བསྟན་འཛིན་ཡིད་སྨོན། འཛིན་གྲྭ་དགུ་པ།རྡོར་གླིང་སཾ་བྷོ་གཏན་སློབ། བསིལ་ལྡན་ཁ་བའི་ལྗོངས་སུ་སྐུ་འཁྲུངས་དུས། ། སྐྱེད་མ་མཆོག་གི་ཡིད་ཀྱི་དག་སྣང་དང་།། རྟགས་དང་རྟེན་འབྲེལ་སྣ་མང་ལྷན་དུ་འཁྲུངས། ། གངས་ཅན་ལྷ་མི་ཀུན་ལ་བདེ་སྐྱིད་སྟེར།། བརྩེ་བའི་བཤེས་གཉེན་དུ་མའི་ཐུགས་རྗེའི་འོག ། ཆུང་ངུའི་དུས་ནས་ཤེས་བྱ་རིག་གནས་ཀུན།། ལེ་ལོ་མེད་པར་བརྩོན་འགྲུས་ཆེན་པོ་ཡིས། ། ཐོགས་མེད་མཁྱེན་པའི་མཁས་པ་ཆེན་པོར་གྱུར།། རྒྱ་དམར་ཀླ་ཀློས་བོད་ལ་བཙན་འཛུལ་བྱས། ། བོད་འབངས་དཀའ་སྡུག་དྲག་པོ་མནར་བའི་དུས།། ཁྱོད་ཉིད་འཕགས་པའི་ཡུལ་དུ་བཙན་བྱོལ་ཕེབས། ། བྱམས་བརྩེའི་ཐབསཀྱིས་དཀའ་སྡུག་སེལ་བ་བྱས། ཐོག་མར་བཙན་བྱོལ་ཡུལ་དུ་ཕེབས་པའི་སྐབས། ། རྨང་གཞི་བོད་སློབ་བཙུགས་རྒྱུའི་དགོངས་གཞི་དང་།། དེ་རྗེས་དགོན་སྡེ་ཁག་དང་བཙན་བྱོལ་གཞུང། ། ད་ལྟ་ཡོད་པ་ཁོང་གི་བཀའ་དྲིན་ཡིན།། འཛམ་གླིང་ཡུལ་གྲུ་ཀུན་ཏུ་ཕེབས་ནས་ནི། ། ཆབ་སྲིད་པ་དང་མི་རིགས་འདྲ་མིན་ངོར།། བྱམས་དང་བརྩེ་བའི་བཀའ་ཆོས་ཟབ་མོ་ཡིས། ། འཇིག་རྟེན་མུན་པ་སེལ་བའི་སྒྲོན་མེ་ཡིན།། འཛམ་གླིང་མི་མང་ཞི་བདེའི་ལམ་དུ་ཁྲིད། ། ཆོས་ལུགས་ཐམས་ཅད་ཅད་མཐུན་པའི་ལམ་དུ་བཀོད།། ནང་ཆོས་ཚན་རིག་གཅིག་འདུ་གནང་མཁན་ནི། ། སྐྱབས་མགོན་ཡིད་བཞིན་ནོར་བུ་ཁོ་ན་ཡིན།། མཁྱེན་བརྩེའི་འོད་ཀྱིས་གངས་ཅན་མུན་པ་སེལ། ། བསྟན་པའི་སྲོལ་འབྱེད་མཁས་པའི་གཙུག་གི་རྒྱན།། ཁམས་གསུམ་ཞི་བདེའི་སྐྲུན་པོ་སྐྱབས་མགོན་ཁྱེད། ། མི་འཇིག་རྡོ་རྗེའི་ཁམས་སུ་རྟག་བརྟན་བཞུགས། སྲིད་པའི་རྒྱ་མཚོ་ཆེན་པོའི་རྫིང་བུའི་ནང་། ། འཁོར་བའི་སྡུག་བསྔལ་མྱོང་བའི་སེམས་ཅན་རྣམས།། འདྲེན་པའི་དེད་དཔོན་མཛད་ལ་གུས་པས་བསྟོད། ། མགོན་པོ་ཁྱེད་ཀྱི་ཐུགས་རྗེས་བསྐྱབ་ཏུ་གསོལ།། བདག་གི་ལུས་ངག་ཡིད་གསུམ་བྱ་བ་ཀུན། ། ཁྱེད་ཀྱི་བཀའ་བཞིན་བསྒྲུབ་པར་དམ་བཅའ་འོ།། འདི་ཕྱིའི་བདེ་སྐྱིད་ཐམས་ཅད་ཁྱེད་ལ་རག ། […]

མཚོ་མོ་ཤར་པ། འཛིན་གྲྭ་བཅུ་གཉིས།རྡོར་གླིང་སཾ་བྷོ་ཊ་གཏན་སློབ། ཁ་བ་གངས་ཅན་ལྗོངས་ནས།། འཇའ་ཚོན་སྣ་ལྔ་ཤར་བྱུང།། འཇའ་ཚོན་སྣ་ལྔའི་དབུས་ནས།། རྩ་བའི་བླ་མ་མཇལ་བྱུང།། ལྷག་བསམ་དུང་ལས་དཀར་ཞིང།། སྙིང་རྗེའི་རང་གཟུགས་ལྡན་པ།། འགྲོ་བ་ཡོངས་ཀྱི་མགོན་སྐྱབས།། ༸གོང་ས་མཆོག་ལ་འདུད་དོ།། འཇམ་མགོན་མི་ཡི་རྣམ་སྤྲུལ།། སྐྱེ་འགྲོ་ཡོངས་ཀྱི་མགོན་སྐྱབས།། འཕགས་མཆོག་ཕྱག་ན་པདྨོ།། སྐུ་ཚེ་བསྐལ་བརྒྱར་བཞུགས་རོགས།། ཁྱེད་ཀྱི་བྱམས་དང་བརྩེ་བ།། མ་ཡིས་བུ་ལ་བརྩེ་བཞིན།། ང་ཚོ་བོད་ཕྲུག་རྣམས་ལ།། རྟག་ཏུ་བྱམས་སྐྱོང་གནང་ཡོད།། ཁྱེད་ཀྱི་མཛད་པ་ནམ་མཁའི་དབྱིངས་སུ་གྲགས།། གསུང་སྙན་བདུད་རྩིའི་བྱིན་རླབས་ཡོངས་སུ་ཁྱབ།། སྐུ་གསུང་ཐུགས་ཀྱི་འཕྲིན་ལས་ཟབ་མོ་ཡིས།། འགྲོ་བ་ཡོངས་ཀྱི་སྡུག་བསྔལ་སེལ་བར་མཛད།། གཞན་ཕན་ལྷག་བསམ་དཀར་པོས།། འགྲོ་བའི་སྡུག་བསྔལ་སེལ་ཆེད།། འཛམ་གླིང་གང་སར་ཕེབས་ནས།། བཀའ་སློབ་ལམ་སྟོན་གནང་ཡོད།། བོད་མི་ཡོངས་ཀྱི་ལྷ་སྐལ།། འགྲོ་བ་ཀུན་གྱི་མགོན་སྐྱབས།། འཕགས་མཆོག་ཕྱག་ན་པདྨོ།། སྐུ་ཚེ་ཁྲི་ལོར་བརྟན་ཤོག ། སྐྱབས་མགོན་ཁྱེད་ཀྱི་དགོངས་པ།། ཐུགས་སྐྱེད་དམ་བཅའ་བཞི་སོགས།། ང་ཚོ་བོད་འབངས་ཡོངས་ནས།། བཀའ་གསུང་སྤྱི་སྒྲུབ་ཞུས་ཆོག ། ང་ཚོ་གཞོན་སྐྱེས་རྣམས་ལ།། རང་གི་ཆོས་དང་རིག་གཞུང།། བསླབ་པ་སློབ་གཉེར་ཐོབ་པ།། ཁྱེད་ཀྱི་བཀའ་དྲིན་ལོས་ཡིན།།

དབང་ཆེན་མཚོ་མོ། འཛིན་གྲྭ་བཅུ་གཉིས།རྡོར་གླིང་སཾ་བྷོ་ཊ་གཏན་སློབ། འཕགས་པ་སྤྱན་རས་གཟིགས་ཀྱི་བྱིན་རླབས་ཀྱིས།། སྙིང་རྗེའི་རང་གཟུགས་ལྷ་མོ་དོན་གྲུབ་མཆོག ། ཨ་མདོ་སྟག་འཚེར་ཞེས་པའི་ཡུལ་ཕྱོགས་སུ།། བསམ་བཞིན་འགྲོ་བའི་དོན་དུ་འཁྲུངས་པར་མཚར།། ཡོངས་འཛིན་དམ་པ་མང་པོའི་དྲུང་ནས་ནི།། བཀའ་པོད་ལྔ་སོགས་གཞུང་ལུགས་མ་ལུས་གསན།། ཐོས་བསམ་སྒོམ་པའི་ཤེས་རབ་བསྐྱེད་ནས་ནི།། འཇིག་རྟེན་འདི་རུ་ཐམས་ཅད་མཁྱེན་པར་གྲགས།། ༸སྐུ་ཡི་རྣམ་པ་ཕྱག་གཉིས་ཐལ་མོ་སྦྱར།། ཞལ་རས་བཅོ་ལྔའི་ཟླ་བཞིན་འཛུམ་པ་དང།། མཇལ་བ་ཙམ་གྱིས་དད་པའི་བ་སྤུ་རྒྱས།། མགོན་པོ་ཁྱེད་ཀྱི་སྐུ་ཚེ་བརྟན་པར་ཤོག ། གསུང་ནི་ནམ་མཁར་འབྲུག་སྒྲ་གྲགས་པ་བཞིན།། འཚེ་བ་མེད་པའི་ཞི་བའི་ལམ་དག་དང།། བྱམས་དང་སྙིང་རྗེ་བཟོོད་པ་ལ་སོགས་པའི།། འགྲོ་དོན་ཁོ་ནར་དགོངས་པ་ཨེ་མ་མཚར།། ཐུགས་ནི་འགྲོ་བ་སེམས་ཅན་ཐམས་ཅད་ལ།། བདེ་བ་ཁོ་ན་གཏན་དུ་ཐོབ་འདོད་ལས།། སྡུག་བསྔལ་ཅུང་ཟད་ཙམ་ཡང་མི་འབྱུང་བའི།། བཀའ་སློབ་ལམ་སྟོན་གནང་བར་བཀའ་དྲིན་ཆེ།། ཁྱེད་ཀྱི་འཚེ་མེད་ཞི་བའི་ལམ་བཟང་དང།། དབུ་མའི་ལམ་གྱི་ལྟ་གྲུབ་བརྟན་པོ་ལ།། རྒྱ་ཡི་དཔུང་ཚོགས་སྙིང་རྩ་འདར་དགོས་པའི།། ལམ་བཟང་དེ་ལ་རྗེས་སུ་ཡི་རངས་ཞུ།། རང་ཡུལ་བཞག་ནས་མི་ཡུལ་འགྲིམ་པའི་སྐབས།། གཞན་དང་འདྲ་མཉམ་བྱས་ནས་འགྲོ་ཐུབ་པའི།། བློ་དང་ནུས་སྟོབས་ཇི་ལྟར་བྱུང་བ་འདི།། མགོན་པོ་ཁྱེད་ཀྱི་བཀའ་དྲིན་ཉག་ཅིག་ཡིན།། གཞན་ལ་སྐྱབས་སུ་བཅོལ་ནས་གནས་དགོས་ཀྱང།། ཟས་གོས་གནས་མལ་ཤེས་ཡོན་གང་ཅིའི་ཐད།། གཞན་ལས་ལྷག་པའི་མཐུན་རྐྱེན་བཟང་པོ་འདི།། ཁྱེད་ཀྱི་ཐུགས་རྗེས་བཀའ་དྲིན་མ་ཡིན་ནམ།། མདོར་ན་བསྟན་དང་འགྲོ་བ་ཀུན་གྱི་སླད།། ཁྱེད་ཀྱི་སྐུ་ཚེ་ཡུན་དུ་བརྟན་པ་དང།། ཐུགས་ཀྱི་བཞེད་དོན་མ་ལུས་ལྷུན་གྲུབ་ནས།། མྱུར་དུ་ཕོ་བྲང་དམར་པོར་མཇལ་བར་སྨོན།།

པདྨ་དོན་གྲུབ། འཛིན་གྲྭ་བཅུ་པ།མོན་གྷོ་སཾ་བྷོ་ཊ་གཏན་ཉིན་སློབ་གྲྭ། ལྷ་ས་ནོར་བུ་གླིང་ལ།། ནོར་བུ་མི་འདུག་མ་གསུང་།། ཇོ་ཤཱཀ་ཡིན་བཞིན་ནོར་བུ།། ནོར་བུ་མིན་ན་གང་རེད།། ཕྱི་ལོ་ཤིང་ཕག་ལོ་ལ།། བྱིན་རླབས་ལྡན་པའི་ཡུལ་ལྗོངས།། ཨ་མདོ་སྟག་འཚེར་ཡུལ་ལ།། བུ་ཆུང་ཞིག་ཏུ་སྐུ་འཁྲུངས།། སྤྱན་རས་གཟིགས་ཀྱི་སྤྲུལ་པ།། གངས་ལྗོངས་བོད་ཀྱི་བདག་པོ།། བོད་མི་ཡོངས་ཀྱི་རེ་བ།། ༸སྐྱབས་མགོན་བསྟན་འཛིན་རྒྱ་མཚོ།། བློ་སེམས་གངས་རི་འདྲ་བ།། བཀའ་སློབ་གངས་ཆུ་བཞིན་དུ།། གནོད་སེམས་ཧམ་སེམས་མེད་པ།། ༸སྐྱབས་མགོན་ཡིད་བཞིན་ནོར་བུ།། འཛམ་གླིང་བདེ་སྐྱིད་སྐྲུན་མཁན།། མི་རིགས་བདེ་སྐྱིད་སྐྲུན་མཁན།། བྱམས་ཆུབ་སེམས་པ་སློབ་མཁན།། ༸སྐྱབས་མགོན་བསྟན་འཛིན་རྒྱ་མཚོ།། བྱམས་སེམས་སྙིང་རྗེ་སྒོམ་མཁན།། འགྲོ་རིགས་གཅིག་མཚུངས་རྩི་མཁན།། བོད་མི་ཡོངས་ཀྱི་བལྟ་ས།། ༸སྐྱབས་མགོན་ཁྱེད་རང་ཡིན་ནོ།། རང་ཉིད་མིང་མང་ཆེད་དུ།། སྐུ་ལས་བརྒྱ་ཕྲག་གནང་ནས།། ཡུལ་ལྗོངས་གང་སར་ཕེབས་ནས།། ཕྱི་རྒྱལ་འབྲེལ་བ་བཟོས་བྱུང་།། ཡུལ་ལྗོངས་གང་སར་འགྲོ་ཀྱང་།། དགའ་སྐྱིད་ངག་ནས་འགྲོ་བ།། དཀའ་ལས་གང་ཡང་མེད་པ།། ༸སྐྱབས་མགོན་ཁྱེད་ཀྱིས་བཀའ་དྲིན།། སྐྱབས་མགོན་ཡིད་བཞིན་ནོར་བུ།། དགུང་ལོ་དགུ་བཅུ་ཕེབས་ཀྱང་།། བློ་སེམས་འོ་དཀར་བཞིན་དུ།། མི་མང་རོགས་རམ་བྱས་བསྡད། ༸སྐྱབས་མགོན་བསྟན་རྒྱ་མཚོ།། སྐུ་གཟུགས་བདེ་པོ་ཡིན་པ།། བྱ་བ་ལམ་འགྲོ་ཡོང་བར།། བོད་མི་ཚང་མའི་སྨོན་ལམ།།

པདྨ་ཕུན་ཚོགས། འཛིན་གྲྭ་བཅུ་པ།ཅན་དྷ་གྷི་རི་སཾ་བྷོ་ཊ་ཉིན་སློབ། ལྷ་མོ་དོན་གྲུབ་ང་ཡི་བླ་མ། ། ལྷ་མོ་དོན་གྲུབ་ང་ཡི་སྲུང་མ། ། ང་ཡི་བླ་མ་ང་ཡི་སྲུང་མ། ། ༸རྒྱལ་དབང་ཡིད་བཞིན་ནོར་བུ་མཁྱེན་ནོ། ། ཁྱེད་ནི་ཐམས་ཅད་མཁྱེན་པ། ། ཁྱེད་ནི་ཞི་བདེའི་དེད་དཔོན། ། བོད་མིའི་དབུ་འཁྲིད་གཙོ་བོ། ། ༸བསྟན་འཛིན་རྒྱ་མཚོ་མཁྱེན་ནོ། ། ནོར་སྦེལ་ཞི་བདེ་གཟེངས་རྟགས། ། ༸གོང་ས་མཆོག་ལ་ཕུལ་བ། ། སྤྱན་རས་གཟིགས་ཀྱི་སྤྲུལ་བ། ། ལྷ་མོ་དོན་གྲུབ་མཁྱེན་ནོ། ། དཀར་པོ་དུང་ལ་འགྲན་པའི། ། ཐུགས་སེམས་དཀར་བའི་སྐུ་མདུན། ། ཕན་མེད་གནོད་པ་མ་མཛད། ། བཀའ་སློབ་སྙིང་གི་ནོར་བུ། ། ང་ཚོའི་འཛམ་གླིང་འདི་ན། ། ཐུགས་སེམས་ཁྱེད་རང་ནང་བཞིན། ། ཧ་ཅང་མང་པོ་ཡོད་ན། ། འཛམ་གླིང་ཞི་བདེ་ཆགས་ཐུབ། ། མི་ཡི་མི་ཚེ་ནང་ལ། ། ཕ་མ་ཡིན་གཅིག་དགོས་ཡོད། ། བོད་རིགས་ཡོད་དོ་ཅོག་ལ། ། སྐུ་མདུན་ཡིན་གཅིག་དགོས་ཡོད། ། བསྟན་འཛིན་རྒྱ་མཚོ་མེད་ན། ། བོད་མི་གསོན་ཐབས་བྲལ་ལོ། ། རྒྱལ་བའི་བཀའ་སློབ་མེད་ན། […]

ཚེ་རིང་ལྷ་སྐྱིད། འཛིན་གྲྭ་བཅུ་གཉིས།གོ་པཱལ་པུར་བོད་ཁྱིམ་སློབ་གྲྭ། གངས་ཅན་ལྗོངས་ཀྱི་ཤར་ཕྱོགས་མདོ་ཁམས་སུ། ། བྱང་ཆུབ་སེམས་དཔའ་ལྷ་མོ་དོན་གྲུབ་འཁྲུངས། ། སྤྱན་རས་གཟིགས་ཀྱི་རྣམ་སྤྲུལ་སྐྱེ་བོ་དེ། ། དགུང་ལོ་ལྔ་ལ་གསེར་ཁྲིར་མངའ་གསོལ་ཞུས། ། བཞི་བཅུ་ཞེ་དགུའི་ལོ་ལ་རྒྱ་དམར་གྱིས། ། དྲག་པོའི་དམག་མི་བོད་ལ་གཏོང་བའི་སྐབས། ། དགུང་ལོ་བཅུ་དྲུག་མ་གཏོགས་མ་ཕེབས་ཀྱང། ། ལུགས་གཉིས་ཆོས་སྲིད་ཐུགས་འགན་བཞེས་དགོས་བྱུང་། ། བོད་ཀྱི་སྤྱི་ཚོགས་གནས་སྟངས་ཡོངས་གཟིགས་ནས། དབུལ་ཕྱུག་མི་མཉམ་དྲང་བདེན་མེད་པར་བརྟེན། ། ལྔ་བཅུ་ང་གཉིས་ལོ་ལ་ལེགས་བཅོས་ཀྱི། ། ཚོགས་ཆུང་བཙུགས་ནས་བསྒྱུར་བཅོས་གནང་ཐབས་མཛད། ། འོན་ཀྱང་རྒྱ་དམར་ཀླ་ཀློའི་དཔུང་གི་དམག ། བོད་དུ་སླེབས་ནས་རྒྱ་དཔོན་དེ་དག་དང་། ། ཞི་བའི་ཐོག་ནས་གནས་ཐབས་མཛད་ན་ཡང་། ། རྒྱ་དཔོན་དྲག་རྩུབ་ཆེ་བས་ལམ་ལྷོང་དབེན། ། ང་དགུར་ལྷ་ལྡན་གཙུག་ལག་ཁང་ཆེན་དུ། ། རབ་བྱུང་དགེ་བཤེས་སྟོང་ཕྲག་དབུས་དཀྱིལ་དུ། ། གྲྭ་སྐོར་དམ་བཅའ་ཞེས་པའི་ལྷ་རམས་པའི། ། དགེ་བཤེས་དམ་བཅའ་བཞག་པས་མཚན་སྙན་རྒྱས། ། ཆིག་སྟོང་དགུ་བརྒྱ་ང་བཅུ་ང་དགུ་ཡི། ། ཕྱི་ཟླ་གསུམ་པའི་བཅུ་བདུན་མཚན་མོ་ལ། ། ལྷ་ས་ནོར་གླིང་ཕོ་བྲང་བཞག་ནས་ནི། ། ཉེན་གཡོལ་ཆིབས་བསྒྱུར་མཛད་པ་ངོ་མཚར་ཆེ། ། བཙན་བྱོལ་ཕེབས་རྗེས་གྲོས་མཐུན་བཅུ་བདུན་ཞེས། ། དམ་ཕྲུག་རྫུན་མ་བཟོས་ཏེ་ཕབ་བཅུག་པའི། ། གྲོས་མཐུན་དེ་ལ་ངོས་ལེན་མེད་ཅེས་པའི། ། […]