ཁ་རམ་པདྨ་བདེ་སྐྱིད།
འཛིན་གྲྭ་བདུན་པ། སྦེལ་ཀོབ་སྃ་བྷོ་ཊ་ཉིན་སློབ།
རྩོམ་པ་པོ། ཤནྐར། བོད་སྒྱུར་བ། ཚེ་རིང་དཔལ་འཛོམས།
སྒྲུང་གི་ནང་དོན་སྙིང་བསྡུས། བོང་བུ་རྒན་པོ་ཞིག་མཚན་མོ་ལམ་ལ་འགྲོ་བའི་སྐབས་སུ་ཁྱི་སྤྱང་ཞིག་དང་འཕྲད། ཁོ་གཉིས་ཟ་མ་འཚོལ་དུ་སོང་བ་རེད། བོང་བུ་རྒན་པོ་དེས་ཉིན་གང་ལས་ཀ་བྱས་ཀྱང་སྦྱིན་བདག་གིས་ཁ་ལག་ནམ་ཡང་སྤྲོད་ཀྱི་མེད། དེ་འདྲ་སོང་ཙང་ཟ་མ་འཚོལ་དུ་ཕྱིན། ཡུན་རིང་རྗེས་ཁོ་གཉིས་ཞིང་ཁ་ཞིག་གི་ནང་དུ་འབྱོར་ནས་ཆུ་ག་གོན་ཚད་མེད་བཟས་པ་རེད། བོང་བུ་སྐྱིད་ཐག་ཆོད་ནས་དེ་རིང་ང་གཞས་ཤིག་གཏོང་འདོད་འདུག་ཅེས་ཁྱི་སྤྱང་ལ་བཤད། ཁྱི་སྤྱང་གིས་ཚ་བོ་ཁྱེད་རང་དེ་རིང་གཞས་མ་གཏོང་། ཞིང་པ་ཚོས་ཁྱེད་ལ་ཉེས་རྡུང་གཏོང་གི་རེད་ལབ་ཀྱང་། བོང་བུས་མ་ཉན་པར་ད་དུང་ཁོ་ཚོས་ངའི་གཞས་ལ་དགའ་པོ་ཞེ་དྲག་བྱེད་ཀྱི་རེད་སྨྲས་ནས་སྐད་གསང་མཐོ་བོས་གཞས་བཏང་། ཁྱི་སྤྱང་གྲུང་པོ་ཡོད་པས་བྲོས་ཕྱིན། སྐབས་དེར་ཞིང་པ་ཚོས་དབྱུག་པ་འཁྱེར་སླེབས་ནས་བོང་བུ་ལ་ཉེས་རྡུང་ཚད་མེད་བཏང་ངོ་།།
ཚིག་གསར། མགྲིན་བཟང་། སྐད་གསང་། འདོད་པ་ཚིམས་པ། ཧུར་ཐག ཟ་འཇུག གྲོད་ཁོག རྒྱགས་ཚད། རྐུ་མཁན། ཉེས་རྡུང་།
སྟག་མོར་སྐྱེས་པའི་རབས།
རྩོམ་པ་པོ། བུདྡྷ་སྐྱབས།
སྒྲུང་གི་ནང་དོན་སྙིང་བསྡུས། སྔ་མོ་སྔ་མོ་རྒྱལ་པོ་ཞིག་ལ་སྲས་གསུམ་ཡོད། ཆེ་བའི་མིང་ལ་སྒྲ་ཆེན་པོ་དང་། འབྲིང་བའི་མིང་ལ་ལྷ་ཆེན་པོ། ཆུང་བའི་མིང་ལ་སེམས་ཅན་ཆེན་པོ་བཅས་ཡིན། རྒྱལ་སྲས་རྒན་པ་དང་འབྲིང་བ་ནི་དཔའ་རྩལ་ཡག་པོ་དང་སེམས་ཅན་ཆེན་པོ་ནི་གཞན་ལ་རོགས་རམ་དང་སྦྱིན་པ་གཏོང་རྒྱུར་དགའ། ཉིན་ཞིག་རྒྱལ་པོ་དང་བཙུན་མོ་སྲས་གསུམ་པོ་ཡུལ་ལྗོངས་ཤིག་ཏུ་གླིང་ག་གཏོང་བར་ཕྱིན་པ་རེད། སྐབས་དེར་སྲས་གསུམ་གྱིས་སྟག་མོ་གཟུགས་པོ་སྐམ་ལ་གཟུགས་ཤིན་ཏུ་སྐྱོ་བོ་ཡོད་ཀྱང་སོ་སོའི་སྟག་ཕྲུག་གཉིས་ལ་འོ་མ་སྤྲོད་བཞིན་ཡོད་པ་མཐོང་། རྒྱལ་སྲས་གསུམ་སྟག་ཚང་དུ་བལྟ་བར་ཕྱིན། སེམས་ཅན་ཆེན་པོས་སྟག་མོ་ལ་བྱིལ་བྱིལ་བྱས་ཀྱང་འགུལ་ཙམ་ཡང་མ་བྱས་པར་གཉིད་དུ་ཡུར། ཁོ་ཚོས་སྟག་མོ་དེ་ལ་ཁ་ལག་རག་མེད་པ་ཤེས། སེམས་ཅན་ཆེན་པོས་སྟག་མོ་གཅན་གཟན་ཡིན་པས་ཁོང་ཚོར་ཤ་ཁྲག་དགོས་རེད་ལབ། གཅེན་པོ་གཉིས་ཀྱིས་སྟག་མོར་སེམས་ཁྲལ་མ་བྱེད། ཕ་མ་གཉིས་སེམས་ཁྲལ་གནང་གི་རེད། ང་ཚོ་ནང་ལ་འགྲོ་ལབ་པ་རེད། ཡིན་ན་ཡང་། སེམས་ཅན་ཆེན་པོ་མ་ཕྱིན་པར་ཁྱེད་གཉིས་སྔོན་ལ་ཕེབས། ང་རྗེས་ལ་ཡོང་གི་ཡིན་ཞེས་བཤད། སེམས་ཅན་ཆེན་པོ་སྙིང་རྗེ་དང་ལྡན་པས་ཤིང་རྣོ་པོ་ཞིག་གིས་རང་གི་ཤ་ལྤགས་བཤུས་ནས་ཁྲག་སྟག་མོ་ལ་སྤྲད། སྟག་མོ་གཉིད་སད་ནས་གཅུང་པོ་ཆུང་ཤོས་ཀྱི་ལུས་པོ་བཟས། གནས་ཚུལ་དེ་དག་ཁོའི་གཅེན་པོ་དང་ཕ་མ་གཉིས་ཀྱིས་ཤེས་ནས་ཚང་མ་ཐུགས་ཤིན་ཏུ་སྐྱོ་བ་རེད། ཉིན་ཞིག་ནམ་མཁའ་ནས་ང་ལྷ་ཡུལ་དུ་ཡོད། རྒྱལ་ཡུམ་གཉིས་ཐུགས་ཁྲལ་གནང་མི་དགོས་ཞེས་པའི་སྒྲ་ཞིག་ཐོས། སྒྲ་དེ་ཐོས་མ་ཐག་ཡབ་ཡུམ་དང་མི་དམངས་ཚོས་ལག་གཉིས་ཐལ་མོ་སྦྱར་ནས་བར་སྣང་ལ་བལྟས་པས་སེམས་ཅན་ཆེན་པོའི་ཞལ་རས་མཇལ་བ་རེད།
ཚིག་གསར། སྐྱེས་པའི་རབས། སྟོབས་འབྱོར། རྒྱལ་ཁམས། མི་སེར། དཔའ་རྩལ་ཆེ་བ། རྒྱལ་སྲིད། སྤྲོ་གསེང་། མདའ་གཞུ་ཁུར་བ། གསོད་རྩིས། སྟག་མོ་མ་བུ་གསུམ། ནུ་མ་ནུ་བ། ཕྲུ་གུ་བཙས་པ། སྙིང་རྗེ་ཚད་མེད་སྐྱེས་པ། གཅན་གཟན། སེམས་ཁྲལ། དབུགས་ལྷེམ་ལྷེམ་གཏོང་བ། ཤིང་ཕྲན། རྩེ་རྣོན་པོ། གཉིད་སད་པ། སྡུག་བསྔལ་གྱིས་མནར་བ།
ད་བར་དཔྱད་མཆན་མེད།