ཚེ་རིང་སྒྲོལ་མ།
འཛིན་གྲྭ་ལྔ་པ། ཀ་སྦུག་སཾ་བྷོ་ཊ་གཏན་སློབ།
ངའི་བཀའ་དྲིན་ཆེ་བའི་ཕ་མ་གཉིས་ནི་རྟ་དབང་ཞེས་པའི་ཡུལ་དེ་ལ་ཡོད། ངའི་པ་ལགས་ཀྱི་མིང་ལ་བཀྲ་ཤིས་ཕུན་ཚོགས་དང། ཨ་མ་ལགས་ཀྱི་མིང་ལ་རྟ་མགྲིན་སྒྲོལ་མ་ཟེར། ངའི་ཕ་མ་གཉིས་ཀྱིས་ང་ལ་བྱམས་པོ་བྱེད་ཀྱི་ཡོད། ཁོང་གཉིས་ལ་ཕྲུ་གུ་དྲུག་ཡོད། དེའི་ནང་ནས་ཕྲུ་གུ་ཆུང་ཤོས་དེ་ང་ཡིན། ང་ཕྲུ་གུ་ཆུང་ཤོས་དེ་ཡིན་ན་ཡང་ཕ་མ་གཉིས་ཀྱིས་ཕྲུ་གུ་ཚང་མ་ལ་བྱམས་སྐྱོང་གཅིག་པ་གནང་གི་རེད། ང་མཚན་མོ་གཉིད་ཉལ་མ་ཐུབ་པའི་སྐབས་སུ་ཨ་མས་ང་ལ་སྒྲུང་བཤད་ཀྱི་རེད། ང་ཉལ་ཚར་ནས་ཨ་མས་ང་ལ་འོ་མ་སྤྲད་ནས་འགྲོ་ཡི་རེད། ངའི་ཨ་མས་ང་ལ་རྩེད་ཆས་མང་པོ་ཉོས་ནས་སྤྲོད་ཀྱི་རེད། ང་ཚོ་ནང་མི་འཁྱམ་འཁྱམ་འགྲོ་དུས་པ་ལགས་ཀྱིས་ང་སྒལ་པ་ལ་ཁྱེར་ནས་འགྲོ་ཡི་རེད། ང་རྩེད་མོ་རྩེ་རུ་འགྲོ་དུས་ང་ལ་ཨ་མ་ལགས་ཀྱིས་གཟབ་གཟབ་བྱེད་ལབ་ཀྱི་རེད། ངས་ལགས་སོ་ཨ་མ་ལགས་ཞེས་ལན་རྒྱག་གི་ཡོད། དེ་རྗེས་ང་དང་ངའི་གྲོགས་མོ་མཉམ་དུ་སྤོ་ལོ་དང། བྱ་སྒྲོ། ཡིབ་རེས་གབ་རེས་སོགས་རྩེད་མོ་འདྲ་མིན་རྩེ་ཡི་ཡོད། རྩེད་མོ་རྩེ་ཚར་བའི་རྗེས་པ་ལགས་ང་ལེན་དུ་སླེབ་ཀྱི་རེད། ང་ནང་ལ་སླེབས་ནས་རྐང་ལག་བཀྲུས་རྗེས་ངའི་ཨ་མས་ང་ལ་ཇ་དང་བག་ལེབ་སྤྲོད་ཀྱི་རེད། དེ་རྗེས་ང་ཡི་གེ་སྦྱོང་གི་ཡོད། ང་ཆུ་ཚོད་གཅིག་ཡི་གེ་སྦྱངས་ནས་ང་ལ་པ་ལགས་ཀྱིས་བརྙན་འཕྲིན་སྟོན་གྱི་རེད། བརྙན་འཕྲིན་བལྟས་ནས་ང་ཉལ་གྱི་ཡོད།
ངའི་པ་ལགས་དང་ཨ་མ་ལགས་གཉིས་ཞོགས་པ་སྔ་པོ་ལངས་ནས་ཞིང་ཁ་ལ་ཞིང་ལས་བྱེད་དུ་འགྲོ་ཡི་ཡོད། ཞོགས་པ་ཐོ་རེངས་ཆུ་ཚོད་གསུམ་པ་ནས་ཉིན་གུང་ཆུ་ཚོད་གསུམ་པ་བར་ལས་ཀ་བྱེད་ཀྱི་ཡོད། གུང་གསེང་སྐབས་སུ་ངའི་ཕ་མས་ངའི་གྱོན་ཆས་འཁྲུད་པ་དང། གཟུགས་པོ་ཡང་འཁྲུད་ཀྱི་ཡོད། ནང་གི་ལས་ཀ་ཚང་མ་བྱེད་ཀྱི་ཡོད། ངའི་ཨ་མ་དང་པ་ལགས་གཉིས་ཁྲོམ་ལ་འགྲོ་དུས་ང་ལ་རྔན་པ་མང་པོ་ཁྱེར་ནས་སོ་སོ་རང་ཉིད་ལ་གང་ཡང་འཁྱེར་ཡོང་གི་མེད། དེ་སྐབས་ང་རང་སེམས་པ་སྐྱོ་ཡི་འདུག ང་ལ་དངུལ་ཡོད་དུས་ཕ་མ་གཉིས་ཀྱི་ཆེད་དུ་ཅ་ལག་ཆུང་ཆུང་ཕན་ཐོགས་ཉོས་ནས་སྤྲོད་ཀྱི་ཡོད། དཔེར་ན་ཕ་མ་གཉིས་ལ་གསོལ་ཇ་མཆོད་ས་ཕོར་བ་ཉོས་ནས་སྤྲོད་ཀྱི་ཡོད།
ང་ལ་ཁྱི་ཞིག་ཡོད། ཁྱི་དེ་ཡང་ངས་དགོས་ལབ་པ་ཡིན། ངའི་པ་ལགས་དང་ཨ་མ་ལགས་ཞིང་ཁ་ལ་ལས་ཀ་བྱེད་དུ་འགྲོ་དུས་ངས་ཀྱང་ཁོང་གཉིས་ལ་རོགས་པ་བྱེད་དུ་འགྲོ་ཡི་ཡོད། མཚན་མོ་ཨ་མ་ལགས་ལས་ཀ་བྱས་ནས་སྒལ་པ་ན་དུས་ངས་ཁོང་ལ་སྨན་འབྱུག་རོགས་བྱེད་ཀྱི་ཡོད། ངའི་པ་ལགས་དང་ཨ་མ་ལགས་གཉིས་ལས་ཀ་བྱེད་དུས་ངས་ཇ་བཟོས་ནས་འཁྱེར་གྱི་ཡོད། པ་ལགས་དང་ཨ་མ་ལགས་ལས་ཀ་བྱས་ནས་ནང་ལ་སླེབ་དུས་ངས་ཆུ་ཚ་པོ་བཟོས་ནས་འཇོག་གི་ཡོད། ཆུ་ཚ་པོ་དེ་པ་ལགས་དང་ཨ་མ་ལགས་གཉིས་ཀྱིས་རྐང་ལག་འཁྲུད་ཀྱི་རེད། ང་ཁ་ལག་བཟས་ནས་ཡི་གེ་སྦྱོང་གི་ཡོད། ངའི་ཨ་མ་དང་པ་ལགས་གཉིས་ཀྱིས་ང་ལ་བསླབ་བྱ་མང་པོ་རྒྱག་གི་ཡོད། དེ་ནི་མི་གཞན་ལ་རོགས་པ་བྱེད་དགོས། སེམས་པ་བཟང་པོ་བྱེད་དགོས། ཁྱེད་ཀྱི་རོགས་པ་དེ་ཚོ་ཡི་གེ་མ་ཤེས་ན་སློབ་དགོས། འོན་ཀྱང་ཡིག་ཚད་སྐབས་སུ་མ་བསླབ་ཨང་། སློབ་གྲྭ་ལ་དཀའ་ངལ་འཕྲད་ན་རྒན་ལགས་ལ་ཞུ་དགོས། རྒན་ལགས་ལ་ཚིག་རྩུབ་མ་བཤད། མི་རྒན་པ་ལ་གུས་ཞབས་བྱེད་དགོས། སློབ་སྦྱོང་ཡག་པོ་བྱེད་དགོས་ཞེས་བསླབ་བྱ་རྒྱག་གི་རེད།
སྔོན་མ་ང་རང་སློབ་གྲྭ་ཐག་རིང་པོ་ཞིག་ལ་སྐྱེལ་དུས་ངའི་མིག་ནས་མིག་ཆུ་རང་དབང་མེད་པ་ཤོར་གྱི་འདུག ངའི་ཕ་མ་གཉིས་ཀྱིས་ང་ཆེན་པོ་ཆགས་དུས་མི་སེམས་པ་བཟང་པོ་དང། མི་ཆེན་པོ་ཞིག་ཆགས་ཤོག་ཅེས་ལབ་པ་དང། ངའི་སེམས་ནང་མི་ཆེན་པོ་དང་སེམས་པ་བཟང་པོ་བྱ་རྒྱུའི་དམིགས་ཡུལ་བཟུང་ཡོད། སློབ་གྲྭ་ཐག་རིང་པོ་ལ་ཡོད་དུས་ང་ལ་ནང་ནས་ཕ་མ་གཉིས་ཀྱིས་དངུལ་མང་པོ་སྐུར་གྱི་ཡོད། ངས་ཀྱང་དངུལ་དེ་བེད་སྤྱོད་ཡག་པོ་གཏོང་གི་ཡོད་པ་མ་ཟད་སློབ་སྦྱོང་ཡང་ཡག་པོ་བྱེད་ཀྱི་ཡོད་པ་དང་ཆབས་ཅིག་ངས་ཕ་མའི་རེ་བ་དེ་སྒྲུབ་ཐུབ་པ་བྱེད་ཀྱི་ཡིན། ང་པ་ལགས་དང་ཨ་མ་ལགས་གཉིས་ལ་སྙིང་ནས་ཐུགས་རྗེ་ཆེ་ཞུ་རྒྱུ་དང་། ངའི་བྱམས་བརྩེ་དང་བཀའ་དྲིན་ཆེ་བའི་ཕ་མ་གཉིས་ནད་མེད་ཚེ་རིང་དང། མི་ཚེ་སྐྱིད་པོ་ཡོང་བར་སེམས་གཏིང་ནས་སྨོན་ལམ་རྒྱག་གི་ཡོད།
ད་བར་དཔྱད་མཆན་མེད།