ང་དགེ་རྒན་ཞིག་ཡིན།

པ་སངས།   ཁྱེད་རང་ཕྱག་ལས་ག་རེ་གནང་གི་ཡོད་དམ།
བུ་འཁྲིད།   ང་དགེ་རྒན་ཞིག་ཡིན།
པ་སངས།   ཁྱེད་རང་གིས་སློབ་ཚན་ག་རེ་སློབ་གནང་གི་ཡོད།
བུ་འཁྲིད།   ངས་བོད་ཡིག་སློབ་ཁྲིད་བྱེད་ཀྱི་ཡོད།
པ་སངས།   ཁྱེད་རང་སློབ་གྲྭ་གང་དུ་ཕྱག་ལས་གནང་གི་ཡོད་དམ།
བུ་འཁྲིད།   ང་མེས་དབོན་གཙུག་ལག་དཔེ་སྟོན་སློབ་གྲྭར་ལས་ཀ་བྱེད་ཀྱི་ཡོད།
པ་སངས།   ཁྱེད་རང་དགེ་རྒན་གྱི་ཕྱག་ལས་གནང་ནས་དུས་ཡུན་ག་ཚོད་ཕྱིན་སོང་ངམ།
བུ་འཁྲིད།   ང་བོད་དགེ་བྱས་ནས་ད་བར་ལོ་བཅུ་ཙམ་ཕྱིན་སོང་།
པ་སངས།   ཁྱེད་ལ་སློབ་ཁྲིད་ཀྱི་ཉམས་མྱོང་ཕུན་སུམ་ཚོགས་པོ་འདུག ཁྱེད་རང་གིས་མུ་མཐུད་ནས་དགེ་རྒན་གྱི་ཕྱག་ལས་གནང་རྩིས་ཡོད་དམ།
བུ་འཁྲིད།   ལོས་ཡོད། ངའི་ཐོག་མའི་དམིགས་ཡུལ་དགེ་རྒན་ཡིན་ལ། ང་མ་ཤི་བར་དུ་དགེ་རྒན་བྱེད་རྩིས་ཡོད།
པ་སངས།   བྱས་ན། ཧ་ཅང་ཡག་པོ་རེད། ཁྱེད་རང་ལ་ཡི་རང་དང་བསྔགས་བརྗོད་ཡོད། རྒན་ལགས་ཁྱེད་རང་མཇལ་བ་དགའ་པོ་བྱུང་།