དཀོན་མཆོག་སྐྱབས། འཛིན་གྲྭ་ལྔ་པ།ཀེ་ལཱཤ་པུ་ར་སཾ་བྷོ་ཊ་ཉིན་སློབ། དེ་རིང་ཐོག་མར་ང་རང་ཉལ་ཁྲི་ནས་ལངས་ཏེ་སོ་དང་གདོང་པ་བཀྲུས་པ་ཡིན། དེ་ནས་ཕ་མས་ང་ལ་ཕྱུ་པ་གཡོག་རོགས་བྱས་སོང་། དེའི་རྗེས་ངས་ཞོགས་ཟས་བཟས་པ་དང་། དེ་ནས་གོམ་པ་སྤོས་ནས་ཀིརྟིའི་དགོན་པ་ལ་བསླེབས་སོང་། དེ་དུས་ངས་མི་ཧ་ཅང་མང་པོ་མཐོང་སོང་། ཀིརྟི་དགོན་པ་ན་མི་མང་པོ་ས་ལ་བསྡད་ནས་ཁ་ཟས་དང་ཀ་ར་གོ་རེ། ཆུ་མངར་མོ་རིགས་འཐུང་བཞིན་འདུག དེ་དུས་ཞོགས་ཟས་ཡང་འདུག ང་རང་གིས་ཞོགས་ཟས་བཟས་ཚར་བས་ང་རང་སྒོ་ང་གཅིག་བཟས་པ་ཡིན། དེའི་རྗེས་ལ་མི་མང་ནས་ཞབས་བྲོ་འཁྲབ་པ་དང་། རྩེད་མོ་རྩེ་ཀྱི་འདུག ང་རང་གི་གཅེན་མོ་བདེ་ཆེན་དང་། ཀུན་བཟང་འཚོས་ཞབས་བྲོ་འཁྲབ་སོང་། མི་ཚང་མས་དགའ་བསུ་བྱས་པ་དང་། མི་འགའ་ཤས་ཤིག་གིས་ཁ་ཟས་ཟ་ཡི་འདུག ང་རང་ཞོགས་ཟས་བཟས་ཚར་བས་གྲོད་ཁོག་ལྟོགས་ཀྱི་མི་འདུག ཏོག་ཙམ་གྱི་རྗེས་ལ་ང་ཚོར་ཉིན་གུང་གི་ཁ་ལག་ཟ་མ་འདྲ་མིན་སྣ་ཚོགས་འདུག དེའི་རྗེས་ལ་ཕྲུ་གུ་འགའ་ཤས་ཀྱིས་སྡིངས་ཆ་སྟེང་ན་རྩེད་མོ་རྩེ་ཀྱི་འདུག དེ་དུས་ཕྲུ་གུ་ཆུང་ཆུང་ཚོས་སྐོར་ར་བཅུ་བརྒྱབ་ནས་ནག་པང་ཐོག་ལ་བོད་ཅེས་པའི་དག་ཆ་མ་ནོར་བར་འབྲི་ཡི་འདུག ང་ཡང་རྩེད་མོ་རྩེ་བར་མཉམ་ཞུགས་བྱས་ཡིན། ངས་སྐོར་བ་ཉི་ཤུ་བརྒྱབ་ནས་ནག་པང་ཐོག་བོད་ཅེས་པའི་ཡི་གེ་དེ་བྲིས་པ་ཡིན། དེའི་རྗེས་ལ་ཤིང་དུམ་ཞིག་གི་སྟེང་ལ་འཛེར་མ་བརྡབས་པ་དང་། ས་དོ་པོ་བཀྱགས་ཀྱི་འདུག མཉམ་དུ་རྩེད་མོ་ཧ་ཅང་མང་པོ་འདུག ང་རང་རྩེད་མོ་འགའ་ཤས་ཤིག་ལ་མཉམ་ཞུགས་བྱས་ཡིན། དེ་དུས་ཕྱི་དྲོ་ཆགས་ཟིན་པས་ནང་མི་མཉམ་དུ་དགོང་ཟས་བཟས་ཡིན། དགོང་ཟས་ཧ་ཅང་ཞིམ་པོ་འདུག ང་རང་གིས་དགོང་ཟས་བཟས་རྗེས་དགའ་དགའ་སྤྲོ་སྤྲོ་དང་སེམས་པ་སྐྱིད་སྐྱིད་ངང་ནང་ལ་ལོག་ཡིན། དེའི་དགོང་མོ་ང་རང་གི་རྨི་ལམ་ནང་༸སྐུའི་གོ་སྟོན་ཉིན་མོ་ཡི་སྐོར་རྨི་ལམ་བཏང་སོང་། ང་རང་ཧ་ཅང་དགའ་སོང་། ངས་༸གོང་ས་མཆོག་སྐུ་ཚེ་རིང་པོར་གནས་པར་ཤོག།ཅེས་རེ་བ་བརྒྱབ་ཡིན། ང་རང་གིས་དེའི་ཉིན་མོ་དེ་ཡང་བསྐྱར་ཡོང་བར་ཤོག་བསམས་སོང་། ༸སྐུའིགོ་སྟོན་ཉིན་མོ་དེ་ང་རང་གི་སེམས་ལ་དམིགས་སལ་གྱི་དྲན་རྟེན་ཞིག་ཆགས་སོང་། ད་དུང་ང་ཚོའི་གཞིས་གྲོང་དང་གཞིས་ཆགས་ནང་གོ་སྟོན་གྱི་མཛད་སྒོ་མང་པོ་གོ་སྒྲིག་གནང་འདུག ངའི་ཕ་མ་ཚོ་གཞིས་གྲོང་གི་གོ་སྟོན་མཛད་སྒོ་མང་པོ་ལ་ཕེབས་ཀྱི་འདུག གཞིས་གྲོང་གི་མཛད་སྒོ་མང་པོ་ཞིག་ལ་ང་འགྲོ་ཐུབ་མ་སོང་། གང་ཡིན་ཟེར་ན། ང་ཚོ་སློབ་གྲྭ་ལ་འགྲོ་དགོས་ཙང་ཡིན། ངའི་ཕ་མས་རེས་གཟའ་ཉི་མ་དང་གུང་གསེང་སྐབས་འཁྲིད་ཀྱི་ཡོད། ང་རང་ལོ་འདིའི་མཛད་སྒོ་མང་པོ་ཞིག་ལ་ཕྱིན་པ་ཡིན། ཚོར་བ་སྐྱིད་པོ་བྱུང་། མཐའ་དོན། ང་ཚོའི་རྩ་བའི་བླ་མ་༸གོང་ས་༸སྐྱབས་མགོན་བསྟན་འཛིན་རྒྱ་མཚོ་མཆོག་དགུང་ལོ་དགུ་བཅུར་ཕེབས་པའི་༸སྐུའི་གོ་སྟོན་ཉིན་མོར་དགའ་བསུ་ཞུ། ད་ལོ་ནི་༸གོང་ས་མཆོག་གི་དམིགས་བསལ་ལོ་ཞིག་ཡིན་ནོ། བོད་རྒྱལ་ལོ།།

ཟླ་བཟང་བླ་བྲང་ཆང་ག་ཚང་། འཛིན་གྲྭ་བཞི་པ།ཀེ་ལཱཤ་པུ་ར་སཾ་བྷོ་ཊ་ཉིན་སློབ། སྤྱི་བཏང་གོ་སྟོན་ཟེར་ན། མི་གཅིག་དགུང་ལོ་དགུ་བཅུ་ཆགས་པའི་དུས་ཆེན་ལ་ཟེར། ད་ལོ་༸གོང་ས་༸སྐྱབས་མགོན་ཆེན་པོ་མཆོག་དགུང་ལོ་དགུང་བཅུ་ལ་ཕེབས་པ་རེད། ཁོང་དགུང་ལོ་དགུང་བཅུ་ལ་ཕེབས་པ་སོང་ཙང་། ང་ཚོ་བོད་མི་ཚོས་ལོ་འདི་གོ་སྟོན་སྲུང་བརྩི་བྱེད་ཀྱི་ཡོད། ༸གོང་ས་མཆོག་གི་ལག་རྟགས་དགའ་ཤོས་ནི། སེམས་པ་བཟང་པོ་བྱེད་རྒྱུ་དེ་ཡིན་པའི་སྐོར་གསུང་གནང་གི་ཡོད། དེ་རིང་ཟླ་བ་ ༡༠ ཚེས་ ༥ རེད། ང་ཚོའི་སློབ་གྲྭའི་དགེ་ལགས་གཉིས་ཀྱིས་༸རྒྱལ་བའི་ཐུགས་བསྐྱེད་དམ་བཅའ་བཞིའི་ཐོག་འགྲེལ་བརྗོད་གནང་སོང་། དེ་ཡང་། ཐུགས་བསྐྱེད་དམ་བཅའ་དང་པོ་ནི། འགྲོ་བ་མིའི་བཟང་སྤྱོད་གོང་འཕེལ་གཏོང་རྒྱུ། གཉིས་པ། ཆོས་ལུགས་ཕན་ཚུན་བར་མཐུན་འབྲེལ་གོང་མཐོར་གཏོང་རྒྱུ། གསུམ་པ། བོད་ཀྱི་ཆོས་དང་རིག་གཞུང་སྲུང་སྐྱོབ་བྱེད་རྒྱུ། མཐའ་མ་དེ། རྒྱ་གར་གནའ་བོའི་རིག་གཞུང་ཉམས་པ་སླར་གསོ། བཅས་ཡིན་པ་ངོ་སྤྲོད་གནང་བྱུང་། དགེ་ལགས་ཀྱིས་ཐོག་མར་གོང་ས་མཆོག་བཀའ་དྲིན་ཆེན་པོ་ཡིན་པའི་རྒྱུ་མཚན་མང་པོ་ཞིག་གསུངས་གནང་སོང་། དེ་རྗེས་ལ་༸གོང་ས་མཆོག་གི་ཐུགས་བསྐྱེད་དམ་བཅའ་དང་པོ་འགྲེལ་བཤད་གནང་རྒྱུ་འགོ་བཙུགས་སོང་། དེ་ནི། གོང་དུ་བྲིས་པ་ནང་བཞིན། འགྲོ་བ་མིའི་བཟང་སྤྱོད་གོང་འཕེལ་གཏོང་རྒྱུ་དེ་ཡིན། དགེ་ལགས་ཀྱིས་ང་ཚོ་ལ་བཟང་སྤྱོད་ཟེར་ན་གང་འདྲ་ཞིག་ལ་ཟེར། ཞེས་ནས་དྲི་བ་དྲིས་སོང་། ངའི་གྲོགས་པོ་སྟོབས་ལྡན་ལགས་ཀྱིས་ལན་བརྒྱབ་སོང་། དགེ་ལགས་ཀྱིས་ཁོ་ལ་བསྟོད་བསྔགས་གནང་སོང་། དེ་རྗེས་ཁོང་གིས་དོན་ཚན་གསུམ་གྱི་ཐོག་འགྲེལ་བཤད་བརྒྱབ་སོང་། བཟང་སྤྱོད་ཀྱི་ངོས་འཛིན་དང་བཟང་སྤྱོད་སྦྱོང་བརྡར། བཟང་སྤྱོད་བྱས་ན་ཕན་ཐོགས་གང་ཡོད་གསུམ་གྱི་སྐོར་ལ་གསུངས་གནང་སོང་། བཟང་སྤྱོད་ལ་དབྱེ་བ་གསུམ་གྱི་སྒོ་ནས་གསུངས་སོང་། དང་པོ་ལུས་ཀྱི་བཟང་སྤྱོད། དཔེར་ན། མི་གཞན་ལ་རྣམ་འགྱུར་ཡག་པོ་བསྟན་ན། མི་གཞན་དེ་དགའ་པོ་བྱུང་གི་ཡོད་པ། ངག་གི་བཟང་སྤྱོད་ལ། མི་གཞན་ལ་ཚིག་རྩུབ་རིགས་སྤངས་ནས། གུས་ཞབས་དང་ལྡན་པའི་སྒོ་ནས་སྐད་ཆ་བཤད་ན། མི་གཞན་དེ་སེམས་ལ་དཀའ་ངལ་མ་བཟོས་པས། ཡིད་ཀྱི་བཟང་སྤྱོད་ཡིན་པ་གསུངས་བྱུང་། ཡིད་ཀྱི་བཟང་སྤྱོད། ང་ཚོས་གཞན་ལ་སེམས་པ་བཟང་པོ་བྱས་ན། སོ་སོ་དང་མི་གཞན་གཉིས་ཀར་ཕན་ཐོགས་ཆེན་པོ་ཡོད། ང་ཚོ་རང་གི་སེམས་ལ་བཟང་སྤྱོད་གང་འདྲ་སྦྱོང་བརྡར་བྱེད་དགོས་པ་གསུངས་བྱུང་། གལ་སྲིད། མི་གཞན་གྱི་རང་ལ་བཀའ་མོལ་རྩུབ་པོ་དང་གནོད་པ་སྐྱེལ་སྐབས། དེ་ལ་ཁོང་ཁྲོ་མ་ལངས་ནས་སྙིང་རྗེ་སྐྱེས་ཐུབ་ན། ང་ཚོ་ནམ་ཡང་སེམས་ལ་དཀའ་ངལ་མེད་པའི་སྒོ་ནས་ཡ་རབས་བཟང་སྤྱོད་བྱེད་ཐུབ་ཀྱི་རེད་གསུངས་བྱུང་། […]