བསྟན་འཛིན་སྐལ་བཟང་། འཛིན་གྲྭ་ལྔ་པ།
ཀ་སྦུག་སཾ་བྷོ་ཊ་གཏན་སློབ།
༡། འཁྲུངས་སྐར་དུས་ཆེན།
ཕྱི་ལོ་ ༢༠༢༥ ཟླ་བ་ ༧ ཚེས་ ༦ གནམ་གཤིས་འཐིབ་པ་དང་ཆར་པ་སིབ་སིབ་བབས་པ། དེ་རིང་ཞོགས་པ་ཡར་ལངས་ནས་སྒྲིག་ཆས་གྱོན་སྐབས་ངའི་སེམས་ནང་ལ་དེ་རིང་༸གོང་ས་མཆོག་གི་འཁྲུངས་སྐར་ཡིན་པ་དྲན་གསོས་ནས་ངས་པ་ལགས་ལ། སྐྱིད་པ་ལགས་དེ་རིང་༸གོང་ས་མཆོག་གི་འཁྲུངས་སྐར་རེད་ལབ་པ་ཡིན། འོན་ཀྱང་སྒེའུ་ཁུང་ནས་ལྟ་དུས་གནམ་གཤིས་འཐིབ་པ་མ་ཟད་ཆར་པ་ཡང་སིམ་སིམ་འབབ་བཞིན་ཡོད་པ་མཐོང་དུས་ཏོག་ཙམ་སེམས་པ་སྐྱོ་སོང། ཆུ་ཚོད་ ༩ པའི་ཐོག་སློབ་གྲྭའི་དགེ་ལས་སློབ་ཕྲུག་དང་ཀ་ལིམ་པོང་གི་མི་དམངས་རྣམས་སློབ་གྲྭའི་ཐང་དུ་འཛོམས་ནས་བསང་གསོལ་དང་སྨོན་ལམ་ཚོགས་སོང། ཐོག་མར་༸གོང་ས་མཆོག་གི་སྐུ་པར་ལ་མཆོད་མེ་དང་མཇལ་དར་ཕུལ། དེ་རྗེས་སློབ་གྲྭའི་སློབ་སྤྱི་མཆོག་དང་ས་གནས་འགོ་འཛིན་མཆོག་ནས་བཀའ་སློབ་གནང་། ཁོང་གཉིས་ཀྱི་བཀའ་སློབ་ཤིན་ཏུ་རིང་པོ་ཡོད་ཙང་ང་རང་ཉོབ་སོང། དེ་སྐབས་གསོལ་ཇ་དང་འབྲས་སིལ་ཡང་གནང་སོང་བས་སློབ་ཕྲུག་དང་མི་དམངས་རྣམས་དེ་ལ་མགོ་འཐོམ་ནས་བཀའ་སློབ་ཉན་མཁན་ཉུང་ཉུང་འདུག དེ་རྗེས་སློབ་ཕྲུག་དང་མི་དམངས་ཀྱི་གཞས་སྣ་འཁྲབ་སྟོན་འགོ་བཙུགས་སོང། དེ་སྐབས་སློབ་གྲྭའི་རྒན་ལགས་རྣམས་ནས་རྩེད་མོ་དང་རྔན་པའི་ཚོང་ཁང་སྣ་ཚོགས་གྲ་སྒྲིག་གནང་ཡོད་སར་ང་དང་ངའི་གྲོགས་མོ་ཕྱིན་ནས་རྩེད་མོ་བརྩེས་པ་དང་རྔན་པ་ཡང་བཟས་ཡིན། དེ་རིང་ནི་འཁྲུངས་སྐར་དུས་ཆེན་ཡིན་ཙང་ཉིན་མོའི་ཞལ་ལག་ཀྱང་དམིགས་བསལ་ཡིན་པ་མ་ཟད་སྣ་ཁ་ཡང་འཛོམས་པོ་འདུག མཛད་སྒོའི་མཐའ་མ་ལ་སྒོར་གཞས་འཁྲབ་རྒྱུའི་གསལ་བསྒྲགས་གནང་བ་དང་སློབ་ཕྲུག་ཚང་མ་དགའ་པོའི་ངང་ཐང་ལ་འཛོམས་སོང། ང་ཚོས་ཆུ་ཚོད་གཅིག་ལྷག་ཙམ་སྒོར་གཞས་འཁྲབས་ནས་སྐྱིད་པོ་ཞེ་དྲགས་བྱུང་། ཉིན་མོ་དེ་ནི་སྐྱིད་པོ་བྱུང་སོང། འོན་ཀྱང་གནམ་གཤིས་ཡག་པོ་མེད་ཙང་ང་ཚོ་ཏོག་ཙམ་མ་སྐྱིད་པ་ཡང་བྱུང་སོང། མཐའ་མ་ལ་ངས་༸གོང་ས་མཆོག་སྐུ་ཚེ་བརྟན་པའི་སྨོན་ལམ་བརྒྱབ་པ་ཡིན།
༢། བོད་ལྗོངས་ང་ཚོའི་ཕ་ཡུལ་ཉིན་མོ།
ཕྱི་ལོ་ ༢༠༢༥ ཟླ་ ༡༠ ཚེས་ ༠༤ ཉིན་གནམ་གཤིས་སིལ་པོ། འདི་ལོ་བོད་ལྗོངས་ང་ཚོའི་ཕ་ཡུལ་གྱི་ཉིན་མོ་ནི་གཙོ་བོ་གོ་སྟོན་གྱི་ལོ་ཡིན་ཙང་དེ་ནང་༸གོང་ས་མཆོག་དང་འབྲེལ་བའི་འགྲེམས་སྟོན་མང་པོ་སྤེལ་སོང། དེ་ནང་༸གོང་ས་མཆོག་གི་ལོ་རྒྱུས་ཀྱི་པར་དང། ༸གོང་ས་མཆོག་ལ་ཐོབ་པའི་གཟེངས་རྟགས་ཁག ༸རྒྱལ་བའི་ཐུགས་བསྐྱེད་དམ་བཅའ་བཞི་སོགས་ཡོད། དེ་དང་མཉམ་དུ་བོད་པའི་སྐད་ཡིག་དང་རིག་གཞུང་གི་བྱེད་སྒོ་ཡང་མང་པོ་གནང་སོང། དེ་ནང་ནས་དགའ་ཤོས་ནི་གྱང་སྦྱར་ཞིག་གི་ནང་དུ་ལ་དོན་དང། ཨི་ལྡན། ལྷག་བཅས། རྒྱན་སྡུད་བཅས་ཀྱི་ཕྲད་སྦྱོར་ཚུལ་གྱི་བྱེད་སྒོ་ཞིག་འདུག གལ་ཏེ་དེ་ལ་ལན་འགྲིག་པ་ཡིན་ན་རྔན་པ་རག་གི་འདུག བྱེད་སྒོ་དེ་ནང་དགེ་རྒན་དང་སློབ་ཕྲུག་མང་པོ་ཞིག་ཚང་ཁ་ཤིག་ཤིག་ངང་ཆ་ཤས་ལེན་གྱི་འདུག ངས་ཀྱང་དེ་ནས་ལན་ཁ་ཤས་འགྲིགས་ཙང་རྔན་པ་བྱི་རིལ་གསུམ་རག་ནས་དགའ་པོ་ཞེ་དྲག་བྱུང་སོང། གལ་སྲིད་ང་ཚོའི་འཛིན་གྲྭ་ལ་ཡང་བྱེད་སྒོ་དེ་འདྲ་གནང་ན་ཕན་ཐོགས་ཆེན་པོ་ཡོང་གེ་རེད་བསམས་བྱུང།
༣། ༸གོང་ས་མཆོག་ལ་ཞབས་རིམ།
ང་ཚོའི་སློབ་གྲྭའི་དགེ་རྒན་དང་བོད་པའི་སློབ་ཕྲུག་རྣམས་ནས་ཕྱི་ཟླ་ ༧ ནས་ ༩ བར་ཟླ་བ་གསུམ་གྱི་རིང་རེས་གཟའ་ལྷག་པ་ལ་སློབ་གྲྭ་གྲོལ་ཚར་བའི་རྗེས་༸གོང་ས་མཆོག་སྐུ་ཚེ་རིང་པོ་ཡོང་བའི་ཆེད་དུ་ཞལ་འདོན་བཏོན་པ་རེད། དེ་སྐབས་ང་ཚོས་ཞལ་འདོན་ཧུར་ཐག་བཏོན་ཡིན། འོན་ཀྱང་དབྱར་ཁ་ཚ་བ་ཏོག་ཙམ་ཡོད་ཙང་ང་དང་ངའི་རོགས་པ་ཁ་ཤས་མཚམས་མཚམས་གཉིད་ཤོར་བྱུང། ཞལ་འདོན་ཚར་གྲབས་ཡོད་དུས་སློབ་མ་ཚོ་དགའ་ཐག་ཆོད་ཀྱི་རེད། གང་ཡིན་ཟེར་ན་དེ་རྗེས་ང་ཚོ་ལ་གསོལ་ཇ་མཉམ་དུ་ཟས་རིགས་འདྲ་མིན་རག་གི་ཡོད།
མཐར་༸གོང་ས་མཆོག་སྐུ་ཚེ་བརྟན་པ་དང། ང་ཚོ་སློབ་ཕྲུག་རྣམས་ནས་ཁོང་གིས་གསུངས་པའི་བཀའ་སློབ་རྣམས་སེམས་ལ་བཞག་ནས་མ་འོངས་པ་མི་ཡག་པོ་ཞིག་ཆགས་ཐུབ་པའི་སྨོན་ལམ་ཞུ།
ད་བར་དཔྱད་མཆན་མེད།