བསོད་ནམས་ཤར་པ། འཛིན་གྲྭ་ལྔ་པ།རྡོར་གླིང་སཾ་བྷོ་ཊ་གཏན་སློབ། ངའི་གྲོགས་པོ་ལ་ཀརྨ་ཟེར་བ་ཞིག་ཡོད། ཁོང་ལ་ཁོ་རང་གིས་བྱམས་པོ་གནང་སའི་ཞི་མི་ཆེན་པོ་ཞིག་ཡོད་རེད། ཉིན་ཞིག་ཞོགས་པ་སྔ་པོ་བུ་ཀརྨ་ལགས་ཡར་ལངས་ཏེ་ཞི་མི་ཐུག་ཏུ་ཕྱིན་པས། ཞི་མི་མ་རག་པས་སེམས་པ་སྐྱོ་བོའི་ངང་ནས་ཕར་རྒྱུག་ཚུར་རྒྱུག་བྱས་ཏེ་ངའི་ཞི་མི་མི་འདུག་ལབ་ནས་སྐད་བརྒྱབ་སྟེ་ཞི་མི་བཙལ། དང་པོ་ཁོས་ཐབ་ཚང་གི་སྣོད་ཁྲི་འོག་དང་ཚལ་ཁྲི་འོག་ཏུ་ཞི་མི་དེ་ཡོད་མེད་བཙལ་ཀྱང་ཞི་མི་མ་རག་ནས་པ་ལགས་དང་ཨ་མ་ལགས་ལ་ངའི་ཞི་མི་མི་འདུག་ལབ་ནས་ངུ་བཤད་བྱས། ཁོང་གི་པ་ལགས་དང་ཨ་ལགས་གཉིས་ཀ་ཕྱི་ལོག་ཏུ་ཕྱིན་ཏེ་གཡས་གཡོན་ཚང་མ་ལ་ཞི་མི་དེ་ཡོད་མེད་གཟིགས་ཀྱང་། ཞི་མི་དེ་མ་རག་ནས་ཁོང་སེམས་ཤུགས་ཆག་ནས་རྐུབ་བཀྱག་གི་སྟེང་དུ་ངུ་བཞིན་བསྡད། དེ་ནས་ཅུང་ཙམ་གྱི་རྗེས་སུ་ཉལ་ཁང་དུ་སོང་ནས་གཉིད་ཉལ་བས་ཁོའི་རྨི་ལམ་གྱི་ནང་དུ་ཞི་མི་དང་མཉམ་དུ་རྩེད་མོ་རྩེ་ནས་བསྡད་ཡོད་པ་རྨིས། རྨི་ལམ་དེ་རྫོགས་པ་དང་ཁོང་གཉིད་སད་ནས་ཡར་ལངས་ཏེ་ཞལ་ལག་མཆོད་ཞོར་དུ་ངུས། སྐབས་དེར་ཨ་མ་ལགས་ཀྱིས་ངུ་དགོས་མ་རེད། ཞི་མི་དེ་ང་ཚོས་ཡང་བསྐྱར་བཙལ་གོ། ག་ལེར་རག་ཡོང་གི་རེད་ལབ་ནས་བསླབ་བྱ་གང་མང་གནང་སོང། ཉིན་མོ་དེ་ནི་ཀརྨ་ཁོ་རང་གི་སྐྱེས་སྐར་གྱི་ཉིན་མོ་དེ་ཡིན། དེ་ནས་ཁོ་རང་ཁོ་རང་གི་སྐྱེས་སྐར་ཆེད་གྲ་སྒྲིག་བྱེད་དུ་ཕྱིན་པ་རེད། སྐྱེས་སྐར་གྲ་སྒྲིག་བྱེད་པའི་དུས་སུ་ཀརྨ་ཁོ་རང་གི་གྲོགས་པོ་མང་པོ་ཞིག་གྲ་སྒྲིག་ལ་རོགས་པ་བྱེད་དུ་ཡོང་སྟེ་ལས་ཀ་ཚང་མ་མཉམ་དུ་བྱས་པས་མགྱོགས་པོར་ལས་ཀ་དེ་དག་ཚར་ཡོད། གྲ་སྒྲིག་ཚར་རྗེས་སུ་ཀརྨ་ཡི་གྲོགས་པོ་རྣམས་ཀརྨའི་ཉལ་ཁྲིའི་སྒང་ལ་མཉམ་དུ་བསྡད། ཀརྨ་ཡིས་དེ་རིང་ངའི་ཞི་མི་དེ་བརླགས་སོང་བས་ང་རང་སེམས་པ་དེ་ཙམ་སྐྱིད་པོ་མི་འདུག་ལབ་ནས་སྐྱོ་གཏམ་བཤད། ང་དང་ཁོང་གི་གྲོགས་པོ་ཚོས་དང་པོ་ང་ཚོས་ཁྱེད་རང་གི་སྐྱེས་སྐར་གཏོང་། དེ་ནས་ང་ཚོ་ཞི་མི་བཙལ་དུ་འགྲོ་དགོས་ལབ་སྟེ་གྲོས་འགོ་བཏོན་པ་དང་། ཀརྨ་ཡིས་ང་ཚོའི་སྐད་ཆ་དེ་དག་ངོས་ལེན་བྱས་ཏེ་སྐྱེས་སྐར་གཏོང་བའི་ལས་ཀ་རྣམས་འགོ་འཛུགས་ཞུ་བཞིན་ཡོད་པའི་སྐབས་དེར། ཁོང་གི་པོ་པོ་ལགས་ཀྱིས་ཁྱེད་ཚོས་ཞི་མི་འཚལ་གྱི་ཡོད་ས་རེད། ཞི་མི་འདི་ངས་ཕྱི་ལོག་ལ་རླུང་སངས་བྱེད་དུ་ཁྱེར་སོང་བ་ཡིན། སེམས་འཁྲལ་མ་གནང་རོགས་ལབ་ནས་ཞི་མི་དེ་པོ་པོས་པང་དུ་བཀྱགས་སྟེ་ནང་དུ་སླེབས་སོང་། སྐབས་དེར་ཁོང་དང་ང་ཚོ་ཚང་མ་སེམས་པ་དགའ་ནས་གད་མོ་ཤོར། དེ་ནས་ཀརྨ་ཡིས་ཁོ་རང་གི་ཞི་མི་དེ་ཚུར་ཁྱེར་ཡོང་ནས་ཞི་མི་དང་མཉམ་དུ་རྩེད་མོ་རྩེ་ཞོར་དུ་ཁོང་གི་སྐྱེས་སྐར་གྱི་སྤྲི་གོར་བཏུབ་སོང་། སྤྲི་གོར་དེ་བཏུབ་ཚར་བ་དང་ཀརྨ་ཁོ་རང་གིས་སྤྲི་གོར་གྱི་ཕུད་དེ་མཆོད་ཁང་ནང་དུ་ཁྱེར་ནས་སོང་ཏེ་མཆོད་ཁྲི་ཡི་ཀུན་དགའ་ར་བ་ལ་བཞུགས་པའི་༸གོར་ས་མཆོག་གི་སྐུ་པར་གྱི་མདུན་དུ་ཡར་བཤམས། དེའི་རྗེས་སྐུ་གསུང་ཐུགས་རྟེན་གྱི་མདུན་དུ་ཕྱག་གསུམ་འཚལ་ཞིང་ལག་པ་གཉིས་ཕྱག་རྒྱ་བྱས་ཏེ་གསོལ་བ་སྨོན་ལམ་མང་པོ་ཞིག་གནངསོང་། དེ་དག་ཚར་བ་དང་ང་ཚོོས་ཁོང་གི་སྐེ་ལ་ཁ་བཏགས་རེ་གཡོགས་པ་དང་རྔན་པ་འདྲ་མིན་སྤྲད་པ་ཡིན། དེ་ནས་ཁོང་གིིས་ང་ཚོ་ལ་སྤྲི་གོར་བགོ་འགྲིམས་གནང་སྟེ་ང་ཚོ་ཚང་མས་མཉམ་དུ་སྤྲི་གོར་བཟས། ང་ཚོས་ཕར་ཚུར་སྐད་ཆ་འདྲ་མི་འདྲ་བཤད་དེ་བསྡད་པ་ཡིན། དེ་ནས་ཏོག་ཙམ་གྱི་རྗེས་ལ་ཁོང་གིི་ཨ་མ་ལགས་ཀྱིས་ང་ཚོ་ཞལ་ལག་མཆོད་དུ་ཕེབས་ཤོག་ཟེར་ནས་སྐད་བཏང་སོང་བས། ང་ཚོ་ཚང་མ་ཡར་ལངས་ཏེ་ཞལ་ལག་མཆོད་དུ་སོང་ནས་ཞལ་ལག་ཁང་གི་རྐུབ་བཀྱག་ལ་བང་སྒྲིག་ནས་བསྡད། ཁོང་གི་ཨ་མ་ལགས་ཀྱིས་ང་ཚོ་ཚང་མ་ལ་ཞག་ལག་གནང་སོང་། ཞལ་ལག་དེ་གྲུབ་མཚམས་སུ་ང་ཚོས་རྩེད་མོ་ཁ་ཤས་ཤིག་རྩེས། དེ་ནས་ཁོང་གི་སྐྱེས་སྐར་རྫོགས་ནས་ང་ཚོ་ཚང་མ་རང་རང་གི་ནང་དུ་ལོག་སོང་བ་ཡིན། ཉིན་མོ་དེར་དཔེ་སྐྱིད་པོ་བྱུང་།