བསྟན་འཛིན་བློ་གསལ།
འཛིན་གྲྭ་དྲུག་པ། མེས་དབོན་གཙུག་ལག་དཔེ་སྟོན་སློབ་གྲྭ
ཀ་ཡི་གསོན་དང་བརྩེ་བའི་གྲོགས་པོ་ཚོ།།
དེ་རིང་ང་ཡི་ཚིགས་བཅད་འདི་ཡི་ནང།།
རང་གི་བརྩེ་བའི་གཅུང་པོ་ངོ་སྤྲོད་བྱེད།།
ཁོང་གི་མཚན་ལ་བསྟན་འཛིན་མཐོང་ལམ་ཟེར།།
ཁོང་གི་མགོ་སྐྲ་སུ་ལུ་ཡིན་པ་དང།།
གཟུགས་པོ་ཆུང་ཡང་ཤུགས་རྩལ་ཆེན་པོ་ཡོད།།
བློ་རིག་རྣོ་ཞིང་རྩིས་རིག་ཧ་ཅང་མཁས།།
འཆར་ལོར་དཔེ་སྟོན་སློབ་གྲྭར་ཡོང་མཁན་རེད།།
ཁོ་ནི་སྤྲེའུ་ལྟར་འཚུབ་པོ་ཡོད་ནའང།།
པཱ་ལགས་མཐོང་ཚེ་ཙི་ཙི་ནང་བཞིན་ཞུམ།།
ང་དང་རྩེད་འཇོར་རོལ་རྒྱུ་ཤིན་ཏུ་དགའ།།
ཤ་མོག་མཐོང་ན་ཁ་ལ་འགྲམ་ཆུ་འཁོར།།
ང་རང་གཅུང་པོ་དྲན་དུས་མིག་ཆུ་འཁོར།།
ཉེ་འགྲམ་ཡོད་དུས་ཕན་ཚུན་འཁྲུག་འཛིང་བྱེད།།
ཐག་རིང་གྱར་དུས་གནོང་འགྱོད་དྲག་པོ་སྐྱེས།།
ཁོ་རང་དྲན་དུས་མིག་ཆུ་ཡང་ཡང་ཤོར།།
རྔན་པའི་རིགས་ལ་ཤིན་ཏུ་དགའ་ན་ཡང།།
ཚལ་རིགས་ཤིང་འབྲས་དུག་ལ་བརྩི་ཡི་ཡོད།།
ཞོགས་ཇ་ཟ་རྒྱུར་ཧ་ཅང་འགོར་བ་དང།།
སྟབས་བདེའི་ཟས་རིགས་སྤྱོད་དུས་དེ་བས་མགྱོགས།།
ད་བར་དཔྱད་མཆན་མེད།