བསྟན་འཛིན་བཟོད་པ།
འཛིན་གྲྭ་དྲུག་པ། མེས་དབོན་གཙུག་ལག་དཔེ་སྟོན་སློབ་གྲྭ།
སའི་གོ་ལ་ཞེས་པ་ནི་ཧ་ཅང་རྒྱ་ཆེ་ཞིང་མི་དང་འགྲོ་བ་སེམས་ཅན་འདྲ་མིན་གནས་སའི་ཞིང་ཁམས་ཆེན་པོ་ཞིག་ཡིན། སའི་གོ་ལར་མིང་མང་པོ་ཡོད་པ་རྣམས་ནི་འཛམ་གླིང་དང་འཛམ་བུ་གླིང་། ས་གཞི། སའི་གོ་ལ། གོ་ལ་སོགས་ཟེར། དེ་ནི་ཉི་མའི་ཁྱིམ་རྒྱུད་ནང་ནས་གཟའ་ཆེ་ཤོས་ལྔ་པ་དང་མཛེས་ཤོས་གྲས་ཤིག་རེད། སའི་གོ་ལའི་དབྱིབས་ནི་ཟླུམ་པོ་དང་། ཆུ་བརྒྱ་ཆ་བདུན་ཅུ་དོན་གཅིག ས་བརྒྱ་ཆ་ཉི་ཤུ་རྩ་བདུན། མཁའ་རླུང་བརྒྱ་ཆ་གཉིས་བཅས་ཡོད། དེ་ནི་ཉི་མའི་ཁྱིམ་རྒྱུད་ནང་ནས་ཉི་མ་དང་ཐག་ཉེ་ཤོས་གསུམ་པ་དེ་རེད།
འཛམ་གླིང་ནི་གསེར་དང་དངུལ། ཟངས། ལྕགས། རྡོ་རྗེ་ཕ་ལམ། གཡུ། བྱུ་རུ་སོགས་རིན་ཐང་ཆེ་བའི་གཏེར་དངོས་མང་པོས་བཏུམས་ཡོད། དེ་འདྲ་སོང་ཙང་མི་མང་པོས་འཛམ་གླིང་ནས་གཏེར་ཁ་བསྔོགས་ནས་ཕྱུགས་པོ་ཆགས་ཀྱི་ཡོད། འོན་ཀྱང་དེ་ནི་ང་ཚོའི་འཛམ་གླིང་ལ་གནོད་སྐྱོན་ཡང་ཆེ་ཤོས་ཆགས་ཀྱི་ཡོད། གོ་ལའི་ཁ་དོག་མང་ཆེ་བ་སྔོན་པོ་ཡིན། རྒྱུ་མཚན་ནི་བརྒྱ་ཆ་མང་ཤོས་ཆུ་ཡིན་པ་དང་། དེ་བཞིན་བརྒྱ་ཆ་མང་ཤོས་གཉིས་པ་ས་ཡིན་པས་ཁ་དོག་རྒྱ་སྨུག་རེད། འཛམ་གླིང་ནང་ལུང་པ་མང་པོ་ཡོད་པ་ནས་གཏེར་ཁ་མང་ཤོས་ང་ཚོའི་ཕ་ཡུལ་བོད་ནས་རག་གི་ཡོད་ཙང་། རྒྱ་མིས་བོད་ལ་ཕྱི་ལོ་ ༡༩༥༩ ལོར་བཙན་འཛུལ་བྱས་པ་རེད། མི་འཚོ་གནས་བྱ་ཡུལ་གྱི་རྒྱལ་ཁབ་ཆེ་ཤོས་ནི་ཨུ་རུ་སུ་(Russia)དང་། མི་གནས་སའི་ས་ཆ་མཐོ་ཤོས་ནི་བོད་ཡིན། ད་དུང་འཛམ་གླིང་ནང་རྒྱལ་ཁབ་དང་རྒྱལ་ཁབ་བར་དམག་འཛིང་མང་པོ་རྒྱག་གི་ཡོད་པ་ནི། ཧ་ཅང་སེམས་པ་སྐྱོ་བའི་གནས་ཚུལ་ཞིག་རེད། གལ་སྲིད་ང་ཚོས་རང་གི་་ཁོར་ཡུག་གཙང་མ་མ་ཉར་ན། ང་ཚོ་ཚང་མའི་འཛམ་གླིང་མེད་པ་ཆགས་ངེས། དེ་འདྲ་སོང་ཙང་ཁོར་ཡུག་གཙང་མ་བཟོ་རྒྱུ་དེ་གལ་ཆེན་པོ་ཡིན། ད་ལྟའི་འཛམ་གླིང་འདི་མེད་ན་ང་ཚོ་མི་དང་། འགྲོ་བ་སེམས་ཅན་ཚང་མ་གནས་སྲིད་ཀྱི་མ་རེད། བྱས་ཙང་འཛམ་གླིང་འདི་ང་ཚོའི་ཕ་མ་ནང་བཞིན་རེད།
ཉི་མའི་ཁྱིམ་རྒྱུད་ནང་ནས།།
གཟའ་སྐར་ཆེ་ཤོས་ལྔ་པ།།
ཆུ་དང་རྩི་ཤིང་མང་བའི།།
མཛེས་པའི་འཛམ་གླིང་འདི་ཡིན།།
གལ་ཏེ་འཛམ་གླིང་མེད་ན།།
ཆུ་དང་མཁའ་རླུང་མེད་པས།།
ང་ཚོ་སྡོད་དགོས་བསམས་ཀྱང་།།
རེ་བ་སྟོང་པ་ཡིན་ནོ།།
ད་བར་དཔྱད་མཆན་མེད།