པདྨ་བདེ་སྐྱིད་ཤར་པ། འཛིན་གྲྭ་ལྔ་པ།
རྡོར་གླིང་སཾ་བྷོ་ཊ་གཏན་སློབ།
ངའི་གྲོགས་མོའི་ལ་པདྨ་བདེ་སྐྱིད་ཟེར་གྱི་ཡོད། ངེད་གཉིས་མིང་གཅིག་པ་རེད། ཁོང་ནི་ལོ་བཅུ་གཅིག་རེད། ང་དང་ངའི་གྲོགས་མོ་པདྨ་བདེ་སྐྱིད་ནི་ཆུང་དུས་ནས་འཆམ་པོ་བསྡད་ཀྱི་ཡོད། ངེད་གཉིས་སློབ་གྲྭ་ཡང་གཅིག་པ་རེད། འོན་ཀྱང་ངེད་གཉིས་འཛིན་གྲྭ་ཁ་ཁ་ཡིན། ཁོང་ནི་སློབ་སྦྱོང་ལ་ཡག་པོ་དང་སྤྱོད་པ་ཡང་བཟང་པོ་རེད། ངའི་གྲོགས་མོ་པདྨ་བདེ་སྐྱིད་ནི་སློབ་ཚན་ཚང་མ་ལ་དགའ་བོ་ཡོད་རེད། ཡིན་ནའང་དེའི་ནང་ནས་ཆེས་དགའ་ཤོས་ནི་བོད་ཡིག་རེད་འདུག མོ་རང་བོད་ཡིག་ལ་དགའ་ཤོས་གང་འདྲ་བྱས་ནས་ཆགས་པ་རེད་ཞུས་ན། ལོ་སྔོན་མར་མོ་རང་གིས་བོད་ཡིག་གི་ཐོག་ནས་རྩོམ་ཡིག་ཅིག་བྲིས་པ་དང་། རྩོམ་ཡིག་དེ་ལ་ཤེས་རིག་གིས་ལག་འཁྱེར་དང་རྔན་པ་ཐོབ་འདུག་པས་དེ་བས་ཡིན་གསུངས་སོང་།
སྤྱིར་བཏང་ནས་རྒྱུན་དུ་མོས་ལས་ཀ་ག་རེ་ཡིན་ཡང་ཧུར་པོ་བྱས་ནས་བྱེད་ཀྱི་ཡོད། ཁོང་ཆུང་དུས་ནས་གཞན་ལ་རོགས་པ་གནང་རྒྱུ་ལའང་དགའ་མོས་ཡོད། རྒན་ལགས་ཀྱིས་ཁོང་གི་དགའ་ཕྱོགས་དང་གནང་སྟངས་ལ་གཟིགས་ཞིབ་གནང་སྟེ་རྒན་ལགས་ཀྱིས་ཀྱང་ཁོང་ལ་སེམས་ཐག་ཉེ་བོ་གནང་གི་རེད། ཁོང་གི་ལུང་པ་ནི་ང་དང་གཅིག་མཚུངས་ཀྱི་བལ་ཡུལ་ནས་རེད། བལ་ཡུལ་ནང་གི་ལུང་པའི་མིང་ལ་དྷམ་ཀུ་ཊའི་ཟེར་གྱི་ཡོད། ཁོང་གི་ཨ་མའི་མཚན་ལ་བཀྲ་ཤིས་བཟང་མོ་དང་། ཨ་ཕའི་མཚན་ལ་ཕུར་བུ་རྡོ་རྗེ་ཟེར་གྱི་ཡོད་ཅིང་། ངའི་གྲོགས་མོ་པདྨ་བདེ་སྐྱིད་ནི་ཁོང་གི་ཕ་མ་གཉིས་ལ་ཕྲུ་གུ་གཅིག་ལས་མེད་པའི་ཕྲུ་གུ་དེ་རེད། དེའི་རྐྱེན་གྱིས་མོ་རང་གི་སློབ་སྦྱོང་ཆེད་དུ་ཕ་མ་གཉིས་ལ་དཀའ་ངལ་དེ་འདྲ་ཡོད་ས་མ་རེད། གྲོགས་མོ་མོ་རང་ཆུང་དུས་བལ་ཡུལ་སློབ་གྲྭ་ལ་ཡོད་དུས་ནས་སྡིངས་ཆའི་སྒང་དུ་ཡར་ལངས་ཏེ་སྐད་ཆ་བཤད་རྒྱུ་དང་གཏམ་རྒྱུད་འཁྲབ་རྒྱུ་ལ་ཧ་ཅང་དགའ་མོས་ཡོད་པ་དང་ཞེད་སྣང་མེད་པ་དེ་འདྲ་ཞིག་རེད། ད་ཆ་ཡང་དེ་ལྟར་རེད་འདུག་པས་ངེད་ཚོའི་སློབ་གྲྭའི་བྱེད་སྒོ་གང་འདྲ་ཞིག་ཡོད་ཀྱང་མོ་རང་དེར་མཉམ་ཞུགས་གནང་གི་རེད། མོ་རང་གཞས་འཁྲབ་སྟངས་ཧ་ཅང་ཡག་པོ་ཡོད་པས། ངས་བར་སེང་སྐབས་སུ་མོ་རང་གིས་གཞས་འཁྲབ་སྟངས་ལ་བལྟས་ནས་གཞས་སྦྱོང་གི་ཡོད།
འདི་ལོའི་ཕྱི་ཟླ་གསུམ་པའི་ནང་རྒན་ལགས་ཀྱིས་ཤོག་གུ་གསུམ་ཅན་ཞིག་ཁྱེར་ཡོང་ནས་ང་ཚོའི་འཛིན་ཁང་གི་སྦྱར་པང་ངོས་སུ་སྦྱར་སོང་། དེ་དང་མཉམ་དུ་རྒན་ལགས་ཀྱིས་ད་ལོ་ཤེས་རིག་གིས་རྩོམ་འབྲི་དགོས་པའི་ལམ་སྟོན་ཞིག་སླེབས་འདུག་པས་ཁྱེད་རང་ཚོས་རྩོམ་ཡིག་འབྲི་དགོས་རེད་གསུངས་བྱུང་། དེ་ནས་ང་ཚོ་ཚང་མ་ཡར་ལངས་ཏེ་གསལ་བསྒྲགས་ཀྱི་ཡི་གེ་དེ་བཀླགས་པ་ཡིན། དེ་རྗེས་ལ་རྒན་ལགས་ཀྱིས་ང་ཚོ་ལ་གང་འདྲ་བྱས་ནས་རྩོམ་ཡིག་འབྲི་དགོས་པའི་ལམ་སྟོན་གནང་བྱུང་། ནམ་རྒྱུན་ང་ཚོ་ལ་རྒན་ལགས་ཀྱིས་ཚིགས་བཅད་ཀྱི་རྩོམ་ཡིག་འབྲི་སྟངས་སློབ་གནང་གི་རེད། ཡིན་ན་ཡང་ད་ལོ་ཚིག་ལྷུག་གི་རྩོམ་ཡིག་འབྲི་དགོས་རེད་ལབ་ནས་ཚིག་ལྷུག་འབྲི་སྟངས་བསླབས་སོང་། དེ་ནས་ང་ཚོོས་ཟླ་བ་གཉིས་ཀྱི་རིང་ཚིག་ལྷུག་གི་རྩོམ་ཡིག་འབྲི་སྟངས་སྦྱོང་པ་ཡིན།
ཉིན་ཞིག་རྒན་ལགས་ཀྱིས། ད་ལོ་ལྷུག་རྩོམ་འབྲི་སྟངས་གང་སྦྱངས་པ་དེ་ལས་གང་འདྲ་ཤེས་ཡོད་མེད་ལྟ་རྒྱུ་ཡིན། ཁྱེད་རང་ཚོས་ལྷུག་རྩོམ་ཤོག་གུ་ལྔ་ལས་མ་ཉུང་བར་བྲིས་ཤོག བརྗོད་གཞི་རང་མོས་རེད། རྩོམ་ཡིག་ཡག་ཤོས་དེ་དག་ད་ལོ་ཤེས་རིག་ལས་ཁུངས་ཀྱིས་ལམ་སྟོན་སླེབས་པའི་རྩོམ་ཡིག་གི་གྲས་སུ་སྐུར་རྒྱུ་ཡིན་གསུངས་བྱུང་། དེ་ནས་ང་ཚོ་ཚང་མ་སེམས་པ་དགའ་ནས་ཧུར་ཐག་གིས་རང་རྩོམ་རེ་བྲིས་ཏེ་ཉིན་གཉིས་ཀྱི་རྗེས་སུ་རྒན་ལགས་ལ་ཕུལ་བ་ཡིན། ང་རང་རྩོམ་ཡིག་འབྲི་དུས་ངའི་གྲོགས་མོ་པདྨ་བདེ་སྐྱིད་ལ་སྐད་ཆ་འདྲི་ནས་བྲིས་ཀྱི་ཡོད། མཚམས་རེར་ཁོང་གིས་ང་ལ་བཀའ་བཀྱོན་ཡང་གཏོང་གི་རེད། ཡིན་ན་ཡང་ཁོང་གིས་ང་ལ་བཀའ་བཀྱོན་གཏོང་དུས་ང་རང་རླུང་ལང་གི་མི་འདུག ཁོང་གིས་ང་རང་ཡག་པོ་ཆགས་པའི་ཆེད་དུ་གསུང་གི་ཡོད་པ་ངས་ཤེས་ཀྱི་ཡོད། ཉི་མ་ཁ་ཤས་ཀྱི་རྗེས་སུ་རྒན་ལགས་ཀྱིས་ཁྱེད་རང་ཚོའི་རྩོམ་ཡིག་ཚང་མ་བཀླགས་པ་ཡིན། མང་ཆེ་བ་ཡག་པོ་བྲིས་འདུག་ངས་གང་མང་ཞིག་ཡར་ཤེས་རིག་ལས་ཁུངས་ལ་སྐུར་གྱི་ཡིན་གསུངས་བྱུང་། དེ་དུས་ང་ཚོ་ཚང་མ་སེམས་པ་དགའ་ནས་ལག་པ་བརྡབས་བསྡད་པ་ཡིན། རྒན་ལགས་ཀྱིས་ཁྱེད་རང་ཚོ་སུའི་རྩོམ་ཡིག་ལ་ལག་འཁྱེར་ཐོབ་སོང་ན་དེ་དག་འཆམ་འཆམ་འཁྲིད་ཀྱི་ཡིན་གསུངས་ནས་ཕེབས་སོང་།
དེ་ནས་བདུན་ཕྲག་ཁ་ཤས་ཀྱི་རྗེས་སུ་རྒན་ལགས་ཀྱིས་རྩོམ་ཡིག་གི་ལག་འཁྱེར་དང་རྔན་པ་སུ་ལ་ཐོབ་ཡོད་མེད་གསལ་བསྒྲགས་གནང་སོང་། ངའི་གྲོགས་མོ་པདྨ་བདེ་སྐྱིད་ལ་རྔན་པ་ཐོབ་འདུག་པས་ང་རང་སེམས་པ་ཧ་ཅང་དགའ་སོང་། ངས་ཁོང་ལ་དགའ་བསུ་ཡི་བཀྲ་ཤིས་བདེ་ལེགས་ཞུས་ཏེ་འཐམས་པ་ཡིན། རྒན་ལགས་ཀྱིས་ད་རེས་ཁྱེད་རང་ཚོ་མི་གཅིག་གིས་རྩོམ་ཡིག་ཡག་པོ་བྲིས་ཡོད་ས་རེད། རྗེས་མ་ལ་ཁྱེད་རང་ཚོ་ཚང་མས་ཡག་པོ་འབྲི་ཐུབ་པ་གནང་རྒྱུ་དེ་གལ་ཆེན་པོ་རེད་གསུངས་ནས་ང་ཚོ་ཚང་མ་ལ་བྱི་རིལ་རེ་རྔན་པ་གནང་སོང་། ད་ཐེངས་གུས་མོ་ང་རང་གིས་རྩོམ་འདི་འདྲ་ཞིག་ལས་འབྲི་ཤེས་མ་སོང་། རྗེས་མ་མུ་མཐུད་ནས་ཡར་རྒྱས་གཏོང་རྒྱུ་ཡིན། ངའི་རྩོམ་ཡིག་འདི་ཁ་ལས་རླུང་རྟ་དར་བར་ཤོག་ཅེས་སྨོན་ལམ་འདེབས་རྒྱུ་ཡིན། བཀྲ་ཤིས་པར་ཤོག །
ད་བར་དཔྱད་མཆན་མེད།