བསྟན་འཛིན་ཟླ་གསལ། འཛིན་གྲྭ་བརྒྱད་པ། གུ་རུ་པུ་ར་སཾ་བྷོ་ཊ་ཉིན་སློབ། ༈ སའི་གོ་ལ་འདིའི་ནང་ཡོད་པའི་སེམས་ཅན་ཐམས་ཅད་མ་བྱེད་མ་མྱོང་བ་མེད་ལ་སེམས་ཅན་ཐམས་ཅད་མ་ལས་སྐྱེས་པ་ཤ་སྟག་རེད། སེམས་ཅན་གང་འདྲ་ཞིག་ཡིན་ནའང་ཨ་མ་ཡི་བྱམས་བརྩེའི་འོག་ནས་འཚར་ལོངས་བྱུང་བ་ཤ་སྟག་རེད། ཕ་མ་མེད་པའི་ཕྲུ་གུ་ཞིག་མེད་དུས་ཕ་མ་ནི་ཕྲུ་གུ་གི་མི་ཚེའི་ནང་མི་སྣ་གལ་ཆེ་ཤོས་ཞིག་ཆགས་ཀྱི་ཡོད། དེ་ཡང་འགྲོ་བ་རིགས་དྲུག་སེམས་ཅན་ཐམས་ཅད་ལ་ཨ་མ་ཡོད་པ་ནང་བཞིན་ང་རང་ཡིན་ན་ཡང་སྔོན་མའི་འབྲས་བུ་བཟང་པོ་ཞིག་ལ་བརྟེན་ནས་ཨ་མ་བདེ་ཆེན་ཆོས་སྒྲོན་དང་པ་ལགས་པདྨ་རྒྱ་མཚོ་གཉིས་ཀྱི་ཕྲུ་གུར་སྐྱེས་བའི་་གོ་སྐབས་བཟང་པོ་ཞིག་ཐོབ་བྱུང། ཨ་མ་ཁྱེད་ཀྱིས་ང་ལ་ཆུང་བྱིས་པའི་དུས་ནས་བྱམས་བརྩེའི་འོག་གོས་འཇམ་པ་ང་ལ་གཡོགས། ཟས་ཞིམ་པ་ང་ལ་སྤྲད། ཉལ་ས་རློན་སར་ཨ་མས་ཉལ་ནས་སྐམ་སར་ང་མཉལ་ནས་བྱམས་སྐྱོང་གནང་བྱུང་། གུས་མོ་ན་བའི་ཚེ་ཨ་མ་ཁྱེད་རང་ལ་ཟས་པའི་བཅུད་དང་ཉལ་པའི་གཉིད་མེད་པར་གུས་མོར་ལྟ་སྐྱོང་གནང་གི་ཡོད། བུ་མོ་ང་རང་ལ་དཀའ་ངལ་གང་འདྲ་ཞིག་འཕྲད་ཀྱང་ཨ་མ་ཁྱེད་རང་གིས་སྤོས་ཐབས་བྱེད་ཀྱི་ཡོད། ཞོགས་པ་སྔ་པོ་ལངས་ནས། ཨ་མས་ང་རང་ང་ལ་ཁ་ལགས་སྤྲད་པ་དང་པཱ་ལགས་ཀྱིས་ང་ལ་སློབ་གྲྭར་བསྐྱལ་གནང་བ་དང་། དགོང་མོ་སློབ་གྲྭ་གྲོལ་རྗེས་པཱ་ལགས་ང་སློབ་གྲྭ་ནས་ནང་ལ་ལེན་པར་ཕེབས་གནང་གྱི་ཡོད། ཨ་མས་ཉིན་གཅིག་ཀྱང་མ་ཆད་པར་ང་ལ་བྱམས་སྐྱོང་དང་བསླབ་བྱ་བསྐྱོན་གནང་གྱི་ཡོད། ངའི་མི་ཚེའི་ནང་གི་དགེ་རྒན་དང་པོ་དེ་ང་རང་གི་་ཨ་མ་ལགས་ཡིན། ང་རང་པཱ་ལགས་ནི་ངའི་ཆེད་དུ་དཔེ་བཀའ་དྲིན་ཆེན་པོ་ཡིན། ང་ལ་ཟས་དང་པོ་གཏད་མཁན་ཨ་མ་ཡིན་པ་ནང་བཞིན་གོས་དང་པོ་གཡོགས་མཁན་པཱ་ལགས་རེད། པཱ་ལགས་ཀྱིས་ང་ལ་དཔེ་བྱམས་སྐྱོང་གནང་གྱི་རེད། ངའི་པཱ་ལགས་ཀྱིས་ང་ལ་ཟ་སྟངས་དང་། འཐུང་སྟངས། འགྲོ་སྟངས་ཐོག་མ་བསླབས་གནང་བྱུང། ང་རང་ཆུང་དུས་སྐབས་པཱ་ལགས་ཀྱིས་དཔུང་པ་སྒང་ལ་འཁྱེར་ནས་སྐྱིད་པོ་ཡོང་བའི་ཆེད་དུའཁྱམ་འཁྱམ་ལ་འཁྲིད་པ་དྲན་གསོས་ཀྱི་འདུག ངའི་པཱ་ལགས་ཀྱིས་ང་ལ་ཁ་ལག་ཞིམ་པོ་དང་གྱོན་ཆས་གསར་པ་ཡག་པོ་ང་རང་གི་འདོད་པ་དང་མཐུན་པར་སྤྲད་ཀྱི་ཡོད། ཨ་མས་ཀྱང་ང་རང་ལ་སྐད་ཆ་བཤད་སྟངས་དང་ཟ་སྟངས་སྡོད་སྟངས་སོགས་བསླབ་གནང་བྱུང། དེར་བརྟེན་ཕ་མ་གཉིས་ནི་ཕྲན་ཀྱི་མི་ཚེ་ཡི་ལྷ་དང་ལྷ་མོ་མངོན་སུམ་ཡིན་ལ་བཀའ་དྲིན་འཇལ་དགོས་པའི་མི་སྣ་དང་པོ་ངེ་ཡིན། དྲིན་ཆེན་གྱི་ཨ་མ་ལགས། ཁྱེད་ནི་ངའི་སྙིང་གི་ནོར་བུ་ཡིན། དྲིན་ཆེན་གྱི་པཱ་ལགས། ཁྱེད་ནི་ངའི་མིག་གི་འབྲས་བུ་ལྟ་བུ་་ཡིན། ངས་དུས་རྟག་ཏུ་ཁྱེད་གཉིས་སྐུ་ཚེ་རིང་པོ་བརྟན་ཞིང་ལུས་སེམས་བདེ་པོ་ཡོངས་བའི་སྨོན་ལམ་ཡང་ཡང་འདེབས་བཞིན་ཡོད། འཇིག་རྟེན་འདིར་ཕ་མ་མེད་པའི་ཕྲུ་གུ་ཧ་ཅང་མང་པོ་ཡོད། ཁ་ཤས་ཕ་མ་ཆུང་དུས་ནས་འདས་གྲོངས་ཕྱིན་ནས་ཟས་གོས་སོགས་ཀྱི་མཐུན་རྐྱེན་གྱིས་དཀའ་ངལ་མང་པོ་ཕྲད་ཀྱི་ཡོད། ཕ་མ་ཡོད་ཀྱང་ཕ་མའི་བྱམས་བརྩེ་མ་ཐོབ་པའི་ཕྲུ་གུ་མང་པོ་ཡོད། ང་ཚོ་ཕ་མ་ཡོད་པའི་ཕྲུ་གུ་ཚོ་ཕ་མ་ཡོད་པ་ཟད་ཕ་མའི་བྱམས་བརྩེ་ཐོབ་ཡོད། དེ་ནི་དགའ་འོས་པ་དང་བསོད་ནམས་ཅན་རེད་བསམ་གྱི་འདུག། བྱིས་པ་མང་པོ་ཞིག་ཕ་མ་མེད་པའི་རྐྱེན་གྱིས་ཆུང་དུས་ནས་གྲོངས་འགྲོ་ཡི་ཡོད། མང་པོ་ཞིག་ཟས་གོས་གནས་མལ་མེད་པར་འཚོ་སྡོད་བྱེད་ཀྱི་ཡོད། དེར་བརྟེན་ཕ་མ་ནི་ཕྲུ་གུ་ཚོར་ཧ་ཅང་གལ་ཆེན་པོ་རེད། ང་ཚོས་ཕ་མའི་བཀའ་ལ་ཉན་ནས་གུས་ཞབས་བྱེད་དགོས། ང་རང་ལོ་ལྟར་ཕ་མའི་ཉིན་མོ་སྲུས་བརྩི་ཞུ་གི་ཡོད། སྙན་གྲགས་ཅན་གྱི་མི་སྣ་གྲགས་ཆེན་རྣམས་ཕ་མས་བྱམས་བརྩེས་བསྐྱངས་ནས་ཤེས་ཡོན་ཅན་ཞིག་ཏུ་གྱུར་ཡོད།