བཙན་བྱོལ་བོད་མིའི་གཞི་རིམ་བར་མའི་བསླབ་གཞིའི་རྩ་འཛིན་བཟོ་འགོད་ཚོགས་ཆུང་ཁག་མཚན་ཐོ། ཀ) སྔོན་འགྲོ་དང་གཞི་རིམ་འོག་མའི་བསླབ་གཞིའི་རྩ་འཛིན་བཟོ་འགོད་ཚོགས་ཆུང༌། ༡།    ཤེས་རིག་སྲོལ་རྒྱུན་ཤེས་ཡོན་ཚན་པའི་འགན་འཛིན་ཟུང་དྲུང་བཀྲ་ཤིས་དོན་གྲུབ། ༢།    སཾ་བྷོ་ཊ་བོད་གཞུང་སློབ་གྲྭའི་སྤྱི་ཁྱབ་ཡིག་ཚང་གི་འགན་འཛིན་ཀརྨ་ཆུང་བདག ༣།    བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བུ་མོ་ཚེ་རིང༌།

ཤེས་ཡོན་སློབ་སྦྱོང་ནི་ཡ་རབས་བཟང་སྤྱོད་དང་ཁ་འབྲལ་ཐབས་མེད་སྟབས། གཞི་རིམ་སློབ་གྲྭའི་བསླབ་གཞི་ཡོངས་རྫོགས་ནང༌། ཡ་རབས་བཟང་སྤྱོད་ཀྱི་ནང་དོན་ནི་ངེས་པར་བསླབ་གཞི་སོ་སོའི་སྙིང་དོན་དུ་འཛིན་དགོས། གཞན་ཡང༌། བོད་ཀྱི་ཆོས་ལུགས་ལས་བྱུང་བའི་ཡ་རབས་བཟང་སྤྱོད་སྟོན་པའི་གཞུང་དང༌། ཆོས་མཐུན་གྱི་གཏམ་རྒྱུད། ལུགས་ཀྱི་བསྟན་བཅོས། གནའ་དེང་གི་སྐྱེས་བུ་དམ་པའི་རྣམ་ཐར་དང་ལོ་

༦་༡     མིའི་རྣམ་དཔྱོད་ལ་རྟོག་ཞིབ། སློབ་གྲྭའི་ཤེས་ཡོན་ནི་ཤེས་བྱ་འཐོབ་པར་བྱེད་པ་ཙམ་མིན་པར་དེ་ལས་ཀྱང་ཤིན་ཏུ་གལ་ཆེ་བ་ནི་མིའི་རིག་སྟོབས་སད་སྨིན་རྫོགས་གསུམ་བྱ་རྒྱུ་དེ་ཡིན་སྟབས། རྒྱུན་ལྡན་ཤེས་ཡོན་རྟོག་ཞིབ་སྐབས་སློབ་མའི་ཤེས་བྱའི་རྣམ་གྲངས་མང་ཉུང་རྟོག་ཞིབ་བྱ་རྒྱུ་ལས་བརྒལ་ཏེ། ལེགས་ཉེས་རྣམ་འབྱེད་ཀྱི་ཤེས་རབ་འཚར་བསྐྱེད་བྱུང་སྟངས་ལ་རྒྱུན་བསྲིང་ངང་རྟོག་ཞིབ་བྱ་དགོས།

༥་༣    ཚན་རིག གཞི་རིམ་བར་མའི་ཚན་རིག་བསླབ་གཞིའི་ནང་དོན་དང་ཁྱབ་ཚད་ནི། སློབ་མའི་ལོ་ཚད་དང་ཤེས་རྟོགས་ཀྱི་གནས་ཚད། དངོས་ཡོད་འཚོ་བའི་ཁྲོད་བཀོལ་སྤྱོད་ཀྱི་རིན་ཐང་བཅས་གཞི་རྩར་བཟུང་ནས་གཏན་འབེབས་བྱ་དགོས་པ་མ་ཟད། སློབ་མ་ཚོའི་མཚར་སེམས་དང༌། གསར་གཏོད་ཀྱི་བསམ་བློ། ཁོར་ཡུག་དང་འབྲེལ་འདྲིས་བཅས་ལྷན་སྐྱེས་ཀྱི་ཁྱད་ནུས་གོང་ནས་གོང་དུ་སྤེལ་བའི་དམིགས་ཡུལ་དམ་འཛིན་བྱ་དགོས།

གཞི་རིམ་བར་མའི་བསླབ་གཞིའི་རིག་ཚན་རྣམས་གཞི་རིམ་གོང་འོག་གཉིས་ཀའི་བསླབ་གཞིའི་ནང་དོན་དང་ཟབ་ཚད། ཤེས་ཡོན་སྲིད་བྱུས་ལས་བསྟན་པའི་དགོས་དམིགས་བཅས་གཞིར་བཟུང་ཐོག བསླབ་གཞི་སོ་སོའི་ནང་དོན་འབྲེལ་མཐུད་དང་དཀའ་སླའི་གོ་རིམ་སོགས་འབྲེལ་ཆགས་ཤིང་དགོས་ངེས་ཀྱི་དམིགས་ཚད་ལེགས་སྒྲུབ་ཐུབ་པ་བཟོ་དགོས། གཞི་རིམ་བར་མའི་བསླབ་གཞིའི་རིག་ཚན་ནི། བོད་ཀྱི་སྐད་ཡིག་(འདིའི་ཁོངས་སུ་རིགས་ལམ་ནང་ཆོས་ཀྱང་འདུས་ཡོད།) ཨིན་ཡིག

༤་༡    ཁྱིམ་ཚང་གི་མཉམ་ཞུགས། སློབ་ཕྲུག་རྣམས་རྒྱལ་ཁབ་དང་མི་རིགས་ཀྱི་སྲོག་རྩ་ཡིན་སྟབས། སྲིད་གཞུང་ལ་ཕྲུ་གུའི་གཞི་རིམ་སློབ་སྦྱོང་ཆེད་དགོས་ངེས་མཐུན་རྐྱེན་སྦྱོར་སྤྲོད་ཀྱི་ལས་འགན་ཡོད་ནའང༌། ཕྲུ་གུའི་བདག་དབང་དོ་བདག་ཁྱིམ་ཚང་གི་ཕ་མ་ལ་ཡོད་སྟབས། གཞི་རིམ་སློབ་གྲྭ་ཁག་གིས་ཕྲུ་གུའི་སློབ་སྦྱོང་ཐོག་ཁྱིམ་ཚང་ཕ་མའི་ངོས་ནས་དགོས་ངེས་ཀྱི་མཉམ་ཞུགས་དང་མཐུན་འགྱུར་ལེན་པའི་བྱེད་ཐབས་ནུས་ལྡན་སྤེལ་དགོས།