ་ཤོར་རྒྱུ་ལ་ཧ་ཅང་དགའ་པོ་ཡོད། བྱས་ཙང་ངས་སྒྲུང་དེབ་འདིའི་ནང་གི་བུ་མོའི་རང་བཞིན་ང་དང་ཞེ་དྲག་མཐུན་གྱི་ཡོད་པ་མཐོང་སོང་བས། ང་རང་སྒྲུང་དེབ་འདི་ཀློག་པའི་སྐབས་སུ་ཧ་ཅང་གིས་དགའ་པོ་བྱུང་། ང་རང་གིས་ག་རེ་བསམ་གྱི་འདུག་ཟེར་ན། གད་མོ་ཤོར་རྒྱུ་དེ་སོ་སོའི་སྐྱོན་ཆ་མ་ཡིན་པ་དང་། གད་མོ་ཤོར་རྒྱུ་དེ་སོ་སོའི་འཕྲོད་བསྟེན་ལ་ཕན་ཐོགས་ཡོད་པ་མ་ཟད་མི་ཚང་མ་ཡང་སྐྱིད་པོ་བཟོ་བའི་ནུས་པ་ལྡན་ཡོད། ཚིག་གསར། གྲལ་བསྟར། སྨྲོས། འབར་རྫས། […]

བསྟན་འཛིན་ཡེ་ཤེས།འཛིན་གྲྭ་དགུ་པ། སཾ་བྷོ་ཊ་ཅན་དྷ་གྷི་རི་ཉིན་སློབ། བོད་སྒྱུར་བ། བསྟན་འཛིན་ཆོས་སྐྱིད། སྙིང་དོན་དང་མྱོང་ཚོར། རི་སྐྱེས་ངང་དཀར་ཞེས་པའི་སྒྲུང་དེའི་ནང་སྤུན་ཕན་ཚུན་བར་གྱི་བརྩེ་བ་དང་འབྲེལ་བ་སོགས་ཀྱི་སྐོར་བཤད་འདུག དེའི་ནང་ཨེ་ལི་ས་ཞེས་པའི་བུ་མོ་དེ་ཨ་མ་མ་ཡའི་དབང་གིས་རང་ཉིད་ཀྱི་གཅེན་པོ་བཅུ་པོ་དང་ཁ་བྲལ་ཀྱང་ཕན་ཚུན་བརྩེ་སེམས་ཆེ་བས་བསྐྱར་དུ་ཁ་ཐུག་པ་སོགས་ཀྱི་སྒྲུང་རེད་འདུག དེའི་ནང་ཕྱི་གཟུགས་དང་མདོག་གཅིག་པུ་ལ་བལྟས་ནས་གང་ཡང་ཐག་གཅད་རྒྱུ་མེད་པ་དང་། རང་ཉིད་ཀྱི་བྱས་པའི་བྱ་བ་དེའི་དབང་གིས་འབྲས་བུ་ཡག་སྡུག་གཉིས་ཀར་འབྱུང་བའི་སྐོར་བཤད་འདུག དེ་མ་ཟད། ག་དུས་ཡིན་ནའང་ཕྱོགས་གཅིག་གི་གནས་ཚུལ་ལ་བལྟས་ནས་གནས་དོན་ངོ་མ་ཚོད་དཔག་བྱེད་རྒྱུ་མེད་པ་དང་། གནས་ཚུལ་ཞིབ་ཚགས་པོ་ཤེས་དགོས། གལ་ཏེ་དེ་འདྲ་མ་བྱས་ཚེ་མི་ཕན་ཚུན་བར་རྙོག་འཛིང་སོགས་འབྱུང་སྲིད་པ་ཡང་གསལ་པོ་བསྟན་འདུག ཚིག་གསར། བརྒྱན་པ། ཟྭ་ཚོད། ལྕམ་ཁེབས། ལོངས་སྤྱོད། རང་ཉིད་ཀྱི་གཅེས་པའི་དངོས་པོ། ཅོད་པན། རྗེས་འབྲང་། གཙུག་གཡུ། རྩོམ་པ་པོ། གླང་མདུན་དཔལ་འབྱོར། སྙིང་དོན་དང་མྱོང་ཚོར། སྒྲུང་འདིའི་ནང་གཙོ་བོར་བུ་དཔལ་ལྡན་དགྲ་ཤ་ལེན་རྒྱུའི་སྐོར་བཤད་ཡོད། དགྲ་ཤ་དེ་ཡང་རྒྱུ་མཚན་མེད་པ་མ་ཡིན་པར། ཁོ་པའི་དགྲ་ཤ་དེ་ནི་རང་ཉིད་ཀྱི་ཕ་མའི་ཆེད་ལེན་རྒྱུའི་ཐག་གཅོད་བྱེད་ཀྱི་ཡོད། རྒྱུ་མཚན་ནི། སྔོན་རང་ཉིད་ཀྱི་ཡུལ་ལ་ལྷོད་ལྷོད་དང་སྐྱིད་པོའི་ངང་གནས་མཁན་གྱི་ནང་མི་དེ་ལ་གནས་ཆེན་ཞིག་ནས་གཙུག་གཡུ་ཞིག་རག་ཡོད། དེས་རྐྱེན་པས་ཁོ་ཚོར་ཚོང་དཔོན་ཞིག་གིས་སྡུག་རྩུབ་ཧ་ཅང་ཆེན་པོ་བཏང་གི་ཡོད། ཡུན་རིང་པ་ཞིག་གི་རྗེས་ཁོ་བོའི་ཕ་མ་གཉིས་ཀ་གྲོངས་པ་རེད། དེ་འདྲ་གྲོངས་དགོས་པའི་རྒྱུ་རྐྱེན་དེ་སྐུ་ངོ་རྫོང་དཔོན་ཡིན་པ་རྩིས་ཀྱི་ཡོད། ཁོ་ལ་སེམས་སྡུག་ཆེན་པོ་ཞིག་བྱུང་མཐར་དགྲ་ཤ་ལེན་རྒྱུའི་ཐག་བཅད། སྤྱིར་དགྲ་ཤ་ཟེར་པ་དེ་ཡག་པོ་མིན་ཡང་སྒྲུང་འདིའི་ནང་དགྲ་ཤ་ཟེར་པ་དེ་རྒྱུ་མཚན་ལ་བལྟས་ནས་ཡག་སྡུག་གཉིས་སུ་དབྱེ་བ་འབྱེད་རྒྱུ་ཡོད་པའི་སྐོར་བཤད་འདུག དེ་མ་ཟད། དེའི་ནང་དྲིན་ལེན་འཇལ་རྒྱུའི་སྐོར་ཡང་བཤད་ཡོད། ཕ་ཕུན་ཚོགས་ཀྱི་སྔོན་ཚོང་དཔོན་ལ་རོགས་པ་བྱས་ཡོད་པས། ཚོང་དཔོན་གྱིས་ཀྱང་རོགས་བྱས་པ་དེ་དྲན་པ་མ་བརྗེད་པར་དུས་ཚོད་སླེབ་དུས་ཕར་ཕ་བུ་གཉིས་ལ་རོགས་པ་བྱས་པ་མ་ཟད། རོགས་པ་དེ་ཡང་སེམས་པ་རྣམ་དག་ངང་བྱས་པ་གསལ་པོ་བཤད་འདུག ཕ་བུ་གཉིས་ཀྱིས་ཀྱང་རོགས་པ་དེ་ཁེ་ཕན་མི་ལེན་པར་ཚོང་དཔོན་དེ་སྦྱིན་བདག་ལྟར་རྩིས་ནས་ཚོང་དཔོན་གྱིས་གང་ལབ་པ་དེ་ཉན་གྱི་ཡོད། ཚིག་གསར། གཙུག་གཡུ། གཟན། སེར་སྣ། གདེངས་ཞྭ་དམར་པོ་གྱོན་པའི་བུ་མོ། བོད་སྒྱུར་བ། ཀུན་དགའ་རྒྱལ་མཚན། སྙིང་དོན་དང་མྱོང་ཚོར། སྒྲུང་འདི་ནི་མི་ཞིག་གི་མི་ཚེའི་ནང་གི་གནས་ལུགས་རེ་ཟུང་ལ་བརྟེན་ནས་བྲིས་པ་རེད་ལབ་ན་མི་འགྲིག་པ་མི་འདུག རྒྱུ་མཚན་ནི། སྒྲུང་འདིའི་ནང་བུ་མོ་དེ་ནི་མི་སྤྱོད་བཟང་ཞིག་ལྟར་མཚོན་ཞིང་། སྤྱང་ཀི་དེ་ནི་འཇིག་རྟེན་འདིའི་ནང་གཞན་ལ་ཉིན་ལྟར་གནོད་པ་བསྐྱལ་རྒྱུའི་ལྟ་བ་འཛིན་མཁན་ཞིག་རེད་འདུག དེ་ཡང་། ཉིན་ལྟར་གནོད་སེམས་དང་བརྣབ་སེམས་ […]