རང་གི་རང་བཀྱགས། སྐྱག་པས་རྐུབ་བཀྱགས། རང་ཡུལ་རྒྱབ་ཏུ་བསྐྱུར། མི་ཡུལ་པང་དུ་བླངས། རང་གི་མི་དེ་རང་གི་བསྟོད། རང་གི་ལྷ་དེ་རང་གིས་གསོལ། བརླག་མཁན་ལ་སྡིག་པ་བརྒྱ། རྐུ་མཁན་ལ་སྡིག་པ་གཅིག རང་དོན་ཁོག་ཏུ་བཅུག་ནས། གཞན་དོན་སྨིན་མ་ཟིང་ཟིང་།

ཞི་མི་གཉིད་ཁུག་ཀྱང་བསམ་རྒྱུ་ཙི་ཙི་ལས་མེད། ཞབས་བྲོ་ཨེ་རྒྱག་ལྷམ་ལ་ལྟོས། སྣང་བ་ཨེ་སྐྱིད་གོས་ལ་ལྟོས། གཞན་ལ་ལྟ་བའི་མིག་ཡོད་ཀྱང་། །རང་ཉིད་བལྟ་ན་མེ་ལོང་དགོས། ། ཞིམ་པོ་བྱུང་ན་སྦོས་ནས་ཤི་ཡང་ཤི། རང་དོན་འགྲུབ་ན་ཆ་ལུགས་ཉེས་ཀྱང་ཉེས། བཟང་པོའི་ཞོར་དུ་ཇ་ཆང་དང།

ཚོགས་པ་ཚོགས་གཏམ་དཀྱིལ་ལ། གོ་བ་རང་རང་སོ་སོ། ཚུར་གནམ་གང་མ་བརྩིས་པར། ཕར་ཚེས་པ་གཅིག་བརྩི་དགོས་མེད།

མི་ལ་རྒྱུ་དགོས། རྒྱུ་ལ་བདག་པོ་དགོས། མ་ལ་མིང་པོ་མེད་པར། བུ་ལ་ཞང་པོ། མི་ངན་ཤི་རྒྱུ་མེད། ཁྱི་ངན་སྨྱོ་རྒྱུ་མེད། མི་ཚེ་རི་ལ་བསྐྱལ། རི་དྭགས་ངོ་མི་ཤེས། མིའི་རི་མོ་ནང་ལ་ཡོད། སྟག་གི་རིི་མོ་ཕྱི་ལ་ཡོད། མི་ས་འོག་ཏུ་སོང་ཡང་། གཏམ་ས་སྟེང་དུ་ལུས། མིས་མི་ཟ་མནའ་དང་། ཁྱིས་མི་ཟ་ལྕགས།

དབང་ཡོད་ལ་ཇུས་མེད། ཇུས་ཡོད་ལ་དབང་མེད། བྱ་བརྒྱ་ཤར་ལ་འཕུར་དུས། ཕ་ཝང་ནུབ་ལ་འཕུར། བོང་བུ་བསླངས་པའི་དྲིན་མེད། གཞུ་གུ་བཀོག་པའི་ཡ་ལ། དབུ་མཛད་མང་ན་འདོན་པ་འཁྲུག དམག་དཔོན་མང་ན་དམག་བྱུས་ཤོར། བྱ་བྱེད་མང་ན་བྱེའུ་རྐང་ཆགས། འགྲོ་སྡོད་མང་ན་སྡོད་ས་ཤོར།

སྤྲང་ཕྲུག་གསོས་ནི་བུ་རྒྱུད་མི་ཡོང་། སྤྱང་ཀི་གསོས་ནི་སྒོ་ཁྱི་མི་ཡོང་། དཔྱིད་ཐལ་བ་འཚུབ་འཚུབ་མ་འཁྲབ་ན། སྟོན་སྣུམ་ཞག་ཚིལ་ཚིལ་ག་ནས་འོང་། ཕོ་ཁྱོ་གའི་ཁོག་པར་མདའ་ཤོང་མདུང་ཤོང་། ཕ་བཟང་ལ་བུ་བཟང་། མ་བཟང་ལ་རྒྱུད་བཟང་། ཕ་ལས་བུ་རྫིག ཚ་བོ་ལས་ཡང་ཚ་རྫིག