དང་པོ། བརྡ་སྤྲོད།
༡། སུམ་ཅུ་པ།
སུམ་ཅུ་པའི་རྩ་བ་ལས་རྗེས་འཇུག་ལ་མ་ལྟོས་པའི་ཕྲད་རང་དབང་ཅན་བཤད་པ།
སུམ་ཅུ་པའི་རྩ་བ་ལས་ཚིགས་བཅད་འགྲོལ་ཚུལ་དང་སུམ་ཅུ་པ་སྦྱངས་པའི་དགོས་པ་དང་མ་སྦྱངས་བའི་ཉེས་དམིགས། ཉན་པོ་སྣོད་རུང་བ་བཅས་ངོ་སྤྲོད་བྱ་རྒྱུ།
རྟགས་འཇུག་གི་རྩ་བ་བློ་འཛིན་བྱ་རྒྱུ།
ཁྲིད་གཞིའི་ལམ་སྟོན།
༡ སི་ཏུའི་ཞལ་ལུང་། མཛད་པ་པོ། དངུལ་ཆུ་དྷརྨ་བྷ་དྲ། ཤེས་རིག་པར་ཁང་།
༢ རྟགས་འཇུག་གི་རྩ་བ། མཛད་པ་པོ། ཐོན་མི་སམ་བྷོ་ཊ།
༢། དག་ཡིག
མངོན་བརྗོད་རྒྱ་མཚོའི་ཆུ་ཐིགས།
མངོན་བརྗོད་རིག་པའི་ཤེས་བྱ།
ཁྲིད་གཞིའི་ལམ་སྟོན།
༡། གངས་ལྗོངས་བརྡ་དག་ཀུན་འདུས། ཤེས་རིག་ལས་ཁུངས་ཀྱིས་དཔར་འགྲེམས་བྱས།
གཉིས་པ། གོ་རྟོགས་ནུས་རྩལ།
སྒྲུང་ཐུང་སྣ་ཚོགས་དང་། དངོས་བསྐྱོད་ཟིན་ཐོ། དངོས་བྱུང་གཏམ་བརྒྱུད་བཅས་ལས་ཚན་པ་གཅིག་ཟུར་འདོན་གྱི་འགོད་པའམ། ཡང་ན་སྒྲུང་ཐུང་རིགས་ཡིན་ན་ཆ་ཚང་སློབ་ཚན་སྟོད་སྨད་ཀྱིས་འགོད་པ། དེ་མིན་སྐད་ཡིག་གཞན་ལས་བསྒྱུར་ཏེ་འགོད་པ་སོགས་ཅི་རིགས་ཀྱི་ལམ་ནས་འདེམས་སྒྲིག་གིས་འགོད་དགོས།
གསུམ་པ། ཡིག་རིགས་དང་རྩོམ་འབྲིའི་ཤེས་བྱ།
༡། རྒྱུན་སྤྱོད་ཡིག་རིགས།
རྒྱུན་སྤྱོད་ཡིག་རིགས་ལས་བསྐུར་ཡིག་འབྲི་སྟངས་བསླབ་དགོས་ཤིང་། དེའང་སྒྲིག་གཞི་ཡོད་མེད་གཉིས་ཀྱི་བསྐུར་ཡིག་གི་དཔེ་མཚོན་དང་བཅས་འགོད་དགོས། དཔེར་ན། མངགས་ཉོ་དང། མགྲོན་ཤོག ཚགས་པར་དང་དུས་དེབ་ཀྱི་རྩོམ་སྒྲིག་པར་གནད་དོན་ཞིག་གི་སྟེང་འཕྲིན་ཡིག་བསྐུར་བ།
ཁྲིད་གཞིའི་ལམ་སྟོན།
བོད་ཀྱི་ཡིག་བསྐུར་རྣམ་གཞག ཤེས་རིག་དཔར་ཁང།
༢། རྩོམ་འབྲིའི་ཤེས་བྱ།
གསལ་བཤད་རྩོམ་ཡིག་འབྲི་སྟངས་ངོ་སྤྲོད་དང༌། བརྗོད་དོན་གཙོ་བོ་གསལ་བཤད་བྱེད་ཐབས་སོགས་གཞི་རྩའི་ནུས་པ་བསྐྱེད་སྲིང་བྱ་རྒྱུ།
ཁྲིད་གཞིའི་ལམ་སྟོན།
བོད་ཕྱི་ནང་གི་རྩོམ་རིག་གི་དཔེ་དེབ་ཚད་ལྡན་ཁག་དང་། སྐད་ཡིག་གཞན་ལས་བསྒྱུར་འགོད་བྱ་རྒྱུ།
བཞི་པ། རྩོམ་རིག
༡། ལྷུག་རྩོམ།
ཚིགས་བཅད་ཚིགས་ལྷུག་ཏུ་ཕབ་སྟངས་དང་། ཚིགས་བཅད་ཀྱི་བསྟན་དོན་ལ་གོ་རྟོགས་ཡོང་ཆེད། ས་སྐྱ་ལེགས་བཤད་དང་བཤེས་སྤྲིངས་སོགས་ལེགས་བཤད་རྩ་འགྲེལ་འདེམས་བཏུས་ཀྱིས་བསླབ་གཞིར་འཇོག་དགོས།
༢། སྙན་ངག

  • སྙན་ངག་གི་ལུས་རྒྱན་སོགས་ཤེས་བྱ་ཁག་ཅིག་ངོ་སྤྲོད་བྱ་རྒྱུ།
  • ཚིགས་བཅད་འབྲི་སྟངས། ཚེག་བར་བཅུ་པ་ནས་བཅུ་གཉིས།

ཁྲིད་གཞིའི་ལམ་སྟོན།
༡། སྙན་ངག་སྤྱི་དོན། མཁས་དབང་ཚེ་ཏན་ཞབས་དྲུང་། མཚོ་སྔོན་མི་རིགས་དཔེ་སྐྲུན་ཁང་།
༢། སྙན་ངག་ལ་འཇུག་ཚུལ་ཚིག་རྒྱན་རིག་པའི་སྒོ་འབྱེད། མཁས་དབང་དུང་དཀར་བློ་བཟང་འཕྲིན་ལས། བོད་ལྗོངས་མི་རིགས་དཔེ་སྐྲུན་ཁང་།
༣། མྱུར་ཀློག་རྩལ་སྦྱོང་།
སློབ་ཕྲུག་རྣམས་ཀྱི་ཀློག་རྩལ་ཡར་རྒྱས་དང་། གོ་རྟོགས་གོང་འཕེལ་ཡོང་ཆེད། གནའ་དེང་གི་ལོ་རྒྱུས་ཀྱི་བྱུང་རབས་དང་། སྐྱེས་བུ་དམ་པའི་མི་ཚེའི་རྣམ་ཐར་ཟུར་བཀོལ་གྱིས་འགོད་དགོས།
ཁྲིད་གཞིའི་ལམ་སྟོན།
ངོས་ཀྱི་ཡུལ་དང༌ངོས་ཀྱི་མི་མང༌། ལེའུ་གཉིས་པ་དང་གསུམ་པ། མཛད་པ་པོ། ༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག ཤེས་རིག་པར་ཁང་།
ལྔ་པ། ཡིག་གཟུགས།
འཛིན་རིམ་བཅུ་པར་ཚུགས་མ་འཁྱུག་ལེགས་པོ་འབྲི་ཤེས་པ་དགོས།
དྲུག་པ། རྒྱུན་མཐུད་ཞིབ་འཇུག་ (CCE) གི་རྩ་འཛིན།
༡། རྩ་བ་སོགས་བློ་འཛིན་དགོས་པའི་རིགས་རྒྱུན་མཐུད་ཞིབ་འཇུག་ (FA) གི་ཁོངས་སུ་བརྩི་དགོས།
༢། འབྲི་ཀློག་བཤད་གསུམ་གྱི་ལས་བྱ་དང་བྱེད་སྒོའི་ནུས་རྩལ་དང་མཉམ་ཞུགས་གནས་ཚད་ཀྱང་གལ་ཆེར་བརྩི་དགོས།
༣། རིགས་ལམ་དང་ནང་ཆོས་ལ་བརྒྱ་ཆ་༢༠ ལས་མ་ཉུང་བ་འཇོག་དགོས།