ཨོ་རྒྱན་ཚེ་འཕེལ།
འཛིན་གྲྭ་ལྔ་པ། ལོ་སྦར་སིང་སཾ་བྷོ་ཊ།
རྩོམ་པ་པོ། ཤཻལ་སི་ལི་བར་སེ་ཊེན། བོད་སྒྱུར་བ། བསོད་ནམས་བཟང་པོ། རི་མོ་བ། མགོན་པོ་དོན་གྲུབ།
སྒྲང་དེབ་དེའི་ནང་ཤོག་བུ་ ༡༥ འདུག སྒྲུང་དེའི་ནང་མི་སྣ་གཙོ་བོ་ནི་ལྗོན་ཤིང་དང་བུ་ཆུང་ཆུང་ཞིག་ཡིན། སྒྲུང་དེའི་ནང་བུ་ཆུང་དང་ལྗོན་ཤིང་གི་བརྩེ་སེམས་སྐོར་ལ་རེད་འདུག
ནང་དོན་སྙིང་བསྡུས། གནའ་སྔ་མོར་ལྗོན་ཤིང་ཞིག་གི་འགྲམ་དུ་བུ་ཆུང་ཆུང་ཞིག་ཉིན་ལྟར་ཡོང་ནས་ཁོའི་མཉམ་དུ་རྩེད་མོ་རྩེ་ཡི་ཡོད། ཁོ་གཉིས་ཕན་ཚུན་བརྩེ་བ་དང་དགའ་པོ་བྱེད་ཀྱི་ཡོད། བུ་ཆུང་དེ་ཆེ་རུ་འགྲོ་བཞིན་ལྗོན་ཤིང་གི་རང་སྲོག་སྦྱིན་པ་བཏང་ནས་བུ་དེ་ལ་ཤིང་ཡལ་ག་དང་ཤིང་འབྲས་ལོ་མ་སོགས་ཚང་མ་ལ་བཅད་ནས་ཁྲོམ་དུ་འཚོང་བ་རྒྱུགས། དེ་ནས་དངུལ་རག་པ་དེ་ཁྱེད་རང་སྐྱིད་པོ་སྡོད་ལབ་པ་རེད། དེའི་རྗེས་ཡུན་རིང་པོར་ལྗོན་ཤིང་གི་འགྲམ་དུ་བུ་དེ་མ་ཡོང་བས་ལྗོན་ཤིང་སེམས་པ་ཧ་ཅང་སྐྱོ་བ་རེད། ལོ་མང་པོ་རྗེས་བུ་དེ་རྒན་གོག་ཆགས་ནས་ལྗོན་ཤིང་གི་འགྲམ་དུ་སླེབས་པ་རེད། ལྗོན་ཤིང་གྱིས་ངས་ཁྱེད་ལ་སྤྲད་རྒྱུ་གང་ཡང་མེད་ཟེར་བ་དང་། རྒན་གོག་གིས་ང་ལ་ངལ་གསོ་རྒྱག་ཡག་མ་གཏོགས་གང་ཡང་མི་དགོས་ལབ་ནས་ལྗོན་ཤིང་གི་སྡོང་པོ་དེ་བཅད་ནས་དེའི་ཐོག་ལ་ངལ་གསོ་བརྒྱབ་པ་རེད།
བསླབ་བྱ། སྒྲུང་དེབ་དེ་ཀློག་རྗེས་ངས་བསམ་པར་སྡོང་པོ་དེ་ངའི་ཕ་མ་དང་བུ་ཆུང་ཆུང་དེ་ང་རང་ཡིན་པ་འདྲ་པོ་ཚོར་བྱུང། ང་ཚོའི་ཕ་མས་དཀའ་ལས་བརྒྱབ་ནས་སོ་སོའི་ཕྲུ་གུ་སྐྱིད་པོ་བཞག་གི་ཡོད། དེར་བརྟེན་ཕ་མའི་བཀའ་དྲིན་ཆེན་པོ་ཡིན་པ་ཚོར་དགོས་པ་དང་ཕ་མ་ལ་དྲིན་ལན་འཇལ་རྒྱུ་དེ་ཡང་ཤེས་དགོས། ང་རང་གི་གྲོགས་པོ་ལ་ཡང་སྒྲུང་དེབ་འདི་ངོ་སྤྲོད་བྱས་ནས་སྒྲུང་དེ་ཡང་བཤད་ཡིན།
ད་བར་དཔྱད་མཆན་མེད།