ཡང་བསྐྱར་སྒྲོལ་མ། འཛིན་གྲྭ་དགུ་པ།
མེས་དབོན་གཙུག་ལག་དཔེ་སྟོན་སློབ་གྲྭ།
ཁྱེད་ཀྱི་བཀའ་དྲིན་འོད་ཟེར་ཆེན་མོ་ཡི་འོག་ནས།། ཤེས་ཡོན་སྦྱོང་རྒྱུའི་གོ་སྐབས་བཟང་པོ་ཞིག་ཐོབ་སོང་།།
ཐུགས་རྗེ་བཀའ་དྲིན་ཡིད་སེམས་གཏིང་རིམ་དུ་བཅངས་ཏེ།། གུས་མོས་ཁྱེད་ལ་བསྟོད་པའི་ཚིགས་བཅད་འདི་འབུལ་ལོ།།
ཕྱི་ལོ་གཅིག་སྟོང་དགུ་བརྒྱ་སོ་ལྔ་ཡི་ནང་དུ།། སྐྱིད་པའི་ཨ་མདོ་སྟག་མཚེར་ཡུལ་ལྗོངས་སུ་འཁྲུངས་པའི།།
ས་ཡ་དྲུག་གི་བོད་མིའི་དཀའ་སྡུག་དེ་སེལ་མཁན།། ཏཱ་ལའི་བླ་མ་སྐུ་ཕྲེང་བཅུ་བཞི་ཡི་བཀའ་དྲིན།།
ཆུང་དུས་ལྷ་མོ་དོན་གྲུབ་ལོ་བཞི་ཡི་སྐབས་སུ།། ཕ་ཡུལ་སྟག་མཚེར་བཞག་ནས་ལྷ་ས་རུ་ཕེབས་སོང་།།
པོ་ཏཱ་ལ་རུ་གསེར་ཁྲི་མངའ་གསོལ་དེ་ཞུ་སྐབས།། ཁོང་གི་མཚན་ལ་བསྟན་འཛིན་རྒྱ་མཚོ་ཞེས་འབོད་སོང་།།
ལོ་ངོ་བཅུ་དྲུག་ཟིན་པའི་ན་ཚོད་ཀྱི་དུས་ན།། ཆོས་སྲིད་གཉིས་ཀྱི་ཐུགས་འགན་ཆེན་པོ་དེ་བཞེས་སོང་།།
བོད་འབངས་ཡོངས་ཀྱི་བདེ་སྡུག་སེལ་མཁན་གྱི་མི་སྣ།། ༸སྐྱབས་མགོན་རྒྱལ་དབང་ཡིད་བཞིན་ནོར་བུ་ཁོང་ཡིན་ནོ།།
ཁོང་ཉིད་དགུང་ལོ་ཉི་ཤུ་རྩ་བཞི་ལ་སོན་སྐབས།། ལྷ་རམས་པ་ཡི་དམ་བཅའ་ཆེན་པོ་དེ་བཞག་སོང་།།
མཁས་པའི་མཚན་རྟགས་བཞེས་པའི་མཛད་རྗེས་ཀྱི་དུས་ཡིན།། ཁྱད་དུ་འཕགས་པ་ཆེན་པོ་ཆགས་པ་ཡི་དུས་བཟང་།།
ལྷ་རམས་དམ་བཅའ་ཕུལ་བའི་ལོ་ངོ་ཡི་ནང་དུ།། ༸གོང་ས་༸སྐྱབས་མགོན་ཆེན་པོ་དགུང་ལོ་དེ་ཆུང་ཡང་།།
གཅིག་སྟོང་དགུ་བརྒྱ་ལྔ་དགུའི་སྡུག་བསྔལ་དེ་བསལ་ཆེད།། ༸སྐྱབས་མགོན་མཆོག་གིས་དཀའ་བའི་སྡུག་བསྔལ་དེ་བཞེས་སོང་།།
བཙལ་བྱོལ་ཕེབས་པའི་ཉིན་མ་དང་པོ་ནས་བཟུང་སྟེ།། བོད་མི་ཡོངས་རྫོགས་གནས་ས་གཞི་ཆགས་དག་བཙུགས་ཡོད།།
སྐད་དང་རིག་གཞུང་ཆེད་དུ་སློབ་གྲྭ་དེ་བཙུགས་ནས།། བོད་འབངས་ཡོངས་རྫོགས་ཤེས་ཡོན་ལྡན་པ་ཞིག་བཟོས་སོང་།།
རྒྱ་གར་ཡུལ་ལ་བྱོན་ནས་བཀའ་སློབ་དང་གསུང་ཆོས།། སེམས་པ་བཟང་པོ་དགེ་བའི་བྱ་བ་དག་བརྩམས་དགོས།།
བཀའ་སློབ་བཟང་པོ་གསུངས་པའི་བག་ཆགས་ཀྱི་འོག་ནས།། མི་རིགས་གཞན་ཚོའི་ཡིད་སེམས་དེ་མུར་བཀུག་སོང་།།
ཡུལ་ལུང་མང་པོ་བསྐོར་བའི་གོ་སྐབས་དེ་བཟུང་ནས།། གླིང་འདི་ཞི་བདེ་བདེ་སྐྱིད་ལྡན་པ་ཞིག་བཟོས་སོང་།།
ཡིད་ལ་འཐད་པའི་བཀའ་སློབ་གསུངས་པ་ཡི་དྲིན་ལས།། གླིང་ཆེན་འདི་ཡི་ཞི་བདེ་དེད་དཔོན་ལ་བཀོད་སོང་།།
ཆིག་སྟོང་དགུ་བརྒྱ་བརྒྱད་ཅུ་གྱ་དགུ་ཡི་ལོ་ལ།། ཕྱི་ཟླ་བཅུ་གཉིས་ཚེས་པ་བཅུ་པ་ཡི་ཉིན་ལ།།
༸གོང་ས་ཐམས་ཅད་མཁྱེན་པའི་མཛད་རྗེས་ཀྱི་དྲིན་ལས།། འཛམ་གླིང་ནོ་སྦེལ་ཞི་བདེ་གཟེངས་རྟགས་དེ་ཐོབ་བྱུང་།།
༸སྐྱབས་མགོན་ཁྱེད་ཀྱི་རླབས་ཆེན་མཛད་པ་ལ་བརྟེན་ནས།། བོད་ཡུལ་ཁ་བ་གངས་ལྗོངས་སྙན་གྲགས་དེ་རྒྱས་སོང་།།
མགོ་སེར་མི་སྣ་འདྲ་མིན་འབྲེལ་བ་དག་བཞག་ནས།། ཁྱེད་ཀྱིས་བརྩམས་པའི་བཀའ་དྲིན་སེམས་པ་རུ་བཅངས་ཡོད།།
ཁོང་གིས་བོད་མིའི་བདེ་དོན་གཅིག་པོ་རུ་མ་ཟད།། འཕགས་པའི་ཡུལ་དུ་ནང་ཆོས་སླར་གསོ་དེ་གནང་ནས།།
ཁྱེད་ཀྱི་བཀའ་དྲིན་གངས་ལྗོངས་བོད་མི་ཙམ་མིན་པར།། གླིང་འདིའི་ནང་པ་ཡོངས་ཀྱིས་བཀའ་དྲིན་དེ་ཚོར་ཡོད།།
ན་བཟའ་དམར་པོ་མཆོད་ནས་གོ་ལ་འདི་བསྐོར་སོང་།། ཕྱག་གཉིས་ཐལ་མོ་སྦྱར་ནས་ཞི་བདེ་འདི་བསྐྲུན་སོང་།།
ཞལ་རས་འཛུམ་མདངས་འཁྱེར་ནས་ཞི་བདེ་དེ་བསྐྲུན་སོང་།། ༸གོང་ས་༸སྐྱབས་མགོན་མཆོག་ལ་བཀའ་དྲིན་ཆེ་ཞུ་འདོད།།
ད་ལྟ་སྦྱོང་རྒྱུ་བྱུང་བའི་ཤེས་བྱ་དང་ཡོན་ཏན།། ཁ་ནང་ཟ་རྒྱུ་བྱུང་བའི་ཞིམ་པོ་ཡི་ཟ་མ།།
ང་ལ་སྲུང་སྐྱོབ་བྱེད་མཁན་དྲོད་ལྡན་གྱི་ཁང་པ།། ༸སྐྱབས་མགོན་རྒྱལ་དབང་ཁྱེད་ཀྱི་བཀའ་དྲིན་རང་ཡིན་ནོ།།
༸སྐྱབས་མགོན་ཆེན་མོ་དགུང་ལོ་བརྒྱ་དང་ནི་སུམ་ཅུ།། བཞུགས་པར་དད་པའི་སྨོན་ལམ་ཆེན་པོ་ཞིག་འབུལ་ཡོད།།
ཁྱེད་ཀྱིས་བརྩམས་པའི་བྱ་བར་བཀའ་དྲིན་དང་ཡི་རང་།། བརྗེད་ཐབས་མེད་པའི་ང་ཡི་མགོན་སྐྱབས་ཁྱེད་ཡིན་ནོ།།
ད་བར་དཔྱད་མཆན་མེད།