ཡིད་མཛེས་ལྷ་མོ།འཛིན་གྲྭ་བཅུ་པ། དྷ་སྟེང་བོད་ཁྱིམ་སློབ་གྲྭ། བོད་སྒྱུར་བ། འཇིགས་མེད་འཕྲིན་ལས། མི་སྣ་གཙོ་བོ། སྒྲོལ་དཀར། སྒྲུང་གི་ནང་དོན་སྙིང་བསྡུས། ཉིན་ཞིག་སྨན་པ་སྒྲོལ་དཀར་རང་གི་ལས་དོན་ཞིག་གི་ཆེད་དུ་ནོར་བུ་གླིང་ཁ་ལ་འགྲོ་དགོས་བྱུང་། དེ་ཉིན་ཞོགས་པ་ནས་ཆར་པ་བབས་ཏེ་ད་དུང་ཆད་མེད་ནའང་། གང་ལྟར་མོ་རང་དེར་ཕྱིན་པ་རེད། ལས་ཀ་ཚར་བའི་རྗེས་མོ་རང་ལམ་སེང་ཁྱིམ་ཚུར་ལོག་སླེབས་པ་རེད། མོ་རང་གོམ་པ་མགྱོགས་པོ་སྤོས་ནས་འགྲོ་དུས། གློ་བུར་དུ་མོས་འཁྱིལ་ཆུ་ཞིག་གི་ནང་དུ་གོམ་པ་སྤོས་པ་རེད། མོ་རང་རླུང་རྟ་ཆགས་པའི་དོན་རྐྱེན་དེ་བྱུང་བའི་རྗེས་སུ། མོ་ཧ་ཅང་སུན་སྣང་སྐྱེས་ནས་མ་འོངས་པར་ནོར་བུ་གླིང་ཁ་ལ་ནམ་ཡང་འགྲོ་གི་མིན་ཟེར། ཚིག་གསར། བརྐམ་ཆགས། འཁྱིལ་ཆུ། སྦུར་བ། སྤྱང་ཀི་འདོད་རྔམ་ཅན། རྩོམ་པ་པོ། པད་མ་རྒྱལ་མཚན། མི་སྣ་གཙོ་བོ། སྤྱང་ཀི། བུ་ཞིག སྒྲུང་གི་ནང་དོན་སྙིནང་བསྡུས། གནང་སྔ་མོ་ཞིག་ལ་སྐྱིད་གྲོང་གི་ནགས་གསེབ་གི་ནང་ལ་ཉི་མ་ཁ་ཤས་རིང་ལྟོ་མ་རག་པའི་སྤྱང་ཀི་ཞིག་གྲོད་ཁོག་ལྟོགས་ནས་ག་ས་ག་ལ་ཁ་ལག་འཚོལ་བར་ཕྱིན་ཀྱང་། ཁོ་ལ་ཁ་ལག་གང་ཡང་མ་རག་པ་རེད། མཐའ་མ་དེར་ཤིང་སྡོང་བཅད་པའི་བུ་གའི་ནང་ནང་། ཁོ་ལ་བག་ལེབ་ཁ་ཤས་དང་ཤ་རྡོག་ཆེན་པོ་ཞིག་རྙེད་པ་རེད། དེ་ནས་ཁོ་ཤིང་སྡོང་གི་བུ་གའི་ནང་དུ་ཨུ་ཚུགས་ཀྱིས་བརྩིར་ནས་མར་འཛུལ། ཁོ་ཤ་རྟོག་དང་བག་ལེབ་ཆ་ཚང་བཟས་པ་རེད། ཁ་ལག་དེ་ནི་ཤིང་མཁན་ཞིག་གི་ཉིན་གུང་ཁ་ལག་ཡིན་པ་རེད། གང་འཚམས་ནས་ཤིང་མཁན་ཉིན་གུང་ཁ་ལག་ཟ་གར་སླེབས། ཁོང་ཤིང་སྡོང་གི་བུ་གའི་ནང་དུ་ཁ་ལག་གི་ཚབ་ལ་སྤྱང་ཀི་ཞིག་ཡོད་པ་མཐོང་། སྤྱང་ཀིས་ཤིང་མཁན་མཐོང་བ་དང་བུ་གའི་ཕྱི་ལ་ཡར་འཐོན་རྩིས་བྱས་པ་ཡིན་ནའང་། སྤྱང་ཀྱིས་ཁ་ལག་བཟས་དྲགས་པར་བརྟེན་ཁོའི་གྲོད་པ་རྦོང་ནས་བུ་གའི་ཕྱི་རུ་འཐོན་མ་ཐུབ། དེ་ནས་ཤིང་མཁན་གྱིས་སྤྱང་ཀྱི་ལ་ཉེས་རྡུང་ཚ་ཐག་ཆོད་ཅིག་བཏང་བ་རེད། བོད་ཀྱི་གཏམ་དཔེར། ལག་མི་གཙང་མི་ཁྱུར་མི་འཚུད། ཚིག་གསར། ཐུང་མདའ། ལྕང་ལོ། ཐོང་གཤོལ། འགྲུལ་པ་དང་བདུད་ཕོ། རྩོམ་པ་པོ། བསྟན་འཛིན་སྒྲོལ་མ། མི་སྣ་གཙོ་བོ། འགྲུལ་པ། བདུད་ཕོ། སྒྲུང་གི་ནང་དོན་སྙིང་བསྡུས། སྔར་གྲང་ངར་ཆེ་བའི་དགུན་ཁ་ཞིག་ལ། འགྲུལ་པ་ཞིག་ཁང་པའི་སྒང་ལ་ཁྱ་རེ་ཁྱོ་རེའི་ངང་གོམ་པ་སྤོས་ནས་འགྲོ་ཡི་ཡོད་པ་དེ་བདུད་ཕོ་ཞིག་གིས་མཐོང་། འགྲུལ་པ་དེ་ནི་གྲོད་ཁོག་ལྟོགས་ཀྱི་ཡོད་པར་མ་ཟད་འཁྱགས་ནས་གཟུགས་པོ་ཡང་འདར་ཁྱུག་ཁྱུག་བྱེད་ཀྱི་ཡོད། བདུད་ཕོ་དེས་ཁོ་ལ་སྙིང་རྗེ་སྐྱེས་ནས། […]

ཚེ་རིང་དབང་མོ།འཛིན་གྲྭ་བཅུ་པ། དྷ་སྟེང་བོད་ཁྱིམ་སློབ་གྲྭ། རྩོམ་པ་པོ། ཁཱ་རོལ་མུར། བོད་སྒྱུར་བ། བཀྲ་ཤིས་རྣམ་རྒྱལ། སྒྲུང་གི་ནང་དོན་སྙིང་བསྡུས། པེཊ་རིཀ་ཡིས་ནང་སྦྱོང་གཅིག་ཀྱང་འབྲི་མྱོང་མེད། དེ་ན་ཧ་ཅང་ཉོབ་པའི་ལས་ཀ་ཞིག་རེད་ཟེར། དེའི་ཚབ་ཏུ་ཁོས་ལག་རྩེད་པོ་ལོ་དང་ཧོག་ཀི་རྩེ་ཡི་ཡོད། དགེ་རྒན་ཚོས་ཁོ་ལ་ནང་སྦྱོང་བྱས་ན་མ་གཏོགས་ཅི་ཡང་ཤེས་ཀྱི་མ་རེད་ཅེས་ཁ་ཏ་བྱེད་ཀྱི་ཡོད། དེ་ནི་བདེན་པ་རེད། མཚམས་རེར་ཁོ་རང་ཉིད་ཤེས་བྱ་ཡིས་རྨོངས་པ་ཞིག་ཚོར་གྱི་ཡོད། ཡིན་ནའང་། ཅི་ཞིག་བྱེད་ཐུབ། ཁོ་ནང་སྦྱོང་འབྲི་བར་ཡེ་ནས་མི་དགའ། མེའུ་ཡིས་ཁས་ལེན་བྱས་པ་ལྟར་པེཊ་རིཀ་ཡིས་ནང་སྦྱོང་འབྲི་འགོ་བརྩམས། དཀའ་གནད་ལ་འཕྲད་དུས། ཁོས་ཅི་ཞིག་བྱེད་དགོས་མིན་མི་ཤེས་ལ། རོགས་རམ་མཁོ་བས། རོགས་པ་བྱེད་རོགས། ཞེས་ལབ་ཀྱི་ཡོད། པེཊ་རིཀ་ཡིས་ཐབས་ཤེས་གང་ཡོད་ཀྱིས་ཁོ་ལ་དཀའ་གནད་སེལ་རོགས་བྱེད་དགོས་བྱུང་། ཨང་རྩིས་ལ་ཐུག་དུས་པེཊ་རིཀ་རླུང་རྟ་ཆགས་པ་རེད། མེའུ་ཡིས། དགུ་མཐའ་ཟེར་ན་ཅི་ཞིག་རེད། ང་ཚོའི་མེའུ་དེ་འདྲ་ཞིག་དགོས་དོན་མེད། ད་དུང་སྡོམ་རྩིས་དང་། འཐེན་རྩིས། བགོད་རྩིས། ཆ་རྩིས་སོགས་ཅི་ཞིག་རེད། འདིར་ཡོངས་ནས་ངའི་འགྲམ་དུ་སྡོད་དང་། ང་ལ་ངེས་པར་དུ་ལམ་སྟོན་བྱེད་དགོས། ཁྱེད་ཀྱིས་མཐོང་གསལ་བཞིན། མཐའ་མར་པེཊ་རིཀ་ཡིས་རང་གི་ནང་སྦྱོང་མེའུ་ལ་འབྲི་རུ་བཅུག་པ་ཡིན་བསམས་མོད། འོན་ཀྱང་། ངས་ཀློག་པ་པོ་ལ་གསང་བ་ཞིག་སྒྲོག་གི་ཡིན། ནང་སྦྱོང་ཡོད་དོ་ཅོག་འབྲི་མཁན་ནི་པེཊ་རིཀ་རང་ཉིད་ཡིན་པ་ལས་མེའུ་མ་ཡིན་ནོ། ཚིག་གསར། བློ་ཡུལ། ལྐོག་གྱུར། ཐ་སྙད། ཨམ་གཙིགས། ཁུ་ཚུར། ཁྲ་རོ་ཡི་ལེགས་སྐྱེས། ཉི་ཧོང་གི་ངག་རྒྱུན་གཏམ་རྒྱུད། བོད་སྒྱུར་བ། བཀྲ་ཤིས་རྣམ་རྒྱལ། སྒྲུང་ཀྱི་ནང་དོན་སྙིང་བསྡུས། ཀྲོང་ངེར་ཡོད་པའི་རི་བོ་ཞིག་གི་གདོང་ན་མིང་ལ་ཁྲ་རོ་ཟེར་བའི་ཤིང་མཁན་གཞོན་པ་ཞིག་རང་གི་ཕ་མ་དང་མཉམ་དུ་འཚོ་བ་རོལ་ནས་བསྡད་ཡོད། ཁོས་ཉིན་གང་ནགས་གསེབ་ཏུ་ཤིང་བཅད་ནས་ངལ་རྩོལ་མི་ཉུང་བ་ཞིག་བྱས་ན་ཡང་། སྒོར་མོ་ཕྲན་ཙམ་ལས་གསོག་མ་ཐུབ། ཁོ་ནི་བསམ་ཤེས་ཅན་གྱི་བུ་ཞིག་ཡིན་པས་རང་གི་ཕ་མ་རྒན་གོག་རྣམ་གཉིས་ལ་ཅི་དགོས་འབུལ་འདོད་ཡོད། འོན་ཀྱང་། སྒོར་མོ་འདང་ངེས་ཤིག་བསགས་མ་ཐུབ་པར་བརྟེན་སེམས་པ་སྐྱོ་བས་ཁེངས། […]