ས་པཎ་ཀུན་དགའ་རྒྱལ་མཚན་གྱིས་བརྩམས། (༡༡༨༢-༡༢༥༡)

༄༅། །བླ་མ་དང་མགོན་པོ་འཇམ་དཔར་དབྱངས་ལ་ཕྱག་འཚལ་ལོ། །
སྤྱིར་ནི་ཡི་གེ་སུམ་ཅུ་ལ། །སྔོན་འཇུག་ལྔ་དང་མཐའ་བརྟེན་བརྒྱད། །ཡི་གེ་ཕྱེད་དང་བཅུ་གསུམ་ཡིན། །
འགྲེལ་པ། ག་ད་བ་མ་འ་རྣམས་ནི། །ཕུལ་ཕྱེད་ལྔ་རུ་གྲགས་པ་ཡིན། །
འགྲེལ་པ། ག་ང་ད་ན་བ་མ་དྲུག །ར་ལ་ས་དང་བཅས་པ་རྣམས། །མཐའ་བརྟེན་ཡི་གེ་དགུ་ཡིན་ནོ། །
འ་ནི་མཐའ་བརྟེན་ཕྱེད་དྲུག་འདོད། །དགའ་མདའ་དམའ་ལ་སོག་པའོ། །བུ་དྲུག་ཅན་ལ་འ་མཐའ་སྤངས། །
ག་ང་གཉིས་ལ་གི་འོང་སྟེ། །བདག་གི་ཁོང་གི་ལྟ་བུའོ། །ན་མ་ར་ལ་བཞི་པོ་གྱི། །གནམ་གྱི་བར་གྱི་གཞན་གྱི་དང༌། །ད་བ་ས་ཡི་རྗེས་སུ་ཀྱི། །
ཡོད་ཀྱི་ཆབ་ཀྱི་སེམས་ཀྱི་ནི། །ཁྲུས་ཀྱི་བག་ཡོད་ཀྱི་ཞེས་པ།ན་དེ་འདྲའི་བྱེ་བྲག་དགོས་པར་བཤད། །
ཀ་ར་ཀུ་ཤུའི་ཞལ་ཟས་དང༌། །ཀ་བ་ཀོ་བ་ཀ་རྐྱང་ཡིན། །
སྐོར་བ་སྐོར་(དཀོར་)དང་སྐོར་མཛོད་དང༌། །ས་མཐའ་སྐོར་བ་ས་སྐོར་ཡིན། །
རྒྱལ་བའི་སྐུ་ནི་ས་སྐུ་ལ། །རྐུ་མ་དག་ནི་ར་རྐུ་ཡིན། །
ཀུ་་ཅོ་བྱེད་པ་ཀུ་རྐྱང་ལ། །ལྐུགས་པ་དག་ནི་ལ་སྐུགས་ཡིན། །
བཀྲ་ཤིས་དག་ནི་བཀྲ་ཡིན། །མགོ་བོའི་སྐྲ་ནི་ས་སྐྲ་ཡིན། །
དུས་ལ་སྔ་བ་ས་སྔ་ལ། །ཐུགས་ལ་མངའ་བ་མ་མངའ་ཡིན། །
བརྡུང་བའི་རྔ་ནི་ར་རྔ་ལ། །གྲངས་ཀྱི་ལྔ་ནི་ལ་ལྔ་ཡིན། །
སྐོར་མཛོད་པ་དང་སྔགས་པ་རྣམས། །ས་སྔགས་ཡིན་པས་ཤེས་པར་བྱ། །
གོང་མའི་དྲུང་ནི་ད་དྲུང་ལ། །སྤྱང་གྲུང་འཛོམ་པ་ག་གྲུང་ཡིན། །དྲུང་དུ་མཇལ་བ་མ་མཇལ་ལ། །བུ་ལོན་འཇལ་བ་འ་འཇལ་ཡིན། །
འབྲུ་ཡི་གྲོ་ནི་ག་གྲོ་ལ། །མེ་དང་ཉི་མད་དྲོ་ཡིན། །
ཤིང་གི་འཁན་པ་འ་འཁན་ལ། །མཁས་པའི་དབང་པོ་མཁས་གྲུབ་རྣམས། །མཁར་པོ་ལ་སོགས་མ་ཡིས་ཕུལ། །
དུས་ལ་འདའ་བ་འ་འདའ་ལ། །ལུང་པའི་མདའ་དང་འཕེན་པའི་མདའ། །མ་མདའ་ཡིན་པས་ཤེས་པར་བྱ། །
གནམ་གྱི་ཟླ་བ་ཟློ་བ་དང༌། །ཟློག་པ་ཟླུམ་པོ་ཟློ་བ་སོགས། །ཟློས་པ་ལ་སོགས་ཟ་ལ་འདོགས། །
གངྒཱིའི་ཀླུང་དང་ཆུ་ཀླུང་སོགས། །ཀ་ཀླུང་ཡིན་པས་ཤེས་པར་བྱ། །
ས་བདག་ཀླུ་ནི་ཀ་ཀླུ་ལ། །ལེན་པའི་གླུ་ནི་ག་གླུ་ཡིན། །
བློན་པོ་དག་ནི་བ་བློན་ལ། །ངན་པས་བསླུ་བ་ས་བསླུ་ཡིན། །བ་ཡིས་འཕུལ་བ་ཤེས་པར་བྱ། །
འབྱུང་བའི་རླུང་ནི་ར་རླུང་ལ། །
ཡི་གེ་ཀློག་པོ་ཀ་ཀློག་ཡིན། །གོན་པའི་སློག་པ་ས་སློག་ལ། །
བློ་གྲོས་བློ་ལྡན་བ་བློ་ཡིན། །ལུས་ཀྱི་གློ་བ་ག་གློ་ལ། །
གླེགས་བམ་གླེགས་ཤིང་གླེགས་ཐག་དང༌། །གླིང་བུ་གླེན་པ་གློག་དམར་དང༌། །གླ་བ་གླང་མ་གླིང་བཞི་སོགས། །ག་ལ་ལ་འདོགས་ཤེས་པར་བྱ། །
ཡིད་དགའ་བ་ནི་ད་དགའ་ཡིན། །དགོན་པ་དག་ནི་ད་དགོན་ཡིན། །
དུད་འགྲོའི་སྒ་དང་ལུས་ཀྱི་སྒལ། ས་སྒལ་ཡིན་པས་ཤེས་པར་བྱ། །
རྒོད་མ་རྒན་མོ་ར་རྒན་ལ། །ཆུ་ལ་རྒལ་བ་ར་བརྒལ་ཡིན། །
གནན་པ་བྱེད་པ་ག་གནན་ཡིན། །མང་དུ་བསྣན་པ་ས་བསྣན་ལ། །
ལུག་པའི་སྣོད་དང་སྣོད་བཅུད་རྣམས། །ས་སྣོད་ཡིན་པས་ཤེས་པར་བྱ། །
ནམ་མཁའི་གཟའ་ནི་ག་གཟའ་ལ། །ཁ་རུ་བཟའ་བ་བ་བཟའ་ཡིན། །
གོང་མས་གནང་བ་ག་གནང་ལ། །མངོན་སུམ་སྣང་བ་ས་སྣང་ཡིན། །
ཡིན་ནམ་སྙམ་པ་ས་སྙམ་ལ། །
ས་བདག་གཉན་ནི་ག་གཉན་ཡིན། །གཉེར་པ་དག་ནི་ག་གཉེར་(སྙེར་)ལ། །བྱད་ཀྱི་སྙེར་མ་ས་སྙེར་ཡིན། །
འདིང་བའི་སྟན་ནི་ས་སྟན་ཡིན། །མི་འགྱུར་བརྟན་ནི་ར་བརྟན་ཡིན། །
ནད་འགོ་བ་ནི་འ་འགོ་ལ། །ལུས་ཀྱི་མགོ་ནི་མ་མགོ་ཡིན། །
མིག་གིས་བལྟ་བ་ལ་བལྟ་ཡིན། །ཞོན་པའི་རྟ་ནི་ར་རྟ་ལ། །
བླ་མའི་བསྟན་པ་ས་བསྟན་ཡིན། །བ་ཡིས་འཕུལ་བས་ཤེས་པར་བྱ། །རྟེན་མཆོད་ལ་སོགས་ར་རྟེན་ལ། །
འཕུར་བའི་བྱ་ནི་བ་བྱ་ཡིན། །འཐུང་བའི་ཇ་ནི་ཀ་རྐྱང་ལ། །
གྱེན་ལ་འདྲེན་པ་ད་འདྲེན་ཡིན། །ཟ་མ་འགྲེམ་པ་ག་འགྲེམ་ལ། །འ་ཡིས་ཕུལ་བས་ཤེས་པར་བྱ། །
རྣམ་པ་མང་པོ་ར་རྣམ་ལ། །སྣ་བདུན་དག་ནི་ས་སྣ་ཡིན། །སྣམ་བུ་སྣལ་མ་ས་སྣལ་ལ། །
ནམ་ལ་དབྱར་ནི་ད་དབྱར་ཡིན། །གཡར་པ་གཡོར་བ་ག་གཡར་ལ། །
ཁོག་པའི་སྙིང་ནི་ས་སྙིང་ཡིན། །བུ་ལོན་རྙིང་པ་ར་རྙིང་ལ། །
གཅོད་པའི་གྲི་ནི་ག་གྲི་ཡིན། །མནམ་པའི་དྲི་ནི་ད་དྲི་ལ། །
གཞན་ལ་སྟོར་བ་ས་སྟོར་ཡིན། །མི་ཟད་གཏེར་ནི་ག་གཏེར་ལ། །
དངོས་པོ་མཛད་པ་འ་འཛད་ཡིན། །བྱ་བ་མཛད་དང་ཁང་པའི་མཛོད། །མཛོད་དང་མཛེས་དང་མཛེས་མོ་གསུམ། །མཛད་སྤྱོད་ལ་སོགས་མ་ཡིས་འཕུལ། །
སེམས་ལ་རྟོག་པ་ར་རྟོག་ལ། །ཁུངས་སུ་གཏོགས་པ་ག་གཏོགས་ཡིན། །
ཀ་ཆ་སྟེར་བ་ས་སྟེར་ལ། །གཏོར་མ་གཏོང་བ་ག་གཏོང་ཡིན། །
སྡེ་བ་དག་ནི་ས་སྡེ་ལ། །སྐུ་ཁམས་བདེ་བ་བ་བདེ་ཡིན། །
དབང་དུ་བསྡུས་པ་ས་བསྡུ་ལ། །བར་ཆད་བདུད་ནི་བདུད་ཡིན། །
ནང་དུ་གཤེགས་པ་ག་གཤེགས་ལ། །སྡིག་པ་བཤགས་པ་བ་བཤགས་ཡིན། །
པགས་པ་དག་ཀྱང་པགས་རྐྱང་ལ། །ལུས་ཀྱི་སྤགས་པ་ལ་ལྤགས་ཡིན། །གནས་ནས་སྤགས་པ་ས་སྤགས་ལ། །དཔག་ཏུ་མེད་པ་ད་དཔག་ཡིན། །
མཐོ་བའི་སྒང་ནི་ས་སྒང་ལ། །སྒྱེ་སྣོད་བསྒང་བ་ས་བསྒང་ཡིན། །
དཔལ་འབྱོར་དཔེ་ཆ་ལ་སོགས་པ། །ད་ཡིས་འཕུལ་བ་ཤེས་པར་བྱ། །
ཤིང་གི་སྟག་དང་དུད་འགྲོའི་སྟག །ས་སྟག་ཡིན་པས་ཤེས་པར་བྱ། །
དམིགས་པ་དག་ནི་ད་དམིགས་ལ། །དུད་འགྲོའི་རྨིག་པ་ར་རྨིག་ཡིན། །འཚོ་བྱེད་སྨན་པ་ས་སྨན་ལ། །སྐྱེ་བ་དམན་པ་ད་དམན་ཡིན། །
ཁང་པའི་སྒོ་ནི་ས་སྒོ་ལ། །ཕྱེ་མ་བགོ་བ་བ་བགོ་ཡིན། །
མགྱོགས་པར་འགྲོ་བ་མ་མགྱོགས་ལ། །ཁྱོགས་ལ་འགྱོགས་པར་འ་འགྱོགས་ཡིན། །
ཕྱག་ཏུ་བཞེས་པ་བ་བཞེས་ལ། །དུས་ཀྱི་གཞེས་པ་ག་གཞེས་ཡིན། །
གཞོན་ནུ་མ་ནི་ག་གཞོན་ལ། །འོག་ཏུ་བཞོན་པ་བ་བཞོན་ཡིན། །
ཤིང་གི་སྨྱུགས་མ་ས་སྨྱུག་(སྨྱུགས་)ལ། །སྟོང་ཉིད་གཉུག་མ་ག་གཉུག་ཡིན། །
ཉེ་བའི་གཉེན་དང་བཤེས་གཉེན་དང༌། །གཉེར་པ་ལ་སོགས་ག་གཉེར་ལ། །རྣ་བར་སྙན་དང་སྙན་གྲགས་དང་། །ཚུར་ལ་བསྙེན་སོགས་ས་མགོ་ཡིན། །
རློན་པ་རླངས་པ་རླབས་ཆེན་གསུམ། །ར་ལ་ལ་འདོགས་ཤེས་པར་བྱ། །
གཡང་ས་ཆེ་དང་གཡང་ལོན་བྱེད། །ག་ཡིས་ཕུལ་བས་ཤེས་པར་བྱ། །
དབྱངས་ལེན་པ་ནི་ད་དབྱངས་ལ། །མིག་འཕྲུལ་སྒྱུ་མ་ས་སྒྱུ་ཡིན། །ལུས་ཀྱི་རྒྱུ་མ་ར་རྒྱུ་ལ། །
རིན་ཆེན་མཚལ་ནི་མ་མཚལ་ཡིན། ཞེ་སའི་འཚལ་ནི་འ་འཚལ་ལ། །
རྒྱ་མཚོ་དག་ནི་མ་མཚོ་ཡིན། །རྒྱུ་ཡི་འཚོ་བ་འ་འཚོ་ལ། །
ལམ་ལ་འཚོར་བ་འ་འཚོར་ཡིན། མཚེར་དུ་བསྐྱལ་བ་མ་མཚེར་ལ། །
རིན་ཆེན་གསེར་ནི་ག་གསེར་ཡིན། །བསེར་མ་ལངས་པ་བ་བསེར་ལ། །
རི་དྭགས་རྙན་ནི་ར་རྙན་ཡིན། །སྙན་པའི་སྒྲ་ནི་ས་སྒྲ་ལ། །
སྡང་བའི་དགྲ་ནི་ད་དགྲ་ཡིན། །རོལ་མོའི་སྒྲ་ནི་ས་སྒྲ་ལ། །
གོང་མའི་གསུང་ནི་ག་གསུང་ཡིན། །དྲི་བསུང་དག་ནི་བ་བསུང་ལ། །
བྱ་བ་བཤོལ་བ་བ་བཤོལ་ཡིན། །ཞིང་རྨོ་གཤོལ་ནི་ག་གཤོལ་ལ། །
སངས་རྒྱས་བསྟན་པ་ས་བསྟན་ཡིན། །རིན་ཆེན་གཟི་ནི་གཟི་ལ། །ཆང་གིས་བཟི་བ་བ་བཟི་ཡིན། །
ཁ་ལ་མངར་བ་མ་མངར་ལ། །གཡུལ་དུ་དངར་བ་ད་དངར་ཡིན། །
འབྱུང་བའི་རྡོ་ནི་ར་རྡོ་ལ། །འཛོག་པའི་སྐས་ནི་ས་སྐས་ཡིན། །ཆུ་ཡི་རྐ་ནི་ར་རྐ་ཡིན། །
སྡུག་བསྔལ་བ་ནི་ས་བསྔལ་ཡིན། །མངལ་ནས་སྐྱེས་པ་མ་མངལ་ལ། །ལུས་ཀྱི་རྨ་ནི་ར་རྨ་ཡིན། །ཁ་དོག་དམར་བ་ད་དམར་ལ། །
རྨེ་བ་རློང་བ་ར་ལ་འདོགས། །ལུས་ཀྱི་སྨེ་བ་ས་སྨེ་ལ། །
ལྕང་མ་ལྕུགས་མཚན་དང༌། །ལྕི་བ་ལྕགས་དང་ལྕེ་ལ་སོགས། །ལ་ལ་ཅ་འདོགས་ཤེས་པར་བྱ། །
གཅོད་ན་གཅིང་སེར་ག་ཡིས་འཕུལ། །
རྟ་ཡི་རྟིའུ་རྟོད་འཕུར་དང༌། །བྱ་རྒོད་མི་རྒོད་ར་རྒོད་དང༌། །ཁྱི་རྒོད་ལ་སོགས་ར་ལ་འདོགས། །
འཚོམ་བུ་དགོད་པ་ད་དགོད་ལ། །རྒད་མོ་རྒོད་པ་ར་རྒོད་ཡིན། །
འགྲེལ་བཤད་གཏམ་བཤད་པགས་པ་བཤུ། །བ་ཡིས་ཕུལ་བས་ཤེས་པར་བྱ། །
ལུས་དང་ས་ཡི་ལྟེ་བ་དང༌། །རང་ཐག་ལྟེ་བ་ལ་ལྟེ་ལ། །
གྲངས་ཀྱི་སྟོང་ཕྲག་ས་སྟོང་ཡིན། །གཟུང་བ་གཏོང་བ་ག་གཏོང་ལ། །
མདུན་མ་བཤམས་པ་བ་བཤམས་ཡིན། །གོས་ཀྱི་བཤམས་དང་ཡི་གེའི་བཤམས། །བ་ཡིས་ཕུལ་བས་ཤེས་པར་བྱ། །
མཆོག་དཀར་གཞུ་ནི་ག་གཞུ་ལ། །མར་ཁུ་གཞུ་བ་བ་བཞུ་ཡིན།
གླེང་མོལ་བྱེད་པ་ག་གླེང་ལ།
ཆུ་སློངས་པ་ནི་ས་སློང་ལ། །
གྲོད་པ་ལྟོགས་པ་ལ་ལྟོགས་ཡིན། །དར་གྱི་ཏོག་ནི་ཏ་རྐྱང་ཏོག །
ཡོད་དེ་མེད་དེ་དེ་རྐྱང་བྱེད། །
བྱད་ཀྱི་སྣ་ནི་ས་སྣ་ལ། །དག་འབྱིན་མནའ་ནི་མ་མནའ་ཡིན། །
སྙད་སྐོ་བ་ནི་ས་སྐོ་ལ། །
ཉན་པའི་རྣ་བ་ར་རྣ་ཡིན། །ནས་ཀྱི་མནའ་ནི་མ་མནའ་ལ། །
དཔང་པོ་བྱེད་པ་ད་དཔང་ཡིན། །པང་དུ་སྡོད་པ་པ་རྐྱང་ལ། །
རྐེ་ཡི་ལྦ་བ་ལ་ལྦ་ཡིན། །ནང་དུ་སྦ་བ་ས་སྦ་ལ། །ཆུ་ཡི་རྦ་ནི་ར་རྦ་ཡིན། །
གྲལ་ལ་སྡོད་པ་ག་གྲལ་ཡིན། །སོག་ལེས་དྲས་པ་ད་དྲས་ལ། །
སྟ་རེ་དག་ནི་ས་སྟ་ཡིན། །བུན་གྱིས་གཏང་བ་ག་གཏང་ལ། །སྦལ་པ་དག་ནི་ས་སྦལ་ལ། །
འཇིགས་མེད་སྟེ་ནི་ས་སྡེ་ཡིན། །སྒོ་ཡི་ལྡེ་མིག་ལ་ལྡེ་ཡིན། །
ལྷ་བསངས་བྱེད་པ་བ་བསངས་ལ། །གསང་གཏམ་བྱེད་པ་ག་གསང་ཡིན། །
མཚོན་ཆ་གདེངས་པ་ག་གདེངས་ལ། །འཕུར་ལྡིང་བྱེད་པ་ལ་ལྡིང་ལ། །
རྫུན་གྱིས་བསྙོན་པ་ས་བསྙོན་ལ། །ཤེས་པ་སྨྱོ་བ་ས་སྨྱོ་ཡིན། །གཉིད་ལོག་པ་དེ་ག་གཉིད་ལ། །ཚད་པས་སྙིད་པ་ས་སྙིད་ཡིན། །
གདམས་ངག་ཞུ་བ་ག་གདམས་ལ། །ཐག་པས་སྡམ་པ་ས་བསྡམ་ཡིན།
རྩེད་མོ་རྩེ་བ་ར་རྩེ་ལ། །སེམས་ལ་བརྩེ་་བ་བ་ར་བརྩེ། །
གཟུང་བའི་བཙོན་ནི་བ་བཙོན་ལ། །བརྩོན་འགྲུས་བརྩོན་པ་བ་ར་བརྩོན། །
སེམས་ཙམ་པ་ནི་ཙམ་རྐྱང་ལ། །ཟ་བའི་རྩམ་པ་ར་རྩམ་ཡིན། །
གཙང་དང་གཙང་མ་ག་གཙང་ལ། །ཡུལ་ཀྱི་རྩྭ་ནི་ར་རྩྭ་ཡིན། །
རི་ཁྲོད་དབེན་དང་དབེན་བཅུག་བྱེད། །ད་ཡིས་ཕུལ་བས་ཤེས་པར་བྱེད། །
འབིག་པའི་བསོར་ནི་ག་གསོར་ལ། །ཡོ་བྱད་བསར་བ་བ་བསར་ཡིན། །
ཕྱགས་མ་དག་ནི་ཕ་ཕྱགས་ཡིན། །པགས་པ་མཉེན་པ་མ་མཉེན་ལ། །
ལུང་པའི་ལྗོངས་དང་ལྕེ་ཡི་ལྗགས། །ལ་ལ་ཇ་འདོགས་ཤེས་པར་བྱ། །
གཉིས་པོ་དག་ནི་ག་གཉིས་ལ། །རྣལ་འབྱོར་དག་ནི་ར་རྣལ་ཡིན། །སྣག་ཚ་དག་ནི་སྣག་ལ། །སྒོ་ང་དག་ཀྱང་ས་སྒོ་ཡིན། །
གྲངས་ཀྱི་བཞི་ནི་བ་བཞི་ཡིན། །ས་གཞི་དག་ནི་ག་གཞི་ལ། །
སྐལ་ལྡན་དག་ནི་ས་སྐལ་ཡིན། །དུས་ཀྱིས་བསྐལ་པ་བས་ཕུལ་བས། །
དུད་འགྲོ་དང་ནི་རིན་ཆེན་གཡུ། །ག་ཡིས་འཕུལ་བ་ཤེས་པར་བྱ། །
ཁང་པའི་སྨང་ནི་ས་སྨང་ལ། །ཞིང་རྨོ་བ་ནི་ར་རྨོ་ཡིན། །
མངའ་ཐང་མངའ་ནི་མ་མངའ་ལ། །
མཚོན་ཆས་གསོད་པ་ག་གསོད་ཡིན། །བསོད་ནམས་དགེ་ནི་བ་བསོད་ལ། །
སྨོན་ལམ་འདེབས་པ་འ་འདེབས་ཡིན། །